رواية بناتي حياتي الجزء الثاني2 الفصل الثالث3 والرابع4 بقلم ولاء يحيي
عامر : تحت امرك طارق بيه
طارق والصوره في ايده : عاوز معلومات عن دكتور رامي وعلاقاته في شغله وشوفلي لو ليه علاقه باي واحده كده او كده او لو فيه واحده من البيشتغله معه حطه عينها عليه
عامر بستغراب : حاضر يا فندم بس ممكن اسال حضرتك ناوي تعمل ايه
طارق بتفكير : عاوز واحده تكون قريبه منه في شغله تكون معها طول الوقت دكتوره او ممرضه وياريت لو حطه عينها عليه وعاوزه توصله فا احنا نساعده
عامر : ودا هيفيدنا في ايه
طارق بضيق : ركز يا عامر هو هيبقي تحت عنينه طول الوقت واي لحظه كده او كده نصورهم ونطلع اشاعات عليهم ان في علاقه بينهم وكل دا لازم يوصل للين لحد عندها هنا في دبي وكده يبقي المشكله دي ووجود سليم مع لين في الشغل ال اكيد هيضايق رامي هيزود المشاكل بنهم وهي وقتها هتصدق انه علي علاقه بغيرها ( ويمسك الصوره ويبص عليها اوي) هم مش هيفترقه بسهوله ولين لو حست ان رامي ليه علاقه بغيرها هتسيبه وتبعد عنه
ونروح بيت اميره وسليم كان وصل هو وعماد واتغدو كلهم سوا وبعد الغدا وهم قعدين في صاله صغيره فيها انتريه بسيط
سليم : الله عليكي يا هبه محدش بيعمل السمك دا زيك حلو اوي بجد وال الرز جميل جدا احلي رز سمك اكلته
هبه ببتسامه وهي بتبص لاميرة : الرز دا عميل ايد اميره هي ال عملته هو و السلاطه
سليم يبص لامير ببتسامه : تسلم ايدك يا ميرا انا مش مصدق انك كبيرتي وبقيتي عروسه ومهندسه قد الدنيا وكمان ست بيت شاطره
اميرة تكسف اوي وتبتسم : مش شاطره اوي يعني دول شويه رز العملتهم
عماد ببتسامه لاخته :ميرا بتعمل احلي اكل بس لما يبقي ليها مزاج
اميره ببتسامه: وبعمل شاي وقهوه وعصير حلو اوي هاااا تحب تشرب ايه
سليم : بعد الاكله الجامده دي نشرب شاي طبعا
اميرة تقوم : ثواني ويكون الشاي جهز
سليم وهو قاعد يبص حاوليه ويبتسم : البيت لسه زي ماهو متغيرش فكرني بايام الثانويه لما كنا بنعقد نذاكر هنا في الانتريه دا
هبه بضيق : مهو فعلا زي ما هو متغيرش فيه حاجه من ايام حماتي الله يرحمها ( وتتنهد وتبص لسليم وتحاول تدري ضيقها ) قولي يا سليم انت مش ناوي تجوز تاني وال ايه
سليم وشه اتغير وعماد حس بيه فبرق لهبه عشان تسكت
عماد بغيظ وتبريق لهبه : ما تقومي تجيبه فاكهه كده وال حاجه علي ما ميرا تعمل الشاي
هبه تبتسم : انا عمللكم كيكه حلوه اوي هجيبهلكم مع الشاي
عماد : كويس برده قومي هاتيها بقي
وتقوم هبه تدخل المطبخ وهي بتفكر ازي تكلم سليم بعيد عن عماد
عماد يقرب من سليم : متزعلش من هبه ياسليم انت عارف الستات غاوين يحشره نفسهم في كل حاجه
سليم يتنهد بضيق : مزعلتش من هبه يا عماد انا زعلان من العملته في نفسي وحياتي
عماد يبصله اوي: مالك ياصحبي ايه المضايقك كده
بس يقطع كلامهم دخول اميره بشاي وهبه بكيكه ويفضله قعدين ويتكلمه ويضحكه ويفتكره ايام زمان واميره عنيها مش متشاله عن سليم بس هو مش واخد باله وشايفه اميره البنت الصغيره
سليم ببتسامه : بجد انا مش عارفه اقولكم انا النهارده مبسوط قد ايه من زمان مضحكتش زي النهارده بجد رجعتوني لايام زمان
عماد بضحك : ابقي تعالي زورنا كل يوم يا سيدي واحنا نرجعك سليم بتاع زمان
سليم ببتسامه حزينه وهو بيفتكر لين : ياريت ارجع لزمان ( اميره تبصله وتشوف الحزن ال في عنيه بس متعرفش سببه ايه هي متعرفش سبب طلق لين وسليم ولا تعرف حكايتهم)
سليم وهو بيقوم يقف : همشي انا بقي وبجد متشكر اوي علي العزومه الحلوه دي
عماد : علي فين يابني لسه بدري خليك قعد
سليم : معلش ياعمده انت عارف مسافر الاسبوع الجاي ولازم اجهز كل حاجه ونقفل البيت اصل هناخد مروه معنا ومحدش هيبقي هنا ومحتاج اجيب ناس تعمل بوابات وتقفل البيت كويس
اميره بحزن : مسافر الاسبوع الجاي بسرعه كده دا انت لسه راجع مصر ملحقتش تعقد
سليم ببتسامه : اصل عندي شغل في دبي هيبداء الاسبوع الجاي ان شاء الله فلازم اسافر وكمان وامجد جوز شروق اختي لقي شغل لمروه سكرتيرة في شركه كبيره ولازم تستلم شغلها الاسبوع الجاي
عماد يحط ايده علي كتفه : ربنا معكم ياسليم ويوفقكم
هبه بسرعه بعد تفكير : ممكن ياسليم توصلني في طريقك لعند ماما ( وتبص لعماد) فرصه انكم هنا انت واميره وقعدين مع الولاد اروح اطمن عليها
سليم ببتسامه : اكيد يا هبه هستناكي تحت علي ما تجهزي
هبه ببتسامه : انا جهزه هجيب شنطتي بس ( وتجري علي اوضتها وهي بترتب افكرها عشان تفتح سليم في جوزه من اميره)
عماد : معلش ياسليم هنتعبك اصل انا طول الوقت بره في الشغل وهبه مش بتقدر تزور مامتها فمصدقت اني موجود مع الولاد عشان تشوفها
سليم : تعب ايه ياض انت اخويه يلا سلام وهشوفك قبل ما هسافر اكيد ( ويبص لاميره ببتسامه) سلام يا ميرا انا مبسوط اوي اني شوفتك وطمنيني عليكي دايما
اميره ببتسامه وحزن : حاضر وانت كمان متقطعش بينا كتير كده وتعال علي طول
سليم ببتسامه : ان شاء الله كل ما هنزل هجيلكم
هبه ببتسامه: انا جهزت خالص يلا بينا
ويمشي سليم مع هبه ال في دماغها خطه وحبه تنفذها
ونروح الفيلا عند فؤاد ال دخل الاوضه لقي مني قعده وسرحانه
فؤاد : مالك يامني بتفكري في ايه
مني بضيق : قلقانه علي لين يافؤاد
فؤاد بستغراب : قلقانه علي لين ليه مهي الحمد الله بقيت كويسه اوي وناجحه في شغلها وحياتها
مني بتنهيده: مهو دا ال قلقني يا فؤاد لين صممة تكتب كتابها بس ومتجوز عشان شغلها وهي ماشاء الله كل يوم بتنجح وتشتهر عن اليوم القبله و وبتعقد في شغلها بشهور مسافره وبعيد عنا دي كل شغلها بقي يجليها من بلاد تانيه ومشاريع كبيره بتاخد من وقتها ومجهودها وانا خايفه ل يغرها النجاح والشهره وتفضل مشغوله وتنسي نفسها وحياتها ورامي لو هيستنها سنه مش هيستنها التانيه
فؤاد بضيق : ايه الكلام دا يامني انتي لازم تفرحي انها بتكبر وبتنجح في شغلها وتشاجعيها ورامي عمره ما هيتخلي عن لين ابدا
مني : اشاجعها وقف معها بس مش علي حساب حياتها يافؤاد وال حياة رامي ال مستنيها بقاله سنين لين لازم تستقر جمب جوزها ومعه مش تسافر طول الوقت وتغيب بشهور وتسيبه لوحده انا مش بقول انها متشتغلش بس مش كل يوم في بلد لوحديها وتبعد عنه دي مش هتبقي حياة ومافيش راجل هيستحمل دا لين لازم تستقر وتاخد بالها من بيتها وحياتها
فؤاد يقرب منها : متقلقيش عليهم يا مني هم هيقدره يرتبه حياتهم بطريقه ال هتناسبهم و ومتخافيش هم عمرهم ما هيبعده وال هيسيبه بعض
مني بتنهيده : يارب يافؤاد
وفي عربيه سليم
هبه ببتسامه : انا اسفه يا سليم لو كلامي عن الجوز ضايقك
سليم ببتسامه: لا ابدا يا هبه مضايقتش وال حاجه
هبه ببتسامه : طيب بما انك مضايقتش بقي فقولي بجد انت مش ناوي تجوز تاني
سليم بحزن : انا بعتبر نفسي لسه متجوزه يا هبه انا لسه بحب مراتي ومستنيها ترجعلي وعايش علي الامل دا
هبه بصتله بستغراب : بس انا سمعت من عماد انها اتكتب كتابها علي ابن عمها
سليم بضيق وغضب : هي عملة كده عشان تديقني وتحسسني انها نسيتني بس انا عارف انها عمرها مهتنساني وال هتقدر تكون مع غيري ومش هتكمل الجوزه دي هي فتره وهتتاكد انها محبتش غيري فهتسيبه وترجعلي
هبه بستغراب : ومين قالك مايمكن هي حبته فعلا ونسيتك وعاوزه تكمل حياتها معه هو
سليم وقف العربيه مره واحده بغضب وضيق
سليم بعصبيه : لين عمرها ما هتحب وال هتكون لغيري هي مش هتقدر تنساني هي بتوهم نفسها انها تقدر تبعد عني بس انا بقي مش هسيبها لحد غيري انا عارف انها بتحبني انا وبس
هبه بخوف من غضبه : انا اسفه يا سليم مش قصدي اديقك
سليم ينفخ ويمسح وشه بايده : انا ال اسفه اني اتنرفزت عليكي بس انتي اصلك متعرفتيش علي لين ومتعرفيش هي بتحبيني قد ايه هي بس عملة كده عاوزه تأدبني عشان لسه زعلانه مني ( ويبتسم) بس انا وهي الفتره الجايه هنشتغل سوا في دبي وهفضل قدمها ومعها علي طول وهعمل المستحيل عشان تسامحني وعرفها اني اتغيرت وساعتها هي هتتاكد انها عمرها ما هتحب غيري ومش ممكن تكون مع حد تاني
ويشغل العربيه ويمشي بيها تاني وهبه قعده بتفكر ومضايقك بس ابتسمت مره واحده وبصتله
هبه ببتسامه : عارف يا سليم ايه ال ممكن يخليها ترجعلك وتتاكد ازي كانت فعلا بتحبك
سليم باهتمام : ايه ؟
هبه : انك تخليها تغير عليك وتحسسها انك هضيع من ايدها ساعتها لو بتحبك بجد هتتمسك بيك وهتسيب الدنيا كلها وترجعلك
سليم بصلها اوي : ازي يعني اخليها تغير عليه اعمل ايه
هبه ببتسامه : مش انت بتقول انها اتكتب كتابها عشان تديقك معني كده انها لسه بتحبك بس عاوزك تغير عليها انتي بقي العب نفس لعبتها و حسسها انك عشان هي رحت اتجوزت وسابتك وارتبطة بغيرك انت كمان هتنساها وهترتبط بوحده غيرها وقتها هي هتخاف تضيع منها وترجعلك جري ومتسبكش تاني
سليم يضحك اوي : ايه الفيلم العربي القديم دا يا هبه لين مش بتفكر بطريقه دي خالص
هبه بضحك : كل الستات بتفكر كده يا سليم اي ست بتحب جوزها او حتي مبتحبوش اول ما تحس ان فيه واحده ممكن تخطفه منها بتعمل المستحيل عشان ترجعه ليها وميكنش لوحده غيرها اصلها بتبقي واخدها علي كرمتها والست مبتقبلش حد يمس كرمتها
سليم يسكت شويه ويفكر في كلمها وبعد شويه يبصلها اوي : افرض ان كلامك صح مين دي الهتقبل انها تمثل دور خطيبتي
هبه بفرحه انه اقتنع : ومين قال انك هتجيب واحده تمثل انت تخطب بجد وتجوز كمان عشان لين تصدق لازم الموضع يبقي حقيقي مش تمثيل لازم تجوز و تاخدها معك وانت مسافر وتشغلها معكم في المشروع وكده لين هتفضل شيفكم قدمها علي طول وساعتها تحس انك هضيع منها وتخاف ساعتها بقي هتسيب خطبها علي طول وترجعلك انت
سليم بضيق : اتجوز! لا يمكن ابدا انا عمري ما هقدر اتجوز غير لين انا مقدرش اكون مع حد غيرها ابدا
هبه : ممكن ميبقاش جوز جوز يعني اعمل زيها كتب كتاب وبس عشان تعرف تاخدها معك وانت مسافر ( وتبصله عشان تقنعه) صدقني هي دي الطريقه ال هتخليها ترجعلك ومتفكرش في غيرك
سليم بشبه اقتناع : طب ودي مين دي ال ممكن اخطبها وتكون بتشتغل معنا و تقدر تخلي لين تتضايق منهاوتغير انا معرفش حد
هبه بانتصار : مافيش غير اميره هي ال مناسبه ليك
سليم بصدمه : اميره مين ( ويبصلها اوي) ميرا اخت عماد انتي اتجننتي يا هبه عاوزني العب بمشاعر اخت صحبي واضحك عليها
هبه : انت مش هتضحك عليها وال حاجه يا سليم وبعدين اميره انسب حد ليك وكل الشروط بتنطبق عليها اول صغيره و مهندسه زيها زيكم يعني مش واحده اقل من لين دي مهندسه زيها بظبط هتشتغل معها مش عندها و هيبقي سهل جدا عليك انك تشغلها معك في نفس المشروع ال هتشتغل فيه انت و لين وساعتها هتبقي معك قدم لين طول الوقت واميره حلوه ورقيقه واي واحده بتحب جوزها بجد هتغير عليه منها لو لقيتها قريبه منه و ساعتها لين هتخاف انك تنساها وتعمل المستحيل عشان ترجع ليك
سليم بضيق : لااااااا يا هبه البتقوليه دا صعب جدا وبعدين انا كده بظلم اميره وبخون ثقة عماد ال فتحلي بيته من سنين وواثق فيه وانا مش ممكن اخون الثقه دي واعمل كده في اخته
هبه بضيق : انت كده مش بتظلم اميره ابدا يا سليم بلعكس انت كده هتساعدها و هتفتح قدمها مجال لشغل اوسع واكبر وهيبقي عنده فرصه انها تنجح وتثبت نفسها وتغير عيشتها وتهرب من الفقر الاحنا عيشين فيه دا حلم اميره انها تسافر وتشتغل بره بس عماد كان دايما بيرفض لانها لسه بنت ومينفعش تسافر لوحدها وهي نفسها تغير حياتها وتعيش في مستوي احسن ما انت عارف الظروف يا سليم والعيشه بتعتنا عمله ازي وانت شوفت البيت وحالته احنا عيشين كلنا في شقه صغيره واميره ملهاش خصوصيه وال مكان ولادي معها في نفس الاوضه وعماد المصريف عليه كتير مصريف البيت والمدارس الخاصه ومش ملحق علي المصريف وبيشتغل شغلنتين عشان يكفي مصريف البيت والولاد واميره بتحط مرتبها كله في البيت عشان تساعدنا مش عارف تشيل وال تعين قرش لنفسها ( وتبصله برجاء) انت كده هتساعدها وتساعد عماد كمان ان ظروفنا وحياتنا تتغير وهتساعد نفسك بانك ترجع لين يعني الجوزه دي في مصلحت الكل مش مصلحتك لوحدك
سليم يسكت شويه ويقول : لا يا هبه انا مش مقتنع ومقدرش اعمل كده لا في عماد ولا اميره وكمان اخاف لين تعاند اكتر لو عرفت اني دخلت حد غيرها حياتي وترفض ترجعلي
هبه بضيق : انت حر يا سليم عموما انا قولتلك رائي وانت فكر كويس وشوف الصح وخد قرر ( وتبص قدمها بحزن ) بيت ماما هناك اهو نزلني هنا متشكره اوي يا سليم تعبتك
سليم ببتسامه : تعب ايه انت زي مروه وشروق
وتنزل هبه وهي مضايقه بس تسيب سليم محتار وبيفكر في كلامها
ونروح فيلا فؤاد ولين ورامي رجعه بعد ما قضو سوا يوم حلو اوي ورجعين السعاده والفرحه مليه قلوبهم ويدخله يلقي العيله كلها متجمعه
رامي ولين : سلام عليكم
الكل : عليكم السلام ورحمه الله وبركاته
الجده ببتسامه : حمدالله علي السلامه يا ولاد
لين وهي بتبوسها : الله يسلامك يا ناناه
رشا بغيظ: كنتم فين كده طول اليوم
رامي يخبطها علي راسها : انتي مالك يا حشريه
رشا بتصنع الزعل : انت تسكت خالص ومتكلمنيش تاني ابدا انا زعلانه منك دا انا اخوتك الصغنونه يعني كان فيها ايه لما تفسحني معكم يا رخم
لين تعقد جمبها وتبتسم : المره الجاي يا رشوي هنخرج كلنا سوا
سها بغيظ : اضحكي علينا ياختي بكلمتين هنخرج امتي وفين بقي ما خلاص احنا رجعين كلنا بكرا المنصوره وانتي كلها يومين ومسافره ورامي مستحيل هيرضي يخرجنا وانتي مش موجوده و هينشغل في المستشفي وال هيعبرنا
رامي يعقد جمب لين ويحط ايده علي كتفها : وعد مني قبل ما لين تسافر هاخدكم كلكم ونتفسح مكان ما تحبو وتختارو
البنات سوا بفرحه : هيييييييه يعيش رامي يعيش
رامي يبتسم ويضم لين ليه : كله لعيون لينو ودا بس عشان هي وعدتكم ان احنا نخرج سوا كلنا
لين تبصله ببتسامه وتقوله : ربنا يخليك ليه حبيبي
امير ببتسامه وهو فرحان ان شايف السعاده في عيون لين ورامي بس حب يرخم عليهم
امير برخمه : ايه يا عم رامي احنا قعدين يا كبير مافيش اي احترام لوجودي كده
رامي يبصله اوي ويضم لين اكتر ليه عشان يغيظه : ايوه يعني عاوز ايه انت اعملك ايه انا
امير يبصله ويرفع حاجبه : قلبك جمد بعد كتب كتاب وبطلت تخاف وعمل تحضن قدمي وال همك
الكل يضحك ولين تكسف
لين ببتسامه وكسوف : فين بابي سيلا ويوسف واسلام وسميه
نفين ببتسامه : اسلام وسميه خرجه يشترو حاجات عشان السفر
مني : وسيلا خرجه من ساعه ومرديتش تقول راحه فين وفؤاد قعد جوه بيلعب بلاي ستيشن مع يوسف وناسي الدنيا كلها
لين ببتسامه : بابي وهو بيلعب مع يوسف بيرجع طفل صغير وبيفضل يجري ويلعب زيه دا اول امبارح كانو بيتخانقه علي الكوره سوا
الكل يضحك علي فؤاد وحفيده ال بينسي روحه وهو بيلعب معه
رامي ببتسامه : وباباه وماما وعمي فايز مش شايفهم يعني اوعو تقوله بيلعبه جوه معهم
الجده بضحك : لا دول سافرو علي المنصوره هم وفاروق عشان شغلهم وسناء وايمان راحو معهم عشان ياخد بالها منهم علي ما نسافر ليهم بكرا ان شاء الله
وفضله قعدين يتكلمه ويهزره بس وهم قعدين تلفون رامي يرن ويرد ويقفل وهو مضايق
لين : خير يا حبيبي فيه حاجه
رامي بضيق : طلبني في المستشفي فيه عمليه كبيره الساعه 6 الصبح ولازم احضرها فهسافر المنصوره دلوقتي
لين بخوف : هتسافر بليل كده مينفعش تستني الصبح
رامي يبوس ايدها بحب : مش هينفع يا قلبي لازم امشي دلوقتي علي ما اوصل المنصوره وشوف الحاله وجهزها
لين ببتسامه : اوكي حبيبي ربنا معك بس سوق بشويش واول ما توصل تتطمني عليك
رامي يقوم ويشدها بايده : طيب يلا قومي معايه جهزي الشنطه
امير : متجهزها لنفسك يا شاطر ما انت طول عمرك بتحضرها لوحدك وال بقيت صغير بعد ما اتجوزت
رامي يبصله بغيظ : اه بقيت صغير ونونه كمان ( وويحط ايده علي كتف لين ويضمها) و حبيبتي راضيه ومبسوطه اطلع منها انت يا رخم
امير يرفع حجبه ويبص للين : اقعدي يالين مترحيش معه وخليه يحضرها لنفسه
لين تبصله وتبص لرامي ال عمل وش اطفال وتصنع انه زعلان
لين ببتسامه : قولتلي فين الشنطه ال هتجهز يا حبيبي
رامي يضحك ويشدها لحضنه : حبيبتي ياناس ربنا يخليكي ليه ياقلبي ( ويبص لامير ويطلع لسانه ليه)
امير بغيظ : بقي كده ماشي يا لين بتنصريه عليه
لين بضحك : لاااا متفهمش صح انا مش هجهزها عشانه دا عشان خاطر المريض ال مستنيه في المستشفي
الكل يضحك عليهم ورامي ياخد لين يروح الاوضه
وفي الاوضه ولين بتجهز لرامي شنطته
لين : هتروح علي المستشفي علي طول وال هتروح البيت ترتاح وتنام شويه انت صاحي من الصبح
رامي يقرب منها ويضمها ويلفها ليه : هروح المستشفي يادوب اجهز الحاله واوضه العمليات وهبقي انام في المستشفي شويه قبل العمليه
لين ببتسامه : ربنا يوفقك يا حبيبي وتبقي اشهر دكتور في الدنيا وخلي بالك دي اول عمليه واحنا سوا يعني لازم تنجح فيها
رامي يحضنها اوي : طول ما انتي معايه وجمبي هنجح وهبقي احسن دكتور في الدنيا
لين تكسف لانها في الاوضه معه وهو بيحضنها فتبعد عنه
لين بكسوف ووشها احمر : اممممم احط ايه تاني في الشنطه
رامي ببتسامه لكثوفها : حطي نفسك وتعالي معايه
انتي الحاجه الوحيده ال عاوز اخدها من هنا ( ويبصلها بشوق ) ما تيجي تسافري معايه دلوقتي وهم يبقي يجي الصبح برحتهم
لين تبتسم ليه بحب : انت هتروح علي المستشفي وانا هروح البيت وهبقي لوحدي انا الصبح بدري اوي هصحيهم كلهم و هنرجع المنصوره واول ما تخلص العمليه وترجع البيت هتلقيني هناك ومستنيك نفطر سوا
رامي يبوسها في خدها : مش هاين عليه ابعد عنك لحظه واحده
لين تبصله بكل حب : انت عمرك ما بتبعد عني انت دايما معايه في قلبي وعقلي ياحبيبي
رامي يقرب عشان يبوسها بس لين اتكسفت وبعدت بسرعه ورحت علي باب الاوضه
لين ببتسامه وهي خرجه من الاوضه : يلا يا دكتور شنطتك جهزه مش وقت دلع ( وتخرج بره الاوضه بسرعه)
رامي بغيظ : هتجنني بنت الايه دي علي ما تفوت السنه دي هكون اتجننت علي الاخر ااااه اعمل فيها ايه بس
ويخرج رامي ويسلم عليهم ولين توصله للعربيه ويمشي بعد ما قعد يدلع شويه علي لين وبعد ما مشي بعربيته ولين رجعه جوه البيت تلقي عربيه سيلا رجعه وتوقف وتنزل منها
لين ببتسامه: اهلا اهلا كنتي فين يا هانم لحد دلوقتي
سيلا ببتسامه وارتباك : وانتي مالك يا رخمه كنتي جوزي حضرتك
لين : انا اهم منه يا حلوه هااا كنتي فين اعترفي بسرعه
سيلا تخبطه علي كتفها : مش هقولك يا غلسه
وتدخل وتسيبها ولين تستغرب ليه سيلا مش عاوزه تقول كانت فين بس قبل ما تدخل تلفونها يرن وتلقي شوشو
لين ببتسامه : كنتم لسه علي بالي من شويه
شوشو: يا بكاشه بقي انتي فكرنا انتي زمانك غرقانه في العسل وال جينا علي بالك حتي
لين تضحك : اهو بسبب قركم دا حبيبي جاله شغل ضروري ورجع المنصوره وسبني لوحدي يا حقوده
شوشو تضحك اوي : احسن عشان تبطلي تنسينا المهم كنت بكلمك عشان تيجي تسهري معنا لان احنا مسافرين الصبح
لين : لا مش هقدر اخرج من غير رامي
شوشو ببتسامه : ايوه بقي بقيتي متخرجيش من غير حبيب القلب
لين تضحك : يابنتي بطلي قر ارحمي مش ناقصكم
شوشو : ياحبي مش قر دا حسد
لين تضحك : الله اكبر من عينكم المهم تعالو انتم اتعشو معنا هنا ونسهر سوا مع سيلا وامير والكل
شوشو : اوكي هكلم البنات وقول لطلال ونيجي
لين ببتسامه : اوكي هستناكم
وفي جناح الاء تلفونها يرن وعدي كان بيلبس وخارج فبص علي التلفون لقي رقم شوشو
عدي : الاء شوشو بتتصل عليك
الاء جيت واخدت التلفون من جمبه ورديت : ايو شوشو
شوشو : احنا ريحين نتعشا عند لين لانها مش هتعرف تيجي هي عشان رامي مش موجود هتيجي معنا
الاء تبص علي عدي ال بيلبس عشان يخرج : اوكي هاجي معكم بدل ما افضل لحالي في الجناح هجهز ولبس الولاد
شوشو: عدي مش عندك
الاء بضيق : لا هنا بس بيلبس وخارج لوحده ( وتتنهد بضيق) هروح البس نص ساعه وانزلكم
وتقفل مع شوشو
عدي : شوشو كانت عاوزه حاجه
الاء وهي ريحه جناح ولادها : بتقولي اجهز عشان هنروح نتعشا عند لين
عدي بلهفه: بجد طب يلا بسرعه انا جهزت
الاء سمعته فلفت ورجعت ليه بستغراب : جهزت لايه بظبط
عدي : جهزت عشان هروح معكم نتعشا عند لين
الاء تبصله اوي : هو مش انت كنت بتجهز وخارج لوحدك
عدي : غيرت رائي و بعدين انتي مش مقموصه اني مش بخرج لوحدي من غيركم اديني هخرج معكم اهو ( ويبصلها) اجهزي انتي و الولاد وانا هستنكم تحت
ومشي وخرج من الجناح والاء وقفه بصله بحزن وضيق
الاء لنفسها : هتخرج معنا بس عشان ريحين عندها ( وتتنهد بحزن) يارب
وتمشي الاء وتروح تلبس ولادها وتلبس وهي مضايقه وعمله تفكر تعمل ايه
لين دخلت الفيلا لقيت سيلا قعده جمب مامتها وبتكلمها بصوة واطي ومني بتضحك ومبسوطه بس اول ما لين دخلت سيلا سكتت وبصتلها بصات غريبه لين مش فهمها
لين تعقد جمب امير ونفين وتبصلهم : ميرو هو فيه ايه سيلا مالها
امير يبص عليها : مش عارف دخلت قعدت جمب طنط وبتوشوشها شكلها عمله مصيبه وال قتله قتيل
لين ونفين يضحكه
امير يبص لسيلا برخمه : خير يا سيلا بتقولي لطنط ايه
سيلا تبصله بارتبك وضيق : وانت مالك يا غلس
لين ببتسامه : والله شكلك عمل مصيبه وكنتي فين من غير ما تقولي لحد
سيلا تبصلها وتسكت بس مني ترد بفرحه
مني بضحك : كانت بتعمل تحليل مكسوفه تقولكم انها حامل
سيلا اول ما مامتها قالت الخبر عينها رحت بسرعه للين ال كانت قامت نطه من الفرح وحضنة اختها
لين بفرحه : بجد الف مبروك يا سيلا كده تقولي لمامي قبل مني يا وحشه
سيلا وهي بتبص للين بحزن : انا لسه عرفه دلوقتي
الكل يقوم يبارك لسيلا بس لين تستغرب نظرت سيلا ليها وانها مقلتلهاش اول واحده لين تزعل من جوها وتفتكر سيلا مكنتش عاوزها تعرف فتروح اوضتها بس سيلا تروح وراها علي طول
سيلا بضيق : مالك يا لين دخلتي الاوضه ليه
لين تبصلها وتبتسم بس عينها تدمع : ابدا دخلت اغير هدومي عشان شوشو والبنات جين يتعشو معنا
سيلا تقرب من لين وتحط ايدها علي وشها : انتي زعلتي مني صح
لين تبصلها بحزن : خوفتي مني يا سيلا ومردتيش تقوليلي انك حامل وخبيتي عليه
سيلا بصت ليها بصدمه ورحت حضنها اوي : خوفت عليك يالين مش منك خوفت تفتكري ايام حاملك ولادتك وبنتك وترجعي تزعلي وتتعبي
لين اتنهدت برحه وبصت لاختها ببتسامه : ازعل وانتي حامل انتي مجنونه يا سيلا دا انتي حته مني يا عبيطه وولادك هم ولادي وفرحتي بيهم اكتر منك مليون مره
سيلا تحضنها تاني ودمعها تنزل : انا عبيطه زي ما بتقولي وهرمونات الحامل بتزود العبط عندي ومش بتخليني اعرف افكر انا اسفه متزعليش بس والله كنت خايفه عليك مش خايفه منك يا هبله
لين تضحك اوي : ماشي خالص مش زعلانه بس عقاب ليكي عشان معرفتش اول واحده انا ال هسمي البيبي دا
سيلا تبصلها وتمسح دموعها وتضحك : لا ازعلي وطقي كمان كله ال اسامي ولادي محدش هيسميهم غيري
لين تضحك وتحط ايدها علي بطن سيلا بحب : مبروك يا حبيبتي ربنا يقومك لينا بسلامه وتجيبلنا نونه قمر زي يوسف
سيلا ببتسامه : عقبالك يا لين ان شاء الله لما تجوزي رامي وتجيبي بيبيهات كتير حلوين ويكونه كلهم شكلي انا بظبط
لين تضحك : انتي بتدعيلي وال بتدعي عليه يا بنتي كده مستقبل ولادي هيضيع من قبل ما يجو ال شكلك ال
سيلا تضربها ويفضله الاتنين يهزره ويضحكه سوا لحد ما يسمعو صوة شوشو والبنات فيخرجه ليهم
سيلا بضحك : اهلا بلعصابه البيت منوره
طلال ببتسامه وهو بيبص لسيلا : الكبيره وصلت اهلا اهلا يا معلمه
سيلا تضحك اوي : محدش حاسس بموهبي وبيقدرها زيك يا طلال
لين تضحك : دا مش تقدير يا سيلا دا خوف من ايدك
الكل يضحك ولين تقرب وتسلم علي اصحابه وتبوسهم بس تحس ان الاء فيها حاجه
لين بقلق : مالك يا الاء انتي كويسه
الاء بداري الحزن ال بقي مرسوم علي ملامحها وبتبتسم : انا بخير يا عروسه وحشتينا
لين تبوسها بس حسه ان الاء مش كويسه : انتم كمان وحشتوني ( وتبص لشوشو وصافي ال شورلها بعنيهم انها تسيبها دلوقتي )
ويعقده كلهم سوا ويتعشو ويهزره ويضحكه والاء قعده معهم بس عقلها في مكان تاني وعنيها علي عدي وبتابع نظراته وكلامه وهزاره واهتمامه بولاده ال مش بتشوفه من عدي غير في وجود لين ليبان الاب والزوج المثالي ويعقده معهم فتره ويقومه عشان يروحه ولين تقوم توصلهم و تسلم عليهم
لين بقلق : الاء شكلك مش عجبني فيكي حاجه انتي تعبانه
الاء ببتسامه حزينه : مافيش يا لين صدقيني انا كويسه
لين بعدم اقتناع : هسكت وعمل نفسي مصدقي و هسيبك برحتك دلوقتي بس اعملو حسابكم هنتقابل الاسبوع الجاي ان شاء الله وهعرف كل حاجه هنعمل قعده صرحه
صافي : انتي هتيجي الكويت فكرتك ريحه دبي
لين ببتسامه : ما انا هروح دبي بس هجيلكم في معادنا كل اسبوع ونتجمع سوا انتم فكرني هسيبكم تجمعه من غيري
شوشو ببتسامه : حلو اوي خالص هنستناكي وهنوزع الرجاله عشان ناخد رحتنا
ويقرب يزيد وطلال وعدي ومعهم امير منهم
يزيد ببتسامه : وفقتكم سوا ما بتريح بتتفقه علي مين ربنا يستر
لين بضحك : عليكم طبعا هي دي عاوزه كلام
طلال بضحك : ااااااه يبقي فيها مصيبه ربنا يستر
عدي بغلسه : هو فين رامي يا لين مشفنهوش يعني
لين ببتسامه : اتصلو بيه في المستشفي عنده عمليه فرح المنصوره
عدي برخمه :هو دا عيب ال تجوز دكتور بيقي طول الوقت مشغول عنها وسيبها ومش مهتم بيها وال بيبته ( الاء تبصله وتضحك بستهزاء)
شوشو بضيق : لا شوف مين ال بيتكلم عن الانشغال وعدم الاهتمام بمراته وبيته طيب خلي حد غيرك يتكلم يا عدي رامي دكتور قد الدنيا ومشغول انت بقي مبتعقدش في بيتك ليه وتهتم بمراتك واولادك
عدي يبصلها بضيق وغضب : دا دكتور رامي نال الرضا وشوشو بنفسها بدافع عنه زي ما كانت بدافع عن سليم زمان
الكل يبصله بضيق ولين تبص ل الاء ال بصتلها باعتذار وحزن
طلال يبصله بغضب وزعيق : عدي فوق لحالك واكلم كويس
عدي يبص للين ويبتسم : اسف لين انا بس خايف عليك
امير بضيق يبص لعدي : مش رامي ال يتخاف منه يا عدي علي الاقل هو في شغله مش سهران كل يوم مع واحده شكل وسيب بيته ومراته
الاء تغمض عينها بالم وحزن من كلام امير
عدي بضيق وغضب : متشكر علي العشا عن ازنكم يلا الاء
و ياخد ولاده والاء ال تمشي معه وهي حبسه دموعها
لين بحزن : مكنش في داعي يا امير لكلام دا انت جرحت الاء وزعلتها
امير يبص ليها بضيق : مكنش قصدي اضايق الاء او اجرحها ( ويبص لطلال) اسف طلال بس عدي اتغير ولازم يفوق لنفسه
طلال بضيق وحزن من اخوه : فعلا امير عدي محتاج يفوق قبل ما يهد كل شيء
يزيد : الله يهديه يلا بينا نلحقه مشان الاء و الولاد
لين تقرب من شوشو وصافي : خالو بلكم من الاء لحد ما نتجمع متسبوهاش لوحده
صافي : متقلقيش ومتشغليش بالك اتبسطي انتي وما تتاخري علينا هنتظرك
ويمشو وتدخل لين لاوضتها وهي مضايقه وعمله تفكر في الاء لحد ما تلفونها يرن فتبتسم
لين بحب : حياتي حمدالله علي السلامه
رامي وهو بيوقف العربيه وبيبتسم : وحشتيني اووووووي اوووووي
لين تضحك : لحقت اوحشك انت لسه سيبني
رامي يتنهد بحب : انتي وحشتيني من اول ما غبتي عن عنيه
لين تضحك : انا مقدرش علي الحب دا كله قلبي الصغير لا يتحمل
رامي : دا انتي بضحكتك دي ال هتوقفي قلبي
لين ببتسامه : سلامه قلبك يا حبيبي شد حيلك كده عندك عمليه يا دكتور ركز كويس
رامي : هركز وخلصها بسرعه عشان اروح وشوفك اوعي تتاخر عليه
لين : حاضر يا حبيبي انا هنام دلوقتي عشان اصحيهم بدري اوي واجيلك
رامي : وانا هخلص وارجع البيت بسرعه عشان اشوفك تصبحي علي خير يا قلبي احلمي بيه
لين ببتسامه : وانت بخير يا حبيبي
وتقفل لين ويدخل رامي المستشفي والضحكه و الفرحه مرسومه علي وشه ودخل اوضته ووهو بيلبس البلطو الابيض خبط الباب ودخل منها مساعدينه لرامي اتنين دكاتره دكتوره دينا و دكتور شادي
دكتوره دينا بلهفه : حمدالله علي السلامه يا دكتور رامي
رامي ببتسامه : الله يسلامك يا دكتوره
شادي بفرحه : مبروك يا دكتور
رامي : الله يبارك فيك يا شادي عقبالك
دينا بضيق : عروستك حلوه يا دكتور
رامي ببتسامه وهو بيعقد : تقصدي حلوه بعيوني وال بعيون الناس
شادي بضحك : هي تفرق يا دكتور
رامي ببتسامه جميله ظاهر فيها فرحته وحبه : طبعا تفرق كتير جدا
دينا بغيظ وغيره :تفرق ازي
رامي وهو بيتنهد بحب : هي في عيون كل ال يشوفها حلوه جدا بشهده الكل
شادي : وفي عيونك يا دكتور
رامي ببحب : هي الست الوحيده ال خلقها ربنا علي الارض عنيه مش بتشوف ست تانيه غيرها
شادي يسقف ويضحك : الله عليك يا دكتور دا انت وقع لشوشتك
دينا قعده سكته وبصه لرامي بضيق وغيره
رامي بضحك بصوة عالي : ايوه يا سيدي وقع لشوشتي ومحدش سمي عليه كمان المهم يلا هاتو تقرير الحاله والاشاعات مش هنعقد نرغي
ويبداء رامي يشوف شغله مع شادي ودينا ال عينها مركزه مع رامي وهتموت عليه
وفي جناح الاء عدي دخل غضبان
عدي بزعيق : انتي السبب انتي ال عمله تشتكي مني لناس ومطلعه اسرار بيتنا
الاء اخدت ولادها ودخلتهم جناحهم وقفلت عليهم
الاء بضيق وزعيق : انت طول الطريق عمل تزعق وتتخانق وانا سكته مبتكلمش بس انا لا بشتكي لحد وال بتكلم بس انت ال كل الناس بقيت تكلم عنك وعن سهرك والستات المقرفه ال تعرفهم وسمعتك بقيت علي كل لسان لا عمل اعتبار لاهلك وال ليه وال لولادك
عدي غضب من كلمها وصوتها العالي رح ضربها بلقلم وقعه علي الكرسي
عدي بغضب : والله يا الاء لو اتكلمتي معي كده مره تانيه صوتك عالي عليه مره تاني لكسر ضلوعك
ويخرج غضبان ويسيبها وهي تفضل تعيط علي حالها
وبعد شويه تلفونها رن وكانت لين فمسحت دموعها
الاء وهي بتحاول تكلم طبيعي : لحقت وحشتك انا لسه سيبكي
لين بقلق : قلقانه عليكي انت كويسه مال صوتك
الاء :بنايم الولاد وانا كويسه متقلقيش
لين بعدم اقتناع : اوكي يا حبيبتي هسيبك تنيمي الولاد وهكلمك تاني
الاء بهرب : هكلمك انا الصبح قبل السفر ( وتصنع الضحك) اصل عدي مستنيني بعد ما نيام الولاد
لين تضحك : اممممممم ايوه بقي بيصالحك اهو
الاء بحزن : طبعا مبيقدرش علي زعلي
لين ببتسامه : ربنا يسعدكم يا حبيبتي يلا مش هعطلك تصبحي عل خير
الاء : وانتي من اهلو حبيبتي
وتقفل الاء وتحت ايدها علي خدها مكان القلم وترجع تعيط علي حالها
ويطلع الصبح والعيله ترجع المنصوره ولين تدخل تغير هدومها وتتصل علي رامي ميردش فتتصل بلمستشفي
لين : صباح الخير لو سمحت دكتور رامي فريد موجود
الشخص : موجود بس في اوضه العمليات قدمه ساعه ونص تقريبا
لين ببتسامه : اوكي ميرسي ( وتفتكر حاجه) طيب لو سمحت دكتور يحيي صدقي موجود
الشخص : ايوه يا فندم لسه واصل من نص ساعه
لين ببتسامه : ميرسي مع السلامه
وتقفل لين وهي بتفكر وتقرر انها تروح المستشفي فتلبس وتنزل ووهي خارجه كان اسلام قعد لوحده في الجنينه
اسلام : علي فين يا شراني
لين تبص تلقي اسلام قعد لوحده
لين ببتسامه : انت لسه صاحي فكرتك طلعت تكمل نومك
اسلام يقوم يقف قدمها : معرفتش انام تاني ما انتي عملتي ازعاج وطيرتي النوم من عينيا مصحينا من الفجر يا مفتريه انتي ريحه فين كده
لين : هروح المستشفي لرامي
اسلام بضحك : ايه هتعملي كبسه عليه
لين ببتسامه : رحه اعمله مفاجاة مش كبسه ( وتبص لاسلام) وهقابل دكتور يحيي واخد منه التقرير القديمه وملف بتاعي كله
اسلام بهتمام : لسه مصممه تعملي ال في دماغك
لين بتصميم : ايوه وانت وعدتني مش هتقول لحد
اسلام : انا مش حابب يا لين تخبي عن رامي حاجه وتبدائي علاج وتبقي لوحدك وهو مش جمبك
لين تتنهد : احنا اتكلمنا في الموضوع دا كتير يا اسلام انا مش حبه يعيشو معايه الم وتعب تاني كفايه ال عشوه معايه زمان من دكاتره ومستشفيات وانت سمعت الدكتوره وهي بتقول ان العلاج هيكون متعب وانا مش عاوزه ابداء حياتي مع رامي وابقي تعبانه ويتعب معايه من تاني ومش حبه حد يحطه امل كبير عاوزه ابداء علاج وشوف النسبه هتعلي وهيبقي في امل وال لا وبعدها ابقي اقولهم لو لقيت في امل مش عاوزهم يتعبه ويتالمه تاني بسببي
اسلام ببتسامه : ماشي يا لين هوافق نخبي عليه بس فتره صغيره زي ما اتفقنا بس اي ان كانت الناتيجه انت وعدتيني انها مش هتاثر علي حياتك وال علاقتك برامي خليك عارفه ان رامي اخترك وهو عارف كل ظروفك وراضي بيها سواء اتعالجتي او لا
لين ببتسامه : عارفه يا اسلام وانا عمري ما هبعد عنه وال هسيبه بس انا حبه اسعده فهعمل ال عليه وهسيب الباقي لربنا هو هيعملي الخير يلا هروح انا بقي عشان الحق اقبل دكتور يحيي قبل ما رامي يخلص العمليه
اسلام ببتسامه : اوكي خالي بالك من نفسك
وتخرج لين من البيت وفي نفس الوقت كانت خرجه شروق وابنها ويقف شويه بيبصه لبعض لحد ما لين تقرب منها
لين ببتسامه : ازيك يا شروق وحشتيني
شروق تبتسم وتقرب منها وتحضنها : انتي كمان وحشتيني اوي يا لين
لين تبص لابنها ال وقف جمبها فتنزل لعنده وتبوسه : مين القمر الصغنن دا
شروق ببتسامه : دا سليم ابني
لين تقوم تقف وتبصلها وتبتسم : ما شاء الله ربنا يخليهولك انتي ريحه فين
شروق : رايحه النادي عشان سليم يلعب شويه
لين ببتسامه : طيب تعالي لما اوصلك في طريقي انا معايه العربيه
شروق : مش عاوزه اتعبك هاخد تاكسي
لين تبصله وتبتسم وتفتكر زمان لما كانت اي مشوار تروح ليها عشان توصلها
لين ببتسامه : اركبي وهاخد منك حق التاكسي
تضحك شروق : ان كان كده ماشي
وتشيل ابنها وتروح تركب مع لين ولين تمشي ويفضله شويه سكتين مبيتكلموش
بناتي حياتي الحلقه (4)
وتخرج لين من البيت وفي نفس الوقت كانت خرجه شروق وابنها ويقف شويه بيبصه لبعض لحد ما لين تقرب منها
لين ببتسامه : ازيك يا شروق وحشتيني
شروق تبتسم وتقرب منها وتحضنها : انتي كمان وحشتيني اوي يا لين
لين تبص لابنها ال وقف جمبها فتنزل لعنده وتبوسه : مين القمر الصغنن دا
شروق ببتسامه : دا سليم ابني
لين تقوم تقف وتبصلها وتبتسم : ما شاء الله ربنا يخليهولك انتي ريحه فين
شروق : رايحه النادي عشان سليم يلعب شويه
لين ببتسامه : طيب تعالي لما اوصلك في طريقي انا معايه العربيه
شروق : مش عاوزه اتعبك هاخد تاكسي
لين تبصله وتبتسم وتفتكر زمان لما كانت اي مشوار تروح ليها عشان توصلها
لين ببتسامه : اركبي وهاخد منك حق التاكسي
تضحك شروق : ان كان كده ماشي
وتشيل ابنها وتروح تركب مع لين ولين تمشي ويفضله شويه سكتين مبيتكلموش وبعد فتره
لين ببتسامه : اخبارك ايه وازي المهندس امجد هو منزلش معكي
شروق تبصلها وتبتسم : الحمد الله كويسين لا نزلنا سوا بس امجد سافر الصبح القاهره بيخلص شويه حاجات
لين : انتم رجعتم امتي
شروق تبصلها بحزن : رجعني يوم فرحك انتي ورامي
لين بصتلها وشافت نظرت الحزن ال في عينها
لين ابتسمت : حمدالله علي السلامه
شروق بضيق : الله يسلامك ( وتسكت شويه وتبصلها بحزن وضيق) ليه يا لين ليه عملتي كده
لين بستغرب : عملت ايه تقصدي ايه يا شروق مش فهمه
شروق بضيق : ليه اتجوزتي غير سليم ليه ماتدهوش فرصه يقابلك ويكلم معكي دا عايش طول السنين الفاتت بيحلم بليوم ال يعرف اخبارك ويقابلك وتكلمو سوا دا ما صدق انه عرف انك في مصر حجز ونزل يجري عشان يشوفك ويقابلك دا مانزلش في موت ماما ونزل عشانك انتي انا مش معترضه انك تجوزي غيره بس كان من حقه تقابليه وتكلميه وتعرفيه انك نستيه وهتكملي حياتك عشان هو كمان يكمل حياته مش يفضل مستنيكي ويوم ما يعرف طريقك يجي يتصدم انك بتجوزي غيره
شروق كانت بتكلم بضيق وزعل ولين بصلها وبتسمعها بستغراب
لين بستغراب : بس انا يا شروق قابلت سليم وتكلمنا و قولتله اني نسيته ورفضت ارجعله وقولتله يكمل حياته وان انا هكمل حياتي
شروق بصدمه : قبلتي سليم فين
لين : في دبي كان فيه مناقصه لشركات الديكور وانا كنت هناك وتقابلنا
شروق لسه مصدومه ومش مصدقه ان سليم معرفاهش انه شاف لين
شروق : سليم مقالش انكم اتقابلتم دا جيه من اسبوع وهو فرحان وبيقول انه عرف انك في مصر وانه هينزل عشان يقابلك وترجعه لبعض
لين تتبتسم ليها : مهو دا سليم يا شروق مرديش يقولك انه قابلني عشان متساليش عن الحصل مرديش يقولك اني لما شوفته وتعاملنا اكتشفت انه متغيرش ولسه زي ما هو بيغير ويشك ويغلط في الكلام ويجرح ال قدمه وانه لسه شايفيني حاجه بيمتلكها مش من حقها تشتغل وال تنجح وتكون موجوده في مسابقه زي الكنا فيها كمنافسه ليه مش من حقها يكون ليها شخصيه و career مش من حقها غير انها تحبه وتهتم بيه وتنفذ اومره هو وبس
شروق تتنهد بحزن : فعلا سليم متغيرش عندك حق ( وتبصلها وتبتسم) بس انتي اتغيرت يا لين وبقيتي تحكمي عقلك مش قلبك بس
لين : فعلا انا اتغيرت التجربه ال عيشتها مع اخوكي مكنتش سهله وتعبت بعدها جدا لحد ما قدرت فوق ورجع لحياتي وكمل طريقي ( وتبصلها) ورامي كان معايه في كل خطوه ليه واستحملني في كل حالتي مسبنيش وال اتخلي عني وفضل يشجعني ويقويني لحد ما رجعت لنفسي وشغلي ونجحت قدر يعرفني ايه هو الحب الحقيقي مش حب الامتلاك الاناني قدر يخليني احبه وعشق حياتي معه حبيته بعقلي وقلبي مش قلبي بس وقدر يخليني اعرف اني مينفعش اكمل حياتي غير معه وجمبه
شروق تبتسم ليها بحب : ربنا يسعدكم يا لين رامي انسان ممتاز ويستهل حبك ليه وانت تستهلي حبه ليك ربنا يكملكم علي خير و هتجوزه امتي
لين ببتسامه : خلال سنه ان شاء الله عندي شغل في دبي هخلصه وارجع واستقر مع رامي
شروق ببتسامه : بجد انتي هتكوني في دبي يبقي لازم اشوفك ونتقابل
لين : هو انتي نقلتي دبي مش امجد شغله في ابوظبي
شروق : مهو امجد اتنقل فرع الشركه في دبي ومروه مسافره معنا وهتشتغل سكرتيرة صاحب الشركه ال شغال فيها امجد
لين ببتسامه : معقول مروه هتشتغل وهتعيش معكي دا انتم الاتنين مكنتوش بتتفقو مع بعض
شروق بحزن : مروه اتغيرت اوي يا لين ومكسوره وندمانه علي كل الفات ياريتك تسامحيها يا لين
لين بيتسامه : مسامحها من زمان يا شروق مروه كانت ضحيه لتربيه غلط ربنا يوفقها وتنجح في حياتها
شروق براحه : يارب يا لين ( وتبصلها) هنفضل اصحاب انا وانت صح
لين ببتسامه : انتي فاكره ان عندك اختيار تاني وال ايه طبعا هنفضل طبعا اتفضلي سجلي رقمي ورني عليه يا هانم عشان اسجل رقمك
وياخده ارقام بعض بعد ما اتصافو ويرجعه اصحاب ويتفقه انهم هيتقابلو في دبي وتنزل شروق قدم النادي وتمشي لين وتوصل المستشفي وتسال عن دكتور يحيي وتروح ل مكتبه وتخبط
دكتوريحيي : اتفضل
لين تفتح الباب وتدخل ببتسمه
لين : صباح الخير ممكن ادخل يا انكل
دكتور يحيي ببتسامه : مش معقول القمر طالع بنهار وجي لحد عندي تعالي يا حبيبتي ادخلي
لين تتدخل ببتسامه وتروح تسلم عليه : ازي حضرتك يا انكل سوري اني جيه من غير معاد وهعطل حضرتك شويه
دكتور يحيي : عطليني برحتك ياقمر المستشفي كلها تحت امرك قعدي يا حبيبتي ( وتعقد لين قدمه) ها طمنيني جيه زياره عاديه وال فيه حاجه بعد الشر
لين : هو فيه حاجه بس الاول حضرتك هتوعدني ان محدش هيعرف ال هنقوله دلوقتي لا بابي وال رامي ولا اي حد
يحيي بقلق : اوعدك يا حبيبتي خير
لين : حضرتك عارف حالتي طبعا وعارف ان نسبه اني اقدر اجيب اولاد ضعيفه لان التبويض ضعيف جدا عندي
يحيي : ايوه عارف بس حالتك ممكن تتعالج ونبداء نرفع نسبه التبويض ونعمل حقن مجهري بس لازم نعالج شويه حاجه في الرحم هتبان بلكشف والاشاعات اول ما تبدائي علاج
لين ببتسامه : وانا ان شاء الله قراررت ابداء العلاج بس من غير ما حد يعرف
دكتور يحيي بستغرب : ليه من غير ما حد يعرف
لين تتنهد : حضرتك عارف اهلي تعبه معايه قد ايه مامي جالها ازمه قلبيه وقت الحصلي ومن وقتها بتتعالج من القلب وبابي حاول يتمسك عشانا بس انا عارفه هو تعب قد ايه وتالم وهو شايفني تعبانه وكمان انا مش عاوزه اديهم امل اني اتعالج ويحطه امل علي اني ممكن اجيب ولاد وميحصليش نصيب انا لسه مش عارفه حالتي هتتحسن ونسبه الحامل هتعالي وال لا مش عاوزهم يتصدمه تاني ويزعله عشاني هم دلوقتي متقبلين حالتي مش عاوزه اديهم امل ورجع اصدمهم
دكتور يحيي: طيب قولي لرامي دا جوزك ولازم يقف جمبك
لين ببتسامه : انا عارفه ان رامي لو قولتله هيقف جمبي ومش هيسيبني بس انا عارفة ان العلاج متعب ومؤلم وانا مش عاوزه ابدء حياتي مع رامي بتعب والم ومستشفيات وكشف ورامي مش بيستحمل يشوفني تعبانه ( وتبتسم بحب) دا ممكن يخليني ابطل علاج عشان ميشوفنيش بتالم وانا عاوزه اعمل ال عليه حتي لو هتالم واتعب مش عاوزه احرم رامي انه يكون اب
دكتور يحيي ببتسامه : بس رامي دكتور في المستشفي هنا وممكن يشوفك ويعرف انك بتتعالجي عندي
لين ببتسامه : ما انا مش هتعالج هنا انا عندي شغل في دبي لمده سنه تقريبا وانا كنت رحت مركز.......... هناك وقابلت دكتوره شاطره وهبداء معها العلاج مع متابعه من حضرتك طبعا هتوصل مع حضرتك دايما بلاميل وهبعت كل الاشاعات والتحليل ال هعملها والعلاج ال همشي عليه وحضرتك هتقولي رائيك طبعا
دكتور يحيي : كويس اوي المركز دا كبير وناجح والدكاتره ال فيه ممتازين وانا اكيد هتعبك علي طول طبعا ومش هسيبك
لين ببتسامه : ميرسي جدا ياانكل عشان ابداء العلاج كنت عاوزه تقرير وكل شيء يخص حالتي وقت العمليه وبعدها
دكتور يحيي : سهله جدا انا بحتفظ بملف كل الحالة وعمل ليهم ارقام علي الكمبيوتر بكرا ان شاء الله هحضرها ليكي وتيجي تاخديه
لين وهي بتوقف : ميرسي جدا يا انكل وانا هكلم حضرتك قبل ما اجي
دكتور يحيي : طيب وقفه رحه فين اقعدي
لين : اصل المفروض اني عمله مفاجاة لرامي وجي عشانه وزمانه خلص العمليه
دكتور يحيي ببتسامه : ربنا يسعدكم يا حبيبتي
لين ببتسامه : يارب ياانكل وميرسي جدا عن ازنك
وتمشي لين وهي مرتاحه وتروح لمكتب رامي ال كان مفتوح ودينا موجوده فيه وبدور علي حاجه لين تخبط وتدخل
لين ببتسامه : صباح الخير
دينا تبصلها اوي : صباح النور
لين : هو دكتور رامي لس مجاش
دينا تبصلها من فوق لتحت وترد برخمه : لا عنده عمليه خير في حاجه
لين وهي بتعقد : ميرسي انا هستانه هنا لما يخلص
دينا تنفوخ وتبصلها بضيق وغيره وتكلم بقلة زوق ورخمه : دكتور رامي هيخلص العمليه ويروح علي طول مش هيكشف علي حالات النهارده ممكن حضرتك تشوفي دكتور تاني واتفضلي لو سمحتي اخرجي بره عشان هقفل المكتب
لين تبصلها بستغراب ولسه هترد لقيت رامي دخل المكتب هو وشادي ومسك ورق وبيتكلمه واول ما رفع عينه شاف لين قدمه
رامي بفرحه وحب يسيب الورق ويروح عليها بسرعه
رامي ببتسامه : حبيبتي ايه المفاجاه الحلوه دي ( ويقرب ويبوسها في خدها قدم شادي ودينا ال بصت ليها بصدمه وغيره شديده)
لين ببتسامه : لقيتك اتاخرت فحبيت اعملك مفاجاه واعزمك علي الفطار بره قبل ما نروح
رامي بحب : احلي مفاجاه في الدنيا
شادي يكح وهو بيبتسم عشان ينبه رامي لوجودهم في المكتب فرامي يبصلهم ويبتسم
رامي بضحك : انتم هنا دا انا نسيتكم تعالو ما اعرفكم ( ويبص للين ويمسك ايدها يحب) اعرفك يا لينو دا شادي ودي دكتوره دينا بيشتغله معايه ويعتبره المساعدين بتوعي ( ويبصلها بحب ولهفه) ودي المهندسه لين حبيبتي ومراتي
شادي ببتسامه : اهلا وسهلا يا بشمهندسه نورتي المستشفي احنا كان نفسنا نشوفك من كلام دكتور رامي عنك
لين ببتسامه وهي بتبص لرامي : وياتري بيقول ايه عني
شادي بضحك : هو قال كتير وقال ان حضرتك حلوه بس مقالش انك حلوه اوي كده
لين تضحك بصوة عالي ورامي يبصله بغيظ
رامي : لا والله انت هتعاكس مراتي قدمي
شادي بتصنع الخوف : لا والله يا دكتور دا انا بقول رائي بس
رامي بغيظ :وفر رائيك لنفسك بدل ما اموتك
لين تبتسم : اتشرفت بيك دكتور شادي ( وتبص ل دينا ال وقفه تبصلها بغير وحقد ولين مش فهمه سبب العداء ال في نظرت عينها )
رامي بستغراب : دكتوره دينا سكته ليه
دينا بتصنع الابتسامه : ابدا يا دكتور ( وتبص للين بضيق ) اهلا وسهلا
لين ببتسامه : اهلا بيكي يادكتوره
شادي لاحظ نظرات دينا وطريقتها مع لين فقرب منها وخبطها بشويش عشان تفوق
شادي : هنستاذن احنا يا دكتور
رامي : اوكي وخالو بالكم من القولت عليه وتابعه الحاله طول الوقت واي حاجه كلموني فورا
شادي : حاضر يا دكتور عن ازنكم (ويبص لدينا بتبريق عشان تمشي وهي تبص لرامي ولين ببتسامه مرسومه) ويخرجه بره المكتب
شادي بستغراب : مالك يا دينا كنتي بتبص ل المهندسه لين كده ليه
دينا بغضب : ببصلها ازي يعني كنت ببصلها عادي وال هو لازم انفقها زيك
شادي بستغراب وضيق : بنفقها !
دينا بضيق : ايوه تنافقه لما تقولها كان نفسنا نشوفك وانها حلوه واحلي من كلام دكتور رامي عنها دا اسمه ايه مش نفاق
شادي بغضب : لا يا دكتوره اسمه ترحيب وحقيقه هي فعلا حلوه جدا
دينا بغيره وغضب : لا حلوه وال حاجه دي مغروره وبارده
وتمشي وتسيبه بغيظ وضيق وتروح تقف قريب من مكتب رامي عشان تشوفهم وهم خارجين
في مكتب رامي ال كان بيغر هدومه في حمام مكتبه وخرج للين
رامي : انا جهز يا حبيبتي
لين تقرب منه وتعدله ياقت القميصه ال مكنتش معدوله وتبصله بحب : كده بقيت جهز
رامي يمسك ايدها ويبوسها ويقرب منها اوي : ما تيجي اقلع القميص وتلبسيني انتي من الاول احسن انا حسس انه مش ملبوس كويس
لين تضحك وتكسف وتمسك ايده : يلا امشي وبدل دلع يا دكتور احنا في المستشفي
ويخرجه وهم بيضحكه ودينا تديهم ظهرها عشان ميشوفهاش ويقرب رامي من مكتب النيرس
رامي : نيرس فاطمه انا همشي ممنوع حد يتصل بيه غير في الضروره بس مفهوم انا اجازتي لسه هتخلص بكرا مش عاوز ازعاج
نيرس فاطمه ببتسامه وهي بتبص علي لين ال بدلتها الابتسامه : حاضر يا دكتور مع السلامه
ويمشي رامي وهو مسك ايد لين والكل بيبص عليهم وتقرب واحده من فاطمه
سمر : مين ال مع دكتور رامي دي عروسته
فاطمه : ايوه البشمهندسه لين بنت عمه مش فاكرها
سمر بصدمه : اااااه مش دي ال كانت هنا من كام سنه وبنتها ماتت في الحضانه
( دينا كانت وقفه وسمعهم فبصت ليهم باهتمام)
فاطمه : ايوه هي ايامها دكتور رامي كان هيتجنن عليها وفضل قعد في العنايه جمبها لحد ما فاقت انا دخلت عليه مره لما كانت في العنايه كان مموت نفسه من العياط عشانها
سمر : انا فكره حالتها المستشفي كلها ايامها كانت بتكلم عليها وعلي جوزها ال كان قعد قدم اوضتها وهيتجنن دا كان هيموت عشانها معقول اطلقت منه دا كان زي القمر وشبه مهند وبيحبها اوي
فاطمه : تلقيه سابها لما عرف انها مش هتجيب عيال ما في رجاله ندله كده ( دينا تسمع كلامهم بصدمه ومش فاهمه حاجه)
سمر ببتسامه : بس بصرحه هي حلوه اوي وبيان عليهم بيحبه بعض هييييييييح عقبالي يارب
دينا تقرب منهم : نيرس سمر تعالي مكتبي عاوزكي
وتمشي دينا وتروح ورها سمر وتدخل مكتابها
دينا وهي بتعقد : اقفلي الباب وتعالي اقعدي ياسمر
سمر ببتسامه : تحت امرك يا دكتوره ( وتقفل الباب وتدخل تعقد قدمها)
دينا بهتمام : عاوزكي تقوليلي كل التعرفيه عن لين خطيبه الدكتور رامي
سمر ببتسامه : عنين هقولك
ونسيب سمر بتحكي ل دينا ونعرف بعدين دينا هتفكر في ايه
وفي الفندق كان الكل بيجهز عشان السفر والاء لبسه و عمله تحاول انها تخبي اثر القلم من خدها
عدي بضيق : يلا مش هفضل ملطوعه مستنيكي وانت قدم المرايه اخلصي
الاء تقوم وهي سكته وتاخد شنطيتها وولادها وتنزل لقيت الكل وقف مستنيهم
الاء وهي بترسم ابتسامه علي وشها : صباح الخير
الكل بص ليها ورد بس شوشو شهقت بخضه
شوشو : ايه ال في خدك دا ايه الحصل
الكل يبص علي عدي بغضب
عدي : هسبقكم علي السياره (ويمشي ويسبهم وقفين)
صافي بغضب : ايه ال في خدك دا انطقي هو ضربك
الاء بتردد وابتسامه بترسمه : ضربني ايه لا طبعا دول الولاد كانو بيلعبه وخبطوني بلعبه جامد
شوشو بغضب : بتكدبي الاء
الاء بضيق : يووووه قولتلكم مافيش حاجه
واخدت ولادها ومشيت وهم وقفين
يزيد بحزن : سبوها دلوقتي متطغطوش عليها
صافي بضيق : ضربها وهي سكته وبدري عليه
طلال بغضب : يلا نلحق الطياره دلوقتي ولما نروح الكويت انا ليه تصرف تاني
ويمشي كلهم بغضب وضيق ويروح للمطار ليرجعه للكويت
ونروح عند سليم ال قعد علي السرير وباصص لسقف وعمل يفكر في كلام هبه وهو قاعد سمع صوة اولاد بيلعبه قام بص من الشباك لقي اطفال بيلعبه في الجنينه في بيت الجده فعرف انهم رجعه المنصوره بس كان عاوز يعرف لين رجعت معهم وال لا ووهو وقف يبص من الشباك دخلت مروه
مروه : صاحي يا سليم ادخل
سليم يبص ليها ببتسامه : اه صاحي ادخلي
تدخل مروه وتقف جمبه في الشباك
مروه ببتسامه : بتبص علي ايه
سليم : سمعت صوة لعب الولاد قومت اشوف مين دول ( ويضحك) بس تصدقي معرفتش حد فيهم كبرو ماشاء الله
مروه ببتسامه وهي بتشاور من الشباك : البنت الكبيره دي صبا بنت فاروق واخوها محمد ال لبس ازرق دا والولد ال قمر المعهم دا يوسف ابن سيلا دايما بشوفهم بيلعبه سوا ويوسف دا سكر ودمه زي العسل
سليم يبتسم لانه عرف ان مدام سيلا موجود يبقي لين رجعت
سليم : طلع لسيلا ماشاء الله كبرو معرفتهمش
مروه ببتسامه : هم الاطفال كده بيكبرو بسرعه ( وتحط ايدها علي كتف سليم) عقبال لما تجوز وتملي البيت علينا عيال يا حبيبي
سليم يبتسم بحزن ويفتكر بنته : عقبال ما نفرح بيكي انتي يا قمر
مروه بارتباك : ان شاء الله يلا تعال افطر معايه محضرلك احلي فطار
وتشده من ايده ويخروجه يعقده علي السفره
سليم وهو بيبص حاوليه : هي شروق مش هنا وال ايه
مروه : خرجت الصبح بدري راحت النادي بسليم وقالت هتقابل صحباتها
سليم : وانتي مخرجتيش معها ليه
مروه : انت عارف انا مبحبش الخروج ( وتبصله وتضحك) انا اصل مش عارفه انتم ازي اقنعتوني اني اشتغل وخايفه جدا وحسه اني هطرد من اول يوم
سليم ببتسامه : متخافيش هتنجحي دا انتي وخده شهادة وكورسات مخدهاش وزير المهم انا عاوزك تاخد بالك طارق صاحب الشركه دا راجل مش سهل وعيونه زيغين لو حاول يضايقك او يغلس عليك سيبي الشغل فورا
مروه بقلق : انت بتخوفني ليه بقي هو انا ناقصه
سليم : متخافيش هو بصرحه مبيحاولش يضايق موظفه عنده في الشغل هو في شركته جد جدا بس خدي بالك برده
مروه بقلق :ربنا يستر
ونروح لرامي ولين ال قعدين يفطرو سوا
رامي : بجد اتبسطت اوي لما شوفتك قدمي انا كنت هتجنن اني اتاخرت عليكي
لين ببتسامه : وانت كمان وحشتني وقولت اكيد هيرجع تعبان وهينام فلحق اقعد معه شويه
رامي ببتسامه : لااااااا انسي اني اضيع وقت في النوم وسيبك انا صاحي ومش هنروح هاخدك ونخرج ونتفسح
لين : لا هتروح وترتاح انت بقالك 48 ساعه صاحي ( وتبصله ) رامي انت لازم ترتاح عشان مزعلش منك
رامي بخبث : اممممم هنام لو نمتي جمبي
لين ببتسامه : اممممممم موافقه
رامي مصدقش ال سمعه وشرق وفضل يكح جامد ولين فضلت تضحك واديته مايه
لين بخبث : اهدي مالك خوفت كده دا انا حتي مراتك يا شيخ
رامي بصلها بنص عين : دا انتي بتردهالي بقي
لين تضحك اوي : انت عارفه مش بحب اسيب حقي
رامي بتصنع الزعل : يعني مش هتنامي جمبي صح
لين بتفكير : امممم ممكن افضل قعده جمبك لحد ما تنام
رامي ببتسامه : وانا مش عاوز اكتر من كده انام وانتي جمبي
لين بكسوف : طب يلا كل عشان نروح وبطل شقاوه ( وتبصله بهتمام) قولي يا حبيبي هي الدكتوره دينا علي طول بتشتغل معك
رامي : ايوه هي وشادي المساعدين بتوعي ليه
لين : بصرحه غريبه اوي ونظرته مفهمتهاش ( وتبصله وتتصنع الغضب) اوعي تكون بتحبك والله اكسرلكم المستشفي
رامي يضحك اوي : دا حبيبتي بتغير عليه بقي
لين ببتسامه : ايه مش من حقي اغير علي حبيبي وجوزي
رامي يمسك ايدها : انتي من حقك تعملي كل الانتي عاوزه بس يا حبي لسه متخلقيتش الست ال ممكن تخليكي تغير عليه منها انا عنيه مش بتشوف ست غيرك
لين بحب : يارب دايما افضل انا الست الوحيده في عيونك يا حبيبي ويقدرني واسعدك
ويخلصه اكل ويقومه ويخرجه بره المطعم رامي يحيط ايده في جيوبه
لين : مالك بدور علي ايه
رامي : تقريبا نسيت الموبيل والمفاتيح في المستشفي ( ويبصلها بضحك) طيرتي عقلي مني
لين بضحك : تعال اوصلك نجيبهم احنا قريبا من المستشفي وانا هاخد عربيتي واسباقك علي البيت
رامي ببتسامه : اوكي وانا هطلع اجيبهم وجي وركي علي طول القيك مستنياني علي السرير قصدي في الاوضه
لين تكسف ووشها يحمر وتضربه علي كتفه وهو يضحك جامد
وتوصله لين وهو ينزل ويبصلها : هحصلك علي طول امشي بشويش
لين : اوكي
ويطلع رامي جري ويدخل مكتبه وياخد تلفونه ومفاتيحه ووهو خارج بسرعه تكون دينا دخله مكتبه وتخبط فيه ويمسكها وتبقي في حضنه بس يبعدها بسرعه
دينا ببتسامه ودلع : دكتور رامي اسفه مخدتش بالي هو حضرتك رجعت ليه
رامي : كنت نسيت موبيلي ومفاتيحي انت كنت جايه المكتب عاوزه حاجه
دينا وهي بتقرب منه : كنت تعبانه وحبه انام شويه ومش برتاح غير في مكتبك
رامي بصلها بستغراب : اوكي خدي راحتك عن ازنك وخرج بسرعه وسابها وقفه بتبص عليه
دينا بضيق : روح دلوقتي بس هتجيلي تاني
ونروح دبي وفي مكتب طارق يدخل عامر وهو بيضحك
عامر : لقينها مستر طارق
طارق رفع راسه وبصله : هي مين دي ال لقيتوها
عامر يحط قدمه التلفون عليه الصور ال اخدها لرامي لما خبط في دينا وهي في حضنه طارق يمسك التلفون يبص عليها ويضحك ضحكه عاليه
طارق بضحك : دا الدكتور رامي طلع شقي وبيلعب بديله اهو
عامر ببتسامه : بصرحه لا الجارد ال رح المستشفي قالي انه محترم جدا وملوش علاقه باي حد بس قال ان في دكتوره شغله معه شككك انها معجبه بيه والصور دي اخدها كانو خبطه في بعض من غير قصد بس هو ولد ممتاز صور الصور بشكل يبان انهم بيحضنه بعض
طارق ببتسامه : حلو اوي عاوزين نوصل لدكتوره دي ونخلي حد يتكلم معها بس طبعا من غير ما نظهر احنا في الصوره ونخليها تهبط فيه كتير من غير قصد ( ويضحك اوي بخبث)
عامر ببتسامه : كل المعلومات عنها هتوصلنا النهارده يا فندم
طارق : تمام يا عامر روح انت شوف شغلك
عامر : تحت امرك يا فندم
ويخرج عامر وطارق يمسك الفون ببتسامه هانت يا بشمهندسه الطريق ليكي طلع اسهل مم كنت اتخيل
لين وصلت قدم البيت ووقفت العربيه وتلفونها رن وكان رامي
لين : ايوه حبيبي
رامي : انتي فين يا حبيبتي
لين : لسه وصله قدم البيت اهو انت فين
رامي : انا علي اول الشارع استنيني في الجنينه اوعي تدخلي بدل ما سيلا والعيال العندك ياخدكي ومعرفش اوصلك
لين تضحك : حاضر هستناك ندخل سوا سلام
وتقفل لين وتنزل من العربيه وتقفلها وتمشي بس سليم يخرج من البيت وقتها فلين تتفاجاه بيه قدمها بس تكمل طريقها عادي وهو يبتسم يروح ناحيتها
سليم يقف قدمها ببتسامه ولهفه : ازيك يا لين
لين تبصله ببرود : الحمد الله يا بشمهندس سليم ازيك انت
سليم يسمع كلمة بشمهندس يضايق اوي : بخير صحيح مبروك الخطوبه
لين ببتسامه : الله يبارك فيك ميرسي عقبالك
سليم بضيق وغضب : قريب ان شاء الله انا رجعت عشان اخطب اصلا
لين تفتكر كلام شروق الصبح فتضحك بستهزاء علي انه لسه بيكدب ومفكر انه لو قالها كده هتضايق وسليم يفتكر انها ضحكة لانها مش مصدقها انه هيخطب وانه ممكن ينساها
سليم بضيق : بتضحكي ليه مش مصدقه اني ممكن اخطب واتجوز زي ما انتي اتجوزتي وسبتيني
لين تبتسم : مبروك يا بشمهندس
ووهم وقفين بيتكلمه وصلت عربيه رامي ال شاف لين وقفه مع سليم فستغرب وجود سليم واديق ان لين وقفه معه ولين اول ما شافت رامي قلقت وخافت انه يزعل وسليم ابتسم انه رامي شافهم مع بعض
رامي ينزل وهو رسم ابتسامه علي وشه ويقرب منهم
رامي وهو بيضم لين من وسطها بحب : اسفه حبيبتي اتاخرت عليكي ( ويبص لسليم) ازيك يا سليم حمدالله علي السلامه
سليم يبص لرامي وايده ال علي وسط لين ونظرات لين ال تعلقت بيه فيغير جدا ويضايق
سليم بضيق : الحمد الله عن ازنكم اصل ريح لخطيبتي
رامي يبصله اوي ويبتسم : الف مبروك يا سليم ربنا يتملك علي خير
سليم بغيظ : تسلم يا رامي ومبروك ليكم انتم كمان
ويمشي من قدمهم بغضب وضيق ويروح علي عربيته وقبل ما يركب يبص عليهم يلقيهم دخلين بيتهم ورامي لسه حضينها فياخد عربيته ويسوق بسرعه وضيق وغضب
لين تدخل هي ورامي البيت وهو ساكت بس ملامح وشه متغير وعند باب شقتها رامي وقف وبصلها
رامي : هطلع اخد شور وغير هدومي
ورح بيسها من جبينها وطالع علي طول ولين وقفت تبص عليه وهي مضايقه ودخلت شقتهم ورحت اوضتها وغيرت هدومها وقعدت علي السرير وهي مضايقه وبتفكر و قررت انها تطلع ل رامي تكلمه وتفهمه وطلعت وخبطت علي الباب وفتحت لها رشا
رشا ببتسامه : انتي كنتي فين يا بنتي دورنا عليكي الصبح كتير
لين ببتسامه : خرجت شويه ولسه رجعه هو رامي فين
رشا : في اوضته لسه مخلص شور و داخل
لين ببتسامه : اوكي هروح اقوله حاجه واجيلك
رشا : اوكي هستناكي متتاخريش
وتروح لين لاوضه رامي وتخبط وتفتح الباب
لين : ممكن ادخل
رامي كان بيلبس التشيرت فبصلها وابتسم : تعالي يا حبيبتي
لين تدخل وتقرب منه وتقف قدمه : رامي انا اسفه بس انا والله لقيته وقف قدمي صدقني
رامي يضمها ليه : انا ال اسف يا حبيبتي غصب عني اضيقت لما شوفته انا بحبك اوي وغصب عني غيرت عليكي انا كنت بلبس ونزل اصالحك بس انتي طلعتي وسبقتيني متزعليش مني انا اسفه يا قلبي
لين تبتسم وتحضنه اوي بحب : اانا بحبك اوي يا رامي (وتبعد عنه شويه وتبصله ) رامي اوعي تخلي اي حاجه او اي حد في يوم يزعلنا من بعض او يبعدك عني انا بحبك انت ومافيش في حياتي غيرك اوعي تغير من اي حد ملوش مكان لا عيوني وال في قلبي
رامي ببتسامه يبصلها بحب ويقرب منها : حبيبتي لا تلومني على غيرتي ..فهي ليست بيدي ..
فغيرتي نابعه من قلبي ..لأنني احبك بجنون ..
فأغار عليكي من أبسط الأمور ..من نظره من العيون .. من نسمة هواء ..حبيبتي .. كوني صبوره علي ..وعلى غيرتي ..لأنني احبك .. بل اعشقكي بجنون ( ويبوسها بشويش) انا ممكن اغير وضايق شويه بس عمري ما هسمح لحد يبعد بنا او يزعلنا من بعض حبيبتي انا وثق فيك وعارف انك بتحبيني وانا بعشقك
( ويقرب منها ويبوسها بوسه طويله وبعد عنها بعد شويه عشان ياخده نفسهم وسند جبينه علي جبينها )
لين بانفاس متقطعه : اااانا هروح اشوف رشا
رامي بلهفه : لا انتي هتفضلي جمبي انت قولتي هتفضلي جمبي لحد ما نام
لين تبتسم ليه وهو ياخده من ايدها ويقعدها علي السرير ويحط راسه علي رجلها وهي تمش ايدها علي شعره وهو باصص لعينها ويفضل كده من غير كلام لحد ما غمض عينه نام وهي فضلت قعده وبصه عليه بحب
اميره كانت قعده في الانتريه ومشغله التلفزيون بس مش بتتفرج علي حاجه قعده عمله تفكر في سليم وانه هيرجع يسافر تاني ومش هتشوفه بس وهي قعده باب الشقه يخبط وتقوم عشان تفتح وهبه تخرج من المطبخ هي كمان عشان تفتح
اميره : خليك يا هبه انا هفتح
وتفتح اميره تلقي سليم وقف قدمها
اميره بفرحه : سليم ( هبه لما سمعت اميره بتقول سليم وقفت وفرحت ورجعت تبص عليهم)
سليم بضيق : اميره تجوزيني
ومره واحده يسمعه صوة حاجه بتكسر يبصه يلقي هبه وقفه والكوبايه وقعت منها اميره تبصلها وتبص لسليم وهي مش مصدقه ال سمعته ويخرج عماد علي الصوة
عماد بخضه : ايه ال اتكسر ( بس يلقي الكل سكت وسليم وقف علي الباب)
عماد بستغراب : سليم! ادخل وقف كده ليه
اميره تبص لسليم وهو يبوصلها ويرجع يقول
سليم : تجوزيني