#دوامه_الحب
#البارت_الرابع
بقلمى منار مجدى
هند:اسمع يا مراد انا اتغيرت.
مراد:انا مبقتش عارفك يا هند مش انتى البيست إلى كانت بتقولى تفاصيل يومها كل يوم حتى لو أكلت كيس شيبسى كنتى بتيجى تقوليلى اكلتيه فين وامتى وبطعم ايه.
هند:انا كمان مش عارفه نفسى مبقتش عارفه بس حاسه أنه كده احسن عشان مضيقكش انت برضو مبقتش زى الاول.
مراد:يعنى ايه مبقتش زى الاول انا زى مانا انتى إلى اتغيرتى.
هند:قصدى يا مراد انت دلوقتى مرتبط انا مش عايزه يبقا فى بينك وبينها مشاكل بسببى.
مراد:مفيش اى مشاكل بينا بسببك بس انا مليش غيرك يا هند.
هند ابتسمت:لا بقا ليك بس انت مش مديها فرصه مش كنت زمان بتقول عايز إلى ترتبط بيها تكون صحبتك ازاى هتصلحبك وانت مش مديها فرصه بص اخرج معاها اعمل معاها زكريات حلوه تفتكوها لما احم لما تتجوزو واتصورو كتير عشان تبقا تزكار
مراد مسك أيديها:هند.
هند شديت ايديها:انا لازم امشى دلوقتى عشان ألحق ارجع عن أذنك.
مشيت هند وركبت جمب سهر ومشيو
مراد مسك تليفونه:ألو يا سماح قصدى يا مريم بصى كل شئ قسم ونصيب انا منفعكيش انا اسف مش هقدر اكمل.
قفل فى وشها وطلع من جيبه الشكولاته إلى كان جايبها لهند وحطها تانى ومشى.
سهر:ايه عملتى ايه معاه.
هند:معملتش العاده بس مكنتش اعرف ان لسانك مسحوب منك كده
سهر:انا كده مش بعرف أخبر حاجه بقول دايما كل إلى فى بطنى.
هند:كتك القرف اسمها بقول إلى جوايا.
سهر:حاسه انك بقيتى بتتكلمى زى.
هند:وانا حاسه انك بقيتى بتتكلمى زى.
ضحكو الأتنين
عين هند كانت بتدمع وبصيت لإيديها إلى مراد مسكها وابتسمت وهى مدمعه.
سهر:بتحبيه.
هند: مبقاش ينفع خلاص
سهر:بس باين عليه هو كمان بيحبك.
هند:لا يا سهر هو بس بيعتبرنى أخته.
سهر:غبى بصحيح.
هند:بصى انا بس الى اقول عليه غبى لكن انتى لا متزعليش منى بس انا هزعلك.
سهر بضحك:يا مامى.
هند ضحكت:لو يفهمنى للحظه بس.
سهر:اكيد فى يوم هيفهم.
هند.تليفونها رن رديت.
هند:ألو يا ماما لا انا لسه في الطريق صوتى لا مفيش
سهر:مضايقه من مراد يا طنط.
هند ضربتها:لا يا ماما عادى مفيش حاجه بتطمنى عليا لما نوصل هكلمك عدنان بنفسه طيب سلام.
سهر:ايه
هند:بتقولى عدنان ابن خالتى الكبير هيستنانا فى الشارع
سهر:نسرع بقا.
مشيو سهر وهند الأسكندرية وسط هزار وضحك.
وصلو.
عدنان:هنوده.
سهر:حلو اوى هنوده احلى من هدهد.
هند:بس انا بحب هدهد يا عدنان
عدنان:لا هنوده احلى
هند:يا باى منك عامل ايه يا صاحبى
عدنان:فل الفل خالتك مستنياكى على نار وعملتلك حمام محشى.
هند:واحنا واقفين هنا كده ليه يالا هجوم على الحمام المحشى قصدى خالتى أصلها وحشتنى اوى يا نهار حاسه بطعمها فى بقى
عدنان ضحك:خالتك برضو
هند شديت سهر وجريت وعدنان وراهم وبيضحكو وهو بيصورهم
هند:بتصور ايه يا عدنان يالا الحمام هيبرد يالا.
سهر:براحه هقع
طلعت هند وعدنان بيصورها حضنتها جامد
هند:حشتينى اوى يا خالتوووووو.
سميه:وانتى اكتر يا قلب خالتك.
هند:هو فين هو فين.
سميه:هو مين.
عدنان بضحك:قصدها الحمام.
سميه:هو ضحك عليكى
هند بصيت لعدنان بغضب:والله لأضربك.
عدنان بقا بيجرى وهو بيصورها وهى بتحدفه بالمخدات والشباشب والى حاجه تيجى قصادها.
عدنان:خلاص يا هنوده اسف والله.
سميه بضحك:طب راعو أن فى ضيفه.
سهر:فين ديه الا قوليلى يا خالتو انتى عامله اكل ايه
سميه بضحك:مش صاحبه هند اكيد لازم كده على العموم يا هند أهدى انا عملالك احسن من الحمام.
هند وقفت وبصيتلها:ايه احسن من الحمام.
سميه:ديك رومى.
هند شمرت:استعنا على الشقا بالله
بعد ما اكلو قعدو قدام التلفزيون يهزرو ويضحكو وتلعب هند مع عدنان وسهر كوتشينا لحد المغرب.
سهر:المغرب اذن ولسه مرحناش البحر
هند:اه تصدقى.
عدنان:طب تعالو دلوقتى وانا هروح معاكم كده كده خالتك بتنام بدرى عشان بتصحى الفجر.
هند:اشطا.
بعد ما سلمو كتير جوا وبره البيت نزلو ومشيو للبحر .
سهر طلعت الكاميرا وبقيت تصور الغروب
هند نطيت قدام الكاميرا:هااااى يا سهر سيبى الكاميرا ديه وتعالى.
سهر بخوف:لا لا انا بخاف لا.
هند شديتها ونزلو اول البحر يلعبو
كانت هند بتشغيل نفسها وتفكيرها عن مراد شويه بجد تعبت
عدنان كان بصورها.
هند يتمادى:دانى تعال العب معانا.
عدنان:لا ياختى انا سقعان.
هند:جباااان
عدنان قفل التليفون وراح وبقا بيلعب معاهم
الساعه ١٠.
هند:ينهار هنروح ازاى كده.
عدنان:اسافر انا معاكم وارجع الصبح بدرى.
سهر:خلاص وانا هوصلك بكره.
عدنان:تمام.
وفعلا عدنان بعت رساله لمامته عشان متستنهوش وراح مع سهر وهند القاهره.
وصلو الساعه واحده تحت العماره كان مراد واقف فى البلكونه مستنيها.
هند نزلت من العربيه واتمطعت وهى بتضحك وبتهزر وصوت ضحكهم كان عالى فى الشارع.
عدنان نزل وحط أيده على بقها:بس بطلى صوتك عالى.
هند بعدت ايديه وشاورت:ششش🤫🤫🤫
سهر:هيبرت اوى😂😂😂
ركنت سهر وعدنان بيهزر مع هند فى الشارع.
سهر راحت تهزر معاهم.
مراد نزل بعصبية:ايه بيحصل فى الوقت المتأخر ده هنا.
عدنان حضنه:وحشتنى يا صاحبى
مراد بابتسامه:وانت اكتر يا صاحبى اطلع ماما مستنياك على السلم.
عدنان طلع جرى:خالتوووو.
سهر:مراد مالك متعصب.
مراد:على فكره يا سهر تقريبا كده نسيتى الحنفيه مفتوحه اطلعى الحقى شقتك لتكون غرقت.
سهر طلعت تجرى.
هند:استنينى.
بس سهر جريت هند اتنهدت وجت تطلع مسكها مراد من أيديها.
هند شديت ايديها منه.
مراد مسكها تانى وشدها ودخلو العماره وزقها فى الحيطه
هند:اانت بتعمل ايه اوعى.
مراد:اخرسى خالص.
هند بصيتله بضيق فى عينيه ونفخت:عايز ايه.
مراد:اياكى ثم اياكى اشوفك بتضحكى وتهزرى كده فى الشارع تانى.
هند:هو انا بضحك من بقك ده ايه الرخامه ديه.
مراد قرب لوشها جامد واتكلم من بين سنانه متعصبنيش.
هند رجعت راسها لورا بس خبطت فى الحيطه معرفتش ترجع اكتر.
مراد كان وشه فى وشها مش بيفصل بينهم غير انش بسيط مراد بقا سرحان فى وشها ولاحظ خدودها إلى بتحمر وعينيها إلى عماله تبربش من التوتر وشفايفها إلى بتاكل فيها وريقها إلى بتبلعه ركز فى كل تفاصيلها قرب اكتر لشفايفها بس زقته هند وطلعت جرى.
مراد غمض عينيه بضيق
كريمه ونوال مع عدنان على الباب.
نوال:هنسهر كلنا سوا انهارده.
كريمه:عندى المره دى.
هند كانت متوتره وجسمها بيترعش حبت تغير الجو:عندك فيشار.
كريمه:اه.
هند:خلاص انا هعمل كيكه اوريو إلى اتعلمتها جديد وجايه
نوال:اساعدك
هند:لا يا حبيبتى خليكى مع عدنان وخالتو انا مش هتأخر.
دخلت نوال مع كريمه وعدنان وهند جت تقفل الباب شافت مراد طالع وقف وبصيلها اتوترت هند ووقعت المفتاح من أيديها نزلت تجيبه لقيت ايديه لمست ايديها سحبت ايديها ووقعت المفتاح تانى اخده مراد بابتسامه وقامو الاتنين.
مراد مد ايديها بالمفتاح:اتفضلى.
جت هند تاخده رفعه لفوق.
هند بصيت لإيديه وبصيتله.
مراد ضحك ومد ايديه تانى:اتفضلى
اخدته هند ودخلت:عن أذنك .قفلت الباب فى وشه.
مراد حط ايديه على شعره من ورا وابتسم ودخل بيتهم.
هند دخلت أوضتها اخدت دش ولبست عبايه بيت كيوت عليها دبدوب وعليها طرحه وخرجت عملت الكيكه وهى مشغله اغانى بصوت واطى عشان مراد ميخبطش ويجى زى كل مره بقيت بتحاول تتجنبه قلبه تعبها منه كفايه وجع.
خلصت الكيكه وطلعتها وهى بتدندن وخرجت وخبطت على الباب فتحلها مراد.
مراد:نورتى.
هند:اكيد قصدك الكيكه مش انا زى كل مره وسع بقا الصنيه سخنه (وسع مراد ودخلت هند وحطيت الصنيه على السفره)
عدنان:هند تعالى هنلعب كوتشينا.
هند:طب استنى اخبط على سهر تلعب معانا
عدنان:اشطا.
هند جت تخرج مراد وقف قدامها جت تمشى لمين مشى لمين جت شمال راح شمال.
هند بصيتله بضيق:اقف على راسى يا مراد على راسى.
مراد ضحك وبعد:الواحد ميهزرش معاكى.
هند:لا متهزرش معايا روح هزر مع خطيبتك.
كريمه:صحيح يا هند مقولتلكيش مش مراد فركش الخطوبه.
نوال:احسن كانت بنت مايعه.
هند بصيت لمراد:اكيد مضايق
مراد حب يصعب عليها نزل وشه لتحت.
هند أضايقت اكتر: متقلقش يا مراد انا هكلمها وهرجعهالك.
مراد بصيلها
هند ابتسمت:مش انا بيستك واختك لازم اساعدك أن مكنتش انا اساعدك مين يساعدك.
عدنان بيغنى:وان مكنتش انت تدلعنى مين هيدلعنى.
هند بضحك: الشبشب الشبشب هيدلعك حلو.
عدنان:لا خلاص يا كبير
هند ضحكت وخرجت تخبط على سهر
سهر بنوم:هند.
هند:امتى كنتى نايمه ده انا كنت جايه اناديكى تلعبى معانا ونسهر سوا
سهر:لا يا هند انا فى مود النوم دلوقتى
هند:المفروض كانو يسموكى انسه غيبوبه مش سهر خالص
سهر ضحكت بنعاس.
هند:روحى نامى روحى سلام.
سهر وهى بتتاوب:سلام.
هند رجعت
كريمه:فين سهر
هند:نامت
عدنان:طب يالا نلعب
هند راحت وقعدت جمبه:هنلعب ايه
عدنان:الشايب.
هند:لا يا عم انا مش هلعب
مراد قعد جمبها:مفيش تراجع.
عدنان:ايه يا هند خايفه وله ايه
هند ضحكت بسخرية:انا اخاف تؤتؤ انا بس خايفه على برستيجكو إلى هيضيع لما اكسب واحكم عليكم.
عدنان:امى إلى كل مره تخسر.
هند:عشان انتو غشاشين.
مراد:إلى هو احنا
هند:ايوا تعالى يا كراميل العبى معانا
كريمه:لا ياختى انا هقعد جمب اختى كده اتفرج عليكم وانتو بتبهدلو بعض
هند:طيب تمام هكسب واوريكم ياصيع
مراد:نعم يا روح خالتك
هند ببرأه:نحم يا مراد
مراد فتح بقه بصدمه
هند اتغيرت اوى عمرها ما اتلكمت بالطريقه ديه بس حاجات كتير اتغيرت جواها مش هى ديه هند الشبح إلى تشتم وتضرب وتهزق وتتخانق لكن عمرها ما اتصرفت زى البنات لما بقيت تتصرف زى البنات بقا مراد هيتجنن من التغيير.
عدنان قفله بقه:نو الدبان يدخل يور ماوس كده.
هند ضحكت وبدأ توزيع الورق وهند بقيت تدارى ورقها منهم وتبصلهم بضيق عين وبتستحلفلهم.
هند:اسحب يا عدنان.
عدنان سحب ومراد سحب من عدنان وهند سحبت من مراد
عدنان بفرحه:هيييححح اخيرا لقد نجوت.
هند:يبقا الشايب معاك.
مراد ضحك:اسحبى.
هند بلعت ريقها وغمضت عينيها ومديت ايديها ببطء وسحبت ورقه واوبا طلع الشايب.
ضحك مراد:شكل فى حد هيخسر.
هند رجعت الورق ورا ضهرها وبقيت تحركه:انت إلى هتخسر.
مراد ضحك:هنشوف.
هند رفعت الورق:اسحب يا شبح.
مراد سحب واوبا كسب.
هند مديت شفتيها لتحت بقمصه:لا انت اكيد غشيت.
مراد ضحك:لا والله كسبت بمجهود.
هند:خسرت تانى مش لاعبه معاكم تانى.
عدنان:وقت الأحكام.
هند:ارحمنى رحمك ربنا
عدنان ضحك بشر:مش هيحصل.
هند:كده يا دانى خصمتك.
عدنان:شكل قعدتك مع سهر خلاط تتكلمى زى البنات
نوال:بس يا واد بنتى قمر طول عمرها
هند ابتسمت وحطيت راسها على رجل امها:يا رافع من روحى المعنويه.
ضحكو عليها ومراد جهز قطر الأحكام وسحب ورقه وعدنان ورقه.
كريمه:انا هقوم اعملنا كوبايه شاى.
نوال:خودينى معاك .
هند:كام حكم.
عدنان:يخساره واحد
هند:أنجز عايز ايه
عدنان:عايز عايز تعملى حركه يوشك تضحكنى لو مضحكتنيش يبقا هنزود حكم.
هند:لا انا هعمل ضحكت ضحكت مضحكتش اضرب دماغك فى الحيطه تحولت وطلعت لسانه كان شكلها متخلف اوى
مراد وعدنان سخسخو على نفسهم من الضحك.
هند:كده خلصنا منك وانت يا مراد عايز ايه هما كان حكم اصلا.
مراد:اتنين
هند اتنهدت:اقطع دراعى من هنا لو لعبت معاكم تانى اللعبه المنيله ديه قول عايز ايه.
مراد:منديل
هند:نعم ياخويا
مراد:منديل وله اقولك هاخده منك بعدين التانى قولى شع رومانسى.
هند: شعر رومانسى طيب ثوانى كده افتكر حاجه اه اسمع احم احم(لا تلومنى على غيرتى
فأنا شرقى الهوى
ومعشوقى لى وحدى
انفاسك... كلماتك...قلبك...حضنك...حياتك
شريقتى لا تسمح لى بأن يكن أحد غيرى فى حياتك)
كانت بتقولها وهى باصه لمراد وسرحانه فى احلامها وتخيلت أنهم فى بيت واحد وهى واقفه فى المطبخ بتعمل الاكل بحب ليه وهو حاضنها من ورا وبيبوسها من خدها.
فاقت على صوت تسقيف عدنان.
هند بصيت لعدنان بابتسامه.
مراد:جميل اوى الشعر ده.
هند:قريته من على النت قبل كده مش عارفه ازاى افتكرته اصلا.
عدنان اتاوب.
هند:انت هتنام وله ايه والكيكه أما لسه ماعمله اعمل حته كيكه اوريو انما ايه عنب استنى هجيبلك.
راحت تجيب الصنيه اتزحلقت ووقعت على رجل مراد الى كان قاعد على الأرض
عدنان ضحك عليها.
هند اول ما وقعت غمضت عينيها.
مراد كان قلبه هيخرج من مكانه من كتر ما كان بيدق جامد
هند كمان قلبها كان بيدق جامد فتحت عينيها لقيت نفسي في حضن مراد.
نوال:هند ايه بيحصل هنا.
عدنان بضحك:وقعت 😂😂😂😂😂 مش قادر.
هند قامت بكسوف وتوتر: انا انا اسفه .
كريمه:ليه لبستى الشبشب ده هو إلى زحلقك.
هند قلعته ومثلت أنها بتتاوب:انا عايزه انام عدنان الكيكه هناك ابقى دوقها تصبحو على خير جت تمشى كانت هتقع على وشها
مراد:خلى بالك.
هند خرجت بسرعه لبيتهم
عدنان كان مسخسخ عليها خالص.
نوال بصيت لكريمه وزى ما يكون فى فى بالهم فكره
كريمه هزيت راسها
نوال:انا هقطع الكيكه ديه البت هند خطيره فى الكيكه.
عدى فتره امتحانات هند انهارده اخر امتحان.
هند خرجت لقيت مراد
هند:مراد ايه جابك مش قولتلك قبل كده انت دماغك ناشفه ليه.
مراد طلع الشوكولاته البيضاء إلى هند بتحبها:جبتلك ديه.
هند اخدتها: شكرا ياعم هااا مش هتدينى رقم سماح قصدى مريم
مراد:لا خلاص انا قفلت الصفحه ديه يا هند خلاص.
هند:خلاص انت حر بس متقلقش يا حبيبى بكره أجوزك ست ستها.
مراد:حبيبك
هند:تماديت سيكا صح خلاص ياعم متدقش
مراد ضحك:تحبى تاكلى فين بقا انهارده اخر يوم امتحانات
هند:لا عايزه اروح انام مش قادره سهرت جامد اوى.
مراد:بس احنا كنا متفقين من اول الترم اننا هنخرج.
هند:كبرنا على الحركات ديه يا مراد دلوقتى نروح زى المحترمين بيتنا وناكل وننام مش قادره انا نايمه اساسا وانا والله دلوقتى
مراد بضيق:ماشى يا هند يالا قدامى على البيت.
حسام:هند هند استنى.
هند بصيت وراها: حسام ازيك.
مراد بصيله بغيظ.
حسام:انا كويس الحمدلله أن شاء الله كده هشوفك فى حفله التخرج.
هند:أن شاء الله
حسام:بس ايه الحلاوه ديه احلويتى اوى.
مراد لسه هيرد.
هند:قصدك انى كنت وحشه قبل كده
حسام:لا لا مقصدش قصدى انك كنتى حلوه وبقيتى احلى.
هند ابتسمت ابتسامه صفرا: متشكره عن أذنك.
مشيت ومراد ابتسم بسخرية لحسام ومشى وراها
هند تليفونها رن:ألو يا ماما اه قابلته وجاين ايه طب انتو فين أهدى يا ماما واتكلمى من غير عياط عشان افهم انت. فى أنهى مستشفى دلوقتى طيب احنا جايين حالا.
مراد:ايه حصل ليه فى المستشفى
هند:خالتو تعبت فى المستشفى دلوقتى
مراد بصدمه: ماما.