CMP: AIE: رواية زواج عنيف الفصل الاول و الثاني بقلم منار مجدي
أخر الاخبار

رواية زواج عنيف الفصل الاول و الثاني بقلم منار مجدي


 

رواية زواج عنيف 

بقلم منار مجدي 

الفصل الاول والثاني



حمزه:اقلعى

كانت قاعده زى الملاك بطرحتها إلى مغطيه وشها 

ديه اول كلمه يقولها من اول ما دخل.

ملك:بتكلمنى انا.





حمزه: امال امى مش اتجوزتك وعملت إلى انتو عايزينو دلوقتى انتى هتعملى كل إلى انا عايزه هندمك على اليوم إلى وافقتى فيه تتجوزينى اهلا بيكى فى جحيمى.

ملك سخسخت ضحك وقامت وهى بتشيل الطرحه:ويا ترى بقا مأوى تجلدنى بالحزام وله الخرزانه(ضحكت جامد)

حمزه بغضب:بتضحكى علي ايه انتى فاكرانى بهزر.

قرب منها بغضب ومسك دراعها جامد:قولتك اقلعى وانا كلمنى تتسمع

ملك بصيت لإيديه إلى ماسكه دراعها بابتسامه سخريه:شيل ايدك يا بابا ويا ريت متعملش حاجه انت مش قدها (حطيت أيديها على خده وطبطبت عليه وهى مبتسمه)عشان مزعلكش.

حمزه زق ايديها بغضب:تزعلى مين يا بت انتى طيب انا هوريكى انا اقدر اعمل ايه.

مجرد ما رفع أيده على حماله الفستان ملك مسكت أيديه ولونها ورا ضهره وضربته فى ضهر ركبته وقعته فى الارض بقا قاعد على ركبته وهى ماسكه دراعه من ورا:عرفت بتتعامل مع مين يا سكر ده مجرد قرصه ودن المره الجايه مضمنش نفسى.

سابته واديته ضهرها:البتاع التقيل ده.

مسكها من ضهرها:لو فكره انى هخاف من الشويه إلى عملتيهم عليا من شويه ده تبقى غلطانه.

ضحكت ملك بسخريه:مكنتش عايزه أذيك بس انت كده بتجبرنى لآخر مره بحذرك ابعد عن خلفتى الساعه ديه انا مش طائفه نفسى اصلا.

حمزه ضحك بخبث ورفع ايديه عشان يفك فستانها ضربته ملك بكوعها فى بطنه.

لفت وبصيتله بابتسامه وهو ماسك بطنه وضحكت بسخريه جت تمشى مسك أيديها المره ديه لوت دراعه جامد لدرجه سمعت صوت كسره 

حمزه بصريخ:اااااااااه.

ملك:شوفت خلتنى اعمل ايه قولتلك بلاش أذيك بس انت شكلك بتحب الاذيه انا ملك السيناوى أسأل عنى لو متعرفنيش الكل عارف مين ملك السيناوى هنا وبيخاف منى اظن فاتك موضوع انك لازم تبقا عارف عن عدوك اكتر ما تعرف عن صديقك يا حمزه العويسى اصغر رجال الأعمال وافضلهم فى العالم وزى ما بيقولو ملك التسويق بتعرف تبيع وتسوق أتفه حاجه متستخفيش بقدراتى عشان انا بظهر حاجه وجوايا حاجه تانيه بحذرك(رفعت صوباعها ليه)بحذرك تانى ابعد عن طريقى وملكش دعوه بيا بعمل ايه مبعملش ايه متعملش عليا سي السيد وجو الروايات الفكسان ده مش عليا (ضحكت)قال ايه اهلا بيكى فى جحيمى أما نكته جامده.

سابته وهو بيتألم ودخلت الحمام وقالت وهى جوه:على فكره دراعك مكسور لو مكانك انزل لولاء ترده هى دكتوره عظام شاطره هتلقيها صاحيه انا قولتلها تسهر انهارده كان قلبى حاسس اصلى (ضحكت جامد)

قام حمزه وهو ماسك دراعه بوجع ونزل 

جده اول ما شافه ابتسم

الجد لنفسه:هتتربى يا ابن الكل*ب هعرفك يعنى ايه امك تسيبها تتخلى عنها انا واثق فى ملك ملك ديه تربيتى وهتجيب حق امك منك تالت ومتلت

فلاش باك

حمزه:يعنى ايه يا جدو هتحرمنى من الميراث وعمى كتب ليا نص أملاكه عشان بيحبنى.

الجد:لا عشان انا طلبت منه بس هو شرط عشان تاخد الميراث ده تتجوز بنته الوحيده ملك.

حمزه:يعنى بتلوى دراعى يا اتجوزها يا تحرمنى من الميراث.

الجد:بالظبط كده وكمان هتفضل هنا لمده سنه من الجواز هشام اطمن على حفيدتى معاك.

حمزه:كمان مش واثق فيا

الجد:اثق فيك ازاى هو انا اعرفك مش مشيت ورا ابوك وسيبت امك عشان بس ابوك معاه فلوس.

حمزه:انا مرحتش مع بابا عشان الفلوس يا جدو انا مشيت عشان انا ببقا مرتاح اكتر مع بابا.





الجد ابتسم بسخرية:طبعا أنا الى عندى قولته يا حمزه لو مش عايز جواز يبقا تاخد بعضك وتمشى ملكش عندى ميراث.

حمزه:موافق موافق على الجواز 

الجد ابتسم: تمام بكره المأذون هيجى ويكتب الكتاب على طول العروسه مش عايزه فرح عشان حزينه على ابوها .

حمزه:تمام يا جدو عن أذنك.

خرج حمزه فى نفس الوقت الى كانت ملك خارجه من المطبخ وبتاكل تفاحه بصيت عليه بتفحص وقالت

ملك:مين ده باين عليه مش من هنا (ضحكت)عامل زى الرجال الالين 

الجد:ملك تعالى عايزك.

ملك بصيت ليه برفع حاجب:انا مضربتش حد انهارده.

الجد ابتسم:عارف تعالى عايزك فى حاجه تانيه مهمه.

ملك:مش مرتاحه بس اشطا

دخلت ورا جدها المكتب وقعدت على المكتب وهى بتاكل التفاحه:ها عايزنى فى ايه.

الجد:اول حاجه انتى ابوكى مات

ملك بصدمه:ايه بابا ازاى انا لسه قافله معاه

طلعت التليفون بإيد بتترعش تتصل لابوها

الجد:اسمعى الاول

ملك:ألو ألو يا بابا انت كويس يا حبيبى شكل جدة كان بيعمل فيا مقلب وله ايه المهم انك كويس طيب يا حبيبى خلى بالك من نفسك والبس تقيل تمام عارفه انى لسه قايله خايفه عليك يا جدع الله انا غلطانه يعنى طيب سلام.

ملك:ايه يا جدو الهزار ده وقعت قلبى فى رجليا حتى التفاحه وقعت منى شوفت أصبحت بوش مين بس على الصبح ديه كانت تفاحه مسكره

الجد:بطلى ندب بقا واسمعينى من هنا ورايح انتى ابوكى تعتبريه ميت

ملك:هو سرق غيراتك الداخلية وعايز تنتقم منه مش كده متقلقش يا جدو انا هنتقملك وهسرق كل هدومه.

الجد شدها من ودمها:يا بت سيبينى اكمل كلامى.

ملك بوجع:خلاص يا كبير خلاص هسكت

الجد سابها وقعد على الكرسى:طبعا انتى عارفه حاله عمتك ايه

ملك بزعل:اه عارفه منه لله إلى كان السبب.

الجد:قدامى فرصه عشان عمتك تتعالج اخر امل.

ملك بابتسامه:وايه هى يا جدو انا هساعدك فى كل حاجه

الجد: بصى يا ملك انا سألت الدكتور عمتك هتفضل كده مش بتتكلم لحد امتى قالى لحد ما تتخلص من صدمتها فى ابنها عمتك من ست سنين بالظبط من يوم ما أطلقت وابنها اختار يمشى مع أبوه وهى مصدومه ومش بتتكلم ودلوقتى انا عرفت اجيب حمزه.

ملك وهى بضرب كفها فى بعض:يبقا تسيبهولى وانا هربيه

الجد:هتضربيه برضو مش هيتعلم عايزك تعذبيه صبح وليل يا ملك انا واثق فيكى يا حبيبتى انتى اكتر حد بثق فيه فى البيت ده وعشان تعرفى تاخدى حق عمتك لازم تتجوزيه وتوريه النجوم في عز الضهر.

ملك بصدمه:اتجوزه اتجوزه ازاى يا جدو انت نسيت انى مخطوبه

الجد:منسيتش وانا كلمت طارق وفهمته كل حاجه.

ملك:وهو وافق.

الجد:ومن امتى بيهمك سواء طارق موافق وله لا يا ملك انتى مش عايزه تساعدينى 

ملك:لا يا و عايزه اساعدك واساعد عمتو بس اتجوزه.

الجد:متقلقيش هتعرف تتصرفى واوعدك اول ما عمتك هتخف هطلقك منه ده وعد.

ملك:تمام الفرح امتى.

الجد:بكره كتب كتاب على طول وهيبقا على الضيق هشام ابوكى مات وبيوزع الميراث إلى كتب نصه لحمزه بشرط يتجوزك.

ملك بصدمه:ايه اللفه ديه كلها انا دماغى لفت تمام مش انت مجهز كل حاجه يبقا اتكل على الله.

الجد ابتسم بفخر:عمرك ما خلتينى افقد ثقتى فيكى 

ملك حضنتها:وله هخليك تفقدها يا جدو انا حفيدتك الدلوعه إلى بتحبك ومستحيل ترفضلك طلب أما اصلا عايشه عشانكم.

الجد:ربنا يخليكي لينا يا حبيبتى




ملك:ويخليكو ليا يا رب.

بعدت وهى مبتسم: دلوقتى انا عندى تدريب اشوفك بعدين يا عسل .(غمزته)

سابته ومشيت

باااك

(بطلتنا ملك السيناوى افضل مدربه جودو فى مصر خريجه تجاره انجلش حلوه بس لبسها شبه الولاد حبتين يعنى تشيرتات وبناطيل وعلى طول فى كاب على شعرها إلى دايما معمول ديل حصان عمرها ما لبست هدوم بنات بتحب اللعب والرياضه والسهر ومخطوبه لطارق كان مجرد شب بيتدرب تحت ايديها وشغال دكتور شخصيته ضعيفه شويه وحب ملك عشان دافعت عنه كذا مره نرجع لروايتنا)

خرجت ملك من الحمام ببنطلون شروال وتشيرت بكم وحاطه الزعبوط على شعرها 

دخل حمزه وهو معلق دراعه.

ملك:ها ردته وله معرفتش

حمزه:لا ردته.

ملك مسكت اللاب بتاعها:قولتك ابعد وانت مسمعتش الكلام احسن تستاهل

حمزه:اوعى تكونى فاكره أنى هعديه كده بالساهل.

ملك سابت اللاب وبصيتله برفع حاجب وابتسامه:هتعمل ايه

حمزه:مش دلوقتي لما اخف هقولك انا و انتى والايام طويله

ملك ضحكت بسخرية:طب روح روح شوف هتنام فين عشان صدعت.

حمزه:مش رايح حته انا حر مصدعه يبقا تغورى فى ستين داهيه.

ملك بغضب:قولت ايه.

حمزه رجع لورا بس حاول يبقا جامد:لو مصدعه يبقا أوحى تنامى انتى متتحكميش فيا وفى تصرفاتى

ملك:بحسب كده سمعت حاجه عدى يومك بقا عشان مكسرش حاجه تانيه وسيبنى فى حالى.

مسكت اللاب واتصلت بطارق فيديو

طارق:اتأخرتى كده ليه كنت مستنيكى تكلمينى من بدرى.

ملك وهى بترقع رقبتها: ياسطا والله تعبانه.

طارق:ايه القمر ده بس

حمزه بصوت واطى:منافق.

ملك:ثوانى ثوانى(بتكلم حمزه) قولت حاجه يا شبح.

حمزه:هقول ايه يعنى خليكى فى حالك.

ملك:تمام تمام ايه يا طارق بقولك عملت ايه انهارده

اخدت اللاب وخرجت من الأوضه.





حمزه:ايه إلى دبست نفسى فيه ده بس يا ربى متجوز هوجان.

دخل الحمام واخد دش وخرج نام على السرير.

دخلت ملك غمض حمزه عينيه بسرعه وعمل نفسه نايم.

ملك اتنهدت وقالت لنفسها:كويس انه اتخمد خليه ينام نوم الظالم عباده. بصيت للكنبه وراحت فتح الدولاب وطلعت اللحاف بتاعها وراحت نامت على الكنبه وبصيت على حمزه مره اخيره وهو بتقول لنفسها:شكل كويس مش بتاع مشاكل ياترى ايه حكايتك يا حمزه وليه عملت كده فى عمتو عمتو اطيب قلب شوفته في حياتي بعد ماما عبيط بصحيح.

اتعدلت ونامت .

حمزه فتح عينيه وبص عليها وضحك جواه: وانا الى كنت فاكر انى هعذبك واندمك طلع العكس هعمل معاكى ايه عشان تطلبى الطلاق منى دلوقتى انا مش هينفع افضل معاكى وانا بحب واحده تانيه يا رب عديها على خير انا بس عايز الميراث وانقذ شركتى انا تعبت اوى يا رب عشان ابنيها يا رب متضعش منى 

غمض حمزه عينيه والأتنين غاصو فى أحلامهم.

تانى يوم صحى حمزه بدرى كالعاده بس استغرب لما ملقاش ملك.

حمزه:الساعه سته راحت فين ديه.

قام واخد دش  ولبس وهو بيلبس الساعه وبيتحرك من جمب الشباك لمحها رجع وبص من الشباك لقاها واقفه على باب الفيلا مع راجل وبتهزر معاه ولابسه ترنج رياضى ولابسه الكاب .

حمزه:الواد ده اعمى وله ايه اهرب بابنى أهرب.

الى كان معاها ده كان طارق 

ملك:مش ضرورى يا طارق تيجى ليا كل يوم الساعه خامسه.

طارق:انا بحب ابدأ يومى بيكى.

ملك بضحك:ليه هو انا كوبايه شاى.

طارق:انتى احلى كوبايه شاى شوفتها فى حياتى.

ملك حضنته:ودوقتها بقا

طارق ابتسم:لسه بس لما تبقا حلالى هدوقها براحتى.

ملك بضحك:لا طلعنا جامدين.

طارق:أعجبك اوى 

ملك جت تدخل مسك أيديها

طارق:مش ناسيه حاجه.

ملك ضحكت بسخرية:لا منستش

طارق:طب يالا عشان مستنى من بدرى وانهارده المعاد

ملك:بس لسه المفروض بليل انت لسه متولدتش دلوقتى

طارق:لا اتولدت وقدامك اهو 

ملك:طيب طيب عشان انت حبيبى هعملك استثناء بس غمض عينيك.

طارق غمض:اهو اهو.

ملك:مستعجل اوى .

طارق:جدا.

ملك قربت منه ولسه هتبوسه على خده 

حمزه:الله الله.

ملك:ايه ده ايه الى صحاك بدرى كده ورايح فين.

حمزه:انا الى المفروض اسال بتعملى ايه هنا ومع راجل غريب وراجعه وش الفجر وكنتى قريبه منه.




ملك:حيلك حيلك انت هتتحكم فيا وله ايه.

الجد:فى ايه صوتكم عالى على الصبح ليه.

حمزه:تعال شوف يا جدو حفيدتك المحترمه راجعه وش الصبح وكانت مع الراجل الغريب ده 

الجد:بس ده مش غريب ده طارق زميل ملك وهما مجرد صحاب.

ملك:اه كلام جدو صح.

حمزه:ديه كدابه يا جدو انا شوفتها كانت هتبوسه من خده 

طارق:محصلش ديه كانت بتقولى حاجه يا جدو

الجد:مصدقكم يا بنى.

ملك:اكيد يعنى مستحيل تصدقه هو.

حمزه:يا جدو بقولك شوفتها.

الجد:خلاص بقا ملك عايزك فى المكتب.

ملك:حاضر يا جدو.

طارق:هكلمك بليل

ملك:ماشى بليل.

مشيت ملك ورا جدها.

حمزه بص لطارق بإستحقار ودخل وراهم.

ولاء:حمزه اخبار دراعك ايه مش معلقه ليه.

حمزه:تمام دراعى كويس.

ولاء:لازم تهتم شويه بنفسك وخد بالك وانت ماشى.

حمزه:اه اه طبعا





ولاء:عارف ممكن تكون وقعت عشان متعرفش المكان كويس لكن لما هتعرفه اكيد مش هتقع زى ملك عمرها ما وقعت ابدا.

حمزه فضل واقف مع ولاء وبيحاول يقفل الكلام بس ولاء كانت بتفتحه تانى 😂😂 لحد ما شاف ملك خارجه من المكتب وبتاكل تفاحه وطالعه الاوضه وهى مش متأثره بحاجه.

حمزه:انسه ولاء عن أذنك.

مشى وساب ولاء وطلع وراها.

ملك قعدت على السرير وهى بتاكل التفاحه بتلذذ.

فلاش باك تحت.

الجد:ايه إلى كان بيحصل تحت ده.

ملك:جدو انا مش بكدب أو بخير عليك حاجه انهارده عيد ميلاد طارق وانا بصراحه كنت هبوسه من خده بوسه صغننه كده اهو بالمره اجربها انا اسفه عارفه أنه غلط بس انا كنت حابه اعمل زى البنات الى بشوفهم بدل ما ابقى شبه الولاد كده انا مش بعرف اتصرف زى البنات 




الجد ابتسم:انتى احسن من البنات كلهم يا حبيبتى بس انتى مش حلال طارق خالص ومينفعش بنت متجوزه تبص لحد مش جوزها بصى يا حبيبتى انا وعدتك هجوزك طارق لانك بتحبيه صح بس لما تطلقى من حمزه الاول ولحد ما تطلقى وتتجوزى طارق مجرد صديق ماشى يا حبيبت جدو.

ملك:حاضر.

طارق يالا خدى التفاحه إلى بتحبيها وشوفى عايزه تعملى ايه واعمليه

ملك اخدت التفاحه بابتسامه:تمام يا عسل باى.

بااااك





دخل عليها حمزه وهو متعصب.

ملك قطمت التفاحه وهى بتبصله بسخريه وقامت عشان تدخل الحمام وقف قدامها

ملك؛تؤتؤ العصبيه وحشه.

حمزه بصوت عالى:اخرسى خالص كمان ليكى عين تتكلمى 

ملك:متعليش صوتك عليا عشان انا كمان بعرف أعلى صوتى وهتقل من نفسك اكتر مانت قليل اصلا 

حمزه زقها للحيطه بعصبيه :بت انتى انا اسكتلك كتير انتى واحده كدابه وخاينه ورخيصه.

ملك:انت بتقولى صفاتك ليه مانا عارفه انك كداب وخاين ورخيص.

حمزه خبط أيديه جامد على الحيطه جمبها:انتى حظك امى مش بمد ايدى على اى ست 

ملك:لا رجوله اوى واااو بجد 

حمزه بنرفزه:متتحدنيش.

ملك:لا اتحداك هتعمل ايه يعنى عايز تعرف انا شايفاك ازاى انا شايفه انك واحد واطى وزباله ومش بيهمك غير الفلوس تقدر تعمل اى حاجه عشان الفلوس تتجوز أو حتى تبيع امك عمرك ماهتكون راجل فى نظرى انا بقرف مجرد ما بفتكر انى اتجوزت واحد زيك.





حمزه ضربها بالقلم على وشها:انا راجل وغصب عنك.

ملك بنرفزه:لا مش راجل والدليل انك بتمد ايديك عليا.

حمزه مسكها من شعرها:يا بت اتكتمى

ملك بقيت تضحك وهى بتتوجع:هو ده اخرك اصلا واحد همجى بتثبت انك راجل بقوه دراعك احب اقولك ان الرجوله افعال مش عشان انت قولت انك راجل تبقا راجل.

حمزه بعصبية:طيب انا هوريكى بقا انا راجل وله لا.

شدها ودخلها الحمام وفتح عليها الدش:فوقتى دلوقتى.

ملك ضحكت جامد:حد قالك انى مكنتش فايقه وله هو عشان بقولك الحقيقه بقولك ايه ياض انت انا تعبانه لوحدى وقرفانه ابصلك غور من وشى عشان خلاص مش قادره اتمالك نفسى مش ضامنه اعمل فيك ايه .

حمزه شدها من دراعها خبطت فى صدره الى من الغضب كان طالع نازل:عايزه تعرفى انا راجل وله لا مش كده انا هثبتلك .

شدها لبره وزقها على السرير.

ملك كانت هدومها مبلوله مجرد مازقها السرير كله بقا مليان مايه 

ملك جت تقوم زقها تانى






ملك ضربته فى بطنه وجت تقوم زقها جامد تانى :مش هسكتلك تانى 

ملك بصوت عالى:ابعد عنى ياله خليك راجل لمره فى حياتك ابعد عنى.

حمزه:مانا هوريكى بقا انى راحل هشام ميبقاش عندك شك تانى وتعرفى انتى بتتكلمى مع مين.

كان بيتكلم وهو بيقلع قميصه.

ملك بصدمه وزعيق:وقسما بالله يا حمزه يا العويسى لو قربت منى لا مش هخلى حته فى جسمك سليمه 

دخل الجد بزعيق شد حمزه:ايه بيحصل هنا.

ملك قامت:جدو انت مجوزنى لحيوان مش بنى أدم.

الجد:رد يا حمزه ايه بيحصل


الفصل الثانى 



الجد:رد عليا ايه بيحصل هنا

ملك:عيد يقول ايه يا جدو ذئب بشرى

حمزه:والله يا جدو انا مش شايف انى بعمل حاجه غلط هى مش مراتى.

الجد: ايوه بس

حمزه:مابسش يا جدو انا عايز حقوقى وباخدهم واظن انى حر انا ومراتى.

ملك بشهقه:الحق يا جدو بيقولك اضرب دماغك فى اتخن حيط.

حمزه:انا مقولتش كده جدو فاهم قصدى ايه.

الجد:تمام يا حمزه 

لف لملك وقال وهو بيشد على ايديها جامد

الجد:ملك ده جوزك اديله حقوقه ماشى يا ملك.

ملك فهمت جدها وبصيت لحمزه:تمام يا جدو الله هو احنا عندنا كام حمزه(ضحكت).

الجد ابتسم:طيب اسيبك بقا عن أذنكم.

حمزه قفل الباب وراه بالمفتاح وحط المفتاح فى جيبه.

ملك ضحكت بسخرية:على اساس انى هخاف وكده.

حمزه:انا لو مكانك اخاف عشان انا مش بهزر يا ملك يا سيناوى

ملك:تمام انت عايز حقوقك مش كده انا هديك إلى تستحقه يا حمزه أفندى .

ملك قربت ليه بابتسامه وحطيت إيديها على خده

زقها حمزه:ابعدى عنى انا قرفان منك.





ملك:مش انت إلى عايز حقوقك.

حمزه:مش عايز منك حاجه ابعدى عنى انسانه مقرفه.

ملك لفت وشها:براحتك بس تبقى افتح الباب عشان خارجه.

حمزه:مفيش خروج من غير ما تقوليلى بعد كده وكمان إلى اسمه طارق ده مش هتقابليه تانى.

ملك:طبعا وهسمع الكلام واعمل الواجب قبل ما انام فوق يا بابا انا مش عيله صغيره بلاش اتعصب عليك.

حمزه لف ليها تانى:ورينى هتتعصبى ازاى يا ملك وده الى عندى.

ملك:ده اخر كلام.

حمزه:انا لما بقول اى حاجه بتبقا هى الاخيره وكلمتى هتمشى.

ملك ابتسمت بسخرية وهى رافعه حاجبها:ده لما ابقى انا امينه وانت السى سيد الكلام الفاضى بتاعك ده هو إلى هيمشى لكن انسى الى انا عايزاه بعمله برضاك غصب عنك.

سابته ودخلت الحمام وهو بيهرى وينكت فى نفسه من برودها.

ملك اول ما دخلت الحمام بقيت تغسل وشها بغل:انسان زباله بصحيح قال ايه قرفان منى ده انا كنت هعلم عليك علامه متنسهاش لآخر لحظه فى حياتك ماشى يا حمزه بيه انا هعرفك مين ملك إلى كنت هتعتدى عليها من شويه استنى بس عليا هوريك النجوم فى عز الضهر.

اخدت دش عشان تريح أعصابها وشغلت أغانى وعلت الصوت  وخرجت وهى لابسه ومسكت التليفون إلى الاغانى فيه عاليه وبتوصله بالبلوتوث بتاع السماعه.

حمزه بنرفزه:اقفلى الزفت ده بقا.

ملك مشغلتش السماعه وعلت الصوت اكتر

حمزه شدها من دراعها:انا مش قولتلك تقفلى الزفت.

ملك:وانت مين بقا عشان اسمع كلامك تكونش مستر العربى بتاعى عشان اسمع كلامك لآخر مره بقولك ملكش كلام يمشى عليا اولا انا مش بحترمك وده يعنى وجودك زى عدمه وثانيا انا مبحبش اتكلم كتير فياريت تتجنبنى هشام نبقا لذاذ مع بعضينا.

حمزه:وانتى مستحمله تتجوزى واحد مش بتحترميه ليه ما تروحى تقولى لجدو انك عايزه تطلقى.





ملك ضحكت بسخرية:انا مش بيتلوى دراعى يعنى لو فاكر أن بتصرفاتك ديه هتخلينى اطلب الطلاق يبقا تنسى.

حمزه:عجبك وله ايه.

ملك بصيت ليه من فوق لتحت وضحكت بسخريه:انت انسان خسيس واشكالك متعجبنيش بس انا كده لما بشوف ناس مش معدوله بحب اعدلها.

حمزه مسكها من شعرها بعصبيه

ملك مسكت دراعه ولويته:مش هسكتلك تانى ياله سامع مش هسكت انا كنت بسكت بس عشان جدو بس خلاص بقا طالما انت مش محترم حد انا اعرف اخليك تحترم نفسك كويس.

حمزه لفها وبقا لتزق فى ضهرها ولاوى دراعها:بت انتى عايزه ربايه من اول وجديد.

ملك ضحكت بسخرية وبحركه واحده لفت رجلها ونطيت وراه وقعدته على ركبته ولوت دراعه جامد

ملك:لآخر مره بقولك انا مش هينفع تتعامل معايا بالطريقه ديه عشان مش هسكتلك وانت باين عليك عيل فافى 

حمزه بغضب:انتى طالق.

ملك سابته

حمزه:انتى 

ملك:جدووووووووو.

الجد خبط

ملك بابتسامه:افتحله

حمزه:هخاف انا يعنى هفتحله.

فتح حمزه

الجد:فى ايه تانى 

ملك بابتسامه فرحه:طلقنى يا جدو دلوقتى مشيه وجوزنى طارق انا عملت الى انت عايزه وهو مستحملنيش مش مشكلتي أنه ضعيف.

حمزه فتح بقه بصدمه:انا إلى كنت فاكر انك هتعيطى عشان مطلقكيش.

ملك ضحكت بسخرية:ليه توم كروز تمشى انت يجى عشره وطارق بيحبنى وعايز يتجوزنى اصلا 

حمزه:وانا مش هطلقك

ملك:انت طلقتنى خلاص يا جدو قالى انتى طالق.

الجد:قالك كام مره.

ملك:مره





حمزه ضحك بسخرية

الجد:عشان يطلقك يقولها تلت مرات هو قال مره باقى اتنين يقولك انتى طالق مرتين كمان وامشيه واجوزك طارق

ملك لحمزه:اتفضل طلقنى مش كنت عايز تطلقنى من شويه

حمزه بضيق عين:امممم غيرت رأيى .

ملك:بس بس

حمزه:عن أذنك يا جدو

سابهم وخرج وهو شايف أنه منتصر

ملك ضحكت بصوت واطى وضربت كف جدها

الجد:كده يبقا فاهم انك اصلا مش طايقاه.

ملك:ولسه يا جدو هدفعه التمن غالى أمن الى عمله فى عمتى أضعاف أضعاف ولسه مشافش حاجه.

الجد:انا واثق فيكى يا حفيدتى يا حلوه.

مشى وسابها.

ملك لنفسها:فاكر انى هبله ومش عارفه انه طالما قاله مره واحده يبقا يقدر يردنى ماشى أما نشوف اخرتها

ملك خرجت ونزلت وراحت الجنينه الخلفيه فى الاسطبل بالتحديد وراحت لريحانه الفرسه بتاعتها .

ملك وهى بتأكلها تفاح:كلى يالا عايزاكى تبقى اسرع فرس فيكى يا مصر عشان احنا بنعمل كل حاجه سوا من زمان مش فاكره انا بدأت أتدرب لما اتولدتى وكنا بنجرى سوا نتسابق فاكره كانت ماما بتمسكلنا منديل(مسحت دمعتها قبل حتى ما تنزل ريحانه نزلت راسها) لا متزعليش هى فى مكان احسن من هنا هى عند ربنا فوق واكيد كويسه عارفه انا بحب شعرك اوى اسود وطويل انا كمان شعرى زيك اسود وطويل بس انا مش بحب اطيره زيك بقولك ايه ما تيجى نتسابق ايه رأيك هل تيجى تيجى هتيجى تعالى.

فكتها وراحو وقفو عند الخط الابيض 





ملك وهى بتساعد:جاهزه يا ريحانه ريدى استدى جوووو.

جريو الأتنين وكانت ملك وريحانه نفس السرعه تقريبا وفجأة وقف قدامها حمزه

حمزه:بتعملى ايه.

ملك:حااااااسب.

وقعت عليه 

حمزه:اه يا ضهرى 

ريحانه جت ولفت حواليهم وهى بترقص.

ملك:لا ده غش هو خسرنى.

حمزه:هو مين.

ملك:انت.

حمزه:انتى بتكلمى مين.

ملك قامت بزهق:انت ايه جابك ورايا.

حمزه:زهقت قولت اشوف اى حاجه اعملها لقيتك بتجرى.

ملك:وفى حد عاقل يقف قدام حد بيجرى بالسرعه بتاعتى ديه 

حمزه:محسسانى انك سريعه اوى 

ريحانه زقته براسها لما حسيت أنه بيزعق لملك.

ملك حضنت راسها:متخافيش يا ريحانه متخافيش.

ملك لحمزه:ممكن متعليش صوتك ريحانه بتخاف من الصوت العالى.

حمزه:انتى بتتكلمى مع الحصان.

ملك:اهو على الأقل بتفهم عنك.

ركبت ريحانه:يالا .

مشيت بريحانه وسابته.

حمزه:الواحد مينفعش يتكلم معاها اصلا.

رجعت ملك على المغرب كده مع ريحانه دخلتها الاسطبل ودخلت.

ملك:ولاء الفستان وصل.

ولاء:ايوه خطبته فى اوضتك عايزه اى مساعده.

ملك: شكرا يا عسل.

طلعت ملك وهى بندندن لقيت العلبه الكبيره على السرير ولسه حمزه هيفتحها.

ملك اخدتها:متلمسهوش ده ليا.

اخدت العلبه ودخلت بيها الحمام وخرجت بعد حوالى ساعتين.

ملك خرجت وهى بتعدل الهيلز وشعرها مفرود وحاطه ميكاب ولابسه فستان بنفسجى رقيق


وقفت بفرحه وبصيت لحمزه:شكلى ايه 

حمزه:ها.

ملك:حلوه.

حمزه:اوى.

ملك حركت شعرها بغرور:عارفه 

سالته وخرجت.

حمزه:استنى.

وقفت ملك وبصيتله

حمزه:انتى انتى رايحه فين كده.

ملك:مش عارف انهارده رأس السنه

حمزه:حضرتك هتحتفلى برأس السنة يعنى طب لابسه بنفسجى ليه كنتى ألبسة احمر.

ملك؛مستنيه ايه من واحد ميعرفش عيد ميلاد أمه امتى.

سالته وم

نزلت

الجد:انتى ماشيه يا ملك





ملك بصيت فى الساعه:يا دوب ألحق عشان متأخرش اشوفك بكره الصبح يا جدو.

الجد:خلى بالك من نفسك.

ملك:حاضر متخافش.

طارق:سلام عليكم.

الجد: وعليكم السلام ورحمه الله وبركاته

ملك:طارق ايه رأيك (لفت)حلوه صح.

طارق:قمر.

ملك ضحكت: عارفه عارفه يالا عشان منتأخرش

طارق:سلام يا جدو.

الجد:سلام يا بنى 

ملك:باى (شاورت لحمزه إلى بيبصاها بضيق)

راحت وركبت العربيه مع طارق ومشيت 

حمزه خرج وركب عربيته وراح وراها

طارق وصلها للمقابر ووقف.

ملك:رحلتك كده انتهت معايا.

طارق:ايه.

ملك:قصدى يعنى انك نتمشى دلوقتى عشان عايزه انفرد بيها لوحدى.

طارق:طب انا كنت عايز اقابلها.

ملك ابتسمت:مره تانيه لما انا اكون مستعده 

طارق:تمام يا ملك إلى انتى شايفاه.

ملك مسكت أيديه:انت زعلت انت عارف انى مش بحب اى حد يدخل معايا ورغم ده انا قولتلك خليك تقابلها بس مش انهارده انا اسفه لسه مش مستعده

طارق ابتسم ورفع ايديها وباسها:هستنا هستنا ولو العمر كله.

ملك ابتسمت بكسوف:طيب انا هنزل بقا عشان متأخرش اشوفك بكره سلام.

طارق:سلام 

نزلت ملك وعملتله باى ودخلت وهو مشى.

كان حمزه بيراقبهم من بعيد وحاسس بخوف رهيب لانه بيخاف من المقابر اصلا بس فضوله خلاه ينزل ويروح وراها

ملك اول ما دخلت حطيت الورد على مقبره مامتها

ملك:ماميتو عامله ايه اسفه السؤال الغبى بتاع كل مره اكيد كويسه يعنى مش عند ربنا بصى لبست ايه فستان مش انتى




 بتحبى الفساتين عليا عدى اكتر من سبع سنين وكل سنه بفستان شكل لبست انهارده لونك المفضل والهيلز بتاعك عارفه مقاس رجلى بقا زيك مبقتش بحتاج احط مناديل فيها بقيت بلبسها عادى قعدت قدام القبر ومسكت شنطتها ضشوفى ريحانه كبيرت جبتلك صورنا كلنا اكيد وحشناكى قولت نتفرج




 عليها سوا بصى الصوره ديه جدو مكنش راضى يتصور قومت انا عملت ايه زغزغته فى بطنه لحد ما ضحك ولقطتهالك وديه ولاء طيبه وعبيطه زى زمان متغيرتش ده انا حتى لسه ضاربه بنت كانت بتتنمر عليها عارفه هتتضايقى وتقوليلى انتى بنت




 وغلط لكن اعمل ايه ديه طبيعتى مبحبش اشوف غلط واسكت عليه وبصى ديه ولاء أهداها وانا بخترع كيكه بصى شكلى كنت كلى دقيق وحاجه مزريه قولتلك انا مليش فى المطبخ وولعت فيه مره بصى ديه وشى اسود ازاى كنت بخترع صنيه




 بطاطس برضو جدو ساعتها مناعنى اقف فى المطبخ نهائى يدخله اخد منه التفاح وأخرج ولسه زى مانا مخلصه مخزون التفاح انا وريحانه صحيح ريحانه بتسلم عليكى وبتقولك وحشتينى جدا هتقوليلى فهمتها ازاى هقولك اننا بينا تفاهم زهنى بنفهم بعض من غير ما نتكلم 

(نامت جمب الترب)بس عارفه وحشنى زمان اوى كنا كلنا سوا بحاول اعمل زيك وأجمع العيله كتير ومخلهمش ينسو بعض بس مهما اعمل مش هعرف اعمل زيك (حطيت إيديها على الورد إلى على المقبره بابتسامه)انتى وحشتينى اوى لا مش




 هعيط انا وعدتك مش هعيط صحيح يا ماما بصى لقيت ايه فى الصور القديمه صورتك وانتى بترقصى بليه انا مش بعرف بس هحاول الف زيك لحظه(قامت وقفت بابتسامه وقلعت الهيلز وبقيت تدوخ على رجل وحده بس كانت بتقع كتير




 وتضحك بس بتفضل تحاول لحد ما تعبت ونامت على الأرض تانى) تعبت خلاص ماما انتى بطله بجد عمرى ما هعرف اعمل زيك عشان كده مش هتعلم لان انتى مفيش زيك يا حبيبتى وكمان يعنى انا بلبس الفساتين الى مش مريحه ديه والهيل




 إلى بيوجع الضهر ده عشان بس انتى كنتى بتحبينى البسهم لكن ده اصلا مش طبيعتى عارفه هتقوليلى محدش هيبص فى خلقتك والكلام ده بس يا ماما الى بيحب حد بيحب شخصيته وعيوبه قبل مميزاته شوفتى بقيت بتكلم عن الحب ده كمان مش طبيعتى تفتكرى ممكن اتغير (اتنهدت) الموضوع هنسيبه




 للقدر والوقت محدش عارف بكره هيحصل ايه بس عايزه اقولك ان طارق حبنى بطبيعتى زى مانا مش محتاجه أمثل وانا معاه واكون على غير طبيعتى زى ما بيقولو كل حله وليها غطاها شوفتى بقيت بقول أمثال كمان.

حمزه:يا بختها.

ملك قامت بغضب:انت ايه جابك هنا جاى ورايا

حمزه:شوفتى شوفتى فهمتى غلط ازاى

ملك:امال ايه جيت بالصدفه.

حمزه:بصدفه فعلا انا كنت جاى اسلم على حماتى.

ملك:امشى من هنا مش عايزاها تشوفك

حمزه:مش بمزاجك وله ايه يا حماتى بتقولى ايه اه سمعتى.

ملك:سمعت ايه انت مجنون

حمزه:الله يسامحك حماتى بتقول عايزه تتعرف عليا.

ملك:حماتك!!

حمزه ساقها وراح قعد قدام الترب:أما يا حماتى جاى اشتكيكى وانتى لازم تجيبيلى حقى ينفع بنتك كسرتلى دراعى مرتين لدرجه مش حاسس بيه

ملك:ماما خشرحلك هو إلى ابتدأ كان عايز يضربنى وشدنى من شعرى وانتى عارفه مش بسكت لحد .

حمزه:بتقولك ولو لازم تحترم جوزك.

ملك:بس انتى يا ماما قولتيلى المحترم بيجبر اى حد يبقا محترم معاه لكن ده مش محترم اصلا كان عايز يعتدى عليا انا بنتك الوحيدة

حمزه:بتقولك انتى إلى عصبتيه وتستاهلى اصلا يا حماتى ينفع واحده متجوزه تبوس واحد مش جوزها قدام جوزها ده احترام.

ملك:انا بحب طارق وهو بيحبنى ده اصلا مش بيحبنى ده انسان مقرف اصلا.

حمزه:شايفه يا حماتى لسانها طويل ازاى





ملك:هو ده إلى عندى مش عجبك فى اتخن حيطه واخبط راسك فيها عشان مش هممنى اصلا.

حمزه:مش عايز اتخانق معاكى عشان احنا فى ترب

ملك:ده بيت ماما مش ترب.

حمزه بصيلها لقتها بتبصله بغضب اتنهد:خلاص بيت حماتى.

ملك:قولتلك ماما مش حماتك.

حمزه:خلاص بقا انتى عايزه تتخانقى وخلاص 

ملك نفخت بضيق:انت ايه جابك اصلا.

حمزه لسه هيتكلم المنبه رن.

ملك:الساعه ١١:٥٩ امشى يالا امشى خلينى اعرف اجهز المفاجأة.

حمزه:اعتبرينى مش موجود.

ملك نفخت بضيق وقامت وخرجت ودخلت تانى بورده زرقاء نادره.

ملك اول ما دخلت كانت الساعه١٢ قالت: happy new year مامتى 




حمزه يصيبها بإستغراب.

ملك نزلت جمب الورد إلى مزروع جمب المقبره وبقيت تزرع جمبه الورده الزرقاء يعتبر كل الورد المزروع نادر .

كان شعرها بيضايقها وبيطير على عينيها وهى بتزرع كانت بتفخ فيه عشان يبعد حمزه قام ومسك شعرها ورجعه لورا .

ملك بصيت ليه بإستغراب وكملت زرع.

بعد ما خلصت حمزه بقا ماسك ازازه المايه ليها وبيصب على ايديها وهى بتغسلها.

ملك خلصت وراحت عند القبر بسرعه:ايه رأيك يا ماما حلوه انتى كنتى بتحبى الزهور النادره مش كده والورده ديه كانت من ضمن الورود إلى بتحبيها حبيت افرحك بيها عارفه كل سنه بعمل نفس العمله وساعات مرتين تلاته فى السنه بس مش بعرف اعمل المفاجأت ديه يا رب تكون عجبتك انا حضرت كمان المسرحيه إلى بتحبها نزلتها على اليوتيوب عشان متقطعش كتير بسبب النت.

قعدت وفتحتها وبصيت لحمزه.

ملك:هتفضل واقف كده وله هتقعد تتفرج معانا

حمزه ابتسم وراح قعد جمبها.

ملك شغلتها

حمزه بفرحه:ديه مسرحيه كده اوكيه ديه مسرحيتى المفضله (وانا كمان🥰😍)





ملك:ديه مسرحيتنا انا وماما المفضله اسكت بقا عشان لتبدأ.

حمزه قرب منها وهو متابع المسرحيه بحماس وكأنها اول مره.وبعدالمسرحيه الطويله كان حمزه نام على الارض ملك ضحكت عليه ونامت هى كمان وهى حاطه ايديها على مقبره مامتها تانى يوم صحيت على صوت طارق

طارق بغضب:ملك انتى بتعملى ايه وده ايه جابه هنا ده انتى مرضتيش تتدخلينى معاكى هنا تدخليه هو .

ملك بضيق:ايه ده على الصبح 

حمزه بنفس الضيق:صوته عالى اوى 

ملك:مش كده ......بصيت ليه بصدمه وبصيت لنفسها 

كانت نايمه وساندخ راسها على صدره وفى حضنه 

ملك قامت بسرعه:طارق هشرحلك .

طارق سابها وخرج

ملك:يا طارق استنى لحظه فين الهيلز يا ربى 

لبسته وخرجت وراه كان هو ركب العربيه بتاعته ومشى 

حمزه وهو بيتاوب:فى ايه.

ملك بصيت ليه بغضب شديد وعيون حمرا 



                   الفصل الثالث من هنا

لقراة باقي الفصول من هنا


تعليقات



حجم الخط
+
16
-
تباعد السطور
+
2
-