Ads by Google X

القائمة الرئيسية

الصفحات

رواية حب خارج سيطرتي الفصل الثامن عشر


 

حب خارج سيطرتي🥀💔

بقلمي Fatma ashraf💙✍️

(البارت الثامن عشر )


وحشتووووني جداااا ياريت تطمنوني عليكم عاملين ايههه عارفة انا طولت في الغياب المرة دي بس معلش الثانوية هتخلص عليا قريب هههه قراءة ممتعة يا قمرات قولولي رائيكم في البارت تعبت فيه اووي والله 💙💪😍


"لسة انت كنت في بالي حالا من مفيش من بعدي عايش ولا مش عارف تعيش 💔" الهضبة 


مصطفى قفل مع أدهم وهو مستغرب نيهال جت عليه :فيه يا صاصا مالك


مصطفى :وحياة ابوكي يا شيخة بلاش صاصا دي بتقفلني منككك


نيهال :هههههه خلاص خلاص متزعلش مالك بقا


مصطفى :مهي ناقصة جنان كنت بكلم أدهم وحكتله انكك شوفتي واحدة شبه ليان هنا وده اتجنن من هنا ويقولي شوفتها فين والعنوان ايه وانا مش فاهم حاجة


نيهال بإستغراب:يمكن ليان هنا واحنا منعرفش


مصطفى :وليان هتعمل هنا ايه


نيهال :مش عارفة يمكن متخانقين وليان سافرت


مصطفى بعدم اقتناع :مش معقول يعني دي ليان مقشفة هتسافر فرنسا ازي 


نيهال :هههههه اه لو سمعتككك


مصطفى بتغير للموضوع :فكك منهم هبقي اتصل على أدهم افهم منهه


نيهال:اوكي


مصطفى مسك نيهال من وسطها :المهم انتي احلويتي كدا ليه


نيهال لفت ايديها حولين رقبته :والله انت اللي قمر وبعدين بطل تقولي كلام حلو انا بتكسف


مصطفى بخبث :تتكسفي ايه بقا معدش ما بنا كسوف خلاص وبعدين انتي مش عاوزة تجيبي نونو حلو كدا


نيهال :ياهههه نفسي اووي يا مصطفى


مصطفى شلها على كتفهه


نيهال بغضب طفولي: بتعمل ايه نزلني 


مصطفى :الله مش قولتي عاوزة تجيب نونو هنروح نجيب نونو 


وذهبوا الي عالمهم الخاص ها الخااص يا فضولية منك ليها 😂😂


فماذا سيحدث ياتري؟! 


"لما عليا انا بينادي يا حبيبتي يا ام ولادي وبشوفه ساعتها قصادي  انا بنسى الناس والدنيا♥️" آصالة 

 

في قصر مراد الجارحي 


نغم بغضب : انا خلاص تعبت ده جبلة مش حاسس بحاجة خالص 

انضم لجروبي الكاتبة فاطمة اشرف بنزل هناك بدري 

ليان :هههههه معلش انا كنت زيك كدا ومازلت هتاخدي وقت بس هو مش هيشوفكك الا لما انا ابعد ومكونش قدامه فهمتي 


نغم  بسرعة:وانتي هتمشي امتي


ليان اتكسفت 


نغم بأسف :اسفة والله مش قصدي 


ليان ضحكت :لا عادي مزعلتش منك انت بتحبي وطبيعي لما واحد يكون بيحب شخص مبيكونش عارف هو بيقول ايه 


نغم :عندك حق طب انا اعمل ايه 


ليان :اغريهههه يابت 


نغم بصدمة :نعممم


ليان:ههههه انتي فهمتي ايه الله يخيبكك قصدي توريلي مهراتككك كدا تدلعي شوية كدا يعني خدي الخبرة من اهل الخبرة 


نغم :قال وانت نفعتي اووي ما انتي خايبة زييي


ليان :هههه تصدقي انا غلطانة اني بساعدكك


نغم :خلاص يا ست فهميني 


ليان :ماشي بصي انت تجمدي شوية متدلقيش بيني انك مش مهتمة بيهه انك مطنشاههه بمعنى أصح فهمتي 


نغم :امممم فهمت اهو جه اسكتي


مراد بإبتسامة :مساء الخير 


ليان ونغم :مساء النور 


مراد :كنتوا بتحكوا فيه ايه 


ليان :لا مفيش نغم كانت بتحكيلي على واحد زميلها في الشغل كان عاوز يتقدملها 


نغم انصدمت من كلام ليان بس ليان بصتلها اووي انها من ضمن الخطة 


مراد بإستغراب : مين ده يا نغم اللي عاوز يتقدملكك 


نغم بتوتر  : هااا ده جوزيف  مدير الحسابات


مراد بغيظ: وطالما عاوز يتقدملكك مجاش قالي انا لييه 


نغم : مهو اتكسف وكدا 


مراد بصلها بغيظ: اممممم ومتكسفش منكك وانتي ايه رائيك وراضية انكك تتجوزي فرنسي عادي  


نغم بغيظ بس مبينتش: وفيها ايه يعني هو مسيحي مهو مسلم زينا عادي يعني وبعدين مسيري اني اتجوز امال هفضل قاعدة جمبكك


مراد قام وقف بغضب من كلامها  : وانا مش موافق انتي موافقة دي حريتك لاكن انا مش موافق عن اذنكم وطلع اوضته بعصبية 






نغم بغضب : اهو اتنرفز 


ليان بثقة : اهي نرفزته دي تدل انه بيغير 


نغم : بغير ازي بس 


ليان : مراد محتاج وقت انتي متربية معاههه من صغرككك ومتعود عليكي كأنك زي اساس البيت كدا موجود على طول وكل يوم بيشوفهههه فهو محتار ما بين انه بيحبك حب تعود ولا حب حقيقي 


نغم : والحل 


ليان : لازم يحس انكك ممكن في اي وقت تبعدي عنه وده اللي حصل دلوقت لانه حس انه فيه حاجة متعود عليها ممكن تختفي حس ان نغم اللي دايما موجودة قصاد عنياههه ممكن تسيبه في اي وقت وتتجوز وتبقى مع شخص تاني فهمتي 


نغم: امممم فهمت بس تفتكري هجيب نتيجة


ليان : ممكن اه وممكن لا 


نغم بزهق: ليه كدا بس 


ليان بتحذير : لو انت كمان معملتش دورك كويس 


نغم : وانا اعمل ايه ازي اشيل حبكك من قلبه 


ليان بإبتسامة ثقة : مراد محبنيش اللي عند مراد ده انبهار مش اكتر وهيروح مع الوقت الحب اللي منغير اهتمام من الطرفين بيموت مع الوقت وانا عوزاكي تلعبي على الحكاية دي مع مراد تهتمي بكل حاجة بيعملها 


نغم :منا مهتمية بكل حاجة دنا حافظة بياكل امتى وبيجي امتى وكل حاجة انا حفظاههه صم 


ليان :يبقى جههه وقت تنفذي


نغم :قولي ياست اعمل وانا همشي عليه بالحرف الواحد 


ليان :اولا تحاولي تعوضيه عن حنان مامته 


نغم برفع حاجب:نعم يا عنايا دنا اعملها ازي دي 


ليان :ههههه دايما مخك شمال يعني تهتمي بيه من كل الجوانب تقفي جمبه وقت تعبه تبقى حنينة عليهه دايما تعتني بلبسههه بشكلههه بشغله بأكله بلبسه بكل حاجة فهمتي 


نغم :فهمت  اللي بعده 


ليان :ثانيا تكوني دايما شيك وحلوة يعني بلييز بلاش الكحة اللي انتي دايما عملاها دي اعملي شعرككك على طول اتمكيجي وممكن كمان تشيلي النضارة وتحطي لينسيز خليه يحس انكك مختلفة وبطلي دبش والنبي 


نغم بغضب :بقا انا دبش 


ليان :اهووو بدأنا انتي قولتي هتسمعي الكلام منغير ما تتشنكي 


نغم امتصت غضبها :كملي يا ليان قبل ما انفجر 


ليان :هههههه وبلاش عصبية خليكي بنوتة رقيقة كدا 

نغم غمضت عنيها بغضب  :ليان انتي شايفة ده شكل واحدة رقيقة 


ليان :ههههه الصراحة لا خلاص بلاش رقة انتي بس خليكي حلوة دايما مع انك مش محتاجة والله انتي حلوة في كل حالتككك بس حطي في ذهنك دايما انكك بتتغيري لنفسككك مش ليههه واهو من باب التغير تعملي حاجة جديدة 


نغم :تمام ماشي هطلع اجهز 


ليان :قشطا 

فماذا سيحدث يا ترى؟! 


"  حبيبي عمرههه ما يغيب حبيبي وعدهه ليا اللي عايش بيهههه أمانة نفسي لتسلمولي عليهههه👀💛" حماقي 


أدهم راح عند وليد 


أدهم :ولييييد انا عرفت ليان فين 


وليد وقف :عرفت منين 


ادهم: مصطفى ونيهال شبهوا على واحدة شبها في فرنسا وخدت العنوان والمكان اللي شافوها فيه ده امل ان احنا نعرف هي فين 


وليد بإستغراب : مين ده اللي يخطف حد وينزل يفسحهه كمان 


أدهم : مش وقته يا وليد اهم حاجة اعرف ليان فين 


وليد بتفكير : اوكي وريني العنوان


بعد مرور نص ساعة  


أدهم بتعب : ها يا وليد عرفت حاجة 


وليد بتركيز وهو قاعد قدام الكمبيوتر : انا بعت العنوان للشرطة الفرنسية وبيقولوا لازم نسافر


أدهم قام وقف :طب يلا مستنين ايه


وليد :تمام روح يا أدهم حضر نفسك هنتحرك بطايرة فرنسا الساعة 3 الفجر


أدهم :تمام

وخرج أدهم وراح يجهز نفسه للسفر


فماذا سيحدث يا ترى؟!


"مش قادر انسيييي بدارييي مهما ادارييي في باللييي لسة💔 " حماقي 


في قصر مراد الجارحي 


نغم لبست فستان قصير من اللون الأحمر لحد بعد الركبة بشوية وكت وفردت شعرها البني الناعم وحطت لينسز من اللون العسلي اللي لايق على بشرتها جدا وحطت ميكب هادي بصت لنفسها بحب وثقتها زادات في نفسها اكتر فعلا لما يكون شكلك حلو بترضي عن نفسك وبتحبي نفسك اكتر وعاوزة اقول رسالة لكل بنت


 ( انتي حلوة في كل حالاتك متخليش حد يقلل ثقتك من نفسك ابدا انتي جميلة ولازم تحطي الجملة دي في دماغكك انا حلوة في كل حالاتي واللي يقولك انتي مش حلوة قوليله امك قرعة هههههه😂😂 اهه والله قوليله كدا اي حد يقلل منككك لوشيهههه بمعنى أصح انتي اجمل حاجة في الدنيا




 كفايا ان روحكك حلوة ومش بتتصنعي قصاد حد وبعديين يا بت انتي مزة المززز ده انتي لو عملتي شعركك وحطيتي ذبدة كاكاو بتبقى عسل كدا ووتكة ❤️❤️❤️❤️❤️😂) نرجع للرواية 


نغم نزلت وكانت ليان بتتفرج على التلفزيون بصتلها بصدمة :واااااو يخربيت حلوتككك مخبية ده كله فين 


نغم :هههه في دلع متشال لحبيبي وحنية من غير حساب ايوة يا حبيبتي بس لما ببقى عاوزة اكون حلوة بكون حلوة يا بنتي 


ليان :جدعة يا بت يلا ادخلي لمراد في المكتب قوليلي اي حاجة على الشغل وشوفي ردة فعله ايه لما يشوفككك كدا 


نغم :هههه ماشي نغم اخدت نفس وابتسمت وخبطت على الباب 


مراد :ادخل 


دخلت نغم وهي مبتسمة:ممكن اتكلم معاك في الشغل شوية 


مراد وقف من الصدمة :انتي مين 


نغم :ههههه انا نغم 


مراد  بصدمة :والرقة دي جت منين يا نغم 


نغم :موجودة من زمان بس بقا اللي ياخد بالههه


مراد  وقف قدامها وابتسم:اممممم لا بس حلوة 


نغم بفرحة وهي بتلف :يعني شكلي حلو 


مراد بإبتسامة :طول عمرك حلوة حتى وانتي برعي 


نغم بغضب :نهارككك اسووووح انا برعيييي يا مراد 


مراد :تنكري بالكحكة واللبس الولادي بتاعكك والنضارة كنتي برعي 


نغم حاولت تسيطر على غضبها :واتغيرت فيها ايه بقا 





مراد بصلها اووي :اهم حاجة تكوني متغيرة علشان خاطر نفسك مش علشان حد 


نغم بصتله بنظرة ثقة :ايوة اتغيرت علشان خاطر نفسي امال هتغير علشان مين يعني


َمراد بصلها اووي ولمح لون عيونه العسلي :على فكرة عيونك احلى من غير لينسز


نغم ربعت ايديها واتكلم ببرود :وانت مالك حلوة ولا وحشة  وبعدين وانا مش لابساها علشان بحب البسها انا لابسها بدل النضارة 


مراد :ما علينا هتكلميني في شغل ايه 


نغم :طب نقعد طيب


مراد :تمام 


قعدوا ونغم كانت قاعدة جمب مراد على المكتب  ومكنتش مركزة في حاجة اصلا كانت مركزة فيه هو وبس وبعديها قامت وحطت شعرها ورا ودنها وحطته في جمب واحد وكانت بتشرح حاجة على الورق لمراد ومراد سرح في شكلها اول مرة يحس فعلا انها جميلة وبعديها نغم بصتله وهو كان بصصلها وسرحان نغم ابتسمت وحست ان خطتها ابتدأت تنجح 


نغم قربت من وشه واتكلمت :سرحت في ايه 


مراد بلع ريقه :ها مفيش في الشغل طبعا 


نغم ابتسمت :والشغل على وشي 


مراد بصلها بطرف عنيه:انتي عاوزة توصلي لايه يا نغم مش مرتحلك وتغيرك المفاجأة ده غريب شوية 


نغم بثقة :مش عاوزة اوصل لحاجة وعن ازنكك انا كدا خلصت اللي كان عندي 


مراد :اتفضلي 


نغم مشيت قدامه بثقة وابتسمت ابتسامة نصر ومراد ابتسم لجنانها 


نغم الفرحة مش سياعاها الدنيا ابتدات تديها فرصة من تاني وليان فرحت جدا ليها وعدي اليوم بسلام 


فماذا سيحدث ياتري؟! 


"كل شئ إلا الفرااااق فمتسبنيش وانا مشتااااق💔" مسلم


أدهم حضر كل حاجة تخص السفر  وراح لحماههه وحماته 


ام ليان فتحتله وكانت بتعيط :أدهم يابني لقيته ليان 


أدهم ابتسملها :هترجع هرجعهالك انهاردة 


ام ليان بفرحة ودموع :بجد يابني هترجعها ازي 


ابو ليان جه عليهم :أدهم يا اهلا 


أدهم :ازيك يا عمي 

دخل وقعدوا 


ابو ليان بغضب :وكمان ليك عين تيجي هنا ده انت سبب كل النصيب الي بتحصل لبنتي انا كنت غلطان من الاول اني امنتلك 


أدهم ابتسمت بحزن :وهروح ادفع تمن غلطي وكل النصايب يا عمي انا هسافر انهاردة فرنسا علشان ارجع ليان ومش هاممني ايه اللي يحصلي اهم حاجة اني ارجعها


ام ليان بخضة :ينهاري وايه اللي ودا بنتي في آخر الدنيا كدا مين اللي خطفها 


أدهم :لحد دلوقت منعرفش بس نيهال ومصطفى شبهوا على واحدة شبها هناك وكمان العربية اللي خطفتها طلعت على فرنسا فربطنا الخيوط ببعض وإنشاء الله خيرر متقلقيش ارجوكم لو عندكم اي حاجة تفدنا قولولنا 


ابو ليان :وهيكون عندنا ايه يعني 


أدهم :يعني محدش حاول يتواصل معاكم من اللي خاطفنها 


ام ليان اتوترت وعنيها راحت يمين وشمال وادهم لاحظ


أدهم بصلها اووي :هو فيه حد كلمك يا طنط 


ام ليان اتوترت :لا يابني مين يعني اللي هيكلمني 


ابو ليان بتحذير :قولي لو حد كلمككك علشان ده في صالح بنتككك


ام ليان بخوف :ليان كلمتني 


ابو ليان قام وقف:ايهههههه وازي متقوليش حاجة كدااا


أدهم :اهدي ياعمي كلمتك امتى 





ام ليان :من 4 ايام كانت بطمني عليها وقالتلي مقولش لحد انها كلمتني واللي خطفها كان بيحميها 


أدهم بإستغراب :بيحميها من مين 


ام ليان بزعيق :خطبتك القديمة كانت عاوزة تخطفها وتسرق أعضائها 


أدهم بصدمة :انتي بتقولي ايههه 


ام ليان بغضب :اللي سمعتههه انا بنتي نجت من الموت على اخر لاحظة  


ابو ليان :شوفت بقا ان وجودكك جمب ليان اكبرر خطر عليها 


أدهم افتكر الرسالة اللي جتله لما ليان انخطفت معنى كدا ان دينا كانت هتخطفها في نفس الوقت وعلشان كدا بعتت الرسالة بس في الحقيقة مش هي اللي خطفتها أدهم مسك دماغه من الصدمة مش مصدق اي حاجة معقول كان هيتجوز واحدة بالقذارة والقوة دي


 قام وقف بحزن :انا فعلا اسف انا فعلا خطر على ليان انا هطلق بنتكم بس لما ارجعها الأول وتبقى في حضنكم يمكن ده اللي يحميها من كل حاجة بتحصلها بسببي عن اذنكم 


سابهم ومشي راح على المطار هو ووليد وطول الوقت أدهم سرحان


وليد بصله :مالك فيه ايه 


أدهم :مفيش يا وليد 


وليد :لا فيه عرفت حاجة ومخبيها 


أدهم بحزن : انا السبب في كل حاجة حصلت لليان 


وليد : انا مش فاهم حاجة انت عرفت حاجة


أدهم : ليان كلمت مامتها 


وليد بصدمة : وازي متقوليش حاجة زي كدا 


أدهم : انا ذات نفسي لسة عارف انهاردة وبعدين هتفرق فيه ايه مهو كدا كدا الرقم اللي كلمتوهم منه اكيد اترمي في اي حتة


وليد : طب هي قالت ايه يعني 


ادهم: قالت إنه اللي خاطفها كان بيحميها من دينا اللي كانت خطبيتي 






وليد بإستغراب : ليههه مالها دينا عملت ايه مش انتوا سبتوا بعض من خمس سنين 


أدهم : اه حاولت تظهر تاني وعاوزة ترجعلي بس لما رفضتها حاولت تقتل ليان  علشان تنتقم مني انا خطر على ليان يا وليد انا كل المصايب اللي بتحصلها بسببي 


وليد : اهدي كدا وفهمني موضوعك انت وليان وازي اتجوزتوا 


أدهم : ليان كانت طالبة عندي و.... وحكي له كل شئ 


وليد : طب وانت شعورك ايه تجاههه ليان 


أدهم بحب : انا اكتشفت اني بعشقها مش بحبها وبس 


وليد : بس يا أدهم ليان شكلها عارفة المجرم اللي خطفها يعني اللي خاطفها بيحافظ عليها يعني معنى كدا انها بخيرر تفتكر هترضي ترجع معاكك


أدهم ضحك بحزن : مش مهم المهم اني اطمن عليها وبس وليها الاختيار ونقبض على دينا علشان اطمن على ليان اكتر 


وليد :بس يا ادهم دينا مش مثبت عليها أي تهمة يعني كله نلافيت كلام وبعدين اللي خطف ليان عرف منين ان دينا هتخطفها الموضوع في لغز يا أدهم 


أدهم فضل سكت كان مش قادر يتكلم ولا يقول اي حاجة كان مرهق بمعنى الكلمة دقنه طويل جدا وعيونه لونها اطفي من كتر الإرهاق وقلة النوم وهو مش فاهم اي حاجة هل ليان سافرت مع الللي خاطفها بمزاجها ولا فعلا انخطفت كانت كل دي أسئلة بتدور في دماغه 


عدي الوقت والطيارة وصلت اراضييي فرنسا وابتدا أدهم ووليد يدوروا مين اللي اخد ليان وقدروا من عن طريق كاميرات مراقبة المحل يشوفوا وش مراد وليان أدهم اطمن شوية بس اللي خلاها مدايق ان ليان بتضحك ومش مدايقة معقول ليان تكون حبيته وخلاص نسيت حب أدهم 






وليد وادهم خرجوا من المحل : دلوقت عرفنا انه اسمه مراد الجارحي رجل أعمال في فرنسا هنا بس مش هنقدر ناخد اي قوة معانا 


أدهم بإستغراب : ليه 


وليد :لانه الموضوع عادي مفيش اي إثبات على مراد انه خاطفها واكيد شوفت في التسجيل انها عادي يعني مش مخطوفه 


أدهم بغضب :وليد خد بالك انككك بتحاول تنرفزني بكلامك 


وليد :ولا تنرفزني ولا انرفزك نطمن على مراتك واتصافوا مع بعض  المهم لازم نعرف عنوان مراد 


أدهم : وهنعرفه ازي 


وليد :لا دي سهلة يلا بينا 


فماذا سيحدث يا ترى؟ 


" متختلفيييش وانا الغلطان ليههه حبيتك💔"

 

ليان كانت قاعدة في اوضتها زي كل مرة باصة لصورته بحب ودموعها بتنزل بصمت حضنت صورته وقامت تبص وقفت في البلكونة بتشم هوا يمكن الهوا ده يطفي نارها 


لمحت نغم بتحاول ترزل على مراد وهو بيقرأ الجرنان وهو كل شوية يضربها على ايديها وهي تضحك ليان  ابتسمت ليهم جدا بحب واتمنت انه مراد يحب نغم بسهولة منغير ما تتعب زيها بصت للسما وحطت ايديها على قلبها  والباب خبط 


ليان : ادخل 






فتحية بحب : الجميل منزلش ليه على طول 


ليان بإبتسامة : مش عارفة بس من ساعة ما قومت من النوم وانا قلبي مقبوض حاسة انه هيحصل حاجة 


فتحية : صلى على النبي كدا في قلبك يا بنتي ومتخافيش انشاء الله خير 


ليان بإبتسامة : عليه الصلاة والسلام


وبعديها ليان بإستغراب : ايه الدوشة اللي تحت دي 


فتحية بقلق : مش عارفة 


ليان خرجت من اوضتها وبتنزل على السلم وهي حاطة ايديها على قلبها كل ما تقرب من تحت قلبها ينقبض اكتر لحد ما وصلت نص السلم وشافته ايوة شافت حبيبها ايوة حبها الأول وحب حياتها  بصت بصدمة وقالت برعشة صوت : ادهممممم


                      الفصل التاسع عشر من هنا

تعليقات