#زين_المافيا
#البارت_الرابع
بقلمى منار مجدى
وصلو البيت.
مهران: حمدالله على سلامتك يا محمد .
محمد: الله يسلمك يا بابا.
مهران:اطلع ارتاح دلوقتى ومتنساش تيجى تقولى ايه الاخبار هناك.
محمد:امرك يا بابا.
كانت زينه طالعه مع باباها وزيدان بس وقفها صوت مهران.
مهران:زين تعال عايزك.
ودخل المكتب وزينه مشيت وراه.
مهران:سيف كلمك عشان الصفقه.
زينه:لا بس اكيد هيكلمنا انا هقفلها فوشه نطلع عليه سمعه مش هخلى حد يتعامل معاه مش هيبقى قدامه غيرانا انا هكلم جمال لما اخرج.
مهران:ماشى بس مش عايز الصفقه ديه تروح منا يا زين مش هسامحك لو راحت مننا فاهم.
زينه:حاضر.
مهران:فى شخصيه جديده نزلت البلد عايزك تروح بكره الحفله بتاعته مع جمال تتعرف عليه وتشوف حالته وتقولى شغال مع مين وفى ايه عايز كل المعلومات عنه.
زينه:امرك يا جدو.
مهران: وحاجه كمان.
كمل بتردد:عايزك تلبس فستان عشان متلفتش النظر.
زينه باستغراب: ازاى يعنى.
مهران:إلى قولته يتنفذ ومش عايز كلام كتير.
طلعت زينه كانت بتفكر هى مش بتحب تروح الحفلات ديه اصلا لو راحت بفستان اكيد الانظار كلها هتتلفت ليها ويسألوها ليه فجأة بقيت بنت.
أما عند مهران كان بيفكر أن لو زينه راحت بالفستان اكيد الشخصيه الجديده ده لانه سمع أنه ملياردير ولو عرف يقربه منه هيعرف يبقا شريكه فعايز زين يرجع زينه تانى وبرضو لاسبابه الطماعه .
طلعت زينه لباباها .
محمد لاحظ أنها تايهه.محمد:مالك يا حبيبتي جدك كان عايزك فى ايه.
زينه:تصور يا بابا جدو عايزنى احضر حفله شغل وبفستان كمان. محمد:ده بجد يعني يوم ما ربنا يهديه تكونى رايحه تبع الشغل ووسط ناس متوحشه.
زينه: خلاص متقلقش انت يا بابا بنتك بميت راجل.
محمد:طيب انا جبتلك حاجه عشان تروحى فرح مريم.
زينه بفرحه:بجد طيب هروحه ازاى جدو وافق.
محمد:لا بس هنهربك هو كده كده بينام الساعه ٦ المغرب.
زينه:طيب جبتهولى فين.
محمد:هتلاقيه فى اوضتك تقدرى تجهزى دلوقتى واول ما جدك ينام هناديكى ماشى.
زينه حضنته ماشى يا احلى بابا.
وخرجت دخلت اوضتها لقيت صندوق كبير فتحته لقيت فيه فستان احمر منفوش كب وساده فرحت بيه اوى ودخلت لبسته كانت جميله اوى بيه وبعدين زيدان دخل.
زيدان:ايه القمر ده بس.
زينه:بس يا بكاش زكرت.
زيدان:اه وكنت هناديكى نلعب سوا بس شكلى رجعت فقرارى.
زينه:ليه انت لو عايز انا ممكن ألغى واقعد معاك عادى.
زيدان:لا انا عايزك تخرجى كده انا مبسوط كده اكتر.
زينه حضنته وباسته من خده وقالت:انا ربنا بيحبنى عشان بعتلى اخ جميل كده.
زيدان:تربيتك.
ضحكت زينه وقعدت حطيت بنسه على شعرها الناعم وحطيت روچ بسيط وقامت لبست الهيلز اوف وايت لفيت وقالت لزيدان: ايه رأيك.
زيدان:قمر.
محمد:ها خلصتى وله لسه.
وبصيلها وعنيه دمعت وقال:انا عارف انى ظلمتك لما وافقت على قرار جدك بانك تبقى راجل.
زينه:بس مخلتهوش يعملى العملية اكتفيت بهدوم بس وانا ممتنه ليك بجد يا بابا.
محمد:انا فخور انك بنتى يالا بسرعه هتتأخرى.
نزلت ركبت العربيه.
جمال:حضرتك طلعه حلوه
زينه: شكرا يا جمال.
زيدان لمحمد:انا حاسس انها سندريلا واحنا الساحره الطيبه. ضحك محمد عليه ودخلو.
اما عند زينه فتحت الشباك وخرجت دراعها كله لفوق وضحكت كانت مبسوطه لاول مره بعد فتره كبيره تحس انها فعلا بنت كان جمال بيبتسم وفرحان لأنها كانت بتصعب عليه اوى وهى قد بنته لكن متقدرش تعمل إلى بنته بتعمله بسبب جدها.
جمال:وصلنا يا هانم
زينه:لا بلاش هانم ديه انا أسمى زينه ماشى .
جمال:وصلنا يا ست زينه.
زينه:ايوه كده وغمزتله وخرجت.
دخلت القاعه والناس كلهم لفو وشهم ليها وقفت بإحراج ووشها احمر من نظرتهم ودخلت لمريم.
مريم اول ما شافتها كانت فرحانه اوى.
زينه بفرح: مبروك يا عرايس.
مريم وجوزها:الله يبارك فيك يا..وبصو لبعض ضحكت زينه. زينه:دلوقتى بس تقدرو تقولولى زينه بس مش عايزه حد يعرف أسمى ماشى.
مريم وجوزها:ماشى شكرا لانك جيتى.
زينه:ازاى محضرش فرح مريم يعنى.
حازم: شكرا بجد انك جيتى ده يشرفنا.
زينه:خلاص متكبرهاش يالا روحو ارقصو.
مشيو حازم ومريم يرقصو سلو أما زينه فكانت واقفه بتبصلهم وهى بتبتسم بهدوء.
مالك:انتى زين صح.
زينه وطيت ليه:مالك بتعمل ايه هنا.
مالك:يعنى انتى زين بجد.
زينه:اه انا زين انت بقا بتعمل ايه هنا.
مالك:انا قريب حازم العريس.
زينه:وانا بقا صاحبه العروسه مريم.
مازن:مالك كام مره قولتلك متجريش وتبعد عنى.
مالك:اسف بس اصلى شوفت زين.وشاور على زينه
مازن بصلها بصدمه:انتى زين بجد.
زينه😒:اه انا زين.
مازن:طيب مانتى بنت اهو.
زينه بعصبيه:ينفع تقفل الموضوع.
مازن:طيب خلاص متتعصبيش.
مالك قعد على ركبته قدام زينه ومد ايديه وقال:تقبلى ترقص معايا.
زينه قومته وقالت:اه طبعا بس مين علمك الچنتله دى.
مالك:مازن علمنى.
زينه:ده علمك اشك بس مش مهم يالا نرقص.
مازن كان واقف مصدوم من الكلام ومن اخوه إلى بيقلد كل حاجه بيقولها وافتكر لما مالك سأله ازاى اخلى بنت ترقص معايا سلو. مازن قاله فى طريقتين طريقه عاديه إلى هى تقولها ترقصى معايا والتانيه الچنتل بقا انك تقعد على ركبتك وتمد ايدك ليها وتقولها ممكن ترقصى معايا بس انت ليه بتسأل مالك قاله يمكن اعوز من واحده ترقص معايا بعدين لازم اكون عامل حسابى مازن مسكه وقعد يلعب معاه فاق مازن لما لقاها بتضحك وهى ماسكه ايد مالك وبترقص وبتضحك على شكله ومالك بيحاول يقلد الناس إلى حواليه بس زينه اتكعبلت وكانت هتقع على ضهرها شدها مازن من إيديها وعدله كأنه بيرقص معاها.
زينه بابتسامه:شكرآ كان برستيجى هيتفرتك.
مازن:ميردنيش يتفرتك.
زينه جت تمشى.
مازن مسك إيديها بصيتله بابتسامه كده😏كأنها بتفكره بالمره إلى قبلها.
مازن:ترقصى.
زينه:بتعرف اصلا.
مازن:جربينى.
زينه:وماله نجرب.
شدها مازن ورقصو سوا وخطفو الانظار برقصهم ومريم وحازم بعدو وقعدو يتفرجو عليهم أما زينه ومازن كانو فى عالم تانى وكأنهم لوحدهم فى القاعه.
زينه:طلعت بتعرف ترقص.
مازن:عجبتك.
زينه:اممم مش بطال.
وضحكت برقه وضحكتها خطفت قلبه الاغنيه خلصت سابته الدى چى حط اغنيه لرقصه السلسه مريم وحازم كانو محضرنها.
اتطنطت زينه لأنها بتحب الرقصه ديه وحازم خلى بتاع الدى چى ينادى على كل إلى بيعرف يرقص الرقصه دى يطلع مع شريكه .
مريم وحازم وقفو فى النص وكل اتنين يقفو بعيد شويه زينه فضلت واقفه ووشها كده😞.
مازن:ترقصى سلسه معايا.
زينه بفرحه:اه يالا.
وشديته وطلعو على المسرح وولعو الدنيا وبعدين مازن لف زينه وهوب مسكها واحد تانى وإيديه بتلمس ضهرها ابتسمت له وهوب رفعت ركبتها فبطنه ورفعت إيده ولفت مازن مسكها .
مازن بص عليه لقاه بيتألم:عملتيه ايه.
زينه بابتسامه:إلى يستحقه.
رفع إيديها ولفها مسكها واحد تانى ولقيت إيديه بتلمس دراعها بابتسامه لفيته ولويتله دراعه ولفت مسكها مازن.
مازن بصيله لقياه ماسك دراعه بألم وماشى.
مازن:ده كمان عملتيله إلى يستحقه.
زينه بابتسامه نصر:اه بزمتك مش يستحقه.
مازن:طبعآ.
خلصو رقص خرجت زينه لأنها مش بتحب الدوشه كتير خرجت واخدت نفس جت تدخل لقيت مالك قاعد زهقان وبيحرك رجليه عشان قصير.
زينه:زعلان ليه يا مالك فى حد ضايقك قولى بس وانا هظبطو. مالك:مفيش حاجه انا بس زهقان لو كنتى جبتى زيدان كنا لعبنا سوا.
زينه:لو اعرف انك هنا كنت خليته يجى معايا.
مالك: خلاص هنقعد هنا زهقنين بقا.
زينه:انا جتلى فكره.
مالك: ايه هى.
زينه:العب انا وانت ايه رأيك تلعب معايا.
مالك قام بفرحه:بجد.
زينه:اه بس هنلعب ايه.