Ads by Google X

القائمة الرئيسية

الصفحات

رواية ساظل احبك الفصل الثاني عشر

 

  روايةساظل احبك

الفصل الثاني عشر


مراد بصوت عالي. بابا

رعد. نعم

مراد وهو يبص على حاجه في العربيه. لازم حضرتك تشوف ده

رعد جري لحد عنده و بص في العربيه لقا

لقا رحمه نايمه وحاضنه الجاكت بتاع رعد باستلام رعد ابتسم على تصرفها والكل ضحك بصوت عالي 

رعد شالها ودخل بيها لقصر وهو مبتسم على جنانها.. والكل وراه

زهراء.. نايمها في غرفة الضيوف.. من هناك كده

رعد..خدها و مشى


                 $$$$$$$$$$$$$


في مكان تاني في بيت المنياوي  بعيد عن بيت الألفي

على نايم على السرير و سايح في دمه ومتغطى كله بعدما فارق الحياه 

وكامل قاعد على الأرض و بيبص عليه وعيونه كلها دموع 






كامل. ها...ده الي قلت هتنتقم منه.... ليه.. قول ليه.. استسلمت بسهوله... بس اوعدك اني هنتقملك منه... والله لتكون نهايته

وهو يضغط على أيدي.. رعد الجارحي نهايتك بتقرب منك..

الباب خبط

كامل. مين 

الخادمه. انا 

كامل. عايزه ايه 

الخادمه. الانسه مي... تعبانه جدا 

كامل. طيب جي وراكي... روحي انتي 

الخادمه. حاضر 

              $$$$$$$$$$$$


في بيت الألفي 

مروان و رعد و مراد و اسامه و حسام وشاهين قاعدين في الصالون ام عن البنات فا قاعدين في غرفة رحمه والشباب في غرفة  رحيم.. و زهراء و ريوان و ريتاج قاعدين في جناح ريوان

مروان باستغراب: كده علي مات 

اسامه بارتياح: اخيرا خلصنا منه 

مراد .. ده كان حمل وانزاح

رعد قام وقف قدام الكل وقال. اولى يا جماعه انا بتأسف علي تدخل الكل في مشاكلي 

مراد بصدمه. رعد انت بتقول ايه 

رعد بجديه ..سبني اكمل كلامي يا مراد.. موضوع حامد و علي كانو مشاكلي انا مكنش لازم ادخل أو اعرض اي حد للخطر بسببي اي إن كان بقا صاحبي أو شخص قريب مني أو سكت رعد و بص لمروان  بعتاب وقال ..او صديق عمري 

مروان قام وقف وقال .رعد انا .. انت المفروض تراعي موقفي بنتي كانت في خطر 

رعد بابتسامه خفيفه. عارف يا صاحبي كل كلمه انت قلتها كانت صح وانا مقدر موقفك بس زي ما قلت يا مروان احنا انتهينا 

وسابهم ومشي دخل جوه شال رحمه من علي السرير وخرج لقا الكل نزل من فوق و واقف بيبص عليهم 

رعد وجه كلامه لادم.. ادم هات اخواتك ويلا بينا 

ادم باستغراب.. علي فين يا بابا القصر متبهدل من الي حصل فيه 

رعد بهدوء .هنروح لفندق لحد ما القصر يخلص ترميمه 

مراد الالفي. وليه فندق يا رعد ما بتنا مفتوح أهو 







رعد.معلش يا مراد سبني براحتي يلا يا آدم 

مروان اتدخل. رعد انت مكبر الموضوع علي فكره 

رعد بص له بهدوء ..اه فعلا مكبره يلا يا ادهم 

ادهم جاب اخواته. احنا جاهزين 

مراد الالفي بإصرار ..رعد طيب خليكم النهارده بس ملكش دعوه بمروان 

اسامه. رعد احنا مالنا ومال مروان خليكم هنا وبعدين تروح فين بكل العيال دي يا رعد وفي الوقت المتأخر ده 

رعد اخد نفس عميق وقال. تمام خليكم انتو هنا انا هاخد رحمه وهروح غرام الرعد علي ما القصر يخلص

                $$$$$$$$$$$

عدي وقت ورعد وصل البيت وحط رحمه علي السرير علشان كانت نايمه وقعد يفكر هيحصل ايه بعدين وهل مروان كان فعلا يقصد الي قاله 

في بيت الالفي 

عند البنات 

حور ماسكه ريري و حضنها بتطمئن عليها... انتي كويسه.. متأكدة يعني 

ريري ضحكت..ايوه. ..يا بنتي ولله ابعدي بقاا 

روان. مالك يا رحمه 

رحمه. ها. لا مفيش .هو عمو رعد فعلا زعل من بابا زي ما بيقولوا 

حور بحزن . بابا و اونكل مروان شدو قصاد بعض اوي و بابا قال أنه لم يرجعك بالسلامه هيبقى صداقتهم انتهت 

رحمه بحزن عميق.. بابا كان بين عليه زعلان اوي 

ريري بابتسامه. ايه رايكم نجمع بينهم تاني 

ريتال باستغراب.. ازاي 

ريري بتفكير.. مش عارفه بس اكيد يعني هنلاقي حل كويس 

روان بتفهم. يبقا نفكر كويس بقا 

ري ري بخبث. لا ولا ايه يا جماعه.. رحيم عمل المستحيل علشان يوصل لرحمه ياااااه المفروض كنتو تشوفوه 

رحمه بغيظ.. اسكتي 

ريتال بحزن.. رحمه. روان حكت لنا  نص الحكايه.. عايزين نعرف الاء كانت عايزه منك ايه 






رحمه بزهق.. مفيش.. و متفتحوش الكلام ده تاني.. وبعدين.. انا قلت لرحيم الي حصل.. وخلاص هو بقا الي عليه يعمله وياريت بلاش كلام في الموضوع ده تاني لو سمحتوا

حور بلطف... طيب خلاص يا حبيبتي  احنا مش هنضغط عليكي... 

ريتال. بصوا بقا انا هروح اشوف بعلي فين.. لاني بجد هموت من القلق عليه 

ريري باستغراب.. بعلك

ريتال بابتسامه الأستاذ المحترم ادم اخوكي 

 ريري.. يا قليلة الأدب.. وفي وشي راعي انه اخويا 

روايةساظل احبك

ريتال بضحك.. الله اقول من وراكي يعني.. وبعدين ما هو بعلي.. يلا انا ها شوفه واجي 

روان باستغراب.. تشوفيه ازي وهو اصلا مش طايقك ولا بيكلمك

ريتال بزهق.. ايوه ارفعي من معنوياتي كمان وكمان 

ريري بزعيق.. الله يخربيتكم.. اقعدوا بقا واهدو عايزه احكي على حاجه 

رحمه و روان و ريتال و حور بصو لها...قولي 

ريري بحزن.. عز 

رحمه باستغراب.اخويا ماله 

ريري بحزن ..مره يحسسني انه بيحبني ومره لا.. مره احس انه مهتم بيا ومره لا .. وانا مش عارفه اعمل ايه.. وحسه انه مش متقبل فكرة الجهاز الخاص وكده 

رحمه بتفهم...  طبعا ميتقبلهاش.. في واحد يحب واحده بتشتغل في الجهاز الخاص يا بنات 

البنات.. الصراحه لا 


روايةساظل احبك

روان بسخريه من حالها... يا ختي. انتي حتى مش متأكده ازي كنتي بتحبيه ولا لا.. إنما أنا.. بحب واحد بيحب واحده تانيه 

ريتال ضربتها على مأخرت عنقها... نعم. بيحب واحده تانيه. يا كذابه. هو مش بيحبها ولا عمره هيحبها 

الكل. ههههههه






ريتال. طيب و الاستاذ ادم اخوكي. ناوي يتلحلح بقاا ويبصلي ولا انا هعنس جنبه 

حور ضحكت . يا بنتي انسى انه يبصلك.

الكل. ههههههه

حور. طيب مانا كمان بحب جاسر وهو مش بيديني اي اهتمام ولا كأني موجوده.. يوووه 

رحمه صخكت. ههههههه احنا بنات فقر 

ريتال. الله ينور عليكي يا اختي.. والله لسه قيلاها 

الكل. هههههه 

                $$$$$$$$$$$$$$

في غرام الرعد رحمه صحيت من النوم لقت نفسها نايمه علي السرير في غرام الرعد و رعد مش موجود قامت غسلت وجهها و خرجت لقت رعد قاعد علي الكنبه في الصاله راحت لعنده 

رحمه ابتسمت.رعد احنا ايه الي جابنا هنا 

رعد بصلها بهدوء. مفيش يا حبيبتي تعالي اقعدي 

رحمه قعدت جنبه وابتسمت.. مالك يا حبيبي 

رعد رجع برأسه ورا وغمض عنيه. مفيش 

رحمه باستغراب. فين الولاد يا رعد ادم وادهم وريري وحور و مراد 

رعد بصلها وقال ..في بيت الالفي 

رحمه بصدمه.. يا لهوي يا رعد ومراد طيب كنت هات مراد معانا حرام عليك كنت عايزه اطمن عليه 

رعد ابتسم ومسك ايديها .. هو كويس يا حبيبي متقلقيش عليه هو مع اخواته هيخلو بالهم منه اهدي انتي بس 

رحمه.طيب عايزه أكلمه يا رعد 

رعد بابتسامه عاشق..حاضر  روحي هاتي التلفون 

رحمه بسرعه ..حاضر  

وراحت رحمه تجيب الفون وجان اديته لرعد 

رحمه اتفضل 



روايةساظل احبك


رعد رن علي تلفون البيت بتاع الالفي ردت زهراء 

رحمه بابتسامه... ايه يا حبيبتي عامله ايه انتي كويسه 

زهراء بحب.. اه يا روحي وانتي كويسه 

رحمه ابتسمت..الحمد الله مراد فين كنت عايزه أكلمه 

زهراء. حاضر هبعت حد ينادي عليه عرفتي الي حصل يا رحمه 






رحمه باستغراب ..ايه 

زهراء بحزن .رعد ومروان لغو صداقتهم خلاص 

رحمه بصت لرعد وعرفت هو ليه مدايق وقالت بحزن ..طيب يا حبيبتي انا اتصرف

زهراء .تمام مراد معاكي اهو 

رحمه بحزن ودموع ..مراد 

مراد بابتسامه. نعم يا امي  

رحمه بحزن... انت كويس حصلك حاجه يا حبيبي خلي بالك من نفسك و من اخواتك البنات وانا بكره الصبح هكون عندك 

مراد ضحك.. اهدي يا امي اهدي يا حبيبتي انا كويس و اخواتي البنات كويسين جدا وكلنا بخير 

رحمه ابتسمت.. طيب الحمد الله تصبح علي خير يا حبيبي 

مراد بابتسامه . وحضرتك من أجل الجنه يا حبيبتي سلام 

رحمه فصلت مع مراد و بصت لرعد بحزن و قربت منه وحضنته . معلش يا حبيبي والله مروان مكنش قصده هو بس كان خايف علي رحمه 

رعد بهدوء. لا كان قصده يا رحمه مروان كان شايل مني كتير وجه الوقت الي عرف يطلع فيه كل الي شايله في قلبه من ناحيتي 

رحمه دموعها نزلت بضعف.يا حبيبي ما هو كان خايف علي بنته مش اكتر 

رعد بابتسامه خفيفه.. الي دايقني أن كل كلامه صح انا فعلا دخلته في مشاكل هو ملوش دخل فيها و عرضت عيلته للخطر بسببي... واسامه و مراد كذالك وانتي كمان من ساعة ما اتجوزنا وحياتك اتشقليت بسببي

رحمه بصت له ..رعد انت بتقول ايه.. رعد انا بحبك وانت جوزي



 وانا عارفه انك مش هتسمح لحد يأذيني وبعدين يا حبيبي والله مروان طيب واكيد مكنش يقصد الي




 قاله وبعدين انتو الاتنين ماتقدروش تبعدوا عن بعض علشان رعد ومروان صحاب من زمان اوي 

رعد بهدوء.. مبقاش في صداقه يا رحمه كله انتهى



👇

 🌹 🌹🌹🌹🌹🌹🌹🌹🌹🌹🌹🌹
🍁🍁🍁🍁مرحبا بكم
. ضيوفنا الكرام 

 نقدم لكم كل ما هوا حصري وجديد.
اترك ١٠ تعليقات. ليصلك. الفصل الجديد فور نشرهعندنا. ستجد. كل. ما. هوا جديد. حصري. ورومانسى. وشيق. فقط ابحث من جوجل باسم الرواية واسم مدوانة كرنفال الروايات وايضاء  اشتركو على

 قناتنا        علي التليجرام من هنا

ليصلك اشعار بكل ما هوه. جديد من اللينك الظاهر امامك

  🌹🌹🌹🌹🌹🌹🌹🌹🌹🌹🌹🌹🌹

                        

                         الفصل الثالث عشر من هنا

تعليقات