CMP: AIE: رواية من تكوني الفصل الاول و الثاني
أخر الاخبار

رواية من تكوني الفصل الاول و الثاني


رواية من تكوني 

الفصل الاول والثاني
بقلم ديجا 


الشخصيات والفصل الاول

جويرية بنت عندها ٢٤ سنه على قدر كبير من الجمال 




عيونها زرقاء بلون البحر تشبه والدتها كتيرا تعيل عائلتها بعد وفاه والدها 




والدتها جميله مريضه قلب جاسر اخوها ٢٠ سنه طالب بكليه الطب واختها جنه ١٩سنه طالبه بكليه الهندسة

عائله الحاج رشدي

الحاج رشدي وزوجته إبتهال

إبنه الكبير آسر ٢٨ سنه وسيم بعيون عسلى فاتح بشرته قمحيه شعر اسود كاتم جسد رياضى خريج فنون جميله





اخته هنا ٢٤سنه خريجة فنون جميله أيضا لأن اسر مثلها الأعلى وأخوه الأصغر مازن ٢٠سنه طالب بكليه الهندسة

الحاج رشدي عنده مصنع مشغولات فضيه وعده معارض وأسر بيشتغل معاه وطبعاً جويرية بتشتغل فى مصنعه



 ❤️❤️❤️

جميله:يا بنتى ارتاحي شوية مش كده لبدنك عليك حق

جويرية :ايه يا جميل مالك عالصبح زعلانه ليه

جميله :عشان يا حبيبتي كفاية إنك بتشتغلنى شغلانتين ومش راضيه







 ان اخوكي بشتغل ويساعد معاكي وكمان هتشتغلى في البيت سيبى اللي فأيدك بقى واقعدى افطرى معايا قبل ماتنزلى وجنه لما تيجي تكمل هى

جويرية :يا جميلتى يا حبيبتي أنا مش تعبانه وجاسر كفاية عليه دراسته لما يبقي دكتور قد الدنيا ساعتها هرتاح

جميلة حضنتها:ربنا يخليكي لينا يا بنتى من يوم وفاه أحمد وانت شايله البيت وعمرك ما قصرتي فى حاجه معانا وسيبتى كليتك عشان تشتغلى ربنا يرزقك ويديكى على اد نيتك

جويرية باست ايديها:ويخليكى لينا يا ست الكل

جميله بحزن:يخلينى تعملوا بيا إيه مش كفاية أنى حمل عليكم والعلاج اللي بتجبيه كل شهر قد كده وفرى فلوسه انتي أولى بيها يا بنتى

جويرية بدموع:ليه كده بس يا ماما تزعليني منك أن شاء الله تعملى العملية وهتبقى زى الفل يلا أنا هنزل بقى عشان ما اتأخرش على الشغل متنسيش تاخدي العلاج

جميله:حاضر يا حبيبتي ربنا يكتبلك فى كل خطوة سلامه

بقلمى /ديجا ❤️❤️❤️❤️

فالمصنع هند :إيه يا جورى مالك سرحانه فى إيه

جويرية :ابدا يا حبيبتي صاحب المحل اللي بقف فيه بعد المصنع هيمشينى وبيقولى شوفيلك مكان تاني من ساعه ما رفضت أبن اخته

هند:وانتي هتفضلى ترفضي كل اللي يتقدملك كده كتير العمر هيعدي ومش هتحسى بيه

جويرية :محدش بيقبل بأنى أفضل اشتغل واساعد أمى واخواتى وانا مقدرش اتخلى عنهم لازم اكمل رسالتى معاهم لحد ما يخرجوا ويقفوا على رجليهم

هند:بس كده أنتى هتعنسى يا أختى هههههههه

جويرية :يا هند يعنى اللى اتجوزوا خدوا ايه عندك هيام اهى جوزها بياخد مرتبها يشرب بيه وهو قاعد مش بيشتغل ولمياء شايله 








بيتها وولادها محدش بياخد اكتر من نصيبهالحاج رشدي نزل صاله المصنع يتفقد الشغل كل فترة بنفسه

رئيس العمال عم حسين :اهلآ يا حج اتفضل

رشدي :اخبار الشغل ايه يا راجل يا عجوز

حسين:كله تمام الحمد لله البشمهندس أسر متابع معايا اول بأول

رشدي :الحمد لله البركه فيك يا راجل يا طيب أنت معانا من ساعه ما كنا ورشه صغيره

حسين:ربنا يزيدك يا حاج

رشدي: كنت عايزك تشوفلى بنت تكون امينه وخفيفة كده تساعد فى نضافة وترتيب المعرض اللى فى المول وهتفضل فى شغلها هنا برضو بس هتمشى بدرى شويه

حسين:اممممم ما فيش غيرها طلبك عندي ثوانى انادى عليها

تعالى يا بنتى ده رشدى بيه صاحب المصنع والد البشمهندس أسر

لف وشه رشدي ليتفاجأ من اللى شافه 








الفصل الثاني 




أسر بغضب للسكرتيرة:يعنى إيه يا هانم الملف راح فين مين بيدخل مكتبى وأنا مش موجود
السكرتيرة بمياعه:





ابدا يا بشمهندس محدش بيدخل والله ثوانى وأنا هدور عليه تاني



 وبتميل عليه بأغراء ممكن يكون هنا فالدرج ده
أسر زقها بعيد :غوري



 من وشي واللبس الفاضح ده متدخليش بيه هنا تاني وإلا شوفيلك مكان تاني مفهوم





السكرتيرة بغيظ وخوف من نبره صوته:حاضر عن أذنك
أسر بغضب:راح فين بس الملف ده.. اهو ايه اللى حطه هنا




عاصم معيد فى كليه الهندسة صاحب أسر من الطفوله شاب طويل



 بجسد رياضى عيون رمادي وبشرته قمحيه بشعر كستنائي :إيه يا عم عفاريتك طالعه ليه
اسر اتنهد :مافيش يا باشا بس محدش بيشوف شغله ساعه بدور على ملف وفى الاخر مرمى جمب الباسكت




عاصم :يمكن وقع وانت مخدتش بالك وبعدين حد يتعكنن كده ومعاه مزه بيضا حلوة أنا لو منك كنت جبتها تدور معاي






اسر:مش هتبطل و... اخه يا بنى أنت عارف ماليش فى الشمال



عاصم :دى صااااروخ يا بنى ايه مافيش قلب يتحرك
اسر:أنت متأكد انك معيد فالجامعة والمعيد المحترم بيعاكس الطالبات كده برضو
عاصم بضحك:لأ والله الشغل شغل برضو انا جوه الجامعه محترم أوى بس ما يمنعش بصه كده ولا كده





أسر :مش هتتغير ها قولى بقى جاى ليه عشان عندي شغل وهروح المعرض الجديد
عاصم :ابدا يا سيدي كنت قريب من هنا قولت اغلس عليك واخدك ونتغدى سو





اسر:خلاص اطلب اكل لينا أكل
عاصم :  وللمزه اللي برة
اسر شال الطفاية هيضربه بيها عاصم جرى من قدامه استخبى   ورا الكرسي :قلبك ابيض بهزر معاك يا جدع



بقلمى /ديجا ❤️❤️❤️
رشدي قرب على جويرية وعينه فيها دمعه :انتي جميله
جويرية :شكرا لحضرتك عم حسين قالى أن حضرتك عايزنى فى شغل




رشدى بيبصلها ولسه على حاله
جويرية :حضرتك كويس فى حاجه
رشدي :أنا آسف يا بنتى أصلك شبه حد عزيز عليا الله يرحمها
جويرية :الله يرحمها
رشدى:عندك مانع تساعدى فى المعرض اللى مول.... جنب المصنع هنا هتمشى ساعه أو ساعه ونص بدرى هترتبى وتنضفى المعروضات
جويرية بفرحه أنها






 لقت شغل بدل اللى هتسيبه :ان شاء الله اقدر حضرتك محتاجنى من أمتى
رشدي :كويس النهارده لو تحبى تاخدي فكره عن النظام ماشي إزاى
جويرية :تمام اخلص شغلى وهتلاقينى هناك فالميعاد أن شاءالله
جه حسين :ايه الأخبار يا حاج
رشدي :تمام الله ينور عليك شكلها بنت حلال
حسين :فعلآ يا حاج بنت بميت راجل والدها اتوفى وهى اتولت أمور عيلتها اخوها فى طب واختها فهندسه




رشدي :ما شاء الله عليها
حسين :أنت فى حاجه مزعلاك يا حاج
رشدي :ابدا بس البنت دى فكرتنى بحد عزيز عليا هى اسمها ايه
حسين :جويرية وبناديها ب جورى
رشدي :أنت تعرفها
حسين :اه دول جيرانا من زمان والدها الله يرحمه استاذ احمد كان موظف بسيط والدتها ست محترمه عمرنا ما سمعنا صوتهم ابدا من يوم ما سكنت جمبهم ولما طلبت شغل جبتها هنا عشان والدتها تكون مطمنه عليها
بقلمى /ديجا ❤️❤️❤️
نرمين عمه جويرية واخت أحمد الوحيده ساكنه بعدهم بشارعين بتيجى تطمن على جميله وهما أصدقاء اصلا
جميله :تعالى يا نرمين اتفضلي
نرمين :يزيد فضلك يا حبيبتي عامله ايه النهارده
جميلة :الحمد لله بخير
نرمين :مالك يا جميله فى حاجه مزعلاكى
جميلة :خايفه على جوري أوى إحنا متقلين عليها أوى
نرمين :متخافيش عليها بنتى بميت راجل دى ارجل من من الواد يوسف والواد جاسر خليكى إنتى فى صحتك
جميلة :العمر هيعدي بيها من غير ما تحس وكل واحد فى أخواتها بكره يشوف حياته
نرمين :ماتشليش هم يا حبيبتي اللى ربنا عايزه هيكون ربنا يرزقها بأبن الحلال أنا عارفه ايه اللى خلانى رضعتها على يوسف كان زمانى مجوزاهم لبعض وأنا هلاقي زيها فين جورى حبيبتي
جميلة :تعيشي يا نرمين ما هى بنتك برضه ليكي فيها أكتر من





نرمين :طبعاً يا حبيبتي دى بنت أختى وبنت اخويا
جنه:الله الله هو مافيش غير ست جوري ولا إيه
نرمين :لا طبعا وجنتى حبيبتي كمان وحضنتها
جميله:عملتى إيه يا حبيبتي فى الجامعه
جنه:الحمد لله يا ماما ادعيلى الامتحانات قربت
جميله :بدعيلك والله








 يا بنتى انتي وأخواتك
جنه:ايه ده من روق الأوضة اوعى تكوني انتى يا ماما ولا انتى يا عمتو
جميلة :دى جوري يا حبه عينى روقتها قبل ماتنزل
جنه:ربنا يخليها لينا ويقدرنى على رد جميلها عليا
جميله :ربنا يخليكوا لبعض
نرمين :اتجدعنى عشان تشيلى عنها شوية
جنه:ان شاءالله ❤️❤️❤️
فالمعرض جوري دخلت رشدي عرفها المطلوب منها وبدأت تشتغل وكان معاها بنت تانيه إسمها سماح بس بتشتغل فى المبيعات جت واحدة كانت شاريه انسيال وطلع مكسور
البنت :الانسيال ده أنا خدته من كام يوم وطلع مكسور






سماح :حضرتك بس دى مش مشكلتنا
البنت :أنا كنت واخداه فى وسط حاجات كتير وكان المفروض انه يتحط لوحده يبقي ده غلط مين
سماح:وانا اضمن منين ان مش حضرتك اللي كاسراه
البنت :انتي قليله زوق أنا عايزه مدير المكان
جوري كانت متابعه الموقف من الأول ولقت إنها هتعرف تصلحه وترضي الطرفين فالوقت ده ج

  



فالوقت ده جه أسر وكان رشدي واقف ورا الباب الفاميه متابع هو كمان

جويرية :احم أنا ممكن أساعد حضرتك واصلحه

سماح:انتي ايه اللي جابك هنا يا بتاعت النضافه ارجعى مكانك وإلا هبلغ الأستاذ رشدي او استاذ أسر

جويرية بأحراج:أنا بس كنت عايزه احل المشكلة قبل ما تكبر عن اذنكم 






سماح :على شغلك اتفضلي

البنت:ثوانى يا آنسه.. انتى بتتكلمي بقله زوق على فكرة يتصلحى الانسيال يا تخليني اقابل مدير المكان

أسر :انا مدير المكان اؤمرى

البنت حكت اللى حصل من سماح

سماح واقفه وعينها هتطلع على أسر

أسر :أنا آسف بالنيابه عن الانسه اتفضلي غيري للاستاذة القطعه بقطعه تانيه

سماح بهيام:بس دى اخر قطعه فالموديل ده

البنت :يا خسارة انا عايزه نفس القطعه فين البنوته اللي قالت هتصلحوا

سماح:دى عامله نظافه

أسر :ممكن تسكتى وتناديها 

سماح راحت تنادي لجويريه

وبالفعل صلحت الانسيال





البنت :انتى جميله جداً وذوق فى المعامله

أسر :اتمنى تكون المشكلة اتحلت

البنت :اه تمام ممكن أقول حاجه

أسر :أكيد اتفضلي

البنت:المفروض الانسه اللي هناك دي اللى تبقي عامله نظافه مع احترامي للناس دى الصراحة

أسر :اتمنى انك تكونى مش زعلانه تقدري تاخدي اى قطعه وعليها خصم ٥٠٪

البنت :ميرسي حضرتك ذوق ممكن تساعديني

جويرية :اكيد اتفضلي.. وفضلت تفرجها وخليتها تاخد اكتر من قطعه

البنت:أنا كنت عايزة اعرف بإستمرار أيه الجديد مافيش بيدج او جروب





جويرية :اه طبعاً هنعمل ده خلال يومين بكتير ان شاءالله هاتى الايميل وهعملك منشن

كل ده تحت أنظار أسر ورشدى وسماح اللى هتموت من الغيظ

أسر :إنتى مين

جويرية :أنا جويرية بشتغل فالمصنع والحاج جابنى هنا عشان يعنى

سماح بأندفاع :عشان تنضف

أسر :أنا مش بكلمك إنتى على فكرة روحى شوفي شغلك وخليكى ذوق شويه مع الناس

رشدي خرج من جوه وقال لجويريه تحصله عالمكتبرشدي :من بكره ان شاء الله هتشتغلى فى المبيعات

جويرية :اللي حضرتك تؤمر بيه

رشدي :الأمر لله وحده يا بنتى انتي فعلاً شاطرة

أسر متابع الحوار :احم هو الانسه شغاله إيه فالمصنع





رشدي :فى صاله المكن تحت

أسر :مؤهلك إيه

جويرية كانت هتقول انها خرجت من تانيه فنون جميله بس تراجعت:ثانوية عامة

أسر :تمام بتعرفي انجلش وكمبيوتر

جويرية :ايوة




رشدي :ليه كل الأسئلة دى يا بنى

أسر :بفكر في حاجه كده وهبلغ حضرتك بعدين

عدى اليوم ورشدى عينه منزلتش من على



 جويرية والشغل خلص وجويريه مشيتبس فى طريقها فجأةوقفت 


                                الفصل الثالث من هنا


لقراة باقي الفصول اضغط هنا

تعليقات



حجم الخط
+
16
-
تباعد السطور
+
2
-