رواية الكلبش والايدي الناعمة
الفصل السابع عشر
انجي: عماد بعد اذنك انا رايحه ل مازن اخويا اقعد معاه شويه
عماد: عادي ياحببتي روحي
انجي: ماشي ياحبيبي انا ماشيه
عماد: تحبي اوصلك ف طريقي وانا رايح العيادة
انجي: لو مش هتعبك ماشي
عماد: هههههههه طيب انا عايز بقى ياست الكل تتعبيني كل يوم تعبك راحه عندي ياانجي
انجي: ربنا يخليك ليا ياحبيبي
عماد: ويخليكي ليا يارب يلا نركب العربيه
انجي: مشت هي وعماد ركبوا العربيه وعماد وقف قدام بيت مازن
عماد: عايزه حاجه انتي بقى
انجي: لا ياحبيبي خلي بالك من نفسك
عماد: حاضر سلام
انجي: معاها مفتاح البيت لكن بتحب تضرب الجرس
مازن: فتح الباب ...انجي تعالي ياحببتي وبعدين بتضربي الجرس ليه كذا مره اقولك افتحي ع طول وادخلي
انجي: اهو ياحبيبي بخاف يكون عندك حد
مازن: لا اطمني لسه ماتجوزتش هههههه
انجي: انت تقدر تعملها من غيري ده انا كنت قتلتك
انجي: ادهم كمان هنا ازيك ياادهم عامل ايه
ادهم: الحمد لله بخير ازيك ياانجي
انجي: بخير الحمد لله...بتعملوا ايه كده
مازن: زي ماانتي شايفه بنركب كاميرات
انجي: طيب ليه ده كله كفايه موجود قدام البيت
مازن: انا جبت الفلوس والورق بتاع الشركه ف قولت احتياطي اركب الكاميرات دي
انجي: خلصتوا ولا لسه طيب
ادهم: خلاص كده تمام...انا ماشي بقى دلوقتي عايزين حاجه
انجي: انا جيت مشيتك ولا ايه
ادهم: لا طبعا بس عندي شغل دلوقتي
مازن: طيب بالسلامة انت ياباشا
ادهم: يلا السلام عليكم
انجي ومازن: عليكم السلام ورحمة الله
انجي: مازن انا كنت جايه عايزاك ف موضوع
مازن: عارف الا انتي عايزاني فيه امل حكتلك باللي حصل
انجي: وشايف ايه
مازن: انا قررت اتجوز ساره ياانجي
انجي: بصدمة انت اتجننت
مازن: اتجننت...هو الجواز ف نظرك جنان ياانجي واني ارتبط ويبقى ليا عيله ده ف نظرك جنان ؟
انجي: انت عارف كويس اني بتمنى تجوز دلوقتي قبل كمان شويه لكن مش دي يامازن مش دي ....دي واحده كانت مسجونه ف قضية مخدارات وكمان متنساش انت ابن مين والعيلة بتاعتنا مين
مازن: ان كانت مسجونة ف هي بريئة والقاضي بنفسه طلعها لم شاف انها بريئة ولو هنحاسب الناس ع اخطائهم ف ياانجي في ناس كتير تستحق السجن والقتل وكلهم بره لكن البنت دي من خلال خبرتي شوفت قد ايه هي بنت نضيفه وأهلها ناس طيبين ولو كان ع العيله والكلام الفارغ ده الا بتكلمي عليه ف انا مايهمنيش وبعدين اذا كان ع الفلوس ف هم ناس مستورين ع فكره وفلاحين ايوة لكن بياكلوا لقمتهم بنضافة وعرق جبينهم
انجي: بدموع صدقني يامازن ابوس ع ايدك بلاش ساره لو مش عايز انك تخسرني وباقي ع اختك الا بتعتبرها ف مقام امك الله يرحمها بلاش البنت دي
مازن: (بذهول) في ايه ياانجي فهميني
انجي: أكرم بيحب ساره يامازن
مازن: بصدمه بتقولي ايه
انجي: انا هحكيلك كل حاجه..........
(فلاش باااك)
امل: دخلت أوضة وجيه والد أكرم
عمي ازيك
وجيه: الحمد لله بخير يابنتي انتي عامله ايه
امل: بخير الحمد لله ياعمي ليه دايما بره بسيط لم بشوفك ف الفيلا
وجيه: والله يابنتي من لم قعدت من الشغل وانا مش بعرف اقعد ف بخرج بره
امل: بخبث ودموع...عمي انا كنت عايزه اشتكيلك من أكرم
وجيه: طيب بس بس ليه الدموع دي ياامل يابنتي فهميني بس ف ايه
امل: ياعمي من لم اتجوزنا يخرج من الصبح مش بياجي الا آخر النهار ع النوم ولو اتكلمت يتعصب
وجيه: معلش ياامل هو شغله كده ده مش بينام والشغل بتاعه خطر يابنتي ف وسط المجرمين المفروض تخففي عنه مش تزعليه
امل: حاضر علشان خاطرك بس ياعمي انا طالعه بقى الاوضه بتاعتي
وجيه: اتفضلي يابنتي
(فلاش بااااك)
عصام: ساره تعالي علشان تاكلي معانا
ساره: انا شبعانة ياعمي مش جعانه الحمد لله
عصام: مالك ياساره في حاجه
ساره: أبدا ياعمي سلامتك بس عندي ارهاق من الجامعه والشغل
عصام: لو عايزه تقعدي من الشغل يابنتي اقعدي انتي كده كده مش محتاجه ليه الحمد لله
ساره: مش لدرجه ياعمي هو بس شوية ارهاق مش اكتر
عصام: طيب ياحببتي تصبحي ع خير
ساره: وانت من اهله ياعمي
ساره: مسكت تليفونها ورنت ع اكرم
اكرم: معاكي ياحبيبي
ساره: بصوت واطي...وحشتني
اكرم: ده انا لسه ماشي من عندك
ساره: سكتت___________
اكرم: مالك ياساره في ايه...وهو بيكلمها ركن بالعربيه وبيرفع رجليه ينزل من العربيه شاف الميكرفون متعلق من جوا...
ساره: أكرم...الووووووو
اكرم: ثواني
اكرم: ف نفسه ياترى مين الا عامل معايه كده ...مسك الميكرفون كسرو
اكرم: معاكي ياساره
ساره: كنت فين
اكرم: علشان ماتقلقش ولا تخاف....لا لا مفيش بس كنت بركن العربيه معاكي
قوليلي بقى مالك
ساره: أكرم ممكن تشوف حل لينا ف موضوعنا
اكرم: ساره اثقي فيا صدقيني قريب هحل كل حاجه انا لو عليا ياساره نتجوز دلوقت قبل بكره بس سبيني شوية وقت احل أموري وكل حاجه هتبقى كويسه
ساره: حاضر يااكرم
اكرم: بهزار وحب يطلعها من المود الا هي فيه ...وبعدين تعالي هنا انتي مستعجله وعايزه تجوزي اوي كده
ساره: لا مش كده بس تقدر تقول كده عايزه ابقى ف حضن أكرم ع طول
اكرم: (بخبث) امممممممم انا قولت انه عجبك ادائي كنت عارف ههههههه
ساره: قفلت السكه
اكرم: شاف التليفون انها قفلت ابتسم من طريقة ساره وعرف انها قفلت إحراج منه
ركب العربيه وراح الفيلا
(فلاش باااك)
مازن: بقى مصدوم من الكلام الا سمعوا من انجي أخته
انجي: دلوقتي ده قرارك واعمل الا ف ايدك بس بالعقل واكيد انت مش هترضى تتجوز بنت بتحب واحد تاني وهو كمان بيحبها
مازن: حط ايده ع راسه وبقى يفك زرار القميص من الخنقه ....خلاص ياانجي...اعتبري الموضوع خلص خلاص
انجي: خلاص يامازن هروح انا دلوقتي علشان الجو اخر
انجي: خرجت وسابته
ومازن: بقى مضايق ومش طايق نفسه من الا سمعه من انجي
وبقى يفكر يوم الحفله ونظراتهم لبعض وف الشركه لم راح عنده قد ايه كان غاير لم شافها واقفه معاه
(فلاش باااك)
اكرم : دخل الاوضة علشان ينام...مساء الخير
امل: مساء الخير
اكرم: نام ع السرير ورفع البطانيه ع وشه
امل: راحت عنده ولسه هتكلم
اكرم: ياريت بعد اذنك لو ف اي حاجه خليها يستحسن الصبح علشان جي تعبان ده فضلا يعني
امل: اضايقت من طريقته وسابته
(تاني يوم ف الصباح)
ساره: نزلت الجامعة
اكرم: نزل الشغل
امل: لبست ونزلت عند انجي شافت انجي ف الجنينه دخلت اوضتها اخدت مفتاح بيت مازن..وراحت ل مازن الشركه ...راحت واتاكدت ان مازن ف الشركه.....وقفت قدام الشركه لكن مدخلتش ...واول ماشافت ساره نازله من التاكسي...قربت منها....ساره عامله ايه
ساره: الحمد لله كويسه ...انتي عامله ايه
امل: بخير الحمد لله....بجد زعلت ع الا حصل ل مازن ياحرام
ساره: بخضة ماله مازن بيه
امل: معقول ماتعرفيش ده عمل حادث الصبح ورايحه دلوقت اشوفه
ساره: طيب انا رايحه معاكي
امل: طيب تمام اتفضلي
ركبوا تاكسي هم الاتنين....امل كانت ف الشنطة بتاعتها منديل وحاطه عليه مخدر
امل: بس هنا لو سمحت التاكسي وقف وأمل وساره نزلوا من التاكسي
ودخلوا البيت وفتحت امل بالمفتاح
ساره: هو انتي معاكي مفتاح بيت مازن بيه
امل: لا بس اخدته من انجي لأن قالتلي انه مش بيتحرك من مكانه ف مش هيعرف يفتح وطلعت المنديل من الشنطة...امسحي وشك عليه نقط سوده ياساره
ساره : اخدت المنديل ...فين هنا ..وبقت تحرك المنديل ع وشها لم فقدت الوعي
امل: شدتها من ايديها ودخلتها أوضة النوم وقلعتها هدومها ولفتها بملاية السرير
وخرجت قفلت الباب بالمفتاح وبصت ع الكاميرا الاماميه الا قدام البيت وفتحت ازازة ميه ودلقتها على الكاميرا ومسحتها تاني بحيث تكون اتحرقت
(فلاش بااااك)
مازن ف الشركه خلص الشغل وماسألش ع ساره اذا كانت موجوده ولا لا ...لأنه قرر يتجاهلها بعد الا انجي قالته...خلص شغل وركب العربيه بتاعته يروح بيته
(فلاش باااك)
امل: راحت الفيلا وحطت المفتاح مكانه ف شنطة انجي وابتسمت بسخرية....وانها لو ساره قالت إنها كانت مع امل هتكدبها وتقول محصلش والكاميرا كمان اتحرقت مش هتبين حاجه ومسكت تليفونها وحطت شريحه جديده علشان تتصل بالشرطه وتبلغ عن حالة آداب
(فلاش بااااك)
حسين واكرم كانوا قاعدين ف المكتب
اكرم: حسين كنت عايز اخاد رأيك ف حاجه
حسين: ايه هي
اكرم: انا قررت اتجوز ساره بس مش عارف اعمل ايه مع بابا وكمان بالنسبه لا امل
حسين: انا من رأييا سيبك من ابوك وخلص موضوعك مع ساره..... وأمل وانت كل واحد يروح لحاله لا ان لا انت ليها ولا هي ليك من الأول
اكرم: طيب وبابا من انت عارف انه تعبان واي حاجه تقصر عليه
حسين: خد معاه الموضوع براحه
اكرم: المشكله لو عرف ان ساره كانت ف السجن دي مصيبه وحدها
حسين: لا مصيبه ولا حاجه كانت ف السجن وطلعت بريئة ..ولسه بيكمل كلامه تليفون المكتب رن
حسين: الووووووو
المتصل: _______________
حسين: فين العنوان
المتصل:_____________
حسين: طيب انتي مين
المتصل: قفل السكه
اكرم: في ايه
حسين : في واحده بتقول انها فاعله خير وان مازن صاحب شركة السياحة الكبيرة عامل شقته ل دعا*رة ولو رحنا دلوقت ف هو متلبس
اكرم: هههههههههههههه ده مازن اكيد لا طبعا
ده حد حابب يعمل دقة نقص فيه ...انا ايوه بغير منه ع ساره وساعات ببقى عايز اكسر دماغه لكن هو ف الحقيقه محترم ده كفايه انه اخو انجي
حسين: بس انت عارف الشغل بتاعنا مفيش فيه قرابة ع الاقل نتأكد من البلاغ
اكرم: خلاص خليك انت وانا هروح ولو ف حاجه ياسيدي انا بنفسي هجبهولك لحد هنا مع اني عارف زي ماهروح زي ماهاجي
حسين: تمام بالسلامة...
اكرم: ركب العربيه وراح ل مازن
(فلاش باااك)
مازن : فتح الباب ودخل ع طول ع الحمام ياخد شاور وبقى تفكيره كله ف ساره وانه مالفتش نظره بنت غيرها ولا فكر ف يوم ف الجواز ولم فكر ماشافش حد غيرها
مازن لبس البرنس وخرج من الحمام وبينشف وشه من الميه
والجرس ضرب راح فتح الباب
مازن: أكرم اتفضل
اكرم: بهزار هههههههههه انت لسه خارج من الحمام وواخد شاور اوعى يابني يكون الكلام الا اتقال حقيقه
مازن: (ب استغراب ) كلام ايه ...اتفضل الأول ادخل
اكرم: دخل قعد
مازن: طيب يااكرم البيت بيتك هدخل ألبس هدومي واخرجلك دلوقت
ولسه بيتكلم (ساره كانت بتفوق جو وبترفع ايدها جات ع زهرية الورد الا جنب السرير وقعت)
اكرم: في ايه جوا
مازن: مش عارف هدخل اشوف ف ايه ولسه مازن هيدخل
اكرم: وقف جنبه في بلاغ جه انك عامل الشقة ل دعار*ة وانا ماحبتش اخلي حد ياجي يامازن هنا اكراما لبيت العيله
مازن: انت اتجننت يااكرم....ودخل الاوضة بتاعته يشوف ف ايه واكرم دخل معاه
وكانت الصدمة من اكرم لم شاف ساره ع السرير بالوضع ده ...الدم غلى في عروقه مازن : بصدمه ساره
اكرم: ضرب مازن ع وشه بالبوكس وبقى يضرب فيه
مازن: اهدى يااكرم والله ماعارف ف ايه افهم الأول
ساره كانت بتفوق لكن مش ف وعيها لكن صوت اكرم وحده كان ف ودنها وكأنها كانت بتستنجد بيه...مسكت الملايه ب ايديها الاتنين
ولسه بتحاول تفوق وبتنادي ع اكرم
اكرم ساب مازن وقرب من ساره ...ضربها بالقلم ع وشها.....ومسكها من شعرها ..بجد انا ندمان اني عرفت واحده بالأخلاق دي ...انا طلعتك من المستنقع الا كنتي فيه لكن الظاهر قعدتك ف وسط المجرمين ف السجون علمتك اكتر من كده
ساره: سامعه كلامه ودموعها كلها نازله ع وشها ومش قادره تكلم من التخدير الا كانت فيه
مازن: أكرم افهم يااكرم الأول
اكرم: خرج بره البيت بسرعه وساق العربيه
بتاعته ودموعه كلها كانت ع وشه
وبقى يقول ف نفسه ازاي انا اتخدعت كده
لدرجه دي انا كنت غبي ان بنت تضحك عليا
وتخليني احبها وتمثل عليا الأخلاق ده انا
لم كنت بحاول أقرب منها وشها كان
بيجيب ألوان لدرجه دي انا اضحك عليا وبقى يفتكر كل لحظه كانت بينهم ودموعه
كلها كانت نازله منه ...تليفونه رن
اكرم : حاول يمسك نفسه ...ايوه ياحسين
حسين: رحت ل مازن واتاكدت من البلاغ
اكرم: البلاغ كاذب ياحسين ..وقفل السكه
ودموعه كلها بقت زي البحر ع وشه...اقوله
ايه اقوله ساره البنت الا حلمت بيها
وحبيتها وهتجوزها هي الا كانت ع سرير مازن
(فلاش بااااك)
مازن: فتح الدولاب واخد لبس وخرج لبس بره ودخل عند ساره الاوضة وقعد جنبها...
ساره: مسكت الملايه ب ايديها....بدموع ابعد لو سمحت
مازن: ماتخافيش ياساره فهميني بس ايه الا حصل وجيتي هنا ازاي
ساره : بقت دموعها نازله ع وشها ومش
قادره تكلم والمخدر مقصر عليها
مازن: شاف هدوم ساره الا ف الأرض
مسك تليفونه
مازن: انجي تعالي حالا انا ف البيت
انجي: _________________
مازن: حالا ياانجي بسرعه.وقفل التليفون
وقعد بره بعد شويه وصلت انجي
انجي: في ايه يامازن وماله وشك انت اتخبط ف حاجه
مازن: تعالي الأول...دخلها اوضة النوم عند ساره وجاب لبسها من الأرض...انا بعتلك علشان تلبسي ساره هدومها
انجي: بصدمة لم شافت ساره ع السرير
وملفوفة بملايه...بعصبيه انت عملت ايه يامجنون انت
مازن: بنرفزه ..اخلصي الأول لبسيها
هدومها واطلعي علشان نتكلم...
انجي : بعصبيه طيب خلاص يامازن اخرج
انت دلوقت انا هدخلها الأول الحمام افوقها
خرج بره الأوضة وخرج من البيت كله وقعد ف الجنينة
انجي : فوقت ساره تحت الدش ولبست ساره....ساره ازاي تيجي هنا ل مازن
ساره: ماكنش في غير دموعها الا ع وشها
انجي: نادت ع مازن يدخل
مازن: دخل ...ساره فاقت
انجي: ايوه ممكن افهم بقى ف ايه
مازن: حكالها الا حصل
انجي : طيب وانتي ياساره جيتي هنا ليه وليه انتي كنتي بالمنظر والشكل ده
ساره: ومش قادره تكلم من العياط....انا كنت رايحه الشركه وامل قبلتني قدام الشركه وقالتلي مازن عمل حادثه قولتلها هروح معاكي اشوفه ركبت التاكسي معاها ونزلت من التاكسي وهي فتحت الباب بالمفتاح ...سألتها معاكي مفتاح مازن بيه ازاي ...قالتلي انجي ادتهوني علشان مازن مش بيقدر يقوم يفتح لحد...وبعدين ماحستش بنفسي غير واكرم هنا من شويه ومعرفش ايه الا حصل
انجي: ازاي ده لا طبعا مستحيل والمفتاح معايه اهو يامازن ماتصدقهاش وغير كده ثواني اشوف كمان الكاميرا بره وجات تفتحها شافت ان الكاميرا عطلانة
مازن: كان ساكت ومصدق ساره
مازن: ع طول اتذكر وجه ف دماغه الكاميرات الا ف البيت وف اوضة النوم
وف نفس الحظة....انجي: ايوه يامازن شوف الكاميرات الا هنا ف البيت الا ركبتها انت وادهم امبارح
مازن: فتح الكاميرات وشاف هو وانجي وساره لم امل وساره دخلوا البيت وادتلها منديل وفقدت الوعي وشدتها...وجه مقطع انها تقلعها هدومها...مازن قفل المقطع.....قد ايه انسانه حقي*ر*ه
انجي: بقت مصدومه من الا شافته
ساره: بدموع...عايزه اكرم يامازن ارجوك فهموا اني مش كده بالله عليك مش عايزه ياخد عني فكره مش كويسه ابوس ع ايدك
انجي: العمل ايه دلوقت يامازن
مازن: هبعت الفيديو لا أكرم
انجي: اوعى تعمل كده ده يقتل امل يامازن انت فاهم