Ads by Google X

القائمة الرئيسية

الصفحات

روايةحبيبي عبر الزمان الفصل الثانى

  من هنا



حبيبي عبر الزمن

بقلم الامبراطوره نور الشمس 

الحلقة الثانية

🌹🌹🌹🌹🌹🌹


وصل كينان الى الفيلا وعند دخوله شم رائحة العود الذكية منتشرة فى المكان فبحث عنها ولم يجدها فصعد الى غرفته ووجدها نظيفة ومترتبة على احسن ما يمكن ورائحة العود تملي أرجاء الغرفة ووجد ملابس مريحة على السرير فتوجه إلى الحمام ووجده جاهز فأخذ دش وخرج لبس هدومة وصلي فروضة ونزل الى الاسفل وتوجه الى السفرة ووجد الطعام متنظم بشكل جذاب ومتنوع ومنظر الطعام ورائحة يفتح النفس فجلس ينتظرها ولكن لم تأتي فتنهد وبدأ يأكل حتى شبع ومن كتر حلاوة الاكل اكل بكثرة وبعد انتهائه توجه إلى المطبخ ووجدها تجلس على الكرسي وتنظر أمامها فى الفراغ 


كينان : ميرال ميرال

ميرال : نعم يا فندم 

كينان : ممكن فنجان قهوة 

ميرال بطاعة : تحت امرك




غادر كينان وتوجه الى المكتب وبعد قليل سمع خبط على المكتب فسمحلها بالدخول وضعت ميرال القهوة على الترابيزة وستاذنت وخرجت 


بعد دقائق سمعت ميرال صوت كينان ينده عليها بعصبية مفرطة فتوجهت اليه بسرعة وخبطت ودخلت أسرع إليها كينان ومسكها من ذراعها بشدة 


كينان : فين الحاجة الى كانت هنا 

ميرال بالم : حاجة ايه يا فندم 

كينان بغضب : فين الملفات الى كانت هنا 

ميرال بدموع والم : هناك اهيه فى المكتبة 


تركها كينان ووقعت على الارض بشده وتوجه الى المكتبة ووجد الملفات مرصوصة بعناية شديدة وعلى حسب الحروف الابجادية فاغلق عيونى بشدة وفتحها وتوجه إليها ولكن وضعت ميرال ايديها على وشها لتحتمي منه فحزن بشدة على خوفها منه


كينان بهدوء : خلاص متخفيش مكنتش اقصد بس الملفات ديه مهمه

ميرال : اسفة انى حركتها بس كنت عوزة انظف المكتب اي خدمة تانية

كينان : لا شكرا تقدري تروحي 


غادرت ميرال المكتب وجلست فى غرفتها تذاكر بعد ان اطمأنت على الأطفال وعلمت منهم بفرحة الجميع بذهابها وعدم رجوعها مرة أخري وعندما دقت الساعة الحادية عشر جهزت ميرال مجموعة من السندويشات وعصير وتوجهت المكتب وخبطت وسمح ليها بالدخول 





دخلت ميرال ووضعت الصينية على الترابيزة ولفت ليه


ميرال : العشا ده خفيف ياريت تاكل وتشرب العصير

كينان بتنهيده : ممكن فنجان قهوة

ميرال : لا القهوة باليل غلط وبضر بالجهاز العصبي وجدار المعدة اشرب العصير كويس وكمان طبيعي بلاش تقلق وديه ورقة الطلبات الى عوزاها ومحتاجاها بعد اذنك هروح انام 

كينان : اتفضلي روحى نامي وشكرا على الاكل انا كمان هطلع انام وبإذن الله هبعت حد من الحرس يجيب الطلبات

ميرال : بعد اذنك 

كينان : اتفضلي 

ميرال : تصبح من اهل الجنة وغادرت المكتب 


🌹🌹🌹🌹🌹🌹🌹🌹


مرت الايام والليالي وفات شهرين على وجود ميرال فى فيلا كينان وكان يستمتع بجميع المأكولات والعصائر المختلفة وبنظافة الفيلا وملابسه وكانت ميرال تخرج كل خميس لمدة ساعتين وتعود الى الفيلا ولم تخرج مرة أخري


ولم يسألها كينان اين تذهب لأنه لا دخل له فى ذلك 


🌹🌹🌹🌹🌹🌹🌹🌹🌹


فى صباح يوم جديد 

🌹🌹🌹🌹🌹🌹🌹🌹


استيقظ كينان وكان تعبان بشدة ولم يستطيع ان يتحرك من شدة تعبة فنام على السرير فى انتظار دخول ميرال حتي تجهز الحمام وملابسه وفعلا بعد مرور بعض الوقت سمع صوت طرقات خفيفة على الباب يعقبها دخول ميرال الغرفة فتوجهت الى الحمام وجهزته وبعد ذلك توجهت الى غرفة الملابس وجهزت بدله واخيرا توجهت إلى السرير حتى تيقظه ولكن وجدته يكح بشدة فتوجهت بسرعة ليه ووضعت ايديها على وجه ولقته شديد السخونيه فتوجهت بسرعة الى الاسفل وحضرت طبق بيه ماء وثلج وفوطة وطلعت تانى وجلست بجواره وبتدت تعمل كمادات ماية على وشه وبعد فترة لم تنخفض الحرارة فتوجهت بسرعة الى الحمام وجهزت حمام بارد وخرجت تسنده ووضعته بعد عناء فى البانيو ولكن فى لحظة كان كينان ينتفض من شدة البرودة او السخونة وغرقها ولكن لم تهتم وفضلت تضع المياة على رأسه وشعره حتى انخفضت الحرارة شوية وساعدته وخرجته من الحمام وتوجهت بيه الى غرفة الملابس واحضرت له ملابس نظيفة 


ميرال : كينان من فضلك غير هدومك بسرعة وانا واقفه برا

كينان : حاضر


خرجت ميرال وحاول كينان كثيرا واخير بدل ملابسه وقام وتوجه الى الباب وفتحه ولقي ميرال واقفة على الباب ومسكت ايده وجعلته يجلس على السرير وغطته ونزلت الى المطبخ وقفت تصنع له الاكل بعد أن اتصلت بالصيدلية وطلبت مسكنات وخافض للحرارة وقفلت وبعد فترة جاء إحدى الحرس 


الحارس : فى طلب من الصيدليه ليكي

ميرال : ايوة من فضلك هاته وديه الفلوس اتفضل 


عاد الحارس بعد قليل وهو يحمل الأدوية واخذتها ودخلت وحملت صنيه الاكل والأدوية وصعدت الى الأعلى 


ميرال : يالا قوم كل وخد العلاج

كينان : مش قادر


سندته ميرال وجعلته يجلس وقامت باطعامه وأعطت له الدواء ومسحت العرق من وشة وجعلته ينام وحملت تليفونة وقامت باغلاقة ونزلت الى الاسفل 


أحضرت مياة مثلجة وصعدت الى الأعلى وجلست بجواره تعمل كمادات وبعد فترة تركته ونزلت


جهزت ميرال اكل صحي وصعدت الى الأعلى وهى تحمله وخبطت وفتحت الباب بعد ذلك حملت الطعام ودخلت 


ميرال : كينان بيه اصحي يالا 


ابتدي كينان يفتح عيونة بصعوبة من شده وجعلته يأكل بالغصب وأعطت له الدواء وجلعته ينام على ظهره وعملت له كمادات ولكن الحرارة لم تنزل فقامت بالاتصال على الصيدلية وطلبت ابرة خافض للحرارة وقطن ومحلول وأعطت له العنوان 


بعد حوالى نصف ساعة جاء الطلب وصعدت ميرال الى الأعلى وجهزت الحقنة واعطتها له وجلست بجواره تعمل كمادات الى ان غلبها النوم ونامت بجواره على الكرسي 


🌹🌹🌹🌹🌹🌹🌹🌹🌹


في صباح اليوم التالى استيقظ كينان بصعوبة ووجد الفوطة على راسة وميرال تجلس بجواره فنظر على الكوميدينو وجد ادويه خلع كينان الكانوله وجلس على طرف السرير وحلول يقوم لم يقدر 


استيقظت ميرال بسرعة وساعدته على الجلوس مرة أخري


ميرال : عاوز ايه ورايح فين 

كينان : عوزة اروح الحمام 

ميرال : طيب استني لحظة أجهز الحمام دافى بالمرة 


تركته على السرير وتوجهت بسرعة الى الحمام وجهزته ودخلت ملابسه وساعدته على الدخول


ووقفت حتى خرجت وساعدته يجلس على السرير ونزلت الى الاسفل


جهزت ميرال اكل صحي وصعدت الى الأعلى وجلست امامه على السرير


ميرال : اتفضل كل علشان تاخد العلاج

كينان : ممكن قهوة 

ميرال : ممنوع القهوة علشان انت تعبان اتفضل كل علشان تاخد العلاج 




كينان بضحكة خفيفة : حاضر يا ماما 

ميرال : طيب يالا 


وفعلا اكل كينان بصعوبة وأخيرا خلص واخذ العلاج وضعت ميرال ايديها على وشه لمعرفة الحرارة ولقت الحرارة نزلت 


ميرال : الحمد لله الحرارة نزلت 

كينان : عاوز انام

ميرال : مفيش نوم

كينان : شوية بس 

ميرال بتنهيده : ماشي ساعتين بس ماشي

كينان : ماشي يا ماما 

ميرال : اه صحيح تليفونك رن امبارح بس مردتش 

كينان : ماشي هشوف مين وهكلمه 

ميرال : تمام انا هنزل جهز الغدا ووضب البيت بعد اذنك 


غادرت ميرال وتركت كينان يتحدث فى التليفون 


🌹🌹🌹🌹🌹🌹🌹🌹🌹


مر الوقت وجاء أصدقاء كينان ومنعت كينان من النزول فصعدو إليه الى الاعلي


أدهم : الف سلامة عليك يا صاحبي 

كينان : الله يسلمك 





مالك : مالك جرالك ايه

كينان : جالي دور سخونية شديدة وتصلت بالدكتور 

أدهم : معلش بقي يا كينو كلنا لها 

كينان : كينو بلا ارف 


الباب خبط ودخلت ميرال تحمل صنية المشروبات 


مالك : والدكتور قال ايه

كينان : صحيح ميرال الدكتور قال ايه 

ميرال : دكتور ايه مفيش دكاترا جم هنا

كينان بصدمة : امال مين جاب العلاج ده 

ميرال : انا اتصلت بالصيدلية وطلبت العلاج وانت خته 





مالك بغضب : انتى مجنونة اذاي ياخد علاج من غير أمر دكتور 

ميرال بدموع : انا مغلطش وجبت العلاج الصح ومعرفش رقم الدكتور اسفة

مالك بعصبية : غوري برا


خرجت ميرال تبكي بشدة وعاتبة أدهم على فعلته وبعد قليل جاء الدكتور وصعدت معه ميرال 


جلس الدكتور يكشف على كينان وشاف العلاج وضحك


الدكتور : مين جاب العلاج ده 

مالك : الخدامة هى الى جابته

الدكتور : ممكن تبعت تجبها 

ميرال : انا هي 

الدكتور : انتى الى جبتي العلاج ده 

ميرال : ايوه

الدكتور : تمام انا مليش لزمة هو يستمر على العلاج ده مع وكل صحي وهيبقي كويس





أدهم : شكرا جدا يا دكتور 

الدكتور : الشكر ليها هى وكمان ادته ابره للحرارة بصراحة ممتاز بعد اذنكم

ميرال : هنزل أجهز الاكل 


غادر الدكتور ونظر الكل لمالك


مالك : مكنتش اقصد خلاص يعنى 

أدهم : حرام عليك يعنى تزعقلها وتخليها تعيط بالمنظر ده

كينان : على فكره ديه طفلة عندها بس 18 سنة فبلاش تقسي عليها وكتر خيرها على الى عملته معايا 

مالك : خلاص هنزل اعتزر ليها





كينان : خدني معاك زهقت من النوم 


نزل الكل الى الاسفل وكانت السفرة مليئة بالطعام باصناف جميلة وجلسو يكلو وستمتعو جدا بالاكل وبعد انتهائهم جلسة فى الصالون


أحضرت ميرال العصائر والمقبلات ووضعتهم أمامهم وجاءت لتذهب 


مالك : ميرال 

ميرال بأدب : نعم يا فندم 

مالك : انا اسف مكنتش اقصد ازعقلك

ميرال : ولا يهم حضرتك بعد اذنك





أدهم : قوليلي مين بيطبخ الاكل

ميرال : انا يا فندم

أدهم : ما شاء الله الاكل طعمة تحفة تسلم ايدك

ميرال : بالف هنا وشفا بعد اذنكم


غادرت ميرال الى المطبخ وبعد فترة رحل اصدقاء كينان راحت ميرال إليه فى المكتب


ميرال : كينان بيه ممكن بكرا اخرج ساعتين ثلاثة

كينان : راحة فين





ميرال : عندى بكرا امتحان 

كينان : انتى في الجامعة

ميرال : ايوة فى سنة أولي تجارة وبكرا اول يوم امتحان 

كينان : ماشي روحى يالا نامي علشان تصحي بدري وانا كمان هطلع انام 

ميرال : تصبح من اهل الجنة وغادرت 

كينان : تصبحي على خير وصعد الى غرفتة


صعد كينان الى غرفته وجلس على السرير شوية ونام ولكن فضل يكح بشده وبعد لحظات سمع خبط على الباب فسمح ليها بالدخول


كينان : ادخلى ميرال

ميرال : اتفضل 

كينان : ايه ده 

ميرال : ده دوا علشان الكحه لازم تاخده علشان تعرف تنام 

كينان بابتسامة : شكرا جدا ميرال انا فعلا اول منمت جالى كحه 

ميرال بطيبة : معلش مانتا ماهمل نفسك وكل شوية قهوه وكده غلط

كينان بضحك : حاضر ماما هسمع الكلام بعد كده 


اخذ كينان العلاج ونام وتوجهت ميرال وأغلقت التكيف وفتحت جزء من البلكونه واحضرت مفرش ووضعته عليه واطفي النور وخرجت 


كينان لنفسه : هى طيبه اوى كده ليه ديه طفله يعني المفروض حد يهتم بيها مش العكس بس بصراحة بتعاملني ذي البيبي نام بقي يا زفت قبل ممفعول العلاج يروح 


وبالفعل نام كينان بعد صراع مع نفسه 


 🌹 🌹🌹🌹🌹🌹🌹🌹🌹🌹🌹🌹

🍁🍁🍁🍁مرحبا بكم ضيوفنا الكرام 
هنا نقدم لكم كل ما. هوا حصري. وجديد.
اترك ١٠ تعليقات. ليصلك. الفصل. الجديد فور. نشره.عندنا. ستجد. كل.
 ما. هوا. جديد. حصري ورومانسى. وشيق. فقط ابحث من جوجل  باسم مدوانة كرنفال الروايات واسم الروايه    وايضاء  اشتركو على قناتنا     

   علي التليجرام من هنا

ليصلك اشعار بكل ما هوه جديد من اللينك الظاهر امامك

  🌹🌹🌹🌹🌹🌹🌹🌹🌹🌹🌹🌹🌹

                    الفصل الثالث من هنا

              

تعليقات