صدفه حبنا
بقلم منار مجدي
الفصل السادس
واحد باين عليه شمام(شمام وله اناناس 😂😂😂اسفه اسفه هكمل اهو):وله وله شايف إلى شايفه
شاور على مايان برأسه.
التانى بتصغير:هى الاشباح بتطلع بليل وله ايه
كريم:امال بالنهار يا رو**ح ام**ك منك ليه
كان هينزل بس مايان مسكت فيه وهى بتهز راسها بخوف.
الاناناس قصدى)الشما***م:لا تنزلى ياض انت شكلك عايز تتربى
التانى:بس براحه عشان الحته ديه تخصنا
شاور على مايان وده خلاها تترعب لما لقت كريم بيزق إيديها شغلت العربيه حطيت رجلها على البنزين وهى بتصرخ.
كريم حاول يتمالك الوضع واخيرا قدر يتحكم في العربيه .
كانت مايان بتتنفس بسرعه وهى بتبص ورا عليهم لحد ما اختفوا عن نظرها بصيت لكريم بغضب :قولتلك المنطقه مقطوعه لكن لاا بنعمل حاجات غلط واحنا فى الشارع شوفت لولا أنك قافل الشباك كان زمانه عورك لاو انت عايز تنزل هعمل ايه انا لو حصلك حاجه ها رد عليا بتسبنيش اكلم نفسى هعمل ايه اقولك انا هعمل ايه هموت نفسى على طول انا مش بالقوه الكافيه انك تبعد عنى أو يحصلك حاجه يا كريم.
كريم بابتسامه: انا اسف.
مايان:تعمل العمله وفى الاخر تقول اسف وانا زى الهبله اسامحك عشان بحبك.
كريم:وعشان هبله .
مايان:عشان بحبك .
كريم:طيب يا ست. ممكن تشيلى رجلك بقا مش عارف اسوق
مايان بصيت لقيت رجلها على رجله وماسكه فى رقبته وقريبه منه أوى ابتسمت وحطيت رجلها التانيه واتعدلت على رجله:كده تمام
كريم ضحك:شوفتى انتقاد فى الرأى والله.
مايان:اعمل ايه يعنى حبيبى حلو اوى مش بعرف ابعد عنه
كريم:يعنى هتروح معايا
مايان:لا مش للدرجه دى بابا وحشنى اوى يا كريم وبعدين بعد الفرح مش هعرف اشوفه كتير وله حتى انام فى حضنه ويدفينى ايام الشتا هكون معاك انت عشان خاطرى
كريم اتنهد:تمام بس مفيش نوم فى حضنه ده لما تعوزى تتدلى تعالى ليا أو اقولك بس اتصلى هتلقينى.
مايان ضحكت:غيران من بابا يا كريم
كريم:لا اممم الصراحه اه بس شويه صغيرين.
مايان حضنته:انا بحبك اوى والله مش عارفه الواحد كان عايش من غيرك ازاى مكنتش عيشه ديه
كريم:انا عارف بجد ربنا يحفظنى.
ضحكت مايان:يارب يحفظك ليا طول العمر.
وصلو لبيت مايان وركن كريم
كريم بضيق:وصلنا .
مايان بصيت حواليها ملقتش حد فقفلت الشبابيك وباست كريم جامد كريم كان بيحاول يقاوم رغبته بس مقدرش وسرعان ما احتضنها ودفن رأسه فى رقبتها وبيبوسها عشان يشبع منها وبيسيب علامات تثبت ملكيته وبيبعد بعد فتره لما زقته مايان بدموع وبصيت ليه:هتوحشنى اوى.
كريم:وانتى كمان هتوحشينى اوى .
مايان قامت من على رجله ونزلت من العربيه وهى بتعدل هدومها
مايان ابتسمت ليه:وأمسح هنا(شاورت على جمب شفايفه)
لفت وشها وهى بتقاوم دموعها متنزلش.
كريم:مايان
مايان :لفت وشها ليه
كريم:بكره هاجى اخدك مش عايز اعتراض بجد مش هقدر انتى بتقتلينى
مايان اتنهدت:تمام يا كريم هحصر نفسى بكره هروح معاك.
كريم ابتسم: خلى بالك من نفسك.
مايان:وانت كمان لما تروح كلمنى .
كريم:حاضر
طلعت مايان واول ما طلعت مشى كريم.
خبطت مايان على الباب فتح باباها اترمت فى حضنه تعيط.
خالد وهو بيطبطب عليها:فى ايه حصل ايه أطلقتى.
مايان بعياط:لا يا بابا احنا كويسين .
خالد:امال ايه خضتينى حد يعمل كده.
مايان بعدت ومسحت دموعها:لا بكره هيحى ياخدنى بس انا زعلانه عشان وحشنى
خالد:ليه انتى سياسه هناك وجيتى لوحدك
مايان:لا وصلتى أحد هنا
خالد:طب مثلا انتى كنتى قاعده على السلم من فتره كبيره
مايان:لا يا بابا لسه واصلين وهو مشى.
خالد:يعنى وحشك وهو لسه سايبك
مايان:اوى يا بابا وحشنى اوى
خالد:مكنتش اعرف انك هتحبيه للدرجه ديه طيب مروحتيش معاه ليه.
مايان:يا بابا انت كمان وحشتنى
خالد حضنها جامد:الواحد مش عارف يفرح انى وحشتك وله يزعل أنه مفرقش اربع اشهر.
مايان:طبعا فرق يابابا امال كنت بكلمك كل يوم فيديو ليه عشان كنت بتوحشنى واقعد اعيط لكريم لحد ما اكلمك وافك شويه
خالد:بس ايه الحلاوه ديه كلها لا بقيتى احلى من الصور الى اتصورتيها كمان.
مايان:هو انا كنت وحشه اوى للدرجه ديه.
خالد:لا يا حبيبتى كنتى حلوه وزيدتى جمال هتنافسى ملكات الجمال بعد كده.
مايان ضحكت وبعدين عيطت
خالد:بتعيطى ليه تانى .
مايان:وحشنى اوى يا بابا.
خالد بزهق:طب تعالى يالا .
تانى يوم صحيت بدرى أو بمعنى أصح معرفتش تنام بعيد عن حضنه الدافى زى الطير البعيد عن وطنه بجد.
خالد.دخل عشان يصحبها لقاها صاحيه وبتبص على السما فى البلكونه أو بمعنى أصح مستنيه النهار يجى بسرعه
خالد بابتسامه:مبسوط أن وأخيرا لقيتك مبسوطه
مايان ابتسمت.
خالد:محظوظ عشان بيحبك وانتى محظوظه بحبه.
مايان ابتسمت لباباها:بابا انت امتى بقيت رومانسي.
خالد بضحك:اصل الرومانسيه ديه مواهب دفينه
مايان ضحكت بس سمعت صوت عربيته اتأكدت وهى بتطنطت بحماس:جيه جيه جيه.
اول ما شافته نزلت جرى من غير ما حتى تلاحظ انها بالبيجاما.
كريم وقف ولسه نازل من العربيه يدوبك لف لقاها بتنط عليه وبتبوسه من خده:وحشنى قدددد الدنيا كلها.
كريم باس راسها بحنيه:وانتى كمان يا حبيبت قلبى.
مايان بقلق:انتى كويس شكلك تعبان.
كريم:بس عشان معرفتش انام
خالد بضحك:يظهر وله انت وله هى عرفتو تنامو امبارح بسببى
كريم ابتسم ونزلها :ازيك يا عمى عامل ايه يا رب تكون كويس.
خالد:انا كويس جدا وانتى يا مايان هتمشى معاه بالبيجاما اطلعى غيرى يالا.
مايان بحماس:هوا مش هتأخر.
جت تمشى مسك كريم ايديها.
مايان:مش هتأخر.
كريم سابها بصعوبه
خالد:مكنتش اعرف انكم هتتعلقو ببعض اوى كده
كريم ابتسم:العشق إلى هو أشد من الحب بيبقا كده من غير نصك التانى تحس انك فيك حاجه غلط او أن قلبك مقبوض من قلقك عليه يا ترى كويس وله لا جعان عطشان دفيان اسأله كتير بس عشان تتطمن عليه لانك لما بتكون مع نصك التانى بتبقا حاسس بالكمال ولما بيغيب بتحس انك بقيت ناقص من غيره.
خالد:مكنتش اعرف ان جزاك العمق ده كله بنتى طيبه وتستاهل إلى يحبها بجد.(والله كل البنات طيبين مش كده يا بنات يارب كل البنات إلى بتقرأ رواياتى اتجوز إلى بيحبوه وبيحبهم )
كريم ابتسم.
خالد: شكرا يا بنى عشان مخذلتنيش انا كنت داخل تحدى مع نفسى وكسبت التحدى بفضلك انا بجد ممنون ليك وهفضل ممنون ليك طول حياتى .
كريم:ليه انا معملتش حاجه.
مايان نزلت بسرعه:انا خلصت اهو.
خالد بضحك:مستعجله اوى
مايان ابتسمت بكسوف لباباها
خالد:طيب هانى حضن قبل ما تمشى ومتنسيش ابوكى ابقى تعالى زورينى من فتره للتانيه كده.
مايان حضنتها:مستحيل انساك يا حبيبى انت إلى فى القلب.
خالد بضحك:لا متضحكيش عليا كله بأن وانكشف وظهر مين إلى فى قلبك بجد(بص لكريم)
كان كريم واقف مش قادر من قله النوم ومبتسم
خالد:يالا روحو ولما تصحو ابقو كلمونى.
مايان:ماشى خلى بالك من نفسك.
خالد:وانتو كمان يالا تصبحو وله لا تصبحو ايه تمسو على خير .
مايان بضحك هى بتركب العربيه جمب كريم:وانت من أهله يا بابا.
مشيو وخالد بيشاور لمايان بايديها وبعدين طلع.
مايان بصيت لكريم بابتسامه:وحشتنى
كريم:وانتى كمان وحشتينى اوى مكنتش عارف اقعد من غيرك فضلت اتفرج على افلام لحد ما خلاص مبقتش قادر.
مايان:انا بقا كنت ببص للسما ومستنيه الشمس تطلع بسرعه.
كريم:قولتلك تعالى معايا.
مايان:انا اسفه المره الجايه هسمع كلامك من غير ما اناقشك.
كريم وهو بيتاوب:شطوره.
فضلو يتكلمون لحد ما وصلو ركنو العربيه ونزلو.
مايان كانت طالعه شالها كريم وركب الاسانسير وهو بينام وهو واقف
مايان:طيب يا حبيبى نزلنى انت تعبان
كريم:تؤ مش تعبان اوى.
مايان:انت كداب اوى نزلنى
كريم:تؤ .
اتفتح الاسنسير
مايان:بس مش هى ديه الشقه إلى حياها ليك قبل كده
كريم: ايوه ديه بيتنا احنا سوا
مايان ابتسمت:بجد.
كريم:ايوه
ماين نطيت ونزلت وهو فتح الباب ودخلو مايان لفت فى البيت وهى مبسوطه:ده بيتنا حلو اوى اكيد هنملاه زكريات حلوه وسعيده.
كريم:طالما انتى معايا هتكون سعيده.
مايان بصيت ليه بابتسامه وجريت عليه حضنته:بجد مش عارفه عملت ايه حلو فى حياتى عشان ربنا يعوضنى بيك.
كريم بابتسامه وهو بيشيلها:انا إلى ربنا عوضنى بيكى.
مايان ضحكت:بتعمل ايه.
كريم:مش قادر خلاص هموت وانام.
مايان ضحكت وهو واخدها اوضتهم.
تانى يوم صحيت ولبست عشان يروحو الشركه.
كريم صحى بيتقال ملقهاش جميع قام بخضه لقتها قدام المرايا بتحط روچ.
مايان: صباح الخير يا حبيبى يالا غاده هتنفخنا.
كريم بابتسامه:ايه الجمال ده على الصبح.
مايان ابتسمت بكسوف:هتفضل كده يالا قوم .
كريم:تعالى منروحش انهارده
مايان:عشان غاده تيجى تقتلنا لا مش مستغنيه عنك يالا
كريم قام وهو بيقرب منها:مانتى إلى حلوه اوى اعمل ايه يعنى
مايان ضحكت:خلاص انا نخرج عقبال ما تجهز
جريت حاول يمسكها بس مايان بقيت خفيفه وسريعه ومعرفش يمسكها قفلت الباب وراها وقالت:يالا بسرعه هستناك هنا
كريم اتنهد بابتسامه :ماشى
بعد فتره كبيره خرج وهو بيعدل الجاكت
كريم:أنا خلصت.
مايان قربت منه وعدلتله القميص:يبقا يالا.
كريم: لا مش هخرج من هنا غير برشوه.
مايان:رشوه اه طيب خليك بقا مستنى
جت تمشى مسكها من وسطها وحضنها من ضهرها
كريم:اهون عليكى
مايان:لا يا كريم مش كل ما احط روج حلو جديد تعمل كده لا.
كريم بضحك:هحطلك غيره انا اتعلمت.
مايان ضحكت:عارفه انك بتعرف بس هنتأخر.
كريم وهو بيدفن وشه فى رقبتها:يبقا مش عايزه.
مايان اتنهدت ولفت وطبعت شفايفها على شفايفه جامد وجت تبعد شدها كريم ورفعها من وسطها وقعد وحطها على رجله وهو بيحرك شعرها بإيديه مايان جت تبعد تانى شدها ليه اكتر ورفع ايديه على الجاكت بتاعها عشان يشيله بس مايان مسكت أيده عشان ميعملهاش بعد عنها والاتنين بينهجو.
مايان: خلاص كفايه لما نرجع كده هنتأخر اكتر من كده غاده هتقتلنا
كريم بص فى الارض بضيق:انا ايه خلانى اسمع كلامك ونرجع.
مايان ضحكت وباسته على خده:عشان انت حبيبى إلى بحبه.
كريم:قومى قومى عشان شويه وهتهور.
مايان ضحكت وقامت بصيت للمرايا:يا ريت جت على الروج بس شعرى كمان باظ .
كريم:بضعف قدامه اعمل ايه يعنى.
مايان:عشان طويل مش كده.
كريم:وهو قصير كان بيغرينى برضو بس لما طول بقا احلى.
مايان ابتسمت وعدلت نفسها وراحت لبست الهيلز ونادته.
مايان:يالا يا كريم.
كريم:طيب جاى
نزلو وهما بيضحكو ولفت مايان عشان تركب لقيت بنت بتنادى على كريم وبتنط عليه .
مايان سندت ايديها على العربيه وبصيت ليهم بابتسامه سخريه.
كريم زق البنت:علا ازيك.
علا:كيمو وحشتنا يا عم فينك مش باين بقالك كتير.
كريم:شويه اشغال.
مايان:كملو كملو انا اصلا كيس جوافه.
علا:اوبا مين الجامد ده.
كريم بضحك:ديه مايان .
مايان بعصبية:مراته.
كريم بضحك:مراتى.
علا بفرحه حضنته تانى:مبروك يا زميلى ياله اخيرا استقريت.
مايان بعصبية:كريم هنتأخر.
كريم بابتسامه:طيب يا هلا نتكلم بعدين.
علا:اه طبعا اتفضلو اتشرفنا يا مايان
مايان:انا كمان اتشرفت بحضرتك.
ركبت بنرفزه ورزعت الباب جامد
علا:تقريبا هتضرب.
كريم: تقريبا طبعا طبعا سلام يا علا.
ركب وبص لمايان إلى العصبيه مسيطره على ملامح وشها.
شغل العربيه واتحرك طول الطريق بيبص عليها وهى مش بتبصله هدوء تاااام مسيطر على الوضع وكريم الخوف بقا مسيطر على قلبه (فى حاجات كتير مسيطره على الوضع يا جماعه😂😂)
لحد ما وصلو نزلت مايان وسابته ودخلت
نزل كريم بسرعه وقبل ما تطلع مسكها وشدها للحيطه .
مايان بعصبية: ابعد عنى يا كريم دلوقتى عشان متعصبش عليك اكتر من كده.
كريم بحنيه باس خدها:ليه بس .
مايان:يعنى مش عارف ليه.
كريم باسها الناحيه التانيه:يمكن عشان علا.
مايان:يمكن.
كريم:علا مجرد صديقه ومتجوزه اجنبى يا مايان يعنى انا وهى اصاحب بس
مايان:مش باين من الحضن إلى فى نص الشارع ده
كريم بضحك:غيرانه ديه علا اختى اصلا من الرضاعه هتغيرى منها.
مايان بسخريه:يا سلام اختك.
كريم:بنت عمى وله اختى ماما رضعتها.
مايان:بجد يا كريم يعنى مش بتضحك عليا
كريم:لا حتى ابقى اسألى غاده
مايان ابتسمت:لا يا حبيبي انا بثق فيك ومصدقاك.
كريم بابتسامه:اعمل فيكى ايه بس.
مايان:بعدين تعمل دلوقتى اتأخرنا.
طلعت جرى بعد ما زقته وهى بتضحك.
طلعت وقعدت على مكتبها ونامت عليه وكأنه كان واحشها جدا
بس قاطع فرحتها الكبيره اتصال من خالتها
ردت بفرحه
مايان:خالتو إلى وحشانى.
نوسه:بس يا بكاشه قال وحشاكى قال بقا تسافرى وتنسينا كده ده وله حتى مكالمه تليفون.
مايان:معلش يا حبيبتى غصب عني.
نوسه:طيب انا عزماكى انهارده على الغدا ومش عايزه اعزار وبالمره نتعرف على جوزك ده انا مبقوقه كمان تتجوزى من
غير ما تقولى لحد نعرف بالصدفه انك مسافره مع جوزك كده.
مايان حسيت بإحراج:والله يا خالتى كانت على الضيق وبعدين لسه هنعمل فرح بس لما نفضى.
نوسه:والله خايفه متعزمناش مش عارفه تلقيها منك وله من رامز الى مش بشوفه غير وقت النوم ده كله منها الحربايه خطيبته وخداه منى طول الوقت
مايان:معلش يا خالتى ربنا يهديها على العموم هبلغ كريم وهنيجى أن شاء الله بس يا خالتى ارجوكى بلاش اكل تقيل.
نوسه بضحك:عشان الدايت مش كده متقلقيش مكرونه بشاميل خفيفه خالص
مايان بضحك:ودع الرشاقه ورحب بالملبن بقا.
كريم شد منها التليفون:بتضحكى مع مين غيرى يا هانم
مايان بضحك:كريم بطل ديه خالتو.
كريم حط التليفون على ودنه:ازيك يا خالتو عامله ايه
نوسه:كويسه يا اخويا يالا بقا عايزين نتعرف عليك يا ريت توافق وتيجى مع مايان انهارده
كريم:اكيد طبعا المهم نتعرف على حضرتك.
نوسه:لا خليها خالتو بلاش حضرتك ديه مش هطول عليكم بقا عشان تلحقو تيجو على الغدا.
كريم:تمام سلام.
قفل التليفون واداه لمايان إلى بصيت بزعل للتليفون.
كريم بضحك:زعلانه ليه.
مايان:قفلت انت انا كنت عايزه أودعها
كريم وهو بيلاعب دقنها:شويه وهنروحلها
مايان:انا مش هروح انا بس كنت بقول كده لكن بعدين هكلمها واقولها مش هقدر.
كريم بجديه:ليه حد هناك ضايقك
كان قصده على رامز.
مايان:لا بس مش عايزه اشوفه عشان بفتكر انى كنت متخلفه اوى بجد مش عارفه ازاى كنت بحب الانسان ده رغم أنه هو إلى كان بيتنمر عليا وهو اكتر حد أذانى مش عارفه ده هبل وله عبط وله كان جفاف عاطفى عشان بس كنت وحيده.
كريم بتفهم:انا مقدر ده كله بس الدنيا بتتغير زى ما احنا كمان بنتغير يعنى انا اتغيرت وانتى كمان اتغيرتى واكيد هو كمان اتغير
مايان:حتى لو اتغير ده مش هيقلل كرهى ليه بس طبعا مش هعرف ابين عشان خالتو هو السبب اصلا انى بطلت اكلمها مع انى كنت بكلمها كتير اوى لكن هو السبب.
كريم حضنها:عارفه على رغم أن كلامك بيضايقنى خصوصا لما تتكلمى عنه إلا انى يبقا مبسوط أنه بتحميلة واتكلمى معايا بالى جواكى.
مايان رفعت وشها ليه:انا مش قصدى اضايقك اصلا مقدرش ازعلك منى بس غصب عني بلقينى بحكيلك إلى جوايا يمكن عشان مش بثق غير فيك ديه عاده جديده عندى انا عمرى ابدا ما حكيت عن ألامى حتى بابا عمرى ما حكيتله انا كنت بشارك افراحى لكن احزانى لنفسى لكن معاك كأنك انت نفسى لو فضلت من هنا لبكره اقولك واشرحلك قد ايه انا عشقانه مش هتصدقنى.