رواية الكلبش والايدي الناعمة
الفصل الخامس و العشرون
ساره: الووووو..ايوه يااكرم معاك
اكرم: انا جي انا وبابا وعماد دلوقتي اتقدملك
ساره:(بفرحه) انت بتتكلم بجد
اكرم: آآآآه ياساره
ساره: انا مبسوطه اوي بجد يااكرم ربنا يخليك لياااا
اكرم: ويخليكي لياااا ياحببتي...وقفل التليفون
عماد: اكرم
اكرم: ادخل يادكتور
عماد: انا جاهز
اكرم: وانا كمان يلا ننزل نشوف بابا
نزل اكرم هو وعماد سمع صوت عمه بابا امل مع والدهم
بابا امل: فوق ياوجيه لنفسك مش بنتي اللي تضرب وتتبهدل وفي الآخر تطردها انت فاكر نفسك ايه انت وابنك . انتوا ولا حاجه
اكرم : دخل هو وعماد المكتب....اكرم وشه كله كان عليه الغضب....انا ماسمحلكش ياعمي تكلم بابا كده وان كانت على بنت...ولسه هيكمل (وجيه قاطعه بالكلام)
وجيه: اخرج بره دلوقتي يااكرم انت وعماد.....وخبط على ايديه على المكتب...بقولك اخرج اسمع الكلام
اكرم وعماد خرجوا من المكتب
وجيه: اهدى واقعد دلوقتي واعرف الأول بنتك عملت ايه ... وبعدين متنساش ياشكري انك انت اللي كنت بتلح عليا في موضوع جواز اكرم من أمل بالرغم من انك عارف وانا عارف ان أكرم مش عايز امل وسمعت كلامك وقولت جايز وممكن يقربوا من بعض بعد الجواز
بابا امل: انت عايز ايه دلوقتي
وجيه: كل شيء قسمه ونصيب وبلاش نعذب اولادنا اكتر من كده والحمد لله ان اكرم مالمسش بنتك وزي ماهي بنت تقدر تعيش مع الأنسان اللي يقدرها ويستاهلها لكن أكرم مبقاش ينفع لأنها مش ليه ولا هو ليها
بابا امل: (بضحكة سخريه)لكن هو للبنت بتاعت السجون عااادي
وجيه: انا ماسمحلكش لأن البنت دي هاتبقى مرات ابني
بابا امل: اعتبر من اليوم ده مالكش اخ سمعتني...وراح خارج
عماد واكرم دخلوا المكتب....
وجيه: يلا نمشي يااكرم يلا ياعماد
اكرم: انا آسف يابابا اني اتسببت في مشكله معاك انت وعمي
وجيه: حصل خير وكل شئ قسمه ونصيب
وجيه وعماد وأكرم ركبوا العربيه ورحوا بيت ساره وطلعوا فوق في الدور التالت وضربوا الجرس
عصام فتح الباب..
وجيه: السلام عليكم
عصام: عليكم السلام ورحمة الله ...تحت أمركم ...وشاف اكرم وافتكروا لم كان ماسك قضية ساره....حضرة الظابط اكرم اتفضل يابني اتفضلوا
دخلوا وقعدوا...
عصام: تشربوا ايه
وجيه: احنا جايين لحضرتك في موضوع ياحاج عصام
عصام: وانا تحت أمركم
وجيه: انا وجيه اللواء السابق وأبقى والد الظابط اكرم وكمان والد دكتور عماد وشاور على ابنه
عصام: اهلا وسهلا بيكم البيت نور
وجيه: الله يعز مقدارك...انا باختصار جي اطلب ايد بنت اخو حضرتك ساره لا ابني أكرم ويسعدني ويشرفني انك توافق
عصام:( بدون تردد) بنت اخويا انا يابيه...وانا أطول الشرف العظيم ده ...ده انا اجبهالكم لحد البيت
وجيه: العفو ياحاج عصام ربنا يكرم اصلك ...افهم من كده انك موافق
عصام: طبعا موافق
وجيه: طيب نسمع رأي العروسه
عصام: وهي ليها رأي يابيه
وجيه: معلش بس دي أصول وده جواز
عصام: طيب بعد اذنك...هدخل انادي عليها
وجيه: خد راحتك اتفضل
أكرم بقى قاعد مبسوط
دخلت عليهم ساره وهي لابسه بلوزة زهري وجيبة سوده وطرحه وكانت جميله اوي
عصام : سلمي ياساره على عمك وجيه وعلى حضرة الظابط اكرم وعلى اخوه دكتور عماد
ساره: سلمت على وجيه...وجيه اخدها في حضنه وباس رأسها
وسلمت على عماد...وجات تسلم على أكرم...اكرم مسك ايدها جامد...زقت ايدها من ايده بكسوف
وجيه: احنا جايين نطلب ايدك ياساره لا ابني أكرم موافقه....ساره نزلت وشها في الأرض وبصوت واطي...الرأي رأي ياعمي
(ابتسموا كلهم)
وجيه: طيب يابنتي الف مبرووك
شوف طلباتك ياحاج عصام ايه وانا تحت امرك
عصام: العفو ياباشااا
(فلاش بااااك)
انجي بقت قاعده تفكر في مازن وبقت زعلانة اوي في نفسها لأنها عارفه ان مازن بيحب ساره وفي نفس الوقت مش هاين عليها اكرم
انجي في نفسها بدل ماانا قاعده وحدي هروح اشوف مازن...خرجت شافت الجوا مطر وهوا...ابتسمت...لدرجه دي يااكرم تروح عند حد والشوارع بالشكل ده مش قادر تصبر وبابا وعماد يسمعوا كلامك ويروحوا معاك...دخلت تاني الفيلا
(فلاش بااااك)
هايدي: هههههههه لا مش بتريق انا كنت بتكلم جد اصل وضعك كان متبهدل فعلا..
مازن: مستنيه ايه من واحد واخد دش وخارج يلبس ومالحقش يكمل ألبس بتاعه ولا لحق يسرح...وكمل كلامه بهزار.. على فكره انا جميل جداااااا وحلو كمان بس مايغركش التبهدله دي بس ده بسببك
هايدي: هههههههه واضح واضح....وخرجت بره تشوف الجو والمطره بطلت
هايدي: مازن مفيش مطره حاليا والهوا بدأ يهدى
مازن: مازن خرج يشوف
هايدي: هدخل بقى اغير هدومي وتكمل تعبك معايه وتوصلني
مازن: خلاص تمام
هايدي: دخلت غيرت هدومها وخرجت...
مازن: دخل غير هدومه ولبس بنطلون وتيشرت وجاكيت ورفع شعره لفوق
هايدي: هههههههه
مازن: نفسي افهم بتضحكي على ايه
هايدي: اتكلم بجد
مازن: ياااريت
هايدي: اصلك فعلا جميل اوي وكنت شكل من شويه وانت فالمطبخ وبقيت شكل دلوقتي
مازن: تصدقي من حلاوة كلامك هتخليني اعيط
هايدي: هههههههه مش كده برضو
مازن: (بضحكه رجوليه عاليه) انا مش عارف انتي طلعتيلي من فين يلا
هايدي: في نفسها ياخربيت بجد الجمال والضحكة الحلوه دي معقول في حد كده
مازن: هايدي رحتي فين يلا
هايدي: اييييييييييييه
مازن: لا ده انتي مش معايه خالص بقولك يلا ولا انتي عايزه تباتي هنا (وراح غامز بعينه)
هايدي: (في نفسها ياريت والله )وراحت قالت لا مش هابات يلا
ركبت هايدي العربيه مع مازن وشاورت ليه على الفيلا اللي ساكنه فيها
(مازن وقف بالعربية )
هايدي: مش عارفه أشكرك ازاي بجد لولا انت ماكنتش عارفه كنت هعمل ايه وبجد عمري ماهنسى اللي انت عملته معايه...انا حسيت اني اعرفك من زمان واول مره اتعامل مع حد بالمعاملة دي هو انت
مازن: صدقيني وانا كمان بجد اتبسط بوجودك ياهايدي معايه
هايدي: طيب انزل طيب اشرب حاجه
مازن: شكرا ياهايدي
هايدي: مدت ايدها تسلم عليه. علشان تنزل من العربيه...مازن مد أيده وحطها في ايدها...والاتنين ماكنوش راضيين يسيبوا ايد بعض...وبقى بينهم نظرات متبادلة
هايدي سابت ايدها بعد وقت...اشوف وشك بخير ونزلت من العربيه
مازن: اتفضلي ...وساق العربيه ومشي الشركه
(فلاش بااااك)
مرات عم ساره بقت تزغرط وجابت بيبسي وجاتوه وحلويات بعد قراءة الفاتحه
وجيه: طيب يااكرم انا همشي انا وعماد
عصام: ازاي مايصحش تمشي دلوقتي يابيه
وجيه: معلش ياحاج عصام بس ده ميعاد العلاج بتاعي...وزي ماقولت بإذن الله الفرح بعد يومين بالظبط
عصام: بإذن الله يابيه
اكرم: انا ماشي معاك يابابا
عماد: خليك انت مع عروستك
اكرم: لا انا همشي معاكم واجاي وقت تاني
وجيه: زي ماتحب يابني
خرجوا من الاوضة كلهم وخرج عصام يوصل وجيه وعماد
جات ساره تخرج..اكرم شدها من ايدها ودخلها الاوضة تاني واخدها في حضنه وباس رأسها....بحبك
ساره: أكرم يامجنون حد يدخل
اكرم: بقول بحبك
ساره: ونبي يااكرم اوعى انا خايفه حد يدخل
اكرم: ابتسم وسابها وخرج
نزل اكرم مع وجيه وعماد
عماد: هو انت أخرت جوا ليه يااكرم
اكرم: خبط رجله على رجل عماد
عماد: آآآآه
وجيه: مالك ياعماد في ايه
اكرم: الظاهر يابابا رجله قفشت عليه
ركبوا العربيه ووصلوا الفيلا
اكرم: بصوت عالي ...انا خلاص هتجوز ياانجي بعد يومين
انجي:(بفرحه) اخدته في حضنها ربنا يتمم ليك بخير ياحبيبي
اكرم: الله يبارك فيكي يااحسن اخت في الدنيا كلها
عماد: مالك يابابا ساكت ليه
وجيه:(بزعل) ماكنتش اتمنى ازعل أنا واخويا في يوم من الأيام ياعماد
اكرم: انا آسف بجد يابابا
وجيه: انت مالكش ذنب ياابني دي غلطات الكبار
انجي: ميعاد الدواء يابابا اتفضل
وجيه: اخد الدواء وشربوا
شكرا يابنتي
انجي: العفو يابابا بالهنا والشفا
تليفون اكرم رن
اكرم: حسين وحشني والله
حسين: _______________
اكرم: هههههههه يابني من حقي ماسالش فيك اصل عقبال عندك خلاص هتجوز
حسين: _______________
اكرم: هجيلك بكره وافهمك على كل حاجه وراح قافل
(فلاش بااااك )
مازن خلص شغل وروح البيت ودخل الأوضة شاف تليفون هايدي على الشاحن مسك التليفون...وفتحوا بحيث لو اتصلت على التليفون
ولم فتحوا شاف صورتها وهي بتضحك وقد ايه هي ضحكتها بريئة
والتليفون مالهوش بصمة
التليفون رن في ايده
هايدي: الووووووو مازن انا نسيت تليفوني
مازن: آآآآه لسه داخل حاليا البيت وشوفته وفتحته علشان عارف انك هتتصلي
هايدي: (بااحراج) طيب ممكن طلب
مازن: اييييييييييييه
هايدي: ينفع تقفل بقى التليفون لم اجاي عندك واخاده او اعدي عليك في الشركه
مازن: (بخبث)طيب واقفلوا ليه ماانا اقعد اتسلى واشوف اللي عليه
هايدي: مازن وحيات اغلى حاجه عندك بلاش تقلب في تليفوني وحيات غلاوة اختك اللي انت حكتلي عنها
مازن: حاضر ياهايدي ماتقلقيش
هايدي: هعدي عليك الصبح اخاده منك
مازن: اووووكي وراح قافل
(فلاش بااااك)
اكرم ركب عربيته واتصل ع ساره
ساره: بصوت واطي ايوه يااكرم
أكرم: انزلي انا واقف تحت البيت بالعربيه
ساره بصت من الشباك امشي يامجنون حد يشوفنا
اكرم: بقولك انزلي ومش ماشي الا لم تنزلي وقفل تليفونه
ساره: مشيت بالراحة وخرجت من الشقه وقفلت الباب ونزلت
ساره: ركبت العربيه ولسه هتكلم
اكرم شدها في حضنه
ساره بقت تقرب اكتر من حضنه وكأن حاجه كانت بعيده عنها وماصدقت قربت منها
أكرم: رفع وشها وهي في حضنه...الف مبروووك ياحببتي
ساره: الله يبارك فيك ياحبيبي
اكرم: (رفع حاجبه وابتسم)مقدرتش انام غير لم أبارك ليكي
ساره: (بكسوف) ووشها في الأرض وانا ماكنتش هقدر انام الا لم اشوفك
اكرم: بصوت واطي وهو وخدها في حضنه...طيب ليه ماكنتيش عايزه تنزلي
ساره: خايفه يااكرم لحسن حد يشوفنا
اكرم: ولسه خايفه
ساره: وانا في حضنك اكيد لا اكتر وقت بحس فيه بالأمان وانا جنبك
اكرم: كلها يومين بالكتير وتبقي في حضني العمر كله وباسها على رأسها
ساره: بقت دافنه راسها في الجاكيت بتاعه
اكرم: ساره مش هتطلعي بقى انا كنت جي ابارك وأمشي احنا متفقناش على كده ههههههه
ساره: (بكلام طفولي) لا مش هطلع من حضنك انا
اكرم: ده استغلال بقى
ساره: ايووووة بالظبط
اكرم: اممممممممم طيب خلاص خليكي قاعده وانا لم اخاد راحتي متزعليش
ساره: رفعت وشها(تقصد ايه)
اكرم: (بخبث) هو مش فرحنا بعد يومين يعني يعتبر مراتي من دلوقتي
ساره: لا مش يعتبر انا هطلع فوق
اكرم: هههههه ده احسن ليكي وليا والله يابنتي ...تليفون ساره رن
ساره: الووو مين
امل:____________
ساره: (بعصبيه)بتتصلي عايزه ايه
امل:_____________
ساره: حامل😳