روايه عذراء بعد الاغتصاب
الحلقه ( 3 )
رنا:امال مين
هادى:مها
رنا:.......
هادى:بت
رنا:معلش اصلى مش مركزه سرحت منك مين بقا
هادى:مهااااا
رنا:مها مين
هادى:هو احنا عندنا كام مها يعنى
رنا:انتا بتهزر صح
هادى:والمفاجأه الاكبر كمان كتب كتاب كلمت الحاج
تانى وانا جاى ف الطريق وهتبقى دخله ع طول
رنا:انتا مجنون
هادى:مش مصدقه نفسك من الفرحه صح
رنا:مستحيل طبعا
هادى:ليه هى مش بنت
رنا:نعم ايه الى انتا بتقوله دا بنت طبعا
هادى:ايه ايه انتى فهمتى ايه انا اقصد انها
مش راجل يعنى بنت وزى العسل
رنا:ا ااا اه طبعا دا الى انا فهمته هكون فهمت ايه
هادى:هو انا اتكلمت
رنا:دا ازاى بلاش
هادى:انا قولت انك اكتر واحد ه هههه هتفرحى
رنا:انت بتضحك ليه
هادى:لا يابنت الاصول ربنا يبارك ف امك
رنا:انت عاوز ايه ب الظبط
هادى:هههه هعوز ايه بس اجهزى علشان
انتى بكرا اخت العريس والعروسه ولا ايه
رنا:اه طبعا بس لا مش هيحصل
هادى:ادينى سبب
رنا:.....
هادى:الله يبارك فيكى سلام بقا علشان انا
عريس بقا ومش فاضى اجهز
*******
وروح هادى ورمى نفسه ع السرير من التعب
هادى:الووو
يوسف:ايه يابنى فينك
هادى:كويس كنت هتصل بيك حالا
يوسف:مال صوتك
هادى:بكره من الساعه 9 الصبح تكون عندى علشان تجهز معايا كل حاجه
يوسف:ايوا نعم
هادى:انا هتجوز بكره
يوسف:ههههههه الف سلامه عليك
هادى:زى ما سمعت انا تعبان ومش قادر
يوسف:انت بتتكلم جد ولا ايه مش لسه شويه ع عزه هى كانت قايله كده
هادى:هتجوز مها
يوسف:نعم
هادى:بكرا تفهم والله تعبان سلام
يوسف:لا لا تعبان ايه انا هلبس وجايلك دلوقت
هادى:سلام
ورن فون هادى تانى
هادى:انتى كويسه فى حاجه
مها بستغراب:اه ايه الى انتا عملته دا
هادى:روحى نامى بكره يوم طويل
مها:مستحيل طبعا يحصل عزه صاحبه عمرى
هادى:ملكيش دعوه ب عزه
مها:ازاى دا
هادى:سلام
مها:هادى
هادى:اه اه نسيت بكره الفستان الى انتى كونتى حاجزاه هيجيلك
واحد غيره ابيض
مها:نعم
هادى:اه بكره دخله
مها:فهمنى انتا اتجننت صح يابنى انت اخويا متجوزليش
هادى:سلام
مها:لا كلم بابا وانا هتجوز هيثم
هادى:بصوت عالى جدا هى اتخضت منه:مهاا اقفلى
وقفل ورمى الفون بقهر وفرد ع السرير
******
مها:بابا انا خارجه اشترى شويه حاجات كانت ناقصه
ابو مها:طيب متتاخريش واعملى حسابك بكرا دخله
مها:يابابا
ابو مها:روحى الكوفير ولو هتجهزى ولو مش هتجهزى
برضوا هتتجوزى الراجل بعد ما منع كارثه مقدرش اقوله لا
مها بقهر:حاضر
ومشيت خرجت من البيت
*****
ف المستشفى
دكتور محسن:لوسمحت انتا اخر رقم كان ع فون الاستاذ ف اتصلنا بيك
حازم:مين دا
دكتور:اسمه كريم
حازم:اه هو عامل ايه طيب
د محسن:هو لسه مفقش بس حاله ابتدت تستقر
حازم:طيب انا همشى ورقمى اهوه لو فى جديد 011......
******
ف بيت هادى
هادى:ادخل يايوسف
يوسف:مالك ف ايه
هادى:بص انا هتجوز مها انا بحبهااا ماشى بس
يوسف:انت كذاب
هادى:يوسف معلش هو دا الى ااقدر اقولهولك
يوسف :اه انت مش ناوى تتكلم طيب عموما شايف السرير
بتاعك انا هنام عليه دلوقت اصل انا بايت معاك ولو حبيت تتكلم
انا موجود ماشى وروح نام ع الكنبه انا محبش حد ينام جنبى
هادى :ضربه وقام ع الكنبه الى جنب السرير وضحك ضحكه خفيفه
هادى بيطمن جدا وهو يوسف جنبه اعز صاحبه الى بيحس بيه
وهو الوحيد الى قدر يخليه يبتسم برغم اوجاعه بس برضوا مينفعش يقول سر مها
ل مخلوق مينفع يفضحها حتى مع نفسه كفايه انها ضحيه اخته
*****
عزه:ايوا جايه جايه
مها:هو فى ايه يا عزه
عزه:طب قولى السلام عليكم
مها:جاوبى
عزه:وحشتينى يابنت المجنونه
وهنا مها ادركت ان عزه متعرفش اى حاجه اترمت ف حضنها وفضلت تعيط
عزه:اهدى اهدى بس ادخلى
وعملت لها ليمون وقعدت تهدى فيها
وحكت لها الى حصل كله
عزه:ههههه لا انا مش ناقصه مقالب ياختى
مها:عزه انتى لازم تمنعيه
عزه:انتى بتتكلمى بجد
مها عيطت ب حره وقهر ع صحبتها
عزه مصدومه الباب خبط قامت
رنا:هو فيه ايه افهم بقا
عزه:انتى الى تفهمينى
رنا:دخلت شافت مها وسكتت
مها بدموع:كلميه يا عزه
رنا:اه انتوا شكلكم متفقين
عزه:اطلعوا بره
مها:كلميه
عزه بصراخ:اطلعوا برا بيتى
وطردتهم
****
روحت رنا بيتها مقهوره عاوز ه تفهم وبترن ع حازم مش بيرد
******
مها طبعا ولا راحت كوفير ولا اى حاجه ولا جابت اى حاجه
رجعت بيتها وفضلت تعيط لحد ما نامت
*****
يوسف:هادى هادى قوم فونك بيرن
هادى:مين مش عاوز اكلم حد
يوسف:دى دى عزه قوم
هادى:اتنفض من مكانه وخد الفون ورد ويوسف طلع من الاوضه من سكات
هادى اخر صوت كان عاوز يسمعه ف اليوم دا
هادى :الو
عزه :ليه
هادى كانه اضرب برصاصه ع صوتها
هادى:......
عزه :ليه يا هادى
هادى:عزه دا نصيب وانتى لو عاوزه تفهمى يبقا مش النهاردا
عزه:امال امتا لما تجيب مازن من غيرى
هادى:كفايه كفايه ياعزه
عزه:بس انت مخدتش المنديل
ورجعوا ب الزمن وراي شويه
ف محل اسمه سوبيا الراحمنى
هادى:عزه هاتى منديل
عزه:حاضر
فجاه
ست غريبه:اوعى تاخد المنديل دا فراق
هادى:نعم
الست:والله انا وانا صغيره كونت ف مدرسه اسمها صفيه زغلول
وكونت بحب واحد من ساعت ما اديته المنديل مشفتهوش
هادى قطع المنديل ورماه ع الارض وداس عليه لا فراق ايه
الست:هههه ربنا يخليكم ل بعض
عزه:يلهوى يا هدهد كونت هتاخد المنديل
هادى:بعد الشر ياقلب هادى وباس ايدها
نرجع للمكالمه
هادى:ودموعه لاول مره تنزل بوجع كدا
هادى:كفايه ياعزه قولتلك
عزه:طب ليه ايه السبب
هادى:بكرا هكلمك ياعزه سلام
عزه:تضحك ب قهر:بكره
هادى:سلام
وقفلوا
عزه فضلت تعيط لحد ما نامت من التعب
*****
هادى:ادخل نام يا يوسف تعالى
وناموا كل ابطال الروايه علشان اليوم اللى جاى اصعب من ده 😢
روايه عذراء بعد الاغتصاب
الفصل الرابع
اليوم الموعود يوم المفاجآت كلهااا
ابو مها:قومى يابنتى الساعه 10 قومى ياحببتى
مها:صباح الخير يا بابا اما انا شوفت حتة كابوس
ابو مها:خير ياحبيبتى فى عروسه تشوف كابوس يوم فرحها
مها:عروسه
ابومها:اه واحلى عروسه
مها:عن اذنك يا بابا اقوم اغسل وشى واغير
ابومها:طب و الكابوس
مها:مطلعش كابوس يا ابو العروسه
ابومها:طيب افطرى وروحى ع الكوافير رنا هتروح ع هناك
مها:حاضر
******
رنا:ياماما انا ماشيه رايحه الزفت الكوافير هادى مش هيعديها لو مروحتش
ام رنا:طيب هبقا اجى ع الفرح
وسابت امها ودخلت تلبس وعماله ترن ع حازم مش بيرد عليها
******
د محسن:اخيرا ياراجل فوقت
كريم:انا فين والبنت
د محسن:اهدى اهدى بس بنت مين
كريم:الى انا دمرتهاااا اااااه
د محسن:لا ارتاح بس ونفهم الموضوع دا بعدين
انا اتصلت ب صاحبك وهو جاى دلوقت
كريم:هو ايه حصل
د محسن:خبطتك عربيه بس الحمدلله سليمه
كريم:هخرج امتا
د محسن:ههههههه لا يابطل لسه شويه انت
عارف انا فرح ابن عمى انهارده مكنتش هروح لو مكنتش فوقت
كريم:شكرا يا دكتور بس انا لازم اخرج
د محسن:بص بكره نتناقش ف الموضوع دا بس اسمع الكلام
كريم:امرى لله بس بكره بس
د محسن:ماشى اروح بقا اشوف ابن عمى هههههه واحنا صحاب ها
كريم:ابتسم :ان شاء الله
*******
هادى:يوسف يوووسف قوم يابنى
يوسف:حااااضر
هادى:بص انا هنزل اتمم ع القاعه وكل حاجه واروح اخد مها
اوديها الكوفير وانتا ظبط الدنيا والعربيه وكدا واسبقنى ع القاعه
علشان انا همشى بدرى اشطه
يوسف:اشطاط
********
عزه:الو شيماء هتيجى معايا ولا لا
شيماء:يابنتى مينفعش
عزه :لا لازم اروح الفرح واقوله مبروك كمان
شيماء:امرى لله اكيد مش هسيبك لوحدك
*****
هادى:الو عمى انا تحت خالى مها تنزل اوديها الكوفير
******
مها:حاضر يا ماما
وباست ايد امها بكل حب
ام مها:ربنا يسعدك يابنتى
طبعا ام مها برا كل دا علشان بتتعب بسرعه ف مش كل حاجه
بتعرفها يعنى هى متعرفش ان بنتها مغصوبه ع الجوازه
ونزلت مها ل هادى الى كان مستنيها ف العربيه
وركبت من سكات
هادى:رنا زمنها وصلت والفستان كمان وهنطلع بعد الفرح ع فندق 5 نجوم
لمده اسبوع هنا ف القاهره بس بعيد شويه
مها:........
هادى:ومتتكلميش مع عزه النهارده خالص سامعه
مهاا:انتا ايه يا اخى مش بتحس
هادى:خلاص هو دا اللى عندى
طول الطريق ساكتين
هادى:انزلى ورنى لى اول ما تخلصى
مها:......
هادى بصوت عالى خضها:مهاااا
مها بدموع :حاضر
ونزلت الكوافير وفعلا لقت رنا مستنياها والفستان وكل
حاجه جاهزه
(تعالوا كدا اوصف لكم مها:::: بيضا وعنيها عسلى فاتح
وشعرها اسود وناعم جدا وطويل جدا
وقصيره شويه وجسمها متناسق بنت مصريه اصيله
بمعنى الكلمه جمالها زى الملايكه)
*****
رنا:مها حبيبتى اهدى شويه معلش انا مش عارفه هادى عمل كدا ليه
مها:اهى اهى اهى اخوكى بيقتلنى وانتى عارفه اللى فيهااا
وغير كدا دا اخويا ميجوزليش
رنا:معلش يا حبيبتى نصيب بقا خير
مها:بجد ربنا يخليكى ليا انا افتكرتك مش هتيجى
رنا:انتى عبيطه انا جايه علشانك والله مش علشان هادى
مها:انتى اختى
رنا:اسكتى بقا دى رابع مره الميكب يبوظ
هروح اكلم هادى ع ما يخلصوا متعيطيش تانى بقاا
مها هزت راسها وسكتت
****
رنا:الو ممكن اعرف مبتردش ليه
حازم:يوووه مش فاضى
رنا:لا مش انا الى تكلمنى ب الاسلوب دا
حازم بنفاذ صبر:معلشى حقك ع اللى جابونى
انا عندى زفت مصيبه هكلمك بعدين
رنا:عموما براحتك بس حبيت اقولك النهارده فرح
مها ودخله ع طول مش كتب كتاب ولا خطوبه
حازم:نعم
رنا:اه والله
حازم:البت دى مجنونه
رنا:والمصيبه الاكبر ان هتتجوز اخويا
حازم:نعم ياختى
رنا:اه والله انا خايفه لما يعرف تقول اني عارفه انها مش بنت
حازم:الفرح فين
رنا:قاعه....... ف فندق.......
حازم:طيب خليكى متبعانى ف الفون علشان هاجى افضحها
رنا:ماشى بس لازم اخويا ميخودش واحده مش نظيفه
حازم:رنا بلاش نتكلم ع النظافه سلام
رنا:تقصد ايه
حازم:ولا حاجه سلام دلوقت
رنا:مااشى
****
رنا:الو هادى تعال يلا
هادى:سلام
******
ووصل هادى ويوسف كان سايق العربيه
وخرجت من الكوافير عامله زى الملاك بهرت الكل
الفستان ابيض طبعا قصير من قدام طويل جدا من ورا
ضيق من فوق وكان بكم واحد والتانى لا وصندل لف ع رجليها
وشعرها الى وصل ل اخر ظهرها اللى معملتش فى اى فرمه
غير انها لبست تاج وارق ميكب وركبت العربيه مع هادى من غير ما
تتكلم اى كلمه
يوسف:وحدوه يا جدعان
رنا:خاليك ف حالك
هادى:بس بقا
يوسف:ايه دا ايه دا لا انزل واسيبلك العربيه مش كفايه شغال
الصبح منظم حفلات وبليل سواق فاضل ابقة العروسه
هادى ضربه
هادى:بص قدامك وامشى ساكت
مها ضحكت ضحكه خفيفه ع كلام يوسف
رنا مش طايقه اى حد بعتت مسج ل حازم
(احنا رايحين ع القاعه ساعه واتحرك)
ووصلوا القاعه ووصل كل الضيوف
و د محسن:ابن عم هادى
وحازم ع وصول
وعزه ع وصول
كدا ابطال الروايه كلهم ف القاعه ف الفرح
ما عدا كريم........