رواية الكلبش والايدي الناعمة
الفصل الرابع عشر
بقلم لمياء رفعت
امل: سمعت مكالمة أكرم ونار شعللت جواها ولكن دخلت الاوضة بتاعتها ع طول قبل مايشوفها. وف نفسها بتقول(والله لا اندمك ياساره وهتشوفي)
انجي: غيرت هدومها ونزلت عند اكرم شافته لسه ف العربيه ..راحت عنده
انجي: أكرم قاعد ليه ف العربيه ف البرد ده انزل يابني وروح نام وعمتا مش هسألك كان مالك ف الحفله الا لم تيجي انت وتحكيلي زي مااتعودت منك ع ده دايما
اكرم: بدون اي كلمه نزل من العربيه وراح طالع الاوضة
امل: أخيرا طلعت ....ياترى ايه الا شاغل بالك يااكرم لدرجه دي ومش مخليك عارف تنام
اكرم: دخل الحمام اخد شاور وخرج نام ع طول ع السرير
امل: بصوت عالي...اكرم هو انا مش بكلمك
اكرم: ششششششش مش عايز صداع ولا اروح انام ف أوضة تانيه
امل: سكتت ونامت واكرم نام
................................................
في الصباح :
ساره: (ف نفسها غريبه ستي ماقامتش تصحيني زي مابتعمل كل يوم )
قامت ساره اخدت شاور ولبست علشان تروح الجامعه ودخلت تعرف جدتها
ساره: ستي....ياستي قومي بقى ده كله نوم
ساره مسكت ايد جدتها ولقتها حرفياااا متلجه ومفيش نفس منها ...ساره بصوت عالي وبدموع ياعمي ياعمي
عصام: قام من نومه مفزوع ع صوت ساره: مالك ياساره في ايه يابنتي
مرات عصام: خير ياساره ف ايه وبتصرخي ليه
ساره بدموع: ومش قادره تكلم..سسسسستي ستي ياعمي
عصام: جري ع الأوضة...امي ياامي قومي مالك...وشعر ببرودة جسدها...عصام بدموع لا حول ولاقوة الا بالله إنا لله وإنا إليه راجعون
ساره: انهارت من العياط واترمت ف حضن ستها...قومي ياستي سيباني ليه وحدي هتمشي زي مابابا وماما مشيوا وانهارت من العياط
مرات عمها: الله يرحمها لا حول ولاقوة الا بالله..اهدي ياساره يابنتي
عصام: اخدها ف حضنه بس ياساره كفايه يابنتي وبقى مش قادر يتكلم من العياط
.....................................................
اكرم: قام من نومه اخد شاور ولبس
امل: هجهزلك الفطار قبل ماتنزل حابه افطر معاك
اكرم: شكرا ياامل هفطر ف الشغل
امل: هتفطر ف الشغل ولا ف مكان تاني
اكرم: إلتفت عليها: تقصدي ايه
امل: ولا اي حاجه
اكرم: اوكي....سلام.وراح نازل
انجي: كانت بتفطر ..
اكرم: صباح الخير ياانجي
انجي: صباح الفل
عماد: السلام عليكم
انجي واكرم: عليكم السلام ورحمة الله
انجي: حبيبي الا نام بره
عماد: هههههههه هعمل ايه المستشفى والعيانين
اكرم: قول يابني انك بتتفك من انجي ماتكسفش او ممكن تكون متجوز عادي بتحصل
عماد وانجي: ضحكوا بصوت عالي...انجي وربنا ده انا كنت قتلته
اكرم: عادي يابنتي الشرع حلل اربعه
امل: وهي نازله من ع السلم ....عادي يااكرم ماهو برضو الواحد بيبقى متجوز ويحب ع مراته بتحصل برضو وبدل مايقولها كلمه كويسه بيروح يقولها للي بيحبها...شوفت خيانة وقذا*رة اكتر من كده
اكرم: وحس بغليان ف قلبه...واستغرب طريقة امل ....
اكرم: عادي ياامل بتحصل ده ف حاله واحده لم يكون متجوزها غصب عنه مش برضاه
انجي وعماد : كانوا مستغربين طريقة امل
امل: اضايقت من طريقة اكرم وف نفسها(وحياة امي لا اخليك يااكرم تندم ع اليوم الا عرفتها فيه)
اكرم: بعد ماقال كلامه سابهم وخرج
__________________________
عصام: بعد تشييع الجنازة
دخل أوضة ساره: ساره كانت نايمه ع السرير ...مراته دخلت....سيبها ياعصام نايمه ماصدقت انها نامت مابطلتش عياط
عصام: ربنا يعينها كانت قريبه منها وهي الا ربتها بعد موت أبوها وامها
مراته: الحمد لله الا يجيبه ربنا كله الحمد لله والشكر لله
عصام: ونعم بالله
_____________________
مازن: كان ف الشركة ومشغول ع ساره وباله وتفكيره كله فيها انها ماجاتش ومش عارف رقم تليفونها يكلمها عليه لكن فكر ف طريقه انه يرن على عصام عمها
مازن: السلام عليكم
عصام: عليكم السلام يابيه
مازن: ازيك ياعمي عصام عامل ايه معلش عارف اني بزعجك بس كنت حابب اعرف ساره ليه ماجاتش الشركه النهاردة
عصام: جدتها الا هي والدتي اتوفت النهاردة يابيه ...وساره تعبانه من الصبح وحالتها وحشه
مازن: لا حول ولاقوة الا بالله...البقاء لله انا آسف ماكنتش اعرف
عصام: ولا يهمك يابيه وراح قافل التليفون
مازن: بقى يفكر ف ساره وماكنش عارف يشتغل
وفجأة باب المكتب اتفتح:
مازن: امل
امل: ازيك يامازن عامل ايه
مازن: الحمد لله بخير اتفضلي
امل: بخير الحمد لله....واكملت كلامها بخبث انا كنت قريبه من الشركة هنا وقولت اعدي اسلم عليك
مازن: تشرفي ف اي وقت ياامل المكان مكانك طبعا
امل: تسلملي يارب....ايه ده يعني مفيش سكرتيرة بره آمال السكرتيرة بتاعتك فين الا اسمها ساره
مازن: عندها حالة وفاة جدتها علشان كده ماجاتش
امل: آآآآه ياحرام الله يرحمها اكيد زعلانة عليها دلوقتي ...تعرف لو انا عارفه عنوانها كنت رحت شوفتها
مازن: انا رايح اشوفها واشوف عمها علشان اعزيهم لو حابه تروحي معايه مفيش مشكله
امل: اكيد طبعا لازم اروح معاك ده واجب
مازن: طيب كلمي أكرم استأذني منه انك هتروحي
امل: لا مش لازم هو انت غريب يامازن ده انت زي اخويا
مازن: انا بقصد ياامل كاتقدير لجوزك مش اكتر
امل: لا عادي يلا بينا/خرج مازن وأمل من الشركه وركبوا العربيه وراحو ع بيت ساره
_________________________
اكرم: ف الشغل عقله كان هيطير منه ومضايق من كلام ساره ليه امبارح ف التليفون
حسين: اكرم
اكرم________
حسين: اكرم يابني بتروح فين
اكرم: معلش مااخدتش بالي انك بتكلمني ياحسين
حسين: الا واخد عقلك
اكرم: هو عقلي بس....قول وقلبك كمان
حسين: هههههههههههههه لا لا لا ده انت الحاله بتاعتك مايتسكتش عليها خالص
خد اشرب الشاي ده معايه الأول واحكيلي مالك
اكرم: اخد منه الشاي...وحكاله ع الا حصل
حسين: انا عندي فكره
اكرم: قول
حسين: نرجعها السجن من تاني
اكرم: بضحكه مرتفعه وضحكه رجولية ههههههههه ياريت ياأخي والله ع الاقل كانت تحت عينيا
حسين: يعني حرقوا دمك يعني ف الحفله امبارح
اكرم: ع الآخر مقولكش
حسين: طيب هي حاولت تكلمك النهاردة
اكرم: خالص
حسين: مش عارف أقولك ايه بس موضوع شغلها مع مازن مش عجبني
اكرم: من ناحية ايه
حسين: غمز لا أكرم واكمل حديثه...الواد يابني روش وحلو وعنده غمازات وشعره طويل وطول بعرض وعضلات واحنا بسم الله ماشاء الله مش عارفين نربي شعرنا من الحكومه هههههههههه وكمان الواد شايف نفسه
اكرم: تصدق يلا انا غلطان الا بتكلم معاك
حسين: استنى بس ههههههه انا حابب اطلعك من المود الا انت فيه وبعدين لو هو كده ف انت طول بعرض وعندك عضلات وكفايه الوسامه بتاعتك يااكرم
اكرم: مش عارف ليه انا مش مرتاح ليك ابعد يلا انا ماشي
حسين: ههههههه خد رايح فين
اكرم: هطلع اشوف ملف فوق لقضية جديده
_______________________
مازن وأمل وصلوا وضربوا جرس الباب
عصام فتح: اتفضل يامازن بيه اتفضلوا ياهانم
مازن: البقاء لله ياعمي عصام انا قولت اجاي اعزي حضرتك ربنا يجعلها آخر الأحزان
عصام: البقاء لله وحده يابني اتفضلوا
امل: فين ساره
عصام: ناد ع مراته....نادي ل ساره لو سمحتي ياام محمد خليها تيجي تقابل مازن بيه والهانم
مراته: معلش خليهم يدخلوا عندها الاوضة خليها مرتاحه ف مكانها احسن
امل: عادي مفيش مشكله
وقف مازن وأمل قدام أوضة ساره
دخلت امل الأول..حضنت ساره بخبث وبتتوعد ليها ف سرها ...البقاء لله ياحببتي
ساره: واستغربت ان امل جتلها
مازن كان واقف قدام الاوضة وماحبش يدخل اوضتها ع طول الا لم امل تدخل وتنادي عليه
امل: ادخل يامازن
مازن: ازيك ياساره البقاء لله شدي حيلك
ساره: البقاء لله وحده يامازن بيه اتفضلوا
قعد مازن ع كرسي جنب السرير وقعدت امل ع السرير جنبها
امل: انا كنت ف الشركه عند مازن وسألت عليكي ومازن قالي ان جدتك اتوفت وكان جي يعزي قولت اجاي معاه علشان اطمن عليكي
ساره: ربنا يخليكي شكرا ع سؤالك عليا
مازن: وكان حاسس ب إحراج وهو ف البيت عندهم وف اوضتها
مازن: طيب ياساره... انا كنت حابب اطمن عليكي شدي حيلك وحاولي تطلعي من الا انتي فيه علشان انا محتاجلك معايه ..نظرت ليه ساره وامل
مازن: بقصد اني محتاجلك معايه ف الشغل
ساره: بتفاهم وهزت رأسها بالموافقه
حاضر بإذن الله هكون عند حضرتك بكره
مازن: طيب استأذن انا يلا ياامل
امل: ماشي ياحببتي مع السلامة
ساره: اتفضلوا
_______________________
مازن: ركب العربيه وركبت جنبه امل
امل: بخبث تعرف يامازن انت وساره لايقين ع بعض اوي
مازن: ب استغراب...ع فكره ياامل هي مش اكتر عندي من انها سكرتيرة
امل: زعلان ليه كده يابني وبعدين فيها ايه لو اكتر من كده يعني
مازن: يابنتي دي بنت ف العشرينات وانا واحد عندي ٣٠ سنه اظن الفرق واضح
امل: فرق ايه يابني دي عندها حاجة ٢٣ وانت ٣٠ مش فرق لدرجة وبعدين هي اصلا تطول واحد زيك
انا شايفه البنت حلوه وخساره تضيعها من ايدك
مازن: سكت....لأنها فعلا مسيطره ع تفكيره
امل: نزلني طيب هنا
مازن: هتروحي فين: احنا لسه ماطلعناش من منطقة ساره
امل: ليا واحده صاحبتي ف المكان ده هنزل اشوفها روح انت وانا هاخد تاكسي
مازن: اوكي خلي بالك من نفسك
امل: حاضر سلام
نزلت امل ورجعت منطقة ساره ونادت ع ست ف المنطقه
لو سمحتي بقولك
الست: تحت امرك ياهانم
امل: كنت حابه اسأل ع بنت هنا ف المنطقة وحابه اعرف أخلاقها علشان عاجبه اخويا وعايز يتجوزها وراحت ادتلها ٢٠٠ جنيه
الست: تحت امرك واخدت ال ٢٠٠
امل: اسمها ساره ده بيتهم
الست: بنت محترمه ومفيش بعد كده بس صحابها ولاد الحرام وقعوها
امل: مش فاهمه
الست: هفهم حضرتك البنت دي بنت ناس طيبين واهلها ناس كويسين وف حالهم لكن ياعيني ركبت عربية واحد كان موصلها هي وصحابها وكان معاه مخدارات وفي ظابط شافهم قبض عليهم وبرضو هو هو نفس الظابط الا طلعها لم عرف انها بريئه
امل: ماتعرفيش الظابط ده اسمه ايه
الست: والله ياست هانم مافاكره انا بسمع من الناس تقريبا كده اسمه اكرامي او كريم حاجه زي كده
امل: اسمه اكرم؟
الست: ايوة عليكي نور الظابط اكرم
امل:😳