رواية حارستي الجزء الثاني
الفصل الحادي عشر
بقلم شوشا عبداللاه
على ذهب حور إلى الداخل لغسل وجهها من الزيت تدخل
حور وهيا تسب وعلن ذالك الغبى وصديقه المتخلف عقليا
عم عبدو متسائل:مالك يا حور بتكلمى نفسك ليه ايه الى
حصل وبعدين ايه إلى على وشك ده
حور بعصبيه:مفيش الغبى إلى بره وصاحبه أقوله متشغلش
العربيه غير لما اديك اشاره راح شغل العربيه وانا بحل
الزيت كله جه فى وشى بعد اذنك تذهب حور
عم عبدو يخرج ويحاسب
عم عبدو :العربيه تمام يابهوات اهى ومش هتتعطل تانى
ليل بسخريه :ليه دى حتى صلحتها بنت يعنى هنمشى
خطوتين ونلاقيها عطلت من تانى
عم عبدو بثقه:حور دى مش اى بنت دى لديها تتلف فى حرير
وشاطره وبتتعلم الحرفه من نظره عين
ليل بزهق:بسسس انت لسه هتشعر فيها خلاص حسابك كام
عم عبدو:الحساب ٥٠٠جنيه يا بيه
ليل يخرج له المبلغ :اتفضل ونصيحه مشى البنت دى لأن
البنات عمتا مش بيجى من وراهم خير ابدااا
يلا يا حسام ثم يتركها ويذهب
تخرج حور بعد مقاما بغسل وجهها وتبداء فى تصليح
العربيات المركونه فى الورشه بعد ساعتان من العمل تنهض
حور وتغير ثيابها وتأخذ راتبها وتذهب إلى بيتها فى الطريق
ترى رجل تعرفه يبع الفاكهه لتذهب إليه لتشترى منه
حور بابتسامه:ازيك يا عم ابراهيم
عم ابراهيم بابتسامه :الحمد لله بخير يابنتى انتى عامله ايه وازى ابوكى وامك وخواتك
حور:الحمد لله بقولك ايه الموز بكام النهارده والتفاح كمان
عم ابراهيم :الموز باتنين جنيه والتفاح بخمسه جنيه
حور:وماله الموز حلو برضوا ومن ضمن الفاكهه ولا ايه
يضحك عم ابراهيم:هههههههه امااال عاوزه كد ايه
حور :هات تلاته كيلو وهات تفاح اتنين كيلو يلااا ياعن ما حد حوش
تجلب لها عم ابراهيم ما طلبته ثم تدفع له حسابه وتمشى
حور:يلا سلام عليكم
عم ابراهيم:وعليكم السلام
تذهب حور وتقابل بعض الأطفال ينظرون الفاكهه كنها كنز
لتخرج لهم وتعطيهم ليفرح الاطفال بشده فهيا مشهوره بطيبه قلبها وكرمها
أحد السيدات الحاره تبيع الجرجير والطماطم أمره تعيش تحت خط الصفر
حور :ازيك يا ام على واخبار الواد على عامل ايه واخبار الجرجير ايه
ام على :الحمد لله بخير وعلى بيسلم عليكى حور طيب خدى
اديه التفاحتين دول والكام صوباع موز قليله خالتك. حور بعتاهملك
ام على بفرحه:من يد منعدمهاش وربنا يخليكى لينا يارب
حور :طيب ناولينى حزمتين جرجير
ام على :اتفضلى جرجير زى الورد اهو يستاهل بؤك بالهنا والشفا
حور :الله يهنيكى سلام
تذهب حور وتصل أخيرا إلى بيتها وتطرق الباب تفتح لها اختها بطه
بطه:اخيرا جيتى احنا مستنيينك علشان ناكل
حور بابتسامه وتقرصها من خدودها الممتلاه بشده رغم أنها
ليس تخينه إلى أنها تمتلك وجه ممتلا طويله وتمتلك بشره
سمراء فائقه الجمال فقد كذب من قال إن السمار نصف
الجمال بل إنه الجمال كله شعرها مجعد بعض الشى ليس
بالطويل ولا القصير لونه اسود لديها حواجب جميله
بطبيعتها
وانفها منتصب وصغير وعيونها بنيه بلون القهوه الشهيه مثل
اغلابيه المصريين تمتلك الملامح المصريه التى تجذب الإنتباه
بطه بالم :ااااه ميت مره اقولكم ملقومش دعوه بخدودى ولا انتوا غيرانين
تضحك حور بقوه على اختها
تاتى روح :حمد الله على سلامتك يلا تعالى غيرى ويلا ناكل
حور :خدى يابطه الموز والتفاح
تنظر بطه فى الأكياس لتجدهم قليلين
بطه بسخريه :هو انتى جايبه لنفر واحد والا ايه
حور:ماهو كتير بس كلى انتى وملقيش دعوه بالباقى ثم
تقرص حدودها وتجرى وهى تضحك
بطه بصراخ :عاجبك كده يا ماما
روح تضحك :معلش اختك الكبيره
بطه : ياريتنى كنت أنا البكريه كنت هريتها قرص
روح :طيب يلا ياختى بلا وكسه كنتى سديتى نفسى عن الخلفه
بطه :ليه أن شاء الله دانا عسلللل وسكر محلى ومحطوطه عليه كريمه
روح برفع شفه :يا شيخه ده من انهو ناحيه بالظبط
بطه :من كل النواحى يااالهوى عليه قمر لاقمر ايه دانا بدر
روح تقوم بضربها بالشبشب ككل الأمهات المصريه لياتى فى قفاها لتصرخ بالم
بطه بصراخ :ليه كده يا ماما ااااه مانتوا غيرانين منى معلش
من حرقتكم منى بس ولا يهمنى وتذهب مسرعه من وجه امها
فوزى يضحك على فتاته الصغيره :مالك بالبت يا روح اعقلى وبطلى خناق
روح :أنا اعقل قول ابن الهبله دى محسسانى انها ملكه جمال
وهيا معفنه بتستحمى كل شهر مره
يقترب منها فوزى ويهمس :هدى اعصابك يا حبيبتى مش
كده يخراب كل الناس تزعل توحش وانتى تزعلى تحلوى
روح :يعنى ازعل على طول
فوزى:لا مانتى بتحلوى اكتر بكتير فى الفرح بقولك متسببى
العيال مع نفسهم وتيجى نريح أنا وانتى
مازن من الخلف :هيا مش عاوزه تنام يا حج روح نام انت لو
عايز هيا قاعده معانا
فوزى بخضه :بسم الله الرحمن الرحيم انت طلعت منين الله يخرب بيتك
يضحك مازن :طلعت من المطبخ يعنى هكون طلعت منين
فوزى:طيب روح على اوضتك مالك مضبع فى امك ليه كده
مازن بابتسامه سمجه:لا مانا قاعد. معاها مش هتحرك من هنا
فوزى :طيب روح يا ولا العب مع صحابك
مازن :لا أنا مليش صحاب دول عره يلتهم وقولت اقعدلقوا
هنا قاعد على قلبكوا اربعه وعشرين ساعه مش متحرك أنا
فوزى بهمس:عبو شكلك بنادم تنح و بااارد
**"""*****************
يعود ليل إلى بيته ليصعد الى الداخل ليقابل جدته ليجلس
معها ويقبل يدها ويحكى لها ما حدث معه ومع تلك الفتاه
بالجامعه وفتاه الورشه أيضا فهو لا يخبى عليها شيى ابدا
ليل :بجد بنتين مختلفين مش زى البنات إلى اعرفهم تحسهم كده متميزين
حياه :امال ايه يابنى مش قولتلك صوابهم مش زى بعضها
زى ما فيه بنات وحشه فيه بنات كويسه الدنيا كلها فيها
الخير والشر الوحش والكويس دى قاعده الحياه
ليل :طيب اطلع أنا اغير هدوم وانا شويه علشان مرهق شويه
ثم ينحنى ليقبل يده جدته
حياه تملس على رأسه برفق :نوم العوافي
يصعد ليل ويذهب إلى غرفته ويغير ثيابه وينام ليتذكر
فجاءه صوره حور ليبتسم ثم يظهر نفسه وينام
فى قصر الاسيوطى تجلس عاصى برفقه شمس يتحدثون
سويا
عاصى بملامح مازلت تحمل عنفوان الشباب فهيا أصبحت فى
سن التاسع والأربعين من عمرها
عاصى:بس قوليلى اخبار ليل ايه وحشتنى بقاله يومين
مجاش بس لما اشوفه هشدله ودانه
شمس :الواد بيعاند فى أبوه لما يلاقى أبوه موجود يحضن
ويبوس وأبوه بيضايق بس مبيقدرش يعمل حاجه بسب ماما
دائما وقفه فى صف ليل وجاسم محروق منه قوووى هههههه
عاصى بضحكه :هههههه ربنا يخلهولكم مش كنتى زمانك
خاوتيه بحتت واد أو بنت مكنش اتدلع كده كان شال
المسؤوليه يعنى لما رفضتى الخلقه نسيت أنا مثلا انى شايله الرحم
شمس:مكنتش عاوزاكى تزعل
عاصى:ياعبيطه ازعل لما تحملى أنا مش انانيه ده كان
هيبقى ابنى أو بنتى زى ليل تمام مانا وقاسم إلى مربينه
شمس:نعمل ايه فى الاخر كله بإرادته ربنا
عاصى :ربنا قال أسعى ياعبد وانا أسعى معالم ملقيش خدى حبوب منع الحمل
شمس:بس ياختى كفايه كلام فى السيره دى الى حصل
حصل المهم انتى اخبارك ايه واخبار قاسم وقليلة صحيح
الميتم قرب يجهز
عاصى:ااه الحمد لله قاعد شويه حاجات كده وتفتحه ونحاول
على مقد مانقدر نلم عيال الشوارع ونامن ليهم الاكل والشرب
والابس والمسكن
شمس:ربنا يساعدكم ويزيد من حسناتكم قادر يا كريم
عاصى:اللهم اميين هقوم اشوف قاسم جاى ولا لا
شمس :ماشى وبقى سلمى عليه
عاصى :يوصل
تذهب عاصى وتتحدث مع قاسم في التلفون وتستهلك منه بالمجى
شمس:ها قالك ايه
عاصى:وراه شويت شغل هيخلصهم وجاى على طول
شمس:بس تصدقى وشك نور بعد مارحتى المدينه وزرتى النبى
عاصى باشتياق:تصدقى لو قولتلك مشتاقه ليها من تانى ربنا يوعدنا
شمس:مانتى لسه جايه وبعدين انتوا بتروحوا كل سنه
عاصى:مش ناويه تيجى معانا السنادى
شمس:والله عاوز بس كل سنه بتطلع حاجه مكنتش عامله
حسابها بس بأمر الله السنادى . هنروح
عاصى:أن شاء الله دى هتبقى رحله حلوه قووى الله يرحمها
ماما كانت هتفرح قوووى
شمس:مانتى عملتيلها عمره وحج هيا وابوكى ربنا يرحمهم
عاصى :اللهم الأمين
*****"""""""***********
فى بيت حور تجلس تذاكر دروسها بعد ما أدت فريضتها
فريضه العشاء ثم جلست لتراجع مااخذته وتحفظه حتى لا
يتراكم عليها الحفظ فهاذا السبب الأول بعد توفيق الله فى
تفوقها فى الكليه
بطه بانزعاج :يابنتى اطفى النور عاوزه انام
حور:على أساس مش عارفه انام يابت دانتى صوت شخيرك جايب اخر الحاره
بطه :ننننننننى برضوا اطفى النور دى الساعه داخله على
وحده اموت واعرف انتى ازى بتسهرى كده وبتقدرى تصحى
بدرى ده انا بسهر من الساعه الساعه سبعه مساء لغايه الساعه
اتناشر وبعدين بنام حته وارجع اذاكر تانى بوش الفجر وباسل وانا بصحى فى الصبح
حور :أنا مبحبش النوم القطاعى بحب انام مره وحده أنا مش
قد اصحى وانام واصحى بحس أن مخى بيتعب
بطه :اماااال أنا أعمل ايه بس ياريت لو حصلت كليه عدله
فى الاخر بعد المرار ده إلى شيفاه
حور:أن شاء الله هتدخلى كليه قمه زى وزى مازن هندسه وطب
بطه باعتراض :لا لا لا أنا عاوزه حاجه مختلفه عاوز ادخل
كليه سياسه وعلوم اقتصاديه اطلع سفيره أو وزيره
او ادخل هندسه قسم بترول حاجه من إلى بتاكل الشهد ده
حور :هههه وربنا انتى فائقه ورايقه وسبينى بقى اكمل
مذاكره بدال العطله دى
بطه :أقوم أنا اغسل وشى واجى تذاكر شويه وبعدين ارجع أنام تانى
****************
فى الصباح بعد شروق الشمس تستيقظ عاصى وتنهض إلى
الحمام وترجع مره اخرى لتجد قاسم مزال نائم لتقارب منه وتقبله بحب
قاسم :صباح الخير على روح عمرى
عاصى بابتسامه :صباح النور يا قلبى قوم علشان نلحق
الجامع من أوله ونفكر سوا وبعدين نروح عند شمس وجاسم واليل
قاسم :ماشى يا حبى رغم انى مش قادر سهرت كتير ونمت متأخر
عاصى:طيب تحب ناجلها وترتاح
قاسم باعتراض :لا مفيش داعى شويه كده وهفوق
عاصى :ربنا يخليك ليه يا حبيبى يا رب
قاسم :ويخليكى ليه يا حبى الاول والاخير يا احلى واجمل
حارسه فى الدنيا يا حارستى
عاصى بضحكه:انت لسه فاكر
قاسم :امال هى دى حاجه تتنسى ياحارستى فانتى كنتى
ومازلت حارستى ثم يقترب منها ويقبله بكل حب
********************
فى بيت جاسم تنام شمس فى حضن جاسم وتبداء فى
الاستيقاظ ثم تنهض من على السرير وهيا تتثاوب وتتجه إلى
الحمام ثم تعود لتيقظ جاسم من النوم
شمس :حبيبى قوم الساعه ثمانيه
جاسم :شويه كمان يا شمسى وهقوم
شمس:يا حبيبى قوم
جاسم :تعالى نامى ياحبيبتى وشويه كده نقوم مع بعض
شمس باستسلام :ماشى إلى تشوفه ويناموا مره اخرى
فى غرفه حياه تخرج وهيا تسبح فهيا صلت ركعتين الضحى
وتتجه الى غرفه ليل لتوقظه من النوم حتى لا يصبح كسول
مثل أبيه وأمه تدخل حياه الغرفه وتنير الاضواء ثم تجلس
على طرف السرير وتضع يدها على ظهر ليل لتوقظه
حياه :ليل يا ليل اصحى يا حبيبى الساعه ثمانيه ونص
ليل بنوم :لسه بدرى يا تيته
حياه :يابنى قوم صلى ركعتين الضحى وافطر هتلاقى قران
الجامع اشتغل تروح تصلى الظهر
ليل :أن شاء الله بس سبينى انام شويه ونبى
حياه :يابنى قوم أنا مش حمل مناهده أنا كبرت على كده
ينهض ليل بضجر :طيب يا تيته أنا قوم اهو
حياه :ايوه كده يا حبيبى قوم ربنا يهديك
ينهض ليل ويغسل وجهه وينزل لاسفل ويفطر مع جدته
ليل :أنا هروح لخالى ومرات خالى اسلم عليهم وتصلى واجى يلا سلام
حياه :ابقى سلملى عليهم
ليل الله يسلمك يا ايتها
يذهب ليل إلى قصر خاله ويدخل ليجد خاله يجلس مع
زوجته يشربون مشروب الشاى وهو محتضن إياها بكل حب
ليل بابتسامه :ايه العقده الرومنسيه دى جاك وروز يا ناس
طيب وربنا احلى كمان
عاصى بفرحه :اخير قول اروح اشوف مرات خالى
قاسم :امال ابوك فين
ليل :فين يعنى تلاقيه لسه نايم
قاسم :طول عمره كسول
ليل بهزار :اخر كسل وحياتك
يضحك قاسم وعاصى بقوه
قاسم :طيب يلا نروح احنا على الجامع عبال ما ابوك يحصلنا
ليل :يلا ياخالى بعد اذنك يا قلبى ساعه وجاييكى
يذهب قاسم وليل إلى الجامع سيرا على الاقدام حتى
يحصلوا حسناء أكثر
لقراءة فصول الجزء الاول كامله اضغط هنا