رواية بناتي حياتي الجزء الثاني2 الفصل الثاني عشر12 بقلم ولاء يحيي
طارق بعد ما مروه خرجت قام وقف وقرب من عامر
طارق بغضب : صور ايه البعتها للين
عامر بستغرب: صور دكتور رامي مع الدكتوره
طارق بغضب : فهمني بظبط انت عملت ايه
عامر بخوف بداء يحكي لطارق الخطه ال عملها والصور ال يعتها للين
طارق يغضب ضربه بلقلم : حيوان انت ازي تتصرف من دماغك انا اقولتك تنفذ القرف دا
عامر بصدمه : حضرتك قولت ابدائه نفذو وانك عاوز الموضوع دا يخلص
طارق بزعيق : قولتلك كده امتي من اكتر من اسبوعين ومن ساعتها مكلمتش وال قولت انك هتعمل القرف دا
عامر : انا كنت كل ما اجي احكي انت تسكتني بس مقولتش اوقف الخطه
طارق بغضب يخبط علي المكتب : غور من وشي سيبني افكر غور من هنا
خرج عامر وهو مضايق ومخنوق وقعد طارق بغضب وغيظ وندم
لين روحت البيت وهي منهاره دخلت وهي مسكه التلفون وقعدت وهي بتشوف الصور وتعيط وبدات تصرخ
لين بدموع وصريخ : لاااااا كدبين كدبين رامي عمره ما يعمل كده انتم كدابيين
لين فضلت تعيط وتصرخ ورمت الموبايل كسرته ووهي بتصرخ جت اميره ال سمعت صوتها من تحت فطلعت تجري وتخبط علي الباب ولين فتحت ليها وهي منهاره وبتعيط
اميره دخلت مخضوضه من شكلها ونسيت تقفل الباب
اميره بخوف : مالك يالين حصل ايه
لين بدموع وصريخ : كدبين يا اميره بيكدبه رامي عمره ما يعمل كده رامي بيحبني هم بيكدبه عاوزين يبعدونا عن بعض بس ليه يعمله كده ليه ليه (لين بتكلم وقعدت علي الارض وهي بتعيط ومنهاره ونزلت اميره قعدت جمبها)
اميرة بدموع مكتومه تحاول تهديها : طيب اهدي حبيبتي بس وفهميني مالك
لين بنهيار : بيكدبه كل البعتينه كداب والله كداب انا عارفه رامي هو بيحبني بيحبني صح يا اميره رامي بيحبني قولي انهم بيكدبه قوليلي ان الصور دي كدب
مروه وهي بتنهج : ايوه يا لين كداب الصور دي كداب
لين واميره يبصه لمروه وهي تدخل تجري علي لين وتعقد جمبها
مروه : الصور كدب خطه عملنها علي رامي وقعو بيها عشان يصوره ويبعتهالك عشان يفرقو بنكم
لين ببتسامه من بين دمعها : صح صح ايوه (وبعدين تبصلها بستغراب لما ركزت في كلامها) هم مين دول مين ال عمل كده يامروه
مروه : طارق وعامر مدير مكتبه انا سمعتهم يالين بس مفهمتش غير النهارده
لين تبصله بصدمه : سمعتي ايه
مروه بدائت تحكي للين واميره ال سمعته من عامر وهو بيتكلم في التلفون ولين كان مصدومه هي واميره
مروه بحزن : انا والله حاولت اكلمك يومها بس تلفونك كان مقفول انا مكنتش فهمه ومش عارفه هم بيعمله كده ليه ولسه مش فهمه بس ال عارفه ان رامي مظلوم يالين اوعي تصدقي
لين تعيط بنكسار : ليه يعملو فيه كده ليه يضيعه سمعته واسمه عشان ايه احنا عملنا فيهم ايه عشان عاوزين يفرقنا دا انا معرفهمش كل البنا شغل شغل وبس ليه عاوزين يبعدني عنه
اميره بحزن: طب اهدي يا لين عشان تعرفي تفكري وتشوفي هتعملي ايه
مروه بحزن : رامي محتاجك دلوقتي يا لين زمانه مش عارف يتصرف وسمعته ومستقبلو هيضيعو
لين تمسح دموعها وتقوم تقف : فعلا عندك حق دا مش وقت انهيار رامي محتاجني وزمانه تعبان والكل بيتكلم عنه وانا مش هسكت (وتفضل تدور حاوليها)
اميره بستغراب: بدوري علي ايه يالين
لين : تلفون عاوزه تلفون انا تلفوني اتكسر
مروه تديها تلفونها ولين تطلع نوته في شنتطها فيها ارقام وطلعت رقم واتصلت
فهد : سلام عليكم
لين:عليكم السلام فهد انا لين
فهد بستغراب : لين رقم مين دا
لين : مش مهم اسمعني دلوقتي يا فهد ولازم تعمل ال هقوله ضروري ارجوك يا فهد لازم النهارده
فهد بقلق: قولي يالين وانا هعملك ال عاوزه
لين : عاوزه اجتماع ضروري جدا النهارده مع كل الشركاء في مشروع ضروري يافهد النهارده لازم تجمعهم كلهم
فهد: حاضر يا لين هعملك اجتماع وهبلغك المعاد علي طول اديني نص ساعه اكلمهم واكلمك
لين : ميرسي يافهد هستناك متتاخرش عليه
وتقفل لين وتعقد علي الكرسي وهي دموعها نزله فيقربه منها
اميره : هتعملي ايه يالين
لين بتصميم : هفضحو قدم شركائه وهسيب الشغل ولو مصلحش العمله ورجع لرامي سمعته هبلغ الجرايد انا مش هسكت
مروه تبتسم : صح يالين متسكتيش عن حقك ( وتمسك شنتطها) انا نص ساعه ورجعلكم
وتخرج وتسيبهم قعدين ولين دموعها نزله بس عمله تفكر
وفي القاهره في المستشفي الكل بقي يتكلم والكلام بقي يوصل لكل مكان وبقي ينتشر ف كان فيه بعض الممرضات ال وقفين مع سمر ال عمله نفسها زعلانه علي رامي
ممرضه 1: انا مش مصدقه ان الدكتور رامي يعمل كده انا لو مشفتش بعنيه كنت قولت دا كداب
ممرضه 2: دي فضيحه دول لقهم عريانين وفي حضن بعض انا مش عارفه هيبصو في وش الناس ازي
سمر بحزن مصطنع : انتم بتكلمو ازي كده علي دكتور رامي انتم اتحننتم دكتور رامي لا يمكن يغلط ابدا
ممرضه 2: انتي اتهبلتي يا بت يا سمر ما انتي شايفهم بعنيكي
سمر : حتي لو شايفهم اكيد في حاجه مش عرفينها
ممرضه1: حاجه ايه يعني يافالحه هيكون بيكشف عليها وهي في حضنه مثلا وكان لازم يقلعو عشان يعرف يكشف (ويضحكه هم الاتنين بتريقه)
سمر بضيق مصطنع : بطلو بقي ( وتكمل بصوت ارتباك هي قصده لتوصل معلومه) ماااااا يمكن يكونو متجوزين في السر
الممرضات بصدمه من القالته
الممرضه 1: وهيتحوزه في السر ليه ياختي
سمر بخبث: انا بقول يمكن اتجوزها في السر ومرديش يقول عشان متجوز بنت عمه ومش عاوز يجرحها ولا يزعل ابوه وعمو
الممرضه 2 بصدمه : تصدقي يابت ياسمر ممكن دا انا حتي اعرف ان بنت عمه مش هتخلف اكيد اتجوزها عشان كده
سمر بخبث : يابت بقول يمكن هو احنا عرفين ايه الحصل ورحت لفه وشها وهي بتبتسم بمكر ف ها هي الجزء التاني من خطيتها ينجح وبداء ينتشر خبر الجوز في السر
وفي مكتب رامي قعد وحطط ايده بين راسه وهيتجنن وسالم وفاروق قعدين قدمه بعد ما شرح ليهم الحصل بتفصيل من وقت ما دخل المكتب
فاروق بضيق: طيب البت دي هتعمل كده وتفضح نفسها ليه
سالم بغيظ: عشان تدبسه انا من ساعه ما شفتها وانا مش مرتحالها وحسيت انها بترسم عليه وعاوزه توقعو واكيد عملت الفضيحه دي عشان يجوزها
رامي بغضب : اجوز مين دا لا يمكن يحصل ابدا دا انا اموتها بايدي دول لو معترفتش بلحقيقه انا عمري ما هتجوز غير لين ( واول ما قال اسمها رجع قالو بضياع) لييين هتعمل ايه لو عرفت دي ممكن يجرلها حاجه (ويبص لسالم وفاروق) هي لين ممكن تصدق اني اعمل كده
سالم وفاروق بصو لبعض بحزن ومعرفوش يجاوبه
رامي وهو بيطلع تلفونه: لا لين مش ممكن تصدق انا لازم اقولها الحصل بنفسي قبل ما حد يقولها وتفهم غلط
سالم : استنا بس يا رامي هتقولها ايه وبعدين هي ايه ال هيعرفها الحصل وهي في دبي
رامي بحزن : تلفونها مقفول ( ويحط راسه بين ايده) يااااارب انت العالم اني مظلوم
وفي مكتب دينا دخل شادي بغضب وهي بتمثل انها بتعيط ومنهاره
شادي بغضب: اوعي تفكري اني مصدق التمثليه الخيبه العملتيها دي
دينا تبصله بدموع مصطنعه : تمثليه ايه انت بتقول ايه يا شادي انا اتفضحت
شادي يقرب وشه من وشها بغضب: خالي دموع التماسيح دي لحد تاني يا دينا انا عارف ان كل الحصل دا من تخطيتك انتي وسمر وانا ال هفضحك بجد
دينا بتحدي: انت شكلك مش في وعيك يا شادي الحصل الكل شافو بعينهم (ورجعت تطصنع الدمع) خالص الكل عرف كل حاجه
شادي وهو بيقف ويضحك بستهزاء: برافو كان لازم تقديمي في معهد التمثيل مش كليه طب (ويبصلها بتحدي) بس متفرحيش كتير لاني هعرف الحقيقه و هكشفها للكل
ويخرج ويسبها وهي تبصله بغيظ وغضب
دينا لنفسها : وريني هتعرف الحقيقه ازي ياسي شادي
ونروح دبي وفي شركه طارق ال قاعد علي مكتبه وهو مضايقه وبيشرب سجاير ومدي ظهره للباب يتفتح الباب بغضب وغيظ فيلف وشه يلقي مروه فيديها ظهره تاني
طارق بضيق: انا مش عاوز اقبل حد وال اشوف ورق دلوقتي يامروه لو سمحتي اخرجي
مروه تقرب من المكتب بغضب وتحط عليها ورقه بكل عصبيه فيلف يبصلها وهو مستغراب
مروه بغضب : لا معلش لازم تشوف الورقه دي وتمضيها
طارق بستغراب مسك الورقه وبيشوفها فتصدم
طارق بصدمه: ايه دي
مروه بغضب : اايه مبتعرفش تقري استقالتي اتفضل امضيها
طارق بضيق وغضب يرميها : مش ماضي زفت وبعدين بتستقايلي ليه فهميني
مروه تقرب من المكتب وتخبط عليه بغضب : لاني مستحيل اشتغل مع واحد سافل و واطي زيك (طارق بصلها بغضب وضيق وهي تكمل ) واحد يعمل خطه ويالف تمثليه عشان يفضح انسان ويتبلي عليه عشان طمعان في مراته واحد لا عنده دين وال اخلاق ولا دم سمعة الناس وشرفهم بيلعب بيهم علي مزاجه فاكر ان بفلوسه هيقدر يشتري الناس ويعمل الهو عاوزه بس نسي ان ربنا موجود وعمره ما هيقبل الظلم وهينتقم منك علي ال عملته في رامي ولين
مروه كل كلمه قالتها كانت بتمس قلب وضمير طارق ال كان بداء يصحي لما دخلت حياته وكان ندمان وبيسمعها وهو حزين واول ما لفت تخرج قام جري مسكها بس هي زقت ايده
طارق بضيق: استني يا مروه والله عامر اتصرف من دماغه انا كنت نسيت الموضوع دا ومعرفتش العمله غير النهارده (ويبصلها بندم) والله يامروه انا نسيت لما شوفتك وح (ولسه هيكمل)
مروه بغضب: اخرس متكلمش وال كلامه انت واحد مغرور واناني وتغلط وترمي غلطك علي غيرك انت اديت اوامر وهو نفذها هو مش هيتصرف غير باومر سيدو مهو كلب سيدو (وتبصله بقرف) انتم ازي عايشين كده ازي هيجيلك نوم وانت فاضح انسان برئ ومضيع مستقبله وبتخرب بيته انت لا يمكن تكون بني ادم وبتحس وعندك ضمير
ولسه هتخرج وقف قدمها
طارق بحزن : ارجوكي يا مروه استني انا والله هصلح كل حاجه هكشف الحقيقه كلها بس متمشيش
مروه : انا ميشرفنيش اشتغل مع واحد زيك
وتمشي مروه وتسيبه وهي غضبانه بس كانت حسه بنغزه وحزن في قلبها ومكنتش عارفه سببهم ايه
وطارق فضل باصص علي الباب ال خرجت منه بحزن وندم وفضل وقف شويه وكان تلفونه بيرن اكتر من مره فرح رد
طارق بضيق: ايوه
سكرتير مكتب فهد : مستر طارق الشيخ ابرهيم بيبلغك ان فيه اجتماع مهم كمان نص ساعه في شركته ولازم تحضرو ضروري
طارق بغضب : انا مش فاضي وبعدين اجتماع ليه
السكرتير: معنديش علم يا فندم هي المهندسه لين طلبه اجتماع عاجل بكل الشركاء
طارق بصدمه : لين ( فيقوم يقف) ماشي انا جي
ويقفل السكه وينزل وياخد عامر ال ماشي معه وهو وشه في الارض وركبه العربيه وراحو لشركه ابرهيم ابو فهد
وعند لين ال كانت دموعها لسه نزله واميره عملت ليها عصير وكانو قعدين تلفون مروه ال سابته مع لين رن
لين بلهفه: ايوه يا فهد
فهد : الاجتماع كمان نص ساعه يا لين
لين : الكل هيحضر يافهد
فهد : ايوه بلغنا الكل والشيخ محمد وطارق زمانهم في الطريق وانا بعتلك عربيه تجيبك زمانها وصلت تحت السكن
لين ببتسامه : ميرسي يا فهد انا هنزل حالا
وتقفل لين وتقوم تقف
اميره بقلق : هتعملي ايه يالين
لين بتحدي : هرجع حق رامي
اميره ببتسامه : طيب ادخلي اغسلي وشك عشان محدش يشوف دموعك
لين ببتسامه : ميرسي يا اميره لوقفتك معايه
اميره بحنان : ميرسي علي ايه بس يلا اغسلي وشك وانزلي وانا هستناكي هنا علي ما ترجعي واطمن عليكي
لين : لا روحي عشان سليم ميعملش مشكله
اميره ببتسامه : متقلقيش روحي انتي بسرعه بس
وتدخل لين تغسل وشها وترجع قويه وتنزل تركب العربيه وتروح لشركه ابرهيم
ونروح المستشفي وفي اوضه سلوي وكانت الاخبار وصلت ليها وكان موجود مع سلوي (ايمان ومني وسناء وسيلا وسها ورشا وسميه)
سلوي بحزن : لا حول ولا قوة ال بالله ربنا ينتقم منهم وينصرك يارامي يابن سناء
سناء بدموع: انا ابني عمره ما يعمل كده ابني بيخاف ربنا عمره ما يغضبه ابدا (وتبص لمني) اوعي يامني تصدقي ان رامي يخون لين وال يفكر يتجوز عليها دا روحه فيها
مني بحزن : ايه البتقوليه دا يا سناء هو انتي هتعرفيني مين رامي انا عارفه رامي وعارفه انه عمره ما يغلط انا بس صعبان عليه انهم يظلمه ويجيبه سيرته
ايمان بضيق : ربنا علي الظالم بس الدكتوره دي انا مش مرتحالها اكيد ليها ايد في الحصل دا
سميه : لا مش معقول يايمان دي اتفضحت فيه واحده هتفضح نفسها كده
رشا بغضب : لا بقي كلام ابله ايمان صح البت دي اصلا مش مظبوطه وكانت بترسم علي رامي دي اول ما طنط سلوي دخلت المستشفي جيت ليه وفضلت تتقرب مني وكانت عاوزه تفهمني انها ورامي اصحاب صح ياسها
سها: ايوه وسالم يومها فضل يتريق عليها وطلعها كدابه
سيلا بغيظ : خالص بقي قفلو علي الموضوع دا واوعي حد يقول للين اي حاجه وال يكلمها (وتقوم تقف) انا هروح اجيب حاجه من الكافتريا تعالي معايه يارشا
وتخرج سيلا من الاوضه ومعها رشا وهي متعفرتها ومضايقه
سيلا بغيظ : مكتب الزفته دي فين تعرفي
رشا بقلق : لا معرفش ليه هتعملي ايه
سيلا بغضب : هسلم عليها (وتسال سيلا علي مكتب دينا وترح ومعها رشا )
و مكتب دينا كانت قعده هي وسمر بيتكلمو
سمر : بس يابنت الايه عملتيها صح في الوقت المظبوط
دينا : دا انا كنت مرعوبه ل تتاخري بس اول ما لقيته بيفك القميص قولت يبقي هيدخل الحمام بعتلك علي طول
سمر : وانا كنت موقفه فتحيه قدمي عشان ابعتها في الوقت بس بنت الايه لو معرفنها ال لعبه مكنتش هتصوة بشكل دا دي لمت المستشفي
ويضحكو هم الاتنين بس يتفتح الباب مره واحده وتدخل سيلا ال شافت ضحكهم فرفعت حاجبها وبصت ليهم بقرف وهم وقفه بسرعه مخضوضين
سمر بخضه : مدام سيلا
دينا بعصبيه : انتي مين وازي تفتحي الباب كده مش تخبطي
تدخل سيلا وتدخل ورها رشا وتقفل الباب وتقرب من دينا
سيلا بغضب : وانا جيه عمله افكر وقول اتكلم معها وافهم كانت في مكتب رامي بشكل دا بتعمل ايه بس لما دخلتولقيتك بتضحكي وال همك عرفت ان دي لعبه انتي العملها
دينا بارتبك : لعبببه ايه انتت(بس سيلا سكتتها)
سيلا بغيظ: اخرسي يابت انتي واسمعي كويس قوي ومن الاخر لعبتك دي وال هتفرق معنا ال اتفضح وسمعته بقيت علي كل لسان هي انتي مع اني متاكده ان الكلام دا ميهمكيش في حاجه وال يفرق معكي لانك واحده واطيه ورخيصه
ام رامي بقي فا كل عيلته واهلو واثقين فيه جدا وعارفين اخلاقو كويس فكل دا وال هيفرق معنا وال معه و الناس هتكلم يومين وهينسو رامي دكتور كبير ومعروف والناس بتثق فيه عمليه واحده كبيره يعملها الناس هتكلم عنها وتنسي اي حاجه تانيه
بس مش معني كده ان احنا هنسيبك ونسيب ال انتي عملتيه تؤؤ خالص يا حلوه دا احنا هنظهر الحقيقه وهنعرف الكل حقيقتك وهنكشفك وهنبلغ عنك النقابه واسمك يتشطب وهنرفع قضيه وهنطلب تعويض وهنسجنك ( وتضربها علي وشها بشويش) باي يا واطيه
وتلف عشان تخرج ودينا كانت وقفه متغاظه ومضايقه
دينا بغضب : متفتكريش اني سهله وهسيب حقي ولو انتي مش همك ف اكيد البشمهندسه هيهما
سيلا رجعت ليها بغضب ورحت مسكها من شعرها ولفه علي ايدها ودينا بتصرخ بس سيلا قفلت بؤها بايدها
رشا بخوف : سيلا سبيها هتموتيها
سيلا بغضب : فكري فكري بس تقريبي من لين او تسمع حرف انا ال يفكر يرش اختي بلمايه اولع فيه بجاز ......... زيك يا واطيه
وتروح زقها فتقع علي سمر ويقعو الاتنين علي الارض (ويصرخو) وسيلا تاخد رشا وتخرج وتقفل المكتب
رشا بضحك : يخرب عاقلك ياسيلا انا مكنتش اعرف انك قويه كده
سيلا بضحك : دا انا كنت بمسي عليها هو انا كلمتها انتي هتتبلي عليه
رشا تضحك اوي ويرجعو اوضه سلوي
ونروح دبي وفي شركه ابرهيم وكان الكل وصل وقعدين منتظرين لين واول ما وصلت دخلت مع فهد
لين اول ما دخلت سلمت علي الشيخ ابرهيم والشيخ محمد ولما قربت من طارق بصتله يغضب وغيظ وسبته ومشيت
لين بغضب : انا متشكره جدا ان حضرتكم وقفتم نعمل اجتماع بسرعه دي
الشيخ محمد : خير يا بشمهندسه الشغل فيه شي
لين : لا يافندم الشغل تمام بس انا بعتذر انا مش هكمل الشغل دا وبسحب تصميمي
الشيخ ابرهيم بضيق : ازي وليه دا اتفقات وعقود
لين بغضب : يبقي كان لازم اضيف في العقد بند تضد المؤامرات والخدع والافتري علي اهلي
الشيخ محمد بعدم فهم : تقصدي ايه فهمينا
لين وهي بتبص لطارق بغضب وهو لبس نظرت الشمس ومغمض عنيه ومحدش شايف انطباعه
لين بدائت تحكي ليهم لقائها مع طارق في المسابقه وعرضه ليها ورفضها ليه والخطه ال عملها وفضحيته لرامي عشان يفرق بينهم
الشيخ محمد بصدمه : لااااا اكيد غلط يا بشمهندسه طارق رجل اعمال كبير ميعملش كده
لين بضيق : انا متاكده من ال بقولو
الشيخ ابرهيم بغضب : الكلام دا صح يا طارق
طارق بهدوء : ايوه انا عملت كده مع الاسف
( طبعا لين اتصدمت من اعترافه فهي كانت متوقعه انه هينكر )
طارق وهو بيقف : انا بنسحب من الاشراف علي المشروع وبكتفي بكوني شريك ضمني فقد ولو تحبو اني انسحب من المشروع كله فانا علي استعداد كامل ( ويبص للين) وانا اسف جدا يا بشمهندسه مع اني عارف ان اعتذاري ميكفيش بس انا بوعدك قدمهم ان بكرا الحقيقه هتظهر للكل وهيتعرف كل الحصل والمؤامر ال وقع فيها دكتور رامي وكل ال غلط في حقه هيتحاسب حتي انا
ويخرج طارق من الاجتماع وياخد عامر ويمشي من الشركه
طارق في العربيه : بكرا يتبعت لمدير ال مستشفي سي دي ال اتصور للدكتور في المكتب كامل والمسيتجات ال بين الجارد وال ممرضه يتبعت نسخه منهم (ويبص لعامر) مفهوم
عامر : تحت امرك
طارق : وبعد كده اي تصرف هتعمله من غير ما ترجعلي قبله حسابك هيبقي كبير معايه
وفي شركه ابرهيم بعد خروج طارق
الشيخ ابرهيم بحزن : احنا مش عارفين نعتذر ليكي ازي يا بشمهندسه بس من النهارده شغلك هيكون مع شركتي ومع فهد وطارق ملوش اي علاقه بلمشروع
محمد : ال سموحه منك يا بنتي والله ما عارف اقول ايه بس بنرجوكي تكملي المشروع
لين ببتسامه وهي بتقوم : انا متشكره ليكم جدا ولتقدركم ليه وان شاء الله هكمل ( وتبص لفهد) وهكون مبسوطه جدا اني هشتغل مع فهد عن اذنكم
وتخرج لين مع فهد ويوصلها للسكن وتطلع تلقي اميره ومروه في انتظرها
اميره بقلق : طمنيني يا حبيبتي عملتي ايه
لين ببتسامه : الحمد الله
مروه : شكلك مبسوط احكيلنا حصل ايه
وبدائت لين تحكي ليهم كل الحصل واعتراف طارق ووعده ان الحقيقه هتنكشف
مروه بضيق : وانتي صدقيتيه ما يمكن بيكداب
لين ببتسامه : تؤ مظنش انا حسيت انه ندمان وصادق ( وتبص لمروه بخبث) مش عارفه مين ال اثر فيه كده وغيرو
اميره تفهمها وتضحك : هو صحيح يا مروه انتي رحتي فين لما نزلتي
مروه بغيظ : رحت استقلت وسمعته كلمتين لا كلمتين ايه دا انا بهدلته ال حيوان ( وتربع ايدها بغيظ وضيق ولين واميره يبصه لبعض ويضحكو)
مروه بغيظ : بتضحكو علي ايه يا رخمه منك ليها
وهم قعدين تلفون اميره يرن ويبقي سليم
اميره : ايوه ياسليم
سليم بغضب : انتي فين يا هانم اروح الشركه وارجع القيهم بيقوله مشيت من ساعتين اجي البيت القي الهانم مش موجوده انتي فين انطقي
سليم كان صوتو عالي وطالع من التلفون ف لين ومروه ضحكو بس كتمو صوتهم
اميره وهي بتكتم الضحك : رحت لصحبتي عشان تعبانه شويه
سليم بغيظ : اتفضلي ابعتيلي حالا انتي فين هاجي اخدك
مروه تاخد منها التلفون بسرعه
مروه : ايوه ياسليم انا مع اميره متقلقش وهنعقد شويه مع صحبتها عشان تعبانه وهنرجع سوا
سليم بستغراب : مروه هو انتي اتقبلته ازي وايه ودكي معها لصحابتها
مروه تكتم ضحكتها : مش وقته يا سليم بقولك البنت تعبانه لما ارجع هبقي احكيلك يلا باي
وتقفل مروه ويبصه التلاته لبعض ويفضله يضحكو
مروه بضحك : المهم دلوقتي انتي مش هتكلمي رامي
لين بحزن : لا رامي محتاجني جمبه انا هنزل مصر انا حجزت في طياره الفجر رامي عنده عمليه كبيره بكرا الصبح ولازم انزل وكون جمبه
اميره ببتسامه : صح يا لين انزل وخليكي جمبه وعرفي الكل انك وثقه فيه
لين بحزن : ان خايفه بس لما يعرف ان الحصل دا كان بسببي
مروه : انتي ملكيش ذنب يا لين انت مش مسؤاله عن النفوس المريضه
لين تتنهد : المهم عندي رامي دلوقتي وان الحقيقه تبان
ويفضله قعدين معها شويه وبعدين يروحو ولين تنزل تروح معادها مع الدكتوره وتبداء علاجها
رامي فضل قعد في المستشفي وقفل عليه مكتبه ومضلم الدنيا حاوليه وكان حزين شادي فتح المكتب ودخل ونور النور وقرب منه
شادي بحزن : قعد في الضلمه ليه يادكتور
رامي وهو حطط ايده علي عينه : بفكر ياشادي بفكر
شادي : انا متاكد يادكتور ان فيه لعبه اتلعب علي حضرتك وسمر ودينا كانو متفقين وهم ال عملين كده
رامي بصله اوي : دينا هتفضح نفسها ليه
شادي : لانها عاوز تجوزك يادكتور دول طلعو اشاعه انكم متجوزين في السر
رامي قام قعد : مين القال الكلام الفارغ دا
شادي : انا متاكد انها سمر بلاتفاق مع دينا طيب حضرتك ممكن تقولي دينا كانت بتعمل ايه في حمام مكتبك بلمنظر دا
رامي بغضب يقوم يقف
شادي : اهدي يا دكتور و واصبر وسيبنا نفكر نوقعهم ازي الغضب دلوقتي مش في مصلحتك
رامي يعقد وهو متعصب : انا لازم اعرف الحقيقه (ويبص ل شادي) تفتكر وصلو للين الحصل
شادي : هو حضرتك مكلمتهاش
رامي بضيق: تلفونها مقفول من الصبح ومش عارف اوصلها
شادي يبصله ويسكت ورامي يبصلو وبداء الشك جوه ان لين تكون عرفت وبداء يفكر ازي كانت لين ممكن تصدق او لا
اميره ومروه روحو ومروه طلعت مع اميره لان شروق قالتلهم ان سليم متعصب اميره فتحت الباب ودخلت هي ومروه
مروه ببتسامه : سلامو عليكم
سليم بضيق وهو بيبص لاميره : عليكم السلام انتم كنتم فين
اميره ببتسامه : كنا مع صحبتي اصلها كانت تعبانه
سليم بستهزاء : والله وياتري اتقابلتم ازي بقي يا ست مروه
مروه : انا كنت في المشروع مع مستر طارق وشفت اميره ومستر طارق لما خلص شغل قالي روحي فاخدت اميره معايه وكنا مروحين فصحبتها اتصلت بيها واحنا في العربيه وقالتلها انها تعبانه ولوحدها فرحنا ليها ولما بقيت كويسه رجعنا بس يا سيدي هي دي الحكايه مالك بقي مكبرها كده ليه
سليم بضيق وغيظ : ومتصلتيش بيه ليه
اميره بارتباك : انا اول ما وصلت انشغلت معها اصلها كانت تعبانه اوي ولما بقت كويسه شويه انت اتصلت
مروه ببتسامه : سيبكم بقي من الموضوع دا انا هسهر معكم النهارده
سليم : ليه معندكيش شغل
مروه بارتباك : لا اجازه اصل مستر طارق مسافر
سليم يبصلها بشك فهي تبص ل اميره بسرعه
قومي يا اميره لما نعمل عشا حلو وانا هعملكم كيكه
ودخلو المطبخ جري بس كان جوه سليم شك في كلامهم ومكنش مرتاح
وبعد اذان الفجر فهد فات علي لين ووصلها المطار
لين : انا اسفه يا فهد انا تعبتك معايه الايام دي اوي
فهد ببتسامه : متقوليش كده يا لينو دا انا كنت عاوز انزل مصر معكي بس عندي اجتماع مهم جدا
لين ببتسامه : ربنا يوفقك يا فهد
فهد : اول ما هتوصلي القاهره هتلقي سياره منتظركي هتاخدك ل المنصوره وان شاء الله كل شيء هيتصلح
لين تتنهد : يارب يافهد يارب
وتركب لين الطياره وتوصل القاهره وتركب العربيه للمنصوره وصلت الساعه 9 فرحت علي المستشفي علي طول
رامي قعد في مكتبه هيتجنن لانه بيتصل بلين وتلفونها مقفول فتصل باسلام
رامي بنرفزه : يعني ايه مش لقيها هتكون راحت فين يا اسلام
اسلام بضيق : مش عارف يارامي انا رحت المشروع قالو اخدت اجازه ورحت السكن محدش بيفتح
رامي يقف بغضب : اكيد جرلها حاجه اكسر الباب يا اسلام لين جرالها حاجه
اسلام : اهدي يارامي خليني افكر (وسكت شويه) اقفل يا رامي انا هتصل بفهد اشوفه يمكن يعرف هي فين
رامي بخوف : بسرعه يا اسلام واتصل بيه ولو ميعرفش هي فين اكسرو الباب
ويقفل رامي و يعقد علي مكتبه بغضب وخوف وبيدعي ربنا فيدخل شادي
شادي : العمليات جهزه يا دكتور
رامي بغضب وزعيق : مش داخل عمليات الغي العمليه او خليهم يشوفه دكتور تاني
لين وهي وقفه علي الباب : هو فيه دكتور شاطر تاني غيرك (فيبصه الاتنين علي الصوة ولين تبص لرامي بحب) مافيش غير رامي واحد بس
رامي قام وقف وكان مش مصدق وهي دخلت للمكتب وهو رح جري عليها وحضنها
رامي : انتي كويسه انا هتجنن عليكي من امبارح (ويبصلها) انتي جيتي ازي
لين ببتسامه : بطياره هاجي بلباص يعني مالك يا حبيبي
رامي يبصلها : لين انتي عرفتي الحصل
لين تبتسم بحب : عرفت يا حبيبي (لسه هيكلم) ومشكتش لاحظه واحده ان الصور دي حقيقه كنت عارفه انها كدب وانك عمرك ما تعمل كده
رامي بصلها بستغراب : صور ايه
لين بحزن بس تبتسم : هفهمك كل حاجه بس بعد العمليه انا وخده اجازه يومين بحالهم
رامي : مش هقدر ادخل عمليات
لين بتصميم : لا هتدخل وهتركز اوي والعمليه هتنجح ان شاء الله ( وتحط ايدها في وسطها) مهو انا مجيتش من دبي ومنمتش من امبارح عشان تقولي مش هتدخل (وتبص لشادي) اجهزو يا دكتور شادي ورامي هيحصلكم
شادي ببتسامه : حاضر
ويخرج شادي وتقرب لين من رامي بحب
لين : وحشتني اوي
رامي يحضنها جامد جدا : كنت خايف اوي يا لين يكون جرالك حاجه او صدقتي
لين ببتسامه : انا ممكن اشك في نفسي ومشكش فيك ياحبيبي (ويرجع يحضنها شويه) يلا بقي كفايه دلع قدمي علي العمليات
رامي ببتسامه : هتتدخلي معايه وال ايه
لين بخضه : ادخل معك فين لا طبعا انا هوصلك لاوضه العمليات وهروح اطمن علي طنط سلوي علي ما تخرج
رامي بحب : اوكي يا حبيبتي
وتخرج لين مع رامي من المكتب وتمشي معه وهي مسكه ايده وهو بيبصلها بكل حب والكل بقي يبص عليهم ويتكلمو
الممرضه 1 : شكلها حلو اوي مش معقول الدكتور يبص لدينا بعد القمر دي
الممرضه 2: شايفه يا بت بيبصلها ازي دا بيموت فيها مش ممكن يكون بيخونها ابدا
رامي ولين مشين سوا وعند العمليات دينا كانت وقفه مع شادي واول ما شافت لين برقيت واضايقت جدا ورامي يبصلها بقرف : انتي وقفه هنا ليه
دينا بغيظ : عشان العمليه
رامي بزعيق وصوة عالي : انتي مش هتحضري العمليه وموقفه عن العمل لحد ما اعرف كنتي بتعملي ايه في مكتبي بلمنظر دا
دينا تبصله بصدمه وتبلع ريقها وتبص للين بغيظ وتمشي من قدمهم بعد ما الكل كان بيبص عليها وفرحنين فيها
رامي يبص لشادي : معلش ياشادي انت كمان مش هتحضر عاوزك في مهمه تانيه
شادي : تحت امرك يا دكتور
رامي : هتاخد البشمهندسه لين ل اوضته........ وبعدها تقفل مكتبي بلمفتاح ويفضل المفتاح معك
شادي : حاضر
رامي يبص للين بحب : ادعيلي يا حبيبتي
لين ببتسامه : ربنا معك ويوفقك ياحبيبي
رامي يمشي خطوتين ويبصلها : لين صحيح كلمي اسلام احسن بيدور عليكي (ويضحك) وزمانه كسر باب الشقه
لين تتضحك : كويس خليهم يقبضه عليه ونخلص منه
رامي يضحك اوي ويرجع يبوسها من جبينها ويدخل العمليات و شادي يوصل لين لعند سلوي والكل يستغرب وجودها بس يفرحو جدا وتعقد معهم
شادي رح لمكتب رامي وبيفتح الباب لقي سمر جوه ووقفه جمب الشباك وهي اول ما شافته اتخضت
شادي بعصبيه : انتي بتعملي ايه هنا
سمر بارتباك : كنت برتب المكتب
شادي بشك : بترتبي طيب اطلعي بره حالا
سمر : انا هرتب المكتب واخرج
شادي بغضب : مش هترتب حاجه اخرجي بره
سمر خرجت تجري وشادي فضل يبص حاوليه بس مشفش حاجه فخرج وقفل المكتب بلمفتاح وسمر كانت هتتجنن وعاوزه تشيل الكاميرات
لين بعد ما قعدت شويه مع سلوي ودخلو يدوها علاجها الكيماوي فلين نزلت هي وسالم وسها ورشا وقعده في الكافتريا ولين بتبص حاوليها شافت شادي
لين ببتسامه : دكتور شادي (شادي يقرب منهم) اتفضل اقعد معنا
شادي يعقد ويبص لسها ويبتسم وهي تبص للارض بس رشا ولين لاحظو فبتسمو ويعقده يتكلمو
سالم : بس انتي عرفتي منين الحصل يالين (ويبص لسها ورشا) مين السوسه ال قالتلك
الاتنين سوا في وقت واحد : والله ما انا
لين تبتسم بحزن : محدش قالي وصلي صور في مسيتج
شادي بستغراب : صور ازي
لين بضيق : صور ل رامي وهو (وتغمض عنيها لما تفتكر الصور) حضنها وهم قريبين من بعض
سالم بستغراب : ازي انا كنت وقف الباب اتفتح خمس دقائق وفاروق قفله ومكنش فيه حد بيصور
لين تتنهد : الصور.كانت من جوه المكتب مش من بره
شادي بصدمه : جوه المكتب يعني كان فيه حد جوه بيصور عشان يبعتلك الصور
سالم بستغراب : بس محدش خرج من المكتب غير الزفته دي انا وفاروق فضلنا في المكتب مع رامي لحد وقت متاخر
لين طبعا تسكت لانها عارفه ان طارق ال صور بس متعرفش ازي ومتعرفش علاقته ايه بدكتوره
سها مره واحده بصوة عالي : سمر سمر حطت كاميرات في المكتب
الكل يبصلها بصدمه
سالم بستغراب : وانتي عرفتي منين
سها : كنت هنا في الكافتريا بجيب شاي وسمعتها وهي بتكلم واحد وبيديها الكاميرات فيديو وبيقولها حطيها وكانو بيتكلمه علي مكتب رامي ويقولها هتبعك علي الكمبيوتر وقولك انهي احسن مكان (وتبص لشادي) لما خبطت في حضرتك يا دكتور بس انا فكرتو واحد من الامن وبيحطه كاميرات مراقبه
شادي بفرحه : ايوه انا شوفتها يومها وقفه مع واحد غريب بس مكنش من الامن في المستشفي
سالم بغضب: يعني دينا متفقه مع سمر وحطه كاميرات يصوره عشان يبعتو للين الصور
شادي يقوم يقف : يبقي سمر كانت دخله تاخد الكاميرات لما دخلت عليها
سالم : وخديتها
شادي : لا انا دخلت عليها خرجتها ومكنش معها حاجه وقفلت المكتب بلمفتاح
سالم بفرحه : يعني الكاميرات لسه جوه وسها بتقول كاميرات فيديو يعني مصوره كل حاجه
لين ببتسامه : اكيد وهو قطعه وخده الصور ال تظهر ان رامي بيخوني وبعتها ليه
سالم بفرحه : يلا يا شادي نروح ندور عليهم في المكتب
رشا بفرحه : هنروح معكم
لين : لا مش هينفع نروح كلنا احنا هنروح اوضة طنط سلوي عشان يبان الموضوع عادي وانتم روحه انتم بس متخلوش الاسمها سمر دي تشك انكم عرفتم واول ما تلقو الكاميرات خبوها واتصلي بفاروق يا سالم وقوله واستنو لحد رامي ما يخلص
شادي بفرحه : تمام يلا بينا
ويروح سالم وشادي ويدخله المكتب وسمر تشوفهم بس سالم يقرب منها
سالم ببتسامه : سمور ممكن تجبيلي قهوه
سمر ببتسامه : عنيه يا استاذ سالم
ويدخل سالم وشادي المكتب ويلقي الكاميرات ويخبها ويتصل سالم بفاروق وبلغو وتدخل سمر تلقيهم قعدين عادي بيتكلمو ويضحكو فحطت القهوه وخرج
وبعد تلات ساعات خرج رامي من العمليات ورح مكتبه وسالم وشادي حكولو واخد الكاميرات وراح لمدير المستشفي وحكي ليه وسلمو الكاميرات ال ظهر دينا وهي دخله بتستخبي في الحمام وازي رمت نفسها علي رامي
المدير : انا وصلي سي دي من ساعه بنفس الفيديو وكمان وصلي معه مستجات بين سمر الممرضه وواحد وبتتفق معه علي فلوس وانها تحط كاميرات في المكتب وانا هبعت حالا تقرير لنقابات الاطباء بلحصل وطلعت جواب فصل للاتنين من المستشفي
ووهم قعدين يسمعو صوة دوشه كبيره وصريخ يخرج المدير ورامي بسرعه يلقي فاروق ومعه قوه بيقبض علي سمر ودينا وهم بيصرخو والكل ال في المستشفي ملموم وبيتفرجو
دينا بصريخ : سبيوني انا معملتش حاجه (وتبص لرامي) انت عشان ابن ناس ووصل تتبلي عليه عشان تدري علي الفضيحه
المدير بزعيق : الحقيقه ظهرت كلها ومعنا الدليل اهو سي دي متصور بكل الحصل من ساعة ما دخلتي متسحبه المكتب واستخبتي في الحمام ورميتي نفسك علي الدكتور رامي (ويبص لسمر) والكاميرات ال حتطيها في المكتب لقينها وموجوده معنا
سمر بعياط : انا معملتش حاجه محتطش حاجه
المدير : والمستجات ال من موبيلك ال ببتفقي فيها مع واحد انك تحطي الكاميرات وتصوري اليحصل ليه مقابل..................... ج كمان موجوده معنا ( ويقرب من فاروق) اتفضل يا حضرت الظابط الادله كلها مع حضرتك
فاروق ببتسامه : يلا منك ليها قدمي دا انتم سنينكم سوده معايه
وياخدهم فاروق ويمشي والكل بقي يتكلم ويبص لبعضه
المدير ببتسامه : حمدالله علي السلامه يا دكتور
رامي ببتسامه: الله يسلامك
والكل يقرب من رامي ويهنيه وشادي يقف جمبه وهو مبسوط فرامي يحضنه اوي
شادي ببتسامه : المهندسه لين مستنيه حضرتك في المكتب يا دكتور
رامي يروح لمكتبه بسرعه ويدخل جري ويحضن لين بفرحها
رامي بسعاده : جيتي وجيبتي السعاده والفرحه معكي يا حبيبتي ( ويبصلها اوي) سعادتي دايما في وجودي جمبك وانا معكي كل حاجه ببتحل وبتبقي جميله
لين كانت بصتله وجوه عيونها دموع فرامي يستغرب
رامي : مالك يا لين
لين بدموع : كل الحصل دا كان بسببي انا يا رامي
رامي بستغراب بسببك ازي
لين : تعال نروح وهقولك في البيت
ويروح رامي ولين وهم طول الطريق سكتين ويسلمو علي الكل ويباركو لرامي و
رامي ياخد لين ويدخله اوضتها ويقفل ولين تبتدي تحكي لرامي كل حاجه وان طارق هو ال وراء كل الحصل بلاتفاق مع سمر ودينا وكل دا عشان يفرق بينهم وتسيبه
رامي قعد علي السرير وبيبصلها وساكت
لين بحزن : ساكت ليه يا رامي قول حاجه
رامي بضيق : هقولك حاجه واحده بس يالين
لين : قول يا حبيبي
رامي يقوم يقف : قومي نتم جوازنا حالا وكل الناس تعرف ان احنا بقينا متجوزين مش مكتوب كتابنا بس
لين بضيق : وجوزنا ماله بلحصل يارامي
رامي بغضب : لان كل ما احنا جوزنا مش كامل الناس هتحاول تفرق بنا لانهم فكرينك مش مقتنعه بيه ( لين تبصله بستغراب وهو يكمل بزعيق ) ايوه يا لين الناس فكره انك وافقتي في لحظه ضعف وانك ندمانه وعشان كده بتاجلي جوزنا لحد ما تقتنعي فبيحاوله يفرقه بنا
لين بدموع : لا مش صح طبعا مش عشان واحد مغرور حاول يؤذينا يبقي كل الناس بتفكر زيو
رامي بعصبيه : هو انتي فاكره طارق بس الفاكر كده طيب وسليم ال مسافر عشان يفضل قدمك يمكن تحني عليه واهلنا البره دول ال كانو خايفين عليكي من خبر جوازه ل تتعبي وتتاثري
كل دول شايفين كده يالين كل دول فكرينك ماجله جوازنا عشان لسه مش مقتنعا
لين بضيق ودموع مكتومه : بس انت عارف ان دا مش صح
رامي بغضب: بس مش عارف انتي رفضه نتجوز ليه مش لقي سبب انك ترفضي
لين بدموع : لا فيه سبب شغلي واني مسافره
رامي : وانا ممنعتكيش يا لين قولتلك كملي شغلك وهاجيلك كل اسبوع او تجيلي انتي الرفضه
لين : انا عاوزه استقر (وتبص ليه بدموع) اصبر عليه بس اربع شهور يا رامي اربع شهور بس ونتم جوزنا
رامي يقف ويغمض عنيه بحزن : حاضر يالين هستناكي هستناكي انشالله 10سنين هستناكي لحد ما انتي التيجي وتقولي يلا نتجوز (ويبصلها) لان انا مش هطلبها منك نتجوز تاني
ويفتح باب الاوضه ويخرج منه وهو حزين ولين تعقد علي السرير وهي بتعيط ومنهاره وشويه ويفتح باب ويدخل فؤاد ويعقد جمبها وياخدها في حضنها
فؤاد وهو بيمسح دموعها : متعيطيش حبيبتي
لين بدموع : والله بحبه يا بابي وعاوزه كون معه النهارده قبل بكرا
فؤاد بحنان : عارف يا حبيبتي ( ويبصلها بحنان) وعارف انتي ليه بتأجلي الجواز
لين بصتله بصدمه
فؤاد: وعارف كمان انك بتتعالجي وعملتي عمليه الاسبوع الفات ومخبيه علي الكل (ويحط ايده علي وشها) بس هو ينفع تخبي عن بابي
لين بصدمه : حضرتك عرفت منين يا بابي
فؤاد ببتسامه : كنت قعد مع دكتور يحيي لما بعتي تقرير العمليه و شكله اتغير وحسيت انه مخبي حاجه فشكيت فيه وحصرته لحد ماقالي انتي عارفه انا كنت مشروع ظابط
لين ببتسامه وبكسوف : انا يابابي حبيت ابداء العلاج واعرف الناتيجه واذ كان هيبقي في امل او لا ومحبيتش اني اعيشكم معايه الم وتعب وعلاج ورامي عاش معايه عذاب كفايه ومش عاوزه ابداء حياتي معه بتعب والم تاني عاوزه اسعاده يا بابي ومحبتش مامي تتامل اني ممكن اجيب اولاد وتزعل لو حالتي متحسنتش
فؤاد يبصلها ويسكت وهي تفضل بص ليه
فؤاد ببتسامه : يبقي هتكمل علاجك ومش هتستسلمي ومش هنقول لحد بس مش هتكوني لوحدك تاني انا هكون معكي وجمبك مش هسيبك انا مسافر معكي
لين بستغراب : ومامي
فؤاد :انا قولتلهم عندي شغل في دبي اااه بس انا ليه شرط ( لين تبصله بستغراب) تعرفيني علي كام بنت من اصحابك كده ويكونو حلوين بس هاااااا اوعي تقولي لمني
لين تضحك اوي وتحضن فؤاد وهو يضمها ليه
فؤاد : انا معكي يا حبيبتي ومش هسيبك ابدا
لين : ربنا يخليك ليه يا بابي
رامي لما خرج من البيت فضل ماشي بلعربيه بس جاله تلفون من المستشفي وبلغه ان في ضيف مستنيه في مكتبه وعاوزه ضروري ف راح علي المستشفي ووصل مكتبه واول ما دخل الضيف وقف
طارق ببتسامه : مساء الخير دكتور رامي