صدفه حبنا
بقلم منار مجدي
الفصل الاخير
كريم:مصدقك يا حبيبتى عشان انا كمان عشقان بس احنا هنروح متخليش اى حاجه تبعدك عن اهلك أما بالنسبه ليه فاعتبريه هوا وبعدين انا هكون موجود معاكى.
مايان حضنته:بجد انا محظوظه انك موجود
غاده:الله الله
بعدت مايان
كريم:اهى مفسده اللحظه شرفت.
مايان:غاده والله وحشتينى
غاده:مش باين لو وحشتك كنتى جيتى حضنتينى
مايان قامت وحضنتها.
غاده:ايوه كده انا اتأكدت بس ايه الحلاوه ديه خسيتى جامد
مايان بصيت لكريم وضحكت:اه كله بفضل كريم
غاده:ماشى ياعم الله يسهله
عدى اليوم عادة من غير اى احداث جديده
كريم:جاهزه نروح لخالتك
مايان:طالما انت معايا اكيد جاهزه
وفعلا راحو عند خالتها.
كريم:وصلنا يالا
مايان بتردد:بسرعه كده
كريم: وبعدين بقا يالا بلاش دلع.
مايان بإستسلام:اوكى.
نزلو وطلعو ووقفت قدام الباب مايان كانت مترددة تخبط.
مايان:ايه رأيك نروح فى فيلم جميل جاى انهارده.
كريم بابتسامه مسك أيديها:هنتفرج بعدين دلوقتى وقت العيله
خبط هو وفتحت نوسه الباب.
نوسه:ايوه مين حضرتك.
مايان:ده انا يا خالتو
نوسه:بجد والنبى بقيتى موزه يا بت ايه الحلاوه دي
مايان بضحك:وحشتنى يا خالتو
نوسه:وانتى اكتر يا قلب خالتك
بعد سلامات قعدو سوا يتكلمون ويضحكو
نوسه:هقوم اجيب لكم العصير عقبال ما يوصل رامز وناكل سوا
مايان:هاجر اساعدك.
نوسه:لا خليكى عشان متسبيش جوزك لوحده
كريم:شايفه الناس إلى بتفهم
نوسه ضحكت ومشيت
مايان:قصدك انى مش بفهم صح
كريم:انتى احسن غبيه شوفتها في حياتى
مايان:مش عارفه اعتبرها اهانه وله مديح بصراحه
كريم شدها لحضنه:اعتبريها حب
مايان بضحك:انت قليل الادب اوى سيبنى عيب كده
رامز:الاحسن تسمع كلامها.
مايان بإحراج لكريم: شوفت سيبنى بقا إيه الاحراج ده.
كريم بضحك:يا حبيبتى انتى مراتى وله نسيتى
سابها وهى بعدت
رامز:ازيك يا مايان شايف انك خسيتى.
مايان:اه
كريم:وده يثبت انك بتعرف تشوف
مايان ضحكت:هو مش هيفهك هزارك.
كريم:وده يدل أنه
مايان حطيت إيديها على بقه بضحك:خلاص اسكت.
نوسه:جبت العصير ايه ده انت شرفت
رامز:اه يا ماما ليه مقولتليش أن مايان جايه
نوسه:هو انت فاضيلى
مايان:جميل اوى العصير يا خالتو
كريم:اه تسلم ايدك
رامز قعد جمب مايان
كريم بص عليها من جمب عينيه لكن مايان مأخدتش فى بالها اصلا.
نوسه:تعالى يا مايان نحضر السفره سوا
مايان:حاضر.
قامت مايان ولما الكأسات بتاعت العصير
مايان:يالا حط الكوبايه
كريم:اممم ليه
مايان بضحك:تفتكر انت ليه
كريم:يمكن تحتفظى بيها مثلا.
مايان احمرت
رامز:هتحنفظ بيها ليه يعنى انت أوفر بصراحه
مايان ابتسمت:يا أوفر
اخدت الكوبايه ودخلت المطبخ
كريم:انا عارف انت بتفكر فى ايه واحسنلك متحاولش عشان هتخسر مايان بقيت ليا خلاص.
رامز:بس بتحبنى انا مش انت
كريم بسخريه:وانت فاكر أنها هتفضل تحبك بمعاملتك ليها وله بخطوبتك مثلا انت غبى اوى
رامز قام بعصبية
نوسه ومايان:يالا الاكل جاهز.
قعدو على السفره سوا
كريم مسك أيد مايان وباسها:تسلم ايدك
مايان بكسوف:بس مش انا ديه خالتو إلى عملت الاكل.
نوسه:بس انتى ساعدتينى يا ستى حد يلاقى الحنان ويتبطر.
مايان ضحكت بكسوف
رامز:بس اوفر اوى الصراحه
نوسه:انت اخر واحد تتكلم.
كريم:يظهر أنه مضايقك جامد يا خالتو.
نوسه:اسكت يا اخويا بيسمع كلام إلى ما تتسمة ويكسر كلامى انا
أمه إلى مليش غيره.
كريم:لا لا كله الا الام يا رامز ملكش حق
رامز مكنش طايقه
مايان مسكت أيد كريم:بس يا كريم طالما بيحبها بيبقى ضعيف بين رغباته ورغبات قلبه متنساش رغباته هى طاعه أمه لكن رغبات قلبه هى رضا حبيبته.
نوسه:انتى معاه وله معانا
مايان ابتسمت:مع الحق انا مثلا لما رجعنا مكنتش عارفه انام ليه عشان كنت بعيد عنك لكن انا كنت برضو عايزه اقعد مع بابا بس معرفتش وانت كمان معرفتش تنام مش كده
كريم بابتسامه:معاها حق
نوسه:طيب كلو كلو الاكل هيبرد.
كانت مايان بتبص لكريم كل شويه تتطمن اذا بياكل كويس او لا
كريم كان بيبص على مايان ورامز ضحك لما شاف نظرته بس الاكل وقف فى زوره وقعد يكح
مايان بقلق:براحه أهدى طيب اشرب مايه
نوسه:طبطبى على ضهره يا بنتى
كريم شرب من ايد مايان وهدى.
مايان:قلقتنى عليك.
كريم:انا كويس متقلقيش
رامز قام بعصبية
مايان بخضه:ايه ده
كريم:قايد نار
مايان ضحكت:بطل هبل.
خلصو ودخلت مايان مع خالتها يرتبو المطبخ
نوسه:اخرجى اقعدى مع جوزك يا بت.
مايان:يا خالتو انا قاعده معاه على طول عايزه اقعد معاكى شويه
نوسه باستها من راسها:يا حبيبتى يا مايان طيب انا هخرج اشوفهم يشربو ايه واجيلك.
عند كريم ورامز
رامز:هترجعلى مجرد ما اشاورلها بس
كريم:احلم احلم الكلام ببلاش أصلها.
رامز بعصبية وتحت لسانه:هترجعلى يا كريم وهتجيلك بنفسها تطلب الطلاق عشان ترجعلى انا
كريم كان لسه هينطق
نوسه:رامز تعال عايزاك
كريم:معلش يا خالتو فين مايان
نوسه:فى المطبخ يا حبيبى
كريم:هينفع ادخلها
نوسه:طبعا يا حبيبى اتفضل البيت بيتك
قام كريم دخل لمايان.لقاها بتدندن وهى بتغسل المواعين
حضنها من ضهرها وهو حاسس بضيق كبير.
مايان حسيت بيه متغير لما اتنهد
مايان:مالك انت كويس رامز ضايقك صح
كريم وهو بيحضنها:انا محدش يقدر يضايقنى غيرك
مايان ابتسمت:وانا عملت ايه ده انا غلبانه
كريم ضحك:اه شوفتى البرأه فى عينيكى ازاى
مايان لفت ليه:تحب نروح.
كريم:لا خلينا عشان انتى لسه عايزه تقعدى مع خالتك.
مايان:عادى ابقى اجيلها وقت تانى ميكونش رامز هنا.
كريم:ليه هو ضايقك
مايان:لا بيضايقك انت فاكرنى عبيطه انا عارفه رامز كويس
كريم:وانا.
مايان:لا انت انا حافظاك وعارفه بتفكر ازاى عشان انا وانت واحد
كريم بابتسامه:دائما بتعرفى تخلينى اسمع كلامك.
مايان:عشان انا ست عظيمه💪.
كريم بضحك:أعظم عظمات الستات
مايان:طيب هنروح وله ايه
كريم:لا هنقعد
مايان:يبقا نعملك شاى بقا
كريم:هساعدك.
عند رامز
نوسه:ايه الكلام الى كنت بتقوله للراجل ده
رامز:ايه بقول الحقيقه
نوسه:حقيقه حقيقه ايه الحقيقه انك عايز تخرب على بنت خالتك
رامز:عايز اخرب عليها لا يا ماما انا بحبها
نوسه:اخرس متقولش بتحبها فاكرنى عبيطه ياض وله ايه انا عارفه انت كنت بتعمل معاها ايه وبتقولها ايه انت عمرك ما حبيتها وبعدين عايز منها ايه انت مش خلاص خطيبته البنت الى تعرف تتباهى بيها قدام صحابك.
رامز:انا عملت كده عشان تتغير وله اتغيرت
نوسه:تكونش فاكرها اتغيرت عشانك لا يا فالح هى اتغيرت عشان الراجل إلى حبها الراجل إلى اداها قلبه وحب قلبها مش شكلها اتغيرت عشان بتحبه انت خلاص بالنسبالها دلوقتى مجرد ابن خاله وله مشوفتش هى بقيت بتكلمك ازاى الاول كانت بتكلمك بلمعه فى عينيها إنما دلوقتى عينيها بتلمع لواحد بس وهو جوزها إلى قدرها
رامز:هو انتى كده يا ماما دائما شايفه أنى غلط
نوسه:عشان انت دايما غلط.
مايان:خالتى احنا جهزنا الشاى.
مايان كانت خارجه بتضحك مع كريم وهو شايل الصينيه
قعدو سوا
رامز:انا نازل
نوسه:يكون احسن
مايان بزعل:ليه يا خالتى مش قدمنا.
نوسه:اسكتى انتى انا عارفه بعمل ايه
كريم:ناس مش بتيجى غير بالعين الحمرا
مايان مسك دراعه بضحك:بس يا كريم
نوسه ضحكت:والله يا بنى معاك حق
رامز مشى وهو متعصب
مايان وكريم اخدو قعدتهم ومشيو بليل
نوسه:ابقو تعالو ونسونى شويه
كريم:انا لو عليا هبات هنا بس مايان بقا مش بتعرف تنام غير فى بيتنا
نوسه بضحك:مايان برضو
كريم:امال انا مثلا
مايان ضحكت: مثلا
نزلو الشارع كريم وقف عند العربيه عشان يركبو مايان كنت بتبص للعربيه بتفكير وبصيت للشارع الهادى
كريم سند على العربيه:تيجى نتمشى
مايان ابتسمت بفرحه:اه ممكن
كريم:شديت سلام هو احنا عندنا كام مايان.
مسك أيديها ومشيو شويه.
مايان:كريم
كريم:عيونه
مايان:ممكن تشيلنى
كريم:يا سلام نشيلك منشيلكيش ليه
مايان:لا لا مش كده
كريم:امال ازاى
مايان:على ضهرك ممكن.
كريم:اشمعنا يعنى.
مايان:لما كنت صغيره بابا كان بيشيبنى على ضهره كنت ببقا مبسوطه اوى دلوقتى انا مبسوطه انى معاك فكنت عايزة اعمل نفس الحركه
كريم:يا حركات طيب يالا هوبا
مايان بضحك نطيت علي ضهره وهو شالها وبقو ماشين
مايان:ابتسم.
كريم:ايه ده هنتصور.
مايان:ايوه وهنبروزها كمان
كريم:يبقا نضحك بقا مش نبتسم
ضحكو سوا ومايان لقطت كذا صوره بس كانت احلى واحده وهى بتبوسه من خده وهو بيضحك.
مايان:دول هيبقو تزكارات عشان لما نكبر نفتكر ايامنا زمان
كريم:انتى احسن تزكار ممكن الواحد يتمناه
مايان حضنته من رقبته جامد:انا بحبك اوووووووى.
كريم:عارف عارف وانا كمان
كان رامز معدى جمبهم بس هما ملحظهوش.
وقف رامز يبص على خيالهم وهو بيبعد وحس بالندم كان فى ايديه نعمه وهو إلى أكبر عليها هو إلى ضيعها بغباءه.
بعد كام يوم
كريم:يالا اطلعى.
مايان:مش هتنزل
كريم:لا ورايا مشوار كده صغير هشوفك بليل
مايان:طب وغاده
كريم: متقلقيش انا بلغتها
مايان:كريم خلى بالك من نفسك
كريم: متقلقيش.
مايان:ومتتأخرش
كريم:هوحشك
مايان انت وحشنى من دلوقتى اساسا
كريم:بقيتى قليله الادب يا مايان قعدت معاكى غيرتك
مايان ضحكت:انت رخم اوى على فكره
مسك كريم ايديها قبل ما تنزل:نسيتى ايه
مايان ضحكت وقربت من خده وباسته:متتأخرش
كريم:حاضر يا قلبى من جوه.
مايان طلعت وخلصت شغل وكل شويه تبص على الساعه لحد وهى نازله من الشركه ما جالها رساله(لو عايزه إلى بتحبيه يفضل عايش تعالى على العنوان ده******)
جريت مايان وركبت تاكسى ووصلها العنوان باقصى سرعه نزلت وقربت من المكان كان فاضى
مايان بخوف:كريم كريم انت هنا.
فجأة صوت إضاءه بيتفتح لفت لقيت شاشه كبيره عليها صورها هى وكريم بس اكتر الصور ليها هى بس وقفت تبصلها بدموع وابتسامه.
كريم:احبك.
لفت مايان ليه بابتسامه
كريم:احبك جدا وجدا وجدا وارفض من نار حبك ان استقيلا
وهل يستطيع المتيم بالحب أن يستقيلا
وما همنى أن خرجت من الحب حيا
وما همنى أن خرجت قتيلا.
جريت مايان عليه وهو حضنها وشالها لف بيها.
كريم:مايان تتجوزينى تانى
مايان باسته من خده:اتجوزك تانى وتالت ورابع اتجوزك إلى الأبد
كريم نزلها وهو مبتسم سند رأسه على رأسها
مايان:بحبك يا كريم.
كريم:بحبك يا مايان
بعد كام يوم
مايان بالفستان رايحه جايه
خالد:روشتينى أهدى شويه
مايان:أتأخر يا بابا أتأخر اوى.
خالد:مش اوى هى ربع ساعه
مايان:ربع ساعه وتقولى مش اوى ١٥ دقيقه ٩٠٠ ثانيه وتقولى مش اوى لا أتأخر واوى كمان.
هند:العريس وصل
مايان بعصبية:هو فين هو فين
كريم:مين بينادى.
مايان بعصبية:كريم انت عايز تموتنى مش كده ايه التأخير ده كله
كريم بهيام:ايه الحلاوه ديه كلها
مايان احمرت:م متغيرش الموضوع عارف كنت هتموتنى من قلقى عليك ينفع كده يعنى
كريم قرب وباس راسها:معلش يا حبيبتى بس كان فى حادثه فى الطريق انا اسف مش هتتكرر تانى وعد.
مايان:انت كويس
كريم:انا كويس اهو مفيش اى حاجه
مايان:ماشى سامحتك.
كريم:طيب يالا وله نلغى الفرح ونوزع المعازيم ونروح بيتنا
مايان ضحكت بكسوف
خالد:نلغى ايه يالا يابنى متكسفناش
وفهم وخرجو رقصو سوا
كريم:عارفه انا بشكر الصدفه إلى خلتنى اشوفك .
مايان:وانا كمان كانت اجمل صدفه لحبنا.
كريم ومايان بضحك:صدفة حبنا
بعد ٣٠ سنه
كريم بيشوف صورهم القديمه من الصندوق
مايان:كريم الاكل جاهز
كريم فضل قاعد بيتفرج بابتسامه
مايان :بتعمل ايه
كريم:بشوف تزكرات صدفتنا
مايان قعدت جمبه:كل سنه وانت جمبى انهارده عيد جوازنا ال٣٠
كريم:عمرى ما كنت اتخيل الحظ ده كله
مايان:احنا الاتنين كنا محظوظين ببعض
..:تيته جدو يالا الاكل هيبرد وبصراحه كده جعلته موووت ديه شاورما يا جدو شاورمااااا.
مايان:طالعه طفسه لمين
كريم:لمامتها
مايان:ومامتها طالعه طفسه لمين يا كريم
كريم:ليا انا يا روحى
مايان ضحكت جامد
تمت بحمد الله