الحلقة الاولي
بقلم هويدا زغلول
في شركه مقاولات كان محمود نايم
علي مكتبه ودخل صاحبه شريف عليه
شريف :ينهار ابيض محمود محمود انت نايم كده ليه
محمود :هي الساعه كام
شريف :قوم انت فاكر نفسك في بيتكم
محمود :انا مش بعرف انام دقيقه واحده في بيتنا
والله يابني انا في عذاب
شريف :هو انت لحقت ده انت متجوز بقالك سنه بس
يعني المفروض انك في الدلع والهنا كله
محمود :دلع مين اه مانت متعرفش انا متجوز مين
شريف :هو انت عبيط ولا ناسي ان ولاء مراتك كانت
شغاله معانا هنا وانا اعرفها كويس
محمود:هي قبل الجواز كانت ولاء العاقله انما بعد الجواز
اتحولت والله
شريف :انت مفتري يا واد دي البت مش بيطلع ليها صوت
خالص
محمود:مين دي اللي مش بيطلع ليها صوت موبيل محمود
رن استر يارب الو استاذ مراد نعم خير فيه اي
مراد :حضرتك قدامك ساعه ولو مجتش قدامي انا هطلب
البوليس
محمود :بوليس فيه اي بس
مراد :انا مش هتكلم في التلفون انا عايزك قدامي دلوقتي
محمود : حاضر حاضر جاي
شريف :فيه اي مالك
محمود :ابدا الملاك عملت مصيبه سلام وجري علي البيت
ولاء :محمود كويس انك جيت
محمود:خدي هنا عملتي اي
ولاء :انت لازم تجيب ليا حق مراتك انا اتبهدلت
محمود :انجزي يا ولاء في اي مراد متصل بيا ليه
ولاء :احمممم هو كلمك طيب قالك اي
محمود :ولاء انا خلاص صبري نفذ قولي فيه اي
ولاء :مافيش مرات الحيوان اللي اسمها هند طلعت وبتتخانق
معايا معرفش الوليه دي مالها عارف هي متغاظه مني
علشان انا مؤهلي اعلي منها
محمود :انجزي يخربيت كلامك الكتير
ولاء :انا يا اخويا
محمود :اخوكي واضح المؤهل والله
ولاء :بس بقي مش تفصلني تعالي اقولك
محمود.:شيلي ايدك من علي كفتي هو انتي اي
مش بتعرفي تتعاملي انك بنت ابدا
ولاء :اسمع بقي 😡😡
محمود :وليكي عين تعلي صوتك والجرس رن
ولاء :رايح فين
محمود:هفتح الباب
ولاء :طيب هفهمك قبل ما تروح
محمود :اوعي كده وفتح الباب وكان مراد ومراته هند
مراد :مساء الخير يا استاذ محمود
محمود :مساء الخير يا مراد اي ده يا مدام هند مالك
اوعي يا مراد تكون ضربتها
هند: دي مرات حضرتك
محمود بيكلم نفسه :منك لله يا ولاء
مراد :مراتك دي انت لازم توديها مصحه
ولاء :ما تلم نفسك يا راجل انت
محمود :لمي انتي لسانك لاحسن اكسر عظمك
ولاء :سيب شعري يا محمود مينفعش كده قدامهم
محمود :منك افهم اي اللي حصل
هند :مراتك يا استاذ غسلت السجاد ونشرته علي هدومي
ولما طلعت بتكلم معاها ردت بقله أدب ولما قولت ليها
ان هشتكي لحضرتك ضربتني
ولاء :والله كدابه اسمعني انا بقي
محمود:اتكلمي يا هانم
ولاء :انا غسلت السجاده النبتي الكبيره اوي دي بتاعت
الصاله
محمود :صبرني يا رب
ولاء : مش لازم افهمك كل حاجه
محمود : اخلصي يا ولاء
ولاء المهم غسلتها ودخلت انا نشرتها اسيبها تكم كم
يعني
محمود :ومش شوفتي الغسيل
ولاء :شوفته بس هي كانت برا وقولت اكيد عند امها ومش
هتعرف طلعت السوسه في السوق
محمود :انا مش عارف اعمل معاكي اي
ولاء :طلعت وجايبه الغسيل والله يا محمود لمراتك
التعبانه المسكينه
محمود :،اه مسكينه اوي
ولاء :وال اي.مصممه أن اغسله هغسلوكي قريب يابعيده
احمدي ربنا اللي كانت في أيدي مقشه مش ساطور
مراد :انا اسف يا محمود بس أنا رايح اعمل محضر
ولاء :روحيا اخويا انت بتهددني هو هيعمل فيك محضر
ليه هو انت عملت اي
محمود :ده فيكي انتي
ولاء :محمود انت بتتكلم بجد
محمود :بعد اذنك
ولاء :رايح فين
محمود :نازل اجيب ليكي عيش وحلاوه
ولاء :محمود محمود والنبي اتصرف