الحب والخيانه
بقلم آلاء منيب
الفصل الرابع
حور : انت انت بتعمل ايه هنا وعرفت مكاني ازاي
محمد :حور انا عارف بيتك من زمان من اول يوم شفتك في حبيتك رغم لبسك اللي كنتي لبسا إلا أن انتي مش شبهنا انتي نضيفه اووي ي حور من جوا بجد
حور : شكرا ي محمد وفعلا انا طلعت مش شبهكو ودي كانت صفحه وقفلتها من حياتي وبتمني ان ربنا يغفر لي زنوبي ويتقبل توبتي
محمد : يارب ي حور بس انا جاي عاوز اقولك حاجه
حور : اتفضل
محمد : حور انا ااانا بحبك ي حور ومش هيستني جوابك دلوقتي وهسيبك براحتك
حور قد الكلام نزل عليها كصاعقه : انت بتقول ايه انا اسفه ي محمد انا خلاص دوست ع قلبي و مش هفتح قلبي لحد تاني
محمد : حور اسمعيني انا مش زيو
حور : مش زي مين وانت عرفت الحكايه دي ازاي هماا اللي بعتينك صح ه هي اللي قالتلك تكسر قلبي تاني
محمد بتوتر : بصراحه ي حور هي ف الاول طلبت مني اعمل كدا وكانت عاوزاني انهيكي خالص بس انا والله حبيتك
حور بصدمه ووجع : حررررام عليكو س سبوني ف حالي بقي ابعدو عني
محمد بقلق ع حاله حور : ممكن تهدي انا جمبك
حور وقد فقدت أعصابها وهتفت بصراخ : ابعد عني ابعد عني وسبني ف حالي بقي سبوني ف حالي انتو عاوزين مني ايه حرررررام عليكو بقي
محمد وحاول انو يهديها
محمد: حور هي مش هتاذيكي صدقيني طول م انا معاكي وجنبك
حور : ابعد عني وسبني ي محمد بقي انا تعبت بجد
في الوقت دا كانت أسماء راحه لحور وهي طالعه ع السلم سمعتهم وقلقت ع صاحبتها اووي
اسماء طلعت وشافت محمد واقف مع حور
اسماء : انت مين ي جدع انت وعاوز ايه اتفضل امشي من هنا
حور بدموع و وجع كبير : اسماء خالي يمشي ونبي انا مش عاوزة اشوفو ي ياسمين هي اللي بعتا ي اسماء ياسمين عاوزة تضمرني اكتر خالي يمشي ونبي
حور قالت جملتها الأخيرة ووقعت ع الأرض مغمي عليها
محمد بخضه ع حور : حور شيليها معايا ي انسه بسرعه تعالي نوديها ع مستشفي بسرعه
اسماء بقلق : طيب انزل تحت شاور لتاكسي وانا هحاول انزل بيها
محمد : طيب انا معايا عربيتي تحت هشيلها وانتي انزلي افتحي العربيه
نزلت اسماء بسرعه فتحت العربيه ومحمد نزل وحط حور ورا وركبت اسماء جمب حور وطلعو ع اقرب مستشفي
حور دخلت الطوارئ والدكتور كشف عليها وطلع قال ليهم أنها جالها انهيار عصبي وعقلها رافض اي علاج أو استجابه ومحمد واسماء قاعدين معاها لحد م تفوق
اسماء لمحمد
اسماء : استاذ محمد حضرتك ممكن تمشي دلوقتي
محمد : مش هقدر امشي غير لمي اطمن عليها
اسماء : حضرتك مينفعش كدا
محمد : هطمن عليها وهمشي ع طول
اسماء : طيب
وعما الصمت ف المكان لفترة وقطعت الصمت اسماء لمي قالت لمحمد
اسماء : ممكن اسالك سؤال
محمد : اكيد طبعا اتفضلي
اسماء : انت عرفت ياسمين منين وليه كنت هتضحك علي حور
محمد : دي حكايه طويله بس هحكيهالك
انا ابقي ابن خالت ياسمين وانا معرف عني ف العيله اني سكري وبتاع بنات درجه اوله وكنت صاحب اسر اووي ويوم قرايت فاتحت ياسمين كنت رايح بس روحت بعد اسر بشويه وكان لازم اكون موجود عشان بنت خالتي وانا بركن العربيه شوفت حور وهي نازله بتجري وتعيط ف الشارع وانا كنت عارف ان حور صاحبت ياسمين من الصور اللي ياسمين كانت بتنزلها ع مواقع السوشيال ميديا طلعت كنت اول مرة اشوف غل وحقد في عين ياسمين بنت خالتي وبعد م أهل اسر مشيو اقترحت أننا ننزل نخرج انا واسر وياسمين وطبعا وافقوا ورحنا قعدنا ف كافيه
فلاش باك
محمد : ياسمين هي حور كانت نازله بتجري وتعيط من عندك ليه
ياسمين بحقد : اصلي اخيرا كسرتها هههههه
محمد باستغراب : ازاي يعني
اسر : زي الناس ياسو حبيبتي عارفه اني بحب اتسلي بالبنات ف خالتني العب ع حور اني بحبها واخليها تتأكد اني موتيم بحبها اووي وبعد كدا عرفت اكسرها بعد م خدت معاد من باباها اني اخطبها ورحت خطبت ياسو حبيبتي بس ع فكرة ي محمد روح مش تمام ومن النوع اللي انت بتحبو
محمد : ازاي دا باين عليها محترمه
ياسمين : لا ي عسل انت تشوفها تقول محترمه تقرب منها تلقيها بتدي دروس ف قلت الادب ههههه
محمد : اممممم قولتيلي
ياسمين : حتي لو مش مصدق كمان يومين هتلاقيها ف الحانه اللي ف اخر الشارع عندنا
محمد باستغراب : وانتي كنتي مشيا معاها ليه بقي وهي أخلاقها كدا
ياسمين : عادي اصل هي شاطرة ف المدرسه
محمد :مش مرتاح لكلامك حاسو متناقض بس حلو كمان يومين وهشوف بعيني سلام بقي
ياسمين واسر : سلام ي حودا وابقي طمنا هههههههه
مشي محمد وبعد يومين فعلا شاف حور ف الحانه ولابسه لبس مش كويس بس كانت قاعده لوحدها ولمي روحت واتكلمت معاها عرفت انها مش شبهنا وان ياسمين بتكرها وبتشوه صورتها وبعد فترة عرفت كمان أن هي اللي كانت قايلا للبنات يمشو مع حور ويخلوها تروح الاماكن دي وبس ي ستي
باك
اسماء بصدمه : انا بجد بكرة ياسمين ايه دا هو في كدا هي متعرفش أن في ربنا وكما تدين تدان
محمد : انا كان نفسي حور تديني فرصه انا مش زي اسر والله
اسماء : صعب ي محمد وانسي حور استحاله حور تحبك
حور بدأت أن تفتح عيونها واول م شافت اسماء ابتسمت وبصت لمحمد وتحول وجهها لغضب
حور : اطلع برا اسماء خالي يمشي من هنا مش عاوزة اشوف وشو
اسماء : حاضر حاضر ي حبيبتي والتفتت لمحمد وقالت بعد اذنك ي استاذ محمد اتفضل انت اطمنت عليها اهو
محمد : طيب استاذن انا وحمدلله ع سلامك ي انسه حور سلام
اسماء : سلام
حور بوجع بعد م محمد مشي : اسماء هو بابا وماما محدش فيهم سأل عليا محدش رن عليكي خالص
اسماء : لا ي حور بس ولا يهمك يالا نقوم نتوضي ونصلي المغرب وبعدها نروح
حور باستسلام : ماشي ي اسماء بس هنروح اغير واتوضي هناك ف البيت
اسماء : ماشي ي حور اللي تشوفي يالا نمشي
راحت اسماء عشان تدفع مصاريف المستشفي وعرفيت أن محمد قبل م يمشي دفعهم طلعت لحور قالت يالا نروح روحت حور اتوضت وصلت هي واسماء و قعدو ذاكرو سوا والوقت اتاخر وحور قالت لاسماء تبات معاها هي بتنام ف البيت لوحدها اصلا وبكرة إجازة من المدرسه ف يصحو ويذاكرو سوا
اسماء : هقول لعمي واشرحلو الوضع
رنت اسماء ع عمها وقالت لي ووافق أنها تبات معاها وفضلت البنات تذاكر طول الليل وصلو الفجر حاضر حور و هي بتصلي الفجر وبتدعي لربنا انو يغفر لها وحمدت ربنا أنو رزقها بأسماء وقالت يارب لو هي صاحبه وافيه وبتتمنالي الخير ف خليها جمبي ع طول ولو هي زي ياسمين ابعدها عني قبل م اتخدع زي م ياسمين خدعتني
وبعد م خلصت صلاة قاعدو هي واسماء يقروا قران وبعد م خلصو اسماء قالت لحور
اسماء : حور عاوزة اقولك حاجه وخايفه من رد فعلك بس هي خير ليكي والله
حور : قولي ي اسماء
اسماء :..........