رواية من تكوني
الفصل العاشر10
بقلم ديجا
فى المستشفى عند جميله
جميله:متتعبيش نفسك يا حبيبتي اللى كاتبه ربنا هيحصل بلاش تلفى حوالين نفسك على الفلوس أنا مش هعيش اكتر ما عشت خلى الفلوس ليكى ربنا يرزقك بأبن الحلال هتحتاجيهم
جويرية بعياط:وحياتى عندك يا ماما ما تقوليش كده ان شاء الله هتخفى وتقومى بالسلامة أنا هروح اخد الفلوس من الحاج زى عم حسين ما قالى مش هتأخر عليكي ماشي بلاش تتعبى نفسك بالله عليكي
جميله:قربى عليا يا جوري.. مسحت دموعها دموعك غاليه اوي وبتوجع قلبي يا بنت عمري ربنا يقدملك اللي فيه الخير
جويرية باست ايدها وراسها :مش هتأخر عليكي ان شاء الله
وصت أخواتها على مامتها وراحت لبيت رشدي بعد ما كلمته وطلبت تقابله
رشدي :اتفضلي يا بنتي ارتاحى
جويريه بتوتر:أنا كنت قاصده حضرتك فى خدمه يعنى لو ينفع
رشدي :طبعاً لو أقدر يا بنتى
جويريه :إن شاء الله تقدر
رشدي :اتفضلي يا جوري
جويريه :كنت محتاجه مبلغ كده هو كبير أوى بس والله أنا داخله جمعيه بالمبلغ مع عم حسين وهو هيكون الضامن أنا والله مستعجله عليه عشان هعمل عمليه لمامتى وحضرتك تقدر تتأكد من كده
رشدي بأبتسامه:أنا هديكى المبلغ بس أنتى عارفه مفيش حاجة بدون مقابل
جويرية بصدمه :وإيه هو المقابل حضرتك
رشدي :تتجوزى آسر
جويرية بصدمه :😮😮😮😮.. هو مش فرحه بكره ان شاء الله ازاي اتجوزه
رشدي بحزن:خطيبته يا ستى قالت مش عايزة تتجوزه بعد ما جهزنا كل شيء وقرايبنا جم مش قادر ألغى الفرح عشان سمعتنا فالسوق وشكلنا قدام قريبنا.. اتنهد وكمل حسين كلمنى وأنا حولت الفلوس للعمليه وكلها ساعه وماما تدخل العمليه ما تقلقيش دلوقتي بقيتى حرة توافقي او ترفضي
جويرية :وانا موافقة أنا هروح لماما دلوقتي وبكره هبقي تحت امرك بس الجواز لفترة صغيره وكل واحد يروح لحاله
رشدي بفرحه :بجد يا جوري شكرا يا بنتى مش عارف اقولك إيه
جويرية :ولا حاجه انا اللي بشكر حضرتك على اللي عملته مع والدتي
رشدي :هبعتلك العربية تاخدك على الفندق اللى هيتعمل فيه الفرح
جويرية :تمام عن اذن حضرتك
رشدي :تعالى هخلى السواق يوصلك.. وهما خارجين قابلوا إبتهال وهنا باين عليهم الحزن
رشدي :جويرية وافقت تتجوز أسر
هنا بفرحه:بجد يا جوجو احلى مرات اخ فالدنيا
إبتهال :برافو عليكي اهنيكى على تخطيطك عرفتى تفرقى بينه وبين خطيبته وتاخدى مكانها
رشدي :إيه الكلام ده يا إبتهال ده بدل ما تشكريها
إبتهال :مامت البنت لسه قافله معايا وقالتلي إن واحده زقت ولد عليها وخليته يلعب بدماغ البنت لحد ما قالت مش عايزاه
رشدي :يا سلام والمفروض أننا نصدق بقى بنتها مش صغيره عشان حد يلعب بدماغها إلا لو هى عايزة كده
هنا:ايوة صح يا بابا عندك حق
جويرية بدموع محبوسه:حضرتك هى ممكن تجيب الولد ده وتواجهنى بيه ولو قال إنه أنا يبقي يحق لحضرتك تتهمينى بأى حاجه عن إذنكم
رشدي :استنى يا بنتى السواق هيوصلك
جويرية :لأ شكرا هرجع زى ماجيت وانا لسه عند وعدي لحضرتك
رشدي :إنتى ازاى بقيتى كده مش عارفه تميزى الناس دى بنت ناس مش رخيصه عشان تعمل كده
إبتهال :اموت وأعرف هى كلت عقلك أنت وابنك كده إزاى
أسر جه هو وعاصم فالوقت ده
أسر :خير يا جماعه انتوا لسه زعلانين أن ليان رفضت تتجوزنى عادي يا جماعه هنعتذر للناس وخلاص وقرايبنا نستضيفهم اليومين وشكراً على كده
هنا :لأ يا شاطر بابا جاب عروسه وعايز يمشى كل حاجه زى ما هى
أسر بعصبيه :يعني إيه جابلى عروسه وأنا ايه ماليش رأى
إبتهال :لأ ومش هتصدق مين العروسة
أسر :اياكانت انا مش هتجوز خلاص
عاصم : اتجوز أنا وخلاص وما تتخانقوش..
هنا :فكره برضو وهو تبطل سرمحه
أسر :ايوة صح وهو فرح وخلاص أنا ماشي
عاصم :يا عم حد طايل فرح عالجاهز ها مين بقى سعيدة الحظ العروسة
إبتهال :سكرتيره أسر اللى اسمها جويرية
أسر وقف مكانه لما سمع الإسم وبيسال نفسه هو سمع صح
عاصم :الله عليك يا با رشدي البت الصراحه أدب واحترام وجمال
رشدي :خلصتوا ولسه.. قولت ايه يا أسر
عاصم :أسر مين أنا اللى هتجوز
أسر :ما فيش بعد كلامك يا حاج
إبتهال :يعنى ايه هتتجوز البنت دى
رشدي :مش عايز ولا كلمه فى الموضوع ده البنت طلبت ان الجواز لفترة ولحد الفترة دي ما تخلص مش عايز حد يضايقها لبكلمه ولا نظرة تمام
إبتهال :امممم بقى كده تمام.. أنا رايحه اشوف الضيوف عشان الفرح
فالوقت ده جت سهيله هى ومامتها
سهيله:قلبى عندك يا طنط هتعملوا ايه والناس هتقول ايه
رشدي :فى ايه يا حبيبتي قصدك ايه
سهيله :عشان الفرح اللى اتفركش على آخر لحظة
أسر بشك:مين اللي قال كده يا سهيله
سهيله بارتباك :اصلى انا اصل سمعت كده
وفاء بسرعه:اه سمعنا كده وسهيله يا حبيبتي قالت إن الحل الوحيد فى المشكلة دي انكم تلاقوا عروسه بديله عشان اسمكم فالسوق
رشدي :لا مفيش مشكلة ولا حاجة والفرح بكره ان شاء الله فى ميعاده عن إذنكم عشان أرحب بالضيوف
انصرف كل من أسر وعاصم وابتهال ورشدى
سهيله بغيظ :ازاى ده حصل بعد كل ده
هنا :قصدك ايه يا سهيله
وفاء متداركه الموقف:لأ ابدا يا حبيبتي يلا يا سهيلة نسلم على عماتك واعمامك
===========بقلمى/ديجا ❤❤❤❤
فالمستشفى جميله دخلت العمليات
جويرية فحضن نرمين بتعيط ونرمين بتهديها وبطمنها
جويرية :عمتوا انا عايزه اقولك على حاجه
نرمين :قولى يا حبيبتي خير
جويرية بعياط :الحاج طلب منى اتجوز ابنه بكره وأنا وافقت
نرمين :بكره بكره ازاي يعني مش فاهمة يا جوري
جويرية :اصل العروسه............... وحكت اللى حصل
نرمين :ليه يا بنتى كده أنا كنت هبيع دهبى وأخد فلوس من يوسف وكنا هنعمل العمليه ليه تبيعى نفسك كده
جويرية :اللي حصل بقى يا عمتو حسيت ساعتها إن مخى وقف وأنا مش هينفع ارجع فى كلامى هو رتب نفسه على كده أنا بس مش عارفه هقول لماما إزاى اكيد هتنفعل والزعل هيبقي وحش عليها
نرمين :سيبيها على الله تطلع ونطمن عليها وبعدين ربك يحلها... بعد شويه الدكتور خرج وطمنهم ان العمليه نجحت وطمنهم على جميله وشوية هتتنقل اوضتها
جويرية كلمت يوسف وحكتله اللي حصل
يوسف :إنتى عبيطه يا جورى ازاى توافقي على كده ليه عامله فرق بينا أنا اخوكي على فكرة كنتي قوليلى وانا هتصرف أنا هاجي وهنروح نرجع الفلوس دي وهتعتذرى عن الجوازه دى
جويرية بعياط :مش عارفه يا يوسف انا تعبت أوى انا كان كل همى انقذ امى مقدرش أعيش وانا حاسه بالذنب مقتدرتش أفكر ولقيت نفسي بوافق
يوسف:طب اهدي وبعدين نتكلم تمام
جويرية :تمام يلا سلام
جاسر جه حضنها ومسح دموعها :اهدي يا جوري ماما كويسه وعايزاكى
جويرية :حاضر يا حبيبي يلا نروح لها
جاسر:جورى عمتو حكتلى على اللي حصل أنا فخور أوى أنك اختى وعلى قد الفخر ده أنا حزين انى زى قلتى
جويرية :متقولش كده يا حبيبي بكره تبقى دكتور قد الدنيا وتعوضنى كل ده
جاسر:اوعدك اني مش هخزلك ابدا
جويرية راحت لجميله عشان تطمن عليها وفي الطرقه قابلت أسر واقف
اسر:حمدلله على سلامة مامتك
جويرية :الله يسلمك يا أستاذ أسر تعبت نفسك ليه
أسر :ولا تعب ولا حاجة أنا كمان جاى اشكرك على وقفتك معانا فى الموقف ده
جاسر:أهلا يا أستاذ أسر
أسر :أسر بس من غير استاذ يا دكتور
جنه خرجت من عند والدتها تنادى جويرية وجويريه استأذنت تدخل لوالدتها
جويرية :حمدالله على السلامه يا حبيبتي
جميله :الله يسلمك يا بنت عمري.. اقعدي أنا عارفه عايزة تقولي إيه
جويرية بصدمه: