رواية حارستي الجزء الثاني
الفصل الرابع والعشرون
والخامس والعشرون
بقلم شوشا عبداللاه
بسم الله الرحمن الرحيم
البارت الرابع والعشرين
فى صباح يوم جديد تشرق الشمس
وهيا تحمل الكثير من الاحداث فى بيت فوزى تستيقظ حور
من نومها وتذهب إلى الدولاب تاخذ منشفه تضعها على
كتفها وتخرج إلى الحمام تغسل وجهها وتقوم بتنشيفه ثم
تذهب للمطبخ لتجهيز الفطار تخرج كيس الفول المدمس من
التلاجه ثم تاخذ بصله متوسطه الحجم وحبه طماطم ثم
تضع الطاسهعلى النار وتضع القليل من الزيت وتشرح بها
البصله وتقلبهاجيد فى الزيت إلى أن تأخذ اللون الاصفر الجميل ثم تقطع
فلفل اخضر واصفر وتقلبهم ثم تفتح الكيس وتضع المدمس
وتقلب ثم ترش معلقه صغيره من الكزبره الناشفه وكذالك
الفلفل الاسود ورشه من الشطه الحاره ثم الملح ثم تاخذ لقمه
من العيش وتغمسها فى الفول لتتذوقها لتجدها رائعه
حور :اممممم ثم ترفعه من على النار وتضعه فى اطباق ثم
تاخذ عجينه الطعميه وتقوم بقليها فى الزيت ونضعها على
الورق وتقوم بغسل المواعين التى استخدمتها وترص
الطعميه فى الطبق وتضع العيش وتأخذ الصينيه وتضعها على
الطبليه وتذهب لغرفه أبويها وتطرق الباب لياتيها صوت امها
حور :طق طق طق
روح من الداخل :تعالى ياحور تدخل حور وعلى وجهها
ابتسامه صباح الخير ياماما صحى بابا الفطار جاهز
روح بابتسامه :صباحك فل ياقلبى شويه وهنيجى
تذهب حور إلى غرفه مازن لتطرق الباب من الخارج وتيقظه
حور :اصحى يا مازن الفطار جاهز
مازن بنوم :ماشى أنا جاى
حور تذهب الى غرفتها لتيقظ بطه لتجدها مستيقظه لتشعر
للاستغراب الشديد فهذه اول مره تجدها مستيقظه
حور بعدم تصديق :انتى صاحيه صلاه النبى وده من ايه
بطه بنشاط :صباح الخير يا حور
حور برفع حاجب وتحدث نفسها :ينهار اسود دى لتصبح عليه
بابتسامه ثم تضع يدها على جبهه بطه
حور :حرارتك طبيعيه مش سخنه ولاحاجه يعنى مش مريضه هقول بتخترفى
تبتسم بطه :لا ما انتى هتتعودى انا قررت اصحى بدرى
وكمان انا هاخد يوم اجهز الفطار وانتى يوم ونقسم شغل البيت بينا
حور بصدمه من كلمها :انتى عارفه بتقولى ايه يعنى هتصحى
بدرى وهتشتغلى طيب اعرف السبب فى التغير الجذرى ده
بطه :أنا مش صغيره أنا عارفه انى رخمت عليكم كتير بس
خلاص انا عرفت انى كنت غلطانه وماشيه فى طريق غلط
وقعدتى من غير شغل مش كويسه فقررت انى اقف معاكى
وتعلمينى الطبيخ والغسيل وشغل البيت لغايه معرف لوحدى
حور بفرحه من تغير اختها :أنا بجد حاسه انى بحلم
بطه بضحكه :ليه يعنى دانا حتى سكر
حور :والله لما اجى اصحيكى بكون خايفه من رد فعلك
اصلك بتعمل حركات غريبه وصوتك بيجيب اخر الشقه
بس لما لقيتك صاحيه اصدمت وصدمت اكتر من كلامك
بطه :ياه هو انا كنت وحشه اووى كده
حور :دانتى زى القمر بس كسوله
بطه :طيب يلا نطلع زمانهم مستنينا تخرج بطه وحور لتجد
يخرج مازن من الحمام وهو بتثاوب ويضع يده على فمه
وتجد فوزى وروح يجلسان على الطبليه تجلس حور وبطه
بطه :صباح الخير عليكم
فوزى بابتسامه :صباح النور
روح : صباح الورد
حور :نمت يعنى يابابا بعد مجيت من الجامع
فوزى :اه والله صليت ولقيت نفسى عاوز انام رحت نمت
حور :نوم العافيه
فوزى يمسك رغيف من العيش ثم يسمى ويبداء فى الاكل
فوزى :بسم الله الرحمن الرحيم الحمد الله الذى رزقنا هذا
الطعام من غير حول لنا ولا قوه ثم يبداء فى الفطور وكذالك
بقيه عائلته إلى انتهوا ينهض فوزى من على الارض ويجلس
على الكنبه وهو يقبل يده ويقول :الحمد لله يارب دومها نعمه
علينا ومتحرمناش منها واحفظها من الزوال ثم يقول
:يلا ياخور يابنتى ادينى كبايه شاى من ايدك علشان دماغى
تتعدل تنهض بطه بسرعه وتهتف :لا خليكى هعمل الشاى أنا
ثم تجرى سريعا إلى المطبخ وسط تعجب الجميع
فوزى :دى سابت الاكل علشان تعملنا شاى هيا البنت دى عيانه ولا ايه
روح بستغراب :اكيد عيانه دى عمرها معملتها
تبتسم حور :هيا مش عيانه ولا حاجه هيا بس قررت تمد
أيدها وتستغل فى شغل البيت وكمان دخلت اصحيها لقيتها
صاحبه وبتبتسملى وتقولى صباح الخير بجد اصدمت صدمه
ملهاش مثيل وفضلت متنحه يجى بتاع دقيقه
فوزى :ربنا يصلح حالها هو عليه صلحان الحال
روح بفرحه :يعنى البت كبرت وعقلت الحمد لله
تاتى بطه وهيا تحمل الشاى وتضعه على الطبليه وتأخذ كوب
وتعطيه لوالدها بطه:اتفضل يابابا
فوزى :تسلم ايدك ثم يأخذ رشفه منه ثم يقول الله شويه
شاااى زى العسل تسلم عمايلك
بطه بفرحه :بالهنا والشفا يا بابا
يأخذ مازن كوب ويشرب منه ليشعر الحزن لانه لم يكن جيد
مثل ما يقول والده ولاكن فضل الصمت واجبر نفسه على
شرب الكوب إلى أن ينتهى من شربه ليهتف بسعاده الحمد لله انتهى على خير
بطه :ها عجبك الشاى
مازن ينظر لها بابتسامه كاذبه ولا يتحدث
بطه :للدرجه دى عاجبك أنا لازم ادوق وأشوف
تتناول بطه كوب وتشرب منه القليل لتبصقه مره اخرى بقرف
بطه بقرف :حرام عليكم شربتوه ازى ده يقرف وانت يابابا
بتقولى تسلم ايدى على ايه المرار ده طيب شربته ليه وهو
وحش كده وانت كمان يا مازن شربته ليه
فوزى بابتسامه :هو حلو علشان انتى إلى عملاه
مازن بمزاح :نصيحه منى متفكريش تعملى شاى تانى علشان ميجلناش تسمم
بطه تنظر له بحزن :
مازن:خلاص مبتبصليش كده اعملى براحتك نموت قدامى عادى
تبتسم بطه
مازن : ايوه كده احسن من نظره الحزن إلى كانت ماليه وشك
فوزى :ربنا يخليكم لبعض ويحنن قلوبكم على بعض
ثم ينهض :يلا يا مازن علشان نلحق الصفوف الأولى فى
الجامع قبل ميتزحم
مازن :حاضر يابابا يلا بينا يذهب مازن برفقه والده إلى
الجامع يسنده من زراعه إلى أن يصلا إلى الجامع
************بقلم شوشا عبد اللاه***********
فى قصر الاسيوطى يجلس قاسم وعاصى برفقه شمس
وحياه وجاسم وليل يتحدثون وهم على طاولة الفطور
يحتسون الشاى بعد انتهائهم من تناول الفطور
قاسم :ايه رايك يا جاسم لو عملنا مول تجارى مكان للبيوت
إلى الحاراتةالقديمه إلى جنب شارع خان الخليلي ده
هيكون افضل موقع المول لانه فاتح على كذا اتجاه
جاسم :ايوه بس ايه ناس مش هترضى تسيب بيوتها حتى
مقابل التعويض وده هيعملنا عائق فى المشروع
قاسم :احنا مش هنديهم تعويض وبس بأكمام هنامنلهم اماكن
فى حتت راقيه يسكتوا فيها وده عرض مغرى محدش يقدر
يرفضه والتعويض كمان هيكون كبيره فأنا واثق هيوافقوا
جاسم:إلى فيه الخير يقدمه ربنا
عاصى تنحنى على شمس وتهمس :اتصالحتوا ولا تتقمص وعمل نفسه زعلان
شمس بهمس :لا الحمد لله اتصالحنا بس بعد فين وفين
عاصى :طيب الحمد لله كنت قلقانه عليكم
شمس :ما انتوا السبب فضلتوا تقلولى هيجوز عليكى
عاصى :احنا قلنا لك خفى غيرتك علشان ميتخنفش منك
ويمل قومى تسمى فيه عينى عينك كده قدامنا ياساتر عليكى
تضحك شمس بخفه :خلاص الى حصل حصل
قاسم :يلا ياجاسم انت وليل نروح الجامع نلحق الخطبه
ينهض جاسم وكذالك ليل ويتجهون إلى الخارج
********بقلم شوشا عبد اللاه*********
بعد انتهاء الخطبه يرجع مازن برفقه والده ويصلوا للمنزل
ويجلسوا به ويجدو تجلس حور على مكينه الخياطه تصمم
فستان روح بتنقى الارز
فوزى :السلام عليكم
حور :وعليكم السلام
روح :وعليكم السلام
تاتى بطه وتجلب لابها الشبشب الخاص بالبيت وتضعه أمامه
ثم تخلع له الحذاء وتجعله يرتدى الشبشب يضع فوزى يده
على رأسها ويبتسم :تعيشى يابنتى وبارك الله فيكى
مازن مازحا :بسم الله على التطور لا شكل كلام الحج جاب
فايده رغم انى كنت نراهن انك جبله ومبتحسيش بس خيبتى ظنى بيكى
بطه :أن شاء الله هم ن عند حسن ظنكم بيا
تنتهى حور من الفستان لوضعه على جسمها ثم تهتف :ها ايه
رأيكم فى الفستان الجديد
فوزى :زى العاده روعه إلى يشوفه يقول جاهز مش تفصيل
روح :اديكى تتلف فى حرير
بطه:أنا عاوزه فستان زييه ياحور
حور :حاضر من عينى
بطه تسلم عينك
روح :أنا هروح اعمل الرز واجهز الغداء
بطه :أنا إلى هعمله وانتى راقبينى
روح :طيب تعالى طول مانتى مديتى ايدك يبقى هتتعلمى وهيجى منك
بسم الله الرحمن الرحيم
البارت الخامس والعشرين
يبداء البارت على وجود حور فى
الورشه تضع قناع الحام وتقوم بلحم أحد قطع السياره ثم
تأخذه وتقوم برشه بلون الاسود وتتركه يجف ثم عده
مفاتيح وتذهب إلى أسفل السياره كى تصلحها
عم عبدو:كفايه كده يابنتى تعالى روحى وبكر ابقى كمليها
حور :انا خلاص قربت اخلص باقى حاجات بسيطه وانتهى
منها ويستلمها صاحبها
عم عبدو :المغرب خلاص على إذن
حور تخرج من تحت السياره :وانا خلاص خلصت العربيه
بقيت فله هركب باب العربيه وانتهى ثم تمسك الباب الذى
قامت برشه وتقوم بتركيبه ثم تنظر لها بابتسامه ها ايه رايك
بقيت شمعه منوره والى يشوفها يقول جديده بتبرق
عم عبدو :مشاء الله عليكى من يوم يومك وانتى ممتازه من
ساعت ماجيتى تشتغلى معايا والشغل ماشى زى الفل والحال
اتيسر على الاخر وعملنا اسم الناس بقيت بتجيلنا مخصوص
وبتطلبك بالاسم الفضل لله ثم ليكى ولشطارتك
حور بابتسامه :وانت مانت الخير والبركه ياراجل يابركه
عم عبدو :لا الحق حق الشهاده لله قدمك قدم سعد ووشك
وش الخير من يوم يومك
حور :طيب سلام يا حج أن شاء الله نتقابل بكر
عم عبدو :سلام يابنتى فى رعايه الله
تذهب حور لتخلع بدله العمل وتغسل يديها ووشها وتقوم بتجفيفهم ثم تخرج الى الخارج
حور :يلا ياعم عبدو علشان اقفل ياتى عم عبدو لتغلق حور
باب الورشه وتقوم بوضع القفل وتضغط عليه حتى ينغلق
حور :تصبح على خير
عم عبدو :وانتى من أهل الخير ويذهب كل منهما فى اتجاه
ترجع حور لبيتها وتطرق الباب ليفتح لها مازن ويغمز لها بعينه
حور بعدم فهم :مالك بتغمزلى كده ليه في ايه ياعم اوعى
السلام عليكم يا اهل الدار أنا جيت يضع مازن يده على فمها
مازن :هششششش الناس جوه فى الصاله
حور :امممممم اممممم
مازن بغباء :ايه هو إلى اممممممم بقولك الناس فى الصاله
وانتى داخله بعلو صوتك السلام عليكم يا اهل الدار وانا
عمال اغمزلك اغمزلك علشان تفهمى بس البعيده غبائها مستورد
حور :اممممم
مازن :ايه إلى هو اممممم ادخلى على اوضه بابا وماما لغايه ما الناس تمشى
حور تبعد يده :ايه ياغبى ايدك على بوقى هقول ايه غير
امممم أنا إلى غبائى مستورد مشاء الله عليك غباء ملهوش مثيل اصلى اصلى
مازن يضرب جبهته بيده :اخخخ معلش روحى انتى بس زى مقوتلك الناس جو
حور :ناس مين دول
مازن :أهل جوزك
حور بسخريه :ياراجل ليه هو انا اتجوزت علشان يبقالى أهل جوز
مازن :خلاص ياستى أهل خطيبك
حور بفارغ صبر :وانا اتخطبت امته برضوا
مازن :أهل الراجل إلى جه شافك وطلب ايدك وانتى لسه
مردتيش ها ارتحتى كده
حور :قصدك ليل
مازن :ايوه هو بعينه أبوه جو والراجل إلى جه معاه المره الى فاتت
حور بلهفه :استاذ قاسم
مازن :ايوه هو يلا بقى اتاخرت على الناس
تذهب حور لغرفه أبويها وتجلس بها منتظره خروجهم لتذهب إلى غرفتها لتستريح بها
فى الصاله يجلس فوزى بجوار ومازن وجاسم بجوار قاسم
فوزى :اتفضلوا يا استاذ جاسم عصيرك اتفضل يا ستاذ قاسم
اشربوا يتناول قاسم كوب العصير ويقوم بالشرب منه
وكذالك جاسم إلى أن ينتهوا منه
قاسم :يا استاذ فوزى هتردوا علينا أمته احنا على نار ثم يضحك
فوزى : والله ياستاذ قاسم أنا زى مقوتلك لو عليه أنا موافق
بس البنت بتفكر ولما تدينى خبر ابقى أبلغكم وان شاء الله خير
قاسم :أن شاء الله يبحث قاسم عن حور بعينيه فهو منذ أن
رآها سكنت قلبه يريد رايتها قبل أن يمشى
جاسم ينحنى على قاسم ويهمس له :بتدور على ايه الراجل هيلاحظ
قاسم يبتسم :اما عروستنا فين جاسم عاوز يشوفها
جاسم بهمس :أنا برضوا إلى عاوز اشوفها ولا انت للدرجه دى
علقت معاك لازم عاصى تغير
فوزى يبتسم لهم :روح هات اختك يا مازن
مازن :حاضر يا بابا يذهب مازن الى غرفه أبويه ويقوم بطرق
الباب لتفتح له حور
حور :ها مشو
مازن :لا طلبوا يشافوكى قبل ما يمشوا
حور باستغراب :يشفونا انا ليه
مازن بسخريه :امال هيطلبوا يشوفوا ميه امك اكيد انتى
مش انتى إلى عليكى الكلام والمراد
حور :ننننننننن يخرابى دمك يفطس من التقل
مازن :احم طيب يلا يا مهزقه قدامى
تذهب حور وهيا تنظر فى الارض وتلقى السلام بصوت عالى
حور :السلام عليكم
ينهض قاسم ويتجه إليها ولاكن يمسكه جاسم من يده
ويجلسه مره اخرى ويهمس له اقعد ابوس ايدك هتفضحنا
منك لله ياختى اتقى الله دى قد بنتك
قاسم ينظر له بابتسامه :وعليكم السلام ورحمه الله وبركاته
جاسم :وعليكم السلام ورحمه الله وبركاته اهلا بالعروسه
بسم الله ماشاء الله زى القمر
حور بلاه مبلاه : شكر
قاسم :امتى هتردى علينا يا عروسه
حور تنظر لهم :دلوقتى وردى هو اسفه شرفتونا أنا مش
موافقه ربنا يرزقكم ببنت الحلال
قاسم بصدمه وحزن :ليه يابنتى ليل شاب طيب وابن حلال
ويعرف ربنا وبيصلى الفرض بفرضه وبيرضى ربنا والحمد لله
عايش عيشه ملوك يعنى مش هيكون ناقصك حاجه ترفضى ليه
حور بعقل وهدوء ؛اولا مش كل حاجه الفلوس والعيشه
المرتاحه ثانيا أنا رفضت لانى أنا مش مرتاحه مش معنى
كده انكم فيكم عيب بالعكس زى مكنت عاوز تقول انتوا ناس
مترفضوش بس محصلش نصيب معلش وان شاء الله ربنا
يكرمكم ببنت الحلال ثم تنهض بعد اذنكم وتذهب إلى غرفتها
وسط حزن قاسم مازن وفوزى وراحه جاسم فهو لم يكن
سعيد من الأساس بهذا الارتباط فهم ليس من مستواهم أو
حتى قريبون منه فهم فقراء ولا يصح لهم بالارتباط بمثل من
فى طبقتهم يبتسم جاسم وينهض : نستاذن احنا يلا يتقاسم
قاسم بحزن :اصبر بس يا جاسم احنا مش هنعتبر ده قرار
نهائى احنا يا سواء فوزى هنعتبر لسه موصلناش الرد وبتمنا
أن قرارها يتغير وتقرير الارتباط بليل صدقنى ليل ابن حلال
وهيحترم حور ويشيلها جو عنيه
فوزى يمد يده ليسلم عليه : أن شاء الله يا سواء قاسم
صدقنى أنا كمان زعلان زي حضرتك تمام بس مش بايدى
القرار فى الاول والاخر قرارها هيا مع السلامه
تخرج قاسم وجاسم ليركبوا السياره اعود البيوتهم
جاسم :انت زعلت كده ليه الحمد لله انها جات منهم انا اصلا
مكنتش مرتاح أنا مش عارف انت ازى كنت عاوزنا نناسبهم
دول مش المستواى الى نناسبهم
قاسم يشعر بالغضب من كلامه :ليه أن شاء الله علشان فقراء
يبقى من حقهم ميتجوزوش
جاسم :لا من حقهم يتجاوزوا بس الى من طبقتهم
قاسم بصدمه :تصدق انك نزلت من نظرى اووى انت انت
ازاى تفكر بالطريقه دى الناس الجهله بس الى يفكروا كده
الغنى غنى النفس والفقر فقر النفس لما الإنسان يبقى مراعى
ربنا ومحترم وكذالك أهل بيته ايه إلى يمنع ارتباطنا بيهم
جاسم بندم :أنا اااا
قاسم :انت انت ايه بس حرام عليك ده تفكير تفكر فيه طيب
بزمتك سبت ايه للناس الى مش متعلمه وعارفه كلام ربنا
طيب ما سيدنا النبى مكنش غنى عاش فقير ومات فقير ما
ربنا كان يقدر يختار نبى غنى لو الغنى اهم حاجه ربنا جعل
الناس كلها سواسيه إلى هيميز البنادم هو عمله عمله وبس
مش فلوسه وبعدين كان هيكون ايه شعورك لو كنت انت ابو
البنت وجينا تطلبها منك وكان ايه احساسك لو ابو ليل قالك كلام زى كلامك كده
جاسم بندم شديد :خلاص يا قاسم عرفتى غلتطى أنا اسف
الحمد لله انك فوقتى من تفكيرى متزعلش منى وان شاء
الله هتوافق ياعم
قاسم :أن شاء الله
جاسم: بس قولى انت متعلق بى البنت دى ليه كده دانت
كنت هتفضحنا جوه لاش لحقتك
يبتسم قاسم :معرفش من ساعت مشفتها وانا مرتاح ليها ولما
بتكون قدامى بحس بسعاده من نوع خاص نوع مجربتوش قبل كده
جاسم برفع حاجب :ينهار ابيض هو انت حبيت البنت يا قاسم
قاسم ينظر له :ايوه حبيتها بس حب من نوع تانى مش إلى
فى بالك لا حب اب لبنته بحس بتجاها بمشاعر غريبه مشاعر
اتحرمت منها حرفيا بحسها حور بنتى وبنت عاصى
جاسم ينظر له بحزن :انت حاسس كده لأنها تقريبا فى سن
بنتك وكمان نفس اسمها علشان كده بتحس بنحيها بالابوه
قاسم بحزن :يمكن الله اعلم ثم يتحدث بطريقه طبيعيه
بس ايه رايك فيها جمال وأدب واخلاق وكمان طالعه من
الأحوال على دفعتها يعنى بنت مفيش زيها
جاسم فى سره :عارف انك زعلان وبتتكلم كانك مفيكش
حاجه بس انا. صديقك عمرك وعارفك ربنا ينتقم من إلى
كان السبب فى حزنك ده
قاسم :جاااسم رحت فين
جاسم :أنا اهو في ايه
قاسم :ايه هو إلى فيه ايه بقالى ساعه بكلم نفسى كنت سرحان فى ايه
جاسم :لا ابد كنت بفكر فى موضوع بس انت كنت بتقول ايه
قاسم :كنت بكلمك على حور بقولك ان البنت جميله ومتربيه
وشاطره وداخله كليه قمه يعنى تشرف اى حد
جاسم :معاك حق ربنا يهديها وتوافق وانا اقول الواد ليل
وافق ليه على الجواز بعد ماكان معتكف ومضرب عن
الجواز اتارى البنت زى البدر فى تمامه
قاسم :امال ايه تصدق اول مره اشوف حد فيه نمش وجميل بالشكل ده
جاسم بهزار :خمسه فى عينك هتحسد البنت
قاسم : هههههه ياراجل أنا بحسد برضوا أنا بقر بس ههههه
يضحك جاسم :ههههههه
*************بقلم شوشا عبد اللاه*******
فى منزل حور يجلس فوزى يبدوا عليه الحزن فى سريره
بجواره روح:في ايه بس يا حبيبى زعلان ليه كل شىء قسمه
ونصيب لو ربنا رايد لها فيه خير هيكون من نصيبها وعسى
أن تكرهوا شى وهو خير لكم وعسى أن تحبوا شى وهو شر
لكم ولا ايه يا ابو مازن
فوزى :معاكى حق فوضت امري لله رب العالمين
روح :ايوه كده يا خويا وستبشر خير
فوزى :أنا بس زعلان علشان استاذ قاسم كان باين عليه
الحزن وانا الراجل ده عزيز عليه اوووى صعب عليه لما حور
رفضت حسيته وشه اتغير كان مليان فرحه بقى حزين
روح :معلش يا فوزى يلا تنام يا حبيبى
فوزى :تصبحى على خير يا روحى
تبتسم روح :وانت من اهل الجنه يا حبيبي
فى غرفه حور وبطه تجلس حور على سجاده الصلاه توادى
اخر ركعه ثم تسلم وتدعو الله أن يوفقنا فى حياتها ويسرها
لها ويملئها بالسعاده والبركه وان يطل فى عمر أبويها
ويعطيهم العافيه والصحه والستر ثم ترفع المصابه وتضعها
على الكرسى ونقله الطرحه لينسدل شعرها الاحمر وتقوم
بربطه بتوكه للأعلى على هيئه محطه حتى لا يبعثر اثناء
النوم تذهب حور لسريره بجوار اختها وتنام مثل العاده على جنبها الأيمن