رواية الكلبش والايدي الناعمة
الفصل الثامن عشر
بقلم لمياء رفعت
مازن: والمفروض اعمل ايه ياانجي اقف
اتفرج على اللي بيحصل انتي عارفه يعني ايه امل تجرأ وتدخل بيتي وتعمل في ساره كده
ساره: بدموع مسكت ايد مازن ....مازن ارجوك عايزه اروح لا أكرم يامازن
انجي: مازن اسمع كلامي أرجوك
مازن: قرب من ساره ومسك ايدها...اثقي فيا
ياساره والله صدقيني هرجعلك حقك انا مش بالساهل عليا صدقيني الوضع اللي شوفتك بيه وأمل عملته معاكي
انجي: يعني مفيش فايده يامازن
مازن: هو انتي خايفه اوي كده على امل
انجي: انا مش خايفه على امل انا خايفه
على أكرم وخايفه على رد فعله اللي ممكن يعمله وزي ماانت اخويا هو كمان اخويا
مازن: وزي ماانتي خايفه على أكرم كده ماكنتيش خايفه كان زماني دلوقتي ف
السجن في قضية آداب ومستقبلي اتدمر انا والبنت دي ... بسبب أمل
انجي: يامازن افهمني
مازن: مش عايز افهم حاجه
(فلاش بااااك)
أكرم نزل من العربيه وطلع ع الأوضة
بسرعه وأمل ماكنتش موجوده...دخل
الحمام ونزل تحت الدش بهدومه....وبقى
يفتكر ساره وهي على سرير مازن بالوضع ده وبقت دموعه نازله تجري مع مياه الدش
وبقى يفتكر كل لحظة بينهم هم الاتنين
حلوه ويفتكر ضحكتها وكسوفها وخجلها معاه وبقت ملامح وشه كلها باينه عليها
الغضب وبعد وقت...خرج غير هدومه
ونزل ...ركب العربيه وقفل تليفونه وراح مكان بعيد اوووووي على البحر
(فلاش بااااك)
مازن: مسك تليفونه وحاول كتير يرن على اكرم لكن كل مره يرن فيها( الهاتف مغلق)
مازن.... مفيش فايده قافل تليفونه
ساره: بدموع انا قلقانة عليه اوي
مازن: ماتقلقيش ياساره ان شاء الله
خير...المهم قومي أوصلك بيتك دلوقتي علشان متأخريش علشان عمك
ساره : ماشي
مازن: تعالي ياانجي أوصلك في طريقي
انجي: لا شكرا انا عارفه طريقي وسابته ومشيت
مازن: يلا ياساره
(فلاش بااااك )
انجي: وصلت الفيلا.....بصوت عالي ...أمل امل انتي ياامل
امل: ايوه ايوه ياانجي بتزعقي ليه
انجي: اطلعي فوق الاوضة عايزه اتكلم معاكي
امل: طيب بالراحة
انجي: بصوت عالي وخبطتها في ايدها بقولك اخلصي
طلعت انجي وأمل الاوضة
انجي : مسكت امل من شعرها ...ايه ياحيوا*نة اللي انتي عملتيه ده النهاردة
امل: آآآآه سيبي شعري انتي ازاي تعملي كده ...انتي عارفه انتي بتعملي ايه
انجي: ايوه عارفه كويس بعمل ايه انتي
كنتي عايزه تودي اخويا في داهية وتلوثي سمعة بنت بسبب تفكيرك المنحط
امل: انا ماعملتش حاجه أزاي تتهميني بحاجه زي دي
انجي: لا ياشيخه....انا شوفت كل حاجه على كاميرات مازن والفيديو لوحده
يوديكي في داهية انتي عارفه يعني ايه الشرف وسمعة الناس
امل: بدموع وخافت من أكرم لم عرفوا كل حاجه
امل...انجي أكرم عرف
انجي: مازن هيعرفوا بكل حاجه ...ومن
حظك انه مايعرفش علشان مايوسخ*ش ايديه فيكي ....وسابتها وخرجت
امل: بسرعه نزلت عند عمها وجيه
امل : ب انهيار عمي عمي
وجيه: في ايه ياامل مالك
امل: انا عايزه احكيلك على حاجه
وجيه : قولي يابنتي حصل ايه ومالك
امل: (بكل تمثيل)أول حاجه انا اسفه يعني
اني بقولك حاجه زي كده انا بنت زي ماانا
وجيه: من الصدمه مش فاهم حاجه بنت ازاي
امل: يعني اكرم ماقربش مني من لم اتجوزنا...بسبب انه بيحب بنت رد سجون
اسمها ساره ...وماشي وراها في كل حته
وجيه: ايه اللي بتقوليه ده انتي اتجننتي ولا ايه مستحيل طبعا
امل: لو مش مصدقني ياعمي اسأل انجي هي عارفه كل حاجه واكيد مش هتكدب عليك والبنت كانت مسجونة في قضية مخدارات
وجيه: بصوت عالي ...اااااانجي
انجي: بسرعه دخلت الاوضة نعم يابابا
وجيه: أكرم فعلا بيحب بنت رد سجون
انجي: بصت ل ساره بصت استحقار
وجيه: بصوت عالي ردي عليا انا بكلمك اكرم فعلا بيحب بنت رد سجون
انجي: بابا افهم الأول الموضوع واعرف الأول امل عملت ايه ...ولسه بتكلم
وجيه قاطعها في الكلام...كلمي أكرم ياجي حالا ....والله عال اوي
انجي: كلمته يابابا وتليفونه مقفول
وجيه: وانتي ازاي ياامل مستحمله كل ده وماجاتيش ليه تعرفيني ازاي تسمحي ب ده كله
امل: (بخبث) كنت خايفه عليك ياعمي
(فلاش بااااك )
أكرم: بقى قاعد على البحر ...وبقى يفتكر كل لحظه بينه وبين ساره ويفتكر كلامهم سوااا وفي نفسه بقى يقول( هو انا لدرجه دي اتضحك عليا بسهولة وكمان من بنت لدرجه دي انخدعت وقام وقف وبقى ماشي في البحر ويفتكر كل حاجه بينهم وملامح وشه كلها متغيرة بالغضب
(فلاش بااااك)
ساره: شكرا يامازن معلش تعبتك
مازن: امسحي دموعك وبلاش تبيني حاجه لعمك وبإذن الله كل حاجه هاتبقى كويسه صدقيني ياساره
ساره: حاضر يامازن
مازن: بتحبي أكرم ياساره
ساره: بدموع وخجل وبصت في الأرض...ايوه ايوه يامازن بحبه...انا كنت في وقت صعب اوي وكنت في حفره كبيره اوي
مالقتش حد يطلعني منها مالقتش غير أكرم اللي مدلي ايده وطلعني من اللي انا فيه وكان قادر يضحي بمستقبله
علشاني....وكملت كلامها وبقت دموعها نازله على وشها...وعمري ماهنسى اليوم اللي اضرب عليا نار ونسي وقتها انه ظابط
وشالني بين ايديه ورفعني في حضنه وبقى يعمل كل مجهوده علشان اخرج ويثبت
البراءة بتاعتي ...انا لم حبيت أكرم يامازن حبيته وحبني من قبل مايتجوز ....ساره مسكت المنديل ومسحت وشها
مازن : كان بيسمع كلامها ونار في قلبه لأنه حبها
ساره: بعد اذنك هطلع انا فوق
مازن: اتفضلي
مازن: مسك تليفونه وبعت مقطع الفيديو ل أكرم ...وساق العربيه ومشي
ساره طلعت الأوضة بتاعتها وطلعت جاكيت أكرم من الدولاب واخدته في حضنها وبقت تعيط ...ومسكت تليفونها وبقت ترن عليه لكن تليفونه مقفول
( وبعد وقت فتح تليفونه)
وصلت رساله ل ساره بفتح تليفونه ..بدون تردد رنت عليه
اكرم: شاف التليفون رن في ايده على مافتحو وشاف اسم ساره
اكرم: بدون تردد رد عليها
ساره: بدموع اكرم اسمعني انا بس عايزه اقولك
اكرم:( بااستهزاء ) ايوه معاكي اتكلمي عايزه تقولي ايه
بس قبل ماتكلمي واسمعك عايز بس اعرف حاجه واحده هو مازن دفع كام علشان
يجيبك على سريره ياانسه ساره ولا عفواااا اسف يامدام ساره...مش مدام برضو
ساره : من الصدمه كانت بتسمع كلام أكرم وسكاكين كانت بتقطع في قلبها
اكرم: كمل كلامه....بكل غضب طيب انا لو أعرف كده ماكنتش تعبت اوي كده كان المفروض تجيبي من الآخر وكنتي قوليلي يااكرم ادفع كذا وانا كنت دفعت ولا انتي شايفه من وجهة نظرك مازن معاه فلوس أكتر مني
ساره: وهي مش قادره تكلم من خنقتها من العياط....صدقني عمري ماهسامحك على الكلام ده وراحت قافله السكه
اكرم : مسك التليفون بتاعه ورماه في الأرض....التليفون بتاعه رن تاني وجه يشوفه تليفونه فصل شحن وماشافش رسايل مازن على الواتس
(فلاش بااااك )
ساره بقت قاعده على السرير وضامه رجليها في جسمها ودافنه راسها فيه وبقت منهاره من العياط على الكلام اللي سمعته من أكرم
(فلاش بااااك )
حسين : الووووووو ايوه ياعمي وجيه والله اتصلت عليه كتير تليفونه مقفول عمتا ماتقلقش هحدد الموقع بتاعه واوصله
وجيه:______________
حسين: طيب معلش هو انا ياعمي ينفع أسألك لو حصل حاجه خلته يقفل تليفونه ويمشي ...ماجايز يكون راح يجيب حاجه او في مشوار
وجيه:______________
حسين: خلاص ولا يهمك عليكم السلام
حسين : ياترى في ايه بس وفينك يااكرم