شيماء والغرام
بقلم/ اسلام محمد
الفصل الثانى
((ثم جلسوا يتحدثوا وطلبوا الطعام، وكانت مي و محمد يتحدثون عن اسلام واحترامه ويمدحون فيه، ونهي كانت في قمة السعادة بما تسمعه عن اسلام من اخلاق عاليه وإخلاص، ثم بعد وقت من الحديث والكلام دخل المطعم دنيا وصديقتها وهي كانت تبلغ من العمر ٣٢عام وذهبت البنت الي اسلام وقالت ))
دنيا : اسلام
((ثم يلتفت اسلام للخلف ويجد دنيا ويتوتر ويقول ))
اسلام : نعم
دنيا : ازيك يا سمسم عامل اي
اسلام : الحمد لله يا استاذة دنيا
دنيا : استاذة اي!!؟ انت وحشني اووي بقالك كتير مش بتجيلي البيت انا زعلانة منك
((ثم تسمع نهي الحديث وتبكي ثم تنهض وانصرفت عن المكان ثم يقول اسلام ))
اسلام : الله يخربيتك بيت انتي،، اوعي
((اسلام يجري مسرعا نحو نهي ومحمد ومي وشيماء يضحكوا ))
دنيا : هو انا عملت حاجة ولا اي ؟
شيماء : لا طبعا دا انتي سكر
محمد : انتي عملتي الصح ٠
دنيا : طب كويس انا خوفت اكون لغبطت الدنيا
محمد : لا خالص
دنيا : طب استاذن انا
((وانصرفت دنيا ))
اسلام : نهي نهي استني بس انتي مش فاهمة حاجة
نهي : ابعد عني انا لا عايزة اشوفك ولا اكلمك
اسلام : دقيقة بس اشرحلك
نهي : افندم هتشرح اي
اسلام : استاذة دنيا دي ست غلبانة ومسكينة وانا كنت بروح اذاكر لي اولادها
نهي : يا سلام دي بتقولك مش بتجيلي مقلتش انت مش بتيجي تذاكر لاولادي ابعد عني يا اسلام انا ندمانة إن وثقت فيك وافتكرتك غير كل الشباب طلعت زيهم
((وانصرفت نهي وجلس اسلام ينادي عليها لكنها غادرت ثم عاد إلي محمد مرة اخري ودخل ومحمد ومي وشيماء يضحكون ))
محمد : هي مشيت ؟
اسلام : تتكل علي الله بكرة يجي غيرها يعني مش مهم
مي : يا بني انت امتا بس حالك يتصلح وتبطل المشي دا
اسلام : مستحيل
مي : بكرة تيجي البت اللي تعدلك بجد
محمد : والله قولتله كدة
اسلام : ههههه عمرها ما هتيجي
شيماء : دا مين اللي امها داعية عليها دي اللي تقع في حبك
اسلام : بتقولي حاجة
شيماء : لا هو انا كلمتك وبعدين اقول ولا مقولش انت مركز معايا ليه
اسلام : وانا اركز معاكي بتاع اي اصلا
شيماء : احسن بردوا خليك في حالك
محمد : بس بس اهدوا
اسلام : ما انت مش شايف دي بتكلم ازاي ؟
شيماء : وانت مالك اتكلم ولا متكلمش ٠
مي : خلاص يا شيمو اهدي خلاص يا اسلام حقكم عليا
اسلام : ولا حق ولا حاجة انا ماشي
محمد : ياعم اقعد بس
اسلام : لا ياعم انا ماشي عندي مشوار سلام
((ثم انصرف اسلام ))
مي : مينفعش الطريقة اللي اتكلمتي بيها دي
شيماء : ما هو اللي عصبني ٠
محمد : انت اللي بداتي تكلمي الاول وتقولي دة مين اللي امها داعية عليها
شيماء : يوووه ما انتوا عارفين طريقتي كدة
مي : بردوا مكنش ينفع اسلام رغم اللي هو فيه لكن شخصية محترمة جدا وجدع وطيب اووي
شيماء : خلاص مقصدش معلش يلا نمشي
محمد : طب والمشوار اللي هتروحيه
شيماء : مش رايحة في اي حتي انا هروح
مي : خلاص يا محمد يلا
((قام محمد حاسب ووصل شيماء ومي عند العربيات ثم انصرف ))
مي : خلاص يا شيمو متزعليش
شيماء : ومين دة اللي ازعل علشانه اصلا
مي : يا بنتي يخربيت لسانك يعني انتي اللي غلطانة وبتعاندي
شيماء : انا مش بغلط
مي : طبعا طبعا عندك حق خلاص
((وجلسو يتحدثون حتي وصلو وعندما وصل محمد البيت ودق الجرس فتح له اسلام ))
محمد : اي دة عجيبة انت جي البيت بدري
اسلام : ولا بدري ولا حاجة
محمد : انت مش قولت عندك مشوار ؟
اسلام : لا معنديش وسيبك مني بقا دلوقتي
محمد : هههههه دا شكل كلام شيماء لسة معلق في دماغك ٠
اسلام : شيماء مين دي ولا يشغلني يا بني !!
محمد : ما هو واضح اومال فين امي ؟
اسلام : في المطبخ جوه
((ودخل محمد لامه المطبخ ))
محمد : ((يقبل يد امه )) عاملة اي يا امي
والدة محمد : بخير يا بني
محمد : عمللنا اكل اي بقا اما انا شامم ريحة فراخ
والدة محمد : انت دائما كدة جعان
محمد : اعمل اي بس ما انتي اللي اكلك الواحد ميشبعش منه
والدة محمد : يابكاش انت
محمد : والله ابدا ابويا لسة مجاش
والدة محمد : لا لسة في الشغل
محمد : خلاص انا داخل الاوضة جوة لحد ما تخلصي الاكل
والدة محمد : ماشي
((ودخل محمد الاوضة وجلس ثم قال اسلام له ))
اسلام : تعالي انزل معايا علي القهوة
محمد : ياعم اهدى طيب لما ناكل
اسلام : ياعم انا مش جعان مليش نفس
محمد : في اي يا بني مالك بس ؟
اسلام : بقا انا بت زي دي تكلمني انا كده !!
محمد : ههههههههههه يا نهار هو لسة الموضوع في دماغك
اسلام : ياعم لا بس ازاي انا اصلا اسمحلها تكلمني كدة !!
محمد : ياعم هي شيماء كدة لسانها بينقط عسل
اسلام : دا بينقط سم مستحيل تكون بنت دي
محمد : ههههه
اسلام : متضحكش علشان متنرفزنيش انت التاني
محمد : حاضر اديني سكت اهو ههههه
((ثم جاء لمحمد تليفون ))
اسلام : رد رد علي السنيورة ياخويا
محمد : ههههه
((ثم خرج محمد الي البلكونة ))
محمد : اي يا حبيبتي ؟
مي : اي ياحبيبي انا روحت ٠
محمد : حمد لله علي سلامتك
مي : الله يسلمك انت روحت ولا لسة
محمد : اها روحت من شوية
مي : حمد لله علي سلامتك
محمد : الله يسلمك مش هتصدقي
مي : اي !!
محمد : جيت لقيته في البيت هيموت من الغيظ
مي : اوعي تقولي علشان شيماء !!
محمد : اه والله علشان شيماء
مي : ياعم قوله إن شيماء كلامها دايما كدة
محمد : قولته والله بس هو بيقول ان ازاي بنت تكلم كدة معاه
مي : طب اقولك علي حاجة ٠
محمد : اي ياروحي قولي ؟
مي : شيماء واسلام هيحبو بعض ٠
محمد : ههههههههههه ده من سابع المستحيلات ده مش بيطيقها
مي : والله ولا شيماء بطيقه بس انا عندي احساس إن هما هيحبو بعض وانت عارف احساسي مش بيكدب
محمد : انتي هتقوليلي مرة قولتيلي بلاش نروح الجامعة النهاردة انا مش مطمنة رجعت العربية خبطاني ههه
مي : دة كان يوم ما يعلم بيه الا ربنا
((ثم جلسو يتحدثون حتي انتهت المكالمة ودخل محمد وكانت والدة محمد انهت الاكل والد محمد جاء من الشغل وجلسو ياكلو ثم اخذو مصروف الشهر بعد ذلك نزل اسلام ومحمد علي القهوة ثم ذهبه الي النوم حتي محمد ودخل الحمام ياخذ شاور بعد ذلك ذهب اللي الغرفة يجد اسلام مازال نائم ثم يقول ))
محمد : اسلام اسلام قوم يا بني
اسلام : ياعم عايز اي بس سبني انام !
محمد : الساعة ٨ معندكش جامعة
اسلام : لا مش رايح النهاردة
محمد : ليه بس كدة !!
اسلام : مخنوق ومش هروح
محمد : من اي وعاا تقولي بسبب موضوع شيماء
اسلام : يعم سيبك مني بقا سبني انام
محمد : والله انت فعلا عيل قموصة
((ثم ذهب محمد اللي الجامعة وقابل مي وعندما سألها عن شيماء قالت له ))
مي : راحة علي المحاضرة
محمد : طب يلا احنا علي المحاضرة ولا شكلنا هنطرد
مي : يلا
محمد : بس عايز اقولك علي حاجة ٠
مي : قول ؟
محمد : في بت زي القمر يا مي في الجامعة والله ما فيه في جمالها اتنين
مي : نعم نعم مين دي ؟؟؟؟؟
محمد : اهي واقفة قدامي ٠
مي : ((بكسوف)) كنت هضربك علفكرة
محمد : طب يلا علي المحاضرة
((وذهبو الي المحاضرة وفي الجانب الآخر استيقظ اسلام ونزل الي الجامعة وجلس عند المدرج ثم يتفاجاء بشيماء ))
شاب : طب بقولك ما تديني المحاضرة اللي معاكي
شيماء : ....
شاب : طب بلاش المحاضرة ما تخدي رقمي وتدخليني في جروب الكلية
شيماء : .....
شاب : طب بلاش الرقم تعالي نروح نشرب حاجة
شيماء : .......
الشاب : يمسك ايديها ما تبصيلي هنا طيب
شيماء : لا دة انت يوم ابوك اسود ومش هيفوت النهاردة
الشاب : ما تكلمي عدل يابت انتي ؟
شيماء : بت لما تبتك غور من هنا بدل ما افرج عليك الجامعة
الشاب : دا انتي شكلك بت بنت ستي......
((ثم ياتي اسلام ))
اسلام : بنت اي ياروح امك يلا غور من هنا يلا
الشاب : وانت مالك انت ما تخليك في حالك ياروش ويدفع اسلام من وجه
اسلام : روش ؟! اها لا حلو
ثم يقوم اسلام بضربه بي الدماغ في وجه ويجعل انفه تنفر دم ثم يقوم الشاب بركاته بالبوكس لاكن اسلام يتفدها ويرد ليه حتي يدفعه بي رجل علي الارض ثم ينهض الشاب ويجري مسرعا
اسلام:
اسلام : هتروحي في حتة تحبي اوصللك
شيماء وانت توصلني بتاع اي اصلا
اسلام : يا بنتي دا لسة مدافع عنك
شيماء وانت ماللك اصلا هو حد كان قاللك ادخل اصلا ما تخليك في حاللك انا لساني فيا وكنت هعرف اخد حقي
اسلام : تصدقي بالله ان غلطان
شيماء : فعلا عندك حق انت فعلا غلطان ياريت بقا متكررش الغلط دا تاني
اسلام : اللهم طوللك ياروحي
((ثم تمشي شيماء ويقف اسلام في ذهول تام ثم ياتي محمد كان ماشي بجواره ))
محمد : اي يا بني اي اللي موقفك هنا
اسلام : بقوللك اي ابعد عني علشان انا مش طايق نفسي
محمد : في اي بس
مي : ماللك يا اسلام
اسلام : لا مليش ياست مي ابقا اسالي صحبتك
مي : شيماء انت شوفتها
اسلام : اها وياريتني مشوفتها انا ماشي سلام
محمد : يا اسلام يا بني خد في اي
((ولاكن لا يسمع اسلام ويمشي ))
مي : هو في اي اي اللي حصل لي كل دا
محمد : معرفش اكيد وبعدين هو حتي لو شفها من امتا بيتكلمه
مي : فعلا دي غريبة اووي
محمد : طب رني علي شيماء شوفيها فين
((ثم ترن مي علي شيماء ))
شيماء : الو
مي : اي يا بنتي انتي فين
شيماء : عند مدرج ١٦
مي : خلصتي يعني
شيماء : اها خلصت
مي : طب تعالي انا ومحمد عند مدرج ٣
شيماء : اوك باي
((ثم جاءت شيماء ووجدت محمد ومي جالسين ))
شيماء : اي عاملين اي
مي : الحمد لله بخير
محمد : كله تمام انتي عاملة اي
شيماء : بخير
مي : هو انتي شوفتي اسلام
شيماء : اها من شوية
محمد : طب اي اللي حصل
شيماء : مفيش الباشا كان في واحد بيعكسني هو جيه وبيقول لي الواد امشي الواد ممشيش ومد ايده عليه راح اسلام ضربه والولد جري
محمد : حلو وبعدين
شيماء : بيقولي رايحة في حتة اوصللك رحت قولتله توصلني ليه اصلا وبتاع اي بيقولي انا لسة مدافع عنك قولتله محدش قاللك دافع بيقولي طب انا غلطان قولتله متغلطش تاني بقا رحت سيباه ومشيت ليه هو فيه حاجة
محمد : لا لا خالص خالص انتي ملاك نازل من السماء هو انتي بتغلطي خالص
شيماء : اي دا هو في اي
مي : بقا يا مفترية الواد جيه وبيدافع عنك وضرب الواد علشانك في الاخر تقوليلي الكلمتين دول يعني بدل ما تشكريه
شيماء : امممممم اقولكم علي حاجة
محمد : قولي يا اميرة الآمرة
شيماء : لا فعلا غلطت يعني امبارح اديته كام كلمة زي السم والنهاردة بدل ما اشكره هزقته تصدقوا فعلا انا حاسة إن ذودتها
مي : حاسة حاسة لا يا حبيبتي انتي متحسيش خالص
شيماء : ما خلاص بقا قولت إن غلطت
محمد : طب ابقا اعتذري له
شيماء : نعم اعتذرله لا طبعا
محمد : خلاص روحي اضربيه بالنار
شيماء : ههههه
مي : هههه والله حاسة المرة الجاية هتعملها
محمد : طب يلا علشان نروح يلا
((وذهب شيماء ومي لي الميكروباص وذهب محمد لكي يصل البيت ))
شيماء : تصدقي انا ذوزتها فعلا معاه
مي : انا مش هتكلم علشان هتزعلي
شيماء : لا مش هزعل
مي : الصراحة انتي ذودتيها اووي دا كفاية إنه ضرب الواد علشانك
شيماء : لا هو من نحية ضربه فا هو ضربه ضرب
مي : بتبص ليها جامد
شيماء : ماللك
مي : مستغرباكي اصل طريقتك وانتي بتحكي مش شيماء
شيماء : لا عادي يعني هو الصراحة الواد جدع المهم ابقا قولي له معلش
مي : وانا مالي مش هقول حاجة
شيماء : خلاص خلاص متقوليش
((ثم ذهب محمد الي البيت ووجد اسلام يقف امام المراء ويلبس ))
محمد : اي دا الباشا رايح فين
اسلام : رايح مشوار كدا انما اي جامد
محمد : اها دا شكله واحدة جديدة
اسلام : دا قمر عسل شربات
محمد : اي ياعم مين دي
اسلام : واحدة كدا اتعرفت عليها النهاردة
محمد : الله يسهله ياعم
اسلام : ويسهللك مع السندريلا
محمد : اها صح مش عايزك تزعل من شيماء انا عارف ان ليك حق
اسلام : بقوللك اي اقفل علي السيرة دي ومتفتحهاش تاني بعد اذنك
محمد : خلاص اشطا
اسلام : يلا بقا سلام
محمد : متعوقش علشان انت عارف عمك
اسلام : ياعم داري عليا قول اي حاجة
محمد : عد الجمايل
اسلام : بعدها يا اخويا
((ونزل اسلام وكانت البنت الجديدة اسمها سارة وكانت منتظراه في كافيه في اكتوبر ووصل اسلام ودخل ))
اسلام : معلش يا حبيبتي انا عارف ان اتاخرت عليكي
سارة : ولا يهمك يا قلبي
اسلام : يا بنتي صوتك الحنين دا انا مش بقدر اقومه
ساره : طب مأبس علشان بتكسف
اسلام : عارف يا سارة انا من الواضح كدا ان حبيتك فعلا
سارة : بجد يا اسلام
اسلام : بجد يا قلب اسلام وانتي
سارة : انا اصلا كنت معجبة بيك من زمان كنت بشوفك دائما في الجامعة كل يوم مع بنت وكان نفسي اكلمك
اسلام : لا يا قلبي خلاص مفيش بنات تاني انتي وبس
سارة : بجد يا اسلام مش هتكلم حد غيري
اسلام : طبعا يا حبيبتي انا خلاص مش عايز غيرك انتي
سارة : انا بحبك اووي
اسلام : وانا بحبك اووي اووي اووي
((ويحلس معاها لوقت طويل ثم يذهب اسلام الي البيت واول ما يدخل يلاقي التلفون بيرن ))
سارة : اي يا حبيبي وصلت
اسلام : اها يا قلبي لسة داخل بغيت هدومي اهو
سارة : ماشي يا حبيبي
اسلام : انتي روحتي
سارة : اها ياحبيبي وغيرت وقاعدة علي السرير اهو هنام
اسلام : لا يا قلبي قومي كلي الاول
سارة : مش جعانة والله
اسلام : عارفة انك وحشتيني
سارة : وانت كمان وحشتني اووي
((ثم يدخل ابو سارة علي سارة ))
ابو سارة : بتكلمي مين ياسارة
سارة : دي دي دي واحدة صحبتي يابابا
ابو سارة : طب وريني بتكلمي مين
سارة : يا بابا واحدة صحبتي
ابو سارة : الو
اسلام : ((في عقله يا نهار اسود ))