رواية الكلبش والايدي الناعمة
الفصل الخامس عشر
بقلم لمياء رفعت
امل: 😳 بااندهاش لم سمعت اسم اكرم
الست: أوامر تانيه ياهانم
امل: سكتت ومشيت بسرعه وقفت تاكسي
ودخلت الفيلا تجري
عماد: وهو رايح العيادة بتاعته...امل مالك بتجري كده ليه
امل: مردتش وطلعت اوضتها
انجي: خرجت من المطبخ...ايه ياحبيبي انت كنت بتكلم مين دلوقت
عماد: مش عارف والله ياحببتي دي امل جايه من بره بتجري وطلعت ع فوق
انجي: طيب انا هطلع اشوفها مالها
انجي: خبطت ع باب اوضة امل
امل: اتفضلي
انجي: مالك ياامل جايه من بره تجري ليه في ايه
امل: قامت من ع الكرسي وقفت وادتها تضهرها وبقت تكلم بتوتر....انااااااااااا لا لا مفيش حاجه بس...بس انا كنت
انجي: في ايه ياامل مالك انتي مش ع بعضك ليه
امل: بتوتر لم مابقتش ع بعضها ومش عارفه تكلم....أنا كنت بره ونسيت تليفوني هنا وخفت لحسن يكون وقع مني
انجي: ماقتنعتش ان الموضوع كده ولكن عملت نفسها انها مصدقه...طيب ياامل انزلي علشان نتغدا
امل: لا انا هنام
انجي: طيب ....خرجت وقفلت الباب
امل: بقت مش ع بعضها وبقت تقول ف نفسها( والله يااكرم لا اوريك هعملك فيها ايه بتاع السجون دي بقى انا تحب عليا واحده بتاع سجون ....صبرك عليا ان ماعملت ليها فضيحه وخليت اسمها ع كل لسان مايبقاش انا) وبقى الغل حرفيا والحقد كله ف امل
____________________________
أكرم: روح الفيلا بتاعتهم وقبل مايدخل وهو ف العربيه مسك تليفونه ورن ع ساره
ساره: الووووووو
اكرم: بصوت واطي وهادي...المفروض ماكنتش اتصلت عليكي ع فكره بس هعمل ايه ف قلبي
ساره: ______________مفيش رد
اكرم: ساره انا بكلمك
ساره: بدموع ومش قادره تكلم ولا تمسك نفسها من العياط....معاك يااكرم
اكرم: بخوف سيطر ع قلبه لم سمع عياط ساره
اكرم: أهدي ياساره في ايه مالك بتعيطي كده ليه حصل حاجه اتكلمي
ساره: ستي اتوفت
اكرم: وف لحظه اتذكر جدتها لم راحت ليه المكتب وبقت تترجاه يقف جنبها وفهم قد ايه كانت بتحبها ومتعلقه بيها
اكرم: طيب أهدي ياحبيبي ..الله يرحمها
ساره: وصوتها رفع اكتر ف العياط
اكرم: بنفاذ صبر قولتلك كفايه ياساره ماتعمليش ف نفسك كده انا حاسس اني متكتف وانا مش قادر حتى اكون جنبك ف وقت زي ده ...ف ياريت ماتعمليش كده فيا
ساره: بدموع خلاص يااكرم
اكرم: ساق العربيه وهو لسه فيها وخرج من الفيلا وهو بيكلم ساره ف التليفون
اكرم: انتي بتعملي ايه
ساره: بدموع مش بعمل حاجه
اكرم: ووقف بالعربيه قدام بيتها
اكرم: طيب انزلي انا تحت
ساره: بخضة انت مجنون عمي لو شافك معايه هاتبقى مصيبه خصوصًا ف وقت زي ده
اكرم: انا مش ماشي من هنا الا لم اشوفك والا يحصل يحصل خلصي وانزلي
ساره: أكرم علشان خاطري امشي
اكرم: مش همشي الا لم اشوفك قولتلك ولو منزلتيش هفضل واقف
ساره: طيب اقفل انا نازله...وقفلت التليفون
خرجت من الاوضة براحه وقفلتها وبقت ماشيه براحه علشان عمها ومرات عمها نايمين ف الأوضة
خرجت وقفلت باب الشقه واخدت المفتاح
نزلت وشافت اكرم ف العربيه اكرم لم شافها فتح باب العربيه ودخلت
ساره ماصدقت شافت اكرم اترمت ف حضنه وبقت تعيط ومنهارة من العياط
اكرم: مسك وشها ب ايده شششششش ومسحلها دموعها كفاية لو انتي بتحبيها ادعيلها مش تعملي زي العيال الصغيرين
ساره: بدموع انا خلاص بقيت يتيمه فعلا من بعدها
اكرم: وبعدين ياساره فيكي انتي مش صغيرة ياحبيبي وراح وخدها ف حضنه وبقت دافنه راسها كلها ف صدره وحست بالأمان لم كانت ف حضنه وبقت ترتعش من البرد ...حس اكرم انها سقعانه ...قلع الجاكيت ولبسهولها
اكرم: ماكنش واخد باله واخد باله انها نزلت بترنج من فوق وبشعرها....
اكرم: يانهار ابوكي اسود
ساره: طلعت من حضنه...ايه ف ايه
اكرم: انتي ازاي تنزلي كده الشارع يامتخلفه انتي
ساره: انزل ازاي ...وفتحت بوقها من الخضة واخدت بالها انها نزلت بترنج وبشعرها....والله نسيت وخبطته في صدره ب ايدها انت السبب انت الا لخمتني فيك
اكرم: بزعل طيب بعد كده ابقي خدي بالك
ساره: وحست بزعله...اكرم خلاص بقى مفيش حد اصلا ف الشارع شافني
اكرم: شدها من وسطها ورجعها لحضنه ...ساره
ساره: نعم
اكرم: مش عايز حاجه تزعلك خالص ومش عايز اشوف برضو دموعك دي تاني خالص مهم حصل اتفقنا
ساره: حاضر يااكرم ...وبقت ماسكه جامد في رقبته وبقت ف حضنه
اكرم: ياحبيبي
ساره: نعم
اكرم: باابتسامه خفيفه...انتي مش هتطلعي فوق بقى احسن حد يقوم فجأه من النوم ويكتشف انك مش موجوده...ورفع رأسها لفوق عن حضنه وبصلها وغمزلها واكمل حديثه...ولا حضني عجبك مش عايزه تخرجي منه
ساره: وحست بااحراج وخبطته ف صدره...طيب انا طالعه
اكرم: شدها من ايدها واخدها ف حضنه وباس ع رأسها...واتكلم بهدوء وصوت واطي وحنين...والله ياحبيبي ماعايز اطلعك ابدا من حضني بس خايف عليكي لتحصلك مشكله مع عمك
ساره: قربت اكتر من حضن اكرم...اكرم ماتسبنيش انا اتعودت ع وجودك جنبي..
اكرم: طلعها من حضنه....ورفع حاجبه لفوق يابت والله اكتر من كده ماهعرف اسيطر ع شعوري ههههههه انا بقول تطلعي فوق احسن
ساره: ابتسمت بخجل وبصت ف الأرض...حاضر ...وجات تقلع الجاكيت..
اكرم: لا خليه عليكي الجو برد وكمان خلصي بسرعه واطلعي ع فوق وخلي بالك المره الجايه من لبسك وانتي نازله
ساره: حاضر يااكرم
اكرم: يلا اطلعي ولم تدخلي اوضتك كلميني
ساره: حاضر: وراحت ماشيه وطلعت فوق الشقه وفتحت باب الشقه براحه بالمفتاح ودخلت اوضتها وقفلتها بشويش ورجعت قفلت النور وبصت من الشباك ورنت ع اكرم
اكرم: خلاص الجو عندك تمام
ساره: آآآآه ماتقلقش انا ف الشباك ع فكره
اكرم: بص فوق شافها
اكرم: يعني لو طلعت كسرتلك دماغك دلوقتي هايبقى كويس ساعتها
ساره: ليه ياقلبي
اكرم: بزعل برضو بشعرك ياساره واقفه ف الشباك
ساره: دخلت بسرعه وقفلت الشباك...خلاص قفلته وماكنش في حد والله روح بقى الجو برد عليك حتى الجاكيت معايه
ركب العربيه اكرم: واكمل حديثه معاها...بخبث...طيب هرجع تاني
ساره: ليه
اكرم: الجو برد وعايز الجاكيت بتاعي
ساره: مين قالك اني هديلك الجاكيت أصلا أنا هنام بيه
اكرم : والله يابخته الجاكيت
ساره: وحست بااحراج وقفلت السكه
اكرم: شاف التليفون قفل ...ابتسم وفهم انها اتحرجت وقفلت
اكرم نزل من العربيه ودخل الفيلا
وبقى ماشي بالراحه لحد ماوصل الاوضة بتاعته وفتحها( النور كان مفتوح وأمل قاعده ع السرير )
اكرم: غريبه مانمتيش ليه لحد دلوقتي
امل: يعني عارف ان الوقت ده وقت نوم وبتتاخر عادي
اكرم: ولسه هيتكلم
امل: غريبه فين الجاكيت بتاعك الا انت خارج بيه الصبح وانت رايح الشغل
اكرم: نسيته ف المكتب
امل: معقوله حد ينسى ألبس بتاعه وكمان ف الجو ده ...ده حتى لو نسيت الجو يفكرك
اكرم: مردش عليها ودخل الحمام ياخد شاور
امل: اضايقت من طريقته وحبت تمسك نفسها من اي رد فعل ليها وبقت واقفه تفكر تعمل ايه....طلعت قميص ولبسته وحطت ميكب وسابت شعرها كله ع ضهرها
اكرم: خرج من الحمام وشاف امل بالشكل ده اضايق
امل: قربت منه واترمت ف حضنه...وحشتني النهار كله وانت بره
اكرم: بعد عنها وشال ايدها من عليه ...
اكرم: امل ألبسي حاجه أحسن
امل: بخنقه...والبس ليه وفين الغلط ف كده هو انا مش مع جوزي
اكرم: بتوتر وخنقه من الموقف ..وبص بعيد آآآآه طبعا بس انا عامل عليكي الجو برد مش اكتر وعمتا ع راحتك الا يعجبك...وسابها ونام ع السرير
امل: قفلت النور وراحت عنده ورفعت ايده تحت رأسها وجات ف حضنه ...ولسه أكرم هيتكلم
امل: عارفه هتقول انك مش بتعرف تنام بالشكل ده بس انا كمان حابه انام ف حضن جوزي ولو اتكلمت هنادي لعمي
اكرم: (سكت علشان عارف انها ممكن فعلا تعمل كده)
اكرم نام ....وأمل بقت ف حضنه ومضايقه منه وبقت ف نفسها تقول( ماشي يااكرم هتشوف انا هعمل ايه)
_______________________
في الصباح
فاقت من النوم ساره وقامت قلعت الجاكيت من عليها وشالته ف الدولاب ودخلت اخدت شاور وغيرت هدومها ولبست بنطلون جينز أسود وتيشرت أسود وفوق منه بالطو أسود لحد الركبة وطرحه سوده ولبست كوتش ابيض
والاسود كان ظاهر جمالها اكتر
عمها خبط ع الباب
ساره: ادخل
عصام: ايه يابنتي رايحه فين قبل ماتفطري
ساره: هنزل الجامعه ياعمي...واعدي ع شغلي
عصام: ليه طيب يابنتي الأسود ده انتي لسه صغيره...دي ستك الله يرحمها كانت بتزعل لم بتشوفك بالاسود
ساره: انا هلبسه ع طول ياعمي علشان ستي
عصام: بس عبط انتي صغيره ع الكلام ده يلا خلصي وغيري هدومك
ساره: والله لا مش هغير
عصام: طيب علشان الحلفان بتاعك دي اخر مره ياساره وبعد كده ماشوفكيش بالأسود تاني اظن قولتلك اهو وراح خارج من الاوضة
ساره نزلت الجامعه
اكرم: قام من النوم وفتح عينيه شاف امل نايمه ف حضنه وبلبس امبارح حاول مايبصلهاش وشال ايديها من عليه وخرج راح الحمام اخد شاور ولبس هدومه (بنطلون جينز اسود وقميص ابيض ولبس جاكيت اسود )وقرب جنب امل وجاب البطانيه من تحت رجليها وغطاها
امل: فاقت من النوم وابتسمت وراحت اخدته ف حضنها وباسته في خده ...صباح الخير ياحبيبي
اكرم: صباح الخير
امل: وهي ماسكه ف رقبته خايف عليا من البرد بتغطيني ولا مش حابب تشوفني كده
اكرم: شال ايدها من ع رقبته انا اخرت ع الشغل اوي وزيادة كمان عايزه حاجه..وجه يقف
امل شدته من ايده وقربت منه ...ليك حق تتأخر مش كنت نايم ف حضني الليل كله ...وبعدين أهو علشان متبقاش تزعل لم بنام ف حضنك اظن قومت مالقتش ناقص ليك لا ايد ولا رجل
اكرم: وحاول يلطف الجو علشان ماتعملش مشاكل....ماشي ههههههه انا خارج عايزه حاجه
امل : جريت ووقفت قدامه...طيب ماانت بتضحك اهو وضحكتك حلوه أومال مش بتخليني اشوفها ليه ع طول
اكرم: ياامل بالله عليكي عايز اروح الشغل
امل: ماشي مع السلامة
ركب العربيه اكرم ورن على ساره
ساره: ايوه يااكرم
اكرم: ايه ياحبيبي انتي فين
ساره: خلصت الجامعه حالا ورايحه ف الطريق الشغل
اكرم: بزعل برضو ياساره
ساره: حبيبي علشان خاطري بقى انا محتاجه اشتغل
اكرم: ساره شوفي انتي بتاخدي كام من الشغل وانا ادهولك وبلاش شغل
ساره: مش فلوس ع فكره بس انا حابه الشغل محتاجه ليه كاخروج كاجو...وبعدين ماتخافش عليا بقى
اكرم: ماشي ياساره سلام دلوقت علشان داخل ع الشغل
ساره: ماشي انا كمان وصلت وراحت قافله
ساره دخلت الشركه وقعدت ع المكتب
مازن دخل الشركه
صباح الخير
العمال وساره صباح الخير يامازن بيه
مازن: ساره تعالي عوزك ف المكتب
ساره دخلت وراه ...تحت امرك يامازن بيه
مازن قلع جاكيت البدله وعلقو ف الكرسي وفك زرار القميص الا ف ايديه الاتنين وقعد ع المكتب ...اتفضلي ياساره اقعدي
ساره: قعدت
مازن: عامله ايه دلوقتي طمنيني عليكي بقيتي احسن
ساره: الحمد لله
مازن : ولسه هيتكلم باب المكتب اتفتح
ساره: امل