رواية جبروت عائلة الرشيدي رحمة العاصي
الفصل الخامس
بقلم دعاء احمد
تاني يوم ملاك واقفه في المطبخ وهي بتفكر في تصرفات قاسم الغريبه معها
رحمه بابتسامه جميله. صباح الخير
ملاك. احم صباح النور تومري بحاجه يا هانم
رحمه ببساطه راحت فتحت التلاجه وبتطلع لبن
ملاك. رحمه هانم مينفعش كدا
رحمه. هو ايه اللي مينفعش
ملاك. وجود الهوانم مش مسموح بيه في المطبخ دي قواعد قصر الرشيدي
رحمه بابتسامه جميله. بس انا بحب اجهز حاجتي بنفسي ومتخافيش انا منظمه جدا مش هبهدل الدنيا
ملاك. غريبه
رحمه. اصدك ايه
ملاك. انتي مختلفه عن أهل القصر دا يعني مثالا حساكي طيبه مش شبهم
رحمه بهدوء. الحياه قدر. وقدري اني ادخل البيت دا واعيش مع أهله بس انا ليا طبعي بحترمه بس ايه حكايه القر دا حساه الناس فيه مطصنعين مش على طبيعتهم
ملاك. ياه القصر دا عمره سنين اسمع ان عدي عليه أمراء وملوك باشوات وكل اللي دخلوه مراكز في البلد. اهل القصر دا متصنعين ايوه فعلا قصر الرشيدي اقدم قصر موجود في اسكندريه كلها لو بصيتي على الجدرانلو شفتي الانتيكات هتحسي فعلا ان اهله متصنعين زي التحف اللي موجوده فيه لازم يرسموا ضحكه فيها وقار أدام الكل بيتجوزوا بنات البشوات ويتسلوا ببنات الناس الا شخص واحد عثمان باشا الرشيدي اسمع انه كان مختلف عن الكل كان طيب وحنين وبيحب الحياه اتجوز مدام ثريا وخلف منها تلات ولاد قاسم بيه وعاصي بيه ودياب بيه وبعد كدا توفي في حادثه عربيه كتير بيقولوا انها مكنتش حادثه وكانت جريمه قت"ل بس ايا يكن الموضوع دا اتقفل من سنين طويله
رحمه. تاب و رغد مرات عاصي ايه وضعها
ملاك. والله هي زمان كانت مغروره ومتكبره قبل جوزها من عاصي بيه لكن بعد جوازهم اتغيرت بسبب احم
رحمه. اتكلمي
ملاك. بسبب علا"قات عاصي بيه الكتير وهي بدأت تشك فيه وكدا بعد مده بقيت تسهر وتخرج و حصل بعد كدا حملها في إياد ابنها الله يرحمه و الحمل دا عمل مشكله كبيره وانا مقدرش أخوض في أعرض حد المهم بعد مو"ت إياد في حادثه اتغيرت تمام وبقيت دايما تعيسه وزعلانه
رحمه بحزن. احكيلي عن اياد
ملاك. إياد طفل عنده شهور مدام رغد في يوم وفاته كانت سايبه مع المغربيه بتاعته وخرجت بيه واللي عرفته انها سابت العربيه بتاعته وجيت عربيه عدت الطريق بسرعه وخبطته
رحمه. هي رغد فين
ملاك. عاصي بيه حابسها وهي مبتخرجش وتقريبا قربت تجنن بسبب اللي حصل
رحمه. مين اكتر واحد قا"سي في الأخوات التلاته
ملاك لسه هتتكلم بلعت ريقها بصعوبه وهي شايفه واقف وراء رحمه
رحمه اتدير لقيته وراها
قاسم. شكلك مهتمه بالعيله دي اوي يا رحمه هانم
رحمه بجديه. مش المفروض بقيت واحده منها حتى لو مؤقتا
قاسم بخبث. بس فعلا عاصي عرف يختار مزه اوي الصراحه
رحمه بقوه. قاسم بيه احترم نفسك انا لحد دلوقتي بتعامل معاك باحترام
قاسم ضحك بخبث ووجه كلامه لملاك. جهزي نفسك هتيجي معايا البلد
ملاك. انا! بس انا عندي كليه
قاسم بغضب مشبوه بالغيره. ولا وحشك الواد زميلك دا كمان افهمي انتي هنا مجرد خدامه والله اقوله يتنفذ
ملاك دموعها نزلت ووطت راسها وسكتت
رحمه بعصبيه. ما تحترم نفسك يا استاذ ايه قله الذوق دي
قاسم بصلها بحده وفي لحظها شدها من خصرها رحمه فتحت عنيها بصدمه
قاسم بحده ووقاحه. بت انتي. انتي هنا مجرد واحده تحمل وكلها كم شهر وهنرميكي برا الثريا يعني متعيشش في
الدور واحترمي أسيادك اصلا بصراحه بفكر بعد ما عاصي ياخد اللي هو عايزه اشوف نفسي يومين ومتخافيش هبسطك وانا وعاصي اخوات ومفيش بينا مشاكل في المواضيع دي
رحمه بصدمه وبحركه سريعه ضر"بته تحت الحزام وزقته بكل قوتها. اسمع يا ابن الرشيدي انا الدكتوره رحمه عبد الحكيم دكتور الأطفال مخ واعصاب بس مش طفله تضحك عليها ومش انا الس"ت اللي تقبل تمشي في الغلط وصحيح انا معايا حزام اسود في الكاراتيه وواخده مركز في الكونغ فو فمتحاولش تقربلي مره تانيه والا هتندم
سابته وخرجت وهو مصدوم من جرائتها
قاسم بحده. جهزي نفسك انا وانتي وناهي هنسافر البلد يومين
ملاك بخوف . حاضر
عل السفره
عاصي. رحمه اجهزي هوصلك المستشفي
ثريا هانم. عاصي بيه افرض الصحافه شافتكم سوا ونشرت صوركم هتقول ايه؟ انا مش عايزه فضايح
رحمه مسكت الشوكه بغضب وكانت عايزه تغر"زها في رقبه الدوليه الارشانه دي
عاصي بتفكير. عندك حق يا ثريا هانم
ثريا ابتسمت بخبث وهي بصله لرحمه اللي مكنتش متوقعه منه حاجه اصلا لأنها عارفه ان دي كلها مجرد لعبه وأنها مش مهمه بالنسبه له
رحمه. بعد اذنكم
طلعت اوضتها ولابست بنطلون ابيض و بلوزه ورديه طويله ورفعت شعرها ديل حصان واخدت شنطه طويله ونزلت
وراحت المستشفى
في المستشفي
دخلت بثقه وسط نظرات الكل ليها وأنها البنت اللي جوزها رفع عليها قضيه ز"نا اتنهدت ودخلت
وراحت للمدير
رحمه. ممكن ادخل
دكتور وحيد. طبعا اتفضلي يا بطله
رحمه. وحشتني يا عمي
وحيد. المستشفى ضلمه من غيرك والأطفال بيسالوا عليكي
رحمه. واديني رجعت اااههه بعد كل اللي حصل
وحيد. سامح اترفد من المستشفى يا رحمه
رحمه. بس اللي عمله فيا د"مرني يا عمي وك"سرني اوي ساح اكتر حد حبيته وطلع ميستهلش
وحيد. اكيد ربنا شيلك حد احسن متقلقش ربك مبيظلمش حد
رحمه بابتسامه جميله. عندك حق ممكن بقى استلم شغلي الولاد وحشوني اوي عايزه اطمن عليهم
وحيد. طبعا اتفضلي
...........
بعد ساعات طويله
قاسم وملاك وناهي خطيبت قاسم وصلوا بيت ريفي جميل
جيت عليهم ست عجوز باين عليها الوقار
قاسم بحب اول مره تلاحظه ملاك. دولي وحشتني اوي اوي
وداد جدته بطيبه. يا بكاشه لو وحشتك كنت جيت من بدري انت وعاصي ودياب نسيتوا جدتكم واضح ان ثريا هانم نسيتكم وداد
قاسم. هو حد يقدر ينسكي انتي قلبي يا جميل
وداد. طب بس بس مش تعرفنا على ضيوفك
قاسم. دي ياستي ناهي خطيبتي
ناهي ببرود. هاي
وداد. هاي ورحمة الله وبركاته
قاسم. ودي ملاك خدامه في القصر
ملاك كل مره تحس باهانه كرامتها من الكلمه دي لكن بتبسم بهدوء. مدام وداد سمعت عن حضرتك كتير وكنت أتمنى اقبلك
وداد بحب. والله انتي جميله ايه رايك تساعديني اطلع اوضتي ونتكلم شويه
ملاك. انتي تومري
في اوضه وداد
وداد. بس ايه رايك في المكان هنا مش بالذمه احلى من قصر اسكندريه
ملاك بطيبه. فعلا المكان هنا جميل
وداد بحكمه. متزعليش من قاسم يا بنتي انا عارفه انه دايما يبان مغرور وقا"سي لكن صدقيني سوا دياب او قاسم او عاصي التلاته جواهم حته بيضا بس هنعمل ايه بقى في ثريا هانم
هي اللي علمته القسو"ه
ملاك. تحبي اساعدك في حاجه
وداد. لا با حببتي انزلي انتي اتفرج على المكان اكيد قاسم مشغول مع البنت خطيبته دي وانتي اتفرحي براحتك الجنينه هتعجبك اوي
ملاك. شكرا
ملاك خرجت وهي بتتسحب بتوتر وخوف اتنهدت براحه لما مش لقيتهم موجودين وقررت تطلع تتفرج على المكان
وقفت تتأمل الكان باعجاب القصر الريفي المحاط بالاشجار من كل مكان وممتده على مرمى البصر مداخله مع حدائق فاكهه والتي تمتد لمئات الافدنه
بصت للمكان بخوف. قاسم اكيد اخد الحيزبونه دي ودخلوا يرتاحوا والله انا مش فاهمه عجبه فيها ايه وهي معرقبه كدا اووفف
بصت للجنينه وابتسمت وقررت تدخلها مر حوالي نصف ساعه وهي تتوغل داخل الحديقه وترى أشجار الفاكهه الجميله
لتضحك وهي ترى أشجار المانجو المثمره تقفز وتحاول ان تجلب واحده لكنها قصيره
ملاك بزهق. يوه ذا انتي فاكهه رخمه صحيح
صرخت بخوف وهي تشعر بيد تمتد حوالي خصرها ترفعها بسرعه الي أعلى لتجد نفسها فوق صهوه حصان ينطلق بسرعه وضهرها ملتصق بصدر قوي كالحجر
لي تملكها الغضب عند رؤيته يحتضنها
قاسم بمرح. ولا تزعلي يا ستي وادي احلى مانجيه لاجمل لوكه في الكوكب
ملاك وهي بتحاول تشيل ايديه من على خصرها . استاذ قاسم لو سمحت سيبني ارجوك
ابتسم قاسم بخبث وهو يفك يديه من حوالها. وادي أيدي شلتها
لتصر"خ بقوه وهي تلف يديها حول رقبته وتتمسك به بخوف من ان تقع. هقع هقع
ابتسم بغرور وهو يمد يديه حولي خصرها ويضمها اليه اكثر واكثر
ملاك بخوف. قاسم بيه انت عايز مني ايه متسبني في حالي حرام عليك
قاسم متكلمش وقف الحصان ونزل ونزلها
ملاك بزهق. مترد عليا يا بني آدم انت عايز مني ايه
وجدته يمسك بيديها ويتجه ناحيه صخره كبيره يجلس عليها ويشدها ويجذبها اليه لتقع على ساقيه وتشعر بيديه تلتف حول خصرها وكأنه يكبلها وبيديه الأخرى يرفع وجهها الجائف اليه وهو يهمس فوق شفتيها بحنان تشعر به لأول مره
. ايه رايك ناكل سوا
ملاك بغيظ. مش عايزه اكل
قاسم بخبث. ولا انا كمان ونفسي اعمل حاجه تانيه
لتبلع ريقها بصعوبه وهي تراه يقترب منها
ملاك بسرعه. ناكل ناكل انا حسه اني جعانه اوي
مال عليها قاسم وقب"لها فوق شفتيها برقه لتنصدم ويتملكها الخوف
ملاك بتوتر. قاسم بيه مينفعش كدا انت بتعاملي وكأني.. كاني
ثم صمتت بتعب
قاسم بجديه. ملاك مفيش داعي لخوفك دا انا عمري ماهاذيكي ياستي هنتغدا سوا وافرجك على المكان وبعدين هنمشي
ملاك بتوتر. تاب ممكن تخليني اقعد على الأرض بلاش قعدتي كدا
قاسم بمشاكسه. اصدك في حضني
بلعت ريقها وهي متوتره من تقلباته. ايوه
قاسم. انا مرتاح كدا ياستي
ملاك.قاسم بيه لو سمحت
قاسم بتوهن. انا اسمي قاسم مش قاسم بيه
ملاك. لا طبعا مينفعش حضرتك متنساش انا مجرد خدامه في قصر الرشيدي
قاسم بحنان. تاب افتحي الشفايف الحلوين دول
ملاك بصدمه. افندم
لتتفاجا به يضع الطعام في فمها
ملاك. قاسم بيه لو سمحت مينفعش كدا
قاسم وهو بيقرب منها. انا بحبك يا ملاك
ملاك بصدمه اكبر. ايه؟
ليقترب اكثر منها وهو يق"بل شفتيها بتلذذ وهي بلا وعي مستسلمه حتى كاد ان يتماد وهو يضع بص"مته على عنقها وهي لا تعي حقيقه ما وراء ذلك الوجه
قاسم بضحكه خبيثه زقها وقعها. اتأكدتي بقى انك ر"خيصه وبحركه بسيطه ممكن اجيبك تحت رجلي وبمزاجك وبكلمتني حلوين تبقى بين احضاني وبرضاكي. على فكره انا كان ممكن اتماد واخدك لحد اوضتي لكن ماليش مزاج
ملاك دموعها نزلت تلقائيا وجريت من ادامه وهي بتعيط
قاسم لنفسه. غبي غبي. عايز ثريا هانم تعمل فيها زي اللي عملته في مرات ابوك
في السكن الجامعي لكليه الطب
شروق. حور احنا لازم نعرف مين الحيو"ان اللي عمل كدا. اكيد نواره تعرفه. انا اصلا ماسكه نفسي عنها بالعافيه وبعدين كل متعدي على اوضتنا تقعد تلقح بالكلام
حور بقيت شاحبه وضعيفه جدا دايما بتعيط وهي مش فاكره حاجه
حور بتعب. انا بكر هروح الكليه اسحب ورقي وارجع الصعيد وربنا يتولني برحمته او ابويا يقت"لني
شروق قعدت جانبها وبقيت تعيط هي كمان وحضنتها
عند نواره
نواره بغيظ. عايزه انشر الفيديو دا من غير ما حد يعرف ان انا اللي نشرته
شاب. وماله يبقى ننشره من رقم متشفر بس بصراحه صحبتك دي مزه اوي بس انتي بنكر"هيها كدا ليه
نواره بغل. عشان دايما حاطه توب الشر"ف وأنها البت الملتزمه حبيت اف"ضحها وبعدين دا انا قبضت من وراها عشر تلف يعني من حقي ابعها و دلوقتي عايزها تتف"ضح في الجامعه
عند دياب
دياب. عرفت هي مين؟
معتز. حور الشرقاوي بنت عيله كبيره في الصعيد. اللي عرفته انها مخطوبه لابن عمها فهد الشرقاوي وفرحهم
بعد الدراسه الترم دا. وان دي كانت أول مره تسهر فيها بالعكس كل اللي يعرفها يشهدلها باخلاقها في تانيه طب
دياب بضحكه سخريه. أخلاقها هههههههه