رواية حياة الفهد
الفصل الاخير والخاتمه
بقلم نسمة سيد
part 35( الاخير)
الايام عدت وجيه يوم كتب كتاب اياد
البنات كلهم زي القمر والعين عليهم بعد ما بركو لعليا و اياد قعدو على طربيزه واحده بس جيه شخص عليهم
: انسه حياه ازيك
حياه: دكتور مصطفى؟!
مصطفي: مكنتش متوقع اشوفك هنا بس صدفه حلوه جدا
حياه: ميرسي جدا يا دكتور
مصطفى: هاا اخبارك ايه دلوقتي
فهد: هي كويسه الحمد لله طول ما هي جمب جوزها الى هو انا طبعا
مصطفي: طب حلو يارب مشوفكيش في المستشفي تاني بقي
حياه: يارب يا دكتور
مصطفى: عن اذنكم بقي عشان المدام مستنياني
بعد ما مشي انس: مش كنت استنيت شويه ياعم فهد دا طلع متجوز
هدير: هموت من الضحك الحقيقه
فهد: لزج اوي الدكتور دا
عمر: اماااال
حياه: انا عايزه امشي يلا يا ماما يلا يا بنات
نهال: لسه بدري يا حياه
حياه: طب هروح انا وتعالو مع حمزه
هدير: مالك يا حياه انتي تعبانه؟
حياه: لا بس مصدعه شويه
فهد: خلاص اوصلك انا
حياه: لا معلش ملهوش لازمه
فهد: ازاي يعني يلا قومي معايا انتي مش هتعرفي تركزي في الطريق
نهال: معلش يا بني هتعبك معايا
فهد مسك ايدها وبسها وهمس جمب ودنها: لو تعب الدنيا كله لبنتك انا موافق بس هي تحن بس
نهال ابتسمت بحب: هتحن بس خالي بالك طويل انت جرحتها جامد
هدير: ع فكره انا بغير على امي فوسع بقي كدا
كله ضحك عليها وفهد خد حياه
في العربيه حياه سرحانه بس حست ان العربيه بطلت تتحرك: وقفت ليه
فهد: اخيرا خدتي بالك.. تعالى نقعد على النيل شويه
حياه: مش قدره يا فهد لو سمحت روحني البيت
فهد: تعالى بس هنتكلم حبه
نزلت معاه وقعدو على النيل
عدي شويه وقت ومحدش اتكلم وكسر الصمت دا
فهد: انتي بجد مش واثقه فيا خالص؟
حياه: حتي لو واثقه فيك هفضل خايفه منك ومفيش حد بيعرف يعيش مع حد خايف منه
فهد اتنهد بحزن: يعني مفيش امل خالص
حياه سكتت ومردتش
فهد: يلا اروحك عشان ترتاحي
فهد مشي خطويتين يسبقها للعربيه بس اتجمد مكانه لما سمعها
حياه: انا مسافره... ومش هرجع تاني الا على فرح شهد و هدير
فهد: ليه.... ليه رفضاني وليه بتهربي ليه بتعملى كدا بتعذبيني و بتعذبي نفسك
حياه: انت.. انت السبب يا فهد انت الى عملت فيا و فيك كدا كسرت كل حاجه بنا حتي قبل ما نقول لبعض على مشاعرنا مش هقدر اقعد ومش هقدر ارجعلك
فهد مسكها من ايدها جامد و بعصبيه: طب وريني بقي هتسافري ازاي وعليا وعلى اعدائي يا حياه ومش هتبقي لحد تاني فهمه ولا لا
حياه سكته وبصاله
فهد حاول يهدي شويه: اركبي... اركبي يا حياه
..............
تاني يوم الصبح حياه صحيت لقيت ان البيت كله مقلوب ولبسين لبس التنضيف
حياه: صباح الخير
نهال: صباح الفل يا حبيبتي يلا افطر و تعالى سعدينا
حياه: هو العيد قرب ولاايه
هدير بضحك: صباح الفل على الدماغ دي... عيد ايه يابت انتي
شهد: شكلها لسه مش فايقه
نهال: في عريس جي بليل فهمتي
حياه: اهاا... ايه عريس لمين ياست انتي عيالك الاتنين مخطوبين عايزه تتجوزي ياهانم
نهال: بس يا بت انتي اسكتي العريس ليكي انتي ياختي ويلا بقي متعطلناش
حياه دخلت و هي متوتره ومش عارفه ليه
تسريع الاحداث وكل حاجه جاهزه و مستنين العريس
شهد: مالك يا حياه في ايه مش اول مره يجيلك عريس يعني
حياه: مش عارفه يا شهد متوتره ليه
هدير: طب خالي بالك لتوقعي العصير على العريس
حياه: اخرسي مش وقتك خالص
جت نهال قالتلهم يخرجو شهد و هدير خرجو الاول وحياه جابت العصير و خرجت
بس وقفت مصدومه وهي شايفه فهد قاعد حياه راحت قعدت
حياه: ممكم افهم في ايه كلكم كدا جاين عشان تشوفو العريس
انس: ونشوفو ليه يا بنتي ما احنا عرفينو
حياه: عارفينه ازاي يعني
سماح: فهد ابني هو العريس يا حياه
حياه وقفت: نعم!!! احنا لسه متكلمين امبارح يا فهد في الموضوع دا تقوم تيجي تتقدم وانت عارف اني مش هوافق
فهد: سبونا شويه لوحدنا
كله خرج و سبهم
فهد: اعتبريني بتعرف عليكي من جديد دلوقتي اديني اخر فرصه لو حصل غلط صغير مني هسيب القرار ليكي
حياه شافت في عنيه ندمه وحست بيه وانه اترجاها كتير
حياه اتنهدت: موافقه اتعرف عليك من جديد
فهد من فرحته قام جابهم كلهم
فهد: يلا نقرأ الفاتحه بقي
حياه بتسرع: لا استني.... عندي شرط
فهد: شرط ايه!!؟
حياه: الخطوبه تبقي ٣ سنين
فهد: نعمم!!!
حياه: هو دا شرطي
سماح: بس ليه ٣ سنين ما كل حاجه جاهزه لو في حاجه في الفيلا عايزه تغيريها قولى مش هتاخد الوقت دا ابدا
حياه: معلش يا طنط انا وفهد بدانا من جديد يبقي لازم اعرفه كويس
فهد بهدوء: تمام انا موافق بس خطوبتنا تبقي الاسبوع الي جي معاهم
انس: مع مين
فهد: احنا كلنا خطوبتنا تبقي الاسبوع الى جي انا وانت و عمر و حمزه
انس حضن فهد جااامد: انت اخ عظيم والله
حمزه: طب يلا نقرا الفاتحه
بعد ما مشيو
حمزه: عايز اقولكم حاجه
نهال: قول يابني خير
حمزه: صبري عايز يشوفكم ضروري
نهال: ودا عايز ايه تاني دا
حمزه: معرفش بس هتعملو ايه هتروحو ولا ايه
شهد: خالينا نروح دا مهما كان ابونا
هدير: انا هروح عشان فضولى هيموتني بصراحه
حمزه: وانتي يا حياه هتعملى ايه
حياه: هو عايز عياله مش عايزني انا هروح ليه
نهال: تعالى معانا وخلاص
حياه سكتت شويه: انا هروح عشان مهما كان هو رباني و صرف عليا
حمزه: تمام بكرا الصبح اخدكم اوديكم
نهال: طيب ماشي يلا نتعشي و ننام
..............
سماح: انت يابني ازاي توافق على ٣ سنين خطوبه
فهد: طلما هي هتبقي مرتاحه و مطمنه كدا خلاص يا ماما براحتها
مي: يا ماما حياه مش واثقه فيه الثقهوالة تخاليها تقول يلا نتجوز علطول هي عشان بتحبه بتحاول تسامحه وتدي فرصه لعلاقتهم
عمر: مي معاها حق يا طنط بصراحه وفهد تصرفه كان صح لما وافق
انس: يا جماعه احنا اساسا رايحين وبنحسب انها هترفض فيعني انها قبلت دا شئ كويس وبعدين لو ارتاحت و سمحته ممكن يتجوزو قبل ال٣ سنين دول
فهد: سيبو كل حاجه على ربنا
سماح: ونعمه بالله ربنا يحنن قلبها عليك يابني
...............
صباح يوم جديد جهزو عشان يروحو لصبري ولما وصلو
حمزه: احنا جينا يا فندم عشان نتكلم مع الاستاذ صبري
الضابط: كويس جدا لانه بقاله فتره مش كويس ومصمم يشوفكم كلكم وخصوصا الانسه حياه
حمزه: طب لو سمحت عايزين نشوفو
صبري دخل وقعد قدامهم بس حياه مكنتش بتبصله خالص كانت ساكته
شهد: بابا وحشتني جدا ليه يا بابا وصلت نفسك للمرحله دي ليه
صبري بحزن: الشيطان يا بنتي انا طالب منكم كلكم تسمحوني ونبي انا حاسس فعلا ان مش بقيلي كتير في الدنيا خلاص سمحوني على كل حاجه وحشه عملتها وخصوصا انتي يا حياه انا عارف اني عملت فيكي كتير ومن حقك متسمحنيش بس انتي قلبك ابيض و طيبه سمحيني يا بنتي صدقيني الشيطان كان اقوي مني
حياه قربت منه ومسكت ايده: انا مسمحاك انت مهما عملت انت زي ابويا ربتني و علمتني ومرمتنيش في الشارع كل دو حاجات حلوه افتكرهالك من رئي لازم تحاول تخالى ماما هي الى تسمحك
صبري بص لنهال بحزن شديد: سمحيني سمحيني ارجوكي انا مش عارف عملت كل دا فيكم ازاي بس انتي طول عمرك بتسمحيني ودي. اخر مره صدقيني
نهال: بص لو بناتك سمحوك اعتبرني مسمحاك
شهد: انا مسمحاك يا بابا المهم عندي تكون بخير
صبري: حبيبتي يا بنتي طول عمرك حنينه... هدير مش هتقولى حاجه يا بنتي
هدير بصتله بحزن وانكسار: اسمحك ازاي قولى اسمحك ازاي بعد الى عملته انا قريت فتحتي وانت مش معايا ولا جمبي وهعمل خطوبتي وانت برضو مش معايا يوم الفرح مش هتسلمني لعريسي ولا توصيه عليا مبقاش ليا ظهر ولا سند بسبب طمعك و جبروتك انت مش بس بعت حياه عشان الفلوس انت بعت الحب وكل حاجه جوايا ليك
صبري حضنها وعيط: صدقيني كان شيطان اقوي مني يابنتي عايز اموت وانتو مسمحني متعمليش فيا كدا والله كل يوم قلبي بيقطعني
حياه: هدير دا مهما. كان ابوكي وعمره ما كلن هيبقي عايز يضرك مفيش انسان ملاك كلنا بنغلط وبعدين هو ندمان اهو
هدير بعياط حضن صبري: حقك عليا يا بايا سمحني بس كان نفسي تبقي معاايا في وقت مهم زي دا مهما حصل انت ابويا ومحدش هيقدر يعوضني عنك ولا حد يقدر ياخد مكانك في قلبي
صبري بأبتسامه: انا مش طالب منك غير انك تسمحيني وترحمي الواد انس انا عرفت انه بيحبك جدا وجيه هو و عمر و فهد فبلاش تضيعيه منك
هدير بضحك: هو فيه ايه هو انا شريره اوي كدا خايف عليه وانا لا
حياه بضحك: انتي ميتخفش عليكي هو الى يعيني داخل النار برجليه
نهال: بنتي قمر وتعمل الى هي عايزاه اساسا
شهد: قمر بلستر
هدير: خلاص خلصتو رخامه دمكم سم علي فكره
صبري: تعالو في حضني
نهاال: خلاص يا بنات ابعدو عشان ابوكم يعرف يتنفس
صبري: حياه
حياه: نعم يا بابا
صبري: فهد بيحبك محدش بيغلط يا بنتي اديله فرصه و صفي قلبك
حياه: متقلقش عليا يا بابا انا مسمحاه بس لازم يتعلم الادب شويه
هدير: نعمم يا اختي شويه ايه يا بابا دي الخطوبه ٣ سنين يا بابا قال وبتقولك شويه
صبري بضحك: يخربيتك يابت انتي بجد عملتي كدا
حياه: اه هنشوف بقي هيستحمل ولا لا
شهد: الراجل ياعيني وافق عشان بس يحاول يصلح ال عمله بس بنتك مفتريه والله
صبري: بنتي من حقها تعمل الى هي عايزاه
الضباط: يلا يا جماعه كفايا كدا
صبري: خالو بالكم من نفسكم
حمزه: متقلقش عليهم هبقي اجيلك تاني
.....................
* يوم الخطوبه *
نهال: يلا يا بنات افطرو كويس عشان لسه في حاجات كتير عايزه تتعمل في شعركم و مكياجكم و الفساتين الى حمزه لازم يروح يجبهم و..
قطعها صوت خبطت على الباب
حياه: خاليكي يا ماما انا الى هفتح
حياه فتحت الباب
..: دا بيت الانسه حياه
حياه: ايوا انا مين حضرتك
...: فهد بيه بعت معايا الفساتين بتاعت حضرتك واخواتك ومعايا الناس الى هتعملكم شعركم و مكياجكم عشان. نجهزكم للخطوبه
حياه: اهاا طب اتفضلو في الصاله واحنا جايين
نهال: في ايه يا حياه ومين دول
حياه: فهد. بعتهم عشان يجهزونا للخطوبه قولى لحمزه خلاص الفساتين جت كمان
نهال: طيب يا حبيبتي يلا
..................
انس: تفتكرو الفساتين هتعجبهم
عمر: انا شايف انهم حلوين يعني اكيد هتعجبهم
فهد: انا متأكد انها هتعجب حياه انا عارف زوقها
انس: طب انت و متاكد انا بقي اعمل ايه متوتر
فهد: هي مش حبيبتك يبقي لازم تبقي عارف زوقها يا انس
عمر: انا كمان واثق انه هيعجب شهد
انس: طب يعني على الله حكايتي انا يعني
.................
اليوم جري بسرعه وجيه وقت الخطوبه
البنت: مشاء الله عليكم بجد. كلكم قمرات جدا
حياه: الفساتين خطيره بجد
هدير: جدا زوقهم طلع جميل جدا
شهد: بصراحه عمر طلع زوقه عالي اوي
هدير: انا اتفجات ان انس زوقه جميل كدا
حياه: ليه مش هو اختارك انتي يبقي اكيد زوقه حلو
مي: مع احترامي ليكو بس حمزه زوقه احلى
كله ضحك جدا
مي: حياه عايزه اسالك على حاجه بس تجاوبي بصراحه
حياه: اسالي طبعا
مي: انتي مسامحه فهد
حياه: بصي انا هجاوبك عشان واثقه فيكي انك مش هتقولى لفهد
مي: مش هقوله صدقيني
حياه: انا سمحته بس لازم يتعب عشان يصالحني عشان بعد كدا قبل ما ياخد قرار او يقول اي حاجه تزعلني يفكر ويعرف انه مش هيبقي سهل وكدا
مي: فهمتك وبصراحه حقك
حياه بضحك: يابنتي دا اخوكي
مي: بس غلط
دخلت عليهم نهال و سماح
سماح: بسم الله مشاء الله قمرات يا بنات ربنا يحميكم
نهال: هتتحسدو من جمالكم ربنا يبعد عنكم اي شر ويفرحكم يا حبايب قلبي
سماح: يلا بس عشان الرجاله هتطلع دلوقتي عشان تاخدكم
مي: انا متوتره اوي
البنات: واحنا كمان
كله ضحك عليهم
سماح: متوترين على ايه دي خطوبه مش كتب كتاب
نهاال: خلاص يا سماح سبيهم كلنا كنا زايهم كدا
(صوت خبط على الباب)
نهال: ادخل
فهد: خلاص جهزتو
ولمح حياه وهي واقفه بصه للارض
فهد بهيام: بسم الله مشاء الله
سماح: مالك يا واد تنحت كدا ليه
فهد: انا اتفقت اني هخطب حياه مش هخطب حورايه من الجنه
حياه اتكسفت اوي و وشها احمر
سماح بضحك: يا واد لم نفسك البت اتكسفت
فهد: طب ونبي انتي شيفاني بكدب مثلا
سماح: الصراحه البنات كلها زي القمر
فهد بهمس: انا مش شايف غيرها
نهال: ايه يابني كنت عايز حاجه
فهد: اه صحيح كنت طالع اشوفكم جهزتو ولا لسه
نهال: اه يا حبيبي كلهم جهزو
فهد: طيب هنزل اقولهم عشان نطلع ناخدهم
حياه: ماما كله جاهز؟
نهال: متقلقيش كله تمام
الشباب طلعو ياخدو البنات وطبعا محدش فيهم. كان مصدق اللحظه دي
انس: وربنا خايف افرح ليحصل مصيبه
عمر: ماهو بكلامك دا مش هتفرح ابدا وبعدين حد يشوف القمر دا وميفرحش ( طبعا كان باصص لشهد)
حمزه: ياجماعه في ملاك نزل من السما هنا للدرجادي ربنا بيحبني
فهد: لم نفسك يا حلو دي اختي برضو
حمزه: والله!! طب تمام وريني بقي هتعرف تتكلم كلمه واحده مع حياه ازاي ماهي اختي برضو
فهد: بارد اوي يا حمزه
حمزه: يلا يا بيبي ننزل عشان هو مقهور مننا
كله ضحك ونزلو وبعد ما لبسو الدبل ورقصو شويه دخل شاب القاعه وراح لحياه و فهد
.....: مبروك يا عروسه
حياه: الله يبارك فيك يا محمد شكرا
محمد: مبروك يا عريس خالي بالك من حياه مهما كان الى بيني وبينها ميمنعش اني افرحلها انها لقت حد يخطوبها
حياه: انت عملت الواجب تقدر تمشي صح
فهد: يمشي ليه يقدر يفضل للاخر
محمد: لا انا هستعجل بقي اصل مليش في جو الخطوبه و الجواز دا ما حياه عارفه يلا باي
فهد بص لحياه: مين دا
حياه: دا محمد
فهد: ايوا يعني مين دا برضو
حياه: كان معايا في الكليه
فهد: واضح انه عارفك اوي
حياه: تقصد. ايه
فهد: الواد دا كان عايز منك ايه يا حياه
حياه: انت شايف ان دا الوقت المناسب
فهد: والله انت شايف اني هقوم اقتله في نص القاعه عشان نظرته ليكي معجبتنيش
حياه: طيب يا فهد من الاخر هو معجب بيا وحاول معايا كتير وكان هيعملى مشاكل وانا في الكليه قبل كدا ممكن نقفل الموضوع دا
فهد: لمسك؟
حياه: انت بتقول ايه يا فهد. انت اتجننت
فهد: اسمعي انتي فهمتي غلط انا قصدي حاول غصب عنك يعني
حياه: لا لانه مقدرش عشان عارف انا ممكن اعمل فيه ايه
فهد: لو حاول قولى متخفيش هعلمه الادب بس
حياه: فهد بجد دا مش وقته خالص خالينا نفرح بقي
فهد بأبتسامه: معاكي حق... هروح اسلم على ناس مهمين بس وجي ممكن
حياه: ماشي اتفضل
حياه راحت لعمر وانس
حياه: شكله اتعلم الدرس حلو
انس: يعني نجح في الاختبار؟
عمر: مش شايف الضحكه الى على وشها اكيد نجح
حياه: اه واخد ١٠/١٠ كمان
انس: طب كويس احنا هنروح نقولو بقي ماشي
حياه: اه ماشي يلا
عمر: فهد احنا كلمنا ماما نهال و وافقت نكتب الكتاب انهارده عشان نعرف نتعامل براحتنا
فهد: ايوا بقي يبختكم مش زي لسه ٣ سنين
انس: لا ما احنا مش هنتكتبه لوحدنا
فهد: يعني ايه
حمزه: يعني لو وافقت اكتب كتابي على مي هخليك تكتب كتابك انت كمان على حياه
فهد: وهي حياه حد يعرف يقنعها اصلا وبعدين حوار كتب الكتاب دا مي لازم هي الى توافق
حمزه: هتوافق زي البنات لان اساسا احنا عملينهم مفجاه
فهد: براحتكم بس حياه مش هتوافق
انس: هنشوف.... يلا يا عمر هات المأذون
بعد شويه وقت جيه المأذون
هدير: المأذون بيعمل ايه هنا
شهد: عادي تلاقيه اتلغبط في القاعه
مي: فهد هيتصرف دلوقتي
حياه بضحك: مبروك يا بنات
مي: حبيبيتي مبروك ليكي معانا
حياه: انا قصدي مبروك عليكم كتب الكتاب
هدير: كتب كتاب مين معلش
حياه: انتو كتب كتابكم انتو
شهد: ايييه ازاي دا
حياه: كل الموضوع انهم طلبو انهم يكتبو الكتاب عشان يبقو براحتهم معاكم وانا و ماما و حمزه وافقنا
مي: طب وانا
حياه: برضو ماما سماح و فهد موافقين
شهد: طب وانتي يا حياه
حياه: وانا كمان
البنات: هييييييييه
حياه: بس بس القاعه بتتفرج علينا بس ع فكره فهد ميعرفش اني موافقه
مي بضحك: كمان
حياه بضحك: اها
فهد: طبعا حياه قالتلكم كل حاجه
مي: طبعا
فهد: طب يلا عشان مي و حمزه الاول وبعدين عمر و شهد و في الاخر انس و هدير منعنا للمصايب الى بتعملوها
مي: طب وانت يا ابيه
فهد: ما انتي عارفه الخطوبه ٣ سنين يلا بس عشان حمزه عند الماذون
وبعد شويه كتبو الكتاب بتاع حمزه
فهد: يلا يا عمر
حمزه: لا دا دورك
فهد: دور مين معلش
حمزه: مكتوبلك تحط ايدك في ايدي مره تانيه يا بطل
فهد بص لحياه: انتي موافقه؟
حياه : اه موافقه عايزه افرح مع البنات
فهد: يلا يا ماذون اكتب بسرعه قبل ما ترجع في كلامها
(وكله كتب الكتاب والحمد لله من غير مصايب😂😂)
هدير: حياه هو حسام مجاش ليه
حياه: عنده شغل كتير معرفش ينزل بس ان شاءلله هيجي في الفرح
فهد: معلش يا بنات هاخد منكم حياه شويه بقي
هدير: ايوا بقي مراتك و حقك
فهد: ايوا قولي الكلمه دي كتير عشان اصدق
حياه بضحك: طب يلا يلا تعالى عايز ايه
فهد: انتي وافقتي تكتبي الكتاب انهارده ليه
حياه: قولتلك عايزه افرح معاهم
فهد: حياه قولى الحقيقه
حياه: عملتلك اختبار ونجحت فيه فقولت اديك هديه نجاحك لو مضايق قول نتصل نجيب المأذون
_شدها لحضنه_
فهد: بحبك صدقيني بحبك وهفضل احبك متعرفيش كنتي بتقتليني ازاي وانتي بتبعدي عني كدا ومتعرفيش فرحتي لما وافقتي مش هسمحلك تبعدي عن حضني تاني ابدا
حياه بهدوء: انا الى اتفقت مع محمد دا عشان اشوف هتشك فيا ولا لا
فهد: حقك بس صدقيني وقتها كان غصب عني كان في ضغط كبير عليا بس دا مش هيحصل تاني خلاص
حياه: طب ممكن نرجع مكانا بقي
فهد: يلا
* وخلاص خلصت حفله الخطوبه الى بقت كتب كتاب وقررو يخرجو سوا قدام النيل
مي: الجو دا تحفه
شهد: و المكان جميل جدا
فهد: اهو دا المكان المفضل لحياه لو اختفت فجأه هتلاقيها هنا
حياه: حصل المكان الاقرب لقلبي
فهد : الفيلا هتخلص الاسبوع دا شوفو هتعملو الفرح امتي
حمزه: ما تقولنا انت امتي
فهد: لا هي هعملها فرح لوحدها معلش
حياه: طب ليه ماكلنا سوا وخلاص
فهد: لا برضو انا حابب اعوضك على الايام الى فاتت
مي: فهد طلما قرر كدا مش هيرجع في كلامه ابدا
حمزه: خلاص بكرا نتفق مع ماما نهال ونشوف
حياه: انت مصمم يبقي فرحنا لوحدنا
فهد بهمس: انتي لازم يتعملك فرح ميتعملش لحد تاني زايه ابدا
حياه: بس ليه كل دا انا سمحتك خلاص وهنبدا من جديد
فهد: الفرح ملهوش علاقه بالي حصل خالص ممكن تسبيني افرحك بطريقتي انا يهمني اشوف فرحتك طالعه من قلبك
حمزه: يلا بينا نمشي بقي
انس: كل واحد ياخد مراته في عربيته
عمر: ايوا طبعا
فهد: طب يلا
..................
حمزه: ايه يا قمر عملتي ايه واحنا مش هنا
هدير: اكيد جابت عشقها
نهاال: اخرسي يا بت
حياه: اكلتي يا ماما؟
نهال: اه يا حبيبتي
حمزه: ماما اقعدي مع ماما سماح عشان تحددو معاد الفرح فهد بيقول ان الفيلا جاهزه خلاص
نهال: ماشي ان شاء الله نتكلم بكرا في الموضوع دا
شهد: ما تستني شويه يا ماما مش علطول كدا
نهال: يا بنتي هما عزومنا بكرا فهنتكلم بلمره وخلاص
حمزه: ياريت يا ماما
حياه: انا هدخل انام بقي عشان تعبت
نهال: كلكم خشو نامو عشان ترتاحو
« تسريع الاحداث وقت الفرح»
فى اوضه تجهيز البنات
حياه: مش عارفه ليه فهد مش عايز يعمل فرحنا معاكم دا. كان هيبقي يوم حلو
مي: يا حبيبتي هو عايز يبقي يوم مميز ليكم انتو بس
هدير: يلا بقي افتحي الباب اكيد البنات وصلو عشان نجهز
البنت: حضرتك مدام حياه صح
حياه: ايوا
البنت: استاذ فهد منتظر حضرتك تحت ضروري واحنا جينا نجهز البنات
حياه: تمام اتفضلي خشي..... يا بنات انت نزله اشوف فهد وجايا اجهزو انتو
..................
حياه: خير يا فهد في حاجه؟
فهد: خدي دا مفتاح اوضه تانيه انا حاجزته ليكي في كل حاجه وفي بنات هتجيلك تجهزك
حياه: طب ليه كل دا يا فهد ما انا هجهز معاهم
فهد: اسمعي الكلام بس ومتنزليش غير لما اجي اخدك انا
حياه: حاضر
فهد: يلا اطلعي والبنات هتيجي وراكي
.................
حياه دخلت الاوضه وشافت فستان ابيض جميل اووي ضيق من فوق ومنفوش من تحت راحت جابت تلفونها بسرعه واتصلت على فهد
فهد: عجبك؟
حياه: فهد انت بجد بجد يعني ازاي طيب
فهد بضحك: اهدي بس براحه مينفعش يبقي نفسك في حاجه ومعملهاش طلما نفسك فرحك يبقي معاهم خلاص انا تحت امرك يلا اجهزي بقي عشان اجي اخدك يا عروستي
حياه: بحبك
فهد: مش اكتر مني
.................
الفرح بدأ ودخلو عمر وشهد و انس و هدير و حمزه و مي
عمر: امال فين فهد
حمزه: مش عارف حتي حياه مش لقيها.
هدير: اكيد مع بعض
وفجاه قطع كلامهم اغنيه طِليِّ بالابيض طليِّ
يا زهره نيسان
شهد: هو في ايه
مي: معرفش
انس: شكله عاملها
ودخلو فهد و حياه الى لفتو انتباه الجميع بجاملهم و حبهم الى باين في عنيهم
عمر: مش تقول انك هتعملها معانا
فهد: مقدرش ارفضلها طلب ابدا
هدير: ايوووا بقي
حمزه: يلا نرقص بقي
كلهم راقصو سلو و الرقصه خلصت فهد راح جاب الميك: معلش كله يسمعني بس حابب اقول حاجه انا الحمد لله لقيت الحب الى كنت بحلم بيه و البنت الي قدرت تخالي قلبي يدق مفيش واحده قدرت تعمل كدا حابب اقولها اني مستحيل اضيعها من ايدي تاني ابدا
طلع من جيبه خاتم سوليتير ورطع على ركبه واحده وقالها: نورتي حياتي يا حياه الفهد
#الخاتمه
«بعد مرور ١٠ سنين»
فهد: انت يا زفت يا انس تعالى شووف ابنك
انس: في ايه
فهد: تعالي شوف ابنك عايز ايه
انس: عايز ايه يا حبيب بابا
جاسر: عايز اتجوز حور يا بابا
انس: في ايه يا فهد الواد عايز يتجوز البنت مفيهاش حاجه
فهد: والله انت شايف اني هوافق ان بنتي تتجوز ابنك دا مستحيل بنتي هتتجوز نادر ابن عمر
حور: بس يا بابا انا بحب جاسر وعايزه اتجوزه
فهد: بت اطلعي على اوضتك
حور: يووووووووو اديني طلعه
جاسر: هتوحشيني
انس: ابني تربيتي
هدير: تربيه هباب يا حبيبي
حياه: حبيبي احنا جهزنا يلا بينا.... حور يلا يا حبيبتي
حور: هنروح عند جدو
حور: اه يا حبيبتي هنروح ندعيله ونيجي نزين البيت عشان رأس السنه
حور: هيييييه يلا بينا يا مامي
فهد: طب يلا على العربيات بقي عشان نلحق نجيب تيتا معانا
عمر: يلا يا نادر يلا يا جاسر على العربيه
وصلو المقابر
حياه: بابا حبيت اجي ادعيلك و تسمع احفادك و هما بيدعولك كان نفسي اشبع من حنانك عليا بس محصلش للاسف بس متقلقش انا مسمحاك انت عملتلي كتير اوي وعمري ما هنسي شوف احفادك كبرو ازاي يا بابا حور مطلعه عيني و جاسر ابن هدير حاطط عينه عليها و نادر ابن شهد حنين و طيب زيها اوي عندي ليك مفجأه انت اول واحد تعرفها انا حامل وانهارده هقولهم كلهم هجيلك تاني يا بابا
كلهم دعوله و قرأو القرآن
فهد: هنوصلكم الفيلا ونروح احنا الشركه
حياه: لا ودينا المول هنشتري شويه حاجات ونرجع الفيلا
نهال: لا يا بنتي انا عايزه اروح
سماح: وانا هروح كمان الفيلا عشان مي و حمزه قربو يجيو
عمر: انا مش عارف مش عايزين حد يستقبلهم في المطار ليه
حياه: عناد وخلاص المهم احنا هنروح الفيلا عشان ماما نهال و ماما سماح وانت يا فهد كلم السواق يجهز العربيه يودينا المول
فهد: تمام يلا بينا
_ تسريع الاحداث _
فهد: هاا مستعدين للعد
كله: مستعدين
فهد: طب يلا
كله: 5
4
3
2
1
Happy New Year 🥳
حياه: انا حامل
كله بصدمه : ايييه !!
حياه: انا حامل
حور: هيييييه هيبقي عندي اخوااات
مي: الف مبروك يا حبيبتي فرحتيني جدا
هدير: الف الف مبروك هتجيبي قمر تاني زي حور
شهد: مبروك يا حبيبتي يتمملك على خير يارب
حياه: بجد مش عارفه اقولكم ايه انتو عيلتي واهلى متحرمش منكم ابدا
خلص الاحتفال بسعاده كبيره بسبب حمل حياه وبدايه سنه جديده
في اوضه فهد و حياه الاوضه متزينه بلورد و الشموع فهد مسك ايدها وبحب قالها: بدايه سنه جديده معايا بنتين و بيبي لسه
حياه: هي بنت واحده و البيبي الى في بطني
فهد: انتي بنتي الاوله انتى الى نورتى حياتى وبقي ليها طعم و روح فاكره لما اتفصلتي عني كنت حاسس ان روحي راحت مني كل سنه وانتي مراتي و بنتي و دنيتي يا حياتي
باس ايدها طلع علبه من جيبه وقال: بحبك
حياه بحب و فرحه: بحبك اوي يا فهدي ربنا يخليك لينا يارب
( تانى يوم )
حياه: صباح الخير يا ماما
سماح: صباح الورد يا حبيبتي
حور جريت عليها : تيتا صباح الخير وبستها
سماح بحب: صباح الخير يا عيون تيتا جاهزه للحضانه
حور: طبعا يا تيتا
سماح: شطوره قلب تيتا
وبعدين بصت لحياه: هتتاخري يا حبيبتي
حياه: هوصل حور الحضانه و هروح الشركه لفهد اديله الغدا بتاعه عشان هيتاخر انهارده
سماح: يا بنتي بلاش تروحي انا مش عايزاكي تشوفيها هناك انا معرفش ايه القرار المهبب دا
حياه: انسي يا ماما انا مسامحه المهم همشي بقي عشان متاخرش
سماح: ربنا يريح بالك يا بنتي يارب ويسعدكم
ـــــــــــــــــــــــــــــــــــــــــــــــــــــــــــــــ
حياه وصلت الشركه
حياه: السلام عليكم
ناني: وعليكم السلام ورحمه الله وبركاته اتفضلي يا مدام حياه
حياه: فهد جوا؟
ناني: اه يا فندم اتفضلي
حياه: شكرا يا ناني
حياه دخلت على فهد بسرعه
قالت: بتخووووني
فهد: بخونك ايه يا مجنونه انا في الشركه
حياه: ما انا عارفه انا بس بفكرك بهورمونات الحمل عشان لو نسيت بس
فهد: لا ياختي منستش ربنا يستر
حياه: طب خد الغدا اهو مهونتش عليا اسيبك تاكل من برا
فهد: تسلم ايديك يا روح قلبي تعبتي نفسك بس ليه جيتي انتي كنتي بعتيه مع اي حد
حياه: وفيها ايه لما اجي انا
فهد: انا بس مكنتش حابب يعني انك..
حياه: اسمع يا فهد ناني اتعقبت و دخلت السجن وخرجت طلبت السماح مش عيب اننا نديها فرصه تانيه انا سمحتهم كلهم بس عمري ما انسي وهي باين عليها اتعلمت من الغلط و اتغيرت
فهد: انتي حلوه اوي
حياه: طول عمري يلا انا همشي انا بقي وانت كمل شغلك
فهد: ماشي يا حبيبتي خالي بالك من نفسك
ـــــــــــــــــــــــــــــــــــــــــــــــــــــــــــــــ
حياه * يمكن كتير منا مبيعرفش يسامح ولا ينسي دا طبيعي بس لما نشوف الندم في عيون الى غلط فينا من حقه نديله فرصه تانيه كلنا بنغلط و كلنا بنندم بس كدا كدا كله ربنا كتبهولنا وهنشوفه فخلينا نعيشه بلحب مهما حصل ومفيش حاجه وحشه بتحصل الا و وراها حاجه حلوه كبيره انا عيلتي كبرت بقي في حوليا كتير بيحبوني بيخافو عليا بيتي كبر حبهم ليا كبر كل واحد فيهم ليه مكان في قلبي محدش يقدر ياخده خالونا نعيش الحلو يفضل املنا في الى جي كبير
ربنا عمره ما بينسي مخلوق فأكيد بعد العسر يسر
بتمني مهما حصلكم في حياتكم متيأسوش ولا تستسلمو للافكار الوحشه
تمت بحمد الله