رواية عروس الصعيد الفصل التاسع والعاشر بقلم نورهان اشرف

رواية عروس الصعيد

 الفصل التاسع والعاشر

 بقلم نورهان اشرف

فى بيت شيخ البلد كان يجلس بكرى أمام شيخ البلد وعلى واجهه بابتسامه وهو يقول:يا شيخ ابوي بيجولك ان العروسه جاهزه وممكن رحيم بيه يجي فى اى واجت عشان نتمم الفرح و نوجف الطار إلى داير

شيخ البلد بهدوء:وانا معنديش اى مشكله يا ولدى شوفوا انتوا عاوزين اى بس انا عندى سوال العروسه موافجه وهى بت مين فى العيله

بكرى بجديه: بنت اخويا الصغير طارج اللي كان عايش في مصر

شيخ البلد بهدوء: طارج اللي ابوك طرده من بيته هو وامراته الأجنبية لم اتجوز من غير رضاه

بكري بجديه :ايوه هو ابوي خلص كل الخلافات اللي معه و جاه هو وامراته وبت وا رجعوا البلد و هيعيشوا معنا هنا وبت موافجه ولو كنت عايز تسجلها او تعرف اي حاجه ممكن تقعدوا معها هي وابوها  و ابوي بيجولك حدد الوقت اللي يعجبك وتعال انت و رحيم 

شيخ البلد: تمام انا هروح دوار رحيم  في المساء  ونتكلم  و باذن الله بالكتير بكره هنكون عندكم بنتفق على كل حاجه تخص الجواز بس انا عندي سؤال  مين اللي هيتجوز اخت الحج رحيم حدتوه ولا لسه

بكري بهدوء :اه ابويا جال اللي هيتجوز اخت رحيم هو حمزه ولدي واحنا هانجيب لاخت رحيم اللي هي عايزه وهتعيش معنا في الدوار 

شيخ البلد بابتسامه: تمام يا ولدي وانا هفوت عليكوم بكره ونشوف اللي انتم عايزينه

🌺🌺🌺🌺🌺🌺🌺🌺🌺🌺🌺🌺

نزل رحيم من على الدرج بهدوء لا يليق سوي به فاهو برغم سمر لونه الى انه يتميز بجمال خاص به يتميز بجمال لا يوجد عند اي شخص اخر غيره برغم ان عيونه سوداء تشبه الليل الا اذا نظرت داخله تشعر براحه وحب غريب تشعر بسعاده ودفئ داخل قلبه كانت تجلس بهيه بهدوء  على الكرسي تنظر الى ابنها بحب وسعاده

رحيم بابتسامه: خير يا مابتبصيلي كده ليه 

بهيه بابتسامه :الله خير يا ولدي في ايه مش عاوزني ابصلك بحب عاد  ولا اى وبعدين ده انت حته من جلبي يا ولدي

رحيم بعشق: وانتي حته من روحي ياما بس انا برده مستغرب يعني على طول نظراتك بتكون جوهي لكن النهارده لع مليانه حاجات غريبه اول مره اشوفها من ساعه موت ابوي 

بهيه بتعب وهي تقول: ابوك مات واخذ حاجات كثير جوي معاه يا ولدي اخذ الحب والحنيه والعشج عارف يا رحيم انا عارفه ان انا جاسيه عليك انت واختك وعارفه ان انتم بتجولوا على اني معنديش جلب بس لع يا ولدي انا كل مشكلتي بس انا باحبكم و خايفه عليكم  ثم سرحت  في خيالها في الماضي الأليم وهي تقول: عارف يا رحيم لما اتجوزت ابوك حماتي اللي هي امراه عمي اللي المفروض ان انا كنت حته منها لما اتاخرت في الخلفه شويه وما جبتش حاجه بعد اول سنه جواز جالت على ارض بور ومش هبجا ام ابدا جالت على كلام محدش يقدر يستحمله خليت جلبي بيبكي بدل الدموع دم خليت جلبي يصرخ من الالم ساعتها ابوك واقف جصاد امه وقال لها اذا كان هي ارض بور انا راضى ومبسوط بها ساعتها حسيت اني فرحانه وسعيده بس جدتك  جويه جوي يا ولدي لدرجه ان دورات على عروسه عشان ابوك يخطبها  وراحت وخدتني معها عشان تخطب له وخطبتله وانا روحت معاه بنفسي فى بيت العروسه و زغرط   للعروسه بنفسي ساعتها حسيت ان حته من جلبي بتنخلع وبتبعد بعيد حسيت ان جلبي مات بجيت اضحك فى وش الناس وانا جلبى بيصرخ ويقول مليون اه كنت باضحك و حاسه ان روحي بتروح مني بس جلت عادي اهم حاجه هو راضي ومبسوط اي نعم هو مكانش ولا راضي ولا مبسوط بس مكنش حد يقدر يتكلم ولا يفتح بجوا حته جدام ستك   ساعتها رجعت الدوار وانا ريداه ادخل اوضتي وابكي علي حالي ساعتها كنت حاسه ان قلبي بيصرخ من جواه  اول ما دخلت اوضتي حسيت الدنيا بتلف بي حسيت ان عجلي بيوجف و روحي بتروح مني وجعت و جمت  على خبر الحمل لجيت الدايه واجف جنبي وبتقول :مبروك حامل جلبي راح من 

و ابوك حس بفرحه كبيره جوي ولما انت جئت على الدنيا ابوك راح فشكل الخطوبه يومها  لان ستك ماردتش انهي تفشكل الخطوبه غير لما تشوف هاجيب ولد ولا بنت وفعلا جاءت انت نورت حياتي وبقيت سندي وظهري وبعديها بشهور ماتت فاتتنى لحالى انا عارفه  ممكن يكون جلبك واكلك على مراتك ما انت بتحبها بس يا ولدي انا ماعملتش زي ستك ولا ظلمتك ولا ظلمته انا استنيت بدل السنه خمسه و سته ومفيش حاجه جاءت عشان كده انا قلتلك على موضوع الجواز يا ابني انا قلبي مش جاسي على احد ولا عمري كنت جاسيه عليكم انا بس نفسي ومنى عيني اشوف ولدك واذا كان على خيتك انا متاكده ان ربنا مش هيعمل معها حاجه عفشه وعارفه ان هي بتكرهني او فاكراني بكرها بس ربنا يعلم باللي في الجلب يا ولدي امانه عليك يا رحيم لو مت اختك تفضل امانه فى رجبتك لحد يوم الدين تفضل في عينك تحميها و تحرسها امانه عليك يا ولدي وحياه اغلى حاجه عندك 

رحيم  بحب :في اي يامه  ماتجليش كدا امانه عليكي باذن الله هتفضلي معنا و تجوزها وتفرحي بخلافها انا وهي

بهيه بدعاء: اللهم امين يا ولد 

كاد ان يرد عليها رحيم ولكن اوقفه نزول كل من رنا ونواره من على الدرج وعلى وجههم الابتسامه 

نواره بحب :يلا يا رحيم انا بالزور عرفت اجدر اجنع رنا ان هي تيجي معنا 

ذهب رحيم الى اخته وهو يضع قبله على راسها ويقول: خير يا بت ابوى ماكنتيش  رايده تيجي مع اخوكي ولا ايه 

رنا بضيق :خير هنفضل هنا نتكلم  فى حدتت  ملوش لازمه 

هزا رحيم راسه وهو يقول : يلا بينا

ثم نظر الى امه  بحب وهو يقول: لو اي احد سال عليا ابجى جوليله انى في المزرعه 

بهيه بابتسامه: حاضر يا ولدي ربنا يحميكم ويحرسكم من العين ياضي عيوني 

نظرت لها رنا بسخريه كانها تقول لها انها لا تصدق تلك الحنيه التي نزلت عليها مره واحده خرجت رنا بكل قوه من الدوار وذهبت تجاه عربيه اخيها دونا ان يرف لها جفن اما رحيم وضع قبله على راس امه ونظر الى نواره بابتسامه وهو يقول :يلا بنا

خرجت نواره هي و رحيم من الدوار اما بهيه نظرت لهم بحزن فهي تعلم ان ابنته تظن انها قاسيه وليس له قلب ولكن في الحقيقه هي تخاف عليها وتعشقها ولا تريد سوى الخير لا ابنتها وابنها هي تعلم ان ابنتها تشعر انها امراه بلا قلب وليست  لها اي مشاعر من مشاعر الامومه ولكن في الحقيقه هي تخاف علي ابنتها وعلى ابنها  تريد لها الصالح لابنائها وليس الطالح دعت  الله وهي تقول: يارب حنان قلبها علي يارب انت اللي عالم بكل حاجه وانت عارف اني مش عاوزه غيرير الخير لبنتي مش عايزه اقل من كده انت اللى عالم يارب

🌺🌺🌺🌺🌺🌺🌺🌺🌺🌺🌺🌺

في غرفه طارق وجانيت كان يجلس طارق على الفراش وهو ينظر الى جانيت باستغراب لا يصدق انها تجلس على الفراش بكل هدوء طارق باستغراب :مالك يا جانيت بعد ماكنتى عاوزه تهدي الارض على الكل بقتي ساكته ومستسلمه للامر الواقع ايه اللي حصل عشان تغيري رايك وتفكيرك 

جانيت بجديه: بقولك ا  يا طارق انا عملت حاجه مش عارفه انت ممكن تزعل عليها ولا لا او ممكن تضايق ولا لا بس انا عملت كده عشان خاطر بنتي 

طارق باستغراب: ايه يا جانيت اللى عملتي  قولي عشان ابقا عارف

جانيت بقوه: انا كلمت السفاره وقلتلهم ان انا مخطوفه انا وبنتي

توسعت عيون طارق من تلك الكلمات وهي تقول :انتى اتجننتى يا جانيت اى اللى بتقوله ده

جانيت بهدوء : لا بس انا كان لازم اعمل كدا عشان خاطر بنتى   انا مش هستحمل ان ابوك يعمل حاجه في بنتي يا طارق 

طارق بقوه :ماشي انا ماقلتش حاجه بس اللي عاوزه فهمه ازاي تعملي كده انتى عارفه اللى عملتيه ده اى انتى كدا عاوزه تموتى  ابويا انا اه بحبك  انتي وبنتي وانا ما اقدرش استغنى عنكم بس ابويا حاجه مهمه اوي عندي ومقبلش ان حد يعمل فيه كدا ولا يكسره بالمنظر ده ده ممكن يموت بحسرته  

جانيت بغضب: اللي يقول يقول انا مش فارق معي حد انا اللي فارق معي بنتي مش اكثر من كده وعلى العموم انا اصلا كلمت السفاره وكمان كلمت اخواتي واخواتي حجزوا على اول طياره وهيجوا ياخدوني انا وبنتي طارق  انا مش هقبل اعيش ولا انا ولا بنت هنا دقيقه واحده وانت تقدر تيجي معانا ونبدأ حياتنا هناك زاى ما بدأنا قبل كدا 

مسح طارق على وجهه بغضب وهو يقول :انا عاوز افهم انتي بتفكري ازاي عاوزه افهم انتي بتعملي كده ليه 

جانيت بسخريه: معقوله ده كله مش عارفه انا باعمل كده لي معقول  مش مهم يا طارق تفهم  اهم حاجه انى همشي انا و بنتى من هنا 

كدا أن يصؤاخ طارق في وجهها ولكن اوقفهم دخول جنه و على وجهه ابتسامه وتقول: ايه يا بابا مالك يا ماما 

جانيت بابتسامه: مفيش حاجه يا روح ماما انتي كنتي فين 

جنه بحب :انا كنت انا واحمد  في الجنينه في حاجه 

جانيت بهدوء: لا يا قلبي مامي ما فيش حاجه انا بس كنت عاوزه اعرف انتي فين ولكن اشتمت رائحه كريهه فنظرت الى جنه بغضب وهي تقول:اى  الريحه دي 

نظرات جنه الى يدها و تذكرت انها مسكت في فضالات الجاموس بيدها وهي تقولها له: اصلا وقعت في الطينه 

نظر طارق إلى يد ابنتها بقرف وهو يقول: بس دي مش رايحه طينه يا جنه انتي وقعتي في فضلات البقر 

ضغطت جنه على الشفايفها وهي تقول: اه يا بابي 

لحظه شعرت جانيت ان قلبها سوف يتوقف نظرت الى ابنتها بقرف وهي تقول: ادخلي بسرعه استحمى من القرف اللي انتي كنتي ماسكه بيدك يا معفنه

ثم نظرت الى طارق بغضب: وهي تقول ايه رايك قولى رايك في اللي حصل دوت

طارق باستغراب: طب اهدى يا جانيت مش كده 

جانيت بتعب :بقولك اى يا طارق ابوس ايدك ابعد عنى دلوقتى

ثم نظرت الى جنه بغضب: وانت يا زفته يا ادخلي اغسل القرف ده 

نظرت جنه إلى امها بغضب ثم تحركت الى  المرحاض لكى تغسل تلك الرائحة الكريهة المنبعثة من يدها كنت تسب ذلك البارد الذي جعلها تمسك تلك القمامه بيدها

🌺🌺🌺🌺🌺🌺🌺🌺🌺🌺🌺🌺

اما عند رحيم كان يسير في الحديقه وهو يحتضن خصر نواره بيده

نواره بحب :حاسه بحنيتك زي ده شويه خير يا ود عمي ايه اخبار حنيتك  دي 

رحيم بمرح :فى اى عاد يا  نواره هو انا كل شويه لازم اجولك اني باحبك وان دوت شيء عادي يا بنت عمي خلي عجلك اكبر من كده شويه هنتعب يا حجه

نواره بابتسامه: بقولك يا رحيم عاوزه اطلب منك طلب 

رحيم بحب :خير  يا بت عمي قولي  وكل طلباتك مجابه 

نواره بحب :عايزه لو حصلي اى حاجه ولو مت اوع في يوم تنساني مش عاوزه اغيب عن تفكيرك ولو لحظه مش عاوزك في يوم تجول عادي ماهي راحت عند اللي خلجها 

رحيم بغضب :ايه اللي بتقوليه ده يا نواره ده انتى كل حاجه فى حياتى اوعى فى يوم تجيبي سيره الموت على لسانك نظرات له نواره بعشق وحب وقالت :بس انا حاسه انى هروح وامشي 

رحيم

الفصل العاشر

عند محمدي كان يجلس امام ابنه بكري بكل جديه وهو يقول :عملت ايه يا بكري مع شيخ البلد 

بكري بهدوء: راحت جلتله كل اللي انت جالت عليه  يا بوي وهو هيجي هو و رحيم بكره بالكتير

محمدي بهدوء :تمام يالا اتفضل انت برا وابعت ابنك 

بكري بستغراب:انهى واحد فيهم يا حج

محمدي بسخرية :الكبير حمزه عاوزه فى حاجه مهمه جوا

نظر لها بكرى بستغراب فا ولده نعم يعشق حمزه والى حد كبير ولكن منذ ان اصبح حمزه يقف فى واجهه جده فى كل شىء كان يظن أنه الحب قل ولكن فى سوال مهم يدور داخله فى ماذا يريد ابوه ولده حمزه

أخرجه صوت محمدي القوي وهو يقول:مالك واجف كدا ليه يلا اخرج وابعت ابنك بدل مانت واجف كيف الصنام 

هزا بكرة راسه وهو يقول :حاضر يا بنى بس انا عاوز اعرف حضرتك عاوز حمزه فى اى

محمدي بسخرية:فى اى يا بكري انت هتقعد تجول ليه ولا عشان اى انا اللى جول عليه يتنفذ يلا بكري اخرج برا وابعت الولد

خرج بكرى من الغرفه وهو يشعر بغبائي اخذ يبحث عن حمزه بنظره وجده  يجلس فى المجلس ويمسك فى يده كتاب الله يقرأ فيه

ذهب لها بكرى بجديه وهو يقول:قوم يا حمزه روح لجدك عاوزك 

حمزه بستغرب :جدى عاوزنى انا ده ازاى ده 

بكري بتسأل:مش عارف بس على العموم يا خبار بفلوس بكرا يبقا بلاش بس بجولك اى يا ولد ادخل اسمع كلام جدك و شوفه عاوز اى واللى يجولك عليه جول حاضر فاهم 

هزا حمزه راسه بتعب من ولده لا يصدق ان ولده يسمع كلام ابوه لتلك الدرجه 

قام وتجاه إلى غرفه جده 

محمدي بهدوء:ادخل يا حمزه 

داخل حمزه بهدوء وهو يقول: السلام عليكم ورحمه الله وبركاته 

محمدي بابتسامه: وعليكم السلام ورحمه الله وبركاته مالك يا حمزه فيك اى

حمزه بهدوء:مفيش يا جدى انا بس مستغرب أن حضرتك عاوزنى

محمدي بابتسامه: فى اى يا حمزه انت مالك ده انت حته من جلبي ده انت اول حفيد ليا وانت عارف انك غالى عندى

حمزه بهدوء:وانت برضوا غالي على يا جدى بس ده مايمنعش ان مش كل تصرفات حضرتك بتعجبنى

محمدي بهدوء:بص يا حمزه انت اه اول حفيد عندى ده مايمنعش ان اللى انت بتجوله ده انت ملكش داخل فيه 

حمزه بهدوء:طب حضرتك عاوز اى يا جدى

محمدي بهدوء:عاوزك تتجوز اخت رحيم 

حمزه بهدوء:و ده أمر ولا اى بظبط

محمدي بغضب:جصدك اى 

حمزه بهدوء:ايوه يا جدى عاوز اعرف ده اى بظبط  

محمدى :بص يا ولد احترام نفسك وعارف انت بتقول اى 

حمزه بستغرب:انا بس عاوز اعرف السبب عاوز اعرف انت بتقولى عشان تاخد رأى ولا عشان اعرف بس يعنى يعنى عاوز تعمل معايا زاى ما عملت مع بنت عمى طارق ولأن انا مش فارق معاك 

قطعه محمدى بغضب وهو يقول:انت اتجننت انا عملت كدا عشان مصلحتك انت و اخواتكانا عملت كدا عشان اسم العيله دى انا عملت كدا عشان مترحش ولا انت ولا حد من اهلك عشان الثار ده

حمزه بغضب:عادى كان نروح عشان الثار بس مكنش نلبس طرح زاى الحريم أو عمالنا زاى ما حضرتك عملت وتخلى الحريم يدفعوا تمن غلط هما ملهمش يد فيه 

محمدي بقوه:مش انت اللى تقول ليه ولا عشان اى يا ود وبعدين مالك فاكر انى ممكن اعمل اى حاجه تضرك أو تضر بت عمك انا عارف انا بعمل اى وعشان اى وانا عمرى ما هدوء على بت ولدى عشان اى حاجه

حمزه بسخرية:امال انت عملت  اى مع ابنك ده انت دوست على ابنك اللى من لحمك و دمك مش هدوس على بته طب ازاى يعنى تيجي منين يعنى 

لم يتحمل محمدي تلك الكلمات التى نزلت عليه فصفعه محمدى حفيده بقوه وهو يقول  :انت عيال جليل الربايه 

وضع حمزه يده مكان الصفعه وهو ينظر الى جده بهدوء و هو يقول:شكرا يا جدى بس انا بقول كدا عشان اعرفك الحقيقة ابوس ايدك يا جدى افهم إللى انا بقوله ده ارجوك يا جدى بلاش تظلم بنت عمى فى حاجه هى ملهاش ايد فيها 

محمدي بجدية:اخرج برا وخالى بالك بكرا هتجعد مع رحيم عشان تتعرف عليه و الرواجيه الشرعيه 

خرج حمزه من الغرفه ام محمدى نظر الى الباب بغضب لا يصدق ان أحفاده يفكرون فيه بتلك الطريقه 

🌺🌺🌺🌺🌺🌺🌺🌺🌺🌺🌺🌺

كنت تتمشي رنا بين الزراع بكل هدوء تفكر فى الماضى ولكن اخرجها منه صوت رحيم وهو يقول بابتسامه :مالك بتفكرى فى اى

رنا بهدوء:مفيش خير اى اللى خالك تسيب مراتك وتيجي 

رحيم بحب:انا عاوزه اعرف حبيبتي مالها فيها اى عاوز اعرف حته من قلبي حزينه ليه يا رنا

رنا بهدوء:بتسال ليه وانت عارف ثم أكملت بتعب بقولك اى يا رحيم بلاش أسأله كتير بلاش واجعل قلب ليك ولا ليا خلينا كدا مرتاحين احسن ليك و ليا

رحيم بهدوء:عمر البعد ما كان حاجه حلوه عمر البعد ما كان صح وبعدين انتى روحى عارفه يا رنا لم كنتى صغيره كنتى دائما تحبي تلعبي معايا حته مش بتحبي تلعبي ب اى حاجه غير بالعب بتاعتى 

رنا بسخرية :اه وانت عملت اى بقا انت دائما صوتك عالى عليا عارف يا رحيم لم كانا صغيرين مكنتش بحبك لان دائما مما كنت دائما انت المفضل ليها كنت دائما بحس ان انت حاجه مينفعش اى حد يقرب منه حته لم انا جيت على الدنيا دى مكنتش بتحبنى نفس الحب ده

رحيم بابتسامه:طب ما بابا كان بيحبك انتى كمان بيفضلك جامد جدا و رغم ذلك انا مزعلتش وعلى  فكره يا رنا انا هقولك حاجه واحده لو انتى فكره انى مش بحبك تبقي غلطانه وانا والله مش عارفه عاوز غير راحتك وانا هطلب منك طلب واحد لو انتى اقعدتى معاه وهو معجبكيش يبقا قولى لا وانا هفشكل كل حاجه عشان خاطرك

نظرات رنا داخل عينه وهو تقول :رحيم انت بتحبنى بجد 

رحيم بصدمه:انت بتسال بجد مش عارفه اخوكى بيحبك ولا لا مش حاسه يا رنا قلبي رنا انا هقولك على حاجه واحده انتى الحاجه اللي خرجت بيها من الدنيا دى انتى عارفه يا رنا ان امك بتموت من واجع جلبها عليكى انتى عارفه انها حزينه على طريقه معاها ورغم كدا مش عارفه تتكلم امك بتحبك جدا يا رنا وهى الحاجه الوحيده اللى خرجنا بيها من آلدنيا دى بعد ابوكى عشان خاطرى يا رنا حاولى تقربي  منها يا رنا وامك اللى انتى بتقولى عليها مش بتحبك دى بتموت  فيكى بس انتى حاولى تقربي منها حاولى تفهمى هى بتعمل كدا ليه يا رنا رنا بلاش دور المظلومه دى لان ولا انا ولا انتى مظلومين فى الحكايه دى اللى مظلومين الحقيقين فى الحكايه نواره بس 

رنا بسخرية :وادام انت عارف كدا عاوز تتجوز عليه ليه عاوز تدوس عليه ليه عاوزه تكسر قلبها ليه وهى بتحبك ولا انت مش فارق معاك حبها ليك مش فارق معاك اى حاجه ممكن تدوس عليها بجزمه عشان خاطر نفسك

نظر لها رحيم بغضب ولكن أخرجه صوت صفعه نواره التى وقعت على واجهه رنا بقوه وهى تقول :اللى انتى بتقوله ده انتى اتجننتى انتى فكره نفسك مين عشان تقولى كدا لي رحيم بصي يا رنا رحيم خط احمر وبعدين انتى مالك يتجوز ولا لع دى حاجة تخصنى انا وهو بس لكن اى واحد تانى لع

نظر لها رحيم بهدوء وهو يقول:اي اللى انتى بتقوله ده يا نواره 

نواره بغضب:بس بقا يا رحيم انا مسكه نفسي بالعافيه لكن كفايه بقا انتى اه صحبتى و حبيبتي و روحي واختر بس ده ميدكيش الحق انك تعملى اللى انتى بتعملى ده  رحيم كبيرنا يعمل اللى هو عاوز يعمله وانا واثقه فى جوزى أنه عمره ما هيعمل حاجه تزعلنى أو تخلينا نخسر بعض وده الفرق بينى و بينك انا عندى ثقه فى رحيم و شايفه نفسي مش مظلومه لكن انتى بتحبي الدور ده ابوكى مات اه لكن ده. ميدكيش الحق انك تشوفى كل الناس واحشه 

ترقرقت الدموع فى اعين رنا من تلك الكلمات التى كنت تقع على اذنها مثل الخنجر الذي يغرس فى صدرها 

ام عن نواره  أكملت بسخرية عارفه يا رنا رحيم اللى مش عجبك ده هو اللى بعتنى ليكى عشان تخرجي معانا وسمع كل الكلام اللى انتى جولتى عليه ورغم ده كله قالى ده أن ده حقك و أن اللى انتى عملتى ده عشان صعبان عليكى نفسك يعنى اخوكى بيحبك ويتمنالك الخير وانتى مش بتحبي وبتكرهى عارفه يا رنا انا لو نفسي في حاجه نفسي يكون عندى اخ يحبنى زاى ما اخوكى بيحبك كدا بجد مش هعوز حاجهو تانى من الدنيا قالت ذلك ونظرات إلى رحيم بحب وتقول :متزعلش يا رحيم ولا تحت حاجه فى نفسك انت اهم حاجه في حياتى

نظر رحيم الى اخته بحب وهو يقول :تعالى فى حضن اخوكى يا رنا 

دخلت رنا داخل احضان اخوها لا تعرف لماذا لاول مره تشتم رائحه ولدها فى هدوم رحيم لاول مره تشعر براحة كبير داخل قلبها 

ام رحيم نظر الى السماء وهو يدعوا الله ان يجمع شملهم إلى البد

🌺🌺🌺🌺🌺🌺🌺🌺🌺🌺🌺🌺

فى صباح اليوم كان يقف رحيم امام المراه يرتدى ملابسه بكل هدوء وكنت تقف بجانبه نواره وهى تحاول أن ترسم على واجهه ابتسامه 

رحيم بحزن :بس بجا يا نواره بلاش تضحكى ده إذا كان انا بموت وجلبي بينخلع من مكانه مش قادر اصدق انى هتجوز واحده تانيه غيرك مش مصدق ان رايح اشوف عروسه تانيه 

نظرات له نواره بحب وهى تقول:لع انا عاوزك تفضل تضحك وتهزر عاوزك تفضل مبسوط عاوزك ترسم احلى ابتسامه على واشك وبعدين انا مش زعلانه اضحك يا رحيم ثم اكملت بحب انت عارف انا اكتر حاجه نفسي فيه أن ضحكت متغبش عن واسط ابدا

نظر لها رحيم بحب و وضع قبله على راسها وهو يقول ربنا يخليكي ليا يا نواره

نواره بعشق :ويخليك ثم أكملت بحب :رحيم انا هنزل اشترى حاجات ماشي

رحيم بهدوء:طب استنى لم ارجع واجي معاكى 

نواره بهدوء:لا انا عاوزه انزل متخفش انا مش هتاخر 

رحيم بهدوء تمام وضع رحيم قبله على راسه وهو يقول :لا اله الا الله

نواره بعشق :محمد رسول الله

خرج رحيم من الغرفه ام نواره ذهبت بسرعه لكى تغير ملابسها

🌺🌺🌺🌺🌺🌺🌺🌺🌺🌺🌺🌺

من الفصل بكرا

انا هوقف العلاج اما عاوزه اخلف نفسي فى عيال

مينفعش انتى ممكن تموتى لو عملتى كدا احنا ما صدقنا أن جسمك بدأ يتفاعل مع العلاج

انا عاوزه عيال نفسي فى طفال حته لو هموت بعديها 

                           الفصل الحادي عشر من هنا

لقراة باقي الفصول اضغط هنا