صدفه حبنا
بقلم منار مجدي
الفصل الرابع
مايان جت تقوم مسكها كريم من أيديها:عشان خاطرى.
مايان ابتسمت وقعدت على ركبتها قدامه:ايوه يا كريم بحبك بس انت تستاهل أنى اتغير عشانك عشان كده مش عايزه ابدا معاك وانا كده
كريم نزل قدامها على ركبته وهو ماسك إيديها ومقربها من قلبه:انا مش عايزك تتغيرى انا حبيتك زى مانتى عشان انا محبتكيش عشان شكلك لا انا حبيتك عشان روحك عشان قلبك الابيض إلى عمره ما كره حد حبيتك عشان انتى مايان صديقتى الوحيده فى الطفوله رغم ان الكل كان بيقولك متصحبنيش انا كنت بسمعهم وكنت بسمع برأتك وعصبيتك وانتى بتزعقيلهم وتقوليلهم أنهم متنمرين وكنتى بتجيبى الكوره تلعبى معايا رغم انك مش بتحبيها انا كنت عارف انا الاول مكنتش اعرف أنه انتى ملاكى الحارس من الطفوله.
مايان بدموع:لما مشيت وعزلت من جمبنا حسيت انى عملت حاجه غلط او ضايقتك عشان كده سيبتنى ومشيت.
كريم باس ايديها:لو كان بإيدى كنت فضلت فى نفس البيت عايش معاكى يمكن ساعتها مكن حد فينا اتجرح.
مايان:بس القدر جمعنا تانى
كريم:وده عشان احنا مكتوبين لبعض من زمان.
مايان:انا بحبك يا كريم وعايزه اتغير عشانك هتساعدنى وله اتغير لوحدى.
كريم:بس اوعدينى إن لما تتغير مش هتسبينى وتمشى.
مايان ابتسمت وحضنته:انا لما صدقت لقيتك انت حبيبى.
كريم:وانتى حبيبتى.
عدى شهرين على اعترافهم لبعض ودلوقتى كريم رايح عشان يكتب كتابه هو مايان
مايان طلبت كده عايزه كتب كتاب على طول لما تتغير هتبقا تعمل فرح كبير ومحد عرف غير باباها ومامتها وهند وغاده وبس.
كريم كان مبسوط اوى وهو ماسك أيد والدها وبيردد ورا الشيخ وهو بيبصلها وهى كمان كانت مبسوطه كانت عينيها بتلمع بنور منورها.
الاتنين كانو بيدمعو لما سمعو كلمه الشيخ الاخير
(بارك الله لكم وبارك عليكم وجمع بينكم في الخير)
كريم قرب من مايان إلى دموعها خانتها وبقيت بتنزل زى الشلال وباس راسها.
مايان حضنته جامد ساعتها وكأنه اكبر انتصاراتها.
بعد اسبوع كانت مايان بتكلمه فى التليفون.
كريم:هنفضل كده يعنى لحد ما تتغيرى ياستى انا مبسوط بيكى كده
مايان:نو نو استحمل شويه عارف انا بحارب ازاى الاكل عارف انا جعانه ازاى اسكت بجد عشان متضايقه وفى الاخر اوزن التقى نفسى مخستش غير اتنين كيلو طب والله بيهزرو معايا.
كريم:قولتك تعالى وانا اخسسك بمعرفتى.
مايان:انت قليل الادب على فكره يالا اقفل مش عايزه اكلمك.
كريم:اهون عليكى.
مايان:الصراحه لا بتصعب عليا
كريم:ياااه لو قدامى دلوقتى
مايان:رجعنا لقله الادب.
كريم:هنتفرج على كارتون سوا ايه دماغى راحت فين عشان تعرفى انك انتى إلى بتفكرى غلط.
مايان:يا سلام
كريم:مايان
مايان:نعم.
كريم:بحبك يا ملاكى.
مايان ضحكت بكسوف:وانا كمان بحبك
فضلو يرغو لحد ما نامو
تانى يوم صحيت مايان على صوت باباها.
خالد:ايه هتفضل نايمه كتير يالا قومى دايت ورياضه وشغل.
مايان بضحك:بعدين دايت ورياضه دلوقتى شغل كفايه اوى.
خالد:طيب قومى يالا.
سابها وخرج ومايان لبست ونزلت لقيت كريم لسه واصل.
كريم:ايه اتأخرت.
مايان:جيت فى وقتك يالا بينا.
وصلو الشركه بس كريم قفل باب العربيه
مايان:كريم
كريم:نسيتى ايه
مايان:مش بتنسى أبدآ
كريم:نو نو
مايان ضحكت وقلت من خده وباسته:خلاص مبسوط.
كريم:اى كلام بس احسن من مفيش.
مايان بضحك:طماع اوى يا حبيبى
كريم:شويه صغيرين.
غاده:هتفضلو كده كتير.
كريم ومايان اتخضو
غاده:اسفه عشان قاطعت سيادتكم بس ده جراج شركه محترمه.
مايان احمرت:هى افتكرت ايه ربنا يسامحك يا كريم
كريم بضحك:ايه يا غاده تكونيش قفشتينا فى شقه فى ايه.
غاده:ياعم خلاص انا حبيت اعرفكم انكم اتأخرتو خمس دقائق وده مش كويس خالص
مايان:كريم افتح الباب بسرعه خلينا نشوف شغلنا عارفه يا غاده هو إلى معطلنا اصلا لكن احنا وصلنا فى المعاد مظبوط.
كريم:بقا كده.
غاده بمقاطعه:طيب تعالو عشان عايزاكم فى موضوع مهم.
مايان وكريم بصوت لبعض بإستغراب ونزلو وراها.
غاده دخلت المكتب وقعدت وهما دخلو وراها وقعدو.
غاده: دلوقتى انتو عارفين اننا كسبنا صفقه لندن.
مايان:ايوه والمفروض حضرتك تسافرى بكره.
غاده:للأسف مش هقدر لأن أعضاء مجلس الإدارة لشركه المغرب جايين هنا عشان يقابلونى وهيفضلو هنا اسبوع بحاله .
مايان:طيب نأجل صفقه لندن.
غاده:مش هينفع انا لدينهم كلمه لو غيرتها هيقلل منى فى نظرهم
كريم:وهتعملى ايه يا فلحوصه
غاده بصيت ليهم بابتسامه:ايه رأيكم فى شهر عسل في لندن .
كريم بابتسامه:واو مغرى جدا
مايان:شهر عسل ايه بس احنا بنتكلم عن الشغل ركزو.
غاده:مانتو هتشوفو الشغل برضو كريم هياخد مكانى عشان اخويا وانتى هتعرفيه يعمل ايه عشان سكرتيرتى وله نسيتى
مايان:ما نسبته يبقا سفريه شغل مش اكتر.
كريم:لا وشهر عسل انا تعبت يا مايان خلاص
مايان:كريم ماخلنيش اندم انى اتسرعت انا عايزه فرح .
كريم:هنعمل فرح بعد شهر العسل ده ونعمل بعد الفرح شهر عسل تانى
مايان:فرح ام احمد هو
غاده:بقولكم ايه حلو مشاكلكم بنفسكم يالا كله على شغله صدعتونى.
مايان خرجت هى وكريم
كريم:ليه مش موافقه
مايان:عشان لسه متغيرتش يا كريم لسه
كريم:بس بتتغيرى.
مايان:مش عايزه اسيب بابا لوحده يا كريم .
كريم مسك أيديها واخدها مكتبه
كانت غاده بتشوفهم بعيد بابتسامه:اكيد كريم هيقنعها انا متأكده اخويا برضو
دخلو المكتب وكريم قفل الباب وراهم
مايان قعدت على الكرسى
كريم:يا مايان انتى عارفه اننا لما نتجوز هيكون باباكى برضو فى البيت لوحده
مايان:انا شكلى اتسرعت يا كريم بابا مش هيعرف يعيش لوحده
كريم:يا ستى ده انتى طابقه على نفسه سيبى الراجل يفك ويتجوز.
مايان بصدمه:يتجوز.
كريم:اه وفيها ايه من حقه يتجوز زى مانتى من حقك تتجوزى وتفرحى(حط أيده على شعرها القصير وحركه ورا ودمها بابتسامه) وله انتى ايه رأيك.
مايان: انا مش عارفه تفتكر بابا ممكن يتجوز تانى خلاص احنا مش هنعمل الفرح في لما نجوزه
كريم بضحك:لا انا بقولك نجوزه مش اعنس جمبك.
مايان:ماحنا متجوزين يا كريم.
كريم:يعتبر على الورق بس فين الجواز الفعلى.
مايان:كريم انت بجد حقيقى قليل الادب.
كريم بضحك: عارف.
مايان ضحكت.
كريم بغمزه:طب ايه
مايان بتوتر:هشوف شغلى.
كريم:وشهر العسل.
مايان:هفكر واقولك.
كريم: اممم.
مايان راحت عند مكتبها وهى محمره ومكسوفه سندت راسها على المكتب وهى بتحاول تتدارى كسوفها.
غاده وهى بتشرب القهوه وتبصلها:لا حالتك صعبه
مايان رفعت راسها ليها
غاده:هو عمل ايه ها احكيلى احكيلى.
مايان بإحراج:ما ماعملش حاجه.
غاده:لا متقنعنيش انك كده من مجرد كلام
مايان بصيت ليها بكسوف.
غاده:بجد يا مايان وله بتهزرى.
مايان:اه والله
غاده:يعينى عليك يا كريم ده انا قولت الواد اتجوز وهيهيص بقا
مايان بكسوف وصدمه:يهيص!!
غاده:للدرجه ديه انتى بريئه.
مايان:انا انا مش عارفه.
غاده ابتسمت:وله يهمك بكره تعرفى متقلقيش كريم هيعرفك كل حاجه.
مايان:هيغرفنى ايه.
غاده بغمزه:كل حاجه بقا يالا مش هطول عليكى كملى شغلك أو كسوفك شوفى كنتى بتعملى ايه.
مايان بكسوف وصدمه:هو انا عبيطه بجد عشان مش فاهمه وله محترمه زياده وله ايه الحكايه خلاص يا مايان وقت الشغل .
بعد وقت كبير من الجد والاجتهاد في الشغل كانو خلاص مروحين مايان وكريم.
كريم:بكره هاجى اخدك عشان السفر
مايان:سفر ايه احنا لسه مقررناش.
كريم:لا احنا مقررين السفر بس مش مقررين شهر العسل لسه بتناقش.
مايان:اه صح طيب.
كريم:وبالنسبه لشهر العسل طيب ماشى برضو.
مايان:لا ،مش عارفه ،بص استنى لما نشوف بابا.
كريم:تمام نشوف عمى انا واثق أنه عايز أحفاد بسرعه.
مايان بإستغراب:أحفاد ازاى ودول هيجو منين اصلا
كريم:مايان هتجننينى.
مايان:كريم متوترنيش كل كلامك عن شهر العسل ده بيوترنى بيخلينى ابقا رافضه الموضوع.
كريم:يا حبيبتى انا مش عارف انتى خايفه من ايه ده انا زى جوزك يعنى.
مايان:بلا زى جوزى بلا بتاع انا قلبى من التوتر هيخرج من مكانه بيدق جامد جدا.
كريم:مش يمكن بيدق عشان انا جمبك.
مايان:لا لما بتبقى جمبى قلبى بيدق جامد لكن دلوقتي قلب. بيدق جامد وجدا كمان.
كريم ضحك:طيب خلاص متتوتريش عارفه لما هنسافر هقدر اساعدك اكتر تتغيرى هنتدرب سوا ونجرى سوا ونعمل تمرينات رياضيه كده وهعملك اكل صحى ومفيد بنفسى.
مايان بابتسامه:عارف قلبى ابتدأ يرتاح شويه صح انت حبيبى مستحيل تأذينى.
كريم:وجوزك متنسيش.
مايان بابتسامه:وجوزى.
كريم: الله جميله اوى الكلمه منك
مايان:طيب يالا لركن العربيه عشان هنطلع سوا نكلم بابا.
كريم:انتى تأمرى يا ملكه قلبى
مايان اتكسفت جدا من اللقب ده
كريم ركن العربيه جت مايان تنزل لقيت الباب مقفول بصيت لكريم
كريم:كل مره تنسى.
مايان ضحكت وجت تبوسه من خده لف وشه والبوسه جت فى شفايفه مايان بصيت ليه بصدمه جت تبعد شدها من وسطها وقربها ليه وهو مبتسم وغمض عينيه وتعمق فى تقبيلها فهو ينسى عالمه الخارجى فى وجودها ويعيش بداخل عالمها يتأمل عينيها اللامعة مثل اللؤلؤ وكأنها تنير حياته كما تنير النجوم الليل فهو يحبها لا لقد تخطى مرحله الحب فقد أصبح يعشقها ويعشق عبيرها الذى ولطالما أفقده عقله ولكنه لم يفق الا حين شعر بها تفقد وعيها ابتعد عنها فوجدها فاقده للوعى لا يدرى انها لا تتحمل كل هذا الكم من الحب فهى تحبه ولكنه صدمها فهى لم تتوقع أبدا أن هذا سيحصل فهو كان يجب أن ينبها لا يفاجأها هكذا لقد احست بروحها تنسحب ولكنها أحبت ذالك الشعور أحبته وبشده ولكن لما تتحمل كم السعاده هذا ظنآ منها أنها لا تستحقه.
بعد فتره فاقت مايان وهى محمره وبتبص لكريم.
كريم بحنيه:اشربى مايه يا حبيبتى انتى كويسه.
مايان هزيت راسها وهى بتبصله.
كريم:انا اسف كان لازم انبهك الاول.
مايان:كريم.
كريم بسببها بندم وضيق
مايان مسكت وشه وهى بتقرب منه:انا بحبك اوى.
هذه المره هى من فعلتها لتثبت له انها تحبه هى لم تفقد وعيها لأنها لا تريده انما فقدت وعيها من كم السعاده الذى شعرت به حقا عندما تكون بجواره تشعر انها تمتلك الدنيا وما فيها كم تريد أن تثبت له انها تحبه ولهذا السبب يجب أن تتغير لأجله لأجل حبها الحقيقي الوحيد.
بعدت مايان عنه وهى مبتسمه:يالا نطلع بابا مستنى.
كريم:عارفه كويس أن ازاز العربيه اسود.
مايان:ليه
كريم وهو بيقرب ليها:عشان اعمل إلى انا عايزه من غير ما حد.يشوفنى.
قام وكان بيرجع كرسى مايان لورا.
مايان حطيت إيديها على صدره توقفه بابتسامه:بس احنا فى الشارع خليها فى شهر العسل احسن
كريم:يعنى وافقتى
مايان:امممم تعال نطلع الاول.
كريم : اوكى تعالى يالا.
نزلو وقفلو العربيه ومسك ايديها وطلعو البيت.
خالد:اتأخرتى يا مايان.
كريم:معلش انا اخرتها
خالد:لا براحتك انت جوزها بقا.
مايان:يعنى يا بابا عشان اتجوزت تتخلى عنى
خالد:فى اب يتخلى عن بنته برضو.
كريم:عمر كنت عايزك فى موضوع مهم انا ومايان.
خالد:طيب تعال اتفضل
قعدو سوا.
مايان:هعمل القهوه.
دخلت مايان المطبخ
كريم بسرعه لخالد:عمى عمى ساعدنى ارجوك.
خالد:فى ايه يا بنى قلقتنى.
كريم:انا عايز اروح شهر عسل
خالد:طيب وفيها ايه ما تروح.
كريم:مايان مش راضيه مش عايزه تسيبك حاول أقنعها معايا ماشى.
خالد:يا حبيبتى يا بنتى .
كريم:ايه يا عمى مش عايز أحفاد وله ايه بص لو اقنعتها هجيبلك تؤام مره واحده بس ارجوك أقنعها
خالد:لا اغرتنى الصراحه طيب هقنعها
مايان دخلت بالصنيه بتاعت القهوه:بتقولو ايه من غيرى
خالد:ها وله اى حاجه كنا بتتكلم عن ريحه القهوه بتاعتك جميله اوى.
كريم:اه جميله اوى اوى.
خالد:ايه يا كريم انا قاعد برضو
مايان اتكسفت وراحت قعدت جمب باباها.
مايان:بابا لو قولتك اننا عندنا سفريه شغل بكره وكريم بيقترح يعنى لو دمجناها وخلينها شهر عسل بالمره انت ايه رأيك لو مش موافق عادى يعنى مش هنزعل وله نضايق صح يا كريم
كريم بابتسامه:صح يا روح كريم
خالد ابتسم ليهم:مش هوافق ليه يعنى لا انا موافق روحو يا ولاد ربنا يسعدكم يارب خلى بس بالكم من نفسكم.
مايان:بس اوعدنى انك انت كمان هتخلى بالك من نفسك ممكن
خالد:حاضر انا هقوم اشوف تليفونى عايز اعمل كام مكالمه كده خدو راحتكم.
كريم قرب من مايان:وافق.
مايان بتوتر:ااه شوفت
كريم: طب ايه بقا
مايان:ايه
كريم:اى حاجه قبل ما يجى.
مايان:كريم خليك محترم لو سمحت متخلنيش اغير رأيى
كريم:لا ابوس ايدك انا لما صدقت
مايان: اوكى هتمشى مش كده يخساره يا حبيبى هتوحشنى اوى يالا مش مشكله بس متقطعش الجوابات
كريم بضحك:طيب طيب ماشى .
ما اجمل الحب حين يكون متبادل تكون فى غايه السعاده فقط لأنك لست بمفردك لا تحارب بمفردك ولكن هناك من يساندك ويمسك بيديك ليرشدك للطريق المؤدى الى السعاده الابديه لهذا ابتعدو عن الحب من طرف واحد واتجهو لمن يحبكم فمن يحب يعطى بغير حساب.
بليل كريم اتصل بمايان .
مايان بنعاس:كريم
كريم: مايان جربى كده تقوليلى يا كوكو.
مايان:مش ده الاسم إلى كنت بقولهولك زمان
كريم:اه يالا قوليلى يا كوكو دلوقتى.
مايان بضحك:يعنى انت مسهرنى عشان اقولك يا كوكو.
كريم:ايوه يالا بقا.
مايان بدلع:يا كوكو.
كريم:هييييح.
مايان ضحكت:ارتاحت.
كريم:جدا.
مايان:كريم
كريم:كوكو قولنا.
مايان بضحك:طيب يا كوكو..
كريم نعم
مايان: بحبك.
كريم:وانا كمان بحبك.
تانى يوم خالد كان بيصحى مايان
خالد:يالا يا مايان هتتأخرى.
مايان:حاضر حاضر يا بابا.
قامت وهى عايزه تنام تانى
لبست وغيرت ووقفت تاكسى عشان اتفقت مع كريم أنهم يتقابل فى المطار احسن.
دخلت وهى بتجرى شنطتها لقيت كريم بينادى من ورا لفت وعلى وشها ابتسامه لقيت وراه بنت مايعه بتنادى عليه.
مايان بصيت ليه بغضب ورجعت تبص للبنت
كريم :مايان لحظه هشرحلك.
مايان قربت وزقته براحه عشان تشوف البنت كويس
البنت بصيت لمايان من فوق لتحت.
البنت:كريم مين ديه يا كوكى
مايان ابتسمت بسخرية:كوكها اه انتى إلى مين يا سكره
البنت بفخر:انا خطيبته يا عسل.