قصة الخائنه البريئه
البارت التاسع العاشر والحادى عشر الاخير
...............بقلم ايات عبد الرحمن
ناهد قتلت حسانين وهربت وام احمد طلعت عايشه وكل حاجه بقيت غير توقعاتنا خالص
ام احمد رجعت البيت وماعرفتش ان ناهد هى اللي دبرت حادثة لكامل وبقي متقاعد
هما عرفوها ان دى حادثه وخلاص
اهل فرح عرفوا الحقيقه وقرروا يحطوا حد للمهزله دى
وفي المره دى فهد هو اللي هيتعامل بس بطريقته الخاصة
هما عرفوا حتى بحياة فرح واسامه عايشين ازاى وكده
بعد ساعات طويله بيوصل فهد وصقر علي مصر زى مااحنا عارفين هما من الصعيد والدتهم مصريه ووالدهم صعيدى وخطوبة فرح من اسامه الاول كانت عن طريق خالها صديق عبدالرحمن المقرب عشان كل حاجه تكون واضحه تمام
اخوات فرح وصلوا بيت عبدالرحمن بس المره دى فرح كانت متطمنه مش زى المره الاولى
بتدخل فرح وبتقف قدامهم وبيسلموا عليها طبعا ماتقدرش تتكلم في وجود فهد نهائي فإستكفت ان هى تقعد جنب صقر وتسكت وتسيب وحش الكون يتكلم
عبدالرحمن:اهلا وسهلا بيكم نورتونا
فهد: دا نورك متشكرين
عبدالرحمن:تشربوا ايه
صقر:احنا مش جايين عشان نشرب احنا جايين عشان ناخد اختنا ونمشي
فهد:صقر
متشكرين جدا مش عايزين نشرب حاجه احنا جايين عشان ناخد اختنا وهنمشي علي طول
عبدالرحمن:ايوه بس اختكم مش هينفع تيجى معاكم لان هى متجوزه دلوقتي
صقر:عارف بس اتجوزت في ظروف صعبه واتجوزت كمان واحد غدر بيها
عبدالرحمن:ايوه بس هى دلوقتي مراته
صقر:طب ما احنا عارفين احنا هناخد اختنا و لو ابنك عايزها يبقى ييجى ياخدها من بيت ابوها ولو هى حابه تفضل معاه يبقي تنسي ان هى ليها اهل نهائي
اسامه:مستحيل اسيب مراتى وبعدين كنتوا فين لما كانت هتنام في الشوارع هى مش كانت بالنسبه ليكم ميته دلوقتي لما الحقيقه ظهرت بقيت حبيبتكم
صقر لسه هيتكلم بيقاطعه فهد :صقر وانا لزمتى ايه معاك
صقر:سامع بيقول ايه
فهد:اهدى وماتتكلمش وانت كلامك معايا انا
ها كنت بتقول ايه
اسامه:كنت بقول مراتى مش هتخرج
صقر:دلوقتي بقيت مراتك وماكانتش مراتك لما سيبتها من غير ذنب
فهد بنفاذ صبر:صقر
انا مش هتكلم في اي حاجه قديمه دا كان نصيب وقضاءكم كده اختى اللي بتتكلم عنها دى كانت مستحيل تنام في الشارع. لانى كنت معين شخص بيجيب لي كل اخبارها البيت اللي هى كانت عايشه فيه ده انا مشتريه عشان ماتفضلش فى الشارع وفلوس الاجار اللي دفعتوها جمعتها على بعضها وبعتتها لحضرتك فى ظرف وطبعا كانت بتشتغل عشان مش عايزه تكون حمل على حد الشغل ده انا اللي امرت جارتها تقول ليها عليه وطلبت من صاحب المحل اللي هي بتشتغل فيه ياخد مبلغ كل شهر انا هبعته ليه يضيفه علي مرتبها عشان ماتحتاجش لحد اما بالنسبه للثقه فأنا لو مش واثق من أختى عمرى ماكنت هعمل كده وعلى انا كنت متابع كل حاجه وكنت بدور على برائتها وعارف انت عملت ايه واللي منعنى من قتلك دمك اللي كنت عايز تتبرع ليها بيه بكميه كبيره من دمك
عبدالرحمن:بس هو اتبرع فعلا
فهد:اتبرع بس مش ليها
اسامه:نعم
فهد:انت اتبرعت لطفله فصيلتها من فصيلتك فرح مش فصيله نادره فرح فصيلتهاO+شكلى
اسامه:مستحيل. انا كنت عايز اتبرع لفرح
فهد:الطفله كانت في خطر ومحتاجه ليك على كل حال انت عملت خير
وعشان الوقت انت عارف انا عملت ايه مع اختى يعنى مش هسيبها لحظه لو مهما حصل مش فهد الدمنهوري اللي يعمل غلط في حق اخواته فقدامك اختيارين عايز تكمل مع اختى
تنفذ اللي هطلبه منك مش عايز يبقى تطلقها واعتبر ان ده كله ماحصلش ولو حابب تعويض عن اهانتك واتهامك ظلم انا موافق
اسامه:وانا مش هسيبها
فهد:تمام يبقى اول حاجه فرح هتييجى معانا
اسامه:مستحيل
فهد بصوت عالي نسبيا:اسمع للاخر عشان انا كده كده هاخدها سواء وافقت او لا
فرح هتيجى معايا الصعيد وانت هتيجى بعد شهر عشان تاخدها وقبل ده كله تعرف ان في مؤخر واشياك هتمضيها عشان ماتفكرش تغدر بيها وعشان لو غدرت اقف انا ليك
سميه:ليه هو رايح يخطبها من اول وجديد دى كانت متجوزه قبل كده
فهد:دا اللي عندى مش موافق تطلقها وكل واحد فيكم من طريق قولت ايه
اسامه؟؟؟؟؟؟؟؟؟؟؟؟
هو بيحفظ ليها كرامتها عند زوجها
بصوا دى حكايه صغيره حصلت في قريه من قري كفر الشيخ مشكله لعضوه واحد كان زوق جدا وادب واخلاق حاجه كده نازله من السما خطب بنت على قد الحال والدهم بيحبهم شويه لما جه يخطبها والدها قال ان اهم حاجه راحة بنته بمال الكون مفيش مؤخر مفيش قايمه مفيش اى حاجه غير الذهب اللي العريس جابه البنت اتجوزت وبقي معاها ولد وباعت ذهبها وطلقها جت عشان تاخد حقوقها منه المحامى قال ليها ان مفيش اي حاجه هتاخدها دا حتى الذهب مش مكتوب بيه وصل امانه يعنى اتحرمت من حقوقها وكتب الولد بإسمه بعد عذاب طويل وجلسات من كبراء البلد
قصة الخائنه البريئه
البارت العاشر
...........
فهد:ها قررت ايه
سميه:لا مستحيل احنا مش موافقين على كده ليه اختك دى تبقى مين وايه
فهد:وانا كلامى مش معاكى انا كلامى مع ابنك
عبدالرحمن كان منبهر جدا من شخصية فهد الجديه
اسامه:انا موافق بس فرح تعيش هنا فى البيت اللي كانت ساكنه فيه قبل مانتجوز
الكل كان منتظر موافقة فهد
فهد:لا فرح هترجع معايا الصعيد وانت هتيجى تاخدها من هناك موافق ولا لا
عبدالرحمن بفرحه مش ظاهره : موافقين وكل اللي هتطلبه مجاب
فهد:متشكر لافضالك بس اسمع رأيه
اسامه:موافق بس شهر واحد
فهد: انا اللي اقرر بس
اسامه بنفاذ صبر:بما انها هتبعد شهر ينفع اكلمها
فهد:ممكن
سميه:هو انتوا فاكرين نفسكم ايه ممكن يطلبها في بيت الطاعه وياخدها غصب عنكم
فهد:يطلبها وهو الخسران مش هيشوفها تانى
سميه:دى مراته عايز تمنعه منها
فهد:مين قال كده هو لسه هيتجوزها
اسامه:ازاى وانا متجوزها
فهد وهو بيقف ومتوجه للخروج:ماانت طلقتها
اسامه:انت بتقول ايه
فهد:زى ما سمعت لو عايزها المره دى يكون برضاك مش غصب عنك وانت عرفت ان هى مالهاش في الشمال صح يعنى لو عمها او جدها حتى قالوا ليك اى حاجه ماتصدقهاش
عبدالرحمن:بس دا ممكن يردها
فهد:لو عرف
فهد وعبدالرحمن متفقين على اسامه عبدالرحمن عارف ان اسامه عنده الطلاق والجواز زى لعبه خطب قبل فرح حوالى من 6 مرات كتب كتابه على فرح وطلقها اتجوز اروى وطلقها فلازم حد يقف قدامه كده يعنى
زى نظام تربيه متأخره وده مش لعب عيال ولا حاجه هو ماطلقهاش بس زى مااتفقنا ان دى تربيه متأخره
اسامه:هستنى شهر وهتجوزها تانى والمره دى مفيش حد هيقدر يفرقنا مهما حصل
فهد:تمام اوى نستأذن احنا بقي وسلم على عبدالرحمن
عبدالرحمن بصوت مش مسموع :متشكر جدا
فهد:الشكر لله
فهد خد فرح وصقر ومشيوا واسامه دموعه نزلت لما فرح مشيت عبدالرحمن كان صعبان عليه ابنه بس لازم يعاقبوا بالطريقه دى عشان يتقى الله في بنات الناس
الصمت كان بيعم علي الكل لحد مابيوصلوا بيت خيري الدمنهورى اللي هو والد اروى وعم فرح
خيرى:ايه ياولاد اتأخرتوا ليه
فهد:علي ماخلصنا الموضوع
اروى كانت مستنيه يقولوا ان فرح اتطلقت وطول الوقت بتبص لفرح بقرف
خيرى:عملتوا ايه يعنى
فهد:هييجى ياخودها كمان شهر
خيرى:ليه
فهد:حسب الشروط اللي هيفرضها جدى عليه واللي انا فرضته عليه
خيرى:هو كده ممكن يرجع في كلامه
فهد:هو حر
فرح بهمس لصقر:احنا جينا هنا ليه
صقر:عشان كنزى ترجع معانا
فرح:مين كنزى
صقر:مرات فهد
فرح:هو فهد اتجوز
صقر:اممم وانا كمان
فرح:لا ياشيخ اتجوزت مين
صقر:حبيبة قلبك فوفه
فرح بصوت عالي:ايه دا بجد اتجوزت وفاء
فهد بص ليها سكتت خالص
فهد:يلا ياعمى قول لكنزى اتأخرنا وانا عندى شغل بكره يدوب نوصل واروح الشغل
خيرى:ليه ياابنى مش هترتاح من السفر حتى
فهد:لا فى شغلتى دى مااعرفش يعنى ايه راحه
خيرى:ربنا يقويك بس كنزى حابه تفضل هنا شويه اسبوع كده وهاجى انا وهى
فهد:عمى قول لكنزى يلا عشان عندي شغل بكره يلا
خيرى:يعنى مش هتسمع كلام عمك
فهد:عمى كلامك على راسي بس كنزى تفضل هنا لا ويلا عشان الطياره
لو فاتتنا هنضطر نسافر بالقطار
كنزى:انا مش عايزه ارجع معاك انا هاجى مع بابا هو كده كده هاييجى كمان اسبوع
فهد بصوت عالي:كنزى اجهزى يااما هجهزك بطريقتى وانتى عارفاها كويس
(وانا كمان والله العظيم يا فهد عارفاها ومجرباها وحافظاها زى إسمي😂)
كنزى بتخبط رجليها في الارض زى الأطفال :حاضر اوف
فهد:احترمى نفسك ياست هانم اوف في عينك يا زباله
نقلوا مصر بعد زواج فرح )
تمام
فى الطياره كنزى كانت قاعده جنب فهد ومرعوبه بس مش قادره تتكلم وواضح عليها جدا وفهد ملاحظ كده
فرح قاعده جنب صقر
صقر:زعلانه عشان هتسيبيه
فرح:لا
صقر:انتى بتحبيه
فرح:هيفرق في ايه مانا بقيت مطلقه من اتنين دلوقتي
صقر:مين قال كده
فرح:فهد
صقر:ههههههه انتى لسه متجوزه اسامه بس والده طلب من فهد واترجاه يقول كده
فرح: عمى عبدالرحمن
صقر:وهو فيه غيره
فرح:طب ليه
صقر:اسألى فهد
فرح:مش عايزه اعرف
صقر:ههههههه لسه جبانه زى ما انتى
فرح:جبانه ايه بس يا جوز فوفه دا انا بموت منه
صقر بحزن:لا ماتخافيش مش هيعمل فيكى حاجه
فرح:انت لسه بتحب امل
صقر:انا ماكرهتهاش عشان اكون لسه بحبها
فرح:طب ليه اتجوزت وفاء
صقر:تحكمات جدك ياسيتى اعمل ايه
فرح:ماتزعلش وفاء طيبه اوى وبتحبك من زمان
صقر:عارف المهم انتى هتقابلى امك لما توصلى حاولى تكونى لطيفه معاها
فرح:ماما ليلي دى وحشتنى اوى
صقر:نهال يافرح
فرح:هو مش بابا قال ان هى ماتت
صقر:قال ليكى انتى ومريم ورؤوف وسيف بس اما احنا كنا عارفين ان هى عايشه
بتمر كم ساعه وبيوصلوا الصعيد والكل بيستقبل فرح كويس وبتقابل والدتها ومش بس بتعاملها كأم دى بتعاملها كصديقه مقربه
الايام بتمر واسامه مفتقد فرح طول الوقت قاعد في اوضته لوحده ومستنى الشهر يعدى عشان يقابلها
وأخيرا وبعد طول انتظار لاسامه بييجى اليوم اللي هيقابل فرح فيه
الكل مجتمع اهل فرح واسامه ووالده وناس من اهله
جد فرح بيقول شروطه واسامه بيوافق عليها
وصقر بينادى فرح عشان هتمشي مع اسامه لكن فرح بتعمل العكس وبتقول مش هترجع ليه
اسامه؟؟؟؟؟؟؟؟
قصة الخائنه البريئه
البارت الحادى عشر
............
صقر:كل حاجه خلصت يافرح
فرح:يعنى اسامه وافق على شروط جدى
صقر:كلها وجدى بيقولك اجهزى
فرح بحزن:اجهز
صقر:مالك يا فرح انتى زعلان عشان هترجعى لاسامه
فرح:مش عارفه مش قادره انسي اللي عمله معايا علي قد ما حبيته من كل قلبي على قد ما اتمنيت ان هو مايوافقش على شروط جدى
صقر:انا مابقيتش فاهمك من شويه كنتى طايره من الفرحه لما عرفتى ان هو جه ودلوقتي مش عايزه ترجعى معاه
فرح:مش عارفه انا تايهه اوى اخر مره مشيت من هنا كانت مع احمد وطول الطريق كان كل تفكيرى فى اسامه ودلوقتى همشي مع اسامه وكل تفكيري مع احمد
صقر:انا مش فاهمك خالص
فرح:ولا هتفهمنى يا صقر
صقر:يعنى عايزه ايه يافرح
فرح:مش عارفه
صقر:مش عارفه ازاى تحبي تفضلي كمان شهر
فرح:مش عارفه يا صقر مش عارفه
صقر:عايزه رأيي ارجعى معاه لو فضلتى هنا واتطلقتى هتتجوزى واحد من ولاد عمك وهتعيشي معاه غصب عنك
(كلمة مش عارفه دى كلمتى المفضله اللي عايشه عليها بسببها مفيش اى حد بيسألنى على حاجه حتى الجيران)
فهد:انتى لسه ماجهزتيش الناس عايزه تمشي
فرح بصوت مش مسموع اوى:مش عايزاه
فهد:بتقولى ايه
فرح:قوله يسيبنى شويه
فهد:يسيبك شويه ازاى
فرح بخوف:مش عايزه ارجع معاه
فهد:ايه السبب
صقر:مش عارفه
فهد:مش فاهم
صقر:هى مش عارفه وانت مش فاهم والله العظيم انتوا عيله تشيل
فهد:صقر
صقر:حاضر ياكبير هسكت خالص حاضر
فهد:فرح عايزه ترجعى معاه ولا تطلقي
فرح:
فهد :انا مش بكلمك
فرح:اللي تشوفه
فهد:هو انا اللي هعيش معاه ولا انتى
فرح:
صقر:قوله تفضل هنا شهر كمان
فهد:ليه هو لعب عيال ولا ايه احنا قولنا ليه شهر وهو قدر وجه ياخدك ودلوقتي بتقولى عايزه تفضلي شهر كمان ماقولتيش قبل ما ييجى ليه هسألك سؤال بس عايز إجابته بكل صراحه انتى عايزاه ولا لا
فرح ببكاء:مش عارفه
صقر:هى علي كده كل مااكلمها تقولى مش عارفه
فهد:انتى بتحبي احمد
فرح بعد ما كانت عيونها في الارض رفعتها مره واحده
فهد:تمام يبقي انا هخرج دلوقتي اقول لاسامه يستعد عشان يطلقك
فرح هزت راسها بنعم واول مافهد خرج حضنت صقر وفضلت تعيط
صقر:انتى بتعملى فى نفسك كده ليه
فرح:مش عارفه يا صقر مش عارفه
صقر :انتى بتحبي اسامه وعمرك ما حبيتى احمد بس مش قادره تنسي اللي اسامه عمله مع انه عمل كل حاجه تخليكى تحبيه عشان يكفر عن اللي عمله معاكى اما احمد فصعبان عليكى عشان عمره مازعلك وكان دايما واقف جنبك لحد ماحصل اللي حصل صح
فرح بإستغراب: انت انت مش انت
صقر:دا اللي مخليكى محتاره صح
فرح:تعبت اوى مع ان اسامه اعترف بغلطه اكتر من مره بس قلبي رافض يسامحه وأحمد برغم ان هو ضربنى كتير اوى لما حصلت المشكله دى بس مسامحاه
صقر:لا دا انت محتاجه دكاتره نفسيين
بيدخل اسامه وفهد
اسامه:فرح هو انتى عايزانا ننفصل فعلا
فرح:
اسامه:طب ليه انا كلمتك قبل ما اخرج من البيت وقبل ما اوصل هنا وقولتى عايزانى ودلوقتي عايزه تطلقى
فرح:
صقر:عارف ان انت متلغبط دلوقتي وجايز اللي هقوله ده مش هيعجبك بص يا اسامه سيبها هنا كمان شهر لحد.ماتهدى كفايه وانا هجيبها انا وفهد ليك مصر
اسامه:لما جيتوا وقولتوا ان هى هتيجى معاكم.هنا شهر ولما كنت معترض قولتوا انى طلقتها بإتفاق مع بابا ودلوقتي بتقولوا عايزينها كمان شهر انا مش طفل قدامكم غلطت واعترفت بغلطى ووافقت على كل طلباتكم لكن اكتر من كده مش موافق ولو حابه تفضلي هنا يوم واحد يبقي ننفصل زى ماانتى عايزه صح ولا انا غلطان في حاجه
فهد:لا مش غلطان
اسامه:اخر مرة يا فرح هترجعى معايا ولا ننفصل
فرح ببكاء:مش عارفه
اسامه:مش عارفه ازاى يعنى
صقر: لا هى مش هتقول غير كده
اسامه:ازاي
صقر:مش عارف
اسامه:طب قولى انت يافهد هعمل ايه
فهد:مش عارف
فرح ضحكت
فهد:ايوه كده ها قررتى ايه هترجعى ولا اجوزه اي بنت من البلد قبل ما يمشى
فرح:هرجع
صقر:لولولولولولولى
فرح ياجماعه شكلي انا كنت المفروض ان انا هتجوز علي حب بس حب ازاى بقي بنحب بعض بس مفيش حد فينا عايز يعرف التانى كل ماحد ييجى يخطبنى هو يعمل ليه مشكله وانا كل ما يروح يخطب واحده اتجنن. وكده ويوم ماجه يخطبنى قلت ليه مش موافقه عليك
شوفتوا بقي😂
فرح رجعت لاسامه بعد ماعذبته بين هرجع ومش عارفه لحد ما الحمد لله رجعت وهما دلوقتي معاهم فرح واسر البنت على اسم مامتها عادى
فرح:اسامه طلقنيييي
اسامه:حسبي الله ونعم الوكيل فيكي يا فرح انا اللي عملت كده في نفسي
فرح:عايز تخلص منى يا اسامه انا غلطانه انى رجعت معاك طب والله لهمشي اسيبك
اسامه:وهتروحى بإيه بقي هتسافرى ماشيه
فرح:لا ماانت هتوصلنى وترجع
اسامه بخبث:هتسيبينى لوحدى يافرح
فرح:لا مش همشي خلاص قاعده على قلبك
اسامه:لا ياحبيبتى انتى مش بس قاعده انتى نايمه وقافله على نفسك باب قلبي بحبببببك يا اغلي من عمرى
فرح:وانا كمان بحبك اوى وعمرى ماحبيت ولا هحب غيرك
وتوضيح اخير ناهد اتمسكت واتحكم عليها بعشر سنوات سجن وحسانين ماماتش
تمت بحمد الله