#دوامه_الحب
#البارت_السادس
بقلمى منار مجدى
هند:تشرب شاى.
مراد بإستغراب: اشرب شاى
هند:اه.
مراد:طيب نشرب شاى منشربش ليه.
هند مشيت للمطبخ
مراد:احنا صغيرين وله ايه نشرب شاى
هند:مستغرب كده ليه.
مراد دخل المطبخ وقعد على الرخامه:لا ابدا كنت متوقع كلام وحاجه هتحصل بس محصلتش.
هند:ااااه تمام فى فيلم جاى على مسمى انما ايه عنب هيجى فيلم سيمبا.
مراد:اكبرى بقا
هند:اكبر ليه اكبر لوحدك انا مبسوطه على الاخر كده.
مراد ضحك لأن هند كانت بتقلد الكارتون.
مراد نزل وقرب منها:بس انا عايز اتكلم معاكى
هند:مش وقته دلوقتى أجل الأملاك بعدين الفيلم هيشتغل
مسكت الشاى بتاعها وقالت وهى خارجه:هات كوبايتك وانت جاى.
مراد:هند انا وله الكارتون.
هند:تؤتؤ ايه يا مراد السؤال ده معقول مش عارف.
مرلد ابتسم
هند ضحكت:الكارتون طبعا.
مراد بصيلها بضيق واخد كوبايته وخرج.
هند شغلت الشاشه وقعدت تتفرج
مراد قعد جمبها بزهق وهو بيشرب الشاى.
بعد فتره
هند بعياط:مش هيقوم يا سيمبا خلاص سكار قتله اهعععع.
مراد أداها مناديل:خلاص يا ست موفاسا انتى ده مجرد كرتون.
هند:مستنيه ايه من انسان مبيحسش وحلووووف(على رأى فانزاتى 😂😂😂)
مراد:انا حلوف (فانزاتى بيقولو كده😂😂😂)
هند:أبدآ خالص خالص.
مراد قرب ليها وهى بتبعد لحد ما وصلت لاخر الكنبه
مراد وهو بيقرب وشه لوشها:بقا انا حلوف.
هند:لا لاسمح الله مين قال كده (فانزاتى😂😂😂)
مراد وهو بيقرب اكتر:طب ايه
هند:ايه.
مراد:مفيش حاجه جايه منك كده.
هند:مانا عملتلك شاى عايز ايه تانى.
مراد:يعنى مثلا.
الجرس رن.
مراد يزهق:لا مش معقول كده.
اول ما مراد بعد هند اتنهدت وحطيت إيديها على قلبها
قامت بسرعه للباب وفتحت.
سهر؛مبروك مبروك
هند حضنتها:سهر وحشتينى اوى جيتى فى وقتك.
سهر:هو فى ايه مراد كان بيعملك ايه ها ها.
هند بعدت بإحراج:وله وله حاجه.
مراد:هو انا بلحق.
سهر:هو مش ديه اغنيه فى فيلم.
هند:سمبا تعالى تعالى.
شديتها ودخلو
مراد دخل اوضته عشان يسيبهم على راحتهم بس للأسف غلبه النوم.
خرج بعد فتره كبيره الفجر
قرب لأوضه هند لما سمع صوت عياطها.
مراد خبط:هند انتى كويسه
هند ضحكت وسط دموعها:انا كويسه بس متأثره بفيلم.
مراد:بتعيطى كده عشان كارتون انتى فاكرانى عبيط هتفتحى وله ادخل.
هند:ابعد عنى يا مراد دلوقتى سيبنى لوحدى انت بكره هبقا تمام.
مراد:بس بتعيطى ليه ريحينى وقوليلى.
هند قامت لبست الاسدال وفتحت بعد ما مسحت دموعها بابتسامه:انا كويسه اهو يا مراد.
مراد شدها فى حضنه وهو بيطبطب عليها هند اول ما حضنها زى مايكون كانت مستنيه حضن تترمى فيه عيطت جامد وهو بقا يحضنها جامد ويطبطب عليها :بس قوليلى مالك.
هند بعياط:وحشنى اوى وحشنى اوى يا مراد.
مراد بص للنتيجه لقا أن النهارده السنويه بتاعت باباها
مراد بقا يطبطب عليها:ادعيله يا حبيبتى ادعيله ربنا رحمه.
هند:بس انا محتاجاله يا مراد محتاجه ليه اوى محتاجه لحضنه محتاجاه يسندنى ويقول اعمل ايه انا مبقتش عارفه انا بعمل ايه له الى بعمله صح وله غلط
مراد ابتسم ومسك وشها بين ايديه:انا هنا جمبك لما تحتاجى لحضن انا موجود ولما تحتاجى لسند برضو انا موجود ولما متعرفيش تعملى ايه انا هقولك ولما تبقى عايزه اعرفى الصح برضو انا موجود (مسح دموعها) كلى أذان صاغية ليكى.
هند ابتسمت:انت بجد يا مراد افضل بيست فرند فى الوجود فعلا زى ما بيقولو الاخ سند
مراد:نعم يا روح امك احنا مش هنخلص بقا من حوار الاخوات ده
هند:اتغيرت يا مراد مكنتش كده انا إلى كنت بتكلم كده.
مراد:ما هو مينفعش انتى بس الى تتغيرى
هند:اممم وجهه نظر برضو (اتاوبت)طب بالسلامه بقا انت عايزه انام.
مراد:طب ما تنامى.
هند:هنام بالاسدال يعنى يالا يا عم.
مراد:هو انا مسكتك متقلعى.
هند احمرت:اقاعوايه يا سافل اطلع بره يالا.
مراد:هند مستوعبه انك مراتى
هند:مراد مستوعب انك مش بتحبنى وله انا بحبك فوق يا بابا احنا صحاب واخوات
مراد بعصبية:متقوليش اخوات.
هند ضحكت بسخرية:اما احنا ايه يا مراد.
وقفت وربعت ايديها وبصيتله بابتسامه سخريه
مراد بعصبية:راجل ومراته وست وجوزها يعنى يا حلوه انا جوزك مش اخوكى.
هند: دلوقتى تمام لكن احنا هنطلق
مراد:مين قال اني هعمل كده انا مش هطلقك.
هند:وده ليه بقا عشان تنسى ست سماح قصدى مريم طب نقى حد عدل تنسى بيه ده انا هفضل افكرك بيها كل شويه
مراد:انتى متخلفه يا هند.
هند:خد بالك انت عمال تشتم وانا ساكته بس مش هيكون كتير.
مراد قرب:هتعملى ايه يعنى.
هند بتوتر:ها هعمل ايه هعيط واصوت والم عليك الناس.
مراد:عادى هيقولو عرسان جداد.
هند:هعورك يا مراد بلاش ازعلك.
مراد قرب منها تانى:انا عايز ازعل وبصراحه بقا عاجبنى الجو ده .
هند:الله انت عايز ايه يا مراد.
مراد:اقولك وله تزعليش
هند: قول ياعم وخلصنا عايزه انام.
مراد:حقوقى.
هند:إلى هو ايه انا كنت سالفه منك فلوس يعنى وعايزها وله اخدت جاكتك مثلا ومش فاكره اخدت ايه منك انا عشان تعوزها.
مراد ضحك:عشان تعرفى انك متخلفه مش اى زوج بيبقا ليه حقوق وواجبات.
هند:اه انت بقا فايق و رايق وعايز تتفلسف وادينى درس فى المواطنه وله اقتصاد ده يا مرسي .
مراد اتنهد:غبيه وربى غبيه.
هند:يا عم فوكك يالا بره عايزه انام.
مراد:تمام هخرج دلوقتى بمزاجى بس بكره هاخد حقوقى يا هند مش هستنى تانى.
هند زقته لبره وقفلت الباب وراه وقلعت الاسدال وراحت على السرير واستغطت.
هند:يا ترى انا اخدت ايه منه وعايزه المجنون ده انا نسيت وهو لسه فاكر اه صح افتكرت التيشيرت بتاعه إلى سرقته من على الحبل باين عيل جلده بصحيح نتن.
نامت هند صحيت تانى يوم لما حسيت بإيد على وشها
فتحت عينيها بنعاس وقفلتها تانى وبعدين فتحتها بصدمه تانى شديت البطانيه عليها:انت ازاى تدخل كده وانا نايمه اخرج بره.
مراد ضحك:على فكره انا جوزك المفروض انام جمبك اصلا.
هند:ادخلك الحمام بالمره اخرج يا سافل يا منحط بره ينهار الطرحه.
مراد:والمصحف يا شيخه جوزك والله جوزك احلفلك بإيه تانى يا مؤمنه عشان تصدقى
هند:وهو عشان جوزى تدخل عليا وانا نايمه كده ومن غير طرحه.
مراد:وانتى بتنامى بالطرحه.
هند:هه ظريف.
مراد شدها من خدودها:يالا قومى
هند:مش قايمه وأخرج بره
مراد:مش خارج هتقومى وله اخد حقوقى هنا.
هند تأففت وقامت بزهق من غير ما تلاحظ هى لابسه ايه كانت لابسه بيجاما هوت شورت سوده وعليها بطيخ وكات ومبينه البطن وحاجه كيوت خالص يعنى.
فتحت الدولاب إلى حطيت فيه هدومها وطلعت منه التشيرت بتاعه وقربت منه ومديت ايديها بالتشيرت:اتفضل أدى تشيرتك وكده ملكش حقوق تانى عندى اتفضل بره بقا.
مراد بإستغراب:انتى اخدتى النشيرت ده امتى.
هند:هو انت قصدك على حاجه تانى في التشيرت لا يا بابا انا حراميه مؤدبه مش بكذب هو ده إلى سرقته من على الحبل مسرقتش حاجه تانى والله.
مراد ضحك واخد التشيرت وشدها بحركه سريعه وقعت على رجله
مراد بابتسامه:ايه القمر ده على الصبح.
هند احمرت:اوعى ياض
مراد:فى واحده محترمه تقول لجوزها ياض.
هند:وفى حد محترم يعمل كده مع أخته.
مراد بضيق:قولتلك مش اختى احلف يعنى انك مراتى
هند:من غير ما تحلف مصدقاك.
مراد حط أيده على بطنها إلى باينه:طب ايه
هند بقشعره: مراد ممكن نتكلم واحنا قاعدين عادى زى اى اتنين محترمين ومتحضرين.
مراد:انا مبسوط كده.
هند:طب شيل ايدك.
مراد:لا مش عايزه.
هند:هى مين
مراد:ايدي مش عايزه تتشال مبسوطه كده.
هند:مراد احنا هنطلق مينفعش كده.
قامت هند ومسكت ايديه وزقته لبره.
مراد:هند انا محتاج اتكلم معاكى
هند:تمام يا مراد نغير وأجى ولو سمحت متدخلش عليا كده تانى
مراد نفخ بضيق: تمام.
مشى وهند قفلت الباب ولبست عبايه وعليها زعبوط هيشوف ايه تانى مهو شاف كل حاجه خلاص.
هند خرجت لقيته قاعد بيقلب فى التليفزيون بزهق.
هند:تشرب شاى
مراد:اى حاجه
هند دخلت المطبخ:اكتر كلمه مستفزه بسمعها فى حياتى اى حجه يعنى ايه اى حاجه احطلك ورقه مكتوب فيها اى حاجه واقطعها واصل عليها مايه مغليه هعملك شاى وامرى لله
عملت شاى وقعدت على الكرسى بعيد عنه وحطيت الشاة قدامه
هند: الشاى
مراد:احظ كنت عايز اقولك يعنى احم انى اننا احم.
هند:انت متوتر ليه يعمه انا هند عادى مش هنا الزاهد يعنى.
مراد:عارف عارف بلاش الترفيه بتاعتك ديه عشان بتعصبنى اسمعينى وانتى ساكته اوكى.
هند:اشطا اتكلم اهو سامعاك.
مراد بتوتر:بصى انا مراد.
هند بضحك:تصدق كنت فاكراك عباس مانا عارفه انك مراد.
مراد يزهق وعصبيه:ممكن تسمعينى وانتى ساكته اخرسى خالص مش عايز اسمع صوتك.
هند بخوف:خلاص خلاص انا غلطانه عايزه تخرجك من التوتر ده ارغى
مراد نفخ بضيق.
مراد:انا.
تليفون هند رن
هند:معلش ثوانى (ردت)ألو يا حسام بتهزر بجد (قامت وقفت) طب ابعتهالى استنى وانت عملت ايه مبروك يا برو سلام.
هند وهى بطنطت وبتلف بفرحه حوالين نفسها:ونجحت ونجحت ونجحت الناجح يرفع ايديه يااااى.
مراد:ده حسام.
هند:اه هو وقال انى نجحت انا وهو كمان نجح.
مراد:وانتى ليه رقمك معاه وبيكلمك ليه هو مش عارف انك اتجوزتى.
هند:لا لسه محدش عرف من الجامعه انى اتجوزت ده مش موضوعنا موضوعنا هو انى نجحت وبصراحه مش طالبه نكد وبعدين يا مراد خليك فرش يا جدع فى ايه.
مراد:ماشى يا هند مش هنكد عليكى بس احترمينى اكتر من كده.
هند حطيت إيديها على كتفه:يا بيستى متبقاش قفوش ده حساام يعنى استنى لسه مكلمتش ماما وخالتو تيجى فيديو تعال استنى
اتصلت بنوال فيديو ورديت.
هند بفرحه:نجحت يا وليه يا ماما.
نوال:والنبى يختى نجحتى.
هند:اه والله حسام قالى.
كريمه:مبروك يا هدهد.
هند: الله يبارك فيكى يا كراميل يا عسل انتى تصدقى اول واحده تباركلى مجتش من ناس كده يالا ما علينا
نوال:طب يالا سلام عشان الاعلان خلص والمسلسل بدأ اقفلى.
قفلت فى وشها
هند:ونعمه الأمهات والله امى ديه من افضل امهات مصر كلها والله بجد.
مراد بضحك:مبروك يا اشطر هدهده فى العيله.
هند ضحكت بإحراج:شالله يسترك يا شيخ.
مراد:طيب يالا ادخلى ألبسى عشان نحتفل .
هند بفرحه:بجد.
مراد: امال.
هند بفرحه باسته من خده وهى بتسقف:احلى مراد.
مراد وقف مصدوم لحد ما هند استوعبت.
هند بإحمرار: انا اسفه احم انا هدخل اغير.
دخلت هند الاوضه وقفلت الباب وسندت وخبطت راسها
هند:غبيه غبيه فوقى بقا فوقى مش معنى أنه بقا جوزك ده معناه انك تتمادى فوقى مش بيحبك يا هند فوقى.
هند اخدت نفس وقررت تتجاهل التصرف زى تصرفات تانيه كتير تجاهلتها يا ترى هتفضل تتجاهل التصرفات ديه كلها لحد امتى.
خرجت هند بعد ما لبست وجهزت
هند :انا جهزت.
مراد ابتسم ليها كانت جميله جدا زى الملاك فى الدريس البيبى بلو إلى مراد جابه ليها فى عيد ميلادها
هند:لبست القميص إلى جبته ليك اخيرا.
مراد بص لنفسه بالقميص الابيض إلى مكنش بيحب يلبسه لانه ببساطه مش بيحب الألوان الفاتحه وهند صممت تجيبه ليه.
مراد:ايوه شكله عجبنى.
هند:يااه فجأة كده.
مراد ضحك:اه شوفتى.
هند:طيب هتخرجنى فين بقا.
مراد:ارض مصر واسعه عايزه تروحى فين.
هند:بسيطه اوى اى حته فيها مطاعم حلوه.
مراد ضحك:دائما بتروح ورا بطنك
هند:اه بحبها يابنى بحبها.
مراد:هى ايه.
هند:بطنى يا جدع لازم ادلعها.
مراد:طب تعالى ادلعك انا يالا ايه رأيك بيج ماك.
هند:لا ضاربه معايا ماكدونالدز.
مراد ضحك: طيب يا اختى تعالى يالا.
نزلو ووصلة المطعم.
هند:عايزه واجبه عائليه ليا لوحدى.
مراد:متجوز جاموسه والله
هند:ايه يامراد بتقول حاجه يا حبيبى.
مراد ضحك:أبدآ يا حياتى
طلب الوجبه لهند واكلو وكان الجو كله بهجه
هند:فقومت قولتله جرا ايه يا عمنا
مراد:لحظه لحظه افهم انتى قولتى للمعيد يا عمنا.
هند:ماهو كان بيبستف البت يا مراد اسكتله يعنى.
مراد:لا ازاى لازم تدافعى عن حقوق المرأة فى الامتحان.
هند:المهم قولتله يعنى عشان البنت غلبانه ومتوتره تبقا بتغش هو ايه الرحمه ماتت وله ايه وبعدين احنا هنا جرأتها فى اللجنه شهادة لله عمرنا ما شوفتها بتغش وله ايه يا شباب.
مراد:وبعدين.
هند:الرجاله بتاعت اللجنه بقا كانو كلهم رجوله الصراحه اه شكلهم يقرف بس جدعان شهادة لله طبلولى بقا وقالو ايوه محدش هنا بيغش اصلا فراح المعيد زعق وقال باااس كله على امتحانه وخلى البت تكمل الامتحان بس قالى انتى بقا بالذات مش هتكملى عشان بعد كده تتعلمى تتكلمى مع المعيد كويس قولتله يا سلام انا اصلا خلصت قال يعنى واقفه اتكلم مع توم كروز.
مراد بضحك:قولتيله كده بجد
هند:طبعا أنا اصلا كنت خلصت وابن اللذينه كان كل شويه يدخل تيزعق ويخرج قفلت معايا بقا مع البنت الغلبانه ديه بس ياعم والله محدش غلبان غيرى البت جت تشكرنى عشان كانت حاطه سماعات وبتغش القادره.
مراد فطس ضحك على نفسه
تليفون هند رن ورديت
هند:سهر قلبى قلبى قلبى ايه جبتيلى العريس إلى اتفقنا عليه المستورد.
مراد ضربها على رأسها بخفه
هند: يعنى شوفتها جابته أهدى.
سهر:مبروك يا هنوده.
هند:الله يبارك فيكى يا قلبى.
سهر:لازم نخرج بقا ونعمل شوبينج عشان حفله التخرج
هند:اه هتيجى معايا.
سهر:احم ما هو انا اصل
هند:طالما اصل وفصل يبقا مش جايه احنا كنا متفقين يا سهر.
سهر:والله غصب عني جالى سفريه شغل
هند:يعنى ايه هروح لوحدى.
سهر:ليه خلى مراد يروح معاكى.
هند:مراد (بصيت ليه)لا هيقعد يزلنى ياستى بس لقتها مفيش غيره حسام اه هو ملزق بس يالا مفيش غيره.
سهر:طيب انا هقفل وبكره اكلمك عشان نخرج سوا نعمل شوبينج قبل ما اسافر.
هند:تصدقى قافلتينى يالا سلام.
قفلت معاها
مراد:طبعا مفيش مرواح حته مع حسام.
هند:حسام لا طبعا حسام ده ايه اصلا هو بس حفله التخرج عشان مبقاش زى الزعزوعه كده لوحدى.
مراد:لا حسام لا.
هند:ليه لا اروح لوحدى يعنى.
مراد:مين قال كده
هند:يعنى مين هيجى معايا انت مثلا.
مراد:ليه لا.
هند وقفت قدامه بابتسامه:احلف والنبى
مراد ضحك:اه والله مالك.
هند:اصلى الأول كنت كل لما بجيبلك سيره الحفله تتهرب هشام مش بتحب الحفلات.
مراد حط أيده فى جيبه:مش انتى لوحدك إلى اتغيرتى.
هند:التغيير حلو برضو.
مراد:اه حلو بس مش سهل قدرى شويه.
هند ضحكت:تمام هنقدر المهم عايزين نعرف خالتى هتتعالج امتى عشان نطلق بقا انت عارف مش بحب التمثيل
مراد مسك أيديها: لسه مصممه على الطلاق ده يا هند.
هند بضحك:ايوآ انا خايفه عليك انا مش ضامنه نفسى اعمل ايه فيك
مراد بضحك:هتعملى ايه يعنى.
هند:معرفش بقا جائز اتحمرش بيك واحنا لوحدنا مش بإيدى ياسطا انت إلى حلو اوى.
مراد:المفروض أنا إلى اقول الكلام ده.
هند ضحكت وشديت ايديها:هتتحمرش بمين اخوك سيد مشيت وسابته بيخطط لحفله التخرج اكتر منها كان متحمس جدا وقرر أنه هيعترف فى الحفله بكل حاجه جواه
هند اول ما روحو:ياااه بقالنا كتير مضحكناش كده شكرا يا مراد على الخروجه القمر ديه بجد مش هنساها تصبح على خير.
مراد كان مبتسم وفرحان أنها انبسطت بقاله كتير ماشافش ضحكتها الحلوه وله سمع صوتها وهى بتقوله كل تفاصيل يومها الفتره الاخيره كانت بعيد عنه اوى وحشته وحشته اوى قعدتهم فى البلكونه وضحكهم سوا على المصايب إلى هند بتعملها وله الخروج معاها بيبقا ليه طعم تانى لولا أنه مش عايز يبقا ملزق كان كل يوم اخدها وخرجها دخل أوضته وهو شايفها قدامه وضحكتها وطريقه كلامها مش بتروح من باله أمتى هند راحت من باله عمره ما بطل يفكر فيها نام وهو مبتسم لمجرد تخيله ليها.