Ads by Google X

القائمة الرئيسية

الصفحات

رواية حبيبي عبر الزمان الفصل الخامس عشر

 



حبيبي عبر الزمن 

الحلقة الخامسة عشر
🌺🌺🌺🌺🌺🌺🌺🌺

فى صباح اليوم التالى استيقظ كينان وتوجه الى غرفة ميرال ولكن لم يجدها فذهب الى غرفة ليلي وسألها لم يجدها فتوجه إلى غرفة امه وخبط ودخل 

كينان : صباح الخير امي
عفاف : صباح الورد يا روح امك
كينان : هى ميرال هنا من امتي
عفاف : بالليل جات نامت جامبي وكانت خايفة 
كينان : الحمد لله انها جت هنا علشان كنت خايف عليها 
عفاف : اطمن انا عيني عليها
كينان : طيب هى مش هتصحي بقي
عفاف : انا هنزل أحضر الفطار وانت صحيها 
كينان : ماشي 

نزلت عفاف وتركت كينان مع ميرال فتوجه إليها وجلس بجوارها على السرير وبتدي يمشي ايده على وشها وينظر ليها بحب وقام بتقبيل خدودها و عيونها بحب

ابتدت ميرال تستيقظ على قبلات حانية وناعمة فدفنت وجهها فى صدر كينان ووضعت اديها على صدره ولكن فى لحظة تسمرت يد ميرال من الحركة ونتفضت وجدت كينان ينظر لها بحب ورومانسية فاصبح وجه ميرال مثل الطماطم من الكسوف






كينان بحب : صباح الورد والياسمين على عيونك يا اجمل وأحلى ميرال فى الدنيا
ميرال بكسوف : صباح النور 
كينان بصدمة : يالهوي بقي انا اقول كل ده وانتى تقولي بس صباح النور انا زعلان منك ومش هكلمك تاني
ميرال بسرعة : اسفة خلاص متزعلش
كينان : لا انا زعلان وكمان هسيب البيت ومشي
ميرال بدموع : اسفة كينان بس انا مش عارفة ارد اقول ايه 
كينان بسرعة : لا يا روحى متعيطيش انا كنت بهزر معاكي
ميرال : يعني مش زعلان
كينان بحب : عمرك شفتي اب بيزعل من بنته 
ميرال : معرفش علشان بابي مكنش بيزعل منى وانا صغيرة بس هو مات و سابني لوحدي فى الدنيا ديه
كينان : مش احنا اتفقنا اني هكون بابي وطفلتي الحلوة ممنوع عيونها تبكي تاني وعاوز اشوف الضحكة على وشها على طول ماشي 
ميرال بضحكة : حاضر بابي 
كينان : يالا يا طفلتي روحى غيري هدومك وتعالى تنزل نفطر ونعيد على الكل 
ميرال بفرحة : ماشي 5 دقائق وهنزل وراك
كينان : ماشي يالا 

نزل كينان وتوجهت ميرال الى غرفتها وأخذت دش ولبست بنطلون تلجي وبدي حمالات سكري وجاكت سكري بيه ورود صغيرة وصندل فلات 

نزلت ميرال الى الاسفل وتوجهو الى الجميع وألقت السلام فرد الجميع 

الحاج محمد : تعالى يا حبيبتي هنا
ميرال بأدب : نعم جدو






الحاج محمد : البت ديه مؤدبة اوي وكده مينفعش
ليلي بضحكة : ادوهالي شهر وانا هخليها برفكت 
كينان بضحكة : لا شكرا انا عاوزها كده 
ميرال بزعل : كنت عاوزني ليه جدو
الحاج محمد : مالك يا ميرال حد زعلك 
ميرال : ايوه فى
عفاف بخضة : مين يا قلبي
ميرال بعيون القطة : كينان 
الحاج محمد بغضب : عملك ايه
كينان بصدمة : والله معملت حاجة 
ميرال بدموع زائفة : وكمان بتحلف ربنا يسامحك
عفاف : قوليلي عملك ايه وانا احاسبه 
ميرال ببراءة : مدنيش عديه ولا جابلي هدية للعيد 

نظر الكل لبعضهم وكان وجههم لم تتفسر وفى لحظة واحدة كان الجميع يضحك بشدة على تلك الطفلة الشقية التي جعلت منهم اضحوكه وبعد فترة هدء الجميع

مالك بضحكة : بصراحة ملعوبة 
ليلي بضحكة : بصراحة لعيبة يا ميمو
ميرال بستغراب : هو انتم ضحكتم ليه وليه بتقولى كده ليلي
أدهم بذهول : يعني انتى مش فاهمة 
ميرال : لا وعوزة افهم
أدهم : انتى ذعلانه من كينان علشان العدية بجد
ميرال بتاكيد : اه والله علشان هو قالى انى طفلته ولو عاوزة حاجة اطلبها منه وكمان هو ذي بابي علشان كده كنت عوزة عديه و هدية منه وبس

نظر الكل لبعضهم وحزنو على تلك الطفلة التى لا تفقه شي ولا فهمت تلمحاتهم فتوجه إليها كينان وقبل راسها

كينان بفرحة : عيد مبارك يا طفلتي الحلوة وتفضلي العدية وكمان الهدية هتيجي حالا 
ميرال بفرحة : شكرا بابي وحضنته 
عفاف : بت سيبيه
ميرال بطفولية : لا ده بتاعي انا 
عفاف : لا بتاعي
ميرال : والله بتاعي حتي اسالي كينان





عفاف بغيرة : كينان انت بتاع مين فينا
كينان بضحكة : بتاعكم انتم الاتنين
ميرال بزعل : بس انت قولت ان الشيكولاته بتاعتي انا وبس
عفاف بحسرة : هو انتى كنتي بتتكلمي على الشكولاتة يا عيني عليك يا بني عشقت طفلة 
كينان بضحكة رنانة : على قلبي ذي العسل 
الحاج محمد : ميرال مش عاوزة عديتك مني انا كمان
ميرال : انا اصلا هاخد منكم كلكم علشان انا الصغيرة صح ودلوقتي عوزة العدية من الكل 

لفت ميرال على الكل وأخذت العدية وفرحت بشدة وغاظت ليلي 

🌹🌹🌹🌹🌹🌹🌹🌹🌹🌹

توجهت ميرال الى المطبخ لعمل كوب من النسكافيه ووجدت ماجدة فى الداخل فحاولت ميرال ان تتجنبها وعند خروجها من المطبخ سمعت ماجدة تقول

ماجدة : جايب واحدة ملهاش اصل وفصل و عمل ليها قيمة 
ميرال : مش يمكن يكون أهلها احسن من اهلك و أغنى منهم كمان 
ماجدة بحده : انتى بتعيبي فى عيلتي 
ميرال : لا بعرفك بس مش معني انى هنا يبقي مليش أهل ممكن يجي اليوم ويقف ادام الكل أهلي ويرفعو راسي 

🌹🌹🌹🌹🌹🌹🌹🌹🌹

غادرت ميرال المطبخ وخرجت تجلس فى الجنينة فجلس بجوارها جمال وتنهد 

ميرال : مالك
جمال : مفيش
ميرال : مش معني اني صغيرة وفى حاجات مش بفهمها يبقي انا غبية 
جمال بخنقة : كان نفسي تكون امي معايا يوم فرحي
ميرال بصدمه : وطنط ماجدة رايحة فين
جمال بسخرية : هو انتى فاكرة ان ماجدة امي لا ديه مرات ابويا 
ميرال : بتعاملك حلو
جمال : طول عمرها بتكرهني فى كينان و مصطفي والكل خلتني فاشل ومستهتر بس الحمد لله اقدرت ارجع عن طريق الشيطان ورجعت لعيله تاني علشان خاطر ليلي





ميرال : بتحبها 
جمال : اوي 
ميرال بهدوء : انا بقي عندي اخ و اخت بس انا بالنسبة ليهم خدامة علشان كده اعتبرت مالك وادهم أخواتي ينفع تبقي أخويا ولا مينفعش علشان كنت شغالة خدامة 
جمال بسرعة : لا طبعا اقبل انتى من اول لحظة شفتك فيها اعتبرتك اختي الصغيرة ربنا يخليكي ليا
ميرال بفرحة : ويخليك ليا ابيه جمال 
جمال بخنقة : بلاش ابيه ديه مفهوم
ميرال بتاكيد : لا انت اكبر منى بحوالي 7 سنين يعنى ابيه 
جمال : طيب ما كينان اكبر منك بردو 
ميرال : ملكش دعوة وقوم من هنا روح لي لي 
جمال : عندك حق باي ميمو 

🌹🌹🌹🌹🌹🌹🌹🌹🌹🌹🌹

توجهت ميرال الى الاسطبل وجلست بجوار الفرسه الصغير وفضلت تلعب معاها حتى شعرت باحد يجلس بجانبها وضمها لحضنة وعندما استنشقط عطره علمت بأنه كينان 






كينان : ميرال عاوز اتكلم معاكي شويه
ميرال : نعم مسيو كينان 
كينان : انا اسمي بس كينان او حبيبي ماشي وباس خدها
ميرال بوجه احمر من الكسوف : حاضر 
كينان : تعالى نتمشى شوية 

خرج كينان وهو يمسك يد ميرال واخذها وتمشو فى الأرض وبعد فترة جلسو

ميرال : مالك 
كينان : مفيش
ميرال : انت ندمت على كلامك وخطوبتك ليا صح علشان انا خدامة والكل هيتكلم عليك خلاص ممكن امشي من هنا ومن الفيلا كمان وليا رب اسمه الكريم
كينان بغضب : اوعي تقولى كده تانى انتى احسن بنت فى الدنيا كلها 
ميرال : خلاص اسفة بلاش تزعل وحنا فى العيد ها عاوز تقول ايه
كينان بهدوء : فى حاجة عاوزك تعرفيها انا عندي 27 سنة وهتم 28 سنة فى شهر 1 وانتى عندك 17 وهتمي 18 سنة يعني فى فرق 9 سنين 
ميرال : ايوه يعني اعمل ايه





كينان : احم احم يعني فرق السن مش هيفرق عندك
ميرال : لا طبعا انت ابويا واخويا و خطيبي و هتبقي جوزي يعني مفيش مشكله ولو على فرق السن خلاص لما حد يسألك هى عندها كام سنه قولهم 55 سنه ماشي
كينان بضحكة : ماشي يا تيتة 
ميرال بصوت عواجيز : اسمعني يا بني انا صحيح كبيرة بس قلبي لسه شباب 
كينان بضحكة رنانة : يا حبيبتي يا تيته متحيبي بوسه 
ميرال بدلع : وماله يا بني خد بوس 

مدت ميرال اديها ونظرت ليه بمعني بوس فقام كينان بسحبها من اديها وقام بتقبيلها على شفايفها بكل حب ورومانسية وحنان وبعد عنها بعد فترة عندما شعر بحاجتها للهواء 

نظر كينان على وشها وجده احمر من الكسوف يشبه الفراوله فقبل خدودها وعيونها بحب و ضمها لحضنه 





مر الوقت ولم يشعرو بيه فقد غلبهم النوم ولم يسحو الى على ايد مالك وادهم وهم يهزوهم 

مالك : الكل قالب الدنيا عليكم 
كينان : يا خبر احنا نمنا محسناش بالوقت 
أدهم : طيب يالا علشان الجواهري فى البيت

🌹🌹🌹🌹🌹🌹🌹🌹🌹🌹🌹

عادو الى القصر وعندما دخلو نظر الجد محمد لكينان بعصبية ولميرال بزعل فتوجهت اليه ميرال ومسكت ايده

ميرال بحزن : اسفة جدو والله كنت بنتمشا وقعدنا نتكلم وبعد كده نمنا 
الحاج محمد : ماشي يا بنتي روحي يالا اختاري شبكتك 
ميرال : يعني حضرتك مش زعلان مننا
الحاج محمد : لا يا بنتي ربنا يصلح حالكم روحي يالا اختاري شبكتك 






توجهت ميرال الى مكان اهل كينان و اختارت فقط خاتم رقيق 

ميرال : انا هاخد ده بس مش عاوزة تاني 👇 وكان عبارة عن خاتم رقيق وهادي على شكل وردة بيه فصوص من بيضاء وفص فى المنتصف باللون البنفسجي 

عفاف بصدمة : هي ديه شبكتك 
ليلي بغل : ونبي يا مرات عمي اقوم اضربها 
ام ليلي : قومي يا بنتي بس براحة علشان الناس متسالش ليه مضروبة
ميرال بسرعة : عوزة ديه وديه وديه وديه وديه وديه وديه 
ليلي : كده تعجبيني

اختارت ميرال الشبكة وعجبت الكل لرقيها 


 🌹 🌹🌹🌹🌹🌹🌹🌹🌹🌹🌹🌹

🍁🍁🍁🍁مرحبا بكم ضيوفنا الكرام 
هنا نقدم لكم كل ما. هوا حصري. وجديد.
اترك ١٠ تعليقات. ليصلك. الفصل. الجديد فور. نشره.عندنا. ستجد. كل.
 ما. هوا. جديد. حصري ورومانسى. وشيق. فقط ابحث من جوجل  باسم مدوانة كرنفال الروايات واسم الروايه    وايضاء  اشتركو على قناتنا     

   علي التليجرام من هنا

ليصلك اشعار بكل ما هوه جديد من اللينك الظاهر امامك

  🌹🌹🌹🌹🌹🌹🌹🌹🌹🌹🌹🌹🌹

                    الفصل السادس عشر  من هنا

              

تعليقات