الفصل التاسع
بقلم شوشا عبداللاه
بسم الله الرحمن الرحيم السلام والصلاه على رسول الله صلى الله عليه وسلم
نبدا البارت البارت على ذهاب فرح إلى مدرستها
الجديده مدرستها الثانويه العامه ترتدى زيها الدراسى وتذهب إلى طريق المدرسه ثم تصل
إلى مدرستها ومثل العاده يبداء التعارف بين الطلاب ومعرفه كل طالب بفصله تذهب فرح إلى فصلها مع بقيه الطلاب تجلس على الديسك
وتجلس بجوارها أحد الطالبات وتتعرف عليها فرح
فرح :انا أسمى فرح انتى اسمك ايه
ياسمين :انا أسمى ياسمين انتى منين
فرح :من قريه نجع الهلالى
ياسمين :احسن ناس أنا من قريه علوان
فرح بابتسامه :تشرفنا
ياسمين بفخر: انا جبت 254 انتى جيتى كام
فرح ببساطه :انا جبت 299 ونص
ياسمين بزهول :نهار اسود ومالك بتقوليها كأنها عادى وانا الى فخوره اوى بمجموعى تلاقيكى يا عم بتاخد دروس
فرح باعتراض :لا ابدا اخد دروس ليه وكل الاسئله فى كتاب الوزاره بجد يبقى حرام
ياسمين بدهشه :وربنا لو امى سمعت كلامك ده لتكون قتلانى وانا باخد دروس فى كل ماده وجايبه 254 بالعافيه
فرح بابتسامه : ليه يعنى
ياسمين بمزاح:بس فرجت يبقى مفيش داعى للمذاكره الغش سعات بيفيد
فرح :لا طبعا من غشنا فليس منا انتى عاوزه سيدنا محمد يزعل منك ولا ايه
ياسمين :يا ستى انتى كبرتى الموضوع ليه بس ده عادى بين الأصدقاء
فرح بعقلانيه :انتى عارفه أن الشيطان ميقدرش يدخل للإنسان غير من صغيرات الأمور
ياسمين باهتمام يعنى ايه مش فاهمكى اوى
فرح :يعنى ميقدرش يقول للإنسان اعصى الله لا يدخله من الحاجات الصغيره إلى مفيش حد
بيدقق عليها فى إلى بيعملها وفى إلى مبيعملهاش ف يفضل يوسوس لانسان لغايه ما يغلط غلطه كبير بياخدها وحده
وحده لغايه ما يوصل لعظيم الكبائر بعيد عننا وساعتها الإنسان مبيفرقش بين الحلال والحرام وبيعصى الله وكأنه عادى جدااا
ياسمين بدهشه :بجد
فرح :اه طبعا
ياسمين تمسك يد فرح وتبتسم :شكلى كده هتكون أصدقاء جدااا انا ارتحتلك اووى وحبيتك اووى
فرح بهزار :ده حب من اول نظره ولا ايه
تضحك ياسمين ويسمع صوتها كل زملائها
فرح تقترب منها وتهمس لها :عيب كده يا ياسمين مينفعش تضحكى بصوت عالى كده الفصل كله بص عليكى
ياسمين :انا اسفه والله عصب عنى انا دائما كده ضحكتى تجيب بوليس الادب من اخر الشارع
فرح :لا يا ياسمين انا بجد حبيتك ومش عوزاكى تكونى من البنات المستهتره الاستهتار آخرته وحشه جدا
تدخل المدرسه إليهم وتلقى السلام
الاستاذه :السلام عليكم
الطلاب بصوت واحد :وعليكم السلام ورحمه الله وبركاته
الاستاذه :جلوس
يجلس الطلاب وتبداء الاستاذه فى التعرف عليهم وتعريف نفسها إليهم
****************بقلمي شوشا عبد اللاه******************
فى منزل فرح يجلس عبد الصمد أمام منزله يسبح الله ويحمد ويستغفر الله إلى أن يأتيه وحيد إليه ويلقى السلام
وحيد :السلام عليكم يا حج عبد الصمد
عبد الصمد :وعليكم السلام ورحمه الله وبركاته يا حج وحيد
يجلس وحيد مقابل عبد الصمد :عامل ايه يا خوى
عبد الصمد:عامل ايه فى ايه
وحيد :فى حياتك دى وبنتك الانسه فرح
عبد الصمد:الحمد لله ربنا يخليهالى
وحيد :اللهم امين بس انت عارف أن البنت ملهاش غير بيت جوزها يعنى فى يوم من الايام هتسيبك وتروح بيت جوزها وانت هتبقى وحيد وعايش بطولك فى البيت ده
عبد الصمد :اعمل ايه يعنى انا كل همى اشوفها سعيد ومتهنيه فى بيت جوزها
وحيد :ربنا يدها واد الحلال إلى يراعى ربنا فيها
عبد الصمد :اللهم امين اللهم امين
وحيد :بس ما شاء الله البنت كبرت وبقيت ست البنات
عبد الصمد يعلم لنا يلمح إليه جاره وحيد :البت لسه صغيره دى عندها خمس عشر سنه بس يعنى ليه طفله
وحيد باستنكار : طفله كلفه ايه يا راجل دى بقيت عروسه ده الى فى سنها اتجوز أو مخطوبه أو على الأقل مقريه فتحتها
عبد الصمد :دى ناس جاهله بتدفن بناتها بالحيا وانا مش موافق على إلى بيعملوه ده احنا فى عصر حديث وعصر التكنولوجيا ومع ذالك فى عادات قديمه لسه حيا بينا وكتير بيعملها
وحيد بملل :اممم اه طيب مفكرتش تانى فى حكايه الواد ونيس ابنى يرضيك قاعدته كده من غير زواج
عبد الصمد:وانا مالى طيب انت فتحتنى فى موضوع وانا عطيتك رايئ يبقى انا كده معنديش اى غلط
وحيد :يا ابو فرح بقولك الواد رافض أنه يتجوز غير بنتك المصونه فرح وجبالها بنات الدنيا كلها وهو رافض ومصمم على بنتك وصدقنى هيرعاها ويحافظ عليها ويحبلها كل إلى بتتمناه ولدى والحمد لله شغال كويس
فى المدينه وبيكسب كويس قوى هيعيش بنتك فى نعيم عمرها كله والمقدم إلى تطلبه والماخر كمان والعفش إلى هيا تشاور عليه من دمياط كمان والشقه جاهزه من بدرى وانا مش
عاوزين حاجه غير البت والجلبيه إلى عليها بس لا اكتر ولا اقل ها قولت ايه يا حج عبد الصمد اظن الكلام ده مفهوش عيط ولا غلطه واحده
عبد الصمد بحيره فكلامه لايوجد به غلط وبه جميع الطلبات التى بأمنها اى اب لابنته الراحه والحياه الكريمه : والله يا حج وحيد مش عارف اقولك ايه بس سيبنى
كده افكر فى الموضوع واستشير البت وأشوف رأيها ايه وبعدين ارد عليك بس متعتبرش دى كلمه منى ولا اى حاجه انا هشوف رأى البت بس
وحيد :عيب عليك يا حج عبد الصمد ايه يعنى هتش ف رأى البت واحنا من امته وعندنا البت ليها رأى الرأى رأى الأب بس البت تقول حاضر وبس
عبد الصمد :لا طبعا مين إلى قال كده ده ولا يرضى شرع ولا قانون اهم حاجه موافقه العروسه ولو موافقتش هيا يبقى مفيش كلام تانى والكلام ينتهى على كده
وحيد بتافف:طيب يا حج عبد الصمد السلام عليكم وانا منتظر رد الانسه فرح ثم يتركها ويذهب وهو يشعر بالغيظ من تفكير ذالك الرجل كيف يسمح لبنته بكل ذالك الدلال الزائد فهو سوف يفسد عقل بقيه الفتيات مثل ما فسد عقل ابنته
عبد الصمد:وعليكم السلام ورحمه الله وبركاته ربنا يهديك ويصلح حالك ثم يظل يستغفر به مثل ما كان قبل قدوم وحيد إليه وقطع خلوته مع ربه
فى الكليه يجلس تيم مع صديقه محمد الذى يعلم كل أسراره يجلسون يتحدثون سويا
محمد :بجد انت وحبيتك فرح دى زى عشاق زمان قيس وليلى وعنتر وعبلا حب انقرض من زمان محدش لاقيه دلوقتى كله بيضحك على كله وبيستغل بعضه وانت
اديلك ست سنين غايب عنها ولسه بتكنلها مشاعر وبتحبها بس انت متاكد انها بتحبك زى ما انت بتحبها ولا لما ترجع البلد هتصدم صدمه عمرك
تيم :لا أن شاء الله بتحبنى أصل انت متعرفش انا وهيا كنا عاملين اوى زمان كنا على طول مع بعض مبنفارقش بعضنا
غير لما يرحوا بيتهم للنوم انا كل يوم اتخيل شكلها بقى عامل ازى وقعد ارسم ملامحها إلى بتخيلها
محمد :ربنا يجمعك بيها على خير يا صاحبى بس انا من خلال معرفتى بامك اقدر اقولك انها مش هتوافق على إلى انت عاوزه ده
تيم :لا أمر أمر هيا صحيح بتبان عصبيه بس هيا طيبه جدا ولما تلاقينى متمسك بيها فى الاخر هتوافق مهيكونش قدامها حل غير كده
محمد :تصدق ياض انا من كتر ما تحكيلى عنها حبيتها
تيم بغضب:محمد مالك نفسك ايه حبيتها دى
محمد :أهدى على نفسك يا عم انا مقصدش حاجه من إلى انت
فهمتها انا اقصد انى بتمنا انى اشوفها ولو مره وحده وأشوف مين دى إلى قدريت تستحوذ على
كيان وعقل وقلب تيم الهلالى من صغرها لما تكبر يبقى هتعمل فيك ايه
تيم :بعد يومين هتم الخمس عشرة سنه وتدخل فى السادسه عشر
عارف انا قعدت لغايه الان مرجعتش ليه علشان تكون كبرت ومشاعرها تكون ناضجه لما اقولها بحبك تقولى وانا كمان