رواية صائد النساء
الفصل الخامس
والسادس
بقلم منة محمد
عند ابهم وصل الفيلا وركن العربيه ونزل بسرعه وسأل الشغاله عن امه
الشغاله: الهانم بتصلي العصر
ابهم هز دماغه: تمام معلش اقفلي البوابه اصلي نسيت
الشغاله: امرك يا دكتور
ومشت راحت تغلقها لقت عربيه وقفت قصادها: عايزه مين
ابهم لف يشوف مين لقاها مد بخطواته المتكهربه: هاله بتعملي ايه هنا
هاله نزلت زي المجنونه: انت هتسبني ومسكت فيه
ابهم شد ايدها من عليه وكمل بعصبيه: هاله انتي سَكرانه ازاي تسوقي وانتي شاربه
هاله بزعيق وصوت جهوري: انشا الله اغور مبقاش ليا حد قولت انك بتحبني انت كدبت عليا وانا عشان غبيه صدقتك
ابهم بنفعال: انا مكدبتش عليكي
هاله :انت قلت مش هتذكر الطلاق كان ده ايه تخيلات
ابهم: انتي كنتي بتتصنتي
هاله: انت مش هطلق كارمن مش كدا
ابهم: هاله شوفتي بعينك الي حصل في المستشفي مهنتي كانت هتنتهي فمن فضلك
اسمعيني ومتجيش تاني للمستشفي
هاله :طيب مش هروح المستشفي بس هاجي اعيش معاك هنا
ابهم جحظت عيونه وخرجت من محجرها: امي مستحيل تسمح بده
هاله: هتكلم معاها اوعي ودفعته بقسوه من طريقها
ابهم شدها: هاله مش ممكن
هاله جريت تقتحم الفيلا: مدام هدي مداااام هددددي
ابهم وقفها وشدها من دراعها: هاله متعمليش كدا
هاله بزعيق: مقدرش اخطي المستشفي ومقدرش اجي اعيش هنا فهمني اكون معاك فين
ابهم جزع اسنانه :هاله قلت كلامي وخلصنا
هاله بأمر وتسلط:خلاص تعال عيش انت معايا
ابهم صدمه طلبها: انسي اني اوافق ع الجنان ده
هاله بتهديد: اوكيه لو هنسي انت كمان اعتبر كل الي بينا انتهي
..........قصص منه محمد كاتب...........
قدام باب المستشفي
رغده ببتسامه: ها تحبي تاكلي ايه النهارده هسيبك تختاري بنفسك
كارمن: لقت موبيلها بيرن بصت في الشاشه لقت اسمها
رغده : مترديش عليها اتجاهليها
كارمن اخدت نفس تضبط اعصابها وفتحت الخط
رغده بنهر: ليه بس تردي عليها
كارمن بصوت جامد: عايزه ايه
هاله فتحت الكام وبتلعب في خصل شعرها الطويله: ابدا كنت عايزه اسألك ان كنتي في البيت ولا لاء
رغده نهرتها بصوت عالي:مالك انتي بجد انتي مريضه سرقتي جوزها مش حاسه بالوقاحه وقله الادب
كارمن حطت ايدها ع شفايف رغده كفايه (بصت للكام لهاله) عايزه ايه؟
هاله طلعت برا الغرفه وصدرت الكام ع ابهم الي واقف مشمر كمام قميصه وواقف يحضر السفره
كارمن حست بشعور يدمي وحست بوجع في قلبها وشبت نار تلتهم ضلوعه
رغده: بجد انتي واحده جريئه وقادره عشاني تعملي كدا
كارمن الدموع اتحجرت جوه عدسه عيونها: في ايه تاني
هاله ببتسامه صفرا: انا بس حبيت اقولك متستغربيش لما متلقيش هدومه لانه قرر يعيش معايا ههه انتي معاكي عقد جواز بس انا عندي القالب بحاله ده يبقي تعادل تاخدي حته الورقه ونامي معاها وانا هنا
هنام في حضن ابهم باي
رغده بنفعال وحرقه :يله ياكارمن نروح ناخد هدومك وانا هاجي معاكي واذا اعترضت حماتك انا هضربها بنفسي يله
كارمن: اسفه يا رغده هتاكلي لوحدك
رغده :رايحه فين
كارمن محتاجه اكون لوحدي
رغده: اجي معاكي
كارمن بصتلها بنظرات تايهه زايغه ومشت بخطوات تايهه وحاسه بشعور الضياع وخيبه الامل
رغده هزت دماغها باسي: لاحول ولا قوه الا بالله
..........قصص منه محمد كاتب........
طلعت علي الملهي الليلي وقعدت وجبينها عمال يفرز في عرق وعيونها تحدف في دموع مسحتها جبينها بضعف وضمت نفسها بحزن كبير وغمضت عيونها بقوه وهي تقاوم دموعها
قرب منها المتر الي قلق من شكلها وسألها: انسه انتي بخير
كارمن: اه انا بخير ...بخير
المتر: تمام
كارمن رفعت عيونها ع الصنيه: استني ثانيه
المتر: افندم
كارمن: ايه ده الي ع الصنيه
المتر: ده مشروب جامد عليكي مش هتقدري تتحمليه
كارمن بسخريه: ليه هيموتني
المتر: لاء بس هيدخلك في حاله سكر قبل حتي ما تعرفي انك سكرتي
كارمن: هات واحد ولا اقولك هات اتنين
كارمن اخدتهم منه وشربتهم ع دفعه واحده وبعد عده ثواني ووقعت ع الكنبه الي قاعده عليها
نوح دخل وقرب منها لما المتر اتصل بيه لانه شافها معاه قبل كدا لقاها نايمه او تايهه حرفيا مش حاسه بالمولد الي حواليها
نوح قعد ع ركبه ونص قدامها ورفع خصلات شعرها ع ملامحها البريئه الجميله لكن حزينه حس بالشفقه عليها مسح دموعها وهمس قالها: انتي حاليا مش قويه وضعيفه وهشه ازاي هترجعي البيت لو انا مكنتش هنا
جاب كاس ميه ومسح ع وشها بحنيه كمحاوله يفوقها وخبط بأيده ع خدها برفق: كارمن(هز كتافها) كارمن
اخر ما يئس انها تصحا اخدها لحد بيته ودخلها ونيمها ع اول كنبه قابلته في الصاله حطها لقاها تتألم بقوه منظرها يقطع القلب قام جاب شرشف خفيف وغطاها شويه لقاه رجليها نازله علارض راح خلعها الشور
ورفع رجليها ومسك دماغها لصدره يحط مخده تحت دماغها فضل يتامل ملامحها الجميله الرقيقه نزلت عيونه ع شفايفها الممتلئه حاول يمسك نفسه بالعافيه قبل ما يلتهمهم وحكم عقله قبل ما يتهور هي بدئت تفتح عيونها ببطئ وبصتله وعيونها ماليانه بحر دموع
نوح ارتبك وقال بسرعه :اسمعي انا مش بحاول اعمل اي حاجه
كارمن بكل جرحها وضعفها ويئسها قربت شفايفها من شفايفه واخدتهم في بوسه نوح بعدها عنه بسرعه لانه واثقه انها بتتصرف من غير عقل ولا منطق هي هتقلد للي عملوه فيها وهتحذف حاجز التفكير والقيود والفلاتر ولما تفوق هتعرف انها طبقت قذرتهم تقليد أعمى هيحول حياتها لجحيم
كارمن اتعلقت في رقبته وصوتها فيه رعشه خفيفه:خليك معايا الليله
نوح هز دماغه كذا مره برفض: لاء قولت لك يمكن يكونوا اساولك لكن انتي مش لازم تنحدري لمستواهم انتي سكرانه ارجعي نامي
كارمن هجمت عليه: عايزه انام معاك اظن دفعتلك وانت عليك تنفذ الي بأمرك بيه
نوح بيحرر ايدها من ع رقبته : سبيني اوعي
كارمن متعلقه في رقبته بستماته: لاء لاء لاء
نوح قرب منها و مسح دموعها :انتي واثقه انك عايزه تعملي ده برغبتك
كارمن هزت راسها بقوه: ايوه واثقه
نوح :زي ما تحبي
ومسك وشها برقه بين إيديه ولسه هيقرب منها عشان يبوسها ...فجأه
...........قصص منه محمد كاتب.......
في الكافيه
تامر بتريقه: اظاهر سحرك لا يقاوم البنات مبحلقين فيكي انتي جنسك ايه بالظبط
خلود :انا الجنس الي فيا ممكن يضربك ع رراسك
تامر: بهزر ليه تتعصب يا عبد المجيد ع اي حال اعمليلي معاكي قهوه اسبريسو
خلود :قولي اخر مره شوفت فيها الشمس
تامر عقد حواجبه بستغراب :ليه السؤال
خلوه :يعني اصلك صاحي بدري اليوم فغريبه
تامر ضحك ببرود وهو بيبص في عيونها المستغربه :انا اصلا منمتش وحياتك طول الليل فضلت صاحي كان لازم اهتم بزبونه نوح لحد ما يشرف البيه لتتشقط
خلود :قصدك ايه
تامر اخد رشفه من الفنجان ببطئ :كان من المفروض نوح افندي يكون مع زبونه امبارح بس الاخ مظهرش ولما اتصلت بيه قالي مشغول جدا عشان كدا حليت مكانه والوليه طلعت عيوني لانه مجاش ياختي الستات هتموت عليه تقوليش بيسحرالهم
خلود ضربته ع خده جامد من غيظها
تامر فرك خده: ليه الغباوه دي
خلود بغيره وعصبيه: نوح قالك مشغول جدا
تامر: قال بس معرفش مشغول بأيه
خلود راحت مسكت الموبيل تتصل بيه ونوح رد عليها واخترعلها اي حوار وهي فضلت تستجوبه كأنه في غرفه تحقيق
نوح بملل: قلت انا بخير......كنت زهقان وتعبان عشان كدا رجعت بدري البيت..... (بعصبيه) اوه بطلي تستجوبيني
هي فاقت وماسكه دماغها بألم ركزت سمعت صوت رجالي بيكلم حد وبسرعه رفعت الغطا لقت نفسها بدون ملابسها الداخليه ولابسه قميص رجالي طويل ضمت نفسها بأيدها وصرخت بشكل جنوني: لالالالاء
هو سمع صرختها قفل في وش صديقته الي فضلت تنادي عليه لكن هو كل همه كارمن الي جري عليها زي المجنون وفتح الباب بشكل عشوائي وهي استقبلته بالمخدات وهو اغلق الباب نص قافله يتفادها
كارمن صرخت وبتحدفه بكل حاجه تطولها وبصراخ: اه يا حقير يا قذر ازاي تعمل فيا كدا لييه ليييه ليييه ازاي قدرت
نوح فتح الباب وطل بدماغه بحذر لقاها ماسكه تحفه وهتحدفه بيها وارب الباب تاني : استني دقيقه ودخل مقرب
كارمن بسرعه الصاروخ مسكت تحفه فانوس حديدي وهتضربه بيه جري وهجم ع ايدها يمنعها: لو رمتيني بدي ع دماغي انتي الي هتدخلي الحبس مش انا
كارمن :ازاي ادخل الحبس وانت الي
نوح بصلها من فوق لتحت واتك ع شفته الي تحت كارمن انتبهت لوقحته و ذقته وغطت نفسها تحت اللحاف
نوح حط الفانوس وبخبث: كنتي هتقولي ايه كملي يله سامعك
كارمن عقدت حواجبها: ازاي اتحبس وانا في حاله دفاع عن النفس
نوح :دفاع عن النفس وضحك اوي وانتي في بيتي برغبتك شوفي لو بلغتي الشرطه انتي الي هتتعكشي لانك اغتصبتيني يا شريره
كارمن بصراخ هستيري:انت مجنون انا في اوضتك ولابسه هدومك انت الي اغتصبتني
نوح حب يلعب بأعصابها ويرعبها: لاء والله نسيتي مين الي قام بالخطوه الاولي امبارح
وغمزها
وهنا افتكرت كل حاجه!!!!!!!!!!!!!
نوح ارتاح نسبيا وقرب وقعد جنبها وهي رجعت ع وري
نوح بصلها ورفع حاجب وقال بمكر: فاكره مين الي بدء ولو مش فاكره انا مستعد افكرك بالي حصل في الاوضه وع السرير
كارمن ضربته في دراعه جامد وقع من فوق السرير: بطل بطل كلام وقوم بعيد عني رفعت اللاباجوه) لو قربت مني هضربك ع دماغك بدي!!!
نوح قام بيشدها منها :اهدي بقي يا ست انتي خلينا نسيب الاباجوره مكانها ونتكلم برفعه حاجب مستفز) اصل احنا مش اغراب عن بعضينا
كارمن زقته: انت حقير وجنون
وجريت دخلت الحمام واغلقت الباب عليها بالترباس
نوح قام وراها يحاول يهديها: ارجوكي اسمعيني يا كارمن خليني اشرحك كلامي كان هزار والله احنا معملناش اي حاجه امبارح
كارمن حطت ودنها ع الباب: انت بتقول ايه
نوح: بوصي في الحوض ع الاندر والبرا يمكن تفتكري حاجه
كارمن بصت في الحوض لقت هدومها منقوعه في ميه قلبت في الهدوم بطرف صوباعها والهوم عليها اثار قيئ هنا افتكرت انها لما قربت منه تقيئت عليه
نوح: طالما هديتي كدا يبقي افتكرتي ها لسه عايزه تبلغي عني وانا حتي البوسه مختهاش
كارمن ضربت الارض برجليها بقوه وبصوت عالي: اخرس وامشي
نوح: تمام هجبلك هدوم نضيفه وخدي شور وبغلاسه طمنيني كدا مش هتبلغي عني مظبوط طبعا هيقبضوا عليا بتهمه ايه وانا البوسه مطلتهاش
كارمن من وقاحته نفسها تخرج تضربه لحد الموت شمرت الكمام وبدئت تغسل هدومها وحطتهم في كيسه وطلعت للغرفه لقته حاطط لها غيار من هدومه ع السرير لبستهم بسرعه
وطلعت تتسحب ع طراطيف صوابعها محتاجه تمشي فورا وجايه ناحيه الباب وبتبص ع وري وبتلف لقته ساند كتفه ع الجدار ومكتف ايده طلقائي اتخضت ورجعت ع وري ابتسم وعيونه مركزه ع وشها المحمر وشعرها المبتل برايحه الفانيليا
نوح بسخريه لاذعه: بتجري كدا رايحه ع القسم
كارمن: بطل الي تعيده تزيده ونزل عينك لتحت
نوح كمل وهو ينزل عيونه ويديها ظهره: طيب رايحه فين
كارمن: رايحه البيت
نوح: راجعه البيت بس انا حضرلك فطار ملوكي قهوه وتوست بالجنبه
كارمن: انا مش جعانه
نوح سحب سيجاره من العلبه وحدف واحده بين شفايفه: الفطار ده اهم وجبه
كارمن: انا كبيره وعارفه كويس
نوح : كدا كلي حته يله كلي
كارمن بصتله بغيظ وكانت عايزه تعترض بس من الجوه لما شمت ريحه الجبنه خلتها راحت اخدت توست من ع التربيزه وماشيه
نوح: استني
كارمن: عايز ايه تاني اخدت التوست
نوح: ليه متقعديش تاكلي زي الناس
كارمن: لاني مستعجله
نوح بستفزاز: مستعجله بجد ولا مش قادره تبوصي في عيوني انا اقدر اتظاهر بأني نسيت الي قولتيه امبارح
كارمن: ابعد عن طريقي
نوح: مسك ايدها: استني
كارمن: قلت ابعد
نوح: كارمن ليه بتحرجمي ع خناقه اقعدي افطري
كارمن دفعته بسيط وراحت فتحت الباب وجايه تخرج لقت ست كبيره ووراها واحده
تانيه شابه
نوح :جدتي
كارمن بصتلها برتباك وقالت :صباح الخير
الجده ردت بتعجب: صباح النور ولنوح دي صديقتك يانوح
كارمن بصتله وردت بسرعه: لاء انا مش كدا
الجده بشك:بجد ولما انتي مش كدا ليه لابسه هدومه التي شيرت ده هو بيعشق يلبسه
نوح شاف نظرات الشك والاستغراب في عيونها رد بهدوء:جدتي هي بس امبارح هدومها امبارح ادلقت عليها الصنيه وجيت هنا تغيرها فقط
كارمن: اعذريني لازم امشي اتشرفت بمقابلتك عن اذنك
خرجت بسرعه ونوح بص لجدته وراح وراها
آمنه جوه عيونها اسئله كتير :نوح استني
نوح: لحظه يا آمنه
طلع بسرعه حافي ومسك كف كارمن: كارمن ثانيه
كارمن شدت دراعها منه بشده: ليه جيت ورايا
نوح بهدوء:عايزك تديني محفظتك
كارمن بتعجب: هتعمل بيها ايه
نوح : هوقف الي خلاكي تدخلي في حاله سكر لدرجه كنتي عايزه تنامي معايا
كارمن بقهر من اسلوبه الجريئ :ياريت تقفل بوئك عن الكلام خالص ده كان امبارح وعدي
نوح بحركه سريعه سحب الشنطه وفاتحها تحت محاولتها تاخدها منه فضل يرفع ايده لفوق وهي تنط عايزه تطولها
كارمن بقهر من اسلوبه الهمجي: بطل قله حيا
نوح ضرب كف ايدها برفق: اهمدي متخلنيش استعمل ايدي طالما الذوق مش جايب
كارمن صرخت في وشه: انت عايز ايه بتفكر في ايه فهمني
نوح اتنهد وكمل بنبره غريبه:انتي عايزه ترجعي لجوزك اه ولا لاء
كارمن :تقصد ايه
نوح قرر يدعمها بكل قوته :هساعدك
كارمن مش فاهمه: تساعدني في ايه
نوح بجديه:هساعدك توقفي جري وراه واخليه هو الي يجري وراكي لحد ما نفسه يتقطع
.................
كارمن رجعت البيت طلعت في وشها وفي عيونها اتهام كبير
هدي كتفت ايدها: كنتي فين ليله امبارح وليه لابسه لبس رجالي
كارمن: كنت بايته عند واحده صاحبتي وماشيه
هدي: استني هنا لو مفكره ان الخروج طول الليل ممكن يلفت اتنباه جوزك تبفي غلطانه ده مش هيفلح ولا هينجح لو الراجل لقاه ست تانيه غير مراته معني كدا انه قرف وزهق منها
كارمن: عندك خبره في الامور دي عشان اصدقك
هدي بنظرات شرزه:ظاهر ع ملامح ابني مش محتاجه لا لخبره ولا لموهبه عشان افهم واعرف
كارمن حرفيا مش عايزه ترد لانها لو ردت هتقول كلام هي نفسها هتستغربه
هدي : اقبلي الطلاق خاليه ابني يرجع بيته ويعيش فيه ويرتاح منك يا ممرضه انا بجد مشفقه عليه مش قادر يا عين امه يعيش في بيته وسايب واحده غريبه تعيش فيه
كارمن: لو كان الغريب الي تقصديه هو انا فأنتي غلطانه انا مراته الشرعيه
هدي: انتي ذكيه اوي وبجحه برضو اوي وكمان انتي زوجه غير مرغوب فيها لو كنت مكانك كنت احافظ كرامتي وامشي
كارمن: حتي لو مكنتش مراته فـ من حقي اعيش هنا
هدي: اي حق
كارمن :انا صاحبه البيت هنا اه البيت بأسمك لكن يظهر نسيتي لما بعت ارض ابويا وجبتلك كل الي حلتي وقدمته تحت
رجلك وسعادتك تديري المصنع ووقفت معاكي نص تمن البيت ده
هدي كملت بحتقار: انتي بتلمحي اني مديونه ليكي
كارمن ابتسمت بسخريه وبرود: مش ده قصدي كل الي في الموضوع وعشان تغيظها اكتر معلش انتي ست عجوزه ويمكن نسيتي فقلت افكرك وانشطلك الذاكره وسابتها ومشت بكل شموخ وطلعت السلم متجاهله صرخات هدي
هدي بقهره :كدا وحياه امك ما هسيك وجريت ع التلفون تتصل؟؟!!!
هدي: الو ازيك يا مايسه ...عامله ايه.....انا مشتفتكيش ولا في النادي ولا في اي حفله في الفتره الاخيره خير
مايسه موجوده ياحبيبتي بس بنرتب بيتنا الجديد والله من ساع مارجعنا كل يوم ارتب حاجه
هدي: الله هي مش بنت عايشه رجعت معاكي
مايسه: اه رجعت بس حاليا معتكفه في المسجد وبعدها راحت مع اصدقائها شرم بس راجعه قريب بس ليه بتسألي
هدي: لاء ولا حاجه اصلها وحشتني اوي امانه اول ما ترجع بلغيني عشان اعملها حفله استقبال العفريته وحشاني بشكل
مايسه: شكلك عايزه تشوفيها فعلا هو فيه حاجه يا هدي
هدي: بعدين لما اشوفك هقولك يله سلام
الفصل السادس
كارمن رجعت البيت وطلعت علي طول ع غرفتها لقته واقف ع اخره قرب منها بكيل طافح: كنتي فين ليله امبارح؟
كارمن سفهته وبصتله بدون ماترد عليه وراحت غرفه اللبس وخطفت شنطه سفر وفضلت تلم هدومها بشكل عشوائي داخل الشنطه وخارجه
ابهم شدها عليه بعصبيه: انا بسألك كنتي فين ليله امبارح فضلت اتصل بيكي طول الليل ليه قفلتي تلفونك
كارمن حررت ايدها منه بكل هدوء: لما انت مرجعتش البيت اتصلت بيك ياتري رديت عليا
ابهم: بتعاقبيني يعني
كارمن رفعت حاجب وبحده: انا مش كدا بس حبيت تحس بالي حسيت بيه مش اكتر
ابهم: تمام كنتي مع مين طول الليل وقبل ما تجاوبي مكنتيش عند رغده لاني اتصلت بيها
كارمن رفعت كتافها وحبت تثير جنونه: عندك مكان بتحب تروحله انا نفسك عنندي مكان بحب ارحوله
واغلقت بسرعه الشنطه وماشيه
ابهم اتغاظ شد منها الشنطه : استني عندك
كارمن بتحاول تاخدها منه: ابهم اوعي
ابهم: ليه واخده الشنطه الكبيره دي
ابهم بدء يفتحها: خاليني اشوف فيها ايه
كارمن سحبتها منه بعصبيه ونرفزه: اوعي مالك انت لما لميت هدومك ومشيت انا مشفوتش فيها ايه عشان كدا مش من حقك تفتش في شنطنتي
ابهم جز سنانه بغيظ: كاااااارمن
كارمن: قبل ما تتهمني اسأل نفسك لو كنت ارتكبت غلط في حقي واظن انت عملت فتقفل بؤك
ابهم مستغرب مندهش طريقتها: انتي عمرك ما اتكلمتي معايا بالطريقه دي هزها جامد فيكي ايه
كارمن: ايوه عمري تخيل لاني بحبك كتير واكتشفت اني غبيه بغض النظر عن افعالك كنت دايما احطك قدامي الاول حتي لما خونتيني فضلت احاول احمي سمعتك والنهارده انت وامك ظهرتولي اني مهما حاولت عمري ما هكون كفئ ليكم وجه الوقت الي احط نفسي الاول وسابته ومشت
...........قصص منه محمد كاتب.........
قدام المستشفي
تاني يوم ركب الموتسكل ونزل منه وخلع الخوذه وعدل شعره واتصل بيها: انا هنفذ الي وعدتك بيه ....هتصل بيكي بعدين اغلق .....دخل لقاه واقف مع رغده في الممر
رغده: انا قولت لك كل الي اعرفه كارمن مكنتش معايا امبارح ولما اتصلت بيها قالت لي انها بايته عند واحد قريبها
ابهم: مين ده واسمه ايه وانتي تعرفيه
رغده هزت راسها بنفي: لاء معرفهوش اطلاقا
نوح قرب وسلم علي رغده: ازيك
رغده ببتسامه: انت تاني جاي تغير ع الجرح
نوح:لاء انا جاي هنا عشان الممرضه كارمن
ابهم اول ما نطق اسمها لف وبصله اوي
نوح حود عيونه عليه: انت جوز كارمن ايوه انا فاكرك
ابهم: ايوه فيه حاجه
نوح طلع المحفظه من جيب الجاكت الجلد الاسود: اتفضل
رغده: دي محفظه كارمن
نوح: ايوه وعايزه ارجعلها
ابهم شدها منه بغل وفتحها
نوح ببرود: اصلها وقعت منها امبارح
ابهم بستفسار: وازي لقتها
نوح: اظن لازم تسألها بنفسك اصل مش عايز اعك وانا معرفش هي قالت لك ايه يمكن كلامنا يتعارض مع بعض عن اذنكم سلام
ابهم ملامحه اتغيرت ولف وراه: استني
ممرضه جايه تجري بفزع: دكتور فيه حاله طارئه
ابهم: تمام جاي وطبعا كان نفسه يلحق نوح بس قدام شغله الي اقسم عليه اضطر يروح معاها
ورغده بسرعه اتصلت بكارمن وحكتلها ع السريع الي حصل
كارمن: وابهم قاله ايه؟؟
رغده: لما اخد محفظتك كان هيجري وراه الشاب بس فيه حاله طارئه فمقدرش يروح وراه كارمن اظن كدا مهتم بيكي
كارمن: مهتم اه مهتم
رغده: ممكن بقي تقوليلي كنتي فين ليله امبارح
كارمن: قولت لك كنت عند قريبي والاحسن متعرفيش عشان لما ابهم يسألك
رغده: طيب مين قريبك ده اعرفه
كارمن: رغده لازم ارد ع مكالمه تانيه مهمه هرجع اكلمك سلام
كارمن اغلقت مع رغده وردت: الو
نوح:الو كارمن خلصت معاه هقبلك في كافيه*** هبعتلك الموقع اشوفك واغلق ماسبلهاش حق الرفض
كارمن: الو استني نفخت بضجر يوووه قفل السكه
وقفت في حيره وتردد ورفعت عيونها وبصت للسما: ياتري اوقف ولا لازم استمر
.............قصص منه محمد..........
قاعد في الكافيه وعيونه كل شويه تروح ع شاشه الموبيل ويهز رجليه بزهق ومره واحده نفخ بضيق ورماه الموبيل ع الطاوله
خلود واقفه بتعمل قهوه رفعت عيونها وبصتله بفضول: مستني مين؟؟!!
نوح: حد من معارفي
خلود: اكيد زمانه ع وصول والمفروض تقوم تساعدني اظن الكافيه ليك فاكر ولا جالك زهايمر بدري بدري
نوح لف وبصلها بزهق: فاكر وبطلي تشتكي من فضلك
خلود قعدت جنبه ولزقت فيه: عاده لما بتقايل اي شخص كنت دايما توصل متأخر ومش بتهتم بس المره دي وصلت انت الاول لاء ومنتظر بفارغ الصبر (حركت ايدها تلعب في ياقه الجاكت )معني كدا ان الشخص الي انت مستنيه مش مجرد معارف ولا صديق ولازبونه هي اكتر من كدا بكتير
نوح رفع حواجبه: بجد فضوليه وبتفكري كتير ايه حاسه بالغيره
خلود: لاء مش حاسه بالغيره انا بس مهتمه مش اكتر وقلقانه عشان (قربت اكتر وبفضول ) اصلا لما كنت بتواعد معايا مكنتش بتهتم ابدا
نوح حط ايده تحت خده وبزعل: مش كدا بس كل الي في الموضوع انها مجاتش واتأخرت وقلقان يكون حصلها حاجه
خلود الفضول اشتغل: هي مين قولي وليه قلقان عليها بالشكل ده
نوح رفع عينه لقاها داخله قام بسرعه وخلود وزعت نظرات ما بينهم
نوح وقف قصادها: اتأخرتي ليه
كارمن اتنهدت بصوت مسموع: اخدتها مشي لحد هنا انت مستعجل ممكن تمشي هلاقي مكان ابات فيه
نوح :هتروحي فين
كارمن: عادي هدور ع اي لوكانده انام فيها
نوح :بطلي تتصرفي كأنك قويه(اخد منها الشنطه وحطها ع كتفه
كارمن: انت بتعمل ايه؟؟
نوح: يمكن تشربي واضطر اساعدك مره تانيه
خلود قطعت كلامهم: احممم هي دي الي انت منتظرها
نوح: دي كارمن وشاور ع خلود لكارمن ودي صديقتي من ايام الجامعه وشركتي في الكافيه
كارمن بتعجب: الكافيه ده ملكك
نوح هز دماغه: ايوه ليا النص فيه
خلود من تحت ضرسها:تحبي تشربي حاجه
نوح: بعدين هي مستعجله يله نمشي
كارمن ابتسمت لخلود: اشوفك بعدين
خلود هزت لها دماغها وخرجت وراهم
كارمن بتعجب منه: انت هادي بشكل غير عادي اليوم فيه حاجه حصلت
نوح بصلها: كنتي فين
كارمن عقدت حواجبها: تقصد ايه بالسؤال
نوح: انتي مكنتيش عايزه تيجي هنا مش كدا
كارمن بصتله واتنهدت بضيق
نوح: لو مش عايزه تتبعي خطتي قوليلي وانا مش هوقفك انا عارف ان خطتي يمكن تأذي مشاعر جوزك غير انك مش عايزه يفكر فيكي بشكل سئ لانك بتخرجي مع راجل غريب طول الليل
كارمن: بعترف اني فعلا متردده بس فضلت حياتي كلها ماشيه بالقواعد بعد ما اتخرجت اتجوزت وعملت كل الي بتعمله اي زوجه صالحه محترمه ولما تيجي فجأه تقولي كسري القواعد اظن حقي اقف مع نفسي اسالها اذا كان ده صح ولا غلط
نوح: فهمت يله اركبي ورايا
كارمن: موتسكل مين ده؟؟!!
نوح ببتسامه: ده ملكي ايه متفاجئه ...ده لانك ولا مره شوفتيني راكبه بس ملكي اشتريته من فتره طويله ونادر لما بركبه
كارمن: وليه مش بتركبه
نوح: لان مش معايا له رخصه (مدلها الخوذه)
كارمن اخدتها منه وجايه تلبسها معرفتش هو ابتسم وقرب منها وظبطها وحط ايده ع ايدها ايدها وهي اتحرجت وبعدت ايدها ودماغها بسرعه
نوح ابتسم ع كثوفها وثبت دماغها ناحيته: اثبتي خلاليني اظبطها
نوح بعد ما خلص طلع نظارته الشمسيه ولبسها
كارمن فضلت واقفه مكانها تتأمل وسامته وشياكته بصلها وشاورلها بدماغه بمعني تقعد وراه هي قربت بتردد وركبت ومسكت في شنطتها الي لففها ع وسطه
نوح: لو خايفه تقعي اجبري نفسك واتمسكي بكتفي
كارمن: لاء مش هقع
نوح حرك بطريقه عشوائيه متعمد عشان تلف ايدها حواليه وهي خافت ومسكت في وسطه وهو ابتسم انه نفذ غرضه
كارمن: انت متأكد انك بتعرف تسوقه اصل لو كانت سواقتك هتفضل كدا طوك الطريق مش هروح معاك
نوح: انا اسف بس بقالي فتره مركبتهوش بس هاخد بالي امسكي فيا جامد وبقوه يله
كارمن رفعت ايدها ببطئ واتمسكت في كتافه وهو حرك بهدوء
خلود طلعت شافته ونزلت دموعها بقهر
..........قصص منه محمد كاتب.......
رجع البيت ينادي ع الشغاله ويسألها فين كارمن لقاها قاعده بكل اريحيه
هاله لفت وبصتله :اهلا يا دكتور لسه راجع من الشغل
ابهم قرب منهم بهدوء وبص لهاله نظره كلها لوم
هدي بأعجاب :ابهم ليه مراتك مقلتليش يعني ان عندها صديقه حلوه وعندها عياده تجميل ومشهوره
هاله ببتسامه: لو حابه تجربي خدمتنا تقدري تتفضلي في اي وقت هكون سعيده جدا لو خليتك تجربي كل عروضنا مجانا
هدي: لاء شكرا يا حبيتي انا كدا تمام
هاله ببتسامه:زي ما تحبي حضرتك
هدي بستفسار :ابهم امال فين كارمن هاله منتظرها هي مجاتش معاك؟؟!!
ابهم بكدب:كارمن قالت هتخرج مع زميلتها واتصلت بلغتني هترجع متاخر (حود عيونه لهاله)مفيش داعي تستنيها تقدري ترجعي البيت
هدي: ايه الي بتقوله ده خليها تتعشا معانا والله قعدتها لذيذه
ابهم هي مش بتتعشا (سكت لمااخد باله ولحق نفسه) كارمن قالت لي مره كداعشان كدا هي نحيفه جدا
هدي: اه فهمت
هاله وقفت وبصتله بغيظ ورجعت بصت لهدي ببتسامه:تمام لازم امشي وهبقي ارجع اشوف كارمن وقت تاني مع السلامه يا طنط
هدي وقفت:مع الف سلامه خاليني اوصلك لحد الباب
ابهم: لاء يا ماما مفيش داعي انا هوصلها بنفسي وابتسم ابتسامه مزيفه
وخرج برا سحبها من ايدها سحب وهي اتألمت من سحبه : أأأأأه
ابهم بصوت غاضب هامس: قلت لك خالي امي خارج موضوعنا حصل
هاله: انت مش بترد ع مكالماتي
ابهم بنرفزه:كنت بشتغل كنت بشتغل
هاله بدون مبالاه: عادي رد وانت بتشتغل ابهم قولي الحقيقه انت متردد انك تسيب كارمن تمشي بس في نفس الوقت عاوزني تمام معنديش مشكله في ده ولسبب ده جيت اشوف امك لان من هنا ورايح احنا الثلاثه هنضطر نعيش كزوج مع زوجاته
ابهم مسك ايدها وشد عليهم: هي دي نكته
هاله نفضت ايده: دي مش نكته انا بتكلم بجد
ابهم :ليه كدا اتغيرتي كنتي زمان بتسمعي الي بقوله لكن حاليا مش بتسمعي غير نفسك وبس ارجعي لشقتك وبطلي جنان
هاله بردح :زمان انت مكنتش بتبعدني عنك ابدا
ابهم بحزم :امشي
هاله بصتله بحتقار وقرف وركبت عربيتها وطارت ع اول بار دخلت وفضلت تشرب لحد الثماله
الجرسون: تحبي تاخدي كاس تاني
هاله رفعت دماغها: افتح لي ازارزه كبيره
قرب منها وبصوت ساخر: اظن تم التخلص منك مره تانيه مش كدا عشان كدا بتشربي زي الشفشق فعلا مسكينه ياريتك كنتي جماد زيك زي الشفشق ده معناه انك عمرك ما هتفهمي لغه البشر
بصتله بحقد وهو ضحك اوي ومره واحده مسكت الكاس وحدفته كله في وشه وهو شهق ومسح وشه
هاله: بالنسبه لواحد حقير زيك دلق الكاس في وشه قليل عليه لازم اضربك بالكاس ع دماغك
هو مسك ايدها يمنعها وهي تصرخ انه يسيبها تضربه!!!!!
اسلام صرخ عليها: انتي مجنونه
هاله: اوعي سبني
اسلام شدها بعصبيه: تعالي نتكلم برا بلاش نفتح الدفاتر الوسخه هنا
هاله بتضربه بالشلوط: اوعي بقولك
اسلام اخدها برا وزقها ع الحيط جامد: انتي مسطوله ارجعي اتكني في البيت
هاله بصقت عليه: انت مال اهلك وامشي من هنا حالا
اسلام شدها تاني بعنف: لاء مش هسيبك ارجعي البيت انتي دايما تشربي لحد الدهوله لما يرميك الرجاله انا نفسي اسالك سؤال هي سرقه الرجاله من زوجاتهم بتخليكي مبسوطه وسعيده
هاله بتبجح: بطل مواعظ وقله ادب لو كنت افضل مني مكنتش هتبقي هنا
اسلام: انا هنا عشان احذرك كاجوزك السابق
هاله ضحكت: جوزي السابق واحد واطي زيك ميتسحقش اي لقب انا حتي مش عايزاك كأب لـ ابني
اسلام: هو ده الي انتي عايزاه تمام لو كانت سرقه الرجاله بتسعدك وتنعشك استمري في عمايلك المشينه دي
هاله: وانا هكمل ومش هخسر لازم افوز
شدته ع الحيط بعنف وقسوه: لازم اكون الاولي واكون مراته الوحيده
........قصص منه محمد.......
في مكان ترفيه دخل وسحبها من ايدها عافيه
كارمن بتتلوي في ايده: سبني انت ماسكني كدا ليه
نوح: هو انتي ع طول كدا بتخانقي دبان وشك
كارمن اففففف ونفخت بضجر: وانت مستبد وبطل تعاملني كأني طفله ساحبها في ايدك
نوح: يعني الحق عليا اني عايز ابسطك وبفكر في سعادتك
كارمن: ياريت بلاش تفكر احتفظ بأفكارك الفولاذيه لنفسك
نوح ده بدل ما تشكريني تسمعيني كلام بايخ ع العموم مضطر استحملك عشان حلاوتك
كارمن متكتفه ومعانده وهو اخدها و دخل وحط ايده الاتنين في وسطه: ايه رايك بزمتك مش ممتع
كارمن: انت ليه جايبني هنا مفيش غير اطفال وانا مش عايزه افضل هنا
نوح شدها من دراعها: استني هو اننا نلعب ونستمتع حاجه تحرجنا ولا عشان مكسوفه تبقي طفله
كارمن هزت راسها برفض: لاء انا مش مكسوفه انا ناضجه ولا يمكن اوافق ع الجنان ده
نوح ابتسم :الجنان ده بيعملوا كل الناس في وقت فراغهم ده بساعد علي تشغيل عقلك يله خاليني اساعدك ونحط الشنطه دي هنا
كارمن: انا مش هلعب بقولك
نوح مسك ايدها بهدوء وسحبها معاه كارمن حاولت تسحب ايدها منه بدون فايده
نوح بتصميم : لا هتلعبي انا دفعت التذكره
كارمن بعناد: هرجعلك تمن التذكره
نوح :لو متحركتيش معايا بالذوق هشيلك
كارمن: هتعمل ايه
نوح من غير اي كلمه رفعها ع ضهره وهي فضلت تعافر معاه وتصرخ :خلاص هلعب بس نزلني
نوح نزلها بشويش ع الارض وضحك وهي زقته في كتفه بقهر من تحكماته راح جبلها بندقيه للعب وحطها في ايديها وكتف ايده: شكلك روعه!
كارمن راحت بستسلام و لبست لبس اللعبه فانله كات بيضه وبنطلون ضيق رصاصي وحطت خوذه بلاست فوق دماغها قرب منها وبصلها كانت جميله وهي لابسه الخوذه وخصل من شعرها متمرده هربانه من الجانبين طول نظراته وبعدها بعد عيونه بسرعه
نوح بألش: ايه ده طلع عندك عضلات زي
كارمن ضربته في معدته: اخرس
نوح مثل الالم بدراميه: اه بتوجع وع فكره بقي اللعب هنا الخسران بيعزم الفايز ع وجبه
كارمن مدتله لسانها بتحدي: هتشوف ههزمك
نوح مثل الخوف: لاء خفت جدا
فضلوا يضحكوا ويهزروا ونوح بيعترف بينه وبين نفسه انه اتعلق بيها بنعومتها ضحكتها الطفوليه بر ائتها الفطريه وقدرت تستحوذ عليه وع تفكيره طول الوقت واقسم ليمحي الحزن ويبدل مكانه ضحكه حلوه لحد ما بدء الميكرفون انه هيبدء السباق فضلوا يلعبوا ونوح اتسحب وسابها تلعب مع المتسابقين وراح سحب سيجاره بهدوء وقعد يدخنها وعض ع شفايقه بتفكير وهو يفتكر اول لقاء بكارمن سمع رنه من موبيلها مسكه لقاه ابهم اتغاظ وحس انه اضايق اغلق الفون ورجعه تاني مكانه ورفع عيونه لما شافها تجري هنا وهناك وترجع تضربه بالنار وهو يضحك ويشاورلها هدبحك بعد وقت ممتع اعلنوا التوقف
كارمن بتنهج: خساره ليه خلصنا بدري وهما هيفضلوا
نوح بستغراب: سبحان الله مش كنتي مش عايزه تلعبي مفكراهم بيفتحوا لنص الليل
كارمن باحراج لانها بالفعل ومستغربه ازاي لعبت كدا وقالت له : لاء انا لعبت عشان حرام انت كنت دفعت الرسوم واكيد دفعت كتير وطبعا فلوسك مش بتلاقيهم بسهوله عشان تضيعهم بسهوله
نوح مط شفايفه كسخريه: هي دي بقي حجتك بقي مش عشان حبيتي اللعبه
كارمن شخطت فيه: انا مش بخلق حجج انا بس بشرح
نوح ابتسم: تمام تمام ها جعانه هعزمك ع العشا
كرمن بصت في الساعه: ايه ده الساعه عشره وكدا فات معاد عشايا عشان الدايت
نوح: لو مش جعانه ممكن تتفرجي عليا وانا باكل يله بينا
خرجوا وركب الموتسكل وبعد شويه وقف في شارع زحمه شويه ونزل قدامها
كارمن مسكته من دراعه: استني رايحين فين؟؟!!
نوح مسك ايدها واخدها ع دكه في الشارع قدام عربيه كشري بسيطه وطلب الاوردر واستأذنها يروح الحمام وكارمن من ريحته فضلت تاكل بلهفه
هو جه من وراها وبمرح: ايه عجبك الكشري من بائع متجول
كارمن لفت بضهرها عشان تاكل براحتها: حلو يعني مش بطال
نوح بتريقه نط في وشها : يعني مش بطال انتي فاضل شويه وتاكلي الطبق
كارمن سابت الاكل وبصت لبعيد
نوح حرك ايده قدام وشها: هييي انتي انا بتكلم معاكي
كارمن لفتله بغيظ: تمام حلو لذيذ
نوح ضحك بصوته كله: جميل ده الي كنت عايز اسمعه اظن دلوقت مش زعلانه انك بوظتي الرجيم
كارمن: انا مش باكل من بعد الساعه سبعه لانه غلط جدا نروح ننام ومعدتنا ماليانه
نوح: بجد انتي هايله تخترعي اعذار زي الاطفال
كارمن: انت مش جعان كول مستني ايه يله عشان نمشي انا تعبانه يله شهل
نوح: اشهل الله مش انتي لسه قايله لازم تستني شويه بعد الاكل قبل ما نام
كارمن بتأكيد: اكيد بس واحنا ماشين بندور ع لوكانده هنهضم الاكل
نوح: ليه لوكانده
كارمن: الله مش دي خطتك وقولت لي بلاش ارجع البيت فلو مروحتش لوكانده هنام فين
نوح: في بيتي
كارمن من تلميحه ملامحها جمدت وحطت الطبق ع الدكه وقامت بنزعاج
نوح قام وراها:كارمن استني رايحه فين؟؟؟؟ ومد وراها ومسك دراعها
كارمن شدت دراعها:هدور ع لوكاندة
نوح:ليه وسحبها من ايدها
كارمن زقته جامد:سبني انا بدءت احس بالي بعمله في الواقع بزعيق ليه اصدق واحد زيك صائد للنساء
نوح اتنهد:اسمعيني
كارمن قطعته بحده:ليه اصلن ادور ع لوكاندة انا لازم ارجع البيت
نوح: تقدري ترجعي البيت لجوزك لو كنتي عايزه تفضلي تجري وره باقي حياتك لكن لو كنتي عايزاه هو الي يجري وراكي لازم تيجي معايا يله وسحبها من ايدها تحت اعتراضها
كارمن صرخت فيه:سبني انا مش جايه معاك
شاب انتبه لمصدر الصوت قرب وسالها:مالك يا انسه
نوح زقه بخفه:مالهاش هي بخير وسحبها تاني
كارمن بتعارف تتحرر :بقولك مش جايه معاك
الشاب:قالت لك مش رايحه معاك انت ليه غتت
نوح بنفعال:ده ميخصكش
انضم شاب اخر:انت ايه مشكلتك
وهجمو عليه بالضرب لحد ما كوموه ع الارض ونزلوافيه بالركلات وكارمن حاولت تبعدهم عنه الا نهم رفضوا فضلت تثتغيث لحد ما الناس اتجمعت وقدروه يسحبوه نوح بصعوبه
نوح ماسك دماغه وضهره:اه ياوشي اه ياكلي عجبك كدا اتفشفشت مبقاش فيا حته سليمه
كارمن اخدته ع الموتسكل وقلبت في شنطتها وطلعت كحول ومسكت وشه: استني كدا
نوح: اه بيحرق اوي
كارمن :معلش استحمل
نوح كرمش ملامحه وكشر: بس بيحرق اوي اوي
كارمن :بعدين اثبت مكانك
نوح حرك دماغه برفض: لاء بيوجع
كارمن :دلوقت بيوجع وليه مخفتش من الضرب لما دخلت في خناقه
نوح بصلها وهو رافع حاجب: اظن انتي السبب في بدايتها وكأنك مصممه تسودي علينا اليوم
كارمن كاتمه ضحكتها:تستاهل قلت لك مش جايه معاك بس انت ولا كأنك بتسمع
نوح ضربها على جبهتها بشويش:ده لانك انتي الي مش بتسمعي
كارمن فركت مكان الضربه وهي قافله ملامحها: كنت هتقول ايه
نوح :انتي مشيتي قبل ما انهي كلامي لما قولت لك نامي في بيتي كنت بهزر
كارمن:بجد (ضحكت من قلبها ) ع العموم انت اخدت الي تستحقه من وراه الهزار وانت بتهز كتير لدرجه مبقتش عارفه افرق بين الجد والهزار والعلقه دي هتحرمك تبطل هزار
نوح كش ملامحه بقرفه مضحكه:ده انا لغيت معاد مع موزه عشان انقذك ده بدل ما تشكريني فرحانه فيا
كارمن اخدت نفس من الضحك وبصتله: ليه بتساعدني ومش زعلان انك هتخسر مبلغ من زبونتك
نوح عدل نفسه و بجديه :انا مش بعمل كدا عشان الفلوس
كارمن بهتمام :لما مش عشان الفلوس امال بتعمل كدا ليه
نوح نبره حزينه: لو قولت لك مش عايز اكون لوحدي بالليل هتصدقيني
كارمن :يعني لو كان معاك شخص بالليل هتسيب الشغلانه دي
نوح :ليه بتسألي ايه عايزني لنفسك
كارمن: ده يكلف كام
نوح :عايزه تدفعي لانك وحيده ومحتاجه لصديق ولا من باب الشفقه ع حالتي البائسه لو كان السبب الاخير تقدري تحتفظي بفلوسك لان حياتي مش بائسه اوي كدا يله الوقت اتأخر حوصلك
كارمن استني مقولتليش هتاخدني ع فين
نوح شغل الموتسكل: يله وهتعرفي