صدفه حبنا
بقلم منار مجدي
الفصل الثاني
خالد:يالا يا مايان هتتأخرى على اول يوم.
خرجت مايان بعد ما لبست:خلاص جهزت اهو ايه رأيك.
خالد:الله اكبر عليكى يا حبيبتى قمر
مايان حضنته:انا بحبك اوى يا بابا (باسته)باااى.
نزلت مايان وركبت لحد الشركه
مايان قدام الشركه:بدايه جديده يا رب.
طلعت مايان الشركه
مايان:لو سمحت انا مايان خالد سكرتيره الجديده
الموظف:اتفضلى مدام غاده على وصول .
قعدت مايان بتوتر تستنى كانت بتفرك فى إيديها وبتهز رجلها.
كريم:خدى قهوه هدى اعصابك.
قامت مايان: حضرتك.
كريم ضحك:ايه التوتر ده كله أهدى كده وخدى نفسك.
مايان حاولت تهدى أعصابها.
الموظف:مدام غاده وصلت ومستنيه حضرتك
مايان وقفت تانى:طيب طيب
كريم ضحك:بجد أهدى مش هتاكلك متقلقيش .
مايان:يا رب.
دخلت مايان المكتب.
غاده:اقفلى الباب وراكى.
مايان قفلت الباب.
غاده لفت بالكرسى:امممم انتى بقا السكرتيره الجديده
مايان:ايوه انا مايان.
غاده:طيب يا مايان عشان نبقا لذاذ مع بعضينا انا مبحبش الإهمال أو التأخير ولو حصل غصب عنك فى يوم تبلغينى عزرك هتقدريتى هقدرك مش عايزاكى تتوترى أو تخافى هنبقا صحاب قبل ما نبقا مديره وسكرتيرتها تمام.
مايان بابتسامه هزيت راسها:تمام أن شاء الله هكون عند حسن ظنك.
غاده بابتسامه:أن شاء الله يالا دلوقتى اتفضلى على شغلك مكتبك الى قدام الباب بتاعى.
مايان وهى خارجه:تمام متشكره جدا وعن أذنك.
خرجت مايان واخدت نفسها براحه
كريم:ها عملتى ايه
مايان بابتسامه:شكلها طيب.
كريم:هى طيبه فعلا اختى بقا
مايان:اختك
كريم:اه بس مش شقق
مايان حسيت انها بتدخل زياده:احم طيب انا هشوف شغلى بقا.
كريم ضحك:اه حماس وكده تمام
قعدت مايان وبدأت تشتغل تليفونها مكنش مبطل رن وهى مش فاضيه ترد
كريم مسك تليفونها ورد.
كريم:ألو لا انا زميلها هى مش فاضيه تمام لما تفضى هقولها.
مايان بصيتله بصدمه
كريم أداها التليفون:تقريبا خالتك كانت بتسلم عليكى انتى مقولتلهاش انك بدأتى شغل وله ايه عارفه غاده لو كانت اتعصبت كانت جت وكسرت التليفون على دماغك خليها قاعده لصامت لمقفول.
مايان:احم متشكره.
كريم ابتسم:انتى ليه مكسوفه كده مش احنا صحاب.
مايان:بس يعنى.
كريم:ده عشره يومين.
مايان ضحكت:انا اسفه اصلى انطوائيه شويه مش باخد على حد بسرعه.
كريم:هو باين بي متقلقيش هتاخدى عليا عارفه احنا شبه بعض فى حاجات كتير اوى.
مشى وسابها
مايان لنفسها:ازاى يعنى انا وانت اختلاف السما والارض
كملت شغل لحد راحه الغدا.
خرجت غاده لقيتها مشغوله على اللاب.
غاده:مايان.
مايان بصيت لها وقامت:ايوه.
غاده بابتسامه:مش هتاكلى تعالى ناكل سوا.
مايان:ها
غاده قربت عندها:مش عايزاكى تبقى خايفه منى عشان المدينه والكلام الفاضى ده خلينا صحاب .
مايان:بجد.
غاده ابتسمت:اكيد تعالى ناكل سوا.
كريم:ويبقا عيش وملح.
مايان ابتسمت ولمت حاجاتها ونزلت معاهم الكافتيريا
مايان كانت شايفه قد ايه غاده كويسه وقويه اول ما شافتها إخدتها مثل أعلى على طول كان نفسها دائما تبقى صديقه ليها.
غاده:بس مكنتش اعرف انك مجتهده كده يا مايان.
مايان ابتسمت:عشان بحب الشغل
غاده:بتفكرنى بيك اوى يا كريم فى أول الطريق.
كريم بتنهيده وهو مبتسم ليها:مش كده.
غاده ابتسمت.
عدى كذا شهر مايان كونت صداقه قويه مع كريم وغاده حتى عرفتهم على هند وباباها وبقيت تتجنب امها وخالتها وخصوصاً رامز بقا هو إلى كل لما يشوفها يخترع موضوع عشان يتخانق معاها بس للأسف لسه مايان زى ما هى تخينه بس ده مش بإيديها هى محتاجه الى يقف جنبها ويشجعها للنهايه واكيد حافز وحافز قوى كمان.
كريم بيزمر:ايه اخرك كده.
ركبت مايان بسرعه:اسفه اسفه بابا بيسلم عليك صحيح.
كريم: الله يسلمه نمشى بقا احسن غاده هتنفخنا.
فى الشركه طلعو يجرو.
مايان وهى بتنهج:لسه لسه مجتش.
كريم:اه الحمدلله.
دخلت غاده تجرى:اسفه اتأخرت.
مايان وكريم بصوت لبعض وضحكو.
غادة بإستغراب:بتضحكو على ايه
مايان:لا خالص متأخرناش خالص.
غاده ضحكت وبعدين كل واحد راح شغله.
وقت الغدا
كريم:عايز ده انا
مايان بتبعد سندوتش البرجر بتاعها:لا لا ده بتاعى.
كريم:مليش فيه هاخد قطمه
غاده:متجيب واحد اسهل.
كريم:هياخد وقت وبعدين ممكن ميعحبنيش.
مايان:ما هو مش هيعجبك ده بالجبنه وسايحه ويع اوى .
كريم بضحك:انا بحب اليع ده.
رامز: الله الله.
مايان بصيت ليه برفع حاجب:رامز انت ايه جابك هنا.
رامز:مانتى مش عايزه حد يعرف انتى بتعملى ايه فى الشغل ده.
مايان:قصدك ايه.
غاده:اسمع يا استاذ اتكلم كويس مع الموظفين.
رامز:انتى خليكى فى حالك انا عارف كويس ازاى اتكلم مع بنت خالتى.
مايان قامت بهدوء:عايز ايه يا رامز الخلاصه عشان انا تعبت.
رامز ابتسم بسخرية:والله انا كنت جاى اعزمك.
مايان:تعزمنى على ايه.
كان مايان قلبها بيدق الف دقه فى الدقيقه.
رامز بابتسامه خبيثه:خطوبتى الخميس الجاى وطبعا عايزك معايا مش اختى برضو.
مايان دمعت:خطوبتك(ابتسمت)طبعا هاجى احنا اخوات يعنى.
رامز:طيب استأذن انا بقا.
مشى رامز قعدت مايان وبتحاول تمسك دموعها.
كريم: خلاص مش عايز ادوق.
مايان ابتسمت بكسره:انا مش عايزاه خلاص.
غاده:بتحبيه
مايان:هو القلب كده مش بيحب غير إلى بيأذيه.
كريم:تقدرى برضو تفكرى بعقلك ساعتها هتفهمى أن ده احسن ليكى انتى.
مايان:جايز.
غاده:طيب كده هنروح نشوف فستان بقا.
مايان ابتسمت.
غاده:اه لازم تبقى قمر.
موظف نزل:انسه غاده الوفد الأجنبى وصل.
غاده:طيب انا جايه حالا
مايان:روحى.
غاده:شكلى كده مش هعرف اجى معاكى.
مايان:انا هتصل بهند.
غاده:طيب عن أذنكم
مشيت غاده
كريم اخد السندوتش بتاع مايان.
مايان ضحكت وهى بترن على هند.
هند بنرفزه:ألو
مايان بخضه:ايه يا بنتى حد يخض حد كده.
هند:اسكتى يا مايان ماما مصممه اشوف العريس ده وانا قالبه معاها نكد.
مايان:طيب اقفلى يا هند اقفلى انتى فقر اصلا.
هند:سلام.
كريم وهو بياكل:فى ايه
مايان:جايلها عريس
كريم:امممم عارفه حلو اوى السندوتش ده.
مايان اخدته منه:بتاعى على فكره.
كريم:طفسه ده انا كنت بساعدك قولت كبير عليكى.
مايان:مش محتاجه مساعده.
كريم وهو بيمسح بقه:المهم هتعمل ايه الخميس الجاى بعد بكره وبكره مش هتعرف عشان الشغل للجبل.
مايان:بالظبط اخر فرصه انهارده(لمعت فكره وبصيت لكريم).
كريم:مالك بقلق من نظرتك ديه.
مايان:تعال معايا يا كريم عشان خاطرى.
كريم:لا لا مش فاضى خالص.
مايان:كريم.
كريم:طيب طيب يالا عشان منتأخرش.
باين أنه عايز وله نبين اكتر😂😂😂
وصلو المول.
مايان فى التليفون:ايوه يا بابا لا متقلقش كريم معايا.
خالد:يا بنتى عيب اسمه استاذ.
مايان بضحك:والله هو إلى مش بيحبنى اقوله يا استاذ ديه
كريم اخد التليفون:الله جرا ايه يا عم خالد ده انا ما صدقت بنتك خدت عليا.
خالد بضحك:والله يا بنى انا مقصدش.
مايان اخدت التليفون:خلاص يا بابا هكلمك بعدين.
خالد:طيب ابقى طمنينى عليكى.
قفلت معاه
كريم:هناك هناك محلات فساتين
دخلو وفضلو يلفت بس للأسف اى حاجه بتعجب مايان مش بتلاقى مقاسها.
دخلو محل فيه مقاسات كتير دخلو ولفو.
مايان:ايه رأيك في ده يا كريم.
كريم:اه حلو.
مايان:لو سمحت فى من ده مقاسى
الموظفه:لحظه هشوف.
مايان:يا رب يا رب نلاقى تعبت.
كريم ابتسم وسرح.
مايان:كريم كريم انت روحت فين.
كريم:معاكى معاكى.
الموظفه:لقيت اهو يا فندم.
مايان مسكته بسرعه:ايه رأيك حلو.
كريم:جدا تحبى تتدخلى تجربيه
مايان:هينفع.
الموظفه:طبعا اتفضلى فى البروفا
دخلت مايان بس اتأخرت.
كريم من بره:ها يا مايان كل ده بتلبسى فى الفستان.
مايان:خلصت اهو.
خرجت مايان بس كانت محمره.
كريم:حلو لف كده.
مايان هزيت راسها
كريم:ليه لا.
مايان بتوتر:اصل امممم.
كريم بص فى المرايا وراها لقا السوسته مفتوحه.
كريم بضحك:معرفتش تقفلى السوسته مش كده.
مايان ببرأه:عرفت ازاى.
كريم:من المرايا ضهرك منور اهو.
شاور ومايان احمرت واتكسفت وهو كمان احرج لما لقاها أحرجت
كريم:احم طيب لفى هقفله ليكى
مايان:لا خلاص انا هغير خلاص.
كريم:لا بس تعالى انا هقفله
مايان لفت بكسوف وكريم قفله براحه كان كل لما يلمس ضهرها يحس برعشه جسمها تحت أيديه.
كريم:ايه ايدى ساقعه.
مايان ضحكت:لا
كريم:خلصت ورينى كده
مسك أيديها ولفها:قمر ياناس والله.
مايان ضحكت:بجد.
كريم:هكدب عليكى يعنى
مايان:هو مينفعش تيجى معايا.
كريم:لا للأسف هاجى بصفتى ايه.
مايان:صديقى.
كريم هز رأسه:لا مش هينفع.
مايان أضايقت:يعنى هبقا لوحدى .
كريم:لا لما تحسى انك مخنوقه كلمينى وهتلقينى جمبك.
مايان هزيت راسها ودخلت غيرت وجابو الفستان .
بعد يومين
صحيت مايان على صوت التليفون
مايان:اممممم
كريم:لسه نايمه يا كسلانه قومى يالا.
مايان:ليه الساعه كام يعنى.
كريم:الساعه كام احنا العصر يا حبيبتى قومى بقا
مايان قامت بفزع:ينهار اسود.
كريم:أهدى أهدى خدى نفسى وقومى افتحى عشان حضرتلك شويه مكياج وحاجات
مايان:انت إلى حضرتها
كريم:الله اكبر عليا بسم الله ماشاء الله يعنى
مايان ضحكت وقامت بصيت لنفسها فى المرايا وعدلت شعرها وخرجت.
خالد:مساء الخير.
مايان ضحكت:مساء النور.
خالد:رايحه فين بالبيجاما يا مجنونه
مايان:كريم جيه.
فتحت الباب.
كريم:سلامعليكو.
خالد:وعليكم السلام تعال يا حبيبى اتفضل.
مايان شديته:مش وقته يا بابا اتأخرنا.
سحبته اوضتها ومسكت الشنطه منه
مايان بإنبهار:ايه ده كله.
كريم: امبارح عملت بحث كامل عن المكياج وجبتلك حاجات خفيفه متبقاش اوفر.
مايان:بس انا مش بعرف احط.
كريم:مانا قولتلك عملت بحث واتفرجت على فيديوهات وهحطلك انا بس الاول قومى خدى دش وتعالى
مايان بضحك:هتعرف يعنى وله هتلحوسنا
كريم:تصدقى انا غلطان روحى كده انا ماشى.
مايان مسكت أيديه:لا لا خلاص انا اسفه خليك.
كريم بابتسامه:طيب يالا انتى لسه واقفه
مايان اخدت الفوطه:هوا.
خرجت مايان ودخل خالد
كان كريم بيتفرج على اوضتها البامبى مليانه دباديب ولعب بس صورها دائما بتعيط مفيش غير واحده كانت بتضحك مع باباها عند البحر كانت رفيعه جدا وهى صغيره.
خالد:مايان إلى عمل فيها كده نفسيتها.
كريم:عمل فيها ايه بنتك تمام وحلوه اوى.
خالد ابتسم:ها.
كريم:مش بعاكس انا قصدى يعنى بقولك ايه انا بعاكس وخلاص.
خالد ضحك:دمك خفيف اوى جايز عشان كده مايان اخدت عليك بسرعه.
كريم:ده انا تعبت اوى.
خالد:بنتى اتأذيت كتير مبقاش عندها ثقه تصاحب حد حتى.
كريم:والله بنتك زى الفل.
خالد ابتسم وهو بيبص على الصور:عارف بنتى مفيش زيها شايف صورها كلها بتعيط كله كان بسبب امها كانت متعلقه بيها وامها اتخلت عنها عارف انا كنت بتحايل عليها تيجى عشان تشوفها بس هى مكنتش فاضيه هنا فى الصوره ديه كنت انا إلى مضايق هى حاولت كتير تخفف عنى وتخلينى اضحك هند لقطتها من ساعتها بنتى بقيت بتضحك بس لما بتكون لوحدها بتعيط وكانت تطلع غلها فى الاكل عشان متعيطش لما مامتها قررت ترجع حياتها كانت خلاص مايان اتعلقت بالاكل بحاول معاها بس هى مش عايزه ترجع تانى بنتى الصغيره
كريم طبطب على كتفه:هترجع ثق فيا مهما غابت هترجع لحضنك بنتك الصغيره.
مايان دخلت وهى لافه شعرها بالفوطه:انا خلصت هنبدأ بإيه
كريم ابتسم:اقعدى هنبدا بشعرك.
مايان قعدت قدام التسريحه:قعدت يالا.
كريم ضحك عليها.
خالد بضحك:هجيبلك بقا كوبايا شاى مظبوط .
كريم:نشرب شربات فرحك.
خالد ضحك:ما علينا.
كريم:شكلى عكتها.
مايان ضحكت:مش اوى.
كريم شمر وشال الفوطه شعر مايان المبلول نزل على وشها وهى غمضت عينيها.
كريم:سورى سورى
مايان بضحك:بدايه مبشره.
كريم لف قدامها وهو بيضحك حرك شعرها من على وشها
فتحت مايان عينيها وهى بتضحك كان كريم قريب جدا لوشها.
بجد ملامحها بريئه وحلوه جدا
كريم سرح فيها وبدأ يمسح وشها من المايه بإيديه وسرحان اكتر فيها فى حين هى مكسوفه جدا ومش على بعضها.
مايان حسيت أنه بيقرب:احم كريم كده خلاص.
كريم فاق وقام بسرعه:ها لا لسه شويه
خلص كريم وبقيت مايان زى القمر.
مايان:شكلى ايه.
كريم:قمر.
مايان: شكرا يا كريم شكرا بجد.
كريم:متشكرنيش انا معملتش حاجه انتى إلى حلوه .
مايان بكسوف بصيت فى الارض وهى بتضحك
خالد دخل:ها خلصتو.
مايان:ايه رأيك يا بابا.
خالد:قمر يا حبيبتى انتى اصلا كنتى حلوه ودلوقتى احلى.
مايان حضنت باباها:انت احسن واحد في الكون
خالد:وانتى احسن بنت فى العالم.
كريم:مايان هتتأخرى على الحفله.
مايان:كريم تعال معايا انا خايفه اوي.
كريم:متخافيش انا هفضل معاكى بس مش هينفع اجى معاكى لانى مش معزوم.
مايان لمعت فكره فى بالها.
كريم:انا عارف النظره ديه.
مايان:لحظه واحده
خرجت وهى ماسكه تليفونها واتصلت بخالتها.
نوسه:فينك يا مايان اتأخرتى كده ليه.
مايان:انا خلاص جايه بس يعنى بس.
نوسه:فى ايه.
مايان:كان معايا زميل ليا في الشغل هينفع يجى معايا
نوسه:اكيد طبعا خليه يجى اقولك هاتيه انا هعزمه
مايان:بجد طيب لحظه لحظه(نادت)كريم كريم تعال لحظه.
كريم:فى ايه
مايان بابتسامه حطيت التليفون على ودانه.
كريم:مين.
نوسه:ازيك يا كريم عامل ايه انا نوسه خالتها ومامت العريس.
كريم بإحراج:اه اهلا حضرتك انا كويس الحمدلله.
نوسه:انا بكلمك عشان اعزمك تيجى مع مايان خطوبه بنتى اوعى متجيش هزعل اوى
كريم:بس يعنى حضرتك.
نوسه:مبسش وله حاجه يالا بقا انا مضطره اقفل عشان ورايا هم ما يتلم أم العريس بقا.
كريم:ربنا يخليهولك
نوسه:يار ب يا ابنى عقبالك
كريم وهو بيبص لمايان إلى مبتسمه:أن شاء الله.
قفل كريم معاها.
مايان:ها ها هتيجى.
كريم بتنهيده:ايوه
مايان وهى بتطنطت: yes yes.
كريم:بس هروح كده
مايان بابتسامه: متقلقش تعال معايا
دخل كريم وخالد معاها بإستغراب.
مايان طلعت بدله جميله جدا لونه رومادى فاتح جدا قريب الأبيض بس مش ابيض.
كريم:جبتى ديه امتى.
مايان:امبارح طلبتها اون لاين ايه رأيك مقاسك صح اه مقاسك روح روح ألبسها كده.
خالد:تعال يابنى اوضتى غير فيها.
دخل كريم وخالد ومايان بصيت على نفسها فى المرايا بإعجاب.
بعد فتره ليست بقليله خرج كريم وهو بيعدل الجاكت.
كريم:ايه رأيك.
مايان: بتهزر صح انت حلو اوى .
كريم ابتسم بإحراج وهو بيبصلها وهى كمان أحرجت لأنها مدحت فيه فى العلن
خالد:هتفضل تبصو لبعض كتير يالا امشو.
مايان:بابا خلى بالك من نفسك ماشى.
خالد:متقلقيش عليا وخلى بالك انتى من نفسك وانت كمان ياكريم.
كريم:حاضر.
زقهم خالد وقفل الباب
كريم:احم حاسس اننا اطردنا.
مايان:نفس الاحساس.
ضحكو ونزلو وركبو العربيه بتاعت كريم ام سقف مفتوح