Ads by Google X

القائمة الرئيسية

الصفحات

رواية حبيبي عبر الزمان الفصل السادس عشر

   


حبيبي عبر الزمن 
بقلم الامبراطورة نور الشمس 

الحلقة السادسة عشر 
🌺🌺🌺🌺🌺🌺🌺

مر يومين وكانت التجهيزات تعمل على قدم وساق ولما لا وهو خطوبة فارس عيلة عبدون واميرة عيلة عبدون 

كانت النساء يصنعون الأطعمة ورفضو رفض قاطع نزول البنات الى الاسفل 

كانت البنات يضحكون و يعملون المسكات وياكلون ويرقصون 

أحضر أدهم الفساتين الخاصة بالبنات 

وها قد جاء يوم الخميس يوم خطوبة وكتب كتاب الأميرة و الفارس 

جاء الليل وتوافد الناس إلى الفرح ونزل الشباب الى الفرح وأخيرا نزلت البنات

كانت ليلي تتألق بفستان روز وطرحة روز وكانت غاية من الجمال ونزلت فى ايد والده

اما ميرال كانت تتألق بفستان احمر ناري ورفعة شعرها الى الأعلى وتاج على الشعر وكان الفستان عاري الكتاف والصدر ونزلت فى ايد الحاج محمد 






جلست البنات وسط الستات يهيصون ويستمعون الاغاني الى أن جائت واحدة وأعلنت بان العرسان يلعبوم بالعصاية فاسرعت البنات للفرجة عليهم 

استمر الفرح الى أن أعلن الحاج محمد دخول العرسان لتلبيس الشبكة 

دخل الشباب وذهب كل شخص لحبيبته 

جمال : ما شاء الله ليلتي قمر
ليلي : شكرا جمالي
جمال : نلبس الشبكة بقي علشان جدك ممكن يدخل يدبحنا 

أحضر جمال طقم من الالماظ وكان غاية من الجمال

وأخرج خاتم الخطوبة وكان رائع الجمال

🌹🌹🌹🌹🌹🌹🌹🌹🌹

اما كينان دخل الغرفة التى بها ميرال ووقف فى مكانه من تلك الحورية الجميلة التى كانت تذيب العقل بجمالها ومكياجها وما أخطر فستانها الأحمر الناري الجميل 

كينان : حلوة اوى ميرالي اللزيزة هو كل الجمال ده ملكي لوحدي 






ميرال : وانت كمان حلو اوي 
كينان بحب : هو انا ينفع اخطفك 
ميرال : انا كلي ملكك 
كينان بحب : تعالى طفلتي الحلوة علشان تلبسي الشبكة ديه شبكتك يا قلبي
وكانت عبارة عن طقم الماظ غاية من الجمال

وده خاتم الخطوبة وكان خاتم يتوسطة فص الماظ

ميرال : بس دول كتير اوي كينان
كينان : بالعكس دول قليلين اوى عليكي بس دول شبكتك ودلوقتي الهدية بتاعتي

اخرج كينان سلسلة يتوسطها فص الماظ من اللون الأزرق وحوله مجموعة فصوص على شكل قلب 

كما اخرج خاتم على شكل تاج مرصع بالأحجار الكريمة 







ميرال : حلوين اوي 
كينان بحب : اوعي فى يوم تشيلي السلسلة والخاتم دول من ايدك ساعتها هعرف انك مش عاوزانى وهكون ميت 
ميرال بسرعة : بعد الشر عنك حبيبي اوعدك يوم مهشلهم هيكون يوم موتي 
كينان : بعد الشر عليكي يا قلبي 

قرب كينان منها حتى حاصرها بينه وبين الحائط وقام بتقبيلها من شفايفها بحب ورومانسية وبعد عنها بعد فترة 

كينان : اوعي تنامي علشان عاوزك ضروري ماشي
ميرال بكسوف : حاضر 
كينان : انا خارج سلام يا عمري وباس خدها 

غادر كينان الغرفة وترك ميرال بمفردها الى ان دخلت عفاف واخذتها وخرجت تجلس وسط النساء ولقت ليلي تجلس مكانها 






احد النساء : مبروك يا ليلي انكتب كتابك
ام مصطفى : مبروك يا روح امك 
احد النساء : ما شاء الله عروسة كينان حلوة 
عفاف : طبعا الله اكبر خمسة وخمسة فى كل عين شافتها مصلتش على النبي 
الكل : عليه افضل الصلاه والسلام 
احد النساء : يالا دلوقتي جيه وقت هدايا العروسة

ابتدت ميرال وليلي يستقبلون الهدايا من النساء 

عفاف بفرحة : مبروك يا ليلي ديه هديتي وكان عبارة عن طقم من الذهب كامل وجميل 

ليلي : شكرا يا مرات عمي 
ام مصطفى : مبروك يا روح امك وكان عبارة عن طقم من الذهب الأبيض 
ليلي بفرحة : شكرا يا امي ده الطقم الى كنت عوزاه

عفاف بفرحة : ودلوقتي جيه وقت بنتي حبيبتي مبروك يا قلبي واحضرت طقم من الالماظ  بفصوص خضراء غاية من الجمال والروعة 
ميرال بدموع : شكرا امي ربنا يخليكي ليا






ام مصطفى : ودلوقتي هدية مرات ابني كينان وكان عبارة عن طقم من الذهب 
ميرال : شكرا يا طنط 

استمر الحفل وبتدت الناس تمشي ودخل الشباب والرجالة الى الداخل

الحاج محمد : تعالى يا ليلي خدى هديتك وكان عبارة عن طقم من الذهب 
ليلي : يا جامد يا جدو يا عسل 

الحاج محمد : تعالى ميرال خدي هديتك
ميرال : حاضر جدو 

اخرج الحاج محمد سلسلة تحتوي على فصوص الماظ وفى النهاية تحتي على فص الماظ كبير 

جلس الجميع شوية وبعد كده صعدة الى الأعلى حتى ينامو 

دخلت ميرال الى غرفتها وجلست على السرير وبعد قليل انفتح الباب ودخل كينان ووجد ميرال تجلس على السرير فتوجه إليها واوقفها 

كينان بحب : وحشتيني اوي يا قلبي
ميرال : وانت كمان وحشتني 
كينان : مالك طفلتي الحلوة 
ميرال بدموع : كان نفسي يكون امى و ابويا معايا بس انا لوحدي 
كينان بحب : مش انا معاكي عاوزة ايه تاني 
ميرال : ربنا ميحرمنى منك
كينان : لو كنا عملنا الخطوبة فى مصر كنت رقصت معاكي بس بردو مش هضيع الحظة ديه تعالى 
ميرال : هترقص معايا هنا 
كينان : ايوه يالا 






شغل كينان اغنية رومانسية ورقصو مع بعض وفى نهاية الرقصة قام كينان بتقبيلها بكل حب ورومانسية

خرج كينان وتركها بمفردة ارتمت ميرال على السرير ولم تحس بالوقت فذهبت فى ثبات عميق 

🌹🌹🌹🌹🌹🌹🌹🌹🌹🌹

مر يومين وغادر كينان ومعه الباقي الى القاهرة لتجهيز فرح أدهم و مالك 

فى احدي قاعات الحفلات كان هناك عروسين يتالقون بفساتنهم البيضاء ويحضنون فرسانهم 

كانت ميرال تتألق بفستان باللون الاصفر وعاري الصدر والاكتاف و فتحه لمنتصف القدم 

مر الوقت وانتهي الفرح وعاد الجميع الى منازلهم 

كانت ميرال تضع رأسها على كتف كينان ذهبت فى ثبات عميق فقام كينان بحملها ووضعها على السرير وقبل خدودها وغادر الى غرفته 

🌹🌹🌹🌹🌹🌹🌹🌹🌹🌹

مر شهر وعاد أدهم و مالك من شهر العسل وكانت السعادة طاغيه عليهم 






وأخيرا جائت ساعة الغدر والظلم وصل الى الشركة ظرف يحتوي على بعض الصور التى تضم احمد عزمي المنياوي وهو شقيق ميرال من الأب مع ميرال ومعه شهادة ميلاد ميرال 

وهنا كانت الصدمة التى وقعت  على كينان وبعد ذلك جائت مكالمة له تعلمه بان أحمد هو من ارسل ميرال حتى تتجسس عليه لصالح شقيقها

غضب كينان بشدة وغادر الشركة وتوجه الى الفيلا وخرج خلفة أدهم و مالك بسرعة 

وصل كينان الى الفيلا ونده على ميرال 






كينان : ميرال ميراااااال انتى فين
ميرال : نعم كينان في ايه
كينان : انتى اسمك ميرال عزمي المنياوي 
ميرال : ايوة ليه 
كينان : انتى ليكي اخ اسمه احمد 
ميرال بحزن : اه  و لا
كينان بغضب : اه و لا
ميرال بخوف : اه 

ومع انتهاء كلمتها كان كينان يصفعها على وجهها ووقعت في الارض فضل كينان يضربها ولم ينقظها غير أدهم و مالك 

كانت ميرال تنزف من جميع أنحاء جسدها فتصل أدهم على الإسعاف وبعد قليل حضرت الإسعاف وحملت ميرال الغائبة عن الوعي وتوجه الى المستشفى 






وصلت ميرال الى المستشفي واسرعو بها الى العمليات 

وصل أدهم و مالك وبعدهم نورا و مريم فضلت ميرال في غرفة العمليات أكثر من ثلاثة ساعات وأخيرا انفتح الباب وخرج الأطباء فأسرع أدهم و مالك إلى الدكتور 

مالك : أخبارها ايه 
الدكتور : مين عمل فيها كده حرام والله البنت مدمرة على الآخر 
أدهم : فيها ايه
الدكتور : عندها كسر فى ضلعين وكسر فى دراعها وجالها نزيف داخلي 





مالك : هو البوليس ليه هنا
الدكتور : احنا بلغنا الشرطة البنت مدمرة هتفضل النهاردة فى العناية المركزة وربنا يعمل ليها الصالح 

غادر الدكتور وفضل مالك و أدهم مع بعض وكانت البنات تبكي بشدة على ميرال

أدهم : هنعمل ايه
مالك : العمل عمل ربنا 
ادهم : ليه كينان عمل كده
مالك : اكيد عرف أن ميرال اخت أحمد المنياوي 
ادهم بصدمة : اذاي وانت عارف من زمان
مالك : من اول يوم راحت اشتغلت هناك يالا ملهاش لزمة القاعدة هنا وبكرا الصبح نيجي 





غادر الأربعة وتوجهو الى فيلا كينان ووجده يجلس وهو ينظر إلى الفراغ 

مالك : ليه عملت كده 
كينان : لا رد 
مالك : البنت عايشة معاك هنا بقالها كام شهر ولسه شاكك فيها مسالتش نفسك ليه عايشة معاك وراضية انها تشتغل خدامة 
كينان ببرود : جهز كل حاجة علشان السفر لليونان 
ادهم : هتسيب ميرال كده وهتسافر 
كينان ببرود : انا طالع انام وجهز الشنط علشان السفر بعد بكرا 





مالك : حرام البنت بتموت فى المستشفي
كينان ببرود : عادى هى اول ولا اخر واحدة هتموت يالا انا طالع انام البيت بيتكم 

صعد كينان الى الاعلى ونام وترك أدهم و مالك فى الاسفل 

🌹🌹🌹🌹🌹🌹🌹🌹🌹🌹🌹

فى المستشفي 
🌺🌺🌺🌺🌺🌺

فى صباح اليوم التالى استيقظت ميرال وأخذت تبكي بشده ليس من ألم جسدها ولكن من ألم قلبها كيف يفعل بها كينان هذا ألم يعرف ما مرت بيه منذو صغرها أفكار كتير ملئت رأسها وتصارعت الدموع على وجهها 

الدكتور : حمد لله على السلامة 
ميرال بضعف : الله يسلمك 
الدكتور : الحمد لله انتى انكتبلك عمر تانى بس مين عمل فيكي كده
ميرال : لا تعليق 
الدكتور : على العموم الشرطة هتيجي علشان المحضر بعد اذنك 






غادر الدكتور وترك ميرال لافكارها ودموعها لم تحس بالوقت وقطع دموعها دخول الدكتور وبعض عناصر الشرطة 

الضابط : حمدلله على السلامة 
ميرال : الله يسلمك
الضابط : مين عمل فيكي كده
ميرال بالم : معرفش مين
الضابط : يعنى مش كينان عبدون





ميرال بصوت مولم : وكينان هيعمل كده ليه
الضابط : اصلي مش شايفة من ساعة مجيت 
ميرال : لا كينان انا صممت يمشي من شوية علشان يجيب ليا هدوم وهو كمان يبدل هدومه
الضابط : اممممم انتى ليه عايشة معاه فى الفيلا
ميرال : انا كنت المساعدة بتاعته ودلوقتي خطيبته 
الضابط : ايه حصل يوم الحادثة 






ميرال : معرفش كل حاجة حصلت بسرعة
الضابط بغضب : يعنى ايه حصلت بسرعة متنطقي 
ميرال : حضره الضابط انا مش هعمل محضر ومش عاوزة مشاكل تقدر تتفضل تخرج 
الضابط : انتى كده بضيعي حقك
ميرال : تمام شكرا على النصيحة 

خرج الضابط وهو يسب ويلعن فى تلك الفتاة

بعد مرور وقت طويل جائت مريم و نورا وجلسو معها شوية وغادرو 

فى الليل وبعد أن غمضت ميرال عيونها حست بأيد تسير على وجهها وشفايفها ففتحت عيونها ووجدت كينان يجلس أمامها 





فرحت ميرال بشدة لوجودة بجوارها 

ميرال بفرحة : كينان حبيبي انت كويس فيك حاجة اوعي تزعل صدقنى انا مش زعلانة منك اكيد كنت متنرفز صح كينان هو انت مش بتتكلم ليه كينان انت تعبان فيك ايه حبيبي رد عليا بلاش تخوفنى عليك 
كينان بتنهيده : اسمعي الكلام ده كويس انا ...........


 🌹 🌹🌹🌹🌹🌹🌹🌹🌹🌹🌹🌹

🍁🍁🍁🍁مرحبا بكم ضيوفنا الكرام 
هنا نقدم لكم كل ما. هوا حصري. وجديد.
اترك ١٠ تعليقات. ليصلك. الفصل. الجديد فور. نشره.عندنا. ستجد. كل.
 ما. هوا. جديد. حصري ورومانسى. وشيق. فقط ابحث من جوجل  باسم مدوانة كرنفال الروايات واسم الروايه    وايضاء  اشتركو على قناتنا     

   علي التليجرام من هنا

ليصلك اشعار بكل ما هوه جديد من اللينك الظاهر امامك

  🌹🌹🌹🌹🌹🌹🌹🌹🌹🌹🌹🌹🌹

                    الفصل السابع عشر  من هنا

             

تعليقات