رواية سانتقم لكرامتي
الفصل السادس والثلاثون
بقلم رحمة جمال
يوسف وصفاء مازالوا في خناق مستمر ومش عارفين يوصلو لحل ،
وصفاء خلتو في أمر واقع و يا هي يا دارين ، ويوسف ليه مقررش هيعمل ايه
أما شهاب ف لسه في إجازته وإنجي بتحاول تتقرب منه ومحدش
فيهم عارف نهايتهم هتبقي ايه
أما بسيط وسمارا اتفاجنأ كلنا باللي عملو يا تري هما فعلا عايزين يدمرو يوسف وشهاب ، طب ولو عايزين يدمروهم ايه السبب ، ولو مش عايزين يدمروهم ايه اللي جمعهم ب دراين وهيثم وهما عايزين يوصلو ايه بالضبط
®____________________®
ودلوقتي نبدأ البارت الجديد
مر أسبوع علي تلك الأحداث ، عاد شهاب من عطلته وعاد الي عمله مره اخري ، اما يوسف وصفاء ف مازالت العلاقه بينهم مشتته ، وبسيط وسمارا لم يفعلوا اي شئ يثير الشكوك حولهم حتي الآن
في شركه الاسيوطي تحديدا مكتب صفاء ، كانت منهمكه في العمل
صفاء بملل : وبعدين ، يوسف واحشني اوي
Flash back
كانت صفاء تخيره في بقاءها أو بقاء دارين ، ظل يوسف ينظر لها
يوسف : انتي ليه مش عايزه تفهمني ، أنا والله ساعدتها بس عشان .......
صفاء : يوسف أنا عارفه أنت ساعدتها ليه ، بس حسن النيه اللي عندك ده مينفعش ابدا مع دارين ، دارين ناويه علي الشر
يوسف : ايه اللي خليكي متأكده كده ، مش يمكن تكون اتغيرت
صفاء بسخريه : اتغيرت ، نوعيه دارين عمرها ما تتغير
يوسف : بس انا مقدرش اسيبها ترجع للي كانت فيه تاني ، طب لو كانت واحده تانيه غير دارين مش كنتي هتساعديها ، اكيد هتساعديها
صفاء : اكيد هساعدها بس لو الشخص ده أذاني مكنتش هخليها قريب مني
يوسف : طيب خلاص ، هبعتها اي فرع من فروعها بره مصر ، كده ساعدتها وبعدها عن حياتنا موافقه
صفاء : موافقه
يوسف : هبقي اقولها بكره ، ماشي
صفاء : ماشي
Back
صفاء وهي تعيد رأسها للخلف : اخيرا ، كابوس وهينزاح ، يارب تكون دي النهايه ، أنا بجد تعبت
®________________®
في مكتب يوسف
دارين بعصبية : يعني ايه ؟
يوسف وهو ينظر في الأوراق الذي بيده : يعني زي ما سمعتي ، هتروحي تشتغلي في لندن ، وبعدين البلد هناك هتبقي علي هواكي
دارين : طب ليه ، ليه هتمشني من هنا
يوسف : أنا كنت سيبك هنا لحد ما تفوقي ل نفسك ، واطمن أن ولاد عمك مش هيأذوكي في حاجه ، ودلوقتي كل حاجه بقت تمام يبقي تقدري تسافري
دارين : ايوه بس ....
يوسف : طيارتك كمان ٣ ساعات ، اتفضلي روحي حضري نفسك عشان تلحقي الطياره
دارين بغيظ مكتوم : اوكي ، عن إذنك
®____________________®
تخرج دارين من مكتب يوسف وتذهب الي مكتبها ، تمسك هاتفها لتتصل بأحد وبعد دقائق
دارين : boss , في كارثه
تسرد دارين له ما حدث ، ثم تسمع منه الحل
دارين بضحكه خبيثه : اعتبره حصل يا boss
تغلق الهاتف معه وتنظر الي مكتب صفاء : مش بالسهوله دي ، لسه هتشوفو كتير اوي
®____________________®
دلف شهاب الي مكتب بسيط فجأة
شهاب : بسيط هو ...........
انتفض بسيط من علي مقعده
شهاب : في ايه يا بني ؟
بسيط : مفيش ، انت دخلت فجأة كده
شهاب بأستغراب : اتخضيت بسبب كده بس
بسيط بتوتر : اها ...... اومال ....يعني هيكون.... بسبب ايه
شهاب بشك : ماشي ، وراك ايه بليل
بسيط : لسه مش عارف
شهاب : اوكي ، لما تخلص شغلك ابقي عدي عليه ، هنمشي مع بعض
بسيط : اوكي
خرج شهاب من المكتب ، جلس بسيط علي مقعده مره اخري بأهمال
بسيط : الحمدلله مسمعنيش وانا بتكلم مع دارين
في ذلك الوقت كان شهاب مازال واقف علي باب مكتب بسيط وسمع حديثه صدفه
شهاب بأستغراب : دارين ، وهو بسيط يكلم دارين ليه ؟
®_________________®
في إحدي النوادي الرياضيه في الساحل الشمالي
مي : وبعدين معاكي يا إنچي ، انسي بقي
إنچي : انساه ايه ما أنا تمام اهو
مي : يا سلام مش عليه الكلام ده ، وبعدين انتي مشفتيش نفسك لما عرفتي أنه سافر
إنچي : أنا اللي مضايقاني بس أنه سافر من غير ما يعرفني
مي : وهو يعرفك علي أساس ايه ، في ايه بينك وبينه ؟
إنچي : بقولك ايه يا مي غيري الموضوع ، هو مفيش غير سيرته يعني
مي : يا بنتي أنا خايفه عليكي ، مش عايزاكي تتعلقي بأحبال دايبه
إنچي : بقولك ايه ، هو الكوتش جه ولا لسه
مي : تقريبا اها ، بس ليه
إنچي : هقولك بعدين
ذهبت إنچي الي مكتب صاحب ذلك النادي ، طرقت علي الباب عده مرات ثم دلفت عندما سمعت إذن الدخول ، دلفت للداخل ثم وقفت أمام مديرها وهي تزين وجهه بابتسامه لكي يوافق علي طلبها
®____________________®
في منزل كامل الاسيوطي
كان يجلس كامل وإلهام في حديقه المنزل يتحدثون
كامل : في الاول والاخر ملناش دعوه
إلهام : يا كامل هو مش أبنك
كامل : ابني وكل حاجه ، بس دي حياته وهو معدتش صغير ، وخلينا احنا بعاد عن حياتهم
إلهام : انا قصدي أننا نصلح بينهم ، انت عارف دماغ ابنك معندوش تفاهم
كامل : لا عنده تفاهم ، ابنك دماغه توزن بلد ، بس هو اللي عايز يبقي شخص غير مسؤل ، أنا كان ممكن اصدق كلامك ده لو كان بايظ من الاول ، لكن انا وانتي عارفين دماغ ابننا كويس ، ياربي ايه اللي حصله بس
إلهام : أنا معدتش عارفه اعمل ايه ، حتي علاقته ب صفاء كانو كويسين في الاول ، معقول تكون عين وصابتهم
كامل : لا يا إلهام مش عين وصابتهم ، أنا مع صفاء في كل حاجه هي بتعملها ، الغلط في ابننا
إلهام : هو احنا كنا غلط لما خلانهم يتجوزو
كامل بتعب : والله ما أنا عارف ، انا مبقتش عارف اي حاجه خالص ، بس ربنا يهدي الحال بينهم
إلهام بقلق : مالك يا كامل ، انت نسيت تأخد علاج القلب
كامل بتعب : شكلي كده
إلهام : ليه بس ، حرام عليك ، يا نعيمه يا نعييييمه
تأتي نعيمه مسرعه اتجاه إلهام
نعيمه : ايوه يا ست هانم
إلهام : بسرعه يا نعميه اطلعي الجناح هتلاقي دواء القلب بتاع كامل في الدرج التاني بتاع التسريحه ، بسرعه يا نعيمه
نعيمه : حاضر حاضر يا ست هانم
®___________________®
أما في الشرقيه
لبيب : جنه يا جنه
جنه وهي تركض : ايوه يا جوز خالتي أيوه
يقترب لبيب إليها وعلي وجهه ابتسامه بسيطه : كل سنه وانتي طيبه يا بنتي وعقبال السنين اللي جايه وتكوني ناجحه كده
جنه : وحضرتك طيب يا جوز خالتي ، ربنا ميحرمناش منك
لبيب : شوفي يا چنه أنا عايزك تعرفي حاجه مهمه قوي
چنه : حاجه ايه
لبيب : انتي وصفاء يا بنتي ، كل حياتنا ، ربنا مرزقنيش براجل ، وانا الحمدلله مكتفي ب صفاء هي عندي بالدنيا دي كلها ، وامك يا بنتي ربنا رزقها بيكي ، وبعدين حصل قضاء ربنا وابوكي مبقاش معانا الله يرحمه
چنه بحزن : الله يرحمه
لبيب : اسمعي يا بنتي ، صحيح ربنا مرزقناش براجل ، بس انتي وصفاء عندينا ب ميه راجل ، أنا عارف انكم متربين زين ، واي حد يجي عليكم تأكلو ، من النهارده يا چنه مش عايزك ضعيفه واصل ، مهما كانت الظروف ومهما كان الطريق واعر قدامك لازم تكوني قويه ، ويكون عندك يقين بالله انك هتعدي اي حاجه صعبه ، لان يا بنتي كل حاجه بتعدي الحلو بيعدي والمُر بيعدي الفرح والحزن بيعدي حتي البني ادمين يا بنتي هيجي فتره عليهم ويتنسوه ويعدو من حياتكم
چنه : ايوه يا جوز خالتي بس اللي بيعدي ده بيأخد كتير منا بيأخد من روحنا وضحكتنا ومن طاقتنا
لبيب : عشان دي الدنيا يا بنتي ، احنا مش عايشين في چنه ، لازم تعرفي يا بنتي أن كل اللي بيعدي لازم تتعملي منه ، متغلطيش الغلطه مره تانيه ، لازم يكون عندك مبدأ في حياتك ، متخليش حد يجي علي أهلك يا بنتي ولا حد يجي عليكي ، عشان لو حد جه عليكي مره هيجي عليكي الف مره ، خليكي عضمك ناشف كلها كام سنه يا بنتي وتدخلي السوق ، والسوق لازم تفهميه كويس وتعملي لنفسك مكان فيه عشان محدش يأكلك فاهمني
چنه : فهماك يا جوز خالتي
لبيب : شايف صفاء الصغيره قدامي ، عفارم عليكي يا بنتي ، اتفضلي هديتك
چنه : ايه المفتاح ده ؟
لبيب : روحي الاوضه اللي في الجنينه بره وانتي هتعرفي
چنه : حاضر
تذهب چنه الي الخارج ، بينما تأتي إيمان والداه چنه تقف خلف زوج أختها
إيمان : ربنا ميحرمناش منك يا حاج
لبيب : چنه بنتي يا إيمان
إيمان : الموضوع ده اندفن من سنين يا حاج ، وبلاش نفتح في قديم
لبيب : القديم عمره ما اتقفل يا إيمان ، ربنا يسامحك علي اللي عملتيه خلتني أعيش السنين دي كلها بسمع من چنه كلمه جوز خالتي بدل كلمه أبوي ، خلتيها فاكره كل السنين دي أن صفاء بنت خالتها مش اختها
إيمان : معدتش ليه لزوم الحديد ده
لبيب : هيجي اليوم والكل يعرف ، اما اشوف هتعملي ايه وقتها ، هتقولي ايه ل چنه وهتعمل ايه لما تعرف اني ابوها
نجاه بصدمه : ايه اللي بتقوله ده
ينظر لبيب وإيمان إليها بصدمه : .........