رواية حارستي الجزء الثاني2الفصل الرابع4والخامس5والسادس6بقلم شوشا عبد اللاه
يبداء البارت على ذهاب عاصى مع الرجل
العجوز وتوقف له سياره وتساعده ليركب بها ولاكن تتفاجاء
به يرش على وجهها بخاخ مخدر لتفقد الوعى بعد ثوانى
عاصى:اقف هنا يا حج ثوانى اوقفلك تاكسى
تشير عاصى لتجد تاكسى لبى ندائها بسرعه
عاصى :تعالى ياحج ربنا كرمك ولقينا تاكسى بسهوله وتفتح
له الباب
الرجل :ربنا يخليكى يابنتى كتر خيرك
عاصى:اتفضل اركب
يركب الرجل التاكسى ثم يخرج بنج ويرشه على وجه عاصى
لتسقط فاقده للوعى
الرجل بشر :اخيرا بقيتى تحت ايدى لما نشوف يا قاسم بيه
ايه رد فعلك ثم يأمر السائق بوضعها في التاكسى ويذهب
فورا للمكان المتفق عليه
ثم يخلع الرجل وجهه المزيف لنرى هويته الحقيقيه جمال السويسى
جمال:ياخساره شكلك حلو اوى وكمان باين عليكى قربتى تولدى
يصل السائق لأحد الاماكن المهجوره ليحملها جمال ويدخل
بها إلى الداخل ويربط قدميها جيدا لانه يعلم أنها مصارعه
وليس كابقيه النساء ويربط يديها ويكمم فمها ثم يتصل بأحد اتباعه لياتى له
تاتى ممرضه إليه وهيا تمضغ لبانه وتتحدث بشر
جمال :العمليه اهى قدامك خلصى قوام قوام علشان إكمل
بقيه انتقامى بسرعه يانعمه
نعمه تنظر لعاصى :يااالهوى البنت موزه اخر حاجه طيب
بقولك ايه ايه رايك بعد مولدها بلاش تموتها واخدها أنا
اشغلها فى الشقق المفروشه اهو نستفيد منها
جمال بنفى:لا ممكن يعرف يرجعها أما لما تموت مش هيعرف
يرجعها واخلصى شوفى شغلك
نعمه:ماشى براحتك طيرت السبوبه البت لوز مقشر
مستخصراها فى الموت
جمال بشر:ملقيش فيه احسنلك
نعمه بتافف:ماشى يا خويا براحتك يلا يا بنت يا احسان
تعالى ساعدينى
تنظر احسان لعاصى بشفقه ولاكن ما باليد حيله
نعمه:خاصة ياختى انتى هتصورينى
تذهب نعمه لاجهزه لها ادوات الولاده
نعمه ها جهزتى الابره
احسان بحزن:ايوه
نعمه:هاتى ياختى هاتى معلش هتتعودى وقلبك هيقوى
تعطى نعمه ابره طلق صناعى لعاصى ثم ابره لتجعلها تفيق
بعد ثوانى تبداء عاصى فى الاستيقاظ وتنظر حولها لتجد
نفسها فى مكان مهجور وامرأتين
عاصى بالم :أنا فين وانتوا مين
نعمه بسخريه :انتى فى مكان ما على الخريطه هههههه
عاصى بخوف على ابنتها :انتوا عاوزين ايه منى
نعمه :عاوزين كل خير ياختى
يبداء مفعول الحقنه فى العمل لتصرخ عاصى بالم وتقف نعمه
تنظر إليها بوجه خالى من التعبير وتنظر لها احسان بشفقه
ثم ينزل ماء الطفل
نعمه:وطى يا احسان حلى رجليها خلاص قربت
تفعل احسان بما أمرت به
تصرخ عاصى من الالم ثم تهبط نعمه وتضغط بيديها على
بطن عاصى لتساعدها على الولاده
بعد دقائق تخرج حور وهيا تبكى بقوه كأنها تعلم بوجع امها
وخوفها عليها عاصى بتعب وحاول الا تفقد وعيها
نعمه:خدى يابت ياحسان لفيها عبال مروح اقبض حقى
تذهب نعمه لتبلغ جمال بإتمام الوالده
عاصى بتعب ووجه مليى بالعرق :عاوزه اشوفها ارجوكى باين
عليكى انك كويسه مش زيها
احسان بشفقه :سامحينى معلش غصب عنى ثم تقرب منها
الفتاه لتقبلها وتبكى عاصى بقهر وعجز مهما كانت قويه فالم
بلغ زرواته لا تستطيع التحرك انش واحد
عاصى بشهقه :خدى من رقبتى السلسله ولبسهلها و ارجوكى
وديها عند ابوها هيا ملهاش ذنب دى لسه صغيره ارررجوكى
احميها ولو على الفلوس ابوها هيديكى إلى انتى عوزاه
احسان بدموع وحزن:الفلوس هيا الى اضرتنى اعمل كده
سمحينى معلش ابوس ايدك ومتخفيش بنتك هوديها عند
ابوها وهروح أبلغ البوليس بس ارجوكى سامحينى غصب عنى والله عصب عنى
عاصى:لبسيها السادسه ارجوكى
تاخذ احسان السلسله وتلبسها للفتاه وتخليها حتى لا تراها
نعمه فهيا جشعه لابعد الحدود وقلبها حجر لايلن
تدخل نعمه :ها خلصتى البت لبيس يلا احنا دورنا انتهى لغايه هنا
احسان بقهر على عاصى وتنهض بالفتاه وتذهب مع نعمه وهيا
مقرر عدم بيع الفتاه زى ماتريد نعمه
عاصى ببكاء وصراخ :حووووور بنتى حرررام عليكم بنتى
حوووور قااااااااسم ثم تفقد الوعى
تذهب نعمه وإحسان تحمل الطفله وهيا تلوم نفسها على
مافعلته بتلك العاصى وأخذ ابنتها منها وتشعر بالندم الشديد
يالت الزمن يتعود للوراء ولاكن لا ينفع الندم
تقف السياره أمام اشاره المرور بتفكر احسان بالهرب بالطفلة
تفتح احسان الباب بسرعه وتهرب بالطفله وتصرخ بها نعمات وتطلبها بالعوده
نعمه بصراخ:احسااااان يا احساااان انتى يا بنت تعالى راحه
فين تجرى خلفها وتمسكها من يدها وتصرخ بها
نعمه:انتى اجننتى راحه فين
احسان :همشى واوعى احسنلك من وشى
نعمه بردح : هانى البنت ياختى وغورى زى مانتى عاوزه
احسان تصرخ بقوه :الحقونى ياااااناس الحقونى عاوزه
تخطف بنتى يا نااااس ياااااالههههوى
يتجمع الناس عليهما ويقموا بمسك نعمه
أحد النساء مستفهمه: مالك يابنتى فيكى ايه
احسان ببكاء:عاوزه تخطف بنتى منى الحقونى ونبى
نعمه :والله ابدا دى كدابه البنت بنتى انا
احسان :لا ابدا حتى شوفوا شنطتها فيها سكينه كانت
بتهددنى بيها ولما صرخت شالتها
تخطف أحد النساء شنطه نعمه وتفتحها وتسكبها لتجد بها
محفظه النقود وبعد ادوات الولاده مثل السكين والنقص
ويجده بهم دم ليمسكوها
أحد الرجال: ايه ده شكلك قتاله قتله هاتفها يابنى نروح بيها
القسم تحمد احسان ربها وتذهب ولاكن تحتار اين تضع
الطفله فى الميتم ام امام جامع فهيا غير قادره على حمل مسؤوليتها
لتقرر وضعها أمام مسجد ويرعاها الله
عند قاسم يشعر بألم في قلبه لايعلم سبب فيذهب ليطمان على
عاصى فهى لم تأتى منذ خروجها فيخرج ليبحث عنها ولاكن
لم يجد لها اثر ويشعر بالقلق ويامر حراسه بالبحث عنها يقف
فى وسط المستشفى يتاكله الخوف ثم ياتى إليه أحد
الحرس ويخبره بذهابها مع رجل عجوز فى تاكسى
قاسم بغضب:أنا بتقول ايه يعنى ايه اختطفت مين الى يقدر
يخطفها ثم يمسك الحارس من عنقه وانتوا كنتوا فين ها أنا
جايبكم ليه فهمونى
جاسم بزعر:اهدء يا قاسم مش كده احنا فى مستشفى اهدء
وفكر براحه مين ليه عداوه معاك مين بيكرهك بالشكل ده
يتركه قاسم ويأخذ نفسه ويغلق عينيه استعيد رشده
جاسم :دى مستشفى كبيره اكيد فيها كاميرات مراقبه تعالى نشوفهم
قاسم :ايوه صح
يذهب قاسم وجاسم لغرفه المراقبه
قاسم :بس شغل من اول هنا
تظهر عاصى وهيا تشرب ثم تنصدم فى رجل عجوز وتمسك
يده وتخرج به إلى الخارج ثم تجعله يركب التاكسى ثم
يخدرها لتسقط مغشيا عليها ثم يخرج السائق ويحمل
عاصى ويدخلها فى التاكسى ويذهب
قاسم :وقف لا ارجع شويه كمان
يقوم العمل بإرجاع اللقطات للوراء
قاسم :بس كده
جاسم :فيه ايه انا مش شايف حاجه ده باين قفاه
يشير قاسم على الشاشه :كبيرها وشه باين فى المرايا الاماميه يقوم العامل بالتكبير
قاسم :ده جمال السويسى بس ازى
جاسم :انت تعرفه
قاسم بصدمه:عز المعرفه يخرج قاسم ويتصل بشخص ما
قاسم بغضب:معاك ساعه وتعرفلى خط سير جمال السويسى فين فاااهمنى
الرجل :حاضر يافندم
قاسم بشر:شكلى غلط لما مقتلتقش بس ملحوقه ثم يذهب
ليركب سيارته ويلحقه جاسم
قاسم :عاوز المستشفى كلها تتملى حراسه مش عاوز حد
يدخل اويطلع غير لما تكشفو على بطاقته وخلى بالكم من
ياسمين هانم وحياه هانم وشمس ثم يركب سيارته ويركب
بجوار جاسم ويسوق بسرعه عاليه
يرن هاتفه ليجيب:ها
الرجل :احنا جبنا الراجل إلى كان سائق التاكسى وهو اعترف
أنه وداهم عند مخزن قديم فى منطقه .......
قاسم :تمام
جاسم :ها ايه الاخبار
قاسم :عرفنا طريقهم ثم يهتف بأمل بس يارب مكنش اتاخرت
جاسم :أن شاء الله بخير بس ثق بالله انت
قاسم:ونعمه بالله
يصل قاسم وينزل من السياره ويخرج مسدسه من ظهره
ويمسكه بيده ويذهب للداخل برفقه جاسم
ليجد جمال ممسك بعاصى وهيا تنزف أثر الوالده
جمال :اخير يا قاسم باشا والله ليك وحشه
قاسم بخلع من منظر عاصى ويتجه إليها
جمال بصراخ:ارجع مكانك لو خايف عليها
يرجع قاسم بخوف وبنبره يشبوها البكاء :عاصى رد عليه أنا هنا أنا قاسم
عاصى بضعف ولاكن لاتستطيع الكلام فهيا مجهده لآخر الحدود
جمال بفرحه:ايه ده قاسم الاسيوطى بيعيط لا مش مصدق
بجد اخير فيه حاجه وجعتك ثم يصرخ بصوت عالى
اخييييير حسيت بيه اخييير ياه على فرحتى دلوقتى
قاسم بصراخ:انت اجنون والله مقتلت حد رغم أنها تستاهل
دى واحده رخيصه ملهاش قيمه خربت صدقتنا وخلتك
عدوى وانت مشيت وراها وصدقتها
جمال :بسسسسس دى اشرف منك بس انت الغيره عمت
عينك ازى تسيبك يابن الأكابر وتجينى وستكترتها عليه
وطلب منك بالادب تبعد عننا بس انت رفضت
قاسم :ليه انا الى قولتلها روحى بيت واحد غريب ويعتدى
عليها وتموت ولا قولتلها تمشى شمال ولا قولتلها تشرب
مخدرات انت حبها عمى قلبك قبل عنيك بس مع ذالك
لوةعاوز انتقم منى أنا اهو قدامك موتى بس سيبها هيا
ملهاش ذنب فى حاجه
جمال بغضب يرمى عاصى باتجاه قاسم
يمسكها قاسم قبل أن تسقط ويحاول أن يجعلها تتحدث ليطمنن عليها
قاسم ببكاء:عاصى حبيبتى فوقى كلمينى تفتح عاصى
عينيها بضعف
عاصى بتعب :ح حوور
قاسم :ايه عاوزه ايه
عاصى تبلع ريقها :حوور بنتنا
قاسم ينظر لبطنها ليجده فارغ اين ابنته اين هيا كيف ومتى
قاسم ينظر لجمال:بنتى فين ياجمال
جمال بضحكه :قولى ياجمى زى زمان ايه رايك
قاسم بعصبيه :جداااااا بنتى فين
جمال يبتسم بسعاده:بنتك رميتها للكلاب تنهض فى لحمها بس كلاب بشريه
قاسم بخوف :يعنى ايه
جمال:يعنى أنا قولت حرام تموت دى لسه صغيره فقررت أن
اوديها بيت تتربى فيه وتتعلم حرفه توكلنا الشهد عارف ايه هيا
قاسم يسحب مسدسه من اسفل ملابسه بدون ما يلاحظ
جمال :وديتها بيت د ا ع ا ر ه داعاره ايه رايك حرفه ليها
مستقبل وهيا بصراحه زى امها شعرها اصفر وعنيها يخرابى
فيروزى وبيضاء زى اللبن يعنى هتجيب فلوس بالهبل ايه رايك بقى
قاسم يقوم بإطلاق النار عليه وهو يصرخ بوجع ثم ينحنى
إليه ويمسكه ويقوم بضربه بقسوه
يتجه إليه جاسم ويحاول منعه
جاسم :أهدى يا قاسم أهدى ده مات
قاسم بانهيار:أهدى ازى انت مسمعتش قال ايه ده مش بس
حرمنى منها لا ده كمان ضيعها خااالص اااااااه
جاسم بشفقه:أهدى علشان خاطر عاصى شوف حالتها عامله
ازززى
قاسم يتجه إليها ويحملها وهو يبكى مثل الطفل الصغير
يركب جاسم مكان السائق ويركب قاسم بالخلف وهو يحمل
عاصى المليئه بالدماء
قاسم بانهيار:عاصى عاصى قومى متقفليش عنيكى فتحيهم وبصى عليه عاااصى
عاصى تفتح عينيها :قا سم أنا لبست حور السلسله زى
ماتفقنا وكمان فيه فى كتفها اليمين وحمه على شكل قلب
دور عليها وهاتها وربيها كويس كح كح كككح ثم تغلق عينيها
ويتراخى جسدها ليصرخ قاسم بفزع
قاسم:عاصى عاااصى. عاااااااااصى
رواية حارستي الجزء الثاني
الفصل الخامس والسادس
بقلم شوشا عبداللاه
صراخ قاسم وهو يحتضن عاصى
قاسم بهستيريا:عاصى قومى ياعاصى ارجووووووكى
جاسم بحزن: شوف نبضها أن شاء الله بخير
يضع قاسم يده على عنقها ليجد بها نبض ولاكن ضعيف
قاسم :زيد السرعه نبضها ضعيف بسرعه ياجاسم بسرعه
يزيد جاسم من سرعه السياره ثم يصل لأقرب مستشفى
يهبط قاسم وهو يحمل عاصى ويتجه للداخل ويصرخ على
أحد ليغيثه لياتى أحد الأطباء ويضعوها على السرير الطبى
ويدخلها بها العمليات سريعا
يقف قاسم وهو لا يستوعب ماحدث فى الصباح كان تضحك
وتمزح والان لا تستطيع أن تتحدث
جاسم :أن شاء الله خير ثق بالله
قاسم :__________
جاسم :أنا هتصل على الجماعه وطمنهم أننا لقيناها اكيد
قلقانين
قاسم :_________
يتصل جاسم بامه حياه ويخبرها بما حدث و من ولاده عاصى
واختطاف ابنتها إلى دخولها المستشفى
حياه بحزن:ياعينى عليكى يابنتى اختبار صعب على اى ام
ياسمين بقلق:بنتى مالها هيا كويسه صح اتكلمى بالحياه
طمنينى حرام عليكى قلبى هيقف
حياه بحزن عميق:عاصى بخير أن شاء الله بس
ياسمين :الحمد لله بس ايه قولى كملى
حياه :هيا ولدت
ياسمين بسعاده :حفيتى جات الحمد لله
حياه تنظر لها بدموع وتبكى بقوه
ياسمين بقلق:فيه ايه مالك بتعيطى ليه حفيتى فيها حاجه
حياه ببكاء:جاسم قالى أنهم خطفوها وميعرفوش طريقها فين
وعاصى فى العمليات
ياسمين بصدمه تسقط على الكرسى :لله الامر من قبل ومن
بعد ربنا يصبرك يابنتى ويرجعهالك سالمه يااارب
حياه :ربنا أن شاء الله هيعوضها خير أن شاء الله
ياسمين: أن شاء الله متقوليش حاجه لشمس هيا لسه والده
علشان متزعلش واللبن يمشى ثم تنهض
حياه :راحه فين
ياسمين:هروح اصلى ركعتين لله علشان يحمى بنتى ويصبرها
حياه:خدينى معاكى نصليها سوا
يذهبوا سويا وتبقى شمس نائمه بجوار طفلها
عند قاسم يقف بتااكله القلق والخوف ويدعوا الله ليحميها
يخرج الدكتور ليذهب إليه قاسم ويسال بخوف
قاسم :مراتى عامله ايه
الدكتور بحزن :هيا نزفت كتير وكمان ولدت بطريقه قاسيه
سبب انتهاكات فى الرحم بسببها مش عارفين نوقف النزيف واحنا قررنا
قاسم :قررتوا ايه
الدكتور:أننا نشيل الرحم بس محتاجين امضتك
يرجع قاسم للوراء بصدمه ويغلق عينيه بالم فهذا فوق طاقته بالله الرحمه
جاسم يمسكه من ظهره :طيب مفيش حل تانى حتى لو سفرنها بره
الدكتور بعلميه: وبره ليه فيه ايه زياده عن هنا هنا كل حاجه
موجوده وده الحل الوحيد ومحتاجين الامضه بسرعه علشان
نقدر نلحقها مش هنقدر نستنى اكتر من كده لان حالتها
مازالت مستقره بعد كده هتدخل فى مرحله الخطر
قاسم بوجه خالى من اى تعبير كأنه انسان إلى :هات الورق امضيه
يعطيه الدكتور الورق ليقوم بامضائه
قاسم برجاء:بتمنا نها تكون بخير
الدكتور:ان شاء الله رب العالمين
يدخل الدكتور لإكمال العمليه
ليجلس قاسم على الأرض ويردد :الحمد لله على قضائه يارب
قومها بالسلامه يارب احميها
يجلس بجواره جاسم يواسيه:هتقوم بالسلامه وهتعدوا
المرحله دى وتبقوا تمام وعسى أن تكرهوا شياء وهو خيرا
لكم وعسى أن تحبوا شيا وهو شرا لكم مش يمكن كانت
تكون بنت عاصيه أو مش كويسه ساعتها كنت هتتمنى انها
ماكنتش جات وابنى هو ابنك وابن عاصى شد حيلك كده
علشان تقدر تخرج عاصى من محنتها
قاسم: أنا هقوم اصلى ركعتين فى الاوضه دى
ينتهى قاسم من صلاته ثم يرفع يديه ويدعو وهو يبكى
قاسم يبكى بمراره : يااارب صبرنى على مصيبتى وخذ بيدى
واشفى مراتى وصبرها وصبرنى يااارب اعلم انى ليس كما
تريدنى ولاكن انت تعلم انى تجاهد لأكون مثل ماتريدنى
يااارب عينى وعينها والهمنا الصبر على مصيبتنا ثم يبكى
ويبكى ثم يمسح دموعها ويخرج ليجد الطبيب خارج وعاصى
ورائه تنام على السرير الطبى بينقلوها على غرفه عاديه
قاسم :أخبرها يا دكتور ايه
الدكتور:الحمد لله بخير بس بلاش تقولولها انها شالت الرحم
دلوقتى خلوها شويه كمان أما تسترد صحتها
يذهب قاسم خلف عاصى ويجلس على أحد الكرسى وبقربه
منها ويمسك يدها ويقبلها بحنان وحزن
قاسم :مش قادر اتوقع رد فعلك هيكون ايه انا الراجل مش
مستحمل ربنا يعلم إلى جوايا عامل ازى
عند حياه وياسمين وشمس تستيقظ شمس من نومها
شمس :ماما
حياه بلهفه:نعم ياحبيبتى عاوزه ايه
شمس :عاوزه تشرب عطشأنه قوووى
حياه تجلب لها كاس مياه وتجعلها تشرب برفق
شمس:تسلم ايدك هيا عاصى فين وكمان قاسم وجاسم مالهم مش ظاهرين ليه
حياه لتحاول أن تبدوا نبرتها طبيعيه: ااا مش عارفه بصراحه
بس جاسم كامنة وقالى أنه حاله شغل طارى هو وقاسم
وعاصى يمكن الله واعلم تكون روحت متنسيش أنها حامل
وقربت تولد
شمس بتفهم:ااه ربنا يقومها بالسلامه يااارب علشان تشوف
عروستك ياليل باشا يبكى الصغير
حياه:رضعيه اكيد جعان
شمس:ترضعه ازى مفيش لبن
حياه :فيه سرسوب الخير كله حاول تخليه يشرب علشان يستفيد منه
تحاول سمش أن ترضعه بمساعده حياه يفشلوا بالاول ولاكن ينجاحون بالاخير
حياه :اهو مسك الحمد لله خليه يشبع
شمس بالم :صدرى واجعنى اووى
حياه :معلش ده فى الاول بس وبعدين هايمشى وعلشان لسه بكريه
تستيقظ ياسمين من نومتها الذى تسبب به المنوم لأنها كانت
تشعر بصداع شديد فكتب لها أحد الدكاتره برشام صداع به نسبه من المنوم
ياسمين :عامله ايه يا بنتى دلوقتى
شمس:الحمد لله بخير عبال عاصى يارب
ياسمين بحزن :يااارب
عند قاسم يظل مستيقظ بجوار عاصى خوفا أن تستيقظ
وهو نائم ليحل الصباح وهو مازال مستيقظ
تتمل عاصى فى نومتها بالم واحد على وجهها وتفتح عينيها
لتجد قاسم بجوارها يبدوا على وجهه التعب والارهاق
عاصى بهمس فهيا مازالت مجهده:قاسم
قاسم بلهفه :عيون قاسم قلب قاسم ياعمرى انتى عامله ايه
عاصى بالم فى أسفل بطنها:كويس بس فيه ألم فى بطنى من تحت فظيع
قاسم بحزن وعيون عملائها الدموع ولاكن يحاول اظهار
القوه :معلش شويه وهتتحسنى أن شاء الله
عاصى :بنتا ياقاسم حور فين أنا لبستها السلسله زى
متطلبلت ثم تبكى بقوه بس معرفتش أنقذها سامحنى حاول
ولاكن جسمى خانى رفض أنه يتحرك
ينهض قاسم ويحتضنها بقوه :بس الى حصل حصل انتى
ملقيش اى ذنب الذنب ذنب علشان مقتلتوش قبل كده بس
كنت باقى عليه وعلى صدقتنا بس طلعت غلطان ساااامحينى
عاصى تبكى بقهر:,طيب بنتى حصلها ايه انا قولت اللى اسمها
احسان انها تهريبها من نعمه بس طاقتى خلصت قبل نقولها مين ابوها
قاسم :مش مهم انتى عندى بالدنيا كلها انتى حياتى وعمرى
إلى راح والى جاى انتى الهواء إلى بيخلينى اعيش فلو
بتحببنى صحيح ارجع زى زمان عاصى القويه عاصى حبيبتى ونور عينى
عاصى ببكاء حاد :صعبانه عليه بنتى قوووى كان نفسى
أحدها فى حضنى زى اى ام بس خدوها منى حرمونى منها ياقااسم
قاسم :اشششش خلاص كفايه كده ارضى بالى كتبه ربنا
علشان يرضى علينا واحمديه
عاصى ببكاء :الحمد لله دور عليها ياقاسم هيا عندها وحمه
فى دراعها اليمين على شكل قلب وعينيها فيروزى وشعرها
احمر ده إلى قدرت المحه منها قبل ميغمى عليه
قاسم :أن شاء الله
الفصل السادس
يبداء البارت على وضع احسان للطفله حور بجوار الجامع
وتنحنى لقبلها وتعتزر لها
احسان بشفقه:معلش سامحينى أنا معرفش حتى مين ابوكى
علشان اوديكى ليه ومقدرش على مصاريفك ثم تذهب
مسرعه لقد حل الليل واسدل ستائره لتبكى الطفله إلى أن
تصرخ بقوه ليسمعها أحد الأشخاص
يجلس رجل هو وا زوجته فى الجامع منتظرا إلى أن تنتهى
زوجته من الصلاه ليعودى إلى بيتهم
الزوجه ببكاء:يارب ارزقنى الذريه الصالحه يااارب بقالى سبع
سنين متجوزه ونفسى فى عيل ياارب ارزقنى يا رازق ثم
تنهض وتذهب للخارج هى وزوجها
الرجل بحزن :كنتى بتعيطى يا روح برضوا
روح :أنا بعيط لربنا يا فوزى هو الى يقدر يرزقنا العيل إلى نفسنا فيه
فوزى:كله بأمره يا روح
تسمع روح صوت طفل صغير يبكى
روح بدهشه:انت سمعت عيل بيعيط
فوزى بنفى:لا عيل ايه إلى هيعيط الساعه تسعه بالليل
تسمع روح البكاء مره اخرى
روح بإصرار:طيب والله فيه عيل بيعيط
فوزى:شكلك اجننتى يا وليه امشى بقى
روح :هشسشش تمشى روح على مصدر الصوت لوحده قريب
من الجامع الناحيه الخلفيه لتذهب ويذهب ورائها فوزى
فوزى:ياوليه رايحه فين خدى هنا
تذهب روح إلى أن تجد حور وهيا تبكى بقوه إلى أن انقطع
صوتها من كتر البكاء لتنحنى إليها وتحملها
روح:بسم الله عليكى ياضنايا منهم لله إلى رموكى هنا
فوزى بصدمه:ايه ده دى لسه مولوده
روح ببكاء باين كد يعنى عليكى يابنتى
فوزى:ايش عرفك أنها بنت يمكن ولد
روح :ملامحها بنت استنا اتاكد اه بنت قلبى كان حاسس
فوزى:يا ترى بنت مين ومين إلى رماها هنا اكيد بنت حرااام
روح بصدمه:متقولش كده حرام عليك هيا ملهاش اى ذنب
ويمكن تكون مخطوفه مش زى مانت قولت
فوزى:طيب احنا هنعمل ايه هنوديها الملاجى ولا نعمل ايه
روح بصدمه :لالا حرام عليك ليه نوديها الملاجى دى صغيره وعاوزه اهتمام احنا اولا بيها
فوزى:قصدك ايه باحنا اولا بيها
روح بقوه:قصدى أننا نربيها ونخليها بنتنا
فوزى باعتراض :لا لا
روح بإصرار :علشان خاطرى يافوزى
فوزى:طيب والناس هنقلهم ايه بقالنا سبع سنين مخلفناش والبنت دى جاى فى يوم
روح :نسيب الحته ونمشى نروح اى حته تانى غير هنا
فوزى:نروح فين ياوليه
روح :ارض الله واسعه بس أن وافق
ينظر فوزى لروح ثم للفتاه ليجدها كم هيا جميله
فوزى :امرى لله يلا بينا
روح بسعاده تحتضن الفتاه :هنسميها ايه
فوزى:اى حاجه مش هتفرق
روح بحزن:من اولها مش طايقها أما بعدين هتعمل ايه
فوزى:لا ابدا مش كده
روح :بكره تتعود عليها وتحبها اكتر منى
فوزى بحنيه :عمرى محب حد اكتر منك انتى روحى ياروح
تبتسم روح فهيا تعلم زوجها جيدا فهو طيب جداا
روح :بس كده دى لابسه سلسله باسم حور معنى كده أنها
مش بنت حراام
فوزى :يعنى مخطوفه يعنى ليها أهل وقلبهم محروق عليها وبدوروا عليها
روح :ويمكن يكونوا هما إلى رموها لانهم مش قادرين على
مصاريفها يمكن عندهم عيال كتير
فوزى :طيب احنا هنستنا ثلاث ايام لو مفيش حد سال عليها
نعتبرها اشاره من ربنا ونربيها قولتى ايه
روح بحزن:أن شاء الله احنا إلى هنربيها أنا حبيتها قووى
فوزى :إلى فيه الخير يقدمه ربنا
فى المستشفى تتحسن حاله عاصى ولاكن مازالت تشعر بألم
فى أسفل بطنها وياتى الدكتوره ويتابع حالتها
الدكتوره ؛الحمد الله بقيتى زى الفل
عاصى بلاه مبلاه: الحمد لله
قاسم :يعنى تنفع تروح البيت
الدكتوره :لا نخليها كام يوم وبعد كده تروح
عاصى باعتراض:لا أنا عاوزه اروح دى حتى ولاده طبيعيه
الدكتوره بستغراب:ولاده طبيعيه ايه انتى
قاسم بسرعه:اتفضلى انتى يادكتوره لو سمحتى
تذهب الدكتوره وهيا تشعر بالاستغراب
عاصى:فيه ايه مشيها ليه قبل منخلص كلامها
قاسم يبتسم بخوف:عاوز انفرد بيكى وحشتينى
عاصى :أنا اسفه إلى احنا فيه ده بسببى لو مكنتش مشيت معاه مكنش ده حصل
قاسم يحتضنها:هشششش بلاش كلام خليكى فى حضنى كده
عاصى:طيب انت عملت ايه فى بنتنا لقيت اى حاجه
قاسم بجمود:لا ملقتش اى ثر ليها
عاصى بخوف:يعنى ممكن يكونوا قتل وها
قاسم :ربنا يعلم
عاصى:دور عليها كويس ياقاسم دى بنتنا
قاسم :أن شاء الله
عاصى:هو انا ليه حاسه انك ما خلى حاجه عليه وحاجه مهمه كمان
قاسم :مفيش حاجه صدقينى واسكتى بقى صدعتينى نام فى حضنى
تنام عاصى وهيا تدعوا الله أن يحفظ ابنتها من اى شر واذى
ويرجعها إليها مره اخرى
بعد مرور ثلاث ايام تعود عاصى للبيت ومازلت تدعوا الله
ليحقك لها أمنيتها وهى عوده ابنتها
ياسمين :حمد الله على سلامتك يا قلبي
عاصى بوجه شاحب: الله يسلمك يا ماما
شمس بحزن على ماصاب اختها:حمد الله على سلامتك يا عاصى
عاصى: الله يسلمك ياشمس امال ليل فين
شمس مع ماما حياه فوق نائم
عاصى بحنين :هو انا ممكن تشوفه
شمس :طبعا وتبوسبه وتشيليه وتحميها مهو ابنك يا عاصى ولا ايه
عاصى بفرحه :ربنا يخليكى
تصعد عاصى وقاسم وشمس لأعلى وتتجه إلى غرفه الصبى
لتجده نائم لتبكى بقوه ثم تخرج من الغرفه
قاسم بعتاب:قولتلك مش هتقدرى بس عاندتى
تشهق عاصى بقوه :شبه ح و و ر
يمسكها قاسم من كتفها ويقربها منه :وحدة الله ويلا تعالى ارتاحى
تذهب عاصى معه ليجلسها على السرير ويخلع لها الحذاء
ويعدل لها المخدات
قاسم :خليكى لغايه ماعمل ليكى اكل
عاصى باعتراض:لا مليش نفس
قاسم بهزار ليخرجها من تلك الحاله :بقولك أنا إلى هعمل
يعنى مش هدوقى زييه فى طعامته وحلاوته استنينى انتى هنا بس فريره وجاى
عاصى تبتسم نصف ابتسامه
قاسم باشتياق:اخير حنيتى وخليتى شمسى تطلع بقالى كتير
عايش فى الظلمه ثم ينحنى ليقبل رأسها ربنا ما يحرمنا منك
عاصى:ولا منك يا قاسم
قاسم بسعاده :ثوانى واكون جاهز
ينزل قاسم لاسفل ليعد لها الطعام ويدعوا الله أن يجعلتها
تخطى هذه المحنه ويصعد لها مره اخرى ليجد معها شمس
وتحمل عاصى الصغير ليل وامها وأم جاسم
قاسم :يلا يا بطله الاكل وصل
عاصى بدون أن تنظر له :بص ياقاسم ملامحه حلوه قووى
قاسم:يلا يا حبيبتى افتحى بوئك
عاصى :مليش نفس والله
قاسم بحزن:علشان خاطرى انتى خسيتى قوووى من قله الاكل
تفتح عاصى بؤقها وتاكل من أجله فقط
عاصى:خلاص كده كفايه
قاسم :لا معلقه كمان
عاصى: والله شعبت
قاسم :علشانى
عاصى:اخر معلقه علشانك انت بس
****************
فى التاكسى يجلس فوزى وزوجته روح وهيا تمسك بحور بحرص شديد
فوزى :احنا هنسيب الحاره إلى قضينا عمرنا فيها وجيرانا ومعارفنا
روح :واحنا خدنا منها ايه يعنى وبكر هيبقى لينا جيران
ومعارف وبعدين البيت لقته وسعره على كد الايد دى وشها حلو علينا
فوزى:بصراحه البيت زى الفل احسن من الاولى ومش غالى
يصل التاكسى بهم إلى بيتهم الجديد
روح :عاوزين نسجلها بقى
فوزى:بكرا أن شاء
روح :أنا هعملها رضعه علشان تنام وأقوم تروق البيت وتخليه زى الفل خد شيلها
يحملها فوزى لاول مره وينظر لها فهى جميله وبرائه جداا
تبتسم وهيا نائمه
فوزى يبتسم لها:انتى بجد حور اسم على مسمى
روح :شكلك حبيتها هى اصلا تتحب وتدخل القلب على طول
★*""""""********
فى قصر الاسيوطى تجلس عاصى فى زاويه بعيده فى
غرفتها تبكى بصمت حتى لا يشعر بها قاسم
عاصى ببكاء :ااااه ياقلبى يااارب صبرنى على فرقها ورجعنا ليه يااارب اهى اهى اهى
يستيقظ قاسم من نومه ويبحث عن عاصى ولا يجدها
لينهض بفزع ولاكن يلمحها تجلس فى الزاويه الغرفه وتبكى
وتضع يدها على فمها حتى لايستيقظ ليذهب إليها وياخذها فى حضنه
قاسم :بعدين معاكى يا عاصى أنا متعود عليكى قوويه مش كده
عاصى بانهيار:مش قادره انسى ياقاسم خدوها منى من غير
اى شفقه ولا رحمه حررااااام عليهم
قاسم يشدد من احتضانها بسسسس خلاص ده قدرنا
محدش فينا يقدر يغيره وكل شى ليه سبب وحكمه
عاصى:حكمه اى حكمه فى بعد بنتى عنى
قاسم :استغفر ربنا كده حرام وبكر تعرفى حكمته ايه
عاصى :استغفر الله العظيم يارب سامحنى وتبكى بقوه
قاسم يحملها ويضعها فى الفراش وهو محتضنها وبقراء عليها
ايات من القران ليصرف عنها السؤء
**""""""**********
فى ڤلا جاسم تجلس شمس على السرير وتضع طفلها وهيا شارده
جاسم يجلس بجاورها :مال حبيبتى عامله ايه
شمس بحزن:فى حال عاصى وقاسم والظلم الى اتعرضوله
من واحد مجنون هما عمرهم ما زالوا حد ولا أذى حد ليه يحصلهم كده وتبكى
جاسم بحنيه:يا حبيبتى فيه مثل بيقول مايصيبك الا نصيبك
ده قدرهم مفيش مفر منه وربنا بيدى العبد على كد طاقته
شمس بقهر:عاصى منهاره على فقدان بنتها مابالك هتعمل ايه
لما تعرف انها شالت الرحم يعنى مفيش اى امل أنها تكون ام
هتفضل طول عمرها كده من غير اى اطفال
جاسم :ربنا هو الرازق هو الى بيدى البنت او الولد الو الاتنين
أو عقيم ربنا سبحانه مقسم الأرزاق بيده ملكوت كل شىء
وحرام لما نسأله ليه كده دى مش عبد زينا علشان نطلب
تفسير ده مولنا و خالقنا ربنا ورب كل شىء
شمس :أنا مقصدش كده
جاسم :أنا عارف اطلبى السماح من ربنا
شمس:استغفر الله العظيم يارب سامحنى وتبكى
لقراءة فصول الجزء الاول كامله اضغط هنا