رواية عشق الاسد الفصل الحادي والعشرون

تيم قرب منهم وشال القماشة السودا وسليم اول ما شاف الشخص ده اتصدم. 

سليم بصدمة:ازاى ده ايه اللى بيحصل انتى متى. 

أسد: اهدى وأنا هفهمك كل حاجة. 

سليم بزعيق :هتفهمنى ايه وازاى دي عايشة دى ماتت ايوة انتم قتلتوها. 

محمد: اهدى يا سليم و هنفهمك. 

سليم:هتفهمونى ايه. 

أسد: ما إنت لو سكت هتفهم كل حاجة. 

سليم :اتفضل قول. 

أسد :مبدئيا كده دى تبقى سلمى سعيد العامرى. 

سليم بصدمة :ايه. 

أسد:زى ما سمعت كده دى تبقى سلمى سعيد العامرى بنت سعيد العامرى. 

سليم بص عليها وهيا كانت خايفة جدا ومنكمشة على نفسها. 

سليم: انا مش فاهم حاجة ازاى. 

أسد:دى سلمى سعيد العامرى اللى دخلت حياتك ورسمت عليك دور البريئة الغلبانة اللى بتحبك بس هيا ولا كانت بتحبك ولا نيلة. 

عمر:كل الحكاية ان سلمى كانت معجبة بأسد وعايزة توصله وكانت عيزاه ينضم ليهم في شغل المافيا. 

محمد:اه ما هيا من اهم الناس فى عالم المافيا .

أسد:حاولت معايا مره واتنين ومعرفتش علشان كده فكرت في خطة جديدة توصلى بيها وملاقتش أنسب منك انت علشان توصلها بيا لان إحنا فى الوقت ده كنا قريبين أوى من بعض  .

عمر:أسد عرف بخطتها وحزرها مره وخلاها مشيت وبعدت عنك فترة بس بعد ما انت عرفت انها مشيت فضلت تدور عليها لحد ما لاقتها ساعتها بقا قالتلك انها بعدت لان أسد تصرفاته معاها مش كويسة وحاول انه يقرب منها أكتر من مره. 

محمد:انت بقا بعدت عننا وبقيت متسهرش معانا ولا تخرج او حتى تزورنا .

تيم:بعدها بفترة عرفنا إنك انضميت للمافيا ومن انضمامك للمافيا عرفت طريق سعيد العامرى وقررت تبدأ في انتقامك منه.

أسد:فى الوقت ده كانت سلمى بتحاول انها ترجع تقرب منى تانى. 

محمد: فى يوم سلمى راحت ل أسد عالبيت وحاولت انها تقرب منه بأوضاع مش كويسة وكان فى حد فى الوقت ده بيصورهم وبعتلك الصور دى. 

تيم :انت طبعا اول ما شوفت الصور دى اتجننت وروحت لسلمى ساعتها هيا قالتلك ان أسد قلها إنك تعبان عنده وهيا راحت علشان تجيبك و اول ما  وصلت ملاقتشكش وهوا حاول انه يستغلها ويقرب منها ساعتها بس هيا قدرت انها تهرب منه. 

عمر:انت ساعتها عملت أسد عدوك .

محمد:وبعد ما أسد عرف ان سلمى حولتك لشيطان وبقيت تقتل وتتاجر في المخدرات والسلاح حاول انه يبعدها عنك و راح ليها علشان يتكلم معاها والحوار بينهم كان بزعيق وأسد مسك سلمى من شعرها وضربها وسابها ومشى. 

أسد:هيا بعدها بيومين جاتلى و عرضت عليا مقابل انها تبعد عنك اتجوزها وطبعا انا رفضت انى اعمل كده وطردتها.

تيم:سلمى ادايقت اوى لما أسد رفضها وقررت انها تلعب لعبة جديدة. 

أسد:وطبعا لعبتها كان الهدف منها اننا نقتل بعض. 

عمر: اتفقت مع ناس انهم يمثلو انهم بيقتلوها ولما هيا تسألهم هما تبع مين يقولوا ان أسد وانا ومحمد اللى بعتناهم يقتلوها. 

أسد: بس خطتها كانت ذكية أوى وبعد ما خلصت الفيديو وهما بيدبحوها جابت جثة واحده تانية وحرقتها وطبعا انت اول ما شوفت الجثة افتكرتها سلمى و قلبت الدنيا علشان تعرف مين اللي عمل كده ويا سبحان الله الفيديو يجيلك تانى يوم فى رسالة على الواتس من رقم مجهول وانت طبعا اول ما شوفت الفيديو المتركب والفوتوشوب اللى فيه صدقت وجيت علشان تنتقم مننا. 

تيم:بس للأسف هما ساعتها كانو رجعو مصر وانت معرفتش ترجع وراهم على طول. 

سليم :وطبعا انا بقا قررت انى اطلع من المافيا وكل اللى كنت فيه علشان اعرف انتقم منكم. 

أسد:فضلت فى عداوة ما بنا يا صحبى بسبب موضوع احنا مالناش علاقة بيه.

نظر سليم إلى سلمى التى كانت خائفة وتبكى بصمت. 

سليم:بقا انتى يا بنت الك** السبب فى المشاكل اللى حصلتلى دى كلها. 

وطلع سلاحه وكان لسه هيضربها بالنار بس تيم مسك إيده وسحب المسدس منه. 

سليم: هات المسدس يا تيم. 

تيم:اهدى يا سليم متوديش نفسك فى داهية علشان واحده متسواش حاجة.

أسد:سيبها يا سليم هيا كده كده ميتة لان الجرايم اللى هيا عملتها هتاخد عليها إعدام صح ولا ايه يا سلمى. 

سلمى بخوف:انتو قلتو انكم هتسيبونى لو اديتكم ورق ضد ابويا وانا عملت كده سيبونى بقا. 

عمر: كان نفسى والله بس الورق بقا مع الحكومة مش معايا. 

أسد:متقلقيش هتلاقى ابوكى ورغد في السجن وهتقضوا وقت لطيف مع بعض قبل ما تتعدمى. 

عمر:يا إسماعيل. 

دخل العسكرى إسماعيل و بعض من ظباط الشرطة وألقوا القبض على سلمى. 

سلمى بحقد وغل:مش هسيبكم وهنتقم منكم واحد واحد. 

عمر:خدوها يلا. 

اخذها الظباط و مشيو. 

سليم قعد على الكرسى وحط راسه بين ايديه. 

سليم:يعنى كل اللى انا كنت فيه ده بسببها،ده انا فضلت بأنب نفسى وكنت فاكر انها ماتت بسببى .

عمر:إحنا كنا عايزين نقولك من بدرى يا صحبى. 

أسد:كنا خايفين عليك يا صحبى. 

سليم قام من مكانه وحضن أسد.

سليم بندم: انا اسف جدا يا أسد.

أسد:عيب يا سليم ما تقولش كده. 

سليم:انا مش عارف ازاى صدقت الكدبة دى واقتنعت بالموضوع ده. 

عمر:طيب انتو هتقضوها اسف كده كتير. 

سليم:انا اسف ليكم كلكم يا جماعة. 

محمد:انسى اللى فات يا صحبى وخلينا نبدأ صفحة جديدة. 

تيم:طيب ايه. 

أسد:ايه. 

تيم:هوا مش احنا المفروض نحتفل بقا برجوعنا اصحاب زى زمان ولا إيه. 

أسد:لاء مش هعرف احتفل معاكم. 

سليم:ليه .

أسد:أصل في عريس متقدم لملاك ولازم انى أروح علشان أقابله. 

محمد اول ما سمع كده قلبه وجعه وحس بشعور غريب جواه. 

محمد بزعل: قلها ألف مبروك بالنيابة عنى. 

أسد:انت مالك مستسلم كده ليه. 

محمد بعصبية:اومال عايزنى اعمل ايه يا أسد يعنى. 

أسد:ولا متتعصبش عليا وإلا وقسما بالله أخنقك دلوقتى وأخلص منك.

عمر:اهدوا يا جدعان وصلوا على النبى.

الكل: عليه افضل الصلاة والسلام. 

عمر: وانت يا أهبل هتسيبها تكون لغيرك بالسهولة دى. 

محمد:عايزنى اعمل ايه يعنى يا عمر. 

عمر:ما تتصرف يا بنى مع الزفتة اللى اسمها سوزى دى.

محمد:ربنا يسهل.

أسد:متقلقش يا صحبى انا معاك. 

تيم:طيب ايه مش هنحتفل بقا ولا ايه.

سليم: لاء همشى أنا بقا علشان اروح لتسنيم. 

محمد: الله يسهلك يا عم.

سليم: بلاش نبرك ده .

أسد:أنا كمان همشى سلام. 

________

أسد رجع الفيلا لقا ابوه قاعد ومعاه سامر.

عزت:اهو أسد إيجا أهو. 

سامر أول ما شاف أسد قام وسلم عليه. 

سامر: إزيك يا أستاذ أسد.

أسد ببروده المعتاد:بخير وانت؟؟.

سامر:تمام الحمد لله .

أسد:اقعد. 

سامر:شكرا. 

سامر قعد مكانه تانى وأسد قعد في وشه. 

أسد:خير يا .....معلش مش فاكر اسمك.

سامر:سامر اسمى سامر. 

أسد:اه سامر قلتلى خير بقا. 

سامر:هيا ملاك مقالتشى ليك أنا جاى ليه.

أسد:لاء قالت بس حابب أسمع منك انت.

سامر: أنا جاى أطلب منك إيد ملاك.

أسد: وأنا موافق إيه رأيك يا بابا.

عزت:وانا كمان موافق .

أسد:يبقا على خيرة الله. 

سامر: طيب تحبو نجيب الدهب امتى.

عزت:مش لما أهلك ييجو الأول معاك علشان نتفق. 

سامر:انا ابويا منفصل عن أمى من زمان ومعرفش اى حاجه عنه او أعرف مكانه حتى وأمى متجوزة وساكنه في أمريكا يعنى ماليش حد.

أسد:تمام الوقت اللى انت هتكون فاضى فيه كلمنى ونروح. 

سامر: أنا فاضى فى اى وقت ايه رأى حضرتك نروح بكره.

أسد: للأسف انا فرحى بكره فمش هينفع خالص امممم ايه رأيك بعد ما تخلصو امتحانات. 

سامر:انا معنديش مشكله خالص. 

عزت:انت بتشتغل ايه على كده يا سامر. 

سامر :أنا يا عمى شغال مع واحد صحبى فى شركة ديكور وتصميمات شريكه في الشركة يعنى .

عزت:مشاء الله. 

سامر: تمام يا عمى أمشى أنا ونتقابل إن شاء الله فى وقت تانى. 

عزت:هنتقابل بكره ما إنت معزوم على فرح أسد.

سامر:شكرا يا عمى عن إذنك. 

سامر مشى وأسد كان مش مطمن ليه. 

عزت:ايه رأيك يا أسد .

أسد:على خيرة الله يا بابا عن إذنك. 

أسد مشى هوا كمان. 

_________

فى وقت متأخر فى الليل عند عشق .

تسنيم مشيت وفضلت ميرنا وماريا وسيلين وماريهان وعشق مع بعض. 

ميرنا: يلا بنتى انتى وهيا ننام .

عشق:لاء انا فرحانه ومش عايزة أنام. 

ماريهان: أنا بقا خايفة أوى. 

سيلين: مالك خايفة من إيه ما الموضوع حلو ومافيهوش أى حاجة خالص. 

ماريهان: لما تبقى فى مكانا هتعرفى ايه اللى يخوف. 

ماريا: طيب يلا ننام بقا .

عشق:بقولكم إيه تعالو ننام هنا. 

ماريهان :هنام فى الصالة إزاى يا عشق. 

عشق: قومو بس هاتو بطاطين ومخدات. 

كل واحده من البنات جابت بطنيتين ومخدة وفرشوهم في الأرض ونامو عليهم. 

ميرنا:كلها ساعات وتبقو متجوزين. 

عشق:عقبالك انتى كمان.

ميرنا:بعد الشر. 

ماريا :بكره تقعى على جدور رقبتك. 

سيلين:انتو هتحفلوا عليها ولا إيه.

ماريهان: نامى يا بت انتى وهيا. 

نام الجميع منهم الفرحان والحزين وهيصحو في يوم مليان مفاجئات حلوة لبعضهم .

فى صباح اليوم التالى إستيقظ الجميع مبكرا. 

عند البنات صحيو على صوت تخبيط على الباب

قامت عشق وراحت تفتح الباب. 

عشق:ما براحة يا اللى بتخبط. 

فتحت عشق الباب وكانت ملاك وتسنيم ولورين قدامها.

ملاك زقت عشق ودخلت.

تسنيم: انتو لسه نايمين. 

ماريا صحيت من النوم على صوتهم.

ماريا بنوم:لاء صحينا أهو. 

تسنيم: قومو يلا بسرعة. 

ميرنا وماريهان وسيلين صحيو.

سيلين: فى إيه. 

ملاك: قومو غيرو هدومكم بسرعة. 

لورين: وانا اللى بقول دول أكيد مش هينامو وأتاريهم هما نايمين وشبعانين نوم. 

ماريهان: بصو بقا إنتو تسكتو خالص علشان انا متوترة وهموت من الخوف. 

ملاك:قومى يا حلوة منك ليها وغيرو هدومكم علشان نلحق نروح الأوتيل .

لورين: بس لسه بدرى يا ملاك.

ملاك: مالكوش دعوة انتم لسه بدرى ولا مش لسه بدرى انتم تدخلو تغيرو علشان نمشى. 

عشق: ماشى بس ....

ملاك:بس اى .

عشق: الفستان بتاعى انا مشفتهوش ولا...

ملاك:ملكيش دعوه بأى حاجة انتى تدخلى تغيرى دلوقتى علشان تيجى معايا وسيبى كل حاجة عليا. 

ماريا:مش مرتحالك يا فوزى. 

ملاك بضحك: ليه بتقولى كده يا فواز. 

لورين:بطلوا ضحك وإنجزو يلا. 

عشق:ثوانى وهكون جاهزة. 

كل واحده فيهم راحت أوضتها وغيرت هدومها وبعد ما خلصوا نزلوا كلهم من العمارة وركبت ميرنا وعشق وماريا فى عربية ماريهان .

وركبت تسنيم ولورين وسيلين فى عربية ملاك.

وبعد مرور ساعة وقفت العربيتين امام فندق كبير ورائع. 

البنات نزلو من العربيتين ودخلو الأوتيل وملاك راحت لموظفة وأخدت منها مفاتيح الجناح ورجعت تانى للبنات وأخدتهم وطلعو. 

البنات دخلو الجناح وكانو مبهورين بجماله. 

ماريا: إحنا هنعمل ايه هنا.

ملاك:إحنا هنفضل هنا لحد ما معاد الفرح وكل اللى انتو عايزينه موجود والميكب ارتست هتيجى هنا هيا والتيم بتاعها وهيظبطو الدنيا. 

ماريهان: أنا متوترة أوى. 

ملاك فى نفسها:يا عينى عليكى يا بنتى لما تعرفى اللى فيها انتى وماريا .

ميرنا: طيب انا هروح بقا علشان أظبط حاجتى واجيب فستانى. 

ملاك:لا يا قمر كل حاجة هتكون موجودة بقولك ومش هتحتاجى حاجة وكلنا هيجيلنا فساتين جديدة. 

ماريا: انا معايا فستانى. 

تسنيم:وانا كمان. 

لورين:me too.

ملاك:لاء كل ده مالهوش لازمة. 

سمعت ملاك صوت طرقات على الباب و ذهبت لتفتح لتجد أمامها فتاة فى مقتبل العشرينات برفقة العديد من الفتيات الأخرى. 

الفتاة:اهلا انا سندس الميكب أرتست. 

ملاك:ادخلى اتفضلى. 

دخلت سندس وأربع بنات تانيين.

سندس: بسم الله ماشاء الله انتو قمرات خالص ومش محتاجين أى حاجة. 

عشق:ميرسى. 

ماريا:الهى يكرم أصلك. 

ملاك:لحظة بقا أتصل على بتاعة الفساتين اشوفها عملت ايه. 

اتصلت ملاك على الفتاة التى سوف تحضر لهم الفساتين وأخبرتها بأنه لم يتبقى أمامها سوى بضع دقائق لتصل إليهم. 

وصلت الفساتين وتعجبت الفتيات كثيرا حيث كان هناك أربعة فساتين زفاف وأربعة فساتين سهرة. 

عشق:ايه ده فى حاجة غلط فى الموضوع ده فى أربع فساتين أفراح. 

ملاك:ايوة واحد ليكى وواحد لماريهان وماريا وتسنيم. 

كانت ماريا تشرب بعض المياة لتقوم ببصقها أول ما سمعت ملاك قالت كده. 

ماريا: نعم ده إيه ده يا عنيا. 

ملاك:ايوة ما فرحك انتى وتسنيم وماريهان وعشق النهاردة. 

تسنيم:بت انتى مش قلتيلى انه هيبقا فرحهم هما بس. 

ملاك:ما أنا لو كنت قلتلك على الخطة كنتى هتبوظيها. 

ماريهان: انتى هبلة يا بت يا ملاك انا النهاردة كتب كتابى بس وغير كده خطة إيه إللى بتتكلمو عليها دى .

ملاك: انا هقولك ايه اللى حصل.

Flash back 

كانت تجلس فى غرفتها تمسك بهاتفها وتلعب عليه بعض الألعاب لتتفاجأ بأخيها يدخل عليها الغرفة.

ملاك:خير يا أسد.

أسد:بقولك ايه يا ملاكى عايز منك خدمة .

ملاك: قول.

أسد:بصى يا ستى تيم وسليم وعمر  عايزين يعملو فرحهم بكره معايا.

ملاك:وده ازاى ده انشاء الله. 

أسد:بصى انتى اتصرفى مع البنات واقنعيهم ماشى. 

ملاك  :وأنا هتصرف معاهم ازاى دول. 

أسد:شوفى انتى بقا. 

ملاك:اممممم طيب بص انت عليك انك تجيبلى أربع فساتين أفراح وأربع فساتين سهرة.

أسد:ليه.

ملاك:ملكش دعوة بقا وأنا هتصرف. 

أسد:بس هتعملى ايه علشان ابقا عارف هتقوليلهم امتى.

ملاك:مش هقولهم غير قبل الفرح بكام دقيقة. 

أسد:ماشى إعملى اللى انتى عيزاه. 

ملاك: اشطا.

أسد:تصبحى على خير. 

ملاك:وانت من اهل الخير. 

أسد طلع من الأوضة وملاك فضلت تفكر ازاى تقول للبنات على الفكرة وقررت انها تتصل على تسنيم علشان تساعدها في الموضوع ده وطبعا مش هتقولها ان هيا كمان جزء من الخطة. 

Flash back end. 

ماريا:اه يا عمر يا ابن ال...

لورين بتحذير:ايه هتشتمى. 

ماريا: ما أصل اخوكى يغيظ. 

تسنيم: اولع فيكى يا ملاك دلوقتى ولا أعمل إيه. 

ملاك:لاء انتو تجهزو نفسكو دلوقتى علشان الوقت بيخلص ومش هتلحقو تعملو حاجة .

تسنيم: لاء انا مش هحضر. 

ماريهان: بقا ابن الهبلة ضاحك عليا انا ومفكرنى انه كتب كتاب بس. 

عشق:انتو مالكم مأفورين كده ليه ما انتو كنتو كده كده فى الأول وفى الاخر هتتجوزوهم فرقت إيه بقا .

ماريا: يا بنتى انا مش مستعدة ومش عارفة اعمل ايه. 

ميرنا:طيب هتعملو ايه دلوقتى. 

سيلين:مش هيعملو حاجة هيعملو ايه دلوقتى. 

حمحمت سندس. 

سندس: انا فى رأيى ان معدش فى وقت للنقاش ده وكمان المفروض تلبسوا لان الوقت بيعدى. 

عشق بضحك:يلا يا بنتى تعالى اعملى محارة ودهان لوشى.  

سندس بضحك:حاضر. 

ماريا:معاكى حق كده كده مش هنعمل حاجة يبقا نفرح نفسنا بقا فى يوم زى ده. 

تسنيم:بس انا خايفة أوى وخايفة كمان من ردة فعل بابا. 

ملاك:متقلقيش سليم كلمه. 

سيلين:تصدقو فعلا حاجة حلوة انه يكون فرح أخويا وانا معرفش. 

ملاك:بقولك ايه الموضوع إيجا فجأة إمبارح بالليل وملحقش يقولك فبلاش تلوى بوزك بقا. 

سندس:طيب نبدأ ولا إيه. 

ملاك:اه تمام يلا. 

بدأت سندس فى تجهيز العرائس. 

عند الشباب كانو متجمعين كلهم فى جناح واحد فى نفس الفندق. 

تيم:انا فرحان أوى يا جدعان. 

محمد:أخيرا هنلاقى اللى تلمك. 

تيم:حسن ملافظك ياض. 

أسد:عقبال ما تتلم انت كمان.

محمد:البركة فيك بقا. 

سليم:انا مش مصدق نفسي مش مصدق اننا رجعنا اتلمينا مع بعض تانى. 

كامل: لاء وانا كمان انضميت ليكم. 

جاسر: ربنا يدوم اللمة يا شباب. 

كامل:يارب يا صحبى. 

الشباب خلصوا لبس وكان كل واحد فيهم فرحان أوى. 

والبنات خلصوا لبس وكانو كلهم شبه الحوريات. 

فى قاعة الزفاف .

كانت القاعة مليئة بالأشخاص .

كانو الشباب ينظرون إلى حورياتهم بلهفة وفرح كبير. 

ذهب سليم وأحضر ماريهان إلى تيم. 

سليم: تشيلها في عنيك ولو زعلتها فى يوم أنا هقتلك انت فاهم. 

تيم :متقلقش دى فى قلبى قبل عنيا. 

سليم:وانتى يا ماريهان لو تيم ده عملك حاجة قوليلى أو كسرية عادى ولا يهمك كسرى وأنا هجبس. 

امتلئت عينى ماريهان بالدموع وقامت بإحتضان سليم. 

ماريهان: شكرا. 

سليم: شكرا ايه يا عبيطة انتى. 

تيم:خلاص بقا يا حلو انت وهيا كفاية أحضان. 

ذهب رائد لإحضار تسنيم وتسليمها إلى سليم. 

رائد:انا طبعا مش هوصيك لانى عارف ومتأكد إنك هتحافظ عليها .

سليم: متقلقش يا عمى. 

ذهب رائد إلى تيم وماريهان. 

رائد:وانت كمان لو زعلتها هتبقا نهايتك على إيدى انت فاهم. 

تيم:لاء من الناحية دى متقلقش خالص. 

رائد:وانتى اوعى تفتكرى إنك مالكيش حد انا موجود أهو أبوكى موجود. 

قامت ماريهان بإحتضانه وسمحت لدموعها بالنزول. 

ماريهان: شكرا بجد. 

قام رائد بإحتضانها.

كانت عشق وماريا يقفان بجانب بعضهما البعض وعيونهم مليئة بالدموع كم يشتاقو الى أهلهم بهذه اللحظة كم كانو سيفرحون لم كانو موجودين بجانبهم الآن. 

ذهب أسد وأحضر ماريا إلى عمر. 

أسد:مش هوصيك عليها يا عمر. 

عمر:مش محتاج تعمل كده يا صحبى. 

ذهب عزت وأحضر عشق إلى أسد. 

اقترب أسد من عشق وقام بتقبيل جبهتها وإحتضنها بشدة. 

عشق:ومش هبقا لغيرك. 

قام أسد بحملها والدوران بها. 

ذهبو جميعا ليعقدو قرانهم في جو مملوء بالسعادة والفرحة. 

جاء سامر ووقف بجانب ملاك. 

سامر:انتى حلوة أوى النهاردة. 

ملاك بإبتسامة:شكرا. 

انتهى الجميع من عقد القران وبدأو فى الرقص. 

كامل طول الوقت كانت عنيه على لورين ومبعدهاش عنها ثانية واحدة .

ذهب كامل إليها وقال:ازيك يا لورين. 

ازدادت نبضات قلبها حينما سمعت إسمها من بين شفتيه وكم كان جميلا حينما نادها بإسمها. 

لورين بفرحة: ازيك يا أستاذ كامل. 

كامل: مبلاش أستاذ دى وخليها كامل على طول.

لورين :أكيد طبعا. 

كامل: بصراحة شكلك حلو جدا.

لورين: بجد. 

كامل: اه طبعا ده انتى جمالك غطى على الكل .

لورين بخجل:شكرا. 

كامل: تسمحيلى بالرقصة دى.

لورين:اه sure. 

ذهبوا إلى ساحة الرقص وبدأو فى الرقص معا لا يعلم كامل ماذا يفعل هى الآن بين يديه حبيبته ومعشوقته شبه قابعة بين أحضانه نعم لقد اعترف لنفسه بأنه عاشق لها بل مغرم بها. 

كان الجميع فى حالة من السعادة والفرح .

كانت عشق تميل بين أحضان أسد على الأغانى وكانت فى عز فرحتها. 

همس أسد فى أذنها. 

أسد:ما تيجى نسيبهم ونمشى. 

عشق: لو عليا انا موافقة بس لاء إحنا دافعين كتير حرام الفلوس دى تضيع عالفاضى. 

أسد بضحك:لاء بصراحة أقنعتينى. 

ملاك كانت واقفة بتتفرج عليهم وكان سامر لسه هيعرض عليها انها ترقص معاه لقا محمد جيه وشدها لساحة الرقص ورقص هوا معاها .

ملاك:ايه إللى انت بتعمله ده. 

محمد:اقسم بالله لو كنتى رقصتى معاه يا ملاك لكونت قتلتك. 

ملاك:وانت مالك بيا أصلا. 

محمد :ايه انت مالك دى انتى نسيتى إنك بتاعتى أنا. 

ملاك:ده انت بتحلم بقا. 

محمد:أنا هوريكى بحلم ولا لاء. 

ملاك :عايزة اشوف. 

ملاك بعدت محمد عنها وراحت تانى وقفت جنب سامر. 

محمد بغيظ:يا أنا يا انتى يا ملاك. 

كان الجميع فرحان فى هذا اليوم وبعد أن انتهى حفل الزفاف قام كل عريس بأخذ زوجته والذهاب بها إلى منزلهم الجديد حيث سوف يبقيان فيه إلى أخر عمرهم. 

وصل تيم وماريهان إلى فيلتهم وقام تيم بحملها حتى وصلوا إلى الغرفة. 

تيم: ادخلى أوضتك برجلك اليمين يا عروسة. 

دخلت ماريهان الغرفة وكانت خائفة متوترة لا تعلم ماذا تفعل. 

قام تيم بتقبيل جبهتها. 

تيم:ما تخافيش. 

تفهم تيم خوفها وتوترها وقام بأخذ ثيابه وذهب إلى غرفة أخرى ليبدل ثيابه بها.

ماريهان بخجل:بس انا هدومى مش.....مش معايا.

تيم:هتلاقى فى الدولاب عندك كل اللى انتى عيزاه .

_________

أصبحوا الآن فى منزلهم وفى غرفتهم كانت تجلس على الأريكة تفرك أصابعها بخجل حقيقى يتملكها .

اقترب منها وهمس بجوار أذنيها برقة ويتلمس بشفتيه أذنيها عن قصد:كنتى زى القمر النهاردة. 

شعرت به يقترب أكثر فأكثر وكان كتفها الذى تعرى ما إن أبعد فستانها أول من حظى بقبلاته الملتهفة والحميمة. 

شعرت بقشعرية تسرى في جسدها حينما إقترب منها لتحاول دفعه عنها:عمر. 

ابتعد عمر عنها.

عمر:لاء عمر ايه بقا النهاردة مافيش عمر. 

انقض بشفتيه على شفتيها الوردية وأخذها في قبلة عميقة يخبرها مدى عشقه لها .

ليبتعد عنها مقبلا عيناها. 

عمر:النهاردة انا وانتى بقينا واحد. 

عاد مقبلا عيناها. 

عمر: عمر يعنى ماريا. 

ثم قبل وجنتيها. 

عمر:وماريا يعنى عمر. 

وعند شفتيها قبلهما بنهم وعشق تدفق من لمساته ليقول:بعشقك يا بنت قلبى بعشقك يا ماريا. 

ذابت ماريا بين أحضانه من لمساته وقبلاته ليسقط فستانها بفعل يديه ليحملها إلى سريرهم ملتهما اياها في لهفة وشوق. 

ليكملا رحلة عشقهم التى لم ولن تنتهى أبدا. 

__________

كانت تسنيم تقف في منتصف الغرفة الخاص بهم وهي لازالت ترتدي فستانها تنظر بحذر الي سليم الذي كان يجلس علي الفراش .

تسنيم بتردد:عايز اغير الفستان ممكن تطلع برا.

سليم بمكر:واطلع ليه متغيرى قدامى عادى ده انا حتى زى جوزك. 

تسنيم بخجل وعصبية بعض الشئ: انت قليل الأدب ومش محترم ومش متربى. 

سليم:وسافل كمان. 

تسنيم:انا اصلا مش طيقاك بسبب اللى عملته ده. 

سليم:عادى الموضوع مش مستاهل .

زفرت تسنيم بحنق وهي تبتعد عنه 

لينهض سليم واقفا وهو يتجه نحو الحمام الملحق بغرفتهم حتي يبدل ملابسه تاركاً لها الغرفة فهو يعلم انها لن تستطيع ان تدخل من باب الحمام  بسبب ضخامة فستانها

سليم :هدخل اغير هدومي في الحمام تكوني خلصتي. 

كنه توقف عندما نطقت اسمه بتردد ليلتفت اليها بنفاذ صبر ليجد خديها مشتعلان بالخجل وتفرك يديها بتوتر قائله بصوت مرتعش 

تسنيم: ممكن تساعدني في فتح الفستان من ورا قصدى يعنى السوستة. 

اقترب منها سليم ببطئ يقف خلفها يفتح سحاب فستانها ببطئ محاولاً عدم لمسها ليتنفس بعمق محاولاً تهدئت ذاته فكلما ظهر جزء من ظهرها الابيض الغض اشتعلت الحرارة بشدة بجسده تنفس سليم ببطئ محاولاً السيطرة علي ذاته لكن عندما لمست اصابعه بالخطأ جزء من ظهرها انتفض الي الوراء مبتعداً عنها كأنها نيران احرقته لإنه لن يستطع السيطرة على نفسه ولا يعلم هل هى مستعدة أم لا.

بينما كانت تسنيم واقفة تشعر بالخجل الشديد ودقات قلبها تتعلي بشدة حتي ظنت انها ستغادر قلبها من شدة تأثرها بقربه منها الي هذا الحد لتشهق بصمت عندما لمست اصابعه ظهرها لتشعر بتيار كهربائي يمر بجسدها اثر لمسته تلك لتتنفس براحه عندما ابتعد عنها لتمسك بطرف الفستان حتي لايسقط منها متمته بالشكر له.

سليم بخبث: عايزة مساعدة تانى أنا مستعد انى أساعدك أصل بحب أعمل عمل الخير كتير.

تسنيم: مش بقولك قليل الأدب. 

دخل سليم الحمام بينما وقفت تسنيم امام الدولاب لتختار ملابس للنوم لتلعن غبائها بشدة فهى لم تحضر ملابس معها .

فلا يوجد ما تستطيع ارتداءه لتبحث وهي تزفر بضيق حتي لم تجد امامها الا ان تفتح خازنه سليم وتختار منه احدي القمصان الخاصة به لترتديه وترتدي اسفله شورتى قصير خاص بها. 

وقفت تسنيم تنظر الي نفسها بالمرأه بعد ان ارتدت قميص سليم فقد كان يصل الي ركبتيها لتتنفس براحه وكأنها قد فعلت انجاز عظيم فهذا اهون بكثير من اللا شئ ...لتلتفت عندما طرق سليم علي الباب الخاص بالحمام حتي يتأكد من ارتدائها كامل ملابس لتأذن له بالدخول ...

ليقف سليم  مندهشاً وهو فاغر الفم عندما رأي ما ترتديه ...

سليم:ايه اللي انتي لبساه ده؟!.

رفعت تسنيم رأسها بشموخ تجيبه بثقة محاولة اخفاء التوتر الذي تشعر به .

تسنيم: ملاقتش حاجة ألبسها أعمل إيه. 

لعن سليم نفسه فهو قد نسى أمر تلك الملابس. 

سليم:بس شكلك قمر بالقميص بتاعى. 

تسنيم:بقولك ايه الحاجات اللي فى دماغك دى تنساها خالص. 

سليم: انساها. 

تسنيم:اه وأنا هروح انام دلوقتى ولو قربت منى هطلب ليك البوليس. 

سليم بهدوء: تعالى يا تسنيم هقولك حاجة متخافيش. 

تسنيم بشك:مش مطمنة. 

سليم: لاء قربى متخافيش.

تسنيم قربت من سليم وقعدو جنب بعض عالسرير. 

سليم :انتى مش عيزانى يا تسنيم. 

تسنيم: لاء والله مش كده بس انا خايفة أوى ومكنتش عاملة حسابى ومتلغبطة. 

سليم:مش عايزك تخافى يا حبيبتى. 

ثم بدأ بتقبيلها وذهبا معا ليغرقا في بحور عشقهما. 

________

ماريهان غيرت هدومها وقعدت عالسرير وبعد شوية تيم دخل الأوضة وإنصدم من جمالها. 

تيم: معقولة الجمال ده بقا بتاعى انا بقا ليا لوحدى. 

ثم إقترب منها وقام بإحتضانها. 

شعرت ماريهان بالخوف..

تيم :ما تخافيش يا ماريهان. 

ثم بدأ بتقبيلها بنهم شديد وبدأ بغمرها بكلامه المعسول وذهبو معا في بحور عشقهما ليصبحا روح واحده ولكن فى جسدين. 

___________

عند عشق وأسد. 

عشق كانت قاعدة على الكنبة بعد ما غيرت هدومها ولبست تيشيرت من بتوع أسد بس كان طويل عليها بسبب فرق الطول والعرض اللى بينها وبين أسد. 

وأسد كان فى الحمام بياخد شاور وفجأة حد خبط على باب الأوضة.

عشق:مين .

إجابتها ملاك قائلة:انا ملاك يا عشق. 

فتحت لها عشق الباب ودخلت ملاك وكانت شايلة صينية الأكل. 

ملاك بصت لعشق بتفحص. 

ملاك:اه يا قادرة قدرتى تلبسى التيشيرتات بتاعته من اول يوم وانا اللى كنت بتحايل عليه علشان أخد كوتش حتى مكنش بيردى. 

عشق :الله وأكبر على عنيكى يا بت .

ملاك:هحسدك على إيه يعنى. 

عشق:بت انتى مش جبتى الأكل خودى بعضك يلا وامشى. 

ملاك: همشى يا ختى. 

ومشيت ملاك. 

وعشق راحت وقعدت قدام الأكل وإبتدت تاكل بجوع شديد.

خرج أسد من الحمام وكان يرتدى تيشيرت أسود ضيق أبرز عضلاته وبنطلون رمادى اللون. 

ليجد عشق تأكل. 

أسد:طيب كنتى استنينى حتى. 

عشق:وانا اعملك ايه انا جعانه. 

أسد :طيب حلو كلى وأتغذى علشان أعرف أكلك بعدين. 

نظرت له عشق ولم ترد عليه. 

بعد أن إنتهت عشق من الأكل راحت وغلست إيديها ورجعت تانى قعدت عالكنبة. 

أسد:ايه بقا. 

عشق:ايه. 

أسد:ايه انتى. 

عشق:ايه انت .

أسد:هوا مش المفروض النهاردة فرحنا بردو ولا انا بتهيألى. 

عشق:ايوة .

أسد:اومال ايه بقا.

اقترب أسد من عشق ومال بشفتيه ناحية عنقها وبدأ في تقبيلها. 

أسد: انا مش مصدق نفسي إنك بقيتى بتاعتى. 

عشق:لاء صدق انا بقيت بتاعتك انت وبس. 

أسد:انا بحبك اوى يا عشق. 

عشق:وانا بعشقك يا روح عشق. 

لم يستطع أسد السيطرة على نفسه ليهجم على شفتيها ويأخذها في قبلة طويلة ثم أخذ يوزع قبلاته على وجهها وعنقها

رفع اسد رأسه من فوق عنقها متأملاً وجهها بشغف.. ليبعد بحنان بعض خصلات شعرها المتناثرة فوق وجهها قائلاً

=موافقة ...نكمل جوازنا ونبقي لبعض

اومأت عشق رأسها وهي تخفض وجهها بخجل وقد اصبح وجهها احمر كالجمر كان اسد يتأمل خجلها هذا بشغف وهو يبتسم برقة ليرفع وجهها اليه قائلاً 

=فين عشق اللى كانت عاملة فيها السبع رجالة فى بعض ومكانتش بتتكسف 

ضحكت عشق برقة عند فهمها قصده ليجذبها اسد اليه وهو يخفض رأسه متناولاً شفتيها في قبلة حارة يبث بها عشقه وحاجته لها ..لتبادله عشق القبلة بشغف .. لتشهق بخفوت عندما قام اسد بحملها بين ذراعيه واتجه نحو الفراش ليضعها برقة عليه ليستلقي بجوارها ليهمس لها 

=بحبك يا عشقى...

لينخفض مقبلاً اياها مرة اخري لكن هذة المرة بالحاح شديد لتستجيب له عشق بكل جوارحها لتجرفهم مشاعر اخذت تحتل كيانهم لا تترك مجالاً لأي عاطفة اخرى 

ابتعد أسد عنها.

أسد: انتى من النهاردة بقيتى ملكى بقيتى ملك الأسد. 

عشق:انا بقيت عشقك بقيت عشق الأسد. 

لم تكمل عشق كلامها بسبب التهام أسد لشفتيها. 

* نسكت بقا على كده عيب 😹😹😹*