#زين_المافيا
#البارت_التالت
بقلمى منار مجدى
مهران:بس احنا كده خسرنا صفقه كبيره يا زين ازاى هنعوضها.
زينه حطيت أيديها على كتفه.
زينه:متقلقش هو هيرجع تانى ويطلب يشتغل معانا.
مهران:وايه يضمنلك ده.
زينه:انا ليا نظره للناس وانا عارفه نوعه كويس اكيد هيرجع يطلب الطلبيه لأنه كان شكله محتاجهم عارف انا عرضت عليه سعر عالى وهو وافق تفتكر ليه.
مهران:عشان هو إلى محتاجهم.
زينه:بالظبط وطالما محتاج الاسلحه يبقا هيرجع.
مهران:انا فخور بيك يا ابنى.
زينه:انا تعبان هطلع استريح فأوضتى.
مهران:ماشى.
زينه كانت عند الباب لما وقفها صوته
مهران:صح رجلك عامله ايه.
زينه: الحمدلله عن أذنك.
طلعت زينه ودخلت الحمام اخدت دش وخرجت لفيت جرح رجليها كويس وبعدين خرجت لزيدان.
زينه:بتعمل ايه.
زيدان:برسم.
زينه🤔:يا ترى خلصت مزاكره.
زيدان:طبعآ عشان بكره الجمعه ومش فاضى.
زينه بتمثل انها مش عارفه:ليه وايه هيحصل بكره.
قام زيدان وحط أيده فى وسطه:بكره هنروح الملاهى زى ما قولتى.
زينه باستعباط:انا قولت كده
زيدان بدموع:انتى رجعتى فى كلامك صح وراكى شغل برضو. زينه حضنته:يا حبيبي انا بس برخم عليك هنروح الملاهى بكره سوا.
زيدان:هاااى.
زينه:قولى كنت بترسم ايه.
زيدان:برسمك.
زينه:بترسمنى انا.
زيدان وراها الصوره كان راسمها وراسم نفسه بطريق مضحكه وهما مسكين أيد بعض وفى ملاهى.
زينه:ايه الحلاوه دي مكنتش اعرف ان اخويا رسام شاطر.
زيدان بتكبر:دى أقل حاجه عندى اصلا بعرف ارسم احسن من كده بس مليش مزاج.
زينه شديته وقعدت تزغزغه:ملكش مزاج ملكش مزاج اه يا واد يا شقى انت يالى مغلبنى.
زيدان بضحك: خلاص خلاص مش قادر اتنفس.
سابته زينه وراحت جابت برواز وحطت الرسمه فيها.
زينه:انا هحتفظ برسمه اخويا الرسام عشان لما يكبر افكره. زيدان:مش هنسى اصلا.
زينه:ماشى يا عم.
زيدان:زينه ممكن تنامى جنبى انهارده.
زينه:انت تؤمر يا كبير.
نام زيدان وزينه اتسحبت لأوضتها.
قعدت تشتغل بس خلصت بدرى قامت لبست لبس رياضى وحطيت هند فرى ونزلت تجرى شويه.
زينه رجلها واجعتها بسبب الجرح قعدت بس كانت بتبص على رجلها.
مازن:بتوجعك.
زينه:انت ايه جابك هنا
مازن:هو انتى فاكره انك بس الى بتجرى هنا.
زينه بعصبيه:انا أسمى زين وانا ولد متكلمنيش بصفه مؤنثه سامع.
وقامت بعصبيه بس رجليها وجعتها اكتر قعدت تانى بس مابينتش لمازن أنها بتتوجع خلاص اخدت أنها دايما بتخلى واجعها لنفسها.
مازن: بصى انا مش بخاف منك وهكلمك بصفه مؤنث لانك مؤنثه .
زينه بعصبيه:اخرس بقا.
مازن:لا مش هسكت انتى بتضحكى عليا وله على نفسك.
زينه:يوووه.
قامت ومشيت براحه للعربيه وركبت ومشيت للفيلا.
دخلت اوضتها لقيت رجليها بتنزف فكتها وعقمتها ولفتها تانى جامد لبست ونزلت على المكتب.
زينه:جمال سيف اتصل تانى وله لسه.
جمال:لسه يا فندم.
زينه:خلاص ماشى ابعتلى ورق المشروع الجديد خلال خمس دقايق.
مريم دخلت بالقهوه.
زينه باستغراب:انتى مش اجازه ليه
مريم:هما قالولى حضرتك سمحت بس انا عمرى ما هسيب حضرتك من غير القهوه الخطيره بتاعتى.
زينه: شكرا يا مريم بس عادى يوم مش هيفرق.
مريم:لا ازاى هيفرق وكمان جيت عشان أكد على حضرتك أن الفرح قرب.
زينه:تقدرى تروحى بدرى انهارده.
مريم:مش قصدى قصدى عشان متنساش تيجى هستنا حضرتك.
وخرجت وجمال دخل بالورق وزينه اشتغلته وبصيت فى الساعه لقيت معاد خرج زيدان خرجت وركبت العربيه ومشيت برضو المدرسه مطلعتش جت تدخل تجيبه.
مازن:ازيك يا زين عامله ايه.
زينه بنفاذ صبر:بقولك ايه ابعد عنى عشان مزعلكش.
ولفت وشها مازن حط أيده على كتفها عشان يوقفها راحت زينه مسكت إيده وشاديتها وشقلبته فى الارض.
مازن بوجع:اه يا ضهرى.
زينه:قولتلك هتزعل.
وقامت لقت المدرسه بتخرج الطلاب.
رفعت شعرها ولبست النضاره ووقفت تستنى ومازن قام وقف جمبها بصيتله كده😒 وهو بص كده😛.
زيدان ومالك جريو اول ما شافوا زينه.
مالك وزيدان:زييييين.
زينه:اهلا بالرجاله الصغيرين.
زيدان:احنا بكره هنخلص امتحانات خلاص.
مالك بزعل:اه وهناخد الاجازه ومش هشوف زيدان غير بعد الاجازه.
وطيت زينه لمالك.
زينه:متزعلش كمان لما اجى اخرج الواد زيدان هاجى اخدك معانا وطبعآ الاستاذ مازن يقدر يجى عشان يطمن عليك.
مالك بفرح:بجد.
زينه:بجد وعلى فكره بعد بكره هوديكو الملاهى عشان نحتفل بانتهاء الدراسه.
زيدان ومالك:هاااااى.
زينه قامت وبصيت لمازن:وانت تقدر تيجى لو عايز.
مازن:طبعآ هاجى عشان اخد بالى من زيدان ومالك.
زينه:قصدك ايه.
مازن بخوف:قصدى اطمن يعنى.
زينه:خلاص ماشى.
وبعدين بصيت لمالك:انت عايز مازن يجى وله لا الاول لو مش عايز قولى وانا هتصرف معاه.
مالك:لا عايزه يجى.
زيدان:اه وانا كمان.
زينه:خلاص اتفقنا.
جت تقوم شدها مالك بصيتله أداها بوسه على خدها.
زينه ابتسمت: شكرا
أما مازن كان متعصب لان مالك باسها.
مازن:مالك عيب كده.
مالك عنيه دمعت.
زينه بصيتله وبصيت لمازن بغضب شديد وقربت منه وهو يرجع لورا.
زينه:انت ازاى تسمح لنفسك انك تزعقله وانا واقف مش مالى عينك وبعدين وانت مالك اصلا.
مازن وهو بيرجع لورا وخائف بس قرر مايبينش:اخويا ولازم يعرف أن مينفعش يعمل كده.
زينه:ملكش دعوه بيه وانا معاه سامع.
زيدان مسك زينه من إيديها لانه عارف انها مش بتحب حد يزعق لحد بتحبه وبتتعصب اوى ممكن تضربه.
زيدان بدموع:خلاص يا زين ارجوك. زينه اول ما شافته خايف هديت ووطيت ليه.
زينه:متخافش مش هعمله حاجه انا بس بعرفه غلطه.
مازن: اصلا متقدريش .
بصيتله زينه بعصبيه.
زيدان:لا تقدر بس هى مش عايزه.
مالك:انا اسف.
زينه:انت بتعيط ليه.
وكملت زينه:مينفعش الراجل يعتزر غير لما يغلط وانت مغلطتش هو انت لما بتبوس مازن بيزعقلك.
مالك:لا هو مش بيخلينى أبوسه بيقول أنها بتبقا مقرفه.
زينه:هو بيضحك عليك انا حبيتها اوى.وباسته من خده .
مالك احمر جامد.
زيدان بغيره:ليه بت*بوسه.
زينه:وانت كمان يا حبيبي متزعلش.
وباسته كان مازن وطى جمبها لما لقا مالك محمر .
زينه بصيتله:وانت كمان .
مازن:انا ايه
وجت تقرب افتكرها هتبو*سه وغمض عينه.
زينه بخبث:اه صح انت بتقرف ملكش في الحاجات ديه.
وقامت رفعت شعرها ولبست النضاره ومشيت خطوتين.
مازن: يعنى لو مكنتش بقرف كنتى عملتيها
زينه بكذب:وماله مش زى اخويا عادى سلام.
مازن احمر هو كمان قام واخد مالك وكان بيفتكر شكلها وهى قريبه منه وأن قلبه كان بيدق جامد و هى قريبه وبعدين نفد رأسه وقال فسره:ايه ده انا بفكر فيها ليه دى مش استايلى خالص انا عايز واحده رقيقه وكيوت وبريئه مش واحده مسترجله فوق بقا يا مازن فوق.
أما عند زينه فكانت بتفكر شكله وهو مغمض عينه ومقتنع انها ممكن تعملها وقعدت تضحك على منظره.
زيدان:انتى بتضحكى ليه.
زينه:اصلى افتكرت موقف كده المهم زاكر كويس ماشى عشان لو نجحت هوديك انت ومالك مصيف بس شد حيلك فى المزاكره. زيدان:من عنيا يا زميلى هو احنا رايحين فين.
زينه:المطار بابا جاى انهارده.
زيدان :بجد.
زينه :بجد واحشك.
زيدان:اه اوى.
زينه:وانا كمان.
وصلو المطار وقفو مستنين .
محمد:زينه زيدان.
زينه وزيدان جريو حضنوه.
زيدان:بابا واحشتنا اوى.
محمد:وانتو اكتر يا حبايب قلب بابا.
بعدو وبص لزينه.
محمد:جدك لسه معند معاكى.
زينه:بابا متتكلمش فى الموضوع ده مع جدو مش عايزاه يزعل ويجيله نوبه قلبيه تانى ماشى.
محمد:ماشى يا حبيبتى ربنا يقويكى.
زينه:طول مانت وزيدان معايا انا هبقا قويه.
محمد:طيب نروح بقا عايز انام تعبان