ديما. ببتسامه صباح الخير يا استاذ ماجد
ماجد. يا صباح الجمال التركي
ديما. بمرح اعمل ايه يا باشا اصولي كلها تركيه وانته عارف
ماجد. هههههه وبعدين قالها صباح الجمال علي عيونك ياقمر
ديما. اممم مش حلو كدا
ماجد. هو ايه دا
ديما. كل يوم تعاكسي انا هعديها المرة دي كمان
ماجد. هههههه وبعدين قالها اعمل ايه ما انتي اللي حلوه وكمان اسمك ديما بتغريني بالتركي بتاعك دا
ديما. ما قولنا اصول يا ياكابتن من اغراء
ماجد. هههههه ربنا يحفظك
ديما. طيب عن ازنك بقا اشوف شغلي
ماجد. اتفضلي يا قمر
ديما بنت عاديه من طبقه متوسطه تسكن مع جدها بعد وفاة اهلها وتعمل بمول للملابس الجاهزه وصاحبه ماجد الشربيني
حنان. ايه يابت يا ديما مش ناويه بقا تحني علي استاذ ماجد وتديه ريق حلو يطمنه بدل هزارك اللي مخلي الراجل مش عارف راسه من رجليه دا
ديما. بس يابت انتي
حنان. يابنتي الراجل هيموت عليكي وانت عرفة ودايما تقلبيها هزار وهو بيعدي لان مش مالي ايده منك شويه هزار شويه جد شويه نكد ارحمي حرام عليكي بقلم نور عصام
ديما. حنونه حبيبتي استاذ ماجد متجوز وانتي عرفه
حنان. بس للاسف مراته مش بتخلف وحقه انو يتجوز تاتي
ديما. حقه مقولناش حاجه بس
حنان. مبسش ادي نفسك فرصه
ديما. يابنتي دا اكبر مني بعشر سنين
حنان. ومالو ف اكبر منكم وبيتجوز عادي وعلي فكره مش باين الفرق اللي بتتكلمي عنه دا
ديما. انا لسه مخلتصش تعليم
حنان. اخر سنه ف الكليه وتخلصي
ديما. طيب وجدو اسيبه لمين
حنان. ديما هو انتي هتعيشي لجدك كل عمرك مامسيرك تتجوزي وبعدين هو جدك هيرفض يعني
ديما. لا طبعا وانتي اكتر واحده عرفه هو دايما بيوافق علي العرسان اللي تتقادملي وانا اللي برفض
حنان. طيب اهدي كدا وفكري تاني وياستي لو علي جدك معتقدش ان استاذ ماجد هيرفض انو يقعد معكم
ديما. مش عرفه بقا
رواية بعد الفراق بقلم نور عصام
حنان. استاذ ماجد كويس وادب واخلاق
ديما. مش عرفه ليه مش مرتاحه للموضع دا وقلبي مقبوض منه
حنان. صلي عالنبي انتي بس وكل شئ هيكون كويس
ديما. عليه افضل الصلاة والسلام
واخر النهار ابتدي يخرجو الموظفين بالمول
حنان. تصبح علي خير يا استاذ ماجد
ماجد. وانتي من اهله يا جنان
ديما. معلش بقا يا استاذ ماجد مش هقدر اجي بكرا بدري
ماجد ليه بس كدا يا قمر
ديما. ببتسامه قالت عندي امتحان ما انت عارف اليومين دول امتحانات ف هتأخر شويه وبس اخلص باجي
ماجد. ولا يهمك يا قمر ولو حابه تريحي بكرا مفيش مشكله
ديما. تسلم يا استاذ ماجد وبصت ل حنان وقالت يلا بينا
وبعد بعض الوقت وصلت شقتهم
جدها. حمدلله عالسلامه يا حبيبتي
ديما. الله يسلمك يا جدو اوعي تكون اتعشيت
جدها. هههههه لا يا حبيبتي مستنيكي
ديما. بقا كدا يا جدو هو انا مش قيلالك تاكل علشان الدوا بتاعك وانا لما اجي هاكل
جدها. والله يا حبيبتي ماجاني نفس قولت استناكي
ديما. حضنته وباست ايده وقالت ربنا ميحرمني منك ابدا يا جدو
جدها. ولا منك يا قلب جدك وبعدين قالها يا حبيبتي مش كفايه بهدله بقا انا معاشي كويس وكمان انتي بتاخدي معاش ابوكي ليه بقا البهدله دي والشحططه
ديما. معلش ياجدو انته عارف من بعد اللي حصل وانا بتدايق اعقد ف البيت كتير
حدها. اتنهد وقالها طيب يلا يا حبيبتي غيري وتعالي
ديما. حاضر يا قلب ديما هغير واجي اجهز الاكل وبعد شويه قعدو ياكلو ويتكلمو
جدها. ها يادودو قولتي ايه علي العريس
ديما. للاسف ياجدو معنديش استعداد اتجوز دلوقتي
حدها. ليه يابنتي الولد كويس وابوه كان عندي انهارده ومستني نرد عليه
ديما. هو فعلا كويس بس انا مش حابه دلوقتي
جدها. طيب اقوله يستني شويه بعد الامتحان او حتي اما تخلصي خالص جامعه
ديما. لا ياجدو
جدها. افهم من كدا انك مش موافقه اصلا
ديما. الله ينور عليك يا حبيب ديما
جدها. ابتسم وقالها طيب ف حد تاني
ديما. ابدا والله وانته عرفني يا ابو السعود
جدها. ببتسامه قالها ماشي ياقلبي خليكي علي راحتك
وتاني يوم
ديما. راحت الجامعه وادت امتحانها وخرجت
ماهر. ديما ديما
ديما. وقفت وقالت يا نعم
ماهر. قرب منها وقالها ايه ياجميل ماشي كدا ولا معبر
ديما. حل عني يا ماهر انا مش هتجوزك ولا حتي هبوصلك
ماهر. ليه يا ختي مش قد المقام ولا ايه
ديما. ايوا ورفعت حاجبها
ماهر. انتي مش عرفه انا مين ولا ايه
ديما. لا عرفه كويس قوي وبأرف بصتله وقالت شاب غني فرحان بفلوس ابوه وصايع وضايع وبتاخد السنه ف اتنين بقلم نور عصام وبتضحك عالبنات وفاكر ان بفلوسك تقدر تشتري كل حاجه واي حاجه بس للاسف
ماهر. للاسف ايه
ديما. لا انته ولا فلوسك تعجبوني ولا حتي افكر اعبرك مش ابوصلك فوق يا ماهر احسنلك ومشيت
ماهر. اتعصب وهيتجنن ازي كل البنات هتجنن عليه وهي لا وطلب منها كمان الجواز قبل كدا
ديما. كلمت جدها انا خلصت امتحان وهتروح المول وبعد شويه وصلت وقالت السلام عليكم
ماجد. بفرحه وعليكم السلام ها ايه اخبار الامتحان
ديما. الحمد لله
ماجد. مش باين عليكي
ديما لا ابدا انا كويسه والامتحان كمان
ماجد. مالك ياديما انتي تعبانه شكلك واضح انو فيه حاجه
ديما. عادي واحد رخم دايقني ف الجامعه
ماجد. بغضب قالها مين دا وازاي يعمل كدا
ديما. دا زميلي
ماجد. بصلها وقال ......
الفصل الثاني
ماجد. بغضب قال يعني ايه زميلك وعاوز ايه يعني
ديما. عاوز يتجوزني
ماجد. ايييه
ديما. مستغربه رد فعله المبالغ فيه اه هي عرفه انو عاوزها بس هي معشمتوش بحاجه
ماجد. بيحاول يهدي قالها وانتي قولتيله ايه
ديما. بصتله وقالت عن ازنك يا استاذ ماجد هروح اشوف شغلي
ماجد بصلها بعد ما مشيت وكله غيظ وغضب وعصبيه
حنان. بعد ما شافتها قالت ايه يابنتي مالك
ديما. ولا حاجه
حنان. الامتحان كان صعب ولا ايه
ديما. لا ابدا
حنان. اومال مالك
ديما. الزفت ماهر اللي كلمتك عنه وكمان كملت بتصرف استاذ ماجد مش عرفه بقا حاجه تأرف بقلم نور عصام
حنان. طيب اهدي بس وبعدين نتكلم ف زباين كتير
ديما. اتنهدت وسكتت
واخر النهار الكل خرج وحنان وديما بيخرجو
حنان. سلام يا استاذ ماجد
ماجد. بص ل ديما وقالها ديما
ديما. بصتله وما اتكلمت
ماجد. قالها بدون مقدمات كدا انا بحبك وعاوز اتجوزك
ديما. تنحت
ماجد. ديما
ديما. فتحت عيونها وبوئها ومش بتتكلم
حنان. ديما انتي يابت
ديما. ولا هنا
ماجد. ديما
حنان. خبطتها ف جنبها وقالت ديمااا
ديما. وشها احمر وقالت هاا
حنان. هااا ايه فوقي
ديما. احم وبصت ل ماجد
ماجد. ديما انا عارف اني فاجئتك بس انا فعلا بحبك فكري وقولي لجدك
حنان. قالت تمام يا استاذ ماجد ومسكتها من ايدها وخرجو
ديما. اول ما خرجو اخدت نفس بصوت عالي
حنان. هههههه وبعدين قالت كان شكلك مسخره وانتي متنحه كدا ومش بتنطقي
ديما. بس يا واطيه انا روحي كانت هتطلع ومعرفتش اتكلم هو في حد يقول كدا علطول
حنان. بجديه قالت الراجل محترم وملوش ف اللف ولا الدوران ودي حاجه كويسه
ديما. بس انا خايفه وكمان ازاي اتجوز واحد متجوز قبل كدا وانا اللي برفض كل يوم عريس وكلهم كويسين
حنان. وفيها ايه يعني
ديما. انتي مجنونه اتجوز راجل متجوز واكبر مني بعشر سنين ليه يعني ايه اللي فيه مميز علشان اوافق وكمان جدو هقوله ايه
حنان. اولا اذا كان متجوز ف دا ميعيبوش لانه حقه يخلف والكل واقف معاه بقلم نور عصام ومميز بأدبه واخلاقه وكمان حالته الماديه كويسه جدا واذا كان علي فرق السن دا مش باين انتي عندك 24 وهو تقريلا 30 يعني ست سنين مش عشره واهم حاجه انه بيحبك ودا لوحده كفايه واذا كان علي جدك معتقدش يرفض مادام انتي موافقه
ديما. لو افترضت اني اقتنعت بكلامك ووافقت قلبي للاسف مقبوض ومش مرتاح
حنان. ليه كدا يا ديما
ديما. مش عرفه مش مرتاحه صدقيني
حنان. طيب اهدي كدا واتكلمي مع جدك وشوفي هيقول ايه
ديما. اتنهدت
حنان. يلا الاوتوبيس وصل وركبو فعلا ومشيو وبعد شويه وصلو
محسن. من وراهم ايه اللي اخركم كدا
حنان. حبيبي وبعدين قالت الاوتوبيس اتاخر
محسن. حمدلله علي سلامتكم ودا بيكون خطيب حنان وبعدين قال ازيك ياديما
ديما. الحمد لله ازيك انته يا محسن
حنان. واقف من بدري
محسن. من شويه وكنت لسه هتصل عليكي
حنان. ابتسمت وقالت تسلملي
ديما. احم احم
حنان ومحسن. هههههه
ديما. طيب عن اذنكو انا همشي
حنان. تمشي فين ياختي استني هندخل مع بعض هما اصحاب وجيران بنفس العماره ومحسن كمان بنفس العماره
ديما. طيب ايه هتطلع يا محسن ولا
محسن. ايوا طبعا
ديما. طيب يلا ياخويا انته وهي كفايه محن ف الشارع
محسن. غيوره قوي البت دي
حنان. بهزار قالت جدااا
ديما. رفعت حاجبها وقالت بقا انا كدا ياجزم
حنان. مش قوي
ديما. هههههههه
محسن. دخل شقتهم وهما كملو وطلعو
حنان. تصبحي علي خير يا قمر
ديما. وانتي من اهله وفتحت ودخلت وبعد ما قعدت شويه مع جدها قالت ان ماجد عاوز يتجوزها وحكت اللي حصل
جدها. قال ليه كدا بس يابنتي بقا ترفضي شباب كويسين وملهمش تجارب ف الجواز قبل كدا و
ديما. قاطعته وقالت يا جدو يا حبيبي هو قالي وانا بقولك اهو وباخد رايك
جدها. المهم رايك انتي
ديما. مش عرفه
جدها. يعني ايه مش عرفه ماهو يااما موافقه يااما لا يااما حابه تفكري ودا معناه انك متردده ودامش رافض نهائي
ديما. هو قالي انو بيحبني
جدها. طيب وانتي
ديما. خايفه خايفه ومش مرتاحه
جدها. يبقي خلاص نرفض وكل شئ قسمه ونصيب
ديما. خايفه اظلمه
جدها. وبعدين معاكي يعني
ديما. محتاره ياجدو وبفكر معك بصوت عالي
جدها. انتي حسه انك مياله ليه
دينا من فتره وانا حسيت باهتمامه ومش هكدب عليك يا جدو وكمان حسيت انو بيحبني ودا واضح جدا بس انا
جدها. ايوا انتي بقا
ديما. شويه احس اني ببادله نفس الشعور والاحساس وشويه اقول لأ دا مجرد وهم وخوفي يزيد وقلقانه
جدها. حيرتنيني معاكي بس انا بصراحه مش موافق اولا لانه متجوز قبلك وكمان عدم ثقتك ف رأيك دا مش مريحني
دينا. يعني ايه ياجدو
جدها. يعني موضوع وخلص قبل يبدأ ومن بكرا تروحي تقوليله كل شئ قسمه ونصيب ومفيش شغل تاتي هناك فاهمه
ديما. قبل ترد جرس الباب رن راحت وفتحت واتفاجئت ب
ماجد. ابتسم وقالها دودو مساء الخير
ديما. واقفه ومش بتتكلم
ماجد. ايه يابنتي هتسبيني عالباب كدا
ديما. هااا
ماجد. هاا ايه اقفلي بوئك دا وقولي لجدك اني عاوز اقابله
جدها. مين يادودو
ماجد. انا ياجدو
جدها. قام وقف وراح عليها وقال مين حضرتك
ماجد. ماجد الشربيني
جدها. عرف انو هو قال اتفضل يابني نورت
ديما. لسه واقفه مكانها
ماجد ابتسم وقالها وسعي يابنتي خليني ادخل
ديما. بعدت عن الباب وهو دخل وقفلت
جدها. اتفضل اقعد يابني وقال اعملي حاجه نشربها يا ديما
ديما. حاضر ياجدو ومشيت من قدامهم وهي متوتره
ماجد. انا اسف ياعمي اني جيت كدا بس بصراحه مقدرتش اصبر انا اتكلمت مع ديما والمفروض اديها فرصه تفكر وكمان حضرتك بس مقدرتش بقلم نور عصام
جدها. ابتسم وقاله نورت يا حبيبي وبصله لقي شاب وسيم وباين عليه انو مؤدب ومحترم
ماجد. طبعا ديما اتكلمت مع حضرتك بس انا حابب اعرفك عليا اكتر انا ماجد الشربيني صاحب مول الشربيني واتردد وبعدين قال متجوز بس للاسف مراتي مش بتخلف وطبعا من حقي اتجوز واخلف وخصوصا اني عملت تحاليل والحمد لله انا كويس واهلي واهلها كمان مش ممانعين اني اتجوز
الجد سعيد. بصله
ماجد. كمل وقال بصراحه من وقت ديما اشتغلت بالمول وانا اعجبت بيها وباخلاقها وبصراحه اكتر حبيتها واتعلقت بيها وحاسس اني مش مقدر اكمل من غيرها
جدها. قال. حاسس
ماجد. بتوتر قال دي مش احساس بس دا بقا يقين ياجدو بس اعذرني متوتر شويه
جدها. ابتسم وبعدين قال طيب ومراتك
ماجد. مالها
جدها. هطلقها ولا ايه
ماجد. هي لحد دلوقتي مش عاوزه تطلق وقالتلي اتجوز
جد ديما. قال يعني هتتجوز ديما وهي كمان علي ذمتك
ماجد. لو ديما وافقت خلاص مادام ريهام ما طلبت الطلاق يبقي ليه اطلقها واكسر خاطرها
جد ديما. وياتري الوضع دا هيريح ديما وهيريحك انته كمان بعدين وبصله بنظره هو فهمها
ماجد. جدي انا مش عاوز اظلم ريهام واطلقها وخصوصا انو غصب عنها دي حاجه بتاعت ربنا وكمان هي معندهاش مانع اني اتجوز ولو ديما عاوزه اننا نقعد ف بيت تاتي لوحدنا انا معنديش مانع انا وريهام عايشين ف بيت العيله مع والدي ولدتي
جد ديما. المشاكل هتبقي كتير وانته عارف
ماجد. حضرتك عاوزني اطلق ريهام
جد ديما. انا عاوز راحت بنتي ودا حقي وحقها
ماجد. صدقني ياجدو انا بحب ديما ومستحيل اظلمها ولا اجي عليها وكل طلباتها موجابه وكل اللي تقول عليه نافذ بس
حد ديما. بس ايه
ماجد. بلاش اطلق ريهام هي ملهاش حد وبعدين هي موافقه
جد ديما. بنتي مش هترتاح ولا مراتك وخصوصا لو ديما خلفت
ماجد. متقلقش ياجدو
جد ديما. دلوقتي مراتك بتقولك اتجوز لكن بعدين الغيره والغل هما اللي هيتكلمو وانا مقبلش ان بنتي تعاني بسبب اللي هيحصل
ماجد. بصله وقال طيب نشوف رأي ديما ولو قالت اطلقها
جد ديما. قاطعه وقال متحملنيش ذنب حد انا طبيعي اخاف علي بنتي ودا حقها واعتقد انك عارف انو بيجيلها عرسان كتير وبنرفض ومش ف الاخر نوافق علي واحد متجوز بقلم
نور عصام وكمان مراته موجوده معاه انا مش بلومك علي جوازك دا شئ طبيعي وبتاع ربنا انا بس معترض علي وجود زوجه تانيه مع بنتي وبعدين قاله اعذرني يابني انا صريح ودا جواز
ماجد. عذرك يا جدو ومقدر كل اللي قولتله بس والله انا هسعدها ومش هقصر معها ف حاجه ولو ف يوم اشتكت مني حاسبني زي ما انته عايز بس وافق ياجدي انا بحبها وعاوزها
جد ديما. اتنهد وقال لحظه انادي عليها وقال ديما
ديما. بعد لحظات دخلت ومعها العصير
جدها. تعالي ياحبيبتي وقعدها جنبه وقالها اللي حصل من ماجد
ديما. متردده
جدها. قولي رايك
ماجد ديما مش هتندمي صدقيني ولو ف يوم حسيتي انك مش عاوزه ريهام صدقيني انا هطلقها
ديما. طيب معلش اديني وقت افكر
ماجد. قام وقف وقالها تمام خدي وقتك واتمني توافقي وسلم علي جدها وخرج
ديما. راحت توصله عالباب
ماجد. بصلها وقال بحبك ديما ومشي
ديما. قفلت الباب وكل احاسيسها ومشاعرها متلخبطه اتنهدت وراحت عند جدها
جدها. ها ايه رأيك
ديما. والله ياجدو ما عرفه اقول ايه بعد كلامه وحبه اللي واضح جدا عليه حسه اني موافقه بس بردو خايفه من كلامه علي مراته وكمان خايفه من التعامل معها
جدها. لو قولتيله طلقها هيعملها هو قال كدا
ديما. فكرت بس صعبت عليا وخصوصا انو بيقول انها ملهاش حد يعني مهما كان اهلها هتتعب نفسيا وبقول لنفسي كفايه عليا انها مخلفتش ودا لوحده قادر يحطمها ربنا يرزقها ياارب ويخيب ظن الدكاتره
جدها. يعني موافقه
ديما. موافقه بس خايفه
حدها. انا مش موافق
ديما. ليه ياجدو علشان متجوز
جدها. عمره ما كان عيب انو متجوز انا مش موافق علشان انتي من جواكي مش موافقه او مش مقتنعه او خايفه من حاجه ودا اللي بيخليني اقول بلاش احنا لسه عالبر
ديما. رمت نفسها ف حضنه وقالت بس جوايا شئ تاني بيقولي وافقي هو بيحبك
جدها. اتقدملك كتير كانو بيحبوكي ورفضتي
دينا. بس هو صرح ياجدو بمشاعره وحبه ليا
جدها. بصلها وقالها انتي موافقه صح
ديما. سكتت
جدها. اتنهد وقال اللي فيه الخير يقدمه ربنا قومي نامي
ديما. باست جدها من ايده وقالت اوعي تتخلي عني ياجدو حتي لو اختياري غلط
جدها. ضمها لحضنه وقالها من امته وانا بتخلي عنك انتي بنتي مش بس بنت ابني وابتسم وقالها مبروك يا حبيبتي
وتاني يوم الصبح
ديما. قامت وصلت فرضها واتنهدت وقالت ف نفسها انا خلاص فكرت كويس وقررت ان ارد علي استاذ ماجد واقوله .....