سأظل ملكه
بقلم زينب فراج
الفصل (13)
"سبحان الله وبحمده سبحان الله العظيم"
توقف ريان أمام خزانة الملابس وهو يقول لنفسه بغيظ واضح : زمانها دلوقتي بتفكر... أروح ولا مروحش... أنا هسبها تصفي حسابها مع نفسها وبكره نشوف الموضوع مع بعض وكمان علشان متقولش أن سند بيحكي آي حاجه دي أختي وأنا عارفها...
#صباح اليوم التالي...
دلف يمان لمكتب إبنه الأكبر مالك وهو يقول بهدوء : أنت صاحي الساعه سته... ولا منمتش
إبتسم مالك بهدوء مردفا : منمتش... في حاجه؟!
جلس يمان على الكنبه وهو يقول في هدوء جلي عليه : أنت إللي فيه حاجه، جاي إمبارح متأخر وكنت جايب حاجه معاك وأنا متعوتش أحقق معاك لا أنت ولا روز... هات من الأخر يا كبير يا عاقل
إبتسم مالك بهدوء وهو يجاوب على حديث والده الأشبه بالسخريه : حيلك حيلك يا حج إيه جو الحرامي والضابط دا.. يمان حبيبي مش علشان مدخلتش شرطه أبقي سهل مثلا... لاء دا أنا تربيتك، جاي علشان تعرف هعمل إيه مع روح..!؟
قال يمان بنبرة أشبه بالتحذير : آه بنت أخويا.. عايز أعرف طلما أنت فهمتها أن بينكم حاجه هيبقي رسمي أمتي؟؟
أخذ مالك نفس عميق متحدثا : أهدي يا حج أنا هاكل بنت أخوك ولا إيه... أنا جاهز من دلوقتي... بس لو روحنا طلبنا إيدها شيطانها ما شاء الله شاطر أوي هتقول علشان تعبانه ومبشوفش فجاي يعطف عليا
قال يمان بضيق : مش عاجبك؟
رفع يداها وهو يقول بإبتسامه جانبيه : لاء طبعا أستغفر الله أنا بتاع الكلام ده... أنا بعرفك بس
.......
وصلت لينا إلي مقر عملها لتدلف بهدوء ثم جلست على مكتبها لتأتي عليها صحفيه أخري وتكون أيضا صديقه للينا، فقالت الفتاة بضيق : كتر خيرك جيتي الشغل... تعبتي رجلك ليه يا لينا هانم وشرفتي
تنهدت لينا وهي تشير بيدها قائلة : سلمي هي وصلة معايا لمناخيري متزودهاش بالله عليكي
ربتت سلمي على ظهرها وهي تجلس على حافة المكتب مردفه : مالك يا حبيبتي... قالبة وشك ميه وحداشر كده ليه... حد مضايقك لو حد مضايقك قولي... أكيد زين صح... إته...
قاطعها لينا بغيظ : زين طلب إيدي من بابا... بطلي لك بقا أنا أصلا مصدعه
قالت سلمي بحماس : قالة إيه بالله عليكي... زين قعد مؤدب كدا وأستني آسر باشا الجراحي وقعد يقوله يا عمي وأنا طالب يد بنتك المصون و..
قاطعتها لينا مردفه بغيظ من تصرفات تلك سلمي : وطي صوتك هيعرفوا أني بنت آسر الجراحي الله يسامحك
إبتسمت سلمي قائلة : فيه حد يبقي أبوة آسر الجراحي ويخبي... بس خلية أبويا كدا
جاوبت لينا بفخر : يا بنتي آسر دا فخر في أي حاجه.. وأنا مش مخبيه ولا حاجه إللي بيقول إسمك إيه إسمي لينا آسر... بس علشان بقا واخده شغلها علشان أبوها وكدا.. حتي لو قالوا مش فارقه معايا... أنا عايزه أنام
إبتسمت سلمي بقوة ثم قالت : تصدقي وأنا... إيه رأيك ناخد أجازه ونروح نتفسح في آي حته
جاءت ببال لينا فكره فقالت مسرعا : عندي فكره... أحنا كدا كدا عاطلين... أخدك ونروح دريم بارك نتفسح شويه وبعدين نطلع على بيتنا ناكل من إيد سيدرا
إبتسمت سلمي في تهكم : وأمي إيه فري خالص كدا.. هنتأخر بقا وتقعد تزعق وأبويا يتصل بيا يديني كلمتين حلوين في جنابي... فكك من دا كله وأنا هقنع الحجه أن شاء الله... هتعملي إيه في موضوع زين؟؟
_ ممكن تكتمي على السيرة دي، ربنا يقدم إللي فيه الخير
قاطعهم دلوف رئيس لينا في العمل وهو يقول في تهكم : شرفتي والله.. قدامي ع المكتب، وأنتي يا سلمي هانم على مكتبك علشان متحصليش صحبتك
قالت سلمي ببرود : ياريت أحصلها وأحقق حاجه للمكتب دا، بخت كل الصحفين زي صاحبتي
زفر الرجل بضيق متجها إلي مكتبه وتبعته لينا التي همسا لصديقتها : أدعي عليكي.. دايما مسحوبة من لسانك الله يسامحك يا بعيده... وسعي كدا هنطرد
قالت سلمي حانقه : أقسم بالله لو كلمك وسكتي لا تبقي تربيتي ولا أعرفك... ميقدرش يكلمك يا بت
هزت رأسها ثم دلفت لغرفة المدير وهي تقول بأدب : خير حضرتك في حاجه
تحدث المدير بغضب : فيه واحده سايبه شغلها ومبتعملش حاجه غير لك مع البنات... فيه إنسانه مش مسؤله
جاوبته لينا ببرود : ليه بتقول كدا يا فندم
جز على أسنانه فهي معروفه ببرودها فقال بضيق : أنا عايز شغل مش عايز لعب عيال
جلست لينا على الكرسي ثم وضعت ساق فوق الأخري قائلة : طب نبدأ بقا... أولا محدش بيكتب هنا مقالات مهمه غيري... مواعدي محدده من أول ما دخلت كل أسبوع ليا مقال ولو القصه مطولة مش بحدد وقت والله... أصلي مبترشيش يا صالح أفندي... ثانيا كدا مفيش صحفي هنا بيعمل شغل بإتقان غيري أنا وسلمي ومتنساش دا... وأكبر دليل أنك مستحمل لسانها لحد دلوقتي... وأنا مش بعمل شغل أي كلام
تنهدت وهي تقف ببرود قائلة : عن إذنك بقا وورقة إستقالتي هتكون على مكتبك
إتسعت عينه في صدمه فخسارة لينا يعني خسارة سمعته النظيفه وبالتأكيد ستتبعها تلك سلمي فقال : آنسه لينا أحنا بنتكلم بهدوء لو سمحتي أقعدي، أنا بس خايف على مصلحتك... أنتي صحفيه شاطره وخسارة فعلشان كدا بنصحك أنتي في مقام بناتي
إبتسمت لينا ببرود : تمام، هاخد أجازه أسبوع أنا وسلمي عايزين نعمل رفريش
هز رأسه بسرعة وهو يقول : براحتك ليكي أجازه بمرتب شهر أنتي وسلمي
هزت رأسها ثم خرجت من الغرفة وهي تبتسم ببرود ثم إتجهت نحو سلمي لتبتسم هي الأخري ثم ضموا بعض وهم يقفزون في الهواء فقالت لينا : شهر أجازه بمرتب
ضرب على ظهرها بقوة قائلة : هي دي صحبتي... هي دي تربيتي
سأظل ملكه 🍒
زينب فراج zeinab farag 🍒
ظلت روح في غرفتها تحبس نفسها بين أربع حيطان، بينما دلفت تمارا إلي الغرفة وهي تقول : عايزاكي في حاجه ضروري
هزت روح رأسها قائلة : إتفضلي
جلست تمارا بهدوء عبر السرير وهي تتنهد بقوة قائلة : أنا ضايعه
ضحكت روح بإستنكار قائلة : العيلة كلها ضايعه ولا إيه
أراحت تمارا جسدها عبر السرير وتنهدت بقوة مردفه وهي تنظر لروح في تدقيق : وما الحياة إلا قرارت.. قرار يعلي بنا لسابع سماء وآخر يهوي بنا إلي الحافة
صفقت روح قائلة : الله يا فنانه... خلاص سبتي الرسم وهتكتبي
أماءت تمارا برأسها وهي تتحدث بضيق : أه يا روح... يخربيت كدا عيلة فصيلة
رمت روح بجسدها هي الأخري ثم قالت : طب قولي يلي مش فصيلة
.......
قالت روز بضيق : زيد أرحمني... أنا على أخري والله... فين يا أبني قصص الحب إللي فنيت مرهقتي أقرأها
جاءها صوت زيد من الهاتف في غيظ : طب متخلنيش أزعلك.. قصص حب إيه يا روز يا حبيبتي أنتي فاكره بنطلون ستك إللي كنتي بتروحي فيه الثانوي
ضربت جبينها قائلة : بالله عليك ما تفكريني يا زيد كانت أيام... بجد كنت بيئه أوي
ضحك بقوة وهو يقول : بيئة إيه بس طول عمرك عسل يا حبيبتي، مفيش حد في جمالك ولا جمال فيروزك... عندي مهمه إنهارده وأحتمال أغيب أسبوعين أو أكتر هوحشك ولا...
قالت روز بقلق : ليه هتتأخر كدا أنت ما شاء الله شاطر وبتخلص بسرعا
إبتسم زيد وهو يقول بعمليه لم تدم طويلا : يعني معقده شوية... ها هوحشك ولا..
إبتلعت روز غثتها قائلة : ما طلما سحلينك في الشغل كدا مش بيعطوك أجازه ليه يا زيد
_ خلاص يا روز مش لازم تلفي وتدوري... هقفل بقا علشان عندي شغل
قالت مسرعه: أنت مش في الشغل أصلا.. رايح تصيع صح
جاوبها بنبرة باردة : لاء
قلبت عينها ثم أخت نفس عميق قائلة بعدما لاحظت ضيقه لعدم ردها على سؤاله فهي خير من تعلمه : يعني دا سؤال، آااه هتوحشني يا زيد.. مين قالك أنك مش واحشني دلوقتي.. عارف الحاجه بتوجعك بس أنت روحك متعلقه بيها... أهو أنت كدا.. أعمل إيه إنسانه غبيه أني حبيت إنسان بارد زيك
إبتسم بقوة وهو يقول بحب : طب وعليا النعمة من نعمة ربي لنعمل الفرح بعد العملية دي... بموت في إللي جبوكي يا فيروز يا قمر
إرتسمت إبتسامة واسعه على ثغرها ثم قالت : بلدي أوي
"اللهم صلي وسلم على سيدنا محمد"
ثلاث أشهر قد مرُ في سلام، لم تجتمع جيلان مع ريان مره أخري، تركت لنفسها مساحه والإهتمام بطفلها وتخرجه تقريبا جميع أنحاء القاهره تلك المره الأولي التي يأتي بها إلي مصر...
زين يحاول يوميا التقرب آي تقرب... يحاول أن يتحدث مع لينا لكنها لا تعيرة آي إهتمام، إنشغل في عملة في الفترة الأخيرة لكنه لا يمل من قرأة مقالات لينا وأخبارها المختلفة عن آي صحفي أخر، وطريقه سردها التي تشهده وبعض الحوارات التي ممكن أن تسبب ضرر لها.. لكنها دائما ما تقدم ما تريده هي وليس ما يريده مديرها.. تقدم ما يصلح المجتمع ما يفتح عين البعض....
علاقة سند وتمارا لم تتزحزح ولو قليل، لنقول أن تمارا لا تفكر بشئ إسمه الإرتباط... ظاهريا وداخليا معني هذا أنها لا تكذب على أحد.. هي فقط تريد حياة هادئة بعد تلك الأزمات التي مرت بها...
روح تنغمس في الظلمه يوم بعد الأخري.. كانت تعتقد بأنها مسألة أسبوع أو إثنان لكن ثلاث أشهر لم تكن تعتقد هكذا، إبتعدت عن مالك الذي لم يتحدث معها منذ ذالك اليوم... لم تكن تعتقد بأنه سيترك كل هذا الفراغ بعد تلك الدقائق الذي تحدثوا فيها سويا...
خرجت لينا من عملها لتجد زين يستند على سيارته، فغمزت لها صديقتها وهي تقول : فكي ع الواد ربنا يفك عنك.. أنا همشي يا جميل بس بالله عليكي أعطي لقلبك فرصه في حياتك متقفليش على قلبك بقا وبطلي عناد..
جرت سلمي مسرعا وهي تقول : إبقي إحكيلي، وأنت يا أستاذ زين أقسم بالله أقتلك لو زعلت صحبتي... سلام يا قطط
إبتسم زين بهدوء لتتقدم منه لينا قائلة : لو عجباك أروح أخطبهالك
جاوب بتلذذ : لاء في قطه تانيه عجباني... تقدري تخطبهالي أو حتي خليها تعطيني فرصه
قلبت عينها بملل مصطنع ثم قالت : أنت جاي توصلني البيت مش جاي تفتح مواضيع... إتفضل وسع عايزه أركب
دفع الباب السيارة بقوة الذي فتحه منذ أن رأها، لتبتسم بضيق قائلة : غلث ومعندكش ذوق خالص والله.. بس نعمل إيه طبع الإنسان ميبتغيرش
فتحت باب السيارة ثم ركبت وهي تبتسم بقوة...
زفر زين الهواء ثم إستقل السيارة، قاد السيارة بهدوء وبدأ بتسرعها مره بعد الأخري، جحظت عين لينا وهي تقول متعجبة : بطئ السرعه شويه يا زين... مالك طاير كدا ليه
سرع زين أكثر وهو يقول : لاء أهدي كدا... رحلة الأخري أسرع بكتير
صرخت لينا قائلة : أنت إتجننت ياض أنت... بليز وقف المخروبه دي
إبتسم ببرود وهو يقود بعجرفة السيارة متحدثا : قولي أنك موافقه تتجوزيني وكمان بتحبيني
صرخت به : أنت مجنون يا إبني... يعني جايبني تموتني وتقولي طريق الأخري أسرع وعايزني أقولك مواقفه أتجوزك... لاء بجد لازم تشوف دك... عـــــا.. وقف يا مجنــون هموت يا زين وربنا وقف
قال زين ببرود : قولي أنك موافقه على الجواز الأول
قالت بتوتر : موافقه... موافقه والله بس وقف
أبطئ زين سرعة السيارة رويدا رويدا، ثم إبتسم بهدوء وهو يقول بنبرة ملئة بالشغف : بحبك
نظرت له بغضب، ليقف زين السيارة وهو يبتسم بهدوء وأضاف : بحبك من زمان أوي... من وأنتي بتقعدي على رجل آسر وتبصيلي... ولما شديتي شعري يوم ما بوسة روح وهي صغيرة.. خمسه وعشرين سنه مبحبتش فيهم غير لينا آسر الجراحي
نظرت له بضيق قائلة : أنت مجنون يا زين... قول لو مجنون أعرف دكاتره كويسين، وبعدين بتحب إيه يا إبني دا أنت ماشي مع كل بنت شويه
ضرب عجلة القيادة بدراما متحدثا : كــــدابة وعليا النعمه كـــدابة... أنتي إللي في القلب وربنا... فترة مراهقه بقا يا لينا خلي قلبك أبيض
إبتسمت ببرود قائلة : أول مره أعرف أن فترة المراهقة بتدوم خمسه وعشرين سنه
جاوبها ببرود : أديكي شوفتي.. يلا بقا قولي أنك بتحبيني
نظرت له بحب مصطنع ثم همست له : أنـــــا... يعني أنـا... حبك برص يا خويا... إطلع ياض خلينا نروح للعيلة الكريمة...
نظر لها بحزن قائلا : يعني أنتي مبتحبنيش... ودا هخده آخر كلام خليكي عارفه أني سبت خيارات حياتي في إيدك، أنا أستنيتك كتير أوي وعندي إستعداد أستناكي عمري كله بس أبقي عارف حقيقه مشاعرك.. بلاش نلف وندور... لينا أنا بحبك.. بحبك إيه أنا عديت المرحله دي من زمان
أخذت نفس عميق ثم قالت : وأنا إيه إللي يضمني أنك تحترم نفسك بعد الجواز وتبطل قلة أدب
ضحك بتهكم قائلا : أنتي بتكلمي خدمة العمله... زانوسي واحد أربع تسعات
إبتسمت ببرود وهي تقول : شوفت بتتريق عليا ومش مهتم لمشاعري
رفع يداه يضعها أمام وجهه قائلا : أوعي تغلطي في نفسك.. أنتي عندك مشاعر! أوعي تقولي كدا تاني
نظرت له بغضب ليحمر وجهها، فإبتسم زين بقوة ثم قال : يا بنتي هتكاثر ذاتي أقبلي بقا... إتشقلبلك يعني علشان توفقي... يلا يا لينا... بحبك والله بحبك
إبتسمت بخجل ثم قالت : وأنا كمان
ضحك بقوة ثم قال : كمان إيه
هزت رأسها بلا شئ، ليكمل زين : لا وربنا ما أنا مش مستني السنين دي كلها وتقوليلي أنا كمان... عليا النعمه أقلب العربيه
أدار وجهه وفي طريقه لقيادة العربية مره أخري فقالت لينا بضيق : خلاص أستني
إبتسم بهدوء ينتظر منها أجابة، فقالت هي : لما يحصل بينا حاجه رسمي هقولهالك
أماء برأسه ثم قاد العربية بهدوء يكفي له أن يري إبتسامتها هذه عنده بالدنيا وما بها...
سأظل ملكه 🍒
زينب فراج zeinab farag 🍒
دلف سامي إلي غرفة مكتب مالك، ودلفت معه السكرتيرة وهي تقول بإعتذار : أسفه والله يا باش مهندس بس الولد ده جه ومصمم يدخل
نظر لها سامي بضيق قائلا : ولد! مش هرد علشان أنتي حلوه بس لولا كده والله ل.. كده بقا
هز مالك رأسه بيأس متحدثا : خلاص يا نيروز أطلعي أنتي
خرجت نيروز بهدوء بينما جلس سامي علي الكرسي وهو يزفر الهواء براحه متحدثا : من حقك تحب شغلك.. أنا لو مكاني مكنتش حبيت الشغل بس دا أنا ممكن أغتص
نظر له بضيق قائلا : سامي إحترم نفسك ولم لسانك
رفع سامي شفتاه قائلا بإستنكار : يا إدبــو.. كان فين دا يا خويا وأنت رايح لروح نص الليل... بص يا مالك... روح دي بنتي علشان نبقي على نور كدا... وأنا بنتي محدش يتقل عليها
جاوبة مالك ببرود : أروح أخس يعني
ضحك بسخريه قائلا : بطل خفة علشان هجيب إللي في بطني من الضحك... حبيبي العمر فيه كام خمسه وعشرين أستهدي بالله كدا وروح أطلبها من أبوها... أنا هعتبرك زي أخويا الصغير وهنصحك... روح فية واحد.. واحد إيه.. روح الدفعه كلها بتكرش عليها يا عسل والبت حلوة وفيها الطمعيه صراحه وأنت كده بتضيعها منك
قال مالك بتهكم وهو يتجه نحوه : إمم قولتلي أخوك الصغير.. وفيه واحد لاء فيه دفعه بتكرش عليها... حلوة وفيها الطمعيه مش كدا
قال حديثه وهو يضع يداه على كتفه بقوة، حاول سامي الفكاك من قبضته وهو يقول : هيه.. دا أنا بهزر معاك يا ملوكه... قولت يا عيني مفحوح في الشغل أجي أهزر معاك... هو أنا أعرف روح أصلا.. مين روح دي أصلا
ضغط مالك على قبضته وهو يقول : مش بنتك يعني
قبل يداه التي تضغط على كتفه قائلا بترجي : أبوس إيدك.. أرحمني أنا أخر مره واخد منك قلم قعت في السرير أسبوع سبع تيام... دا أنا أخوك الصغير يا مالك باشا
ضرب عدد مرات على كتفه هامسا بفحيح : طب إبعد عن روح ومتدخلش بينا
هز رأسه قائلا : حمامه... هي مين روح دي أصلا هو أنا أعرف حد بالإسم دا
مسح على شعره وهو يقول : طب يا شاطر هتقوم معايا نروح التجمع اللذيذ بتاع العيلة وحسك عينك تهمس بس لروح فاهم يا شاطر
أماء برأسه قائلا : تسلم يا عس...
ضرب مالك على عنقه متحدثا : أتكلم عدل مش عايز لغة المصطبه دي
كان يقول كل كلمه وهو يصفعه على مؤخرة عنقه، ليصرخ سامي بصوت هادئ وهو يضع يداه كي يحمي قفاه : أع... حاضر حاضر هو فيه حد هيتعلم في خمس دقايق
تابع مالك الضرب وهو ينظر له بتحدق ليقول سامي : يتعلم... متبرقش بعينك السوده دي بخاف... والله يتعلم.. الإنسان مولود علشان يتعلم...
إبتسم مالك ببرود ثم قال : طب يلا يا سامي علشان نروح
أماء برأسه ثم خرج مع مالك، قابل سامي نيروز ليغمز لها وهو يبتسم بهدوء ثم همس لها : أموت في المهلبيه متغمسه بالفراولة و...
صدح صوت مالك : سامي
ضرب سامي على خدية وهو يقول : أحيه يا أبو سوسو... متنسيش أختي في الله في كورس دين هيبدأ نهاية الأسبوع دا هبقي أعطي لمالك باشا المواعيد لأني مش هينفع أقابلك ولا أتكلم معاكي أخلاقي متسمحليش أنا بس وافقت أكلمك علشان أوجهك للطريق الصحيح.. بأمانة الله يلا يا أخ مالك
إبتسم مالك دون مباوخة ثم إنطلقوا إلي منزل زياد...
جلس الجميع في منزل زياد الجمال وهو يتبادلون الحديث للكثير من المواضيع، أخذ زين نفس عميق ثم صدح صوت وهو يقول : بـــــــس... أحممم قصدي إسمعوني
توقف الجميع عن الحديث ليكمل زين حديثه بهدوء : بما أن العيلة ما شاء الله متجمعه ومفيش دراما... يعني أنا بطلب من عمي وعم الناس كلها... حبيبي وحبيب الملايين... آسر باشا الجراحي بطلب إيد لينا بنت حضرتك
كان وجه آسر بارد لكنه من الداخل يبتسم بقوة على أفعال زين، لينظر آسر لمحمود ببرود قائلا : ووالدك مجاش طلبها مني ليه ولا مش قد المقام يا أستاذ زين
قال زين بهدوء : لاء يعني عملها مفاجأة محمود ميعرفش أصلا
هز آسر رأسه بملل، فأكمل زين : حضرتك رأيك إيه
قال محمود بهدوء : لو لفيت الدنيا كلها مش هلاقي زي لينا دي بنتي... ومحدش قدي يعني روز وأن شاء الله لينا
غمزت له لينا فإبتسم محمود بحنان، همست سيدرا لأسر : يعم وافق بقا خلينا نخلص منها ومن زنها
إبتسم آسر بهدوء ثم قال : ونعم الأمومه... ناخد رأي لينا.. ها يا حبيبتي رأيك إيه
إبتسمت لينا بخجل قائلة وهي تطأطأ رأسها أرضا : إللي تشوفه يا حبيبي
جزت سيدرا علي أسنانها وهي تقول : أدعي على بنتي يا ناس... الصبر يارب
أماء آسر رأسه ثم قال : خلاص على بركة الله
إمتلأ البيت بالزغاريد فقال زين بهدوء : طب نتفق على كل حاجه... وبعد إذن حضرتك أنا عايز كتب كتاب علي طول والفرح الشهر الجاي
قال سند بضيق : حيلك حيلك... شهر إيه يا أخويا دي مش عروسه وعايزه تتجهز
قال زين بهدوء : لو علي العفش فأنا هشتري البيت في نفس العماره إللي أحنا عايشين فيها ولو لينا معترضه عادي نشوف آي بيت مناسب ليها بس عفش شقتي أنا إللي هشترية والشبكه أنا جاهز لأي حاجه
قال آسر بهدوء : أحنا مشترينك يا أبني... أهدي كدا يا أبا وكله راجع لكم في الأخر بس الواجب يتعمل
قالت ليلي بهدوء : طب نفرح الأول وبعدين نتفق وأن شاء الله مفيش أختلاف... البنت بنتنا والولد إبننا... لولولولولولولولولي
صفق سامي بحماس وهو يبدأ في الغناء بحماس :
ايوة يا واد يا ولعة
خدها و نزل الترعة
ولعة يا ولعة
طالعة تقشر فى اللامونة
نازلة تقشر فى اللامونة
حلف عليها ابن المجنونة
ما هى نازلة الترعة
ايوة يا واد يا ولعة
طالعة تقشر فى التفاحة
نازلة تقشر فى التفاحة
حلف عليها ابن الفلاحة
ما هى نازلة الترعة
ايوة يا واد يا ولعة
خدها ونزل الترعة
طالعة ابطط فى الرقاق
نازلة ابطط فى الرقاق
حلف على بالطلاق
ماانا نازلة الترعة
طالعة أّطَفْ فى الملوحية
نازلة أطف فى الملوخية
حلف على ابن المؤذية
ماانا نازلة الترعة
طالعة احشى ورق الكوسة
نازلة احشى ورق الكوسة
حلف على ابن المنحوسة
ماانا نازلة الترعة
تحمس الجميع من يدق الطاولة ومن يصفق بيده وأخرين يرددون خلفه متبادلين النظرات في خفوت، كل منهم ينظر لحبيبته في صمت جلي عليه عشق تهيم في عينهم، مشاعر فضفاضه دلدلت من لمعة عينهم..
كان يصفقون بسعادة جميعا... حتي سمعو صوت صراخ وإرتطام شئ... وقف الجميع بهلع غير مستوعبين ما يحدث بينما وقعت تارا من وهل المنظر فاقدة الوعي...
سأظل ملكه
الفصل (14)
"سبحان الله وبحمده سبحان الله العظيم"
جري مالك بهلع نحو روح التي غطت دماءها أرضيه المنزل من تحتها، حملها بين يداه بعدما صاح بهم : قماشة.... أي حاجه تكتم الدم
جلبت روز قماشه قطنيه ثم أعطتها له ليقوم بكتم الدماء ثم إتجه بها إلي سيارته وهو يقول : ريان بسرعه أفتح العربية
حاول زياد التمسك بينما إنهارت مليكه بالبكاء بين أحضان نور التي ربتت على كتفها ولا تعرف كيف تواسها في هذا المنظر : أهدي يا مليكه... أهدي يا حبيبتي
علت شهقاة مليكه بينما قال زيد بهدوء : بس يا حبيبتي.. تعالي معايا يلا نحصل مالك وريان
إتجهة معه مليكه وزياد..
بينما صرخت ليندا : تـــــارا
خفق قلب نور وهي ترتمي أرضا إلي صغيرتها متحدثا : تارا حبيبتي
جلس سند على ركبتيه ثم تفحص نبضها بهدوء وقال : برفان... متقلقيش مجرد أغماء من المنظر بس
جلب سامي العطر وهو يقول : إتفضل
وضع القليل في الهواء ثم على باطن يداه ثم وضعه أمام أنفها، لتبدأ في تفتيح عينها ببطئ وهي تقول : ر.. رو.. رووح هي فين
ضمتها نور بحنان قائلة : أهدي يا حبيبتي... هي في المستشفي دلوقتي
قال سامي بهدوء : أنا هروحلهم
قالت تارا هي الأخري : أنا كمان هروح
_وأنا... وأنا... وأنا
أجتمع الجميع على فكرة الذهاب ليذهبوا جميعا إلي المستشفي المتعارف عليها.. مستشفي آلـ جراحي..
كان ريان يقود السيارة بينما في الخلف كانت روح تتسطح ودماغها علي فخذة مالك.. ظل مالك يمشي يداه على وجنتيها وباليد الأخري يكتم دماءها، وهو يقول بوجع : حرام عليكي والله قلبي في كل مره بيطلع.. مغمضه ليه... بصلي خليني أقولك كلام كتير أوي... مش هينفع أعيش من غيرك والله العظيم.. روحي خليكي جنبي بالله عليكي...
أكمل وهو يمسح دمعته : يارب أحميهالي... أحميلي روحي يارب
وصلوا إلي المستشفي ليحملها وهو ينطلق مسرعا وفي غصون دقائق كانت روح في غرفة العمليات.
بينما في الخارج جلست جميع العائلة ووقف مالك في جنب بمفرده، إتجهت روز إلي أخيها لتمد يداه تمسح على وجنته وهي تقول بحنان : حبيبي أهدي والله هتبقي كويسه
نظر لها بحزن يتدفق من عينها قائلا بألم : روح يا روز
ضمته لصدرها بحنان وظلت تمسح على شعره وهي تقول : بإذن الله هتبقي كويسه إدعي أنت بس وقول يارب.. هي لما تطلع وتشوفك كدا يعني هتعمل إيه.. أهدي يا حبيبي
في الداخل يحاول الأطباء توقيف الدم لكنه يزداد مره تلو أخري.. بعد معانة توقف الدم أخيرا ليبدأ طبيب الجراحه بتخيط الجرح...
نظر طبيب أخري إلي مؤشرات العين ليقول في صدمه : البنت دي فاقده النظر من فترة.. والخبطة أثرت سلب على أعصاب العين... أحتمال تفقد نظرها نهائي..
لم يكمل الطبيب حديثه حيث نبضات قلبها كانت مضطربه ولم يكن هناك طبيب قلبية... بينما خرجت ممرضه في سرعه، ليقف زياد وهو يقول : في إيه
قالت الممرضه بعملية : محتاجين دكتور قلب
وقف ريان وسند في أن واحد قائلين : أنا دكتور قلب
هزت رأسها لتقول الممرضه : تعالو معايا
(إللي هيقول إزاي وافقت.. دي مستشفي الجراحي وسند وريان أشتغلوا فيها..)
دلفوا إلي غرفة العمليات بعد تعقيمهم جيدا وتجهيزهم للعمليات، قرأ ريان مؤشرات القلب ليقول بهدوء : سند جهز حقنة ـــــــ
أماء سند برأسه ثم بدأ في تجهيز الحقنه.. بينما فك ريان أزار قميصها ومد يداه للمرضه لتعطي له چل يدهن على منطقه الصدر فدلك بها عنقها ثم قال : أدهني بيه منطقه الصدر كلها
نفذت الممرضه طلباته ليحقن سند روح في هذه الأثناء وقال أحد الأطباء : لازم نسرع وإلا القلب هيستحال تشغيلة تاني أعطوها صدمات
قال ريان بهدوء : فيه مراحل قبل الصدمات.. أن شاء الله منوصلش للصدمات ركز أنت بس وكل حاجه هتعدي
في الخارج التوتر وصل لزروته.. لماذا طلبوا طبيب قلب؟ أيمكن أن يحدث لها أسوأ من هذا!؟
جلس مالك بعيدا عن الجميع يضع رأسه بين كفيه ليتقدم منه زيد ثم ربت على كتفه وهو يقول : من أول مره هتسخسخ كده.. أجمد يا بطل أومال.. أومال في الولاده هتعمل إيه أما في عملية زي كدي بتعمل كدا
تجاهل مالك الرد علية فإذا رد سيفعل مشكله الأن، فأكمل زيد : أنت حر يا عم متردش.. أنا بس جيت أهون عليك وعايز أعرفك أن إللي جوا دي أختي وأوعي تنسي كدا.. روح كبرت بين إيدي وبعتبرها بنتي والله العظيم
تنهد مالك بقوة ثم قال بقهراً : صعبه أوي.. ليه عامله عملية في المخ مكملش أسبوعين كمان توقع الدم دا كله.. الجرح واخد رأسها من ورا كلها يا زيد
ربت على كتفه نظرا للخزي داخل عينه فقال : إن الله إذا أحب عبداً إبتلاه، وروح ما شاء الله عليها قوية دي بتاكل هيلثي يا إبني مبتضربش رز وطبيخ أتناشر بليل.. متقلقش هتبقي كويسه أن شاء الله قول أنت يارب.. تعرف أنا في أحدي عمليات كنت طالعها وكان معايا أقرب صاحب ليا صديق عُمر بحاله وقتها أصابته رصاصه في جدار القلب ونقلينه المستشفي تقريبا مخلص.. والدكتور إللي كان معانا قال بالكتير ساعتين وخلاص.. بس وقتها إفتكرت كلمته إللي كان بيقولها.. اللهم أحسن خاتمتي وإرزق أهلي الصبر والسلوان.. وكان دايما يقولي ربنا إخترنا أحنا بالذات علشان نحمي ملايين ويوم ما هيخدنا عنده خلاص محتاج يريحنا ومحدش هيموت ناقص عمر..
أخذ نفس عميق ثم أكمل : ووقتها طلع عايش من رصاصه في جدار القلب.. أول ما قالولي عيطت.. عيطت كتير أوي يمكن كانت أول مره أعيط فيها وأنا طالع مهمه.. هو طلع كويس أه بس وقتها قولت لو كان خلاص ربنا ريحه كنت هعمل إيه.. ركزت شويا مع نفسي وقولت هعمل حاجات كتير أوي وأولهم أني ههتم بكل حاجه هو كان بيحبها.. هروح لقبرة كل يوم وهضحك مع صورة وهلم أصحابنا كلهم ونشوي عنده في المقبرة...
وكل ما أقول هعمل إيه أعيط لحد ما دخلتله.. لقيته بيضحك وبيقولي عمر الشقي بقي يا زيزو... ها لسالي رصيد
الكلمه دي لسه بترن في ودني.. لسالي رصيد.. كل ما أغلط أو أعمل أي حاجه أقول لسالي رصيد ممكن أصلح الغلط دا.. ممكن أفرح مراتي بحاجه حلوه بكلمه بسيطه تحسسها أني بحبها مع أن قلبي متيم بكل تفصيلة بيها.. أهلي محتاجني.. ليلة لسه محتاجه دفا مني.. سامي محتاج حناني كأخ كبير.. نصي التاني إللي جاهز أفديه بعمري كله أغلي حاجه في الدنيا ليه مكانه كبيرة محدش يتخيلها، حاجات كتير أوي.. علشان لسالي رصيد
نظر له مالك بوجع وهو يهتف بتسأل : أنا لسالي رصيد صح؟
أومأ زيد برأسه وهو يبتسم بقوة، ليكمل مالك : عايزه معاها هي.. معتش هضايقك أنت وروز أنا بحبها وبخاف عليها علشان كدا بقعد أضايق بس خلاص... عايزاها مش عايز رصيدي يخلص من غير ما تكون علي إسمي.. عايزها دنيا وأخري
ضمه زيد بحنان وهو يقول : ربنا مش هيزعلك.. قوم صلي وإدعيلها
وقف مالك وهو يتجه إلي المرحاض، فإبتسم زيد بهدوء وهو يلف وجهه فوجد روز تنظر له بعيون دامعه فأشار بيداه بالتقدم، فجرت إليه ثم قالت : أنت أغلي حاجه في حياتي
لم يتحمل وشدها إلي أحضانه يعتصرها متنهدا بقوة يخرج كل تلك الهموم، ثم قال : حياتي أنا.. وأنا حياتي متسواش من غيرك يا فيروزي يا قمر أنتي
ظلت داخل أحضانه وهي تقول : مش هتبطل بقا
هز رأسها متحدثا : مش هبطل علشان محدش بيقولك الإسم دا غيري.. وبعدين فيروزاتك (عينها) بيسحروني
بعدت عن صدره ثم قالت بتعجب : أنت بتجيب كل الكلام دا منين
إبتسم بهدوء قائلا : مش كلام.. علشان حاسه طالع من جوايا من قلبي فبيعطي إحساسي
عبثت في خصلات شعره وإبتسمت في خجل وهي تنظر لعينه وقالت : هقولك على حاجه حسيتها دلوقتي حالا
إبتسم بهدوء ومازالت تعبث في خصلات شعره وكأنها ترتبها، فقالت : عايزه أتجوز
فهم مقصدها فإبتسم بهدوء ثم قال : وأنا والله متعرفيش مستني اليوم دا إزاي... اليوم إللي تدخلي فيه بيتي مش هطلعك أبدا هفضل حضنك طول عمري
ثم أكمل بعشق وهو يقول لها جمل كتبها يوما وهو مشتاق لها : طلبت من القلب وصف الحب.. فلم ينطق سوي فيروز.. فيا فيروز القلب أقبلي هذا القلب المتيم بعشقك.. أقبلِ أضلاعي التي ترد أحتجازك، كلما زادت أنفاسي فكان السبب أقترابك.. فيروز القلب أنتِ
سأظل ملكه 🍒
زينب فراج zeinab farag 🍒
توقفت نبضات قلب روح عن الخفقان، ليرتعب سند لصوت الجهاز الذي إعتاد علية.. لكن ليس لإبن من إبناء العائلة والأحب للجميع، قبض ريان يداه ثم ضغط بهم على صدر روح، وكان لا إستجابه..
لم يتدخل طبيب من الموجودين فخبرت ريان وسند تكفي وهم ليسوا أطباء قلب..
نظر سند للشاشه أمامه ثم قال من تحت تلك الكمامه : مؤشرات عقلها بتعطي عدم قبول.. يعني محتاج دعم..
أنزل سند جسده نحو أذن روح ثم همس لها : زياد.. أبوكي مش كنتي بتقولي عليه سندك.. مليكه كنتي دايما تقولي دي روحي مش أنا إللي روحها.. منستيش أول خطوه ليكي صح كل يوم تتفرجي على الفيديو وتشوفي إيد مالك وهو بيسندك وبعدين جه زياد وهو بيزعق فيه ويقوله وسع ياض دي بنتي وأنا إللي هسندها..
كلهم مستنينك بره.. كلهم محتاجين روح تاني.. مالك لو تشوفيه وهو قاعد وشه أحمر من كتر كتم الوجع.. مش محتاج أوصف زياد ومليكه.. زيد مش بتحبيه وسامي وتمارا وأنا طيب.. سيدرا فوقي مش هي كانت دائما تعلمك فنون دفاع عن النفس..
قومي بقا يا روح.. أنت أقوي من كدا.. عمرنا ما أتعودنا عليكي ضعيفه.. مالك يا روح والله هيتعقد من غيرك.. مهما إتبارد بس هو إنسان وعنده قلب وقلبة مختارك
ضرب ريان جهاز الصدمات مره تلو الأخري وكانت هذه المحاولة الأخيرة...
ركع مالك ودموعه تنهمر على أنفة نزولا للسجادة : أشفيها يارب وأحميها.. عافيها يا أرحم الراحمين متخليش قلبي يوجعني عليها.. أنت أعلم بحالي يارب.. أعلم بقلبي إللي بيتقطع في بعدها وقربها والله.. أحميها يارب.. وكلت أمري إليك وأنا واثق في حكمتك يارب..
إبتسم ريان بقوة وهو يري إعادة نبضات القلب ليقول سند بفرحه : عملناها
........
جلس ريان وسند مع طبيب متخصص للعيون.. ليقول الطبيب بعملية وهو يتفحص الأوراق بين يداه : العملية هتتعمل أخر الأسبوع
قال ريان بهدوء : طب ونسبة نجاحها
هز الطبيب رأسه وهو يقول : يعني بنسبه كبيرة 46٪ ودا طبعا سبب كل الحاجات إلي حصلت من عملية الورم للوقعه دي.. بس أن شاء الله خير وأنتوا دكاتره وعارفين النسبه دي نجاح في حد ذاتها
تنهد سند ثم قال : تمام أن شاء الله
خرج سند من غرفة الطبيب أولا ليتجه إلي حديقه المستشفي كي يشتم بعض الهواء.. ليجلس على أحدي المقاعد وهو يقول : يارب... يارب القوة يارب أنا تعبت والله تعبت.. قلبي تعب وأعصابي تعبت مش قادر... أعطيني القوة يارب... فصلت أأأأه
شعر بصوت يحمحم خلفه ليلف رأسه ليري من القادم، بينما جلست هي على المقعد وهي تقول : ممكن تاخد أجازه وتسافر
إبتسم سند بهدوء قائلا : مش عارف لولا النصيحه دي كنت هعمل ايه يا أستاذه تمارا
هزت رأسها في برود، ليضيف سند : محتاجه حاجه
نفت برأسها متحدثة : لاء
وقف سند وهو يقول ببرود : طب عن أذنك في موضوع مهم لازم أكلم العيلة فيه
جاء أن يذهب لولا صوت تمارا والفضول الذي يخرج منه : خير.. قولي قصدي يعني ممكن تقولي لو تحب
أماء برأسه متحدثا بجد : عايز أتجوز وشوفت بنت مؤدبة فهاخد آسر ونروح نطلب إيدها علشان نسافر وهكمل حياتي عند شغلي... جربت حظي في الحب.. نجرب من غير حب
قالت ببرود ظاهري وهي تحاول كتم غيرتها : أنا أعرفها.. يعني لو أعرفها ممكن يعني أعرف محترمه ولا لاء
جاوب سند بهدوء : أنا حاولت أكلمها رفضت فأكيد يعني محترمه... ربنا يقدم إللي فيه الخير عن إذنك
ذهب سند وهو يرسم ملامح الجديه على وجهه، وترك تمارا تكاد تنجلط من هدوءه..
رامقته بغضب ثم قالت : محترمه! يقدم إللي فيه الخير! على جثتي الجوازه دي تم... أتخلي عني في ثانيه علشان شاف واحده محترمه... الصبر يارب علشان مطلعش زمارة رقبته ورقبتها... إجري يا موكوسه قبل ما يتقدم..
أنطلقت تمارا خلفه كي توقف هذه الزيجه، فلا تريده أن يتحدث مع آسر في الموضوع من الأصل...
......
مرت الأيام ببطئ حتي جاء يوم عملية روح وكان الجميع في أعلي مراحل توترهم فقد أخبرهم الطبيب إذ لم تفلح العملية ستفقد بصرها للأبد..
جلس مالك بجوار زياد ثم قال في هدوء : زيا.. قصدي عمي يعني أنا
نظر له سامي بضيق ثم تذكر حديثه : أنت حر خليها تضيع منك
هز رأسه نافيا ضياعها منه، ليقول زياد متعجبا : سلامتك يا مالك.. في إيه
أخذ مالك نفس عميق وهو ينظر لزياد بتوتر وهتف : أنا عايز أتجوز روح.. يعني طالب إيدها
نظر له الجميع في تعجب فهذا ليس المكان المناسب، عكس يمان الذي أرتسمت إبتسامة واسعه على ثغره وهو يقول : زين ما أخترت يا مالك.. ناصح طالع لأبوك
غمز له زين قائلا : عندك حق.. أنت واقع واقف يا يمونه حتت مزه لبناني
نظر له يمان بضيق متحدثا : ما تحترم نفسك يا زين.. وربنا أجيبك نصين
مسح سامي على حجاب لارا قائلا : دي قد والدتنا بردو يا يمان.. أهدي بس علشان الشوجر
نظر له يمان بغضب قائلا : إيدك من على مراتي يا سامي.. محمود لم ولادك وإبعدهم عن مراتي وربنا أزعلك عليهم
حرك محمود رأسه ببرود وهو يقول : براحتك.. ياريت تبقي تحبسهم في أي مخزن قديم أنا أصلا مش طايقهم
ضرب سامي على صدره قائلا : تسلم يا غالي.. كنت عارف أنك أول واحد هيقف معانا في أي أزمه
أخذ مالك نفس عميق ثم قال : خرجنا من موضوعنا الأساسي.. رأيك إيه يا زياد
قال زياد ببرود : والله الأمر يرجع لبنتي.. بس هي مش هتوافق.. شوف حد تاني.. وأنا أصلا مش بحب جواز القرايب
نظرت له مليكه بضيق قائلة : في إيه يا زياد.. لما روح تخرج بالسلامه تقدر تعرف رأيها.. لو هي موافقه على خيرة الله.. وبعدين هنلاقي لروح أحسن منك فين
جاوب زياد بضيق : هنلاقي وأحسن منه كمان.. دي روح يا مليكه هانم
هزت سيدرا رأسها بضيق ثم قالت : زياد أسكت دلوقتي خليني أفرح بولاد أخواتي.. ألف مبروك يا مالك يا حبيبي
إبتسم مالك بهدوء وهو يقول : الله يبارك فيكي يا أحلى عمتو
رفع أسر حاجبه ثم قال : شجره وأتنين لمون ولا إيه
إبتسمت سيدرا وقبل أن تتحدث همس لها أسر : فكريني بعقاب.. وأخرصي مسمعش صوتك لحد ما نروح.. يا أحلي عمتو!!
صدح صوت سند وهو يقول : وأنا كمان عايز أفاتحكم بموضوع طلما كلنا متجمعين
نظر له الجميع بإنصات، فأضاف سند بهدوء : أنا قررت أتجوز
قالت تارا بملل : يارب متكونش من العيلة علشان الواحد مل بجد
نظرت لها تمارا بضيق وهي تقول بداخلها : يعني جات على قرمط الغلبان..! هو أنا بفكر في إيه..؟! ما يولع؟!
إبتسم سند بهدوء قائلا : لاء مش من العيلة متقلقيش
إتسعت عين تمارا وهي تقول بضيق بداخلها : تك عيل أما يعيلك يا إبن آسر..!
قالت سيدرا بفرحه : هي مين يا حبيبي وأنا أروح أخطبهالك الصبح
جزت تمارا علي أسنانها وهي تقول : شوفوا سيدرا إللي قولت بتحبني! عايزه تخطب لإبنها! أنا مالي..؟ أخرصي بقا ألاه
قال سند بهدوء : أن شاء الله بعد ما روح تطلع بالسلامه هنروح نطلب إيديها.. وبالمره خطوبتي مع زين ولينا
قال زين بضيق : ماليش فيه.. أنا خطوبتي لوحدي
قال يزن بجديه : خطوبة زين وسند ومالك مع بعضهم.. الكلام نهائي
يعلم يزن بحب إبنته لسند.. العائلة كلها تعرف هذا.. لكنها عنديه ولن يستحمل شخص عنادها غيرها..
خرج الطبيب من غرفة العمليات، ليقف مالك وزياد مسرعين، فقال الطبيب بهدوء وهو يزيل كمامته : الحمد لله العملية عدت على خير..
قال زياد بفرحه : يعني كدا نظرها رجع
قال الطبيب بعملية : مش أكيد.. العملية عدت على خير.. بس النتائج يوم أو يومين علشان نعرف نشتال الشاش
قالت مليكة بشوق : طب نقدر نشوفها أمتي
_ هتتنقل أوضه عادية ووقتها تقدروا تشوفوها.. عن أذنكم
بعد قليل تم نقل روح إلى غرفة أخري.. وجلس الجميع حوليها، بينما هي تذهب في ثبات حتي تحركت بضعف وهي تقول : أأأ..ه
قال زياد بحب وهو يقبل يداها : سلامتك من الأه يا روحي
إبتسمت بضعف وهي ترجع لوعيها لحظه بعد لحظه، لتقول بتعب : هو إللي علي عيني هيتشال أمتي
قال زياد بهدوء : أن شاء الله على بكره أو بعده
هزت رأسها بتعب ليصدح صوت سامي وهو يغني : يا صباح الشقاوة بنرمى السلام
خبطت ليندا علي حافة الكرسي (بتطبل) وبدأت في الغناء معه وبدأت معها تارا : يابوى عالحلاوة يا بوى عالقوام
انتى يا بت يا بت يا بت يا بت يا بت يا بت يا بت
ردى يابت يا بت يا بت يا بت يا بت يا بت
عليها بصة من تحت قصة مهما تاعاكسها مايهمهاش
عليها رقة وانا قلبى لاءة دة فاضلة دقة ويروح بلاش
دى مجننانى يانى على مشيتها
مدوبانى يانى من حلاوتها
شوفتوا شفاوتها ولا رقتها
شوفولى حل انا مع البت
لاهى من باريس ولا ايطاليا البت روشة وعصرية مابتقولش غير يس ونو مابينامش قلبى الحاقوه
البت حلوة وعجبانى دة جمالها دة جمال ربانى عليها عين ولا الرموش جراحين مابيرحموش
جاءت ممرضه وهي تقول بهدوء : لو سمحكتم مينفعش الدوشه دي.. أحنا في مستشفي
هز سامي رأسه قائلا : أنت تؤمر يا جميل
هزت روح رأسها بملل فقالت : عايزه أنام
قبل زياد أعلى رأسها ثم قال : حاضر يا روحي
خرج الجميع في هدوء تاركين لها وقت الراحه.. وإنطلق الجميع إلي منزلهم..
خرج مالك في عمل وكان العمل الأهم بالنسبه له، وصل مالك إلي المستشفي ليبتسم بهدوء ثم دلف إلي داخل غرفة روح بعدما إستأذن من الطبيب..
قالت روح بهدوء : حضرتك أنا عايزه أشرب ومش شايفه فين الكوباية وخوفت أوقع حاجه
إقترب منها مالك في هدوء لتميز رائحة عطرة الرجولية، فحمل مالك كوب الماء ثم وضعه في يداها وهو يقول : أتفضلي
سارت القشعريرة في أنحاء جسدها ثم إرتشفت بعض الماء وهي تقول : أومال فين الممرضه بعد أذنك
إبتسم بجانبيه فهو يعلم بأنها ميزته من رائحته ثم قال : يعني مش فاضيه حضرتك.. هو حضرته إللي هو أنا مينفعش
حاولت الإعتدال مره أخري، ليمسك مالك الكوب وهو يقول : براحه دي تالت عملية الشهر دا أهدي كدا أومال
جاوبت بهدوء : جاي ليه يا مالك.. معتقدش علشان تقولي كدا
جلس مالك على الكرسي وهو يقول بهدوء : جاي أطمن على زوجتي المستقبليه.. أشوف صحتها لسه زي ما هي ولا نأجل شويه
قالت في تعجب : زوجتك! تأجيل إيه!؟
إبتسم مالك في هدوء قائلا : أعتقد مفيش غيرك في الأوضه.. ها نتكلم بالعقل والمنطق ولا نطلع العند
جاوبت ببرود : لاء ببرود
ضحك بصوت مسموع وهادئ، فقالت روح متعجبا : هو أنت عندك شخصيتين... فين برودك يعني.. والصمت الدائم إللي عايش فيه
جاوب ببساطه : إللي قدامي روح
تحمد الله الأن بأنها لا تري الأن! رأي مالك حمرة خديها ليضيف بصوت يتغلبة الحنان : حاجه كافيه أن مالك يسيب كل الصفات دي ويبقي معاها بني أدم بجد.. يضحك يعيط.. يعمل أي حاجه تيجي على باله
قالت روح بهدوء : أيوة وبعدين
إبتسم بجانبيه ثم قال : ولا قبلين.. تقبلي تتتتجوزيني..
★★★
نظرت تمارا أمامها ثم أخذت نفس عميق وجلست على الطاولة التي يجلس عليها شخص أخر.. رفع وجهه في تعجب يري من يجلس دون أذن ليري تمارا فسأل متعجبا : تمارا فيه إيه؟!
أخذت نفس عميق المره التي لا تعلم عددها ثم قالت : سند أنت عارف أني أنسانه بكل معني الكلمه بمشي ورا أي فكره بتجيلي.. ماشيه بدماغي يعني ومش بتفرق معايا هيحصل إيه بعدها
جاوب بهدوء : طايشه.. المهم يعني جاية ليه.. عرفني على الفكره إللي جبتك هنا علشان أقوم أنحليلها وأفجر نفسي
نظرت له بضيق قائلة بغيظ : غلس.. المهم جايه أقولك جوازتك مش هتم..
★★★
طرق ريان باب تلك الغرفة في هدوء، بينما فتحت جيلان الباب لتتسع عينها بصدمه وهي تقول : ريـ.. ريان خير في حاجه.. سند مش موجود ولا...
قاطعها ريان وهو يقول : أهدي.. جاي علشان أقولك نعمل خطوبتنا مع الخطوبات الكتير إللي في العيلة
رفعت حاجبها متحدثة بتعجب : خطوبتنا!!؟
نفركشهم!؟😅
حساني عايزه أموتهم كلهم متفجرين مش عارفه ليه🥲