Ads by Google X

القائمة الرئيسية

الصفحات

رواية حور عيني الفصل الثالث عشر والرابع عشر


 رواية حور عيني 

الفصل الثالث عشر ❤

والرابع عشر

بقلم رحمة ايمن


وبعدها تميم جالو تلفون وسبنا لوحدنا!  لاء بالله عليك خد!  متسبنيش هنا لوحدي معاها ! 


ريما: اسمك اي 

= حور

ريما:  تعرفي اسمك جميل اوي بس انا اسمي احلي عشان تميم بناديني بي ديما 

= يعني اسمك مش ريما؟ 







ريما:  لاء اسمي ريم بس هو بقولي ريما ولما يحب حد بقولو اسم 






يشبه عشان يكون لي هو بس،  هو قلي كده وبعدها كُلهم قلدو وبقي اسمي ريماا من وقتها. 







ابتسمت وانا ببص في الارض وبقول يعني انا غاليه عنده،  يعني اسمي مميز بنسبه لي.... 


ريما:  ممكن اطلب منك حاجه؟ 

= اكيد 


حطت ايديها علي ركبتها وهي ببتسم بهدوء بشعرها الحرير اللاسمر زي سواد الليل وجمال عينيها وتقل رموشها،  ما شاء الله عليها بجد 


ريما:  ممكن تبقي تيجو وتقعدو معايا شويه بين فتره وفتره لانه بوحشني ومبجيش كتير وانا بزهق لوحدي هنا ها ممكن؟ 

ضحكت علي برئتها ورديت عليها: 

=اكيد هقولو والِح عليه واذن فوق راسه ونيجي علطول تمام 

ريما بفرحه:  تعرفي انتي شبه فرح انا حبيتك اوي،  ممكن نكون صحاب؟ 





= ده من غير ما تقولي اصلا،  اكيد هنكون صحاب 

ريما: عايزه اقلك حاجه كمان

= قولي يا ستي 

ريما: انا اكبر واحده في الملجأ هنا، وعشان كده كلو بقولي وبحكيلي  وبقف جنبهم لكن تميم وفرح وكريم ديما لما يجو بسمعوني وبحبوني اوي وبجبولي هدايه حلوه اوي وانا بفرح بوجودهم وديما لما سال كريم عنه بقولي ديما لوحده وانه حجر طالع منه بني ادم ههه وقاسي لكن هو مش كده هو عايز يبين كده 

عايزه يكون زي يلقي حد يتكلم معاه ويحيكلو زي ما انا...  بصي يعني حد يتكلم معاه ويحيكلو الي مديقو 

هو لما بحب حد بحكيلو وهو.. بصي انا مش عرفه اقلها بطريقه كبيره او مفهومه بس عايزه اوصلك انه عايز حد وفي نفس الوقت بقول انه مش عايز بس هو عايز فهمه قصدي 







ضحكت من اسلوبها،  انها نفسها توصلي اني اقف جنبه واسمعه وانه محتاج شخص في حياته يسمعو بس مبقلش وبعدها بصيت ليها بمتنان وجمال طيبه قلبها ونزلت ليها ومسكت ايديها بحب


= انا فهمه كل حاجه بتقوليها وعرفه انه مش قاسي كده وانه محتاج حد جنبه وانا اكيد هقف جنبه تمام كده 

ريما: "بمسك يدها ايضا"  توعديني 

= اوعدك

ريما: شكلك هتعجبيني وهرضي عن الجوازه دي 

= ههه انتي مشكله والله،  يا لميضه 

ريما:  ههه وانتي جميله 

= طيب قوليلي بقي،  قولتيلي اني اقف جنبه لي 

ريما:  تعالي قربي شويه عشان محدش يسمع 

="بستغراب" امم اهو يا ستي 

ريما:  عشان انتي هتموتي عليه وواقعه 

= اناااا! 

ريما:  اااه هههه 

= "بضحك"  بقي كده طيب تعالي بقي! 







زغزتها بمرح فضحكت وما احلي إبتسمتها.. 

معقول معاها حق،  باين عليه اني بحبه؟! 


ريما: تعرفي اي كمان

= اي كمان يا مصيبه 

ريما:  انه انقذني 

=؟؟ 

ريما: حجه نور قلتلي انه عملت حادثه مع ماما وبابا وهما ماتوا وكنت هموت انا كمان فعمل كل حاجه عشان ينقذني وروحت مستشفي كبيره وعملت عمليه كبيره قد كده وفي الاخر قدرت اعيش وبقيت قاعده علي كرسي ده بس متخيله! 

باكل وتنفس وبتكلم كويس ههه انا مبسوطه اوي! 

= ههه 

ريما: تميم قلي اني لما اتعب وزعل افكر في الحاجات الحلوه الي عندي عشان مزعلش قلي اي...  امم ايوا النعم الي عندي! 






وانه لما يجي الليل او ازعل ويوحشوني ابص لنجوم والمع اتنين في السماء هما دول ماما وبابا،  علمني حاجات كتير اوي وعشان كده لازم اقدم له حاجه كمان واشوفه فرحان زي ما هو بخليني فرحانه بس كده 


مسحت دموعي وفرحتي بتفكرها وتقبلها لكل حاجه في حياتها وفرحتي بي وبحنيه قلبه وقد اي هو قمر،  هو ده تميم فعلا الي بتكلم عنه!  

بعدها بوست جبنها بفخر وانا بقلها بحُب: 








= انتي جميله اوي يا ريما 

ريما:  وانتي قمر وربنا 

= ههه 


بعدها جيه فقومت من قدومها ووقفت جنبها.. 

ريما:  ما بدري يا استاذ 

_ اعمل اي مكالمه شغل،  حقك عليا 

ريما:  متقلقش هي سدت مكانك وزياده 

_ والله،  بقي عندك صديقه كمان يعني 

ريما:  ده غصب عنك وعنها اصلا مش كفايه اني وفقت علي الجوازه دي بس الصراحه هي فورتيكا 

_ ههه فورتيكا كمان !  منك لله يا كريم 


ضحكت علي طريقتها المرحه والجر"يئه في كلمها معاه وبعدها نزل ليها كده وسند دراعه علي كرسي بتاعها 

_ مش قلنا منقعدش مع كريم ونقلدو في الكلام 

ريما:  علي الاقل قبل يوم فرحه جيه هو وفرح عشان يقعدو معايا وانت مجتش ول سالت حتي عليا 







_ والله كنت مشغول الفتره الاخيره،  اعمل اي طيب؟  

ريما: انا ول الشغل؟ 

_ عيب تقولي كده،  الشغل طبعا 

ريما:  ههه رخم 

_ هه تعالي نشوف هديتك سوي عشان شويه وهمشي 


وشها قلب وعيونها نزلت دموع ومسكت ايده بحزن ولهفه كده، كأنه باباها الي هيخرج ويسبها لوحدها هنا، ول هو الي قلبه عليها ومحرج اوي من نظرتها وانه هيمشي ويسبها 

اي العلاقه القمر دي بجد! 

 

ريما: تميم! 

_ يا حبيبي هاجي علطول والله ومش هتاخر عليكي تاني وعد 

ريما: "بتحريك راسها بسلب " لاء مش هسيبك تمشي بسرعه كده 

_""بتوتر " طيب هو... 


حرك ايده علي شعره وقرب ليها وقلها حاجه في ودنها فضحكت ومسحت دموعها،  قلها اي؟  لاء بجد قلها اي؟ 

ريما:  ههه خلاص انا موافقه بدال كده بس تعالي تاني علطول فاهم

_ منقدرش اطول علي العيون القمر ده 

ريما بمرح ومد يدها : جيب هديتي بقي عشان تكون ثبتني بجد 

_ ثبتني!  اه يني عليكي انتي وتلفون الي كريم بوظك بيه ده،  تعالي يا اخره صبري 






قالي دقيقه ومسك الكرسي وتحركو علي العربيه وانا هموت واعرف قلها اي،  علفكره دي مش اخلا"ق رجا"له فعلا. 


_ هتوحشيني قد العالم 

ريما بهمس: وانت كمان اوي بس دقيقه ابقي قولي الي هيحصل لما تيجي تاني تمام 

_"بغمزه " ده اكيد ههه 

ريما:  ههه خدي بالك من نفسك يا حلوه،  ول حور 

= وانتي يا روحي خدي بالك من نفسك 

_ حوريه انا هسبقك ارد علي المكالمه دي 

= تمام 


اتحرك فلقتها بتبصلي وبتضحك بغمزه قمر تشبها 

ريما:  حوريه ها؟ 

="بإحراج "هههه 

ريما:  علي اتفقنا 

= ماشي يا ستي 

ريما:  باي 

= باااي 


سلمنا علي الباقي وماما نوره ومشينا،  كنت ببص لي وانا مش عرفه اقلو اي؟  اشكره،  ول اسأله،  ول حتي اح ضنه علي اليوم الجميل ده.. 


_ احم خليكي هنا،  هروح اجيب حاجه واجي 

= تمام 


وقفنا قدام مطعم فراخ وبعدها جاب كيستين ونولهم ليا من الشباك ولف الناحيه التانيه ومشينا... 


= اي ده؟ 

_ اي؟ 










الفصل الرابع عشر ❤


= اي ده؟ 

 ‏_ اي؟ 

 ‏= أفتحها؟ 

 ‏_ امم 

 ‏="بفرحه " اللله! المثلث! 

 ‏_ ههه اسمه كريب يا حوريه 

 ‏= "بإمتنان"  ايوه هو ده،  شكرا 

 ‏_ العفو 

اتحرك بالعربيه وانا ببصله بكل حب، لسه فاكر اني كنت عايزه! بجد فرحت اوي و لساني منطقش بس عيوني فضحتني،  تركيزي معاه شده لعيني فبصلي بستغراب ولاول مره منزلش عيني بتوتر واخترق عينه بكل جرئه،  نزلي عينك يحور!  نزلي عينك بقلك! 

ثانيه هو وقف العربيه لي!


= احم هو... 

_ شش متكلميش 

=... 


بصيت للارض بإحراج،  هيقولي اي؟  وقف العربيه لي؟  هو لي انسان غريب كده،  اشد في شعري طيب. 


_ انا عامل حسابي في الاكل علي فكره! 

=؟؟؟ 

_ ههه جيبي كيسه يا حوريه 

= ااه انا اسفه اتفضل ههه 


فتح قزاز العربيه كلو وسقفها من فوق كمان، وسند علي الكرسي وبدأ ياكل واكتشفت اننا في مكان فاضي ولذيذ جنب حديد ومايه

ونجوم وهواء ومفيش جمال بعد كده... 

فاطمن وبدات اكل زيه من غير كلام 

لعند ما كسر الصمت بصوته القمر: 

_ "بتحدث اثناء الاكل"  اي رئيك في ريما 

= رائي اي؟  دي فظيعه!

_ ههه هي متعوده عليا ب زياده 

= علي فكره هي بتحبك اوي 

_ عارف 


كنت هسال بس سكت فاخد باله واخد منديل ونظف ايده وهو ببصلي وبتكلم بفضول عكسه تماما.. 

_ عايزه تسالي اي،  ليكي مطلق الحريه تسالي الي انتي عايزه انهارده 

= اي حاجه اي حاجه؟ 

_ اي حاجه 

= انت عرفتني علي حاجه خاصه بيك اوي كده لي؟ 

_  امم جايز لانك بقيتي خاصه ومميزه عندي. 


كنت قاعده باكل وانا بسمع الاجابة بمنتهى الهدوء 

فلقيت قلبي اتخض كده!  ووشي حمر وقلبت بطه بلدي واحم الاكل واقف في زوري..  مايه جيبولي مايه! 


" يفتح العلبه الغازيه بقلق ويعطيها لها "


_ نسيت اجيب مايه،  شوفي البيبسي هينفع ول الف اجيب بسرعه 

="بإحمرار" لاء لاء تمام 

_ ههه

= متضحكش 

_ خلاص 


وقفنا كلام شويه ف فتح علبه الكنز التانيه وقال ببتسامه مرحه،  جزابه،  حلوه تشبه 

_ عايز تعرفي حكايه الملجأ ده اي 


حركت راسي ب لاء وبعدها ب أه،  فضحك وقلبي ضحك معاه 

انا بدوب في ضحكته وهذا غير لائق وربنا. 


_اقولك ول لاء 

= قول قول 


_ وانا عندي 6 سنين اهلي ماتوا في حادثه ولانه محدش رضي يتكفل بيا وقتها واحد من عائلتي سجلني في الملجأ ده 

كنت لسه طفل بس مُدرك لكل حاجه،  دخلت في حاله إكتئاب  فتره طويله لاني خسرت اب وام واخت اكبر مني بسنتين ودعتني بكل حب قبل ما تروح المدرسه يومها ولانه الداده معايا مكنوش قلقنين من حاجه وهيرحوا ويرجعو علطول...  بس مرجعوش. 

وبعد ما نتأقلم علي الوضع بنروح مكان تاني تبع إداره الملجا ده نظرا للاطفال الجديده الي هتيجي 

ولما روحت هناك كنت ديما قاعد لوحدي ف... 

flash back 

فرح:  احم احم

_..... 

فرح:  اسمي فرح وانت؟ 

_..... 

فرح:  يا عم رد علينا مش عشانك حلو يعني 

_ عايزه اي 

فرح:  عايز اعرف قاعد لوحدك ديما لي 

_ وانتي مالك؟ 

فرح:  لاء شغل قصف الجبهات ده مش هينفع معايا انا مش هسيبك في حالك غير لما تفك وتفرفش معانا كده 

_ لاء انتي مجنونه فعلا! 

كريم:  اي يسطي بدور عليكي من زمان 

فرح:  كريم تعالي شوف الكائن الغريب ده 

كريم: لاء سيبك من تميم خالص ده عايش في كوكب الزهره. 

 فرح بتريقه:  ما انا بقول شبه الفضائين لي 

 ‏_ لما تخلصو خفه واستظراف ابقو غورو من قدامي 

 ‏فرح:  اووه ده باين مش هيجبها ل بر يا كيموو،  يلا 

 ‏كريم:  شكلها كده يلا 

 ‏_ "بقلق"  بتعملو اي..  لو حد قرب مني هندموا و...

 ‏ يا ولاد... ههههه بس! 

 ‏back 

ههه ‏جريوا ورايه الملجأ كلو وكان اول مره اتكلم واهزر مع حد من يوم ما روحت هناك،  اترمينا علي الرمله وقتها واحنا بننهج ولما هدينا حكينا لبعض الي حصل معانا والظروف الي جبتنا هنا 

 ‏وبقينا صحاب جدا ووعدنا بعض اننا ندخل ثانوي ونجيب مجموع كبير ونفتح شركه خاصه بينا وقدرنا نعمل كده وقدرنا نتكفل ونساعد عشان الميتم يستمر ل دلوقتي الحمد لله. 


= واضح انك مريت بحاجات كتير صعبه "ببتسامه مرهقه ونظر للارض"  واكتر مني كمان. 


وقتها سند راسه اكتر وهو ببص ليا وقال بحنيه.. 

_ وانتي بقي؟ 

= امم جايز تكون حكايتي فيها من سندريلا شويه،  ماما توفت وانا عندي 12 سنه وتاثرت جدا بيها ولانه بابا حاول يملى النقص ده وانه ديما مشغول قالي بعدها بسنهذ انه هيتجوز وتجوز طنط مرفت وكانت بنتها الي هي اسراء قدي في سن كنت بعتقد انها هتحبني وهتحتويني ونكون انا واسراء قريبين لكن حصل العكس،  كان بابا يمشي من هنا وهي تقلب 180 درجه وتبهدلني وتضربني واقول لبابا يكدبني واكون ديما في نظره اني مبقدرش ول بكون ممتنه لاي حاجه بتعملها معايا وعشت في صر"اع كبير لعند ما توفي واخدت طنط مرفت مكانه في الشغل وترقت و معاشه كمان وبقت كل حاجه واضحه وظاهره علي حقيقتها 

منعتني من الدراسه 

منعتني من الخروج 

منعتني حتي من الراحه 

مكنتش بقدر اتنفس او ادايق او اتكلم،  كنت بسكت وانفذ وبس. 

مكنش حد فاهم الي بيحصل لما يتقفل علينا الباب وكم الز"ل والتعب الي بعيشه وقتها.. بس ربنا اعطني طاقه و قدرت اكمل. 


كان بسمعني من غير اي كلمه،  كان بسمعني بعيون مليانه اهتمام وهدوء،  ووقتها مكنتش اعرف افرح لانه لقيت حد يسمعني من زمان اوي ول اخاف اتعلق بيه وبوجوده ديما جنبي بشكل ده.. 

وبعدها سكتنا شويه و لقيت ايده ب تتمد اقصادي.. 


=؟؟ 

_ نتفق نكون صحاب ولما حد يحتاح يتكلم يقول ، قولتي اي 

=.... 

_ انا ايدي بتوجعني ولو شلتها ه... 

="بإمتنان ومسكها بفرحه " اكيد اتفقنا 

_" ينظر لها ببتسامه ويبدا تحرك بسياره"

= اه كنت عايز اسالك حاجه كمان 

_؟؟ 

= انت شفتني امتي يوم ما جيت وطلبت ايدي رغم اني مشفتكش ابدا ومبخرجش كتير ؟ 

_ احم الوقت أتاخر لازم نتحرك دلوقتي. 


دلوقتي اتاخرنا يعني؟  مش انت قلت اني مسموح ليا اسال اي حاجه انهارده؟ كداب! كداب و قمر كمان 

"ببتسامه" طلع مش وَحش زي ما انا كنت فكره،  شكل هقع اي ده وقعت طيب تمام اوي. 

 ‏ ‏______________


اسراء:  ماما فين العشاء 

مرفت:  الاكل في المطبخ،  اعملي وكُلي 

اسراء:  ي ماما سيبك من التلفون ده وتعالي اعمليلي اكل 

مرفت: اسراء انا مبعملش اكل غير مره اطلبي ديلفري 

اسراء: اووف فينك يا حور، انتي غبيه اه بس بتعملي اكل حلو 

مرفت: قصدك اي يا بنت 

اسراء:  مش معايا حق 

مرفت:  امم هي كانت غبيه فعلا بس نفعنا كتير،  بس متقلقيش بكره نرجعها 

اسراء:  بجد يا ماما!  هترجع وتميم هيكون ليا تاني؟ 

مرفت:  تميم ديما ليكي يا ماما متقلقيش 

اسراء:  علي كده هعمل حسابك في الاكل،  تطلبي اي؟ 

...................

 ‏

 ‏= " ببتسامه "طيب انا هدخل انام بقي

 ‏ ‏_ متنميش هنا وجيبي هدومك، انتي هتنامي معايا من انهارده 

 ‏= نعم!  بس... 

 ‏_  انا مبخدش رئيك انا بأمرك بكده،  هسبقك 

 ‏=؟! 


هو عنده انفصام في الشخصيه؟  هل هو عنده انفصام في الشخصيه!  اي الدماغ دي طاا ... 


في الغرفه.. 

_" بنعاس " صوت قلبك اعلي حاجه في الاوضه مش عارف انام! 

="بتوتر" والله محدش قلك تقولي اغير مكاني كده فجأه 

_ "برخامه"  يعني عايزه تفهميني انه كل التوتر ده عشان غيرتي مكانك برضه!! 

= احم يعني عايز اي يعني 

_ ههه  لاء ول حاجه 

=" انسان بارد صحيح "

_ متقلقيش مش ه‍ لمسك 

= انا اصلا مش قلق...  نعم! 

_ ههه اه والله مليش مزاج ف نامي وانتِ مطمنه 

= ونبي انزل اوضتي ونبي! 

_"بنبره جاده " حورييه اتخمدي بهدوء 

= حاضر هزفت


هو صريح زياده عن الازم ول دي طبيعه قذره فيه،  طيب انا هنام ازاي دلوقتي 

اروح اجيب سك"ينه طيب؟ 

بعدها بحوالي ٣ ساعات كده الفجر اذن فقمت من جنبه ورحت صليت وبعدها نمت جنبه تاني،  هو انا هنام جنبه كتير بجد!  مش عارفه انااام طيب، اصوت.. 


بعد ثلاث ايام.. 

_ متخترعيش اكل تاني معجبنيش 

= يسلام مكلتش طبقين ول حاجه كده؟ 

_ لاء هو عشان جعان بس 

= عمرك ما فتحت نفسي علي اكل بعمله ابدا 

_ عشان مبتعرفيش تعملي اكل 

= " يلاه هخبطك بحاجه علي دماغك والله "

طيب ابعد كده اقوم عشان انظف، صحابك جاين العصر 

_ ارن عليهم ميجوش 

= بجد ونبي يا هاني! 

_ هاني!  واضح انك خدتي عليا زياده ها 

="بتوتر" انا اسفه كنت..  والله بهزر سمعتها في فيلم و.. 

كنت شويه وهعيط لقيته قرب الكرسي لي وكنت قصاده بظبط... 

_ لي ديما بتعتذري علي كبيره وصغيره الموضوع ده بديقني جدا،  ولازم تعرفي طول ما انتي مش غلطانه غلط كبير اوي يبقي متعتذريش من حد 

= ده طبعي 

_" بتقريب لها اكثر "  نغيره

=" تنظر للارض بقلق " احم حاضر بس ابعد شويه 

ترن ترن ترن 

_ الجرس ده الي انقذك مني،  هفتح انا عشان متقعيش ههه

= " اووف شكرا يا جرس، عشان اي...  هو بيتريق عليا! " 

.... 

_ مين؟ 

مرفت: انا يا تميم يبني 

_؟؟ 

اسراء:  ازيك يا تميم،  جينا نزور اختي واطمن عليك اقصد نطمن عليك عشان مجتش الشغل انهارده 

_... 



👇     لقراة باقي الفصول اضغط هنا

 🌹 🌹🌹🌹🌹🌹🌹🌹🌹🌹🌹🌹

.🍁🍁🍁🍁مرحبا بكم. ضيوفنا. الكرام.

 نقدم لكم كل ما هوا حصري وجديد.
اترك ١٠ تعليقات. ليصلك. الفصل الجديد فور . وستجد كل. ما. هوا. جديد. حصري. ورومانسى. وشيق فقط ابحث. من جوجل باسم الرواية الذي تود قراتها علي مدوانة كرنفال الروايات وايضاء  اشتركو على

 قناتنا        علي التليجرام من هنا

ليصلك اشعار بكل ما هوه. جديد من اللينك الظاهر امامك

  🌹🌹🌹🌹🌹🌹🌹🌹🌹🌹🌹🌹🌹

                         الفصل الخامس عشر من هنا

                    

تعليقات