رواية احببت زين الصعيد كامله جميع الفصول من الاول حتي الاخير بقلم ذات الخمار

رواية عشق على حد السيف

بقلم زينب مصطفي 

الفصل الاول و الثانى 

رواية عشق على حد السيف

تعريف الشخصيات والفصل الاول

تعريف الشخصيات

سيف عبد الحميد الرفاعي

يبلغ من العمر ثلاثين عاما يتميز بشعره الاسود الناعم والعيون الرماديه ذات النظره العميقه والملامح الرجوليه شديدة الوسامه وجسده الرياضي القوي وشخصيته القويه المسيطره التي ساعدته على الانتقال السريع من الفقر الشديد الى الثراء العريض والنفوذ الكبير 

زهره كامل

تبلغ من العمر ثلاثه وعشرون عاما تتميز بطولها المتوسط وجسدها شديد الجذيبيه ووجها النقي شديد الجمال والنقاء بعيونها الخضراء الواسعه وشعرها الاشقرالطويل شديد النعومه والجمال 

وشخصيتها الحنونه المضحيه

سالي سليمان

شقيقة البطله من الام تبلغ من العمر واحد وعشرين سنه في السنه النهائيه في الجامعه معتمده بشكل كامل على شقيقتها تعشق المال والحياه المرفهه 

امين سليمان

ابن زوج ام البطله(زهره) وشقيق (سالي) اخت البطله من الاب يبلغ من العمر ثمانيه وثلاثون عاما

يتميز بالطمع الشديد والاستهتار والسكر وانعدام الشرف الذي قاده لضياع ثروتهم وصرفها على ملذاته وشهواته

إلهام المسيري

تبلغ من العمر ثمانيه وعشرون عاما

فتاه ارستقراطيه من الطبقه المخمليه

لا تعمل وتعتمد على ميراثها الكبير من

عائلتها تتميز بالغرور الشديد وحب التملك

----------------------------------

وقفت زهره امام المرآه الصغيره المكسوره المعلقه في غرفتها القديمه ذات الفراش المهترئ

وهي تتأكد من هيئتها بوجهها البيضاوي ذو البشره البيضاء الصافيه والخالي من اي نوع من انواع الزينه وعينيها الخضراء الواسعه ذات الرموش الكثيفه 

التي يظهر عليها قلة النوم و التعب و الاجهاد الشديد وشعرها الاصفر الغجري الناعم الطويل المشدود بشده للخلف على هيئة كعكه كبيره مثبته بشده لتعطي لها مظهر متزمت

تنهدت زهره بتعب وهي تتأمل بنطالها الجينز الاسود القديم المهترئ والقميص الذي بهت لونه من تكرار غسيله وهي تجلس وترتدي الحزاء الرياضي القديم وهي تحدثه بتشجيع 

= إجمد كده لحد اخر الشهر و أوعدك

هرحمك وأغيرك

ليعلو صوت ضجيج وصراخ بالخارج

لتتنهد بتعب

= شكلة كل يوم ..إستعنا على الشقى بالله

فتحت زهره باب غرفتها لتجد اختها غير الشقيقه الصغرى سالي والتي تصغرها بعامين تتألم وتصرخ و زوجة اخيها تشدها من شعرها بشده وهي تحاول اخذ شئ من يدها

زهره بصوت عالي وقاسي 

= جرى ايه ياست انتي ماسكه البت من شعرها كده ليه

إنتفضت زوجة شقيقهم صفيه وهي تضع يدها بخصرها

= وانتي ايه دخلك أخت جوزي وبربيها دخلك انتي ايه

اقتربت منها زهره بخطر وهي ترفع كم القميص بطريقه موحيه

= سيبي شعر البت والا ورحمة امي هجيب شعرك انتي تحت رجلي

صفيه وهي تبتلع ريقها بخوف

= أديني سبت شعرها يعني شعر السفيره عزيزه وطالما قلبك عليها اوي كده خليها تديني الفلوس اللي سرقتها من أوضتي

نظرت زهره لاختها باستفهام

لتطرق سالي وجهها في الارض بطريقه فهمت منها انها قد سرقت فعلا 

زهره وهي ترفع صوتها لتغطي على فعلة شقيقتها

= احترمي نفسك احنا معندناش حد حرامي روحي شوفي وديتيهم فين وجايه ترمي بلاكي على الغلبانه دي

صفيه وهي تلوي شفتيها بسخريه

= غلبانه ..دي غلبانه ..دي شيطانه وبعدين انتو هتاخدوني في دوكه انتوا الاتنين انا عاوزه فلوسي

تنهدت زهره بقلة حيله

= بس خلاص هتفضحينا فلوسك اد ايه

صفيه وهي تقول بانتصار

= ميه وخمسين جنيه

اخرجت زهره المال من جيب بنطالها الخلفي وهي تتنهد بضيق

= خدي الفلوس اهيه وسيبيها عشان تروح كليتها

صفيه وهي تأخذ المال من يد زهره وتتركهم و تخرج 

= اعوذو بالله عيله حراميه ونصابين كانت جوازه مهببه

زهره وهي تحاول تمالك نفسها 

= لو بس مكنش عندي شغل وخايفه أتاخر عليه كنت عرفتك مقامك يابنت بياع البليله

لتنظر لاختها ذات الملامح الرقيقه بلون بشرتها الخمريه و ملامح وجهها الارستقراطيه الجميله

وشعرها الاسود الناعم الذي يصل طوله لكتفيها وقامتها الطويله الرشيقه

= بذمتك مش مكسوفه من نفسك هي وصلت تسرقي من صفيه انتي عارفه لو قالت لاخوكي هيعمل فينا ايه

سالي وهي تضحك بخبث

= مش هتقدر تقوله عشان هي مخبيه الفلوس دي من وراه ولو عرف هياخدهم منها 

وبعدين يا زهره انا قلتلك اني عاوزه اطلع رحله مع أصحابي في الجامعه وانتي طنشتي

زهره وهي تتنهد بضيق 

= انتي عارفه ان لو كان معايا فلوس كنت اديتك وعموما مينفعش تسرقي فلوس غيرك عشان تنفذي الي نفسك فيه

لتتابع بفروغ صبر

خلاص يلا البسي واجهزي عشان جامعتك وكمان قبل ما أخوكي يرجع من عند شلة الانس الي سهران عندها

سالي وهي تمط شفتيها بقلة اكتراث

= يرجع وألا ميرجعش هو حر انا مش فاهمه بيعمل كده ليه 

مضيع فلوسك وشغلك على سهراته والشله الي مصاحبها ..دا انتي بتشتغلي تلات شغلانات ومش مكفيه مصاريفه مش قادر ينسى العز والغنى الي كان عايش فيه زمان ولسه بيتصرف كأنه امين بيه المليونيرالكبير

لتتابع بتأفف

انا مش عارفه انتي متحملاه على ايه دا حايلا ابن جوز امك الله يرحمها انا لو منك اسيبه واطفش

ربطت زهره حذائها الرياضي المهترئ وهي تتنهد

= انا مستحملاه عشانك انتي.. انتي اخته وكل مابيتكلم بيقول اختي وانا حر فيها ويهددني بيكي ..

وانا عارفه ومتأكده انك مش هتقدري عليه لوحدك

هيستفرد بيكي ويبيعك لاول واحد يرميله قرشين 

عرفتي انا متحملاه ليه..

وبطلي كلام عليه زمانه راجع ولو سمع كلامك هيدور فينا الضرب ذي كل مره 

المره الي فاتت كان هيكسر دراعي لولا اني قدرت اهرب منه خلينا نبعد عن شره احسن

مررت سالي مشط صغير في شعرها ووضعت القليل من احمر الشفاه و هي تقول باستعجال

= طب يلا بينا انا جهزت خلاص

أغلقت زهره باب الشقه خلفها وهي تقول بمرح

= طبعا يلا بينا... مستعجله عاوزه تلحقي تشوفي الامور ابو عربيه مرسيدس

سالي بمرح

= اسكتي يا اختي عنده حتت عربيه تهبل لما بشوفها قلبي بيرفرف 

عقدت زهره حاجبيها بدهشه

= انتي بتحبيه والا بتحبي عربيته

لتتابع بريبه

وبعدين واحد وسيم وغني ومن عيله ذي مابتقولي ايه الي هيخليه يسيب كل البنات الي حواليه ويبصلك

سالي بضيق وهي تشير لتاكسي

= وميبوصليش ليه يعني ما أنا قدامك أهوه حلوه وذي القمر وأنا وراه لحد ما أوقعه فيا

لتضيف برجاء

زهره عشان خاطري بلاش كلامك الي بيحبطني ده خليني أحاول اخرج من الفقر والقرف الي عايشين فيه

زهره وهي تستعد لركوب الاتوبيس 

= اهم حاجه تاخدي بالك من نفسك الي ذي ده بيبصو للناس من فوق متخليهوش يضحك عليكي فهماني

اه...ووحياة ابوكي خفي من ركوب التكسيات شويه 

سالي وهي تضحك وتصعد للتاكسي باستعجال

= معلش يا كوكي عشان البرستيج ميبوظش

صعدت زهره بسرعه للاتوبيس الممتلئ على اخره وحشرت نفسها بين الركاب لتتوه في افكارها و عيناها تدمع وهي تدعي بحزن

= يارب ساعدني بأي مبلغ اقدر افتح بيه مشروع وأخد اختي وابعد لتدمع عيناها وهي تتزكر ماحدث في فجر الامس

فلاش باك

استيقظت زهره من النوم فجرا وهي تشعر بحاجتها الشديده لشرب الماء

لتتوجه للمطبخ المعتم وهي تفتح صنبور المياه وترفع الكوب على فمها بعطش لتتفاجأ بمن يحتضنها بشده من الخلف 

زهره وهي تصرخ برعب 

= حرامي الحقوني

لتتفاجأ بمهاجمها يضع يده على فمها يحاول كتم صراخها وهو يقول بغضب 

= اخرسي يابنت الكلب هتفضحينا

لتشعر بالرعب الشديد وهي تتعرف الى صوت امين ابن زوج والدتها الراحله

لتحاول التخلص برعب من يده التي تضمها اليه من الخلف بطريقه مقززه وهو يقبل عنقها من الخلف بالقوه بشهوه منفره

لتثني يدها وترجعها بقوه للخلف وتصدم يدها بمعدته بشده

لتفلت من بين يديه وهو يتألم بشده 

وتقوم هي بسحب سكين من على الرف المعلق امامها وتقوم بتهديده به وهي تبتعد للخلف 

= عارف لو قربت مني مره تانيه السكينه دي هتكون في قلبك

حاول امين مهاجمتها مره اخرى الا انه تراجع عند رؤيتها تشير ناحيته بالسكين وهي تصرخ بشده بصوت مرتفع 

= صفيه ..يا صفيه تعالي امين عاوزك

نظر امين لزهره بشهوه وهو يقول بتحدي

= بقى بتصاحي صفيه عشان تنجدك من ايديا ..ماشي بس يكون في علمك إن الي انا عاوزه هيتم إن مكانش النهارده هيبقى بكره او بعده انا مش مستعجل هتروحي مني فين

زهره بتحدي وهي تحارب رعبها منه

= نجوم السما اقرب ليك من انك تلمسني ويوم ماتحاول تعملها هيبقى اخر يوم في عمرك

امين بتهكم

= ايه لسه مستنيه الجربوع الي اتجوزتيه من ورايا يرجعلك من تاني

زهره بعنف وهي تشعر انها على وشك غرس السكين في قلبه

= اخرس متجبش سيرته على لسانك سيف عمره ماكان جربوع و انت عارف كويس ان انت السبب في كل الي حصل بينا

امين وهو يضحك بسخريه شديده

= ايه كنت عاوزاني اوافق على جوازك من ابن السواق الي كان طمعان في فلوسك

امتلئت عين زهره بالدموع وهي تجيب بارتعاش

= إنت فاكر الناس كلها ذيك طماعه وبتجري ورى الفلوس ..

سيف عمره ماطمع في فلوسي وانت عارف كده كويس ..سيف كان بيحبني وانا كمان...

ليقاطعها امين بقسوه 

= انتي كمان كنتي بتحبيه واتجوزتيه في السر من غير موافقتي وكانت النتيجه ايه 

سافر وسابك متعلقه ذي البيت الوقف

لا منه خدك معاه ولا منه طلقك

سابك مرميه من غير مايسأل فيكي

وإنتي كنتي.....

لتقاطعه زهره وهي تشعر بيد تعتصر قلبها بالم

= سيف سافر وسابني لما انت اجبرتني أهينه 

واقوله اني ندمانه اني اتجوزته لانه مش من مستوايا 

سيف سابني لما خلتني اهينه قدام امه الي هي تعتبر كل عيلته وكل حياته واقوله اني جايلي عريس من مستوايا وانه لازم لما يختار ..يختار من طبقته خليتني اطلب منه الطلاق وأهينه وانا روحي فيه عشان انقذه من السجن و انقذه من القضيه الي كنت عاوز تلفقها له 

ضحك امين بغرور

= عشان تعرفي امين شديد وقوي وقادر أد إيه

كنت عامله قضية اختلاس انما إيه تخليه يقضي حياته كلها في السجن بس فلت منها ابن اللذينه معرفش قدر يخرج منها اذاي..

بس على الاقل اتبهدله شويه في السجن لحد ما قدر يثبت برائته

ضغطت زهره على السكين بقوه وهي وتتمنى ان تطعنه به

= وده يثبت أد ايه انت انسان حقير و ندل خليتني اهين كرامته واطلب منه الطلاق علشان متسجنوش و أوافق إني اتخطب لغيره وانا لسه على زمته وفي الاخر برضه لفقتله القضيه وحاولت تسجنه

امين بسخريه 

= كان لازم يتربى ويتعلم ميبوصش لفوق لاسياده

وكان لازم يفهم ان ده مصير اي حد يبص لحاجه مش بتاعته وانا كنت حريص اني اعرفه ان كل الي هوه فيه ده كان عقاب بسبب جوازه منك

زهره وهي تقول بتعب

= وأهو سافر وسابلك البلد كلها ..

وانت ربنا عاقبك وخسرت كل الفلوس الي عندك 

حتى فلوسي انا واختك خسرتها في القمار والجري ورى الستات و بقيت ساكن في حاره يوم تلاقي تاكل وعشره متلاقيش والا انت فاكر نفسك لسه امين بيه ابن البشوات ذي ما كنت بتقول

امين وقد انتفخت اوداجه من شدة الغضب

= انا امين بيه وهفضل امين بيه غصب عنك وعن الكلب الي اتجوزتيه من ورايا وانتي هتيجي راكعه تحت رجلي والي عاوزه هيتم سواء برضاكي او غصب عنك

ليتحرك ناحيتها بتصميم وهو ينوي تكملة مابدأه

وتصرخ زهره بخوف بصوت مرتفع تنادي على صفيه مره اخرى وهي تجري ناحية غرفتها وتغلقها من الداخل بالمفتاح

= يا صفيه ..يا صفيه ما تيجي تشوفي جوزك عاوز ايه

خرجت صفيه من غرفة النوم وهي تفرك عينيها بنعاس

= عاوز ايه يا امين هو ده وقت حد يطلب حاجه فيه

امين وهو ينظر لباب غرفة نوم زهره بغضب 

= روحي اتخمدي كملي نومك انا خارج اسهر بره

ليخرج من باب الشقه وهو يغلقه خلفه بعنف

مطت صفيه شفتيها وهي تقول بعدم اكتراث

= يا باي... كويس انه خرج خليني اعرف انام براحتي 

استمعت زهره بارتياح لخروجه الغاضب وهي تتنهد بتعب ودموعها تتساقط

= يارب انا تعبت ومبقتش قادره ومش عارفه اعمل ايه

لتستلقي على السرير وهي تبكي بشده حتى غلبها النوم والتعب

*عوده للوقت الحالي

نزلت زهره من الاتوبيس المزدحم الذي وقف بالقرب من مكان عملها بالفندق الراقي

الذي يحتل الواجهه الرئيسيه في احد الشوارع الراقيه بمدينة القاهره

لتدخل من باب العاملين الى المطبخ وتلبس الذي الموحد للعاملين بالمطبخ

وهي تنظر بتعب لاكوام الاطباق والحلل والاكواب المكدسين امامها وتبدء في جليهم بهمه وهي تسرح في ما ينتظرها عند عودتها للمنزل

انتبهت زهره على صوت مدير المطعم الفخم التابع للفندق

وهو يقول بجديه شديده

= المطعم كله محجوز النهارده لحفلة استقبال رجل اعمال كبير شخصيه مهمه Vip ويهمنا اننا نكون في افضل حالتنا قدامه

عشان كده مفيش اجازات او اذن انصراف وكله هيشتغل النهارده شفت زياده يعني مفيش حد هيراوح النهارده

شعرت زهره بالتوتر وهي تتوجه لمدير

المطعم

= لو سمحت يا فؤاد بيه بس انا مش هقدر اشتغل شفتين انا عندي شغل تاني مقدرش أتأخر عنه

فؤاد بصرامه 

= الي مش هيشتغل شفتين في يوم مهم ذي ده للفندق يتفضل ياخد حسابه ويمشي ويعتبر نفسه مرفود انا مش مسئول عن شغلك التاني

لتتراجع زهره للخلف بتوتر وهي تقف بجانب الاطباق

= خلاص يا فندم انا هاخد اجازه من شغلي التاني

ليتجاهلها ويخرج من المطبخ دون الرد عليها

زهره وهي تأخذ هاتفها المحمول القديم وتتصل على عملها الاخر

= اعوذو بالله هقولهم ايه دلوقت

مر بعض الوقت وهي تتكلم في الهاتف برجاء حتى استطاعت الحصول على اجازه 

لتتنهد براحه 

= الحمد لله اتحلت و وافقو على الاجازه

لتبدء في عملها بنشاط والمكان يتحول من حولها لخلية من العمل المتواصل

والتحضيرات المستمره لحفل الاستقبال

الذي سيقام في المساء

مر الوقت سريعا حتى ابتدء توافد المدعويين على الحفل 

واذدادت وتيرة العمل سرعه وشده

مسحت زهره عرقها بتعب وهي تلمع احد الكئوس الكريستاليه 

وزميلتها بالعمل نوال تقف بجانبها تستلم منها الكئوس

وتضعها فوق صينيه كبيره استعدادا لنقلها الى الداخل

زهره بتعب

= بقينا نص الليل هي الحفله دي مش هتخلص والا ايه

نوال بتهكم

= تخلص ايه دي لسه بادئه وشكلها هتستمر للفجر

زهره بفزع

= يعني ايه احنا هنفضل مطحونين في الشغل ده للفجر

نوال بتعب

= أهو يوم وهيعدي المهم عرفيهم في البيت انك هتتأخري عشان ميئلئوش عليكي

ليرتفع رنين هاتف زهره فجأه ويظهر اسم امين على شاشته القديمه

زهره وهي تنظر للشاشه بكره 

= أعوذو بالله وده عاوز ايه دلوقت

انا هطلع اكلمه بره عشان المدير ميخدش باله واشم شوية هوى اصلي حاسه اني مخنوقه

ربتت نوال على كتف زهره بتعاطف

= روحي بس متتأخريش ولو حد سئل عليكي هقول انك في الحمام

خرجت زهره من باب العاملين الذي يقع في شارع جانبي ضيق وهي تتحدث في الهاتف

زهره بكره

= نعم عاوز ايه مش قلتلك متتصلش بيا وانا في الشغل

امين بغضب

= انتي فكراها سايبه والا ايه في واحده محترمه تقعد للوقت المتأخر ده بره البيت

زهره بسخريه

= سيبك من دور المحترم الي مش لايق عليك ده وقول انت عاوز ايه علطول

امين وهو يضحك بصوت مرتفع

= محدش فاهمني قدك يا زوز وعشان كده هاموت عليكي

زهره بغضب

= موته لما تاخدك ان شاء الله

امين بغضب 

= لمي لسانك يابنت اعتدال والاا وحشك الضرب والجلد بالحزام

زهره بقهر و عينيها تلتمع بالدموع المحبوسه

= عاوز ايه خلصني بتتصل بيا ليه

امين بعجرفه

= عاوز فلوس انا واقف قدام باب المطعم والمكان كله متقفل بالبادي جاردات ومش عارف ادخل

زهره بفزع 

= تدخل فين انت عاوز توديني في داهيه ..انا مش لسه عطياك فلوس امبارح لحقت تخلصهم

امين بغضب

= خلصو ..انتي هتحسبيني والا ايه هتجيبي فلوس والا اعملك فضيحه هنا

زهره بقلة حيله

= لف وتعالى من الشارع الصغير الي في ضهر الفندق هتلاقيني واقفه مستنياك

مرت دقائق وزهره تتلفت حولها بقلق

حتى رأته قادم بعنجهيه تجاهها

اسرعت زهره ناحيته وهي تمد يدها اليه بالنقود 

= خد واتفضل من هنا قبل ما حد يشوفك وأترفد

نظر امين باستنكار للمال في يده وهو يتكلم بصوت عالي

= خمسين جنيه ودول اعمل بيهم ايه دول ميجوش حق كاس واحد

زهره بخوف وهي تمد يدها لداخل صدرها تخرج منه مئة جنيه 

= وطي صوتك بلاش فضايح واتفضل مية جنيه أهي كمان بس يلا امشي من هنا قبل ما حد يشوفك

أخذ امين المال من يدها وهو ينظر

للمكان الذي اخرجت منه المال بشهوه

وهو يحاول الاقتراب منها

= مش هتغيري رأيك بقى وتعملي الي انا عاوزه بمزاجك بدل الضرب والبهدله

زهره وهي تبعده عنها بقسوه

= نجوم السما اقربلك يا حيوان

ليصفعها امين على وجهها بشده ويختل توازنها وتسقط على الارض بقسوه بجوار صندوق كبير للقمامه

ويتركها امين و يغادر وهو يقول بغضب

= الحيوان ده هيربيكي يا بنت اعتدال وبرضه هتعملي الي انا عاوزه برضاكي

غصب عنك هتعمليه

حاولت زهره أكثر من مره النهوض بتعب الا انها فشلت لتجد يد تمتد اليها فتمسكت بها تحاول النهوض لتسمع صوت يقول بسخريه وتهكم

= اول لقاء ما بينا بعد اربع سنين وألائيكي في المكان المناسب ليكي بالظبط

ليشتد صوته بقسوه

= مرميه في الزباله

شهقت زهره بصدمه و هي ترفع وجهها بلهفه 

لتصطدم عينيها بعينين تنظران لها بكراهيه شديدة و قسوه

لتتساقط الدموع على وجنتيها بدون ارادتها و هي تقول بعدم تصديق

= سيف......

الفصل الثاني

= سيف!!

نظرت زهره بزهول لليد المدوده اليها وهي ترفع وجهها ببطئ وعدم تصديق

ليطالعها وجه سيف بوسامته ورجولته الشديده

لتتطلع اليه بدون تصديق وهي تشعر بدقات قلبها تعلو بشده و كأن دقاته تصرخ من شدة إشتياقها اليه

سيف بسخريه قاسيه 

= اول مره اشوفك بعد اربع سنين ألائيكي مرميه في الزباله المكان الي يناسبك بالظبط

تأملته زهره بشوق بدون ان تجيب تأملت ملامحه الرجوليه الوسيمه بشعره الاسود المصفف باناقه للخلف وجسده الطويل الرياضي الذي يعلوه بذلة سوداء انيقه و عيناه الرماديه العميقه 

التي تعشقها بالرغم من نظرته الحاقده التي تتأملها باحتقار وسخريه لتنظر بدهشه ليده التي مازالت ممدوده اليها

وهي تقول بصوت متقطع من شدة الدهشه

= إنت رجعت إمتى وبتعمل ايه هنا

مد سيف يده وهو يسحبها من على الارض بشده وعنف لتجد نفسها تقف بمقابلته

= رجعت من ست شهور وبعمل هنا حفلة استقبال لعملا فرع الشركه بتاعتي الجديد في مصر

ليتابع بقسوه

= ذي ما انتي شايفه بعادك عني كان وشه حلو عليا.. قدرت اعمل شركه كبيره ناجحه ليها فروع في كل بلاد العالم

شعرت زهره بالسعاده بداخلها لنجاحه على الرغم من قسوته واهانته لها

لتقول بصوت خافت والدهشه مازلت تغلف صوتها

= مبروك

سيف بتهكم

= ايه فرحتيلي..والاا ندمانه على ابن السواق الي سيبتيه عشان فقير ودخلتيه السجن واتخطبتي لغيره وانتي لسه على ذمته

شعرت زهره بكلماته كنصل السكين تغرس بداخلها لتحاول تركه وهي تقول بألم

= مفيش داعي للكلام ده ... ده ماضي وانتهى وكل واحد وله حياته دلوقتي

ضحك سيف بصوت مرتفع وهو يتأملها 

بسخريه

=وانتي وصلتي بحياتك لحد فين..

جاهله مكملتيش تعليمك ..بتشتغلي في تنضيف الصحون الصبح وبعد الضهر بتشتغلي في كوافير درجه تالته بتغسلي رجلين الزباين فيه 

وبعد لما تخلصي بتلفي على البيوت تعملي مكياج درجه تالته بملاليم لستات البيوت

وفي الاخر بتضربي في الشارع وتترمي في الزباله الي هي مكانك الطبيعي مش هي دي حياتك دلوقتي

زهره وهي تتأمله بزهول 

= وانت عرفت ده كله اذاي ..انت بتتجسس عليا

سيف بقسوه

= أتجسس عليكي!!

فوقي لنفسك انتي في نظري اقل من حشره متستاهليش ادوسك حتى بجزمتي متديش نفسك اهميه اكبر من حجمها الحقيقي ..

اخبارك انا عرفتها لاني حريص اعرف اخبار كل اعدائي لان الي ذيك ذي الحيه بالظبط مش ممكن تعرف هتقرصك امتى ..عرفتي انا كنت

حريص اني اعرف اخبارك ليه

بلعت زهره اهانته لها وهي تشعر انها تريد الفرار من امامه لترد بهدوء وهي تحاول التماسك امامه

= طيب ممكن تسيبني اروح شغلي وتتفضل انت على حفلتك

شعر سيف بالحنق وهو ينظر الى تماسكها وبرودها امامه 

فهي تغلف مشاعرها بشده لدرجة ان ملامح وجهها لا تعطيه اي ملمح يفهم منه ماتشعر به ليشعر برغبته الشديده

في هزها بشده حتى يحصل منها على اي رد فعل بشري 

سيف بحنق شديد

= عندك حق المفروض ترجعي لشغلك

قبض سيف على مرفقها بشده وهو يقوم بجرها خلفه بقوه وهي تحاول مقاومته

= سيبني يا سيف انت بتعمل ايه

ليدخل بها الى المطبخ وهو يقول بصوت قوي

= نادولي مدير المطعم حالا

ليلتفت له العاملين بالمطبخ بدهشه

سيف بصوت قوي

= قلت مدير المطعم حالا

لتنطلق فتاه من العاملين بالمطبخ تنادي على مديرالمطعم

وزهره تحاول نفض يده عنها ولكنها لا تستطيع

دخل مدير المطعم وهو ينظر بدهشه ليد سيف التي تقبض على زراع زهره بقسوه ليقول باحترام

= أؤمر يا سيف بيه

سيف بحده 

= البت دي تدخل تخادم علينا في الحفله جوه

مدير المطعم باحترام

= حاضر يا فندم دقايق بس تغير هدومها وتلبس اليونيفورم وتدخل تخادم عليكم

سيف بقسوه شديده

= تدخل تخادم علينا ذي ما هيه كده مفيش تغيير هدوم

مدير المطعم بدهشه 

= اذاي بس يا فندم دي هدومها وسخه من شغلها في المطبخ طول اليوم وكمان اليونيفورم الي لابساه دا خاص بالمطبخ ومينفعش...

قاطعه سيف بصرامه

= انا قلت تخادم علينا ذي ماهيه ..دقايق وألائيها جوه في الحفله

ليتركهم ويغادر

ثم يلتفت فجأه اليهم مره اخرى وهو يقول بسخريه

= اه و ياريت تخليها بالمريله المبلوله دي عشان الصوره تكمل

ليتركهم و الهمهمات ترتفع بينهم والكل ينظر لزهرة بدهشة وفضول 

مدير المطعم بحزم

= اتفضلي ادخلي نفذي الي طلبه منك

زهره بدهشه واستنكار

= عاوزني اسمع كلامه اخادم بيونيفورم مخصص للمطبخ ووسخ وفوقيهم مريلة مطبخ مبقعه..

لتتابع بقوه

= اسفه مش هعمل كده ..دا غير ان انا بشتغل في المطبخ وبس ودي وظيفتي ومحدش يقدر يخليني اغيرها 

مدير المطعم بحزم

= لو عاوزه تكملي شغل معانا اسمعي الكلام

زهره بتحدي

= مش عاوزه اكمل شغل واعتبرني مستقيله

مدير المطعم بصرامه

= ادفعي الي عليكي الاول وبعدين استقيلي انتي عليكي الفين جنيه وخداهم سلفه ادفعيهم للخزنه وبعدين اعملي الي انتي عوزاه ودلوقتي اتفضلي على الحفله من غير كلام

كتير لأن انا عارف وانتي عارفه انك ممعكيش تسددي الفلوس الي عليكي

ليتركها وهي تنظر له باحتقار وهي تشعر بالقهر الشديد

وقفت زهره بتوتر على باب المطعم الداخلي وهي تسترجع كلمات والدتها الراحله لها 

= لما تكوني في ظروف صعبه عليكي اوي ومش قادره تتحمليها..تجاهليها واتعاملي معاها كانك بتشوفي فيلم او

كأنك في كابوس وهتصحي منه بعد دقايق مهما كنتي مجروحه او متألمه او الي بيحصلك مش قادره تتحمليه

لازم تحتفظي بمشاعرك لنفسك ألمك حزنك يأسك دموعك لنفسك وبس انتي صديقة نفسك الوحيده

أخذت زهره نفس عميق وهي تهمس لنفسها بتوتر

= الي بيحصل ده مش حقيقي ده كابوس وهصحى منه ..كابوس وهصحى منه ..

لتعيد وتكرر في ذهنها كلمات والدتها وهي تحمل صينيه محمله بالكئوس الكريستاليه المملوئه بانواع مختلفه من العصائر

وهي تتجاهل نظرات الدهشه والاستنكار التي تعلو وجوه المدعوين من هيئتها وملابسها المشعثه والتي لا تليق بمستوى الحفل

تجاهلت زهره مشاعرها التي اتقدت مابين الغيره والاشتياق 

وهي تتابع سيف وهو يضع يده بتملك على خصر حسناء صاعقة الجمال ترتدي فستان اسود رائع مكشوف الكتفين والظهر ينسدل بروعه على طول جسدها

حاولت زهره الابتعاد عنهم وتجاهل نظراته التي تتابعها بدقه منذ دخولها القاعه لتتجاهله وداخلها يستعيد اهانته القاسيه ويربطها بما تراه امامها من تقربه بحميميه من رائعة الجمال التي تقف وهي تحتضن ساعده بتملك اثار غيرة زهره التي اصبحت تردد داخلها بتصميم

= دا مش حقيقي دا كابوس سيف لسه مسافر ومرجعش ..سيف لسه مسافر ومرجعش

لتشاهد سيف وهو يشير اليها بعجرفه بالاقتراب 

ابتلعت زهره ريقها بتوتر وهي تقترب منه بدون ان تتحدث

لتسمع مرافقته تقول بتعالي 

= ايه الاشكال الي جايبنها تخادم علينا دي ..مش معقول فندق كبير ذي ده يسمح بالمهزله دي 

لتشير لزهره بتكبر

= روحي يا شاطره من هنا وانا ليا كلام تاني مع مدير الفندق

حاولت زهره الانسحاب بهدوء وهي تبتلع اهانتها القاسيه 

ليشير سيف لها بيده 

= استني عندك انا سمحتلك تمشي شوفي الهام هانم تشرب ايه

رفعت زهره رأسها بكبرياء وهي تقرب

صينية المشروبات بتحدي منهم 

= اتفضلي يا هانم

لاحظت الهام نظرات التحدي المتبادله بين سيف وزهره لتقوم بضرب الصينيه

التي تمسكها زهره من بين يديها لتنزلق الكئوس وتقع وتتهشم على ارض القاعة

صرخت الهام بتكبر وقسوه

= انتي غبيه مبتشوفيش ..جايبين شغاله تخادم علينا فين مدير الفندق ده

انحنت زهره سريعا على الارض تلملم قطع الزجاج المكسور برعب وهي تتجاهل اهانتها و ذهنها يقوم بحساب تكلفة الكاسات المكسوره التي يعادل سعرها اكثر من مرتبها في عام كامل

لتتفاجأ بسيف ينحني هو الاخر وهو يحاول منعها من لملمة الزجاج المكسور 

= حاسبي هتعوري ايدك 

لتشهق بألم وقطعه مدببه من الزجاج تغرس في يدها والدماء تغرق كف يدها

لتتابع لملمة الزجاج بتوتر وهي تتجاهل يدها التي تنزف

لتشعر فجأه بيد سيف ترفعها بقوه وهو يقول بتوتر و يحاول فتح كف يدها المغلق على الجرح بقوه

= انتي مجنونه ايدك بتنزف سيبي الازاز هتعوري نفسك اكتر وريني ايدك تعالي

ليضع يده حول خصرها بتصميم وهو يقودها للحمام التابع لقاعة الاحتفال

زهره وهي تحاول فك يده من حول خصرها بتوتر 

= انت اتجننت اوعى ايدك الناس هيقولو ايه 

فتح سيف يدها وهو يتأمل الجرح في كف يدها بتوتر 

= اخرسي وخليني اشوف ايدك 

وضع سيف يدها تحت الماء وهو يفحص الجرح بعنايه بينما زهره تتجاهل الم الجرح و تتأمله بعشق و شوق وهو يغسل يدها باهتمام 

لتنساب دموعها بشده بغير ارادتها وهي تشعر بافتقادها الشديد لحبه وحنانه واهتمامه الذي كان يحيطها به في الماضي

رفع سيف عينيه اليها وهو ينظر لدموعها المنسابه 

ليقول بتوتر

= بتعيطي ليه الجرح بيوجعك 

لتنفجر زهره فيه وبكائها يزداد رغم عنها وهي تحاول سحب يدها منه

= اه بيوجعني ارتحت انت كده..

الشغل ضاع والكاسات الي الغبيه الي معاك كسرتها انا الي هشتغل لما ضهري يتكسر لحد ما اسدد تمنها

لتسحب يدها بتوتر وهو يقوم بربط منديله على الجرح باتقان 

= متشكره ودلوقتي ممكن تسيبني وتخرج زمان ضيوفك بيقولو كل ده بنعمل ايه في الحمام

= سيف وهو يضحك بخبث

ايه المشكله خلي خيالهم يشتغل خليهم يتسلو

شهقت زهره بصدمه وهي ترفع يدها تحاول صفعه بغضب

= انت قليل الادب

منعها سيف بصرامه وهو يلف يدها خلف ظهرها بقسوه

= انتي اتجننتي لسانك ده لو غلط مره تانيه هقطعه انا بالنسبه لك سيف بيه واي غلط هتتحسبي عليه وبشده

فاهمه

شعرت زهره بوجع شديد على طول زراعها وهي تسمعه يكرر بقسوه

= فاهمه

تساقطت دموع زهره بألم وهي تقول بسرعه

= فاهمه..فاهمه بس سيب ايدي 

ليترك يدها وهو يقول باحتقار

= تقدري تروحي و متقلقيش ع تمن الكاسات المكسوره هضيفهم على حسابي

ليتركها تقف وحيده ويذهب 

لتغلق زهره باب الحمام خلفه سريعا وتجلس على ارض الحمام وهي تقول بانهاك

= ده كابوس وهصحى منه سيف حبيبي لسه مسافر ومرجعش..لسه مسافر ومرجعش 

انسابت دموعها بشده وهي تضم قدميها بيديها 

= لاء سيف رجع ..رجع وبيكرهني بيكرهني اوي ..

لتنهار في نوبه من البكاء الشديد

اخرجها منه رنين هاتفها المحمول

لتجد شقيقتها هي المتصله

فتحت زهره الهاتف وهي تقول بصوت مخنوق بالبكاء

= ايوه يا سالي ايه الي مصحيكي لحد دلوقتي

لتجيبها سالي بانهيار

= الحقيني يا زهره أمين رجع سكران وصفيه مش هنا 

بايته عند امها ولما عرف اني لوحدي حاول يتهجم عليا فاكرني انتي وعمال ينادي عليكي ويقولي زهره اقوله انا سالي يقولي لاء انتي زهره وهعمل الي انا عاوزه و بيقول كلام وحش اوي وبيحاول... 

لتنهار في البكاء دون ان تستطيع ان تكمل كلامها

فتحت زهره باب الحمام وهي تجري للخارج بسرعه دون ان ترى عيون سيف التي تتابع اندفاعها المفزوع للخارج

زهره برعب وهي تجري لخارج الفندق

= عمل فيكي حاجه

سالي وهي تبكي بفزع

= لاء هربت منه وحبست نفسي في الاوضه بس هو كل شويه يجي يخبط ويرزع في الباب عاوز يكسره انا خايفه اوي.. تعالي بسرعه عشان خاطري

وصلت زهره للخارج وهي تجري باقصى سرعتها و تشير لتاكسي ليقف لها لتركب سريعا و تعطيه العنوان

وهي تقول بخوف

= بسرعه ربنا يخليك سوق بسرعه في واحده ممكن يجرالها حاجه لو اتاخرت عليها

قاد السائق السياره سريعا وهو يرى رعبها الواضح وساعده خلو الشوارع من الماره لقرب بزوغ الفجر على الوصول سريعا للحاره التي تسكن فيها زهره

نزلت زهره من السياره وهي تقول بارتباك

= معلش ممعييش فلوس بس انا ممكن..

ليقاطعها سائق التاكسي 

= روحي يا بنتي شوفي حالك ربنا يستر على ولايانا

اندفعت زهره تجري بسرعه لتدخل الى الحاره الهادئه ومنها تصعد جريآ على سلالم منزلهم المتهالك 

وهي تخرج مفتاح المنزل وتضعه بالباب بسرعه وخوف 

و تترك الباب مفتوح تحسبآ لأي هجوم من امين عليها

لتدخل لداخل الصاله الغارقه في الظلام وهي تشعر بانسحاب الدماء من عروقها عند رؤيتها امين النائم على كرسي متهالك بالصاله

لتشهق بخوف وارتباك وهي تذهب بسرعه الى غرفة اختها وتدق على باب الغرفه بفزع 

= سالي انتي جوه افتحي ياحبيبتي متخافيش انا زهره

فتحت سالي باب الغرفه بسرعه وارتمت بين احضان زهره وهي تشهق بخوف

= الحمد لله انك جيتي انا كنت هموت من الرعب

ربتت زهره على كتف سالي بحنان وهي تقول بخوف

= يلا بينا نمشي من هنا قبل ما يفوق 

سالي وهي تتلفت حولها بخوف 

= طيب هنروح فين وهدومنا وكتبي هنعمل فيهم ايه

زهره وهي تسحبها بهدوء للخارج

= مش مهم اي حاجه من دي المهم نخرج من هنا قبل ما يفوق

لتتفاجأ بأمين يقف في منتصف الصاله

ورائحة الخمر تفوح منه

وهو يقول بمرح 

= الاميره زهره جات لقضاها

ليتابع بقسوه وهو يتأمل رعبها باستمتاع

= ادخلي جوه ياسالي واقفلي الباب عليكي وملكيش دعوه بلي بيحصل هنا

زهره وهي تحاول التماسك

= لو قربت مني او منها هصوت وألم عليك الحاره كلها وهقولهم على وسختك كلها

امين بسخريه وهو يسحب حزام جلدي من جانبه ويشير به في وجهها

= انتي فكراني هعمل ايه الحاجه الي انتي تقصديها هتم بس مش دلوقتي لما نكون لوحدينا وعلى انفراد اصل الحجات دي عاوزه مزاج ..

انا بس هربيكي على لسانك الطويل الي ابتدى يطول عليا

الظاهر نسيتي مين هو امين وممكن يعمل فيكي ايه

وان كان على الحاره.... الحاره كلها هتقف مع الاخ الي بيربي أخته الي رجعاله من بره وش الفجر

ليقترب منها بشر وهي تتراجع للخلف بخوف وهي تتلفت حولها تحاول ايجاد مكان تفر اليه 

في حين انكمشت سالي حول نفسها وهي تجلس على الارض تبكي بشده

اندفعت زهره ناحية المطبخ تفتح ادراجه بسرعه تحاول ايجاد اي شئ تدافع به عن نفسها

حتى وجدت سكين لتلتفت بسرعه

وهي تشهره في وجهه الا انه

قام بضرب يدها الممسكه بالسكين بالحزام الجلدي بقسوه 

صرخت زهره بألم والسكين يقع من يدها على الارض وامين يقوم بجلدها بالحزام الجلدي بقسوه حتى وقعت على الارض من شدة الالم وهو يلف شعرها حول يده و يسحبها خلفه بقسوه لداخل الصاله مره اخرى

وهو يصرخ بها 

= عرفتي مين امين وممكن يعمل فيكي ايه

اغلقت زهره عينيها برعب وهي تخبئ وجهها بداخل زراعيها استعدادا لنزول

الحزام مره اخرى على جسدها 

لتمر لحظات دون حدوث شئ لتفتح عينيها بدهشه والم وهي تشاهد سيف يبعد امين عنها و يقوم بضربه عدة مرات في وجهه بقسوه شديده القت بأمين على ارض الصاله

زحف امين للخلف برعب وهو يقول

= سيف انت رجعت امتى وايه الي جابك هنا

ضرب سيف جسد امين بقدمه بعنف

وهو يسحب الحزام الجلدي الملقي على الارض ويقوم بجلد امين به عدة مرات بقسوه وعنف

صرخ امين بشده وهو يحاول الابتعاد عن ضربات الحزام التي تجلد جسده بقسوه

سيف بصرامه وهو مازال يجلده بالحزام بقسوه 

= اخرس يا كلب مش عاوز اسمع صوتك .. قوم لو راجل دافع عن نفسك والا انت مبتعملش راجل غير على الستات 

ليرمي الحزام من يده باحتقار وهو يركل امين في معدته بقسوه 

= كلب وهتفضل طول عمرك كلب مش هتتغير 

ليشير لرجال الحراسه الخاصين به ليحيطو بامين ويمنعوه من الحركه 

ويتوجه لزهره بلهفه و يحاول رفعها بعنايه وهو يتحسس جسدها المكدوم بلهفه وخوف

= زهره انتي كويسه ..الكلب ده عمل فيكي ايه

اشارت زهره لشقيقتها ودموعها تسيل على وجنتيها

= انا كويسه شوف سالي الاول شكلها إغمى عليها من الخوف 

نظر سيف للناحيه التي تشير اليها زهره ليتفاجئ بوجود سالي الملقاه بجانب باب الغرفه وهي غائبه عن الوعي

= طيب اهدي انا هشوفها حالا 

ليتركها ويتوجه لشقيقتها يهزها بهدوء وهو يربت على وجنتها حتى تأوهت بتعب

فتحت سالي عينيها وهي تنظر لوجه سيف بدهشه

= سيف.. انت بتعمل ايه هنا

لتتابع بخوف 

= فين زهره

زحفت زهره حتى وصلت اليها لتقوم بأخذها بين يديها وهي تقول بحنان

= انا هنا يا حبيبتي متخافيش انا كويسه مفيش حاجه حصلت

تأمل سيف ما يحدث امامه وهو يشعر وكأن قلبه سينشطر نصفين من شدة الالم وهو يرى مظهر زهره بملابسها الممزقه وجروحها الظاهره امام عينيه

ليمنع نفسه بالقوه من أخذها بين ذراعيه وتخبأتها بداخله ليمنع عنها كل ما يؤذيها..

ليبتلع غصه مريره وهو يجبر نفسه على استعادة زكرى كل ما فعلته بالسابق من خيانتها البشعه له 

ليستعيد عقله السيطره على مشاعره مره اخرى وهو يقول بصرامه

= مبقاش ينفع تعيشو مع الحيوان ده مره تانيه انتو هتيجو معايا

شهقت زهره بدهشه وهي تحتضن شقيقتها بتعب 

= نيجي معاك على فين ..انت عاوز الناس تقول علينا ايه

سيف بقسوه

= والناس هتتكلم تقول إيه.. مراتي وواخدها على بيتي ايه الغلط في كده 

زهره وهي تزيد من احتضان شقيقتها

وتقول بثقه لا تشعر بها

= ملوش لزوم الكلام ده انا وانت عارفين ان جوازنا انتهى من قبل ما يبدء فياريت تاخد الي معاك وتتفضلو من هنا وانا واختي هنعرف نتصرف لوحدنا

نظر سيف لزهره بسخريه

= مفيش فايده هتفضلي طول عمرك غبيه و مخك أد مخ النمله ..مين الي قال ان جوازنا انتهى اظن انا مطلقتكيش وقرار الطلاق ده انا بس الي هقرره ..ولوحدي.. بس بعد لما اتسلى شويه

ليشير لاحد الحرس 

= شيل سالي هانم ووديها العربيه

لتتفاجأ زهره بسيف يميل على سالي ويحملها وهو يقول بحنان

= سالي انتو هتيجو معايا البيت علشان معدش ينفع وجودكم هنا

هزت سالي رأسها بموافقه امام صدمة زهره الواضحه

زهره بدهشه 

= انتي موافقه نروح معاه انتي اتجننتي

مرر سيف سالي من بين زراعيه لزراع احد الحرس الذي اخذها بطاعه وتوجه بها للخارج

لتحاول زهره النهوض سريعا لمنعهم من اخذ شقيقتها

= استنى هنا واخدها على فين

لتترنح في وقفتها بشده وتتلقفها يد سيف بلهفه وحمايه وهو يضمها لصدره

بخوف

= حاسبي

شهقت زهره بخوف وهي تشعر بالدوار الشديد يلف رأسها

لتتمسك بقميص سيف بقوه خشية السقوط

لتقول بصوت ضعيف 

=انا.. انا كويسه ..انت عارف ان مينفعش ...

سيف بصرامه وهو يقاطعها غضب

= زهره خلاص انا قررت وانتهى 

خلع سيف فجأه جاكيت البدله الذي يرتديه ليلبسه لها وهو يقول بغيره لم يستطع السيطره عليها

= البسي ده.. الفستان الي انتي لابساه اتقطع ومينفعش تمشي كده 

نظرت زهره بخجل شديد لمقدمة ثوبها الممزقه والتي تظهر عنقها وجزء صغير من صدرها 

لتضم مقدمة الثوب معا بارتباك وهي تحاول خلع الجاكيت

= لاء خد الجاكيت بتاعك انا هلبس حاجه من عندي جوه

سيف بغضب ونيران الغيره تشتعل بداخله وهو ينظر للحرس الخاص به الذين يمتلئ بهم المكان

= سيبي الجاكيت يا زهره ومطلعيش جناني عليكي والا انت عاوزه الكل يتفرج عليكي وانتي كده

شهقت زهره وهي تقول بغضب 

= انت قليل الادب

ليرفعها سيف بين يديه وهو يتوجه بها للخارج و هو يضمها لصدره بغيره و يقول بغضب

= وانتي لسانك طويل وعاوزه تتعاد تربيتك من جديد ..وانا بقى هربيكي

وهعيد تربيتك من الاول 

ليتابع بسخريه

= استعدي يا زهره هانم

                             الفصل الثالث من هنا

لقراءة باقي الفصول من هنا

تعديل المقال