بقلم زينب مصطفي
شهقت الهام وهي تقول بدهشه
= مراتك اذاي
لتشهق مره اخرى بصدمه
= زهره اسمها زهره اذاي مخدتش بالي
ليقاطعها سيف بقسوه
= الهام لازم تفهمي ان الي عملتيه النهارده غلط كبير انا مش ممكن اسامح فيه
الهام بارتباك
= انا مكنتش اعرف انها مراتك ان كنت فكراها...
سيف مقاطعا بحده
= حتى لو كانت خدامه ده ميدكيش الحق انك تهينيها او تتسبي في أذيتها لمجرد انك اقوى واغنى وتقدري تأذيها كلنا بشر في النهايه ومفيش حد احسن من حد
شعرت الهام بغضبه الشديد منها لتتصنع البكاء و هي تقول بندم مصطنع
= انا اسفه يا سيف انا قلت للحرس بس يخوفوها ومكنتش اعرف انهم هيضربوها ويهينوها بالشكل ده
وان كان على اتهامي لها بالسرقه
انا كنت بخوفها بس وفي الاخر كنت هبعت المحامي بتاعي يتنازل عن محضر السرقه ويطلعها
سيف بغضب اشد
= مين اداكي الحق انك تخوفي وتسجني وتهيني واحده مأذتكيش
في حاجه
لتنهار الهام في البكاء المصطنع وهي تقترب منه
= انا اسفه ياسيف مكنش قصدي انت عارف ان انا متسرعه وبغلط كتير
غصب عني
سيف بحزم
= اسفك واعتزارك ليا ملهوش لزوم الاعتزار يكون لصاحبة الحق الي اهنتيها
شهقت الهام بصدمه
= عاوزني اعتزر لزهره
سيف بصرامه
= تعتزري لزهره قدام الحرس وقدام الي شغالين في البيت الي اتهانت قدامهم اظن دي اقل حاجه ممكن تعمليها عشان تكفري عن غلطتك
ضغطت الهام على شفتها بغيظ وهي تقول بانكسار مزيف
= حاضر الي تشوفه اهم حاجه متكونش زعلان مني
التقط سيف هاتفه الجوال وتحدث مع رئيس حرسه بصرامه
= اجمع رجالتك وتعالى على مكتبي
و استناني فيه
غادر سيف المكتب وهو يقول بتوتر
= انا هطلع اجيب زهره استنيني هنا
ليتركها وهي تشتعل من الغيظ والحقد وهي تقول بقهر
= عاوزني اعتزر لها .. اعتزر لزهره الي رجعت وعاوزه تسرقك مني .. الشبح الي كنت فاكره اني خلاص اتخلصت منه رجع وعاوز ياخد سيف مني وده على جثتي انه يحصل مبقاش الهام ان مخليتك انت الي تطردها بنفسك من بيتك و من حياتك
وفي نفس الوقت
خرج سيف ونادى على الفت مديرة منزله
ليقول بقسوه
= الي حصل هنا مسئوليتك من الاساس انتي شغلتك هنا تديري طلبات الفيلا وتبلغيني بأي حاجه تحصل في الفيلا بعد حفلة النهارده اعتبري نفسك مرفوده تاخدي حسابك وتتفضلي على بره الي شغال عندي يبقى عيني الي بشوف بيها وايدي الي بنفذ بيها
شحب وجه الفت بشده وهي
تشعر بخطأها الفادح الذي كلفها عملها
لتقول بانكسار
= امرك ياسيف بيه
سيف بصرامه
= روحي لسالي هانم في اوضتها هاتي منها فستان جديد وطلعيه على اوضتي لزهره هانم
ليتركها سيف ويتوجه لاعلى لزهره وهو يشعر بتأنيب الضمير الشديد لما حدث لها في منزله وعلى يد رجاله
وفي نفس الوقت
توجهت الفت لغرفة سالي وهي تدق عليها بهدوء اكثر من مره حتى استجابت لها سالي وفتحت الباب والنعاس يغلبها
لتقول بتأفف
= ايوه يا مدام الفت نازله خبط على
الباب ليه مش شيفاني نايمه
الفت باحترام
= سيف بيه بيطلب من حضرتك فستان جديد من بتوعك علشان زهره هانم
رفعت سالي حاجبيها وهي تقول بدهشه
= فستان جديد لزهره ..وزهره هانم ..
هو ايه الي حصل وانا نايمه
الفت بضيق
= معلش يا سالي هانم ممكن الفستان بسرعه اصل سيف بيه مستعجل
توجهت سالي الى خزانة ملابسها وهي تخرج فستان قصير وضيق ابيض اللون ذو نقوش خضراء انيقه وحملات اكتاف رفيعه
لتعطيه لها بشرود و تتناوله الفت وتخرج سريعا
لتقول سالي بتصميم
= لا دا انا لازم افوق واعرف ايه الي بيحصل بالظبط
في نفس التوقيت صعد سيف الى جناحه الخاص ليدخل غرفة نومه الغارقه في الظلام ليقوم بإضائة النور الجانبي ويجلس بجانب زهره الغارقه في النوم يتأملها بعشق وهو يمرر يده بحب في خصلات شعرها الزهبيه الغزيره الناعمه المبعثره على الوساده خلفها
سيف بحنان وهو يمرر يده على وجهها
= زهره قومي يا حبيبتي
لتتقلب زهره في الفراش باعتراض وهي تهمهم بكلمات غير مفهومه
مرر سيف يده مره اخرى على وجهها وهو يرسم ملامحها الجميله باصابعه
= زهره فوقي يا حبيبتي معلش انا عارف انك لسه تعبانه بس للاسف لازم تفوقي دلوقتي
ليهز جسدها برفق في محاوله لايقاظها
ليتفاجأ بارتعادها الشديد وهي مازالت بين اليقظه والنوم
لتبتعد بشده عنه وهي تقوم بضرب يده بقسوه في محاوله لابعاده عنها وهي تحاول الصراخ ليحاول سيف تهدئتها ليتفاجأ بمقاومتها الشديده
سيف وهو يثبتها بشده بين احضانه ويحاول تهدئتها
= زهره اهدي انا سيف ..انا سيف يا حبيبتي ..انا سيف. .
لتهدء زهره تدريجيا وهي تستوعب انها بامان بين احضان سيف وقد صور لها عقلها الباطن للحظات ان من يقوم بايقاظها هو امين
احتضنها سيف بشده وهو يشعر بارتفاع ضربات قلبها بشده وارتعادها بين يديه ليضمها بحمايه وهو يمرر يده على رأسها و ظهرها بحنان
لتحاول زهره الابتعاد عنه وكلماته الجارحه مازالت ترن بداخل إذنيها
الا ان سيف منع ابتعادها عنه وهو يضعها مره اخرى على الوساده ويستلقي بجانبها وهو يضمها بشده اليه ويمرر يده بحنان على جسدها
= ششش اهدي انتي كنتي بتحلمي والا ايه
زهره وهي تحاول الابتعاد لتقول بألم
= ده كان كابوس مش حلم
لتتابع بجديه
= لو سمحت شيل ايدك عني...
من دلوقتي
ياريت تعاملني برسميه و ..اه
لتشهق بحده وسيف يزيد من ضمها اليه ويده تتسلل لتحت ملابسها القصيره وتمر على جسدها بتملك وحنان
ليرفع وجهها اليه وهو يقول بحنان
= كنتي بتقولي ايه
ابتلعت زهره ريقها بتوتر وهي تقول بتقطع
= بقول.. ياريت ..تعا..تعاملني برسم..اه
ليبتلع سيف باقي كلماتها وهو يتناول شفتيها بجوع وتملك ويده تتحسس جسدها بلهفه وتملك كبير وهو يخلع عنها ملابسها ويبدء في تقبيل جسدها وكدماتها بعشق شديد
ليقول من بين قبلاته التي ينثرها بشوق على وجهها وعنقها وجسدها
وهو يمرر يده وشفتيه بندم على كدمه كبيره في خصرها
= انا اسف ..اسف ..اسف
ليستمرفي التأسف لها وهو يقبل كل كدمه في جسدها بندم حتى عاد مره ثانيه لشفتيها ليلتهمهم بشغف اكبر وهو يضم جسدها العاري المستجيب بلهفه بين زراعيه
ليقول بحنان وهو يلتقط دموعها بشفتيه
= انا اسف يا زهره وحقك هجيبهولك لحد عندك
ليضم جسدها المرتجف بتملك وعشق
ليسمع صوت طرقات على باب الغرفه
قبل سيف شفتي زهره بحنان وهو يتركها ويتوجه للباب ويأخذ الفستان من يد ألفت ثم يغلق الباب مره اخرى
رفع سيف زهره المتشبسه بالغطاء بشده على قدميها وهو يبعد الغطاء بعيدا عنها
لتصرخ زهره بخجل وهي تحاول تغطية نفسها الا ان يد سيف منعتها وهو يضع يديها الاثنتان خلف ظهرها ويكبلهم بيد واحده ويده الاخرى تقربها بشده منه وتمر على منحنايتها برقه وتملك
زهره وعينيها تمتلئ بدموع الخجل
= سيف انت بتعمل ايه
ضمها سيف اكثر اليه وهو يهمس بأذنها
زهره انتي ملكي متحاوليش تبعدي عني او تداري جسمك عن عنيا
انتي ملكي..ملكي وبس
زهره بتحدي
=انا مش ملك حد احنا بينا اتفاق ياريت انت تلتزم بيه
مال سيف على شفتي زهره وهي تتحدث والتقط شفتيها بقبله اودعها كل حبه وعشقه وتملكه لها لتستجيب زهره
اليه وهي تلف يدها حول عنقه بحب ولهفه
ليمر بعض الوقت وهو ينهل من عشقها
بجنون ليتم تملكه الكامل لها بلهفه سنين ضائعه و عشق لم ينتهي او تخفت نيرانه
بعد بعض الوقت
مال سيف على شفتا زهره مقبلا لها برقه وهو يرفعها بين يديه ويقول بمرح
= عرفتي بقى انك ملكي مهما حاولتي تنكري
صرخت زهره بخجل وهو يتجه بها للحمام الملحق بالغرفه
= سيف انت هتعمل ايه
سيف بمرح
= هناخد دش مع بعض ونلبس وننزل في ناس مستنينا تحت
عقدت زهره حاجبيها بتساؤل
= ناس ...ناس مين
ليرفعها سيف ويضعها في حوض الاستحمام وهو ينضم اليها
= الحرس والهام عاوزين يعتزرولك
شعرت زهره بالصدمه وهي تقول بدهشه
الحرس والهام عاوزين يعتزرولي انا..
لتصرخ مره اخرى
= ايه يا نهار اسود يعني انت معايا بقالك اكتر من ساعه وسايب الناس تحت زمانهم بيقولو ايه الي اخرنا كل ده
مرر سيف يده على جسدها العاري وهو يقول بندم
= انا مش عارف ايه الي خلاني اقولهم يستنوني كان زماني قفلت الباب ده علينا للصبح
ليضمها اليه وهو يقبل عنقها بعشق
لتقول زهره بصوت مرتعش
= طب والحفله
رفع سيف وجهها وهو يتأمله بعشق
= طظ في الحفله والمدعويين وكل الدنيا المهم انا وانتي وبس
ليرقص قلبها طربا وأملا في نيل حبه من جديد
ليميل سيف على شفتيها وهو يعود لتقبيلها من جديد
لتقول زهره باعتراض واهن
= الناس تحت مستنيين
سيف وهو يقبلها بنهم
= ششش سيبيني اشبع منك شويه وأصبر نفسي والا هاقفل علينا ومش خارجين الا الصبح والي يستنى..يستنى
بعد مرور بعض الوقت
ارتدت زهره فستان سالي الرائع الذي ابرز جمال قوام زهره بسخاء لتمرر الفرشاه في شعرها الغزير اكثر من مره حتى جف وانسدل خلفها بروعه ليصير مظهرها يسلب الالباب من شدة جمالها الطبيعي
ارتدى سيف ملابسه في غرفة الثياب
ليفاجأه مظهر زهره الرائع
ليبتلع ريقه بتوتر وهو يتأملها
ليقول بغضب
= ايه الزفت الي انتي لابساه ده
زهره باستغراب وهي تنظر لنفسها
= زفت ايه ده الفستان بتاع سالي الي انته جبته ليا علشان البسه
سيف باعتراض
= هي اختك مجنونه عشان تشتري فستان ذي ده.. الفستان دا عريان اوي واستحاله اسمحلك تلبسيه قدام حد
زهره بغيره
= اختي مش مجنونه ولا حاجه الغلط على الي اشتراه ليها هو الي عينه فارغه عشان يشتري فستان ذي ده
سيف بغضب
= انتي بتقولي ايه انا مش فاهم منك حاجه ..اقلعي الزفت ده حالا
زهره باعتراض
= اقلعه والبس ايه انا معنديش هدوم هنا
مرر سيف يده بتوتر في شعره
وهو يقول بغضب
= انا كلمت اتيليه متخصص وهيجيبولك لبس لكل الاوقات والمناسبات بس ده هيبقى بكره الصبح عشان انا طلبت
لبس بمواصفات معينه
ليتركها فجأه ويتجه لغرفة ثيابه ويأتي بمعطف اسود خاص به وهو يلبسها اياه ويقوم باغلاقه حتى العنق
وسط اعتراض من زهره
= سيف انت بتعمل ايه دا بالطو رجالي وكبير اوي عليا انت عاوزهم يضحكو عليا
ليقوم سيف بثني اكمام المعطف وهو يقول بجديه
= على جثتي تنزلي بالفستان ده تحت دا لو حد شافك بيه انا ممكن ارتكب جريمة قتل
لتبتسم زهره بحب وقد تفتحت بداخلها براعم الامل وتصرفاته وغيرته تزكرها
بسيف القديم
ليتنحنح سيف بحرج وهو يشعر ان غيرته وعشقه لها اصبح مكشوف
ليقول مبررا
=انتي فاهمه طبعا انا بعمل كده عشان مهما كان ميصحش مراتي تلبس مفتوح بالشكل ده قدام رجاله غريبه
زهره موافقه على كلامه وقبل ان يقول ما يعكر عليها صفو فرحتها
طبعا عندق حق ..يلا بينا عشان إتأخرنا على الناس وشكلنا بقى وحش اوي
ليتنحنح سيف بحرج مره اخرى وهو يقول بغيره حاول كبحها
= طيب لمي شعرك الاول شكله مش حلو وهو مفرود بالشكل ده
زهره بابتسامه خبيثه وهي تعلم مدى عشقه القديم لشعرها لتقول وهي تلملم شعرها على هيئة كعكه غير منظمة الشكل وتربطها بربطة شعرها القديمه
= عندك حق عشان كده بفكر اقصه وارتاح من تسري...
ليجذبها سيف بغضب من زراعها
= عارفه لو قصيتي سنتي واحد من شعرك ساعتها ها..
زهره مقاطعه بمرح
= انا كنت بهزر..ما تقفشش كده
دفعها سيف امامه لخارج الجناح
وهو يقول بغضب
= مفيش هزار في الحاجات دي
ليلف يده حول خصرها بتملك وهو ينزل للاسفل معها وهي تشعر بالتوتر والخوف من المواجهه القادمه
رواية عشق على حد السيف
الفصل 12
نزلت زهره برفقة سيف الى الاسفل وهي تشعر بالتوتر الشديد يستولي
عليها
لتقف فجأه وهي تقول بتردد
= هو انا لازم ادخل معاك.. يعني مدام هما عرفو غلطهم خلاص ملوش لزوم الاعتذار
شدد سيف من يده التي يلفها حول خصرها وهو يقول بغضب
= ادخلي يا زهره وبلاش تستفذيني بكلامك الغبي ده
ليضمها لجانبه ويدخل بها لغرفة مكتبه
المكتظ برجال حراسته الواقفين يتحدثون بتوتر والهام الجالسه بعصبيه على احد المقاعد وهي تدخن بشراهه
ليعم الصمت المتوتر ارجاء المكان عند دخول سيف وزهره
سيف بصرامه
= كلكم موجدين
ليرد رئيس حرسه بتوتر
= ايوه يا فندم الكل موجود ذي ما حضرتك أمرت
ليتجه بنظره لإلهام التي نهضت بعجرفه
وتوتر وهي ترسم ابتسامه على وجهها
وهي تندفع لتأخذ زهره بين أحضانها وهي تبتسم بخبث
= انا اسفه يا حبيبتي مكنتش اعرف انك مرات سيف
لتبتعد قليلا وهي تقول بابتسامه مشدوده
= بس انتو الي غلطانين المفروض كنتم عرفتونا كنا احتفلنا بيكم بدل الاسرار دي كلها
نظرت زهره لسيف بارتباك وهي تنشد عونه
ليشدد سيف من يده حول خصرها بحمايه
وهو يقول بصرامه
= جوازنا حصل بسرعه واكيد كنت هعلنه بس الي حصل غلط كبير ملوش علاقه بان زهره مراتي او لاء
قاطعته الهام وهي تقول بسرعه
= عندك حق وانا للمره التانيه اسفه يا زهره واتمنى انك تقبلي اعتزاري
زهره بارتباك
= حصل خير واكيد انا قابله اعتذارك
ليتقدم رئيس الحرس منها
وهو يقول باحترام
= وياريت يا زهره هانم تقبلي إعتذارنا كلنا وتعرفي ان الي حصل كان غلطه كبيره ومكنتش مقصوده.. احنا أسفين يا زهره هانم
زهره بصوت مبحوح من الخجل والارتباك
= حصل خير انتو كنتم بتشوفو شغلكم واكيد مكنتوش تقصدو الي حصل
ليتقدم حارس مصاب بشده في وجهه وجسده ويقوم بالاعتزار منها ويتبعه حارس اخر بالاعتزار حتى قام كل من بالغرفه بالاعتزار لها
لتقول الهام وهي تبتسم بتوتر
معلش يا زهره انا هاسيبك واروح
اجهز للحفله الضيوف زمانهم على وصول
لتغادر والغيظ يكاد يأكلها من اجبارها على الاعتذار لزهره و مشهد اعتزار الحرس لزهره و دعم سيف الكبير لزهره امامهم
ليقول رئيس الحرس بهدوء واحترام
= حضرتك تحب نسيب الشغل دلوقت والاا نستنى لما الحفله تخلص
شهقت زهره باعتراض
= تسيبو الشغل ليه
رئيس الحرس باحترام
= دي اوامر سيف بيه كلنا نسيب الشغل علشان الغلط الي حصل
زهره وهي تعقد حاجبيها بغضب
= وانتو تسيبو شغلكم ليه انتو كنتو بتنفذو الاوامر
سيف بغضب شديد
= زهره متدخليش في الي ملكيش فيه
وانتو اتفضلو و في فريق امني تاني هيستلم منكم الشغل بعد الحفله
ليخرجو من الغرفه وزهره تشير لهم سرا بانها ستحاول اقناعه بتركهم في عملهم
ليهز رئيس الحرس رأسه لها علامة الامتنان
وهو يغلق الباب من خلفه
=سيف بغيظ وهو بجذبها بشده نحوه
ممكن اعرف بتشاوري له على ايه
اقتربت زهره منه وهي تقول برقه
= حرام يا سيف قطع العيش مش بالساهل محدش يعرف يمكن يكون حد فيهم محتاج وانت بقطع عيشه بتضره
سيف بقسوه
= انا مظلمتش حد دول عملو غلط لو حد تاني مكاني كان نسفهم من على وش الدنيا
وهما عارفين ومتأكدين انهم يستاهلو الي حصلهم واكتر كمان
زهره برقه وهي تحاول امتصاص غضبه
= انت طبعا عندك حق بس دول
رجالتك الي بتثق فيهم وهما كانو بينفذو الاوامر مش اكتر حرام تقطع عيشهم
سيف وهو يقول بتحزير
= زهره قلتلك...
لتفاجأه باحتضانها له وهي تقول برقه
= أنا مش هقولك عشان خاطري .. انا عارفه اني مليش خاطر عندك..بس وحياة اغلى حاجه عندك في الدنيا
تفكر تاني قبل ما تنفذ قرارك
شعر سيف بالحيره وهي تحتضنه برقه ليتنهد باستسلام وهو يضمها بشده اليه
ويرفع شعرها جانبا و يقبل عنقها بعشق ثم يرفع وجهها اليه وهو يلتهم شفتيها في قبله جائعه طالت بهم لبعض الوقت ليبعدها سيف نادما وهو يمرر يده بحنان على شفتيها المتورمتان من اثر قبلاته
ليقول بمكر وهو يضمها لجسده بتملك
= عاوزاني مطردش الحرس ومطردش الفت يبقى لازم تدفعي
زهره باعتراض
= هو انت عاوز تطرد الفت كمان ..حرام عليك ياسيف..
مرر سيف يده بعشق في خصلات شعرها وهو يتابع بمكر
= ها موافقه تدفعي والا انفذ قرار الطرد
زهره بتردد وهي تستشعر وجود فخ في انتظارها
= أدفع ايه انا مش فاهمه حاجه
سيف وهو يضحك بمكر
= قولي موافقه وخلاص خايفه من ايه
زهره بتردد
= طب قول انت الاول هادفع ايه قبل ما أوافق
سيف بمرح
= جبانه .. عموما براحتك ..ليتوجه الى هاتف مكتبه
زهره بدهشه
= بتعمل ايه
سيف ببرود
= هتصل بيهم اخليهم ينفذو قرار الطرد حالا
لتجري زهره بسرعه نحوه وهي تنتزع الهاتف من يده
= لاء خلاص انا موافقه
ضحك سيف بمرح وهو يضمها اليه ويهمس بحنان
= ما كان من الاول لازم تتعبيني معاكي
ليقبل وجنتها بحنان وهو يتابع
= يلا بينا يادوب الحق اجهز قبل وصول الضيوف
لتحاول زهره الخروج معه
الا انه منعها بصرامه أخافتها
= رايحه على فين
انقبض قلب زهره بخوف وهي تقول بتردد
= طالعه معاك..والا عاوزني اروح فين
سيف وقد غفل عن خوفها لشدة غيرته
وهو يجذبها اليه ويبدء في غلق المعطف عليها من جديد حتى العنق ليقول بضيق وهو يفشل في لملمة شعرها بسبب نعومته الشديده
= لمي شعرك ده.. عاوزه تخرجي بشعرك مفرود و البالطو مفتوح والفيلا مليانه رجاله غريبه
ليتراجع قليلا للخلف وهو يتأملها بغير رضا
معقول ..لحد هدومك الجديده ماتوصل
زهره وهي تتأمل البالطو كبير الحجم الذي يغطيها بالكامل بدهشه
= سيف البالطو مغطيني بالكامل وبتقول عليه معقول..
لتتابع بتوجس
= هي الهدوم الي طلبتها ليا شكلها ايه
سيف ببرود
= لما تيجي هتشوفيها .. وبرضه مش هتلبسيها الا لما اشوفها واوافق عليها الاول
ليضع يده حول خصرها بتملك وهو يتوجه بها لغرفتهم بالاعلى وهو يغفل عن عين سالي المراقبه لهم بتعجب
لتقول بدهشه
= هو في ايه و دول لحقو يتصالحو امتى دا انا سيباهم قبل ما انام وهما مش طايقين بعض ..
لتتابع بتصميم وهي تدخل الى غرفتها وتغلقها عليها جيدا
= لاا..دا انا لازم اتصل حالا بأمين
لتقول بثقه وهي تتأمل جمالها بالمرآه
= واتصل بأمين ليه..انا عارفه هتصرف اذاي
لتتجه الى خزانه ملابسها وتختار منها الثوب الرمادي الرائع الذي قامت بشرائه خصيصا للحفل لتملس عليه باعجاب وهي تضعه فوق جسدها وتتأمل نفسها بغرور
= الاول هاستعد للحفله وهخلي سيف يشوف بنفسه الفرق
وبعدين ابقى اطلع لزهره اكيد هي هتحكيلي على كل حاجه
لتبتسم بانتصار وهي تبدء في الاستعداد للحفل
في نفس الوقت
صعدت زهره برفقة سيف الى الاعلى
ليوقفهم صوت الفت مديرة المنزل
= سيف بيه..
التفت سيف اليها وتوجه لها وهو يتناول شئ من يدها
ويتابع بصرامه
= زهره هانم سامحت في حقها وطلبت انك تستمري في شغلك وانا وافقت بس طبعا اي غلطه تانيه انا مش هسامح فيها اظن مفهوم
الفت بفرحه حاولت التحكم فيها
= مفهوم يا افندم
لتتابع وهي تنظر لزهره بامتنان
= انا متشكره اوي يا زهره هانم
زهره بخجل
= على ايه انا معملتش حاجه
سيف بجديه وهو يواصل صعوده للاعلى برفقة زهره
= اتفضلي انتي روحي شوفي شغلك
لتذهب الفت لمتابعة عملها بفرحه وراحه وهي تقول بامتنان
= ربنا يكرمك يا زهره بنت اصول صحيح
دخلت زهره برفقة سيف ليقبلها سيف من خدها بحب وهو يقول
= انا هروح اخد دوش على السريع
عشان الضيوف تقريبا على وصول ممكن تنقيلي بدله البسها على ذوقك
وطلعي لنفسك حاجه مريحه من هدومي تنامي فيها ..
ليقبل عنقها بحنان
= معلش انا كان نفسي تحضري معايا الحفله بس للاسف هدومك لسه موصلتش
زهره بسعاده
= مش مهم ..ادخل انت خد دوش علشان تلحق ضيوفك
ليدخل سيف الى الحمام وتتوجه زهره
لغرفة الملابس وتختار له بدله رماديه انيقه وقميص رمادي رائع وحزاء جلدي اسود اللون انيق
لتتنهد بسعاده وهي تقبل البدله بحب
وتبدء في خلع ملابسها وارتداء تي شيرت رياضي قطني اسود من ملابس سيف
لتنتهي من ارتدائه وتبدء في حل شعرها وتمشيطه بقوه لينسدل خلفها بروعه
خرج سيف من الحمام وهو يضع منشفه كبيره حول خصره وبيده منشفه صغيره يجفف بها شعره ليتأملها وهو يبتسم ويقترب منها بخفه
ليحتضنها من الخلف وهو يديرها اليه ويرفعها ويضعها على الفراش وهي تصرخ بمرح
= سيف بتعمل ايه ..الضيو..
ليخرسها سيف وهو يقبلها بعشق ويبتلع كلماتها بلهفه ليستمرا لبعض الوقت لايشعرون بما يحدث من حولهم لتحتضنه زهره بحب يطغى عليها وهي تقول بدون ان تشعر
وحشتني اوي يا حبيبي
استمع سيف لكلماتها لينتفض وهو يضع جبينه على جبينها بصمت وهو يعاتب نفسه
= وحشتك وحبيبي ..نفس اللعبه القديمه للدرجه دي فاكراني ضعيف وغبي خلاص فاكره اني نسيت خيانتها وقسوتها والسجن وغربتي وكل الي حصلي بسببها
بس هي عندها حق تستغباني وتعمل معايا نفس اللعبه من تاني وتتوقع مني اني اصدقها بكل غباء
ليتنهد بتعب وهو يبتعد عنها ويذهب لغرفة تغيير الثياب
استشعرت زهره تغيره لتتوتر وتقرر الذهاب اليه وهي تشعر بدقات قلبها تعلو بشده
مدت زهره يده بتردد تتلمس زراع سيف المنهمك في لبس ثيابه
لتقول بارتجاف
= سيف مالك.. انا عملت حاجه ضيقتك
ليستدير سيف اليها وهو ينفض يدها بعنف
= وانتي ايه علشان تعملي حاجه تضايقني ..انتي هنا وبالنسبالي مجرد جسم بتسلى بيه لحد ما يخلص الي انتي هنا علشانه.. ذيك ذي اي واحده بتتأجر بالفلوس واظن انتي عارفه كويس بيسموهم ايه ...فياريت بلاش تمثيل.. ووش البرائه الي انتي حطاه اخلعيه لان انا عارف وانتي عارفه انك كلبة فلوس متفرقيش حاجه عن العاهرات الي بيبيعو نفسهم بالفلوس شهقت زهره بألم ودموعها تتساقط بقوه من شدة إهانته وحاولت الانسحاب
الا انه جزبها من يدها بقوه وهو يسحبها خلفه ويرميها فوق الفراش بعنف وهو يسحب شريط من الدواء من جوار الفراش ويأخذ حبه منه ويضعها بالقوه بداخل فمها
ليضع الماء على فمها وتبتلعها زهره ودموعها تتساقط بقوه على وجهها دون ان تستطيع الكلام
سيف بقسوه
= دي حبوب منع الحمل ..انا مش مستعد اخلف من واحده قذره ذيك بتدي جسمها للي يدفع اكتر ..
سيف بتاع زمان مكنش ينفع كان فقير كنتي بتتسلي معاه شويه عشان ترضي امك الله يرحمها وفي الاخر روحتي اتخطبتي للي معاه فلوس ولما رماكي راجعه تاني ذي اي عاهره وبتبعيلي جسمك علشان بقى معايا فلوس مش كده
ليتركها ويقف وهو يقول باحتقار
= انتي متقعديش هنا تاني ارجعي لأوضتك القديمه ولما هاعوزك هبقى اسمحلك تيجي هنا ومتخافيش كل ليله وليها تمنها انا برضه زبون قديم
ليتركها ويغادر باحتقار وزهره ترتعش من شدة الالم والذهول لتبدله الغريب لتدخل في نوبة بكاء شديده
لتقول بارتعاش
= انا لازم امشي من هنا
لتقف وهي تبكي بشده وهي تتلفت حولها بدون ان ترى شئ لتقع فجأه مغشيآ عليها
بعد مرور نصف ساعه
انتهت سالي من ارتداء ثيابها والاستعداد للحفل لتنظر لنفسها باعجاب وهي تقرر الذهاب اولا لزهره لتفهم منها مايحدث
صعدت سالي الى الجناح الخاص بسيف
وهي تقوم بالدق بهدوء على الباب الا انه لم يجبها احد لتقول بدهشه
= هو مفيش حد جوه والا ايه
لتعاود الدق من جديد
ليفتح الباب فجأه وتظهر زهره على عتبته بوجه شاحب لترتمي في حضن شقيقتها وهي تبكي بهيستريه
سالي بدهشه وهي تدخل معها للغرفه
= في ايه يا زهره بتعيطي كده ليه
زهره ببكاء
= انا عاوزه امشي من هنا ..انا هلبس اي حاجه وهمشي ...عوزاكي تساعديني
لتستمع لصوت سيف الصارم يأتي من خلفها
= مفيش خروج من هنا الا لما انا اقرر الاول انك تمشي
ليلتفت لسالي
= وانتي ياسالي ياريت ماتدخليش بيني وبين اختك الي بيحصل بينا يخصنا احنا الاتنين بس
ليشير لزهره بتعجرف
= انتي لسه بتعملي ايه هنا اتفضلي على أوضتك تحت
ليسحب المعطف ويرميه بوجهها بقسوه
= البسي ده ويلا على تحت
لبست زهره المعطف وذهنها يحارب لايجاد طريقه لخروجها من الفيلا
لتسمع سيف يقول لسالي برقه
= انا شايف انك جهزتي تعالي معايا علشان اعرفك على الضيوف
لتجري سالي ناحيته وهي تشبك يدها بزراعه وهي تقول بسعاده
= انا فعلا خلصت لبس و جاهزه
ليراقب سيف زهره التي تتلفت حولها وهي ترفع الاغطيه وتنظر تحت الفراش
سيف باستغراب
= بتدوري على ايه
زهره بوجه شاحب وعيون تلتمع بالدموع
= رابطة شعري مش لاقياها
سيف باستغراب وهو ينظر لطريقتها الهستيريه في البحث عن ربطة شعرها
ليحاول صبغ صوته بالصرامه وفروغ صبر وهو يقول
= خلاص هبقى اخلي الفت تدورلك عليها ودلوقتي يلا على بره
ولدهشته تجاهلت زهره اهانته وهي تبحث عنها على طولة الذينه حتى وجدتها
لتقول بلهفه
= أهيه لاقيتها
لتربطها حول شعرها بهدوء وتغادر الغرفه دون ان تتحدث
التفت سيف لسالي وهو يسأل بتفكير
= هي ربطة الشعر دي ليها زكرى خاصه عند زهره
سالي وهي تلوي شفتها باستغراب
= ابدا دي شرياها قدامي من بياع في العتبه بس من يوميها وهي مبتفارقش شعرها حتى وهي نايمه بتلبسها في ايدها..بس هي زهره كده ليها تصرفات غريبه محدش بيفهمها
عقد سيف حاجبيه بتفكير وهو يقول
= بجديه طب يلا بينا
في نفس التوقيت جلست زهره في غرفتها وكل ما يهيمن على تفكيرها ايجاد طريقه لمغادرة الفيلا نهائيا
لتدور الافكار في رأسها كالدوامه
فلو حاولت الخروج لن يسمح لها الحرس بذلك الا بأمر من سيف
ولايوجد من تستطيع طلب المساعده منه حتى شقيقتها خذلتها ولكنها لا تستطيع لومها فهي لاتعرف حجم الاهانه التي وجهها لها سيف
ليمتقع وجهها ودموعها تسيل وهي تسترجع اهاناته لها وتشبيه لها بالعاهره
لتقف فجأه وهي تقول بتحدي
= طيب ياسيف انا هوريك انا هعمل ايه
وهخرج يعني هخرج
لتتوجه لغرفة شقيقتها بتصميم وتغلق الغرفه خلفها من الداخل
وتتوجه لخزانة ملابس سالي وتفتحها وهي تقول
= يارب ألاقي الي بدور عليه هنا وتكوني اشتريتي حاجه على زوقك انتي وميباقش كل اللبس على زوق سيف
لتفتش في خزانة الثياب حتى وجدت
فستان سهره كحلي اللون طويل
عاري الظهر تماما لتتفحصه
وهي تقول بانتصار
= ايوه ده كويس
لتدخل للحمام الملحق بغرفة سالي وتبدء في الاستحمام وتجهيز نفسها
للحفل
بعد مرور بعض الوقت
ارتدت زهره الفستان وحذاء مناسب له ووضعت بعنايه زينة وجهها وبعض من مصحح العيوب لتخفي به أثار كدماتها و
أطلقت شعرها خلفها بحريه ليلمع كخيوط من الذهب
نظرت زهره لنفسها بتقييم وهي تنظر للفستان المنسدل على جسدها باغراء ويظهر روعة وجمال جسدها لتنظر لظهرها العاري تماما وفتحة الفستان الكبيره التي تصل لمنتصف فخذها بتوتر
وهي تقول بتصميم
= هو مش بيقول عليا عاهره انا هوريه العاهرات بيعملو ايه
لتخرج من الغرفه بتصميم وتتوجه للحديقه حيث يقام الحفل
دخلت زهره للحفل وهي تشعر بالتوتر
ولكنها أخفته جيدا وهي تندمج بين ضيوف الحفل لتجذب لها الانظار لشدة جمالها وأناقتها لتقف بجوار حمام السباحه وهي تشرب كأس من العصير بتوتر وعيناها تبحث عن سيف وهي تخشى ردة فعله
لتتفاجئ باقتراب رجل وسيم منها
وهو يقول بإعجاب
= مش معقوله الجمال ده كله واقف لوحده ..ليمد يده ويصافحها بحراره
= شريف محمود رجل اعمال
لتضحك زهره وهي تقول بتوتر
= زهره كامل ..وللاسف مبشتغلش
شريف وهو ينظر لها باعجاب
= وللاسف ليه ..لو تحبي انا ممكن أعينك عندي وحالا لو حبيتي
زهره وهي تضحك بتوتر
= هاتشغلني كده علطول من غير ما تعرف مؤهلاتي ايه
....
في نفس الوقت دخل سيف بعد انتهائه من اجتماع مصغر مع بعض رجال الاعمال وبرفقته الهام التي ترتدي فستان سهره أبيض اللون عصري التصميم وتصفف شعرها الاصفر القصير بأناقه
لتشهق باستغراب وهي تلمح زهره المتألقه بجمال و التي تتحدث
مع أحد رجال الاعمال المدعوين للحفل
لتقول بغيره
= مش دي زهره الي واقفه بتضحك مع شريف محمود ..انت مش قلت انها مش هتحضر الحفله علشان تعبانه
ليلتفت سيف حيث أشارت
وتلتمع عينيه بغضب صارخ ...