سأظل ملكه
الفصل التاسع (9)
بقلم زينب فراج
سبحان الله وبحمده سبحان الله العظيم"
"صلوا على أشرف الخلق ❤️"
ولجت لينا إلي منزلها لتجد والدها يجلس في الصالون فإنطلقت سريعا له بعدما خلعت حجابها ورمت حقيبتها عند أقرب كرسي قابلها، نظرت لينا لوالدها بعيون القطه وهي تقول : آسري
فتح يداه سريعا وهو يقول : مالك يا حبيتي
إرتمت لينا في أحضان والدها ليربت آسر على شعرها وظهرها بحنان وهو يقول : القمر مضايق من إيه
تنهدت بقوة ثم قالت : ضغوط كتير.. تفكير.. شغل.. حاجات كتير أوي
ربت على ظهرها بحنان وهو يقول : ودا له علاقة بزين
أماءت برأسها قائلة : للأسف أه.. أنا تعبت بجد مش عارفه أعمل إيه مليون صوت جوا كل واحد بيطالب بحاجه شكل كل واحد ملهوش علاقة بالتاني وملقتش حاجه تهديني غير حضنك
شدد من عناقها ثم قبل خصلات شعرها وهو يقول : خدي أجازه ما شاء الله لسه عامله حوار مهم خدي أجازه وإسمعي كل الأصوات إللي جواكي حتي لو رفضتي بعضهم أو كلهم بس إسمعيهم أنصتي ليهم، طول ما الصوت طالع من جواكي يعني أنتي محتاجاه، أنا جنبك يا قلب آسر وآي حاجه عايزاها مني أنا جاهز لها
وهنا كانت سيدرا تهبط درجات السلم وهي تبحلق بمن تسكن أحضان زوجها لتصرخ بأعلي صوت : جايبها بيتي يا آسر
إبتسمت لينا بقوة وهي في أحضان والدها ثم همست له : متقولهاش أن أنا... ألعب معاها شويه
أقتربت منهم سيدرا وهي تضع يداها على فاهها تصرخ به : مين دي
وقف آسر وهو يضع لينا بهدوء على الأريكة ثم قال : براحه وطي صوتك شوية
نظرت سيدرا لتلك النائمه وهي تقول : يا حرام وخايف عليها أحسن تصحي، أنتي يا بـت
إقترب آسر من سيدرا ثم لمس شفتاها بأنامله متحدثا : هش أهدي قولتلك نايمه
لم تفكر سيدرا ثانية واحده حتي قبضت على يداه وهي تهمس بفحيح : لو كنت شايفني ملاك فأنا بقولك أنا هلاك عندك يا آسر علشان كده يا قمر قولي مين دي وقاعده في حضنك بتعمل إيه إلا وربنا أجيب أجلك وأجلها حالا
إبتسم آسر بهدوء قائلا : ملاك شرس أوي يعني بس مزه أخر حاجه
بينما صدح صوت لينا وهي تقول بنبرة صوت متغيرة وهي تتحدث الإنجليزية : أوه عزيزي جاءت زوجتك
إقتربت منها سيدرا وهي ترد على حديثها : أجل جئت فلتترحمي على الباقي من عمرك عزيزتي
كانت تحاول الإقتراب منها لكن وقف آسر في طريقها، لتصك سيدرا على أسنانها وهي تقول : قسما بربي لو ما سبتني أجبها من شعرها لهتشوف وش عمرك ما حلمت تشوفه يا إبن الجراحي
ركضت لينا إلي أعلي ولم تنظر خلفها حتي لا تعلم من هي، لتركض سيدرا خلفها وهي تقول : أستني يا زبالة.. خدي يا بت هنا بتجري في بيتي يا خطافة الرجالة وربنا ما أنا رحماكي وشوفي عزيزك هيخرجك من تحت إيدي إزاي... خدي عندك يا بت وربنا لأنتف شعرك دا شعرايه شعرايه
وقفت لينا أعلي السلم لتلتفت برأسها لآسر وهي تقول : حوش مراتك عني دي هتكلني بجد... وربنا أنا بنتك يا سيدرا
وقفت سيدرا تأخد أنفاسها ثم نظرت لآسر بتوعد ولفت وجهها مرة أخري للينا وهي تقول : طب يا عسل إدخلي بقا لمي شعرك وفيه مواعين جوه مع تنظيف رخمات وأرضيه مستنينك
جاءت لينا تعترض فقالت سيدرا بنبرة أمهات : قسما بربي أخليكي تجيبي الشقه حطيان وأرضيه
قالت لينا بإرهاق : أنا تعبانه يا ماما ونفسيتي زي الزفت
حركت سيدرا رأسها بشفقه مصطنعه ثم قالت : ما التنظيف هيطلع كل القرف إللي جواكي، ويا سلام على الراحه النفسيه بعد غسل المواعين ولا أروع.. أعملي حساب أقوم من النوم ألاقي إللي قولت عليه معمول فاهمه يا حلوه
صكت لينا على أسنانها ثم دلفت إلي غرفتها، لتعلوا أصوات سيدرا وهي تقول : إتضبطي يا بت أحسن وإللي خلقني أجي أقلع شعرك ده...
بينما نظرت لآسر ثم قالت : حسابنا بعدين علشان أنا تعبانه دلوقتي، جاهزه نفسك بكره خناقه يلا تصبح على خير
فتح فاهه ببلاهه من أفعال تلك المجنونه...
سأظل ملكه 🍒
زينب فراج zeinab farag 🍒
دلفت ليلي إلي المطبخ لتصرخ بأعلي صوت مما تراها : حرامي إلحقوني... محمود إلحقني... يا لهــــــوي ف..
إبتلعت باقي جملتها وهي تري سامي يلتفت لها وفمه ملئ بالطعام بشكل يقرف، وفي هذه الأثناء دلف محمود بسرعه وهو يمسك مقشه في يداه قائلا : هو فين هو فين إبن الكلب
إبتسم سامي ببلاهه وهو يرفع يداه، ليصمت محمود بعدما فهم ما قالة، بينما رفعت ليلي خفيها ثم دفعته في وجهه سامي لكنه أخفض رأسه بكل برود وهو يتابع الأكل ليضرب الشبشب درج الأطباق فوقعت كلها على الأرض وإليكم ما تتخيلوا..
نظرت ليلي للأطباق بعيون دامعه، فإبتسم سامي بشماتة نوعا ما وهو يقول : إللي بيجي على الغلابة.. شوف يا محمود الدموع إللي في عينها تحس أن إبنها فلذة كبدها هو إللي أتكسر دا حتي لو إبنها مش هتزعل كده... شوف شوف الحزن في عينها.. شوف الدموع في عينها إزاي عينها مغرغرة بالدمــوعــز
تقدم من والدته وهو يتابع الأكل ليربت على كتفها وهو يقول : البقاء لله يا ليلي يا بنتي منجلكيش في حاجه وحشه..
نظرت له ليلي بغضب جحيمي، ليبتعد سامي عنها مسرعا كي لا يجلس بجوار تلك الأطباق ولن يختلف حالهم
نظر محمود لليلي بهدوء ثم قال : فداكي يا ليلة هجبلك واحد أحسن منه
ضمته ليلي وهي تقول ببكاء : واحد إيه بس... دا أكتر طقم بحبه يا محمود.. عارفه دا بكام.. طب سيبنا من سعرة دا أنت إللي جيبهولي في عيد جوزنا... دا الطقم الوحيد إللي عندي بيدخل الميكرويف آاااه
قالت الأخيرة وبكائها يزداد، ليربت محمود على ظهرها وهو يقول : ليلتي خلاص بقا هجبلك واحد تاني والله متزعليش نفسك يا حبيبتي
مسح سامي دمعته الوهميه قائلا : خلاص بقا يا ليلة هنهار في البكا يا حبيبتي... تعالي هنا
قال الأخيرة وهو يضمها لصدره، ليبعده محمود بيداه قائلا بتذمر : سامي إبعد عني
نظر له سامي ببرود قائلا : أنا لازق فيك.. وبعدين أنا جاي أخد ليلة حبيبتي في حضني في حضن إبنها
نظر له محمود بغضب ثم همس له : طب ورحمة الغالية ما أنت واخد فلوس الشهر ده
بعد سامي بسرعة وهو يقول : حــــرام حــــرام حرام ضم الإبن لوالدته حرام... أنتي متوضيه يا أماه
نظرت له ليلي متعجبا وهي تكف عن البكاء، لتهز رأسه بالنفي، فصرخ سامي بأعلي صوت : ليــــه، أستغفر الله العظيم سامحني يارب سامحني يارب
ثم أنطلق خارج المطبخ وهو يقول : أستغفرالله أستغفرالله أستغفرالله توبة ربي توبه اللهم أغفر لي وطهرني كما يطهر الثوب الأبيض من الدنس
أنفرطت ليلي في الضحك وهي تقول : أنت قولتله إيه عمل فيه كدا
مسح محمود دموعها مقبلا عينها وهو يقول : عايزك تفضلي تضحكي على طول
.......
صباح اليوم التالي في دبي الإمارة الأروع في دولة الإمارات العربية المتحدة تستيقظ تلك الفتاة.. هل على ضوء الشمس؟ بالتأكيد لا. تستيقظ على طرقات الباب التي لم تتوقف منذ خمس دقائق أو ساعه لا تعي شئ، تنهدت بضيق وهي تبعد الغطاء عنها قائلا : إصطبحنا وإصطبح الملك لله
فتحت الباب وهي تقريبا لا تري أمامها لتتفاجأ بسند أمامها، بينما نظر سند من أعلاها لأسفلها ليجدها ترتدي توب أسود بيتي مع شورت نفس اللون وشعرها مبعثر فقال بهدوء : أنتي إزاي طالعه تفتحي كده
نظرت لنفسها لتجحظ عينها، ثم نظرت له بملامح جامده وهي تقول : مالي يعني.. عايز إيه يا سند
تنهد سند بقوة ثم قال : ولا حاجه كان ممكن يكون عامل مش أنا ويشوفك بربع شورت مالك يعني.. إدخلي صحي روح
تركت الباب مفتوح وهي تدلف إلي داخل الغرفة متجاهله حديث سند فكانت تشارك روح في غرفة الفندق، لم تجد روح في الفراش لتتجه نحو المرحاض وأيضا لم تراها، فمسكت هاتفها تجاري روح ولكن الخط مغلقاً، خرجت لسند وهي تقول : روح مش موجوده
نظر له متعجبا وهو يقول : مش موجوده إزاي يعني
جاوبته ببرود يجنن الطرف الآخر : مش موجوده
قلب سند عينه بضيق يحاول ضبط أنفاسه فآخر ما يريده الآن أن يتعارك مع تمارا..
جز سند على أسنانه وهو يقول : أعتقد أنا سمعت من أول مره.. روح فين يا تمارا
جاوبته تمارا بنفس برودها : قولت معرفش هي مش صغيرة وأكيد يعني هتعرف ترجع، مترهقش نفسك في التفكير يا سند
قالت الأخيرة بنبرة أشبه بالتهكم فقال سند : مشغلش نفسي إزاي دي روح أنتي هتستعبطي ولا إيه
نظرت له ببرود وهي تقول : ألزم حدودك معايا.. وروح دور عليها في حته تانيه عايزه أنام
جاءت أن تغلق الباب ليقول سند : مش دي بنت الست إللي وقفت جنبك، مش دي بنت الست الوحيده إللي إتحملت جنانك، الوحيده إللي قدرت تطلعك من محنتك بس نقول إيه بقا إللي فيه طبع مبيغيروش
أعتقد سند بأنه سيثير أعصابها أو تغضب تثور عليه لكن أغلقت الباب وهي تقول : عن إذنك
أغلقت الباب وهي تستند عليه بوجع تتذكر كل آلام الماضي، لتنزلق دموعها وهي تضع يداها على فاهها كي لا تخرج شهقاتها...
وقفت تمارا وهي تمسح دموعها قائلة : مش وقت ضعف ولا ماضي ولا آي كابوس يتغلب عليكي... وبعدين بتاخدي بكلام مين سند! دا أقل من أنو يحكم على قطه
بينما جز سند على أسنانه وهو يقول : ملقتش غير دلوقتي وتقول كده، الصبر يارب.. راحت فين ست روح دي كمان
تحرك خطوتين ليقابل روح أمامه فقال بضيق : كنتي فين يا ست هانم
نظرت له بتعجب قائلة : في إيه.. كنت بتمشي شوية
هز سند رأسه وجاء أن يتحرك إلا أن روح قالت : مالك يا سند.. متقولش أنك اتعاركت مع تمارا... أوعي تقول سميت بدنها بكلمتين من بتو...
هز سند رأسه وهو يقول : آاه أه سميت بدنها بكلمتين في حاجه يا روح... إجهزوا نص ساعه وهاجي أخدكم علشان نفطر ونشوف الدكتور
قال حديثه وهو ينطلق إلي غرفته، بينما لجت روح بسرعة إلي غرفتها مع تمارا، لتفتح الباب بسرعه وعينها تبحث عن تمارا..
لم تجد تمارا لتلتفت خلفها عندما سمعت صوت باب المرحاض لتجدها تخرج وهي ترتدي قميص أسود بنصف كم مع رسمه كلاسيكيه وكان القميص واسع عليها مع بنطالون أسود جينز واسع أيضا ويتوسط هذا حزام أسود جلد ضيق على خصرها النحيل مع نظارة سوداء وحقيبه خصر لكنها علقتها في عنقها وكسرت الأسود هذا ببوط أبيض جلد فأغلب لبس تمارا بهذا الشكل فهي تفضل (الإستريت إستيل)
إقتربت منها روح ثم قالت بهدوء : صباح الخير.. هدخل أخد دش علشان هيعدوا علينا بعد نص ساعه
أماءت تمارا برأسها، وإنطلقت روح لكن أوقفها صوت تمارا وهي تقول : هو أنا أنانيه يا روح
أغمضت روح عينها ثم لفت وجهها وهي تقول بهدوء : كل إنسان فينا عنده كل الصفات جواة حب.. كره.. سعادة.. تعاسه.. عطاء... أنانيه.. بس النسب بتختلف، يعني تحسي نفسك قدام شخص معين مستعد تعطيه روحك والتاني مش طايق تشوف وشه، الدنيا مش على حال ومستحيل تكون علي حال.. هتبقي ماسخه أوي
هزت تمارة رأسها لتنسحب روح بهدوء متجها إلي المرحاض بعدما أخرجت ملابس لها..
بعد قليل كانوا جميعا في أسفل الفندق يتناولون الطعام، بينما تمارة وروح قد أنتهوا وخرجوا للتمشيه، أخذت تمارة نفس عميق وهي تقول : لية متغيرتيش بعد ما عرفتي أنك تعبانه
كانت روح تفهم مقصدها جيدا فقالت بهدوء : أنا هي أنا مش هتغير علشان مرض أو هبتسم غصب عني مثلا أو أعمل أي حاجه مش حباها، أنا روح ببرودي دا طبيعيه مش بمثل ومش مطره أمثل علشان أعجب حد عرفتي ليه مش متغيرة.. وقبل ما تقولي مش زعلانه ليه، مين قالك أنا زعلانه بس المرض مش آخر الدنيا حتي لو طلعت من العملية ميته خلاص دا عمري ربنا كاتبلي كده، وصراحه بقا أنا برده أه بس مش بحب النكد يعني هفضل عايشه حياتي زي ما هي
أخذت تمارا نفس عميق وهي تشتم عبير الورود قائلة : كان نفسي أبقي زيك.. مش حسد وربنا، بس كنت أتمني أن الماضي ميفضلش حاجزني مفضلش دايما أفكر في حاجات مش هتإذي غير أنا، أنسي ألمي وآي حد جرحني
نظرت لها روح بحزن فهي تعلم حجم معاناة تمارا جيدا فقالت بهدوء : ولد الماضي للتعلم منه لا التألم منه.. الحياة هي الحياة مهما حدث، مهما أعترضنا لن يحدث فرق.. فلنعش اللحظة
أنهت روح حديثها لتقول بهدوء : مش لازم تمشي ورانا يا زيد أتفضل عايز إيه
إبتسم بقوة وهو يقول : عرفتي إزاي
جاوبت : عادي يعني ريحت برفانك مش موجوده هنا ومش محتاجه ذكاء يعني
_طب يلا يا لماضه علشان نروح للدكتور، تمارا ريان هيخدك علشان تحجزي المكان في المعرض
هزت رأسها وهي تقول بهدوء : طب عن إذنكم
سأظل ملكه 🍒
زينب فراج zeinab farag 🍒
دلفت نيروز إلي غرفة المكتب الخاصة بمالك وهي تقول : عندي أخبار نار
قال ببرود وهو يتابع النظر للأوراق في يداها : أمم
وضعت نيروز بعض الأوراق على طاولة المكتب وهي تقول بسعادة : كسبنا الثقه، والمفروض حضرتك تسافر بكره
أماء يمان برأسه وهو يقول : طب جهزي الأوراق المطلوبه، أنتي وأحمد إللي هتيجوا معايا إتفضلي
خرجت نيروز دون ملاوغه على غير عادتها، فنظر مالك لأسرها متعجبا : هي خرجت بهدوء كده! بسم الله الرحمن الرحيم لتكون في آخر أيامها... متفهمش ليهم حال كل دقيقه على حال
أنتهي مالك من أعماله ليخرج من غرفة المكتب، وإبتسم بقوة وهو ينتقل إلي مكتب روز متحدثا : صباح الجمال لعيونك يا قمري، إيه الحلاوة دي
جحظت عينها وهي تقول : إيه دا أنت مش هتعقبني على الكلام إللي قولتهولك في التلفون إمبارح
هز رأسه وهو يتمايل على المكتب قائلا : فيه حد يشوف البحور دي كلها ويفضل مضايق بردو
إبتسمت بقوة، لتسمع صوت نيروز من خلف مالك : في حاجه يا مالك بيه، روز مقصرة في حاجه
نظر لها مالك ببرود متحدثا : لو مقصرة مش محتاجك علشان أقولك، خلي موبايلك مفتوح يا روز
جحظت عين نيروز وقبل أن تتحدث إرتدي مالك نظراته ثم خرج من المكتب بأكمله وهو ينظر أمامه بثقه تليق به...
جزت نيروز على أسنانها وهي تقول : هو مالك بيه بيكلمك
إبتسمت روز ببرود وهي تهز رأسها : حاجه ملكيش فيها، يلا على شغلك
إنطلقت نيروز على مكتبها حيث شركة مالك لا يوجد بها غرف مكتب غير غرفته وغرفة الإجتماعات، بينما مكاتب المهندسين في صالة مخصصه لهم...
.......
أخذت تمارة جولة سريعه في المعرض لتقف عند ذالك المكان الذي يطل على أحد الحدائق وهي تقول : أنا هعرض هنا
نظر العامل للورق في يداه ثم قال بهدوء : تمام حضرتك
أماءت تمارة برأسها ليكمل العامل بهدوء : العرض بكره الساعه 7 وطبعا تيجي قبلها علشان تجهزي اللوحات
هزت رأسها وهي تقول بإبتسامه هادئة : تمام شكرا جدا ليك
إبتسم الرجل بهدوء : لا شكر على واجب نورتي
خرج الرجل ليتوجه ريان إلي تمارة وهو يقول : أنا فرحانلك أوي، أخيرا هتحقيقي حلمك
نظرت له بهدوء وهي تقول : طيب فرحتك لبكره، صدقني الفرحه بكره مش هيبقي ليها شكل
إبتسم بقوة وهو يقول : كل التوفيق يا تمورتي.. يلا علشان نلحق روح ولا مش عايزه تروحي
هزت رأسها بنفي وهي تقول : لاء طبعا إزاي، دي مهما تكون بنت مليكه بردو
بعد قليل وقد وصلوا إلي المستشفي التي لم تبعد سوي بعض الدقائق القليلة جداً، أستقبلوا العاملين ريان علي أكمل وجه فمن لا يعرف الدكتور ريان الشامي...
جلس ريان بجانب الجميع في الخارج بينما بالداخل روح فقط من تجلس مع الطبيب، حتي أنها لم توافق على دخول والدها أو حتي سند، فقط هي..
في الداخل نظر الطبيب لروح بهدوء وهو يقول : هدوءك يعجبني
هزت رأسها في هدوء، ليكمل الطبيب بعملية : لا أخفي عليكي الجراحه ستكون طويلة بعض الشئ، لكن لم أقول أنها ستكون مألمه، بعد نجاح العملية أن شاء الله ستخضعين إلي بعض جلسات العلاج حتي يتم شفاؤك على خير
هزت رأسها وهي تقول : كم سيأخد وقت العلاج
قال الطبيب بهدوء : من شهر إلي ست أشهر كما يتفاعل معه جسدك
قالت روح بهدوء : قد قرأت بأن هناك بعض الحالات التي لا تحتاج للجراحه
قال الطبيب بعمليه : قد لا نحتاجها في حالة الورم الحميد. أما في الحالة التي تحتاج جراحه تتقسم لعدة نقاط
إذا كان ورم الدماغ يقع في مكان يسهُل الوصول إليه لإجراء عملية، فسنعمل على إزالة أكبر قدر ممكن من ورم الدماغ.
في بعض الحالات، تكون الأورام صغيرة وسهلة الفصل عن النسيج المحيط للمخ؛ مما يجعل إجراء استئصال جراحي كامل أمرًا ممكنًا. وفي حالات أخرى، لا يمكن فصل الأورام عن النسيج المحيط أو تقع الأورام بالقرب من مناطق حساسة في المخ، مما يجعل إجراء العملية الجراحية أمرًا خطيرًا. سنستئصل في هذه الحالات أكبر قدر ممكن من الورم محافظًا على سلامة المريض في المقام الأول.
إن حتى مجرد إزالة جزء من ورم الدماغ يمكنه المساعدة في تقليل العلامات والأعراض.
وتتضمن جراحة إزالة أورام الدماغ إلي بعض المخاطر مثل العدوى والنزيف. قد تعتمد المخاطر الأخرى على الجزء الدماغي الذي يقع فيه الورم. فعلى سبيل المثال، قد تتضمن جراحة الورم الذي يقع بجوار الأعصاب المتصلة بالعَيْن خطر فقدان البصر.
فقط نتمني الخير والتفكير بإيجابية، وشكر لله أولا وأخيرا
أخذت نفس عميق وهي تقول : إذا متي سنبدأ بالعملية
إبتسم الطبيب وهو يقول : الغد
وقفت روح ليقف الطبيب كنوع من الإحترام، ثم مد يداه وسلم عليها وهو يقول : دون شعرك وتبدين مزهله، إذا كيف كنتي بشعرك أنستي؟!
ضغطت روح على يداه وهي تقول : لست من هذا النوع حتي ولو بالمزاح دكتور مارتن
إبتسم بقوة وهو يقول : أنتي بعمر أبنائي
نظرت له بهدوء متحدثا : أوه لا أصدق، تظهر في نهاية العقد الثاني، على آي حال لا أحب هذا النوع من المجاملات بعمر أبنائك أو حتي أحفادك
هز رأسه بهدوء قائلا : لا أتوقع أقل من هذا، ترعرعتي مع ريان الشامي وسند الجراحي
إبتسمت ببرود قائلة : لم تري زيد الآطير بعد سيعجبك كثيرا.. وأه تمارا أيضا هي معنا لكن لديها عرض هام تجهز له.. أستأذنك
خرجت روح من مكتبه وهي تبتسم بهدوء، ليتجه نحوها زياد مسرعا وهو يقول بقلق : ها يا روح قالك إيه
حركت رأسها وهي تقول : ولا حاجه، بكره العملية
صفق زيد وهو يقول : جامده وربنا أول واحده في العيلة تدخل أوضة عمليات
إقتربت منها تمارا وهي تقول بتذمر : يعني يعملوا العملية في نفس يوم العرض مش حرام ده، دلوقتي مين يشجعني
إبتسمت روح وهي تقول : مبروك يا تموره كل التوفيق
مالت على أذنها ثم همست : نكمل في أوضتنا بقا، فيه كلام كتشير أوي
هزت تمارا رأسها وهي تبتسم بهدوء..
بينما كان هو يتابعها في حزن لا يعلم ماذا يقول، أو كيف يواسيها، كيف تتظاهر بكل هذه الشجاعه، يا الله أعطني القوة كي لا أذهب وأعتصرها بين أضلاعي..
رأيتها تمنيت لو أدخلتها بين ضلوعي، تمنيت لو أوقف العالم عند هذه اللحظه كي أشبع عيني منها، كي أملي رغباتي في النظر إليها، لا أحلم سوي بعناق طويل أبث لها شوق سنين.. أماني ليالي.. عتاب لحظات.. حنين أزمات.. أشتهي عناقها..
كانت تلك الفتاة التي لم تتجاوز السابعه عشر من عمرها تجلس على السرير وتضع هاتفها على أذنها وهي تقول : الله مش قايلة... لاء... لو عاوز تقفل أنت حر
عند هذه النقطه لج أحد إلي الغرفة التي تمكث بها لتغلق الهاتف وهي تقول : طب سلام دلوقتي
أغلقت الهاتف لينظر لها الدالف وهو يقول : كنتي بتكلمي مين
تجاهلة الرد وهي تقول : مليكه عملت الغدا
جذبتها من يداها قائلة بتذمر : مش قولتلك مينفعش كده.. على آخر الزمن هتكلمي صبيان يا أنسه يا محترمه أنتي شايفه سنك...
الله أكبر مين بتكلم شباب..!!
الحبيب الصامت..!!