رواية حارستي الجزء الثاني
بسم الله الرحمن الرحيم
البارت العشرون من روايه حارستى
يبداء البارت على صراخ ليل وحور أثناء
مشاهدتهم للخبر فى الجرائد ومواقع التواصل الاجتماعي
حور بصدمه :نهار اسود منيل بنيله يافضحتيى ياالهوتى ثم
تذهب سريعا إلى غرفتها لتجد بطه مازلت نائمه لتحمد الله
ثم تأخذ الهاتف وتتصل بهاجر
حور :الو ايه ونيله ايه شفتى المصيبه الى أنا فيها
هاجر بقلق :نيله ايه كفانا الشر
حور :قومى اقرى الجرنال بتاع النهارده وشوفى المصيبه
تنهض هاجر من السرير بقلق وتتجه إلى الصاله تحضر
الجرنال وتدخل غرفتها مره اخرى
هاجر :جبت الجريده اهى فيه ايه
حور :اقرى اول خبر فى الصفحه الاولى
تقراء هاجر الخبر بصدمه وغباء :طيب وانتى مالك بيقولك
خطب دول ناس اغنيه وفاضيين احنا مالنا بيهم
حور بصراخ :انتى هتشلينى ثم تخفض نبرتها كى لا يشعر بها
أحد اقرى الخبر كويس بيقول ارتباط رجل الأعمال جاسم
الخديوى مش ده يبقى ابو ليل
هاجر :ايوه بس لسه مفهمتش برضوا علاقتك ايه بالموضوع
حور :يا اغبى خلق الله بقولك ارتبط بزميله فى الكليه واحنا
مش عاملين تمثيليه أننا مرتبطين فى الكليه يبقى قصدهم مين يا اذكى اخواتك
هاجر بغباء اكبر :مين
حور تبكى :يارب قربت اتشل والله حرام يعنى هيكون مين
أنا البنت إلى يقصدوها فى الخبر يا اخر صبرى
هاجر بصدمه :نهار اسود مخطط بسواد اسود منه طيب انتى هتعملى ايه اكيد مصر كلها قرت الخبر
حور :ده كويس كاتبين بس مش حاطيين اى صور كانت هتبقى فضيحه بجد
هاجر :اه والله وسعتها مش هتعرفى تطلعى من البيت بس ايه العمل
حور :العمل عمل ربنا انا مكنتش مرتاحه اصلا من الاول
بس ليل الزفت هو السبب وزى مدخلنى فيها يطلعنى مليش
فيه بس لما اشوفه ثم تقوم بتقليده قال ايه متقلقيش
محدش هيعرف حااجه اخى مصر كلها عرفت جاته نيله
هاجر :أنا هلبس واستناكى فى الموقف
حور :طيب سلام شويه وهوصل تغلق حور الهاتف ثم تتنفس
بعصبيه وتحاول أن تهدى نفسها
حور تاخذ نفس ثم تخرجه :شاهيق زافير شاهيق زافير
أهدى ياحور أهدى ثم تذهب لترتدى ملابسها وتخرج وتضرب بيها على جبينها
حور :اخخخ نسيت اصحى بطه ترجع مره اخرى وتفتح
الشباك ليدخل الضوء وتشد الحاف وتيقظ بطه
حور : بطه بطه بطه انتى يا بت قومى مدرستك
تنهض بطه بضجر :فيه ايه هيا المدرسه ولعت ماادينى هقوم اهو على ايه الاستعجال ده
حور تلكز ايها فى جنبها :قومى أنا راحه الكليه قومى صحى
بابا وماما ومازن أنا حضرت الفطار وكله جاهز قوومى بقى
تنهض بطه وهيا تستغفر ربها على تلك العيشه
بطه :استغفر الله العظيم يارب على دى عيشه ايه المرارة ده
مفيش غير بطه بطه يارب مش كنت وزه احس يمكن كانوا
حسو بيه وياريتكم بتخرجونى وتفسحونى زى بقيه البنات
دانا نفسى حته اسافر اشوف دنيا يا ظلمه مطلعتش جوزا
حتى حسوا بيى اااه ياقلبى ياقلبى لاتحزن
شايل ومحدش حاسس بيك اهم يارب إلى مش راضيين
يسفرونى ويفسخونى انتقم منهم ياارب
منتقضينى وكابتين على نفسى اهم يارب عليك بهم
تنظر لها حور بدهشه وفم محتوح من أثر الصدمه ثم تضرب
كف على كف:لا حول ولا قوه الا بالله كل المقالات دى علشان
صحيت بدرى قبل معادها بكام دقيقه ثم تذهب الى موقف
الباصات وتلقى صديقتها هاجر
هاجر :اتاخرتى ليه
حور بابتسامه قهر :البت بطه صحيتها علشان تصحى البيت
هبت فيه هبه سوده وكمان محضره الفطار ومجهزه كل حاجه
ومشطبه المطبخ مفيش غير المواعين بتاعت الفطار بس
هاجر :معلش معلش دلوقتى تعقل وتكبر وتشيل مسؤوليه
المهم خلينا فى موضوعك هتعمل ايه
يمتلى الباص ويبداء فى التحرك
حور :العمل عمل ربنا بقى بس لما اشوفه وافهم منه مين الى
نشر الخبر وغرضه ايه وايه موقفه من نشر الخبر وهو
يتصرف مليش فيه وربنا اقول كداب واجبله مصيبه وهو
وحظه بقى
تضحك هاجر بخفه على مزاج صديقتها :أهدى بس وكل
حاجه هتتحل وتبقى فل أن شاء الله
حور بتنهيده :أن شاء الله
يصل بهم الميكروباص إلى وجهتهم تنزل حور وهاجر ويمشيا
سويا إلى أن يصلوا إلى داخل الكليه يراهم ليل ويتوجه إليهم
ليل بجديه :حور عاوزك فى موضوع
حور بنفس الجديه :وانا كمان عاوزه اقولك حاجه
ليل :لا موضوعى أنا مهم
حور :موضوعى أنا اهم
هاجر :بسسس ايه رايك تقولوا انتوا الاتنين فى نفس الوقت
ليل وحور فى نفس الوقت
حور :شفت المصيبه الى انت حطيتنا فيها
ليل :شفتى الكارثه إلى حصلت
حور :كارثه ايه تانى
ليل :ومصيبه ايه إلى حطيتك فيها
حور :تمثيليه ارتباطنا إلى مفيش حد يعرف اهو مصر كلها
عرفت يا فالح قلى دلوقتى هتعمل ايه
ليل :يعنى انتى عارفه طيب كويس مهى دى الكارثه إلى كنت بقولك عليها
حور :ايوه يعنى وايه العمل دلوقتى ممكن اعرف
ليل بحيره :معرفش انا اصلا معرفش مين الى وصل الخبر
للصحافه ومعرفش رد فعل اهلى ايه وكل قوم وبابا قوم تانى
هاجر :طيب تعالو نقعد بدال الوقفه دى وان شاء الله خير
وكل شي هيبقى تمام يذهب كلاهما إلى أحد الطاولات
حور بحزم :بس ياليل أنا ساعتك زى ماقولت بس لغايه
الصحافه والاعلام اسفه مليش فيه
ليل :بصى أنا عارف ان الموضوع كبر شويه بس متخافيش من حاجه أنا معاكى
حور تشيح بيديها :ياشيخ اتلهى وربنا أنا مبخاف من حاجه
غير لما بتقولى متخافيش
ليل :ياشيخه طيب وانا مالى هو انا الى نشرت الخبر
حور :هو ده إلى انت فالح فيه وعاملى نفسك غنى وملييونير
ومسيطرين طيب ممكن تقولى ازى خبر زى ده يتنشر من غير اذنكم
ليل ببعض العصبيه :بقولك ايه هدى كده وستهدى بالله ماااشى
تشعر حور بالعصبيه الشديده من لهجته :ثم تهجم عليه
وتقوم بضربه ويقع ليل بالكرسى من أثر هجاومها المفاجأة
ولاتكتفى بذالك تنزل وتكمل فيه ضرب
حور :انت السبب انتى إلى ورطتنى وكمان بتتعصبب عليه طيب خد طاااخ طووخ طييييخ
ليل يشاور بيده أمام عينيها :حوووووور
تستيقظ حور من شرودها :ها فيه ايه
ليل :هو ايه إلى فيه ايه مالك سرحتى فجاءه فى ايه
هاجر :ياجماعه استهدوا بالله مش كده الناس ابتداء تتفرج علينا اخفضوا صوتكم مش كده
ليل :بصى احنا نستنا خالى لما يجى هو يعرف يتصرف تقطع كلامه حور
حور :وليه نستنا خالك لما يحن ويجى انت بكل بساطه
وصدر منفوخ تطلع تقولهم كده أنا مش مرتبط بالبنط العريض هيحصل ايه يعنى
ليل بسخريه :ولا اى حاجه طيب أنا مش خضر الضرر كله
عليكى هيبقى ايه منظرك لما نكدب الخبر ومظرك ايه لما كنت
بوصلك وتقريب الكليه كلها شافتك وانتى راكبه معاياالعربيه
ومفيش بينا اى حاجه تقدرى تقولى هيفكروا فيكى ازى وايه
الفكره إلى هيخدوها عنك
حور تضغت على شفتيها باسنانها بقوه فهيا لم تفكر بتلك الطريقه
ليل بهدوء :بصى انتى أهدى وكل شى هيتحل ويبقى تمام
وعلى العموم خالى جاى النهارده يعنى الموضوع هيتحل
اخره بكر ثم يكمل بخوف بس طبعا لو كنت عايش بعد رد فعل ابويا
حور : على أساس أن مليش عيله يعنى ومفيش اي ولا اخ
ولا ام ولا اخت بس ارجع واقول انى أنا غلطانه لما وافقت
انى اساعدك الغلط كله غلطى مكنش لازم ابدا اوافق واخالف مبدائى
ليل :مبداء ايه إلى انتى خالفتيه ياظالمه دانا حتى ممسكتش
ايدك ولا عملنا زى اى اتنين بيتخطبوا دى كانت مره وبلغط
وحسيتك عاوزك تقتلينى بس سيطرتى على نفسك فى اخر لحظه قال خالفت مبدائى قال
**************بقلم شوشا عبد اللاه**********
فى الطياره الخاصه لقاسم يجلس على الكرسى ويضع الحزام
الامان وكذالك عاصى ويمسك يدها يرفعها لكى يقبلها
عاصى :الرحله المره دى قصيره شويه
قاسم :معلش هعوضهالك أن شاء الله أنا مطر انزل مصر فى
شغل مهم جداااا لازم امضتى عليه
عاصى :وانا كمان اشوف الجيم عامل ايه بقالنا سبوعين
مسافرين وأشوف الملاجى لو محتاجه حاجه او دار السنين
وبعدين نبقى نرجع براحتنا
قاسم :اخبار يوسف ايه معلش عارف انى مقصر معاه جامد
بس بجد مضغوط جدااا أنا اخت اجازه بالعافيه
عاصى :متخفش أنا مفهماهم انك مشغول ومش قادر
تشوفهم ولما تلاقى وقت هتيجى وتزورهم
قاسم يبتسم لها:ربنا يخليكى ليه
عاصى :ويخليك ليا
تاتى المضيفه على وجهها ابتسامه جميله لتسالهم إذا
يريدون شى ما لتجاره لهم
عاصى :هاتلى لو سمحتى فنجان قهوه بس متحطيش اى سكر
المضيفه :تاومرى يافندم واحضرتك
قاسم :زى المدام
المضيفه :دقائق ويكون جاهز بعد اذنكم تذهب المضيفه
وتاتى لهم بالقهوه فرنسيه الصنع
يأخذ كل منهم فنجانه ويبداء فى شربه
**********بقلم شوشا عبد اللاه**********
يصل قاسم وعاصى للقصر ويرحب بهم الخدم يصعد قاسم
وعاصى لحناحهم يغيروا ثيابهم وتتجه عاصى السرير بتعب
وكذالك قاسم ولاكن يرن هاتفه ويرد عليه
قاسم بابتسامه :اهلا بالاستاذ ليل
ليل بجديه :حمد على سلامتك ياخالى
قاسم بستغراب :فيه ايه ياليل مالك
عاصى بقلق :ماله فيه ايه يشاور لها قاسم بمعنى انتظرى حتى يفهم مابه
ليل :هقولك بس لما نتقابل ومتخليش مرات خالى تحس بحاجه علشان متقلقش
قاسم يبتسم بكذب حتى لاتفاق عاصى :ماشى ياشقى شويه
وابقى تعالى علشان دلوقتى هرتاح لانى تعبان من السفر
ليل :ماشى ياخالى سلام
قاسم:سلام ينهى المكالمه لتنظر له عاصى بستفهام
عاصى :فى ايه ماله ليل
قاسم :مالهوش هو بخير كان بيطمن علينا وبقولك حمد الله على سلامتك
عاصى : الله يسلمه ثم تتمد على السرير وتنام بسرعه بسبب
السفر وتعبه تنام عاصى بعمق لينهض من جوارها براحه
ويمشى إلى خارج الغرفه وينزل ليجد ليل وصل لياخذه بالحضن
ليل :حمد الله على سلامتك يا خالى
قاسم :الله يسلمك مالك بقى فيه ايه أو بمعنى أصح عامل اى
مصيبه المره دى
يضحك ليل :مشكلتك انك عارفنى ياخالى مش محتاج اشرح
يضحك قاسم :هيا بقيت مشكله شكل الموضوع جامد
ليل :اخر حاجه احتمال جوز اختك يطير رقبتى
قاسم :ياه للدرجه ده
ليل بسخريه :امااال هو انا بعمل مصيبه والسلام لازم تكون عليها العين وتودى فى داهيه
قاسم :طيب تعالى نقعد فى المكتب واحكيلى كل حاجه من
طقطق لسلام عليكم
ليل :يلا اتفضل يذهب قاسم وليل للمكتب ويقص له
الموضوع بالكامل من البدايه للنهايه
قاسم بجديه :طيب ممش ممكن تكون البنت دى هى إلى نشر
الخبر علشان تورطك وتتجوزها
ليل :لالا مستحيل دى اصلا مكنتش طيقانى بس انا الى
طلب منها تساعدينى
قاسم :أنا عاوز اشوف البنت دى وبعدين احكم
ليل :وده هيحصل ازى أنا حتى مش معيا رقم تلفونها
قاسم :كمان عنوان بيتها طيب نرحلها
ليل ؛اعرفه بس هنقلهم ايه وخصوصا زى ماقلتلك أهلها
ميعرفوش حاجه خااالص
قاسم :سيب الموضوع عليه
بسم الله الرحمن الرحيم
البارت الواحد والعشرين
يبداء البارت تعود حور لمنزلها وتطرق
الباب تفتح لها بطه بوجه عابث
بطه بضيق:اهلا اهلا بالهانم
حور بخوف :فى ايه مالك
بطه :مال أنا برضوا ولا مالك انتى
حور تحدث نفسها : ينهار اسود يمكن عرفوا بحكايه ارتباطى
المزيف من ليل
حور بتوتر:فيه ايه متتكلمى
بطه :شوف البنت وليها عين تتكلم
حور بعصبية :متنطقى يا زفته مالك عامله مناحه ليه عملت ايه انا لكل ده
بطه :عملتى ايه عملتى انك صحتينى ومشيتى من غير
متصحى حد ليه يعنى تصحينى انا الاول حرااام عليكى
طيب كنتى صحيتى مازن وماما وبابا وبعدين أنا مش
اصحى وافضل اصحى فيهم وأحط الفطور وامك تدبسنى
فى غسيل المواعين وانتى خلعتى
تغمض حور عينيها ثم تحمد ربها :يعنى انتى عامله كل اليله
دى علشان صحطتيهم يفطرو وغسلتى اصحن الفطور الله
يسامحك قطعتيلى الخلف وراسى كانت بتودى وتجيب ياترى
ياهل ترى عملت ايه اوعى من وشى يازفته غورى جاتك نيله
وتتركها وتذهب
بطه بأعين مفتوحه من أثر الصدمه:شوف البت بتتكلم
وعامل ليها خاطر أنا الى مفروض ازعل مش انتى أنا الى
صحيت بدرى ماشى يا حور وربنا وربنا كمان مره مانا صاحبه
لما تيجى تصحينى وابقى ساعدى روحك بقى
روح :فيه ايه مالك صوتك جايب اخر الحاره
بطه :الست هانم بنت بعاتبها على غلطها راحت زعلت
واقمصت وسابتنى ومشت وكمان بتدعى عليه ليه من إلى
مفروض يزعل
روح بشك :ليه من أمته حور بتغلط فى حد دى مودبه اخر
ادب مش يمكن انتى إلى غلطانه
بطه تصتنع البكاء :يالا الهول يالا المهزله كيف لكى أن تشكى
بى فأنا انسانه رقيقه رقيقه حد الورقه وناعمه مثل الزبده لا
ولم ولن اسمح ابد لكى أن تشكى فيه فأنا نقيه مثل الماء
الصافى وا...يقطع كلامها روح
روح :بااااااس ايه كل ده من أمته الثقافه العاليه دى يا بت
فوزى انتى مبتغلطيش فى حد بردو طيب عينى فى عينك
كده طيب بزمتك انى ناعمه كزبده وناقيه مثل الماء طيب
باماره ايه الكلام ده يابنتى انتى معفنه ومفقوعه ودخلى فى
الموضوع بدال مديكى بااشبشبوانتى اكتر وحده عارف
شبشبى عمره مخيب ضربه نشانه ميه ميه فاحكى وخلصى يا اخر صبرى
بطه بخوف :لا شبشبك ايه ده وربنا ما انتى تاعبه نفسك
وتجيبى شبشبك أنا هقولك على الموضوع من طقطق
لسلاموز
روح بقرف :سلاموز قولى قولى
تقص لها بطه الحوار كامل ثم تهتف ها ياستى مين فينا إلى
غلطان والمفروض يزعل من التانى ومن إلى يعتزر ويبوس
دماغ التانى ك ويطيب بخاطره نا ولا هيا
روح تشمر سعديها :امممممم يعنى انتى زعلانه علشان
صحيتى بدرى شويه يااميره من النوم وقالبه الدنيا مناحه
وكمان اختك جايه من الكليه تعبانه وبدال متقوليها ادخلى
استريحى وقفتى تتخانقى معاها ثم تصرخ الله يابت الكلب
طيب والله لربيكى ثم ترفع قدمها وتمسك شبشبها تجرى بطه
ترمى روح الشبشب ليستقر فى وجه بطه لتصرخ من الالم
بطه بصراخ :ااااااااه ااااااه حرررام عليكى واربنا انتى مش
امى انتى اكيد مش امى انتى ام حور ومازن بس أمانا فأكيد
لا المعامله ده معامله مراااتك الاب اكيد انا بكون بنت ضرتك
مش بنتك ابدا قوليلى مين بتكون امى
روح تمسك الفرده الشبشب الأخرى :يعتبر ياحبيبتى وتقولك
من امك ايوه صح أنا بكون مرات ابوكى تعال. اقولك امك
مين وفين تعالى تعالى
بطه بخوف :لالا ونبى خلاص انتى بتصدقينى دانا كدابه
وعبله هفاك عبيطه وهبله وماسكه طبله كمان انتى
بتصدقينى طيب بزمتك دى خلقه وحده تتصدق أو حتى
بتتكلم جد ثم تجرى للداخل
روح تنزل الشبشب وتفرد زاعيها :ناس تخاف متختشيش
بصحيح بنات اخر زمن فورت دمى الله يفور دمها منك لله يا
بعيده على حرقه الدم دى ياارب اصلح حالها أنا مش ناقصه
قهر أدى اخرت العيال طيب ونبى لو وحده عاوزه تخلف
وشافت تصرفاتك لتلغى الفكره تماما من عقلها بلا خلفه بلا
وجع قلب ااااه ياراسى منك لله جيبتلى الصداع يدخل فوزى من الخارج ويراها وهيا تكلم نفسها
فوزى:مالك بس ياروح بتلكمى نفسك ليه
روح :انت جيب ياخويا حمد الله على سلامتك تعالى شوف
بنتك إلى هتشلنى وتموتنى بدرى
فوزى :بطه مالها عملت ايه
روح بغضب:بطه واسم بطه البت ماسكه اختها من اول
مدخلت ونازله فيها تحقيق وزعيق وكله ده ليه علشان صحت
الاميره بدرى عن معادها بدال متقولها روحى ارتاح ياختى
انتى تعبانه جايه من كليه وراحه للشغل إلى ببساعدنا فى
العيشه نازله فيها عتاب ولوم جيت وبسالها فيه ايه تقولى
الى حصل من غير كسوف ياخى اتوكسى على وكستك يا
ماعتعوسه ياخايبه الرجى
فوزى :ياستى أهدى وهدى روحك كده مسيرها تعقل وتشيل
مسؤوليه وتبقى ست بيت بس ارتاح انتى
روح :دى تعقل وتبقى ست بيت دى طيب من غير حلفان
تقطع دراعى من هنا لو دى عقلت وبقيت ست بيت وانسانه يعتمد عليها فى حاجه
تخرج بطه من غرفتها وترفع يدها أمام صدرها :وانا
ميرضنيش انك تقطع دراعك بسب تافه زى ده ازى انا قررت
بكع فوزى لانى افضل هبله وطفله وعمرة مهشيل مسؤوليه
وابقى ست بيت إبداء ويشهد ابى على هذا الكلام وربنا
يعينك على حمل هذه المسؤوليه ويقدرنى عليها وشكر
والسلام عليكم ورحمه الله وبركاته بعد اذنكم
روح بصدمه من تصرفات بنتها ثم تشير لها :هيا دى إلى
هتعقل وهتبقى مسؤوله دى هتشلنى هتموتنى ناقصه عمر
الاخ ياضغطى أتاه يا سكر السكر على بقى خمسميه
يضحك فوزى عليها :أهدى أهدى
روح بعصبيه :وانت بتضحك على ايه يعنى عاجبك إلى بنتك
عملاه ده أما صحيح هم يبكى وهم يضحك
فوزى يمسكها من كتفها :قومى بس ارتاخى شويه جو وانتى
هتقومى زى الفل قومى معيا تذهب معه روح إلى غرفتهم
ويضعها على السرير
روح :عاملت ايه من صاحب الشركه صحيح معلش اتاخرت فى مقصوفه الرقبه
فوزى يخلع قميص الشغل ويرتدى جلباب الخاص بالبيت
:الحمد لله والشكر ليه صاحب الشغل ربنا يكرمه مرضيش
يخصم من مرتبة وعطهونى كامل وطلب منى ارتاح ولما
ابقى كويس ارجع الشغل وعطانى كارت خاص بمستشفى من
بتعوته تتعالج فيها ومن غير مدفع قررش واحد وكمان زود
مرتبى ربنا يكرمه بحق جاه النبى
روح باندهاش :طيب الحمد لله أنه مرفضوكش انت بقالك
اسبوع مش بتروح بجد أنا مش مصدقه أن لسه فيه ناس
بالاخلاق دى ربنا يكرمه كمان وكمان ويباركله فى عياله
فوزى :أنا سمعت أنه ربنا ماردلهمش الخلفه بس محدش
يعرف السبب من مين فيه ناس تانى بتقول أن مراته كانت
حامل وسقطت ومن ساعتها محملتش ربنا يصبرهم
روح بحزن :يارب دانا قعت كذا سنه من غير خلفه وكنت
هتجنن مابالك بيهم هما
فوزى :واسمع كمان أن مراته بتدير ملاجى الاطفال الايتام
وتساعد الأسر الفقيره ربنا يجعله فى ميزان حسناتهم
روح بابتسامه:الطيبين للطيبات ياابو مازن
فوزى :فعلا والله وكمان فيه عامل كان بيشتغل معانا وهو
بيشتغل أيده جات فى المكنه قطعتله صايعين لو واحد غيره
كان قال أنا مالى بيه دى مسؤوليته بس جرى بيه المستشفى
وتكفل بكل مصاريف علاجه وكمان عطله تعويض كبير
قوووى لدرجه انه ساب الشغل وعايش من التعويض إلى
خده وشغله عياله وليه بنت كانت على وش جواز جهازها من
مجاميعه وجبالها كل شىء وعملها فرح محدش عمل زييه
وحضر الفرح كمان هو ومراته وسبحان الله على السماحه
والنور إلى مالى وشهم تحسيهم بالهم خالى من الهم والحزن
روح :اكيد يا حبيبى ودول هيشيبوا هم ليه معاهم كل حاجه
يعيشوا ملوك يشيلو هم ليه بقى
فوزى :ومين قال الفلوس كل حاجه ومين قال ان السعاده
مرتبطه مع الفلوس فيه ناس معاها فلوس بس مش سعيده
ومستعده تدفع كل ما تملك علشان تعيش فى راحه بال لو
ساعه واحده بس
روح :على رايك تعالى ارتاح عبال محضرك الغذاء
فوزى باعتراض :لا أنا تغديت من البيه صاحب المصنع
وشربت الشاى كمان
روح بهزار:كمان ااه ياقلبى مقدرش على الخيانه دى وانا الى
مستنياك علشان اكل معالك
فوزى :معلش مقدرتش تكشف الراجل سامحينى المرادى
روح بهزار:عفونا عنك بس دى اخر مره ماشى
فوزى :ماشى ياحبيبتى
فى الخارج ياتى مازن من عمله فهو اصبح يشتغل بعد الظهر
كى لا يفوت اى محاضره يجلس بتعب على الكرسى تخرج
حور وتجده تبتسم له بحنان :ازيك عامل ايه فى شغلك
مازن بتعب :هلكان تعب النهارده خلصنا شقه كامله تركيب سيراميك حيلى اتهد
حور :معلش انت الى صممت انك تشتغل
مازن :ومش ندمان أنا مش صغير يا حور علشان اقعد من غير شغل
حور :اجبلك تاكل اكيد جعان
مازن باعتراض :لا أنا كلت مع زمايلى صاحب البيت جبلنا غدا
حور :طيب روح استحمى وادخل نام علشان تقعد تذاكر فى الليل
ينهض مازن من على الكرسى :ماشى سلام
حور :سلام
يذهب مازن ليأخذ دش وتذهب حور لعملها
********بقلم شوشا عبد اللاه*********
يجلس مازن فى عمله الجديد يوديه بكل حب حيث يتم
تركب السيراميك فى أحد البيوت حديثه البناء يقوم بتركبهم
وهو يدندن مع زملائه يدخل عليه صاحب البيت ليرى مدى
التقدم الذى قاموا به
الرجل :السلام عليكم يا رجاله ايه الاخبار
العمال :وعليكم السلام ياحج
أحد العمال :الشغل تمام ياحج زى مانت شايف اهو قربنا
نخلص اول دور وبعدين نبداء فى الدهان
الرجل :معاكم كد ايه واستلم البيت أن شاء الله
أحد العمال :معانا شهرين بالكتير ياحج وتستلمه بالخير
الرجل :مش كتير شهرين يارجاله
العامل :لايا حج مش كتير البيت كبير بسم الله مشاء الله
الرجل :طيب اسيبكم أنا شويه وهيطلعلكم الواد بالشاى
أحد العمال :تسلم ياحج تسلم يذهب الرجل ويبداء العمال فى
اتمام عملهم ويبداء مازن فى تركيب السرميك ولاكن بطريقه
مضحكه ومسليه غير الطريقه العاديه التى نراها احيانا
أحد العمال :تصدق عملت للشغل حس وخليت الجو مبهج
غير الملل إلى كنا عايشين فين
مازن يبتسم :ملل معيا يازمل طيب ازاى أنا والملل لا نتفق
لم نستطيع أن نجلس فى جلسه معا يانا ياهو وطبعا أنا
يضحك العمال بشده على خفه دمه
******بقلم شوشا عبد اللاه********
فى قصر الاسيوطى يجلس قاسم فى مكتبه يراجع أوراقه ثم
يرن هاتفه ليجيب
قاسم :اممم ايه الاخبار
المتصل :البت ساعتك محترمه جدا من كليتها للبيت من
البيت للشغل من الشغل للبيت وهكذا وسيطرتها طيبه
وسمعتها ببضه لايشبوها شائبه والكل بيحبها وبنت جدعه
ومتدينه كمان وبتساعد الناس على كد ماتقدر من غير اى
مقابل رغم أنها هيا وعيلتها محتاجين إلى يساعدهم
قاسم :تمام هيوصلك حسابك زى متفقنا سلام
قاسم :كويس اكيد مش هتلاقى انسب منها ليك يا ليل بس
يارب تعرف تحافظ عليها وتسبيك من الهبل الى عايش فيه
ثم يرن على ليل
قاسم :ازيك ياليل
ليل :الحمد لله يا خالو ها فكرت فى موضوعى
قاسم بغموض :ايوه اعمل حسابك هنرحلهم انهارده بليل
ليل بستغراب :نرحلهم ليه بس وايه إلى ناوى عليه
قاسم :ناوى على كل خير اسمع انت الكلام من غير مناهده
******بقلم شوشا عبد اللاه**********
فى بيت حور يجلس فوزى وعائلته يشاهدون التلفزيون
ويطرق الباب لينهض مازن ويفتحه ليجد رجل وشاب يبدو
ابنه لاول مره يراهم يبدو على ثيابهم الغنى ليتسائل عن
هويتهم
مازن باستغراب :مين حضرتكم عاوزين مين
قاسم بابتسامه :عاوز اقابل الحج فوزى
مازن :أقوله مين
قاسم :قله قاسم الاسيوطى جاى يقابلك
مازن بحرج:طيب معلش هروح لديه خبر اديه خبر
قاسم يبتسم :اتفضل
يذهب مازن ليخبر أبيه بمن جاى لمقابلته
فوزى بدهشه :قاسم الاسيوطى جاى علشان يقابلى ليه
مازن : الله واعلم
فوزى :يلا يابنات على جو لما نشوفه عاوز ايه معلش ياحور
ادخلى على المطبخ اعملى حاجه يشربوها
حور :ماشى يابابا وتذهب للمطبخ وتذهب روح وبطه لأحد
الغرف يذهب مازن ليسمح لهم بالدخول
مازن :اتفضلوا بابا فى انتظاركم
يدخل قاسم برفقه ليل للداخل ينظر ليل للبيت المتهالك
القديم ويحدث كيف يستطيعوا العيش فى بيت هكذا من
يرى جمال حور يقول تسكن أحد القصور وليس بيت مثل هذا
فوزى بفرحه :اهلا اهلا يا بيه نورتنا وشرفتنا اتفضل يا بيه
معلش البيت مش كد المقام اتفضلوا
يجلس قاسم وليل
قاسم وصدمه وابتسامه :استاذ فوزى انت بتكون ابو حور
فوزى بقلق :ايوه باليه بس فيه ايه انت جاى علشان حور هيا
عملت حاجه والله بنتى طيبه ومحترمه ومش علشان
هيابنتىلا دى بشهاده الشاهدين
قاسم يبتسم :أهدى يا استاذ فوزى احنا جايين فى كل خير
فوزى :بتمنى يابيه بس ايه الموضوع
قاسم :جايين نطلب ايد بنتك الكريمه حور لابن اختى ليل
فوزى بصدمه وكذالك نازل وليل أخذ نصيب اكبر منها فهو لم
يعلم أن خاله أتى من أجل تزويجه من حور
لقراءة فصول الجزء الاول كامله اضغط هنا