سأظل ملكه
بقلم زينب فراج
الفصل (8)
سبحان الله وبحمده سبحان الله العظيم"
"صلوا على أشرف الخلق ❤️"
وقفت روح في منتصف المنزل وهي تودع العائلة بأكملها، ومليكه تستكن بأحضان سيدرا ودموعها لا تفارق وجهها، بينما روح تقف بجمود وهي تقول : خلاص بقا يا جماعه
إقتربت من والدتها ثم ضمتها إلي صدرها وهي تقول : إدعلي يا كوكو مش تعيطي
ضمتها مليكه بشدة وهي تقول : بطلي جمودك ده.. خدي بالك من نفسك
ربت سند على كتف مليكه متحدثا : أنا وريان هنبقي معاها متخفيش يا ملوكه
نظرت له مليكه بحنان قائلة : بالله عليك خد بالك من روح.. عنديه ومش راضيه تاخدني
أماء برأسه لتتجه مليكه نحو والدها ثم ضمته بهدوء وسلمت على الجميع وهم يدعون لها ويطمأنونها ببعض الكلمات المواسيه، بينما هي تتقبل حديثهم بكل صدر رحب، حتي وصلت للشباب من هم يوازون عمرها..
سلمت برسميه كما هي عادتها.. عدا زيد إبتسمت بقوة وهو يدعي لها من ثنايا قلبة..
حركت جسدها وهي تقول بتسأل : فين سامي
خرج سامي وبيداه حقيبه صغيرة نوعا ما، لتقول روح بملل : مش هتيجي يا سامي، أنا هروح مع سند بس.. وريان وتمارا أن شاء الله
إبتسم زيد رداً على حديثها : أنا إللي جاي.. أنا وزيزو جين معاكي
عقدت حاجبها وأكتمل تعجبها وهي تنظر لوالدها، فقال زيد بهدوء : من غير كلام كتير الطيارة هتفوتنا وأحنا كده كده جاين
قال يزن بهدوء : خلاص بقا الطيارة معدها هيعدي.. وتمارا بنتي يروح عليها المعرض، وتبقي باظت بقا
تقدم زياد منها وهو يقول : هيا بنا.. أحسن يزن يكولنا لو المعرض عدي على تمارا، دا متوحش وربنا وكله إلا تمارا عنده
صدح صوت تارا وهي تقول بغيرة : أنا بردو بنت أبويا يا أستاذ زياد
هز رأسه بيأس ليخرجوا جميعا متجهين إلي مطار القاهرة الدولي...
خرج الرجال جميعا إلي الحديقه، ليقول يمان بحزن : لا اله إلا الله الدنيا صغيرة أوي، مين كان يصدق أن روح يجلها مرض زي ده
رد محمود على حديثه : كله بأمر ربنا.. أن شاء الله ترجع سالمه غارمه روح قويه وهتقدر تعديها
قال سامي بحزن حاول أخفاءة : بس دا مرض ومفهوش قوة... المرض بيهد الإنسان بيهد روح البني أدم
هز آسر ذات الخبرة الواسعه مع مرضة ثم قال : المرض مش بيهد الإنسان.. المرض بيبني واحد جديد، بيخليك تشوف الدنيا من منظور مختلف... بيغير شكل يمكن أو حتي تصرفات بس الأكيد بيبني واحد أقوي بكتير
وقف سامي وهو يقول بهدوء : عن إذنكم أنا بقا عندي مشوار مهم
هز محمود رأسه بضيق وخرج سامي قبل أن يقول أحد كلمه أخري
حمحم مالك بهدوء ثم همس لزين بشئ، وإستأذن منهم.
بينما تبعه زين بحجة العمل...
قال يمان بهدوء : النظرات دي مش مريحاني، غريبه مالك وزين
تنهد يزن متحدثا : كل ماهتعيش كل ما هتشوف يا أخويا
في الداخل؛ كانت مليكه هدأت قليلا عن البكاء، لتقول ليندا بحماس : عندي حتت دين فكره تخرجنا عن الإكتئاب بتعكم ده
قالت لارا (زوجة يمان وأخت يزن): خير يا ليندا هانم إطربيني
بدأت ليندا بقص فكرتها، لتنظر روز لها متحدثا : يخربيت أفكارك إيه شياطين الإنس والجن إللي في دماغك دي
رفعت تارا يداه بوجهه روز وهي تقول : خمسه في عينك.. قل أعوذ برب الفلق.. بخري بنتك يا سيـــدرا
قالت ليندا بهدوء : ها نبدأ
أماء الجميع برأسه لتبتسم ليندا بحماس، فقالت مأكده عليهم : دلوقتي هنقول جمل وأول واحد يكمل الجملة دي هيختار حد من إللي قاعدين ويقوله عقاب ولازم يتنفذ... يلا بينا
فكرت قليلا لتقاطعها لينا متحدثا : إسكوزمي بس يا ليندا يا حبيبتي، أنا تعبانه وهروح أجهز كتابة ال..
قاطعها صراخ ليندا وهي تصك على أسنانها هامسه : أقسم بالله أكهربلك يا لينا، يلا يا شباب جاهزين...
حرك الجميع رأسهم لتقول ليندا بهدوء : أكمل المثل التالي... في التأني السلامه وفي العجله ...
قالت سيدرا بحماس : الندامة
قبلت ليندا الهواء وهي تقول : أمي أمي يعني مفيش كلام.. يلا يا سو تختاري مين تنتقمي منه.. مش عايزه رحمه عايزه دم
أخذت سيدرا نفساً عميقاً ثم قالت : روز العسل
جحظت عين روز وهي تشاور على نفسها، ليضحك الجميع بشر وروز تنظر لهم متعجبا، لتقول سيدرا : والعقاب تتصل على مالك و...
كان زين يجلس أمام مالك وهو يقول في هدوء : بس دي مش مخاطرة يعني... أنك تعمل المشروع دا يا مالك.. دي مش لعبه
أخذ نفس عميق ثم قال : بقالي فترة كبيرة بفكر في الموضوع ده، وأكيد مش هلاقي أفضل من طيار يساعدني و..
قاطع حديثه رنين هاتفه، ليتفاجأ برقم روز فرد مسرعا خوفا من إصابة أحدهم بشئ ما، ليتفاجأ بروز وهي تقول : إلحقني يا مالك مش قادرة والله ما قادرة يا مالك
هب مالك واقفاً دون تفكير وهو يقول : هشش أهدي يا حبيبتي مالك
أكملت روز : مش قادرة على بعد زيد وحشني أوي يا مالك تعالي خدني وديني عنده قلبي بيتقطع على بعد حبيبي... مقدرش علي بعد حبيبــي انا ليا مين انا ليا مين الا حبيبي ... قابلني والأشواق في عنيه ... سلم سلم وخد ايدي في ايديه ... وهمس لي قالي الحق عليه ... نسيت ساعتها بعدنا ليه ... فين دموعي للي ما نامت ليالي ... بابتسامه من عيونوا نسهالي
امر عذاب....واحلى عذاب عذاب الحب..عذاب الحب للأحباب
ما اقدرتش اصبر يوم على بعده ... ده الصبر عايز عايز صبر لوحده
وصفولي الصبر لقيته خيال وكلام في الحب يا دوب يا دوب ينقال
واهرب من قلبي اروح على فين
ليالينا الحلوة في كل مكان مليناها حب احنا الأثنين وملينا الدنيا امل امل وحنان
أغلق مالك الهاتف وهو يزفر بحنق، فقال زين متعجبا : في إيه يا إبني مالك قلبت مرة واحده كده
صك مالك على أسنانه وهو يقول : الهوانم بيلعبوا ويتسلوا هناك... وصفولها الصبر ماشي بنت يمان وربنا لأخليها تدوقه مش بس يوصفهولها
كانت روز تفتح مكبر الصوت حتي أتاها أغلاق الهاتف لينفرط الجميع في الضحك، فقالت نور بإبتسامه عريضه : عايزه أشوف وش مالك دلوقتي... حلو أوي موضوع الأغنية دا يا سو
صدح صوت ليندا وهي تقول : يلا المثل التاني.. إمسح مكياج صاحْبِتَك تلاقي سيد ...
قالت ليلي بحماس : إبن عمتك
فرط الجميع من الضحك، لتقول ليندا وهي تمسح تلك الدموع التي هبطت منها بسبب الضحك : إطربينا يا فنانه عايزه مين
أخذت ليلي تفكر حتي قالت : بما إنكم يا عيني زعلتوا مرات الغالي حبيبتي روز نخلي الأنسه لينا تتصل بإستاذ زين و...
سأظل ملكه 🍒
زينب فراج zeinab farag 🍒
كان سامي يجلس أمام أحد الشواطئ وهو يتحدث مع نفسه تارة ويضحك مع نفسه أيضا تارة أخري، حتي جاءت تلك الفتاة وهي تركض بسرعة كبيرة وجلست على نفس المقعد الذي يجلس علية سامي قائلة : إستاخر كده يا خويا
نظر لها متعجبا وهو يقول بإستنكار : أستاخر.. إيه الجو الخرا ده يا بت
رفعت شفتيها ببرود لتأخذ عددت أنفاس حتي تضبط ضربتها التي تعالت من الركض ثم أرجعت رأسها للخلف وهي تغمض عينها، ليقول سامي بضيق : أنتي يا حجه أنتي جايه تستجمي هنا
تجاهلة الفتاة لتبدأ في إخراج بعض الأصوات لينظر لها سامي متعجبا ثم قال : لا حول ولا قوه الا بالله.. يا أنسه.. أنسة إيه يا سماسيمو بلبسها ده يا مـــدام أنتي يا مــــــدام
وقفت الفتاة وكأن عقرب لدغها أو شئ من هذا القبيل ثم صرخت بصوت صخب وهي تضرب كفيها ببعضهم (بتشرشح) : نعم نعم يا إدالعدي مدام مين يا عنــيَّ لا يا أبــــا لو عايز دكتور عيون أنا أعرف واحد كواااااايس... وشوووووووبااااش يا أحـمـد يـــا عمـــر .. إللي ميشتري يتفرج يا خوووويا ... إتلموا يا حارة إتملوا يا ناس... الراجل ده بيتهمني في شرفي... يــا لهــوي يا مرارك الطافح يا أم حزنفول.... يا عــالم يا هوووووو بيطعن في شرفي يا ناااااااس
كان سامي لا يدري على شئ فقط ينظر للفت... عفوا قلت فتاة ينظر لتلك "الشرشوحه" كما أطلق عليها بسعادة لا توصف حقا تعجبه كثيرا..
حرك رأسه يمنيا ويسار وهو يقول : تك هبل يا سماسيمو الولية هتلبسك قضيه دعارة وأنت واقف... أنا بقا هوريكي الردح على أصولة
أخذ نفس عميق ثم مزق قميصه بيداه ولعب في خصلات شعره حتي أصبح مظهرها لا يثري له وفرك يداه في وجهه وهو يقول بدراما : كتكوت ضعيف الجناح والدنيا غدرت بيه....
ثم تنفس بعمق قبل أن يبدأ فقرة "الردح" ونظر لها بشماته وصاح صوته : هو أنتي فاكره نفسك ست دا أنتي ست شهور يا بت.. يــــا ماوس من غير كومبيوتر يا طفل من غير إسكوتر... يــــا شاشه من غير ريمود يا لمبه من غير عمـــود.. يــــا جثه من غير تابوت يا شجرة من غير توت... يــــا بت بشنب دكر يا جزمه وربطها بكر... يــــا حربايه وناقصه ربايه يا سرير من غير ملايه.. يلا يا عيرة يالون خميرة يالرد رد ومسطبة هد.. يا إيحه يا تلئيحه يــا صابونه من غير ريـحه يالي الشيطان بيقووولك يا أبيـــــــحه.. يالي كل يوم في حياتك فضيحه يا ألوش مهبب والكوع مدبب وإللي يصطبح بوشك لا يبع ولا يتسبب يأحمـــد يـــــا عوووووووومر
جزت الفتاة على أسنانه ثم قالت : روح يا شيخ ربنا يوعدك ب اللي زيك اللي تحطلك السيخ المحمي في صرصور ودنك يطلعو من ودنك التانيه يلفو ويدبه في عينيك يخزقهالك
يضفرو في مناخيرك يخزق عينك اللي بعديها يطلعو من نفوخك ملوي ويعلقك ع باب جزار.. ويروح في مجية كناس غشيم غبي معاه ايد مقشة حديد مبرية من قدام ولله ف لله خارم بيها نفوخك و4 يشدو من هنا و4 يشدو من هنا وكل واحد معلق في رجليه 4 انابيب بوتوجاز.. وبعدين يقوم زلازال
وبركان ورياح سوداء الدنيا تولع جميع الناس تنجا معادا انت تفضل مدفون تحت الارض 60 يوم يفحتو يلقوك لسه صاحي يمدو ايديهم يجيبوك تيجي تفرح وتقول هيييييييييييييه يجي اتوبيس سياحي فاخر ويقطعك حتت
صدح صوت أحد الرجال في الشارع : ماتتلموا بقا وكل واحد يروح دارة، عيب يا بنتي تزعقي في جوزك كده، وأنت يا إبني المسامح كريم عيلة وغلطة طاطي عليها بجناحك
نظروا الإثنان للرجل بتعجب لتقول الفتاة بغضب : وأنت مالك يا راجل أن..
قاطعها سامي وهو يبتسم ببرود قائلا : حقك علينا يا عم الحج، لينا بيت يلمنا عدي يأم طاهر
صدح صوت طفل يتابعهم منذ قليل وهو يحرك وسطه بطريقه مبهجه : يأم المطاهر رشي الملح سبع مرات
أحمر وجهه الفتاة غضب لتأخذ الحقيبه التي أتت بها ثم فرت من أمامهم وهي تركض بسرعه كبيرة، فقال سامي بصوت عال : أستني يا أم طاهر... يا مجنونه أستني
وقف سامي وهو يلهث من الركض هذه الفتاه سريعا حقا، ضرب مؤخرة رأسه وهو يقول : يخربيت كده جنان هو فيه شرشوحه كده
.........
صدح صوت هاتف زين، ليتعجب عندما رأي من المتصل، ليجاوب وعلى وجهه إبتسامة واسعة وقبل أن يتكلم جاءة صوت لينا قائلة : أنا مين أنا مين أنا مين أنا مين
إبتسم زين متحدثا : أنا إللي كلي جروح
جحظت عين النساء، لتشير ليلي بالإكمال، فأكملت لينا : ومن الزمن مجروح... أنا الزمن هدني
قال زين بهدوء : ولا حد بيودني
وبدل صوت لينا، جاءة صوت ليلي والدته : ليه يا قلب أمك، مجروح ليه يا حبيبي، محدش بيوديك يا زيزو وأنا موجوده
إبتسم بقوة وهو يقول : دا أنتو ربطيه بقا
أشارت ليلي للينا بأن تكمل باقي العقاب، لتهز رأسه بنفي، لتبرق لها ليلي حتي تنهدت لينا بقوة ثم قالت : أنا معجبه بيك
قالت حديثها ثم أغلقت الهاتف، لتنظر لينا لهم بضيق ثم إنطلقت إلي خارج المنزل..
وقف زين وهو يقول بهدوء : طب أستأذنك أنا يا باشا عندي شغل مهم
(الواد مصدق🤭😂😂😂)
نظر له مالك ببرود متحدثا : طب إهدي بس الفرحه هتنط من عينك... دول بيلعبوا يا حبيبي
ضحك بهدوء وهو يقول : سيبني أفرح ساعه واحده يا جدع.. يخربيت نكدك
هز مالك رأسه بيأس قائلا : متبقاش ترجع بنار في ودانك بس
رفع شفتاه في إستنكار ثم ذهب إلي وجهته الذي يعلمها جيدا...
بعد قليل وصل زين إلي مكان في منطقة هادئة جدا ثم دلف بكل حذر كي لا يخرج حارس المكان، وصل إلي تلك الشجره ليبتسم بقوه وهو يذهب بإيتجاهها، جلس بجوارها لتشهق بقوة وهي تقول : بسم الله الرحمن الرحيم.. رعبتني
إبتسم بقوة وهو يقول : ألف سلامه عليكي من الرعبه يا قمر
نظرت له بغضب، ليعتدل زين في جلسته ثم سند على جذع الشجرة قائلا : لسه بتيجي هنا
قالت لينا ببرود : مبطلتش أجي
ثم أكملت بحرج : أنا بعتذر عن إلي قولته في التلفون بس دا كان تحدي يعني
إبتسم زين ثم قال ببرود : هو أنتي قولتي إي.. معلش أصل ذاكرتي بقت قد السستمه
نظرت له بغضب وهي تقول : زين أنت جاي تتطلع تناحتك هنا
رفع زين حاجبه ثم تنهد بقوة قائلا : تناحتي.. تسلم يا أميرة يا بنت الناس الأومره... فاكره يا لين لما كنا بنيجي هنا وأنتي صغيرة، كنت ديما أجي ألاقيكي مستنياني هنا على علشان تترمي في حضني وتعيطي من أي حاجه مزعلاكي... لما كنتي تتعصبي مني وتقوليلي معتس مكلماك أنا محصماك أصلا... الأيام دي مش بتوحشك
نظرت أمامها في هدوء ثم قالت : أولا إسمي لينا... والكلام ده قولت كنت صغيرة مكنتش فاهمه حاجه يا زين الأطير
تنهد بقوة ثم تحدث : كنت رفيقك وأنتي صغيرة، ومدربك في فترة المراهقه، ودلوقتي بنشتغل مع بعض، بس عارفه إيه هي الحقيقه إللي متغيرتش من وأحنا عيال
هزت رأسها بنفي، ليكمل زين : أني هفضل جنبك، دراعي مفتوحلك في آي وقت يا لين، أنتي الوحيده إللي ليكي مكان على صدري وأنتي الوحيده إللي سكنته وهو خلاص بقا ملكك
جاءت تقف لتغادر فقال زين بهدوء : متهربيش وجهي، ليه دايما مجرد كلامي معاكي لاما تقفي في وشي أو تمشي
إبتسمت ببرود وهي تقول : بعيد عنك مرارتي صغيرة مش حمل ذكريات وكلام فاضي
نظر لها زين بتفحص ثم قال : يعني لو قولتلك أني محتاج أكون أسرة وهتجوز توافقي عادي
إبتسمت بتهكم واضح وهي تقول : ومين سعيدة الحظ اللي هتعيش مع دنجوان مصر
_أنتي عارفه يعني إيه دنجوان
نظرت له بضيق وهي تقول : صحفيه ومش عارفه قاموس البلد... إلعب بعيد يا شاطر
_طب لعبنا يا ست الصحفيه هانم هــا موافقه أتجوز
_وأنا مالي حياتك وأنت حر فيها تتجوز تتطلق أنشالله حتي تتنطط ماليش فيه
نظر لها زين بتديق وهو يقول : فاكره لما كنت بدربك على ركوب الخيل ووقتها إنجرحتي في رجلك.. وقتها قولتيلي إيه يا لين... قولتيلي خليك جنبي يا زيزو أنا تعبانه ولما جرحك طاب جيتي بوستيني وقولتي أنت هتفضل طول عمرك سندي زي سند بس أنا بحب بابي أكتر
أكملت لين وهي تقول : ووقتها قولت الأب هو أول سند وأول حب وفعلا عندك حق... عايزه إيه بقا
صك زين على أسنانه وهو يقول : برودك مش معايا يا لينا وصوتك الذيذ ده يوطي ومتخلنيش أخرج عن شعوري، هسبلك مهله يا لينا وبعدين هتكلم معاكي بس إعرفي أنك إللي هتحطي قرارات مسيريه
كان في طريقه للذهاب لتقبض على يداه ثم قالت بحنق : قبل ما تمشي يا دنجوان باشا أحب أعرفك حاجه أنك حتي مش واضح مع نفسك شوية لين وتقعد تحكيلي عن قصص وذكريات وشويه لينا وأنا وأنت عارفين أنك مش بتقولها غير وأنت متعصب أو فيه حاجه مضيقاك، بس كلتا الحالتين أنت عمرك ما كنت صادق خايف وقلقان وهربان... مش أنا إللي بهرب يا زين أنتي إللي بتهرب أنت إللي مش بتواجه..
تنهدت بقوه بسبب حديثها المتسارع آثر إنفعالها ثم أكملت : بتسأل ليه أنا إتغيرت... أقولك أنا علشان عايزه أكون مع واحد يقدر يتحمل مسؤلية يا أخي مجرد يقرر إختيارة مش يسيب الزمن هو اللي يلعب بيه... وافقت أكمل الكلام معاك علشان أنا خالية ذنبي س.. سلام يا رفيق طفولتي ومدرب مرهقتي
قالت الأخيرة بإستنكار ثم نظرت للخلف لتجد أنها بعدت مسافه هينه فقالت بضيق : غبي... متخلف... حقير.. إنسان ساذج... مش عارف يقول تتجوزيني مطلبتش منو يقول أنه بيحبي بس على الأقل يقول تتجوزيني... وحياتك غلاوة آسر عندي لطلعه من مصرانك يا زين
بينما زفر زين بضيق وهو يقول : غبية... متخلفه.. حقيرة وساذجه دا كله مش فاهمه أني عايز أتجوزها.. أنا مني لله ما كنت قولتهالها على بلاطه وخلاص لازم أعمل فيها سي روميو وأجبهلها من الذكريات... بنت الإيه حلوه أوي وهي متعصبه ووشها أحمر من حبسه أنفسها...
يارب أنسيها إزاي حكاية دنجوان دي كل البنات كانت بتحبني أعمل إيه يعني
عاد محمود ومعه زوجته إلي المنزل ليقول محمود وعلى وجهه إبتسامة كبيرة : أخيرا العيال مش في البيت، تدخلي بقا تعمللنا لقمه كدا علشان قدمنا سهره صباحي ومش عايزك تفرهضي مني
إبتسامة ليلي بخجل وهي تقول : بطل قلة إدب وأطلع غير ما أشوف سامي راح فين هو وسي زين
حاوط محمود خصرها قائلا : بصي يا بنت الحلال أنا قولتلك مليون مره بلاش تجيبي سيرة سامي وأحنا لوحدنا بتعصب، وعلى بلاطه أهو أنا بغير من سامي بحسه ضرتي جوز مراتي يا ليلة، كفايه أوي أنو شبهك كفاية يعني
إبتسمت بقوة وهي تعدل من خصلات شعره متحدثا بعدما وضعت أحدي يداها على كتفه تحركهم برخو : مش أنت إللي كنت هتموت وتجيب بيبي بعد زيد وزين
صك على أسنانه وهو يقول : أنا غلطانه وأستاهل ضرب الجزمه كمان بس أنا قولت نجيب بنوته وبعدين فيه فرق ست سنين بينهم فأنا قولت أكيد مش هنخلف تاني كفاية زين وزيد أوي بس كان نفسي في بنت تبقي شبهك كدا
إبتسمت بقوة وهي تقول : هما كل اللي بيبقوا عايزين بنت كده مش بيجيبوا، يا عيني سيلين فضلت تخلف وأخر حاجه جابت بنت بعد أربع صبيان
غمز لها محمود قائلا : تصدقي كرم دا مسيطر وعرف يخلي مراته تسمع كلامه، أجهزي هنطلع نجيب بنت ونيجي
هزت رأسها بيأس وهي تقول : هي كيس جوافه يا محمود، أطلع غير بالله عليك أحسن أنا جبت أخري منك ومن ولادك
إتجه محمود إلي أعلي بعدما طبع قبلة سريعا على وجنت ليلي وهو يقول : دي تصبيرة كدا
إبتسمت ليلي بقوة وهي تتجه نحو المطبخ متحدثا : يارب عايشه مع شويه مجانين أربع رجاله يا ليلي يا حبيبتي، أربع قمرات والله العظيم ربنا يخلهملي يارب
وما وصلت حتي صرخت بأعلى صوت : عــــــااااا حرامــــــــي إلحقـــونـــــي..
........
كانت سيدرا تقوم بتبديل ملابسها إلي ملابس أكثر راحه في منزلها
، لتهبط درجات السلم في هدوء لتقف مره
واحده وهي تبحلق في ذالك الشئ الذي رأته، تمسكت
في حرف السلم حتي نزلت السلم لتضع يداها على فمها بصدمه كبيرة و...