رواية حارستي الجزء الثاني
الفصل الثلاثون
والحادي والثلاثون
بقلم شوشا عبداللاه
بسم الله الرحمن الرحيم
البارت الثلاثون
تسريعا لاحداث يذهب قاسم وجاسم لزياره
فوزى بعد معرفتهم بالحادث الذى اصيبه وتحسن حاله فوزى
وخروجه من المستشفى وزياره ليل المستمرة لهم وتجنب
حور لرؤيته حتى لم تعد تذهب للكليه حتى لا تلتقى به بعد
مرور شهرين فى بيت فوزى فى المساء تجلس حور تذاكر
فى غرفتها حيث تنام بطه بعمق ويجلس فوزى فى غرفته
ويستعد للنوم إلى أن يطرق باب غرفته وتدخل حور ويبدوا على وجهها التردد
فوزى :تعالى يا حور مالك وقفه بعيد كده ليه
حور بتردد:هو انت نمت
فوزى :لا ابد كنت لسه هنام
حور :طيب خلاص نبقى نتكلم بكر تصبح على خير
فوزى :لا ياحور قوليلى فيه ايه كنت عوزانى فى ايه
حور :خلاص بكر أن شاء الله
فوزى:حور تعالى هنا على السرير
تذهب إليه حور وهيا تفرك فى يديها من فرط التوتر وتعض شفتيها :نعم يابابا
فوزى بهدوء:فى ايه ايه الموضوع الى عاوزه تتكلم فيه
ومخليكى متوتره ومتردده بشكل ده انا عمرى ما شفتك كده بالتردد ده
حور تاخذ نفس عميق وتغلق عينيها ثم تتحدث بتعثلم :أاا نا
كنت عاوزه اقولك انى موافقه احم على العريس
فوزى بغباء :عريس عريس من هو فيه حد اتقدملك وانا
معرفش ولا قصدك ايه متفهمينى
حور :احم احم أنا قصدى على ليل ابن اخو صاحب الشغل إلى بتشتغل فيه
فوزى بعدم استيعاب :ايه مين
حور وهيا تنظر للأرض بحزن :لليل جاسم الخديوى
فوزى بفرحه عارمه :انتى بتتكلمى بجد
حور تهز راسها بنعم
فوزى :وايه إلى غير رايك أنا إلى مربيكى وعارفك كويس
مفيش مره قولتى كلمه ورجعتى فيها ايه إلى حصل خلكى تغيرى رايك
حور :أنا كنت واخده عنه فكره غلط أنه مستهتر وبيلعب
بالفلوس ومش بيهمه حد بس بعد معملت الحدثه شفت كد
ايه هو محترم وجدى ومش مستهتر حسيت أنه راجل يعتمد
عليه وزى كانت قولت محترم وراجل ومقتدر يعنى كامل من
كله ونادر لما الاقى كل المواصفات دى فى شخص واحد يبقى ارفضه ليه
فوزى :ربنا يكملك بعقلك يابنتى يارب ويحفظك أنا هتصل
ابلغ استاذ قاسم بالخبر السعيد ده
حور :بعد اذنك أنا هقوم انام
فوزى :تصبحى على خير
حور :تلاقى الخير
تذهب حور وتقابل امها فى الطرقه اتيه من الحمام
روح :انتى كنتى عند فوزى
حور : ايوه
روح :طيب كويس علشان ميقعدش مع روحه فتره استحمامى
حور :تصبحى على خير يا ماما
روح :تلاقى الخير انتى مالك حساكى زعلانه ليه
حور بنفى :لا ابد أنا حتى قولت لبابا خبر سعيد هيسعد الكل
روح بفضول :خبر ايه ده
حور :خلى بابا يقوهولك أنا تعبانه وعاوزه انام بعد اذنك يا
ماما تذهب حور لغرفتها سريعا حتى لا يكتشف أمرها وانا
غير سعيده بقرارها هذا تدخل حور وهيا تحدث نفسها
وتقوم بقلع الخمار :أنا قولتلك على أسباب قبولى لليل بس
مقولتش ليكى على أهم سبب وهو انى أنا مديوناله ب٢٠٠الف
جنيه ثمن عمليتك إلى عملتها أنا مقدرش اعيش والدين ده
على كتافى أنا طول عمرى مفيش حد ليه عندى قرش مابالك
ب٢٠٠الف مره وحده مبلغ محلمش فى يوم انى مسكاه لو
كان عندى امل انى اقدر اسدد مكنتش وافقت على الارتباط
ده ولاكنت ورطت نفسى بشكل ده ثم تذهب الى السرير
وتنام وتقراء المعوذتين والإخلاص تساوى قراءه المصحف
كامل وايه الكرسى تبعد عنك الشيطان وسوره الملك لأنها
كما يعلم الجميع تنير القبر وقت الظلمه وتنام
فى غرفه فوزى تدخل روح وتجده يتحدث على الهاتف
ويشير لها بالصمت لتذهب وتجلس بجواره وهيا تشعر
بالفضول ياترى مع من يتحدث وهو سعيد هكذا
فوزى :إن شاء الله مطرح متحبوا تشرفونا فى اى وقت
مسمحلوكم بيه على بركه الله على بركه الله السلام عليك
السلام عليكم وينهى المكالمه وهو يدعوا الله ويحمده
فوزى يرفع يده للسماء :الحمد والشكر ليك يارب الف حمد
وشكر استجابت لدعائي ولم أكن بدعائك ربى شقيا الحمد لله
روح باستغراب :فيه ايه ومين إلى كنت بتكلمه ده ويجى عندنا بأى مناسبه
فوزى :ده استاذ قاسم أنا رنيت عليه وبلغته بموافقه حور
على ارتباطها بليل بن أخته وهو زى مايكون مصدق طار من
الفرح الفرحه كانت باينه فى صوته اوووى وقلى أنه هيجى
هو وجوز أخته واخته ومراته وحماته والعريس علشان
يتعرفوا علينا ونتعرف عليهم
روح بفرحه :يعنى هو ده الخبر إلى بلغتهلك حور الحمد لله
والله انا كنت مستخصراه فى الرفض واد باين عليه الادب
والاحترام وهيعيشها عيشه زى الفل
فوزى :الحمد لله انها غيرت رايها
**********بقلمي شوشا عبد اللاه ********
فى قصر الاسيوطى يجلس قاسم بسعاده بعد علمه بموافقه
حور بزواجها من ليل تدخل عليه عاصى وتسأله عن سبب
السعاده الظاهره على وجهه
عاصى :حبيبى
قاسم :نعم ياقلبى
تجلس عاصى على رجليه وتحيط رأسه بزراعيها :مالك يا
قلبى ايه سبب الفرحه إلى باينه على وشك
قاسم يقبل ارنبه أنفها :حور وافقت على ليل
عاصى بغيره ولاكن تخفيها ببراعه :وانت فرحان كده ليه
قاسم:عارفه يا عاصى لو شفت البنت دى هتحبيها خالص من اول نظره كانك تعرفيها من زمان
عاصى تعض شفتيها بعيد :امممم
قاسم :بجد حاسس زى ما يكون بنتى
عاصى بحزن :امممم وتدمع عينيها ولاكن ترفض دموعها
النزول فهيا لم تنسى فتاتها يوما فهى على وشك أن تبلغ
عامها الرابع والعشرون كل سنه تحضر لها الهديه وتضعها فى
غرفتها التى كانت مجهزه لها قبل ولادتها ولاكن يشاء القدر
وتبعد عنها
قاسم يحتضنها ويتنهد بقوه ويضع رأسه فى عنقها :عاصى أنا
عارف انتى بتفكرى فى ايه وعارف انك لغايه الان لسه
منستيش بنتنا حور رغم أنها بقالها تلاته وعشرين سنه غايبه
الله اعلم اذا كانت حيه ولا مي تضع عاصى يدها على فمه
كى تمنعه من تكمله الكلمه التى تخشى سماعها
عاصى بصوت مختنق :قاسم بلاش تكمل كلام خلينا متاملين
انها هترجع فى يوم من الايام وتبقى فى حضننا ونعوضها على كل يوم عاشته بعيد عننا
قاسم :نفسى يكون عندى نص الامل إلى عندك بس متنسيش
إن الكلب جمال وداها فين ده وداها في بيت دعاره عارفه
يعنى ايه دعاره حتى لو رجعت لينا معتقدش ابدا انى هتقبلها
أو هيا تتقبل عيشتنا دى
عاصى بصدمه وتنهض من على قدميه :يعنى ايه مش فاهمه
يعنى لو رجعت لينا انت مش هتوافق فهمنى انت تقصد ايه
قاسم يهدء حتى لايفتعل معها المشاكل هو يعلم مدى
حساسيتها اتجاه هذا الموضوع
قاسم يبتسم لها وينهض وحتضنها بقوه :مفيش داعى نسبق
الاحداث يا حبيبتى رجوعها دى فى أمر الغيب محدش يعرف
غير ربنا فبلاش نعمل مشكله من لا شى أنا مقصدش الى
فهمتيه ولا انت. فهمتينى أنا معرفتش اعبر عن الى عاوز
أقوله يعنى زى ما بيقولوا خانى التعبير
عاصى تحتضنه بقوه :وحشتنى يا قاسم وحشتينى قوى
يمسح قاسم بيده على ظهرها برفق حتى تشعر بالأمان
ثم يمسك وجهها بيده ويقبل رأسها بحنيه ويقبل عينيها التى
تحمل الدموع بداخلها تأبى النزول ويتنهد ثم يبتسم لها
باطمان :وحشتنى أنا كمان يا عاصى بس ده مش بايدنا
بلاش نعيش فى وهم علشان منفقش على كابوس خلينا كده
زى ماحنا انا عايش ليكى وانتى عائشه ليه
***********بقلمي شوشا عبد اللاه *******
فى منزل ليل يجلس فى غرفته وهو يشعر بالسعاده فخاله
أخبره بموافقته حور على زواجه
ليل بفرحه :أنا مش مصدق أنها وافقت ثم يتغير تعبير وجه
إلى الضيق هيا ايه إلى غير رأيها ياخبر لو كان علشان الفلوس
اكيد خدت كلام بجد أنا قولت كده علشان تبطل زن فى اخد
الفلوس وانا عارف كويس أنها مستحيل تقدر تجمعهم اكيد
وافقت علشان كده ثم يتحدث بسخريه امال هتكون وافقت
ليه علشان بتحبنى دى مش طيقانى معرفش ليه ثم يخرج
زفيرا قويا ويذهب لسرير ويجلس عليه ويقرر مهاتفتها فهو
اخذ رقمها من اختها الصغيره بدون علمها
ليل :لالا خالى قلى أننا هنروح ليهم بكر ابقى اسالها لو كان
علشان الدين أنا هنهى الارتباط ده كده يعتبر استفزاز مش
برضها ولو طلعت وافقت بمزاجها يبقى خير
ثم يغمض عينيه ويتذكر ضحكتها وتلك الغمازات التى تضيف
لها جمال على جمالها ويتذكر ذالك النمش البسيط التى على
أنفها وخدودها ويتذكر لون عينيها الغريب الذى لم يرى مثله
قبل الان ويتذكر دموعها التى اذرفتها وقت حادث ابيها
***********بقلمي شوشا عبد اللاه*********
فى الصباح اليوم التانى يخبر فوزى حور بمجيى ليل وعائلته
فى ذالك المساء تهز حور رأسها بدون كلام وتذهب للمطبخ
وتضع يدها على المطبخ وتعلق عينيها وتجد من يضع يده
على كتفها لتستدير لتجدها امها يبدو فى وعينيها القلق
روح بقلق :مالك ياحور فى ايه
حور :مالى ما أنا كويسه اهو
روح :حساكى مش مبسوطه فى ايه فى ايه يابنتى زى
متكونى مغصوبه على الزواج دى
تضحك حور بتزييف :لا ابد مين قالك كده انا بس زعلانه كل
ما بفكر انى هتجوز وهسيبكم وانى داخله حياه جديده
وهعيش مع ناس غريبه عنى يا عالم طبعهم عامل ازاى
تبتسم روح وتحتضنها ثم تتحدث إليها بحنان : عارف ياحور
أنا هقولك كلام ده يمكن اول مره تسمعيه انا لما جانى ابوكى
وطلب ايدى أنا مكنتش موافقه وعملت البدع علشان افركش
الجوازه بس الى مكتوب مكتوب وكان احلى مكتوب فى الدنيا
حور بدهشه :يعنى انتى كنت متجوزه غصب عنك
روح تهز راسها بنعم :ااممم وحتى بعد الجواز عملت فيه
عمايل بس الشهاده لله تقبلها بصدر رحب وده كانت بدايه
اعجاب بيه وبعدين لقيت نفسى بحب ومقدرش استغنى عنه
بس كنت يكابر وهو قرر الانفصال لقيت نفسى انهارت
وفضلت اعيط وهو قالى بتعيطى ليه مش ده إلى انت عوزاه
انا قررت انفزلك طلبك وانا ملمستكيش اهو قاعده بختمك
يعنى بخيركأنا شايف انك مش متقبلانى فا انا قررت تخلصك
من العبء ده إلى شيلهولك ابوكى وعطانى ضهره وكان
هيمشى لقيتنى بحرى وبحضنه من وارء وبعيط جامد وبقوله
متسبنيش أنا من غيرك اموت ارجوك ادينى فرصه تانى أنا
اسفه أنا بعترف انى مكنتش بحبك وكنت مغصوبه على
الزواج منك بس ده كله فى الماضى بس انا بحبك صدقنى
ومقدرش اعيش من غيرك ارجوك متبعدش عنى بعدين لف
وتبتسم وقالى اخير حرااام عليكى يا شيخه دانتى نشفتى
ريقى عبال معترفتى بركاتك ياما
روح تمسح دموعها:يعنى ايه انت كنت بتختبرنى هعترف ليك
ولا لا وكمان حماتى مسعداك فى الخطه دى
فوزى :ااه اعمل ايه مانا خلاص اتهريت من مقالبك إلى
بتعمليها فيه عارف لولا الرسول ومصينا على النساء وقال
صلى الله عليه وسلم (استوصوا بالنساء خير ما اكرمهم الا
الكريم وما اهانهم الا اللئيم )وقال رفقا بالقوارير
والحمد لله انتى قدرت انفذ وصيته ومفقدش اعصابى عليكى
تضحك روح بخفه لينحنى ويحملها فوزى بين يديه لتشهق
روح بخضه من فعلته المفاجاه
روح :انت بتعمل ايه نزلنى كده عيب ماما تيجى وتشوفنا
فوزى :ماما دلوقتي بقيت ماما من شويه كانت حماتى المهم
هيا باباه عند اختها تصلها اتوحشتها قوووى وانا لازم انتهز
الفرصه واتلم عليكى احنا بقالنا شهر متجوزين ولسه
مدخلناش انا بصراحه مش هقدر استحمل اكتر من كده
ويغمز لها بعينه لتضربه روح على كتفه
روح :اه يا قليل الادب وبعدين أنا انا
فوزى :انتى علقتى ولا ايه
روح بخجل :ااا انا عاوزه اروح عند امى هيا وحشانى
فوزى :ايه ده بجد متشوفيش وحش يا قلبى وبعدين مش
انتى من شويه قايله متسبنيش متبعدش عنى مش ده كلامك
روح بكثوف تنظر لاسفل :ااا ايوه بس خلاص انا رجعت في
كلامى ولا كانى سمعت اى كلام
فوزى :لا لا انا سمعته وحفظته وفهمته آن الأوان ودقت
الساعه العمل دقت ساعه الكفاح
روح :هتعمل ايه يا مجنون
فوزى :خلاص وقت الكلام انتهى جه وقت الشغل
روح : بعدين بقينا روح وحده فى جسمين ولا اجمدها قصه حب تسمعى عنها
حور :ايه كلام ده بجد أنا مصدومه ايه قصه الحب دى دى
ولا رمية وجوليت وعنتر وعبله وقيس وليله
روح :لغايه دلوقتي حبه كل مبيعدى يوم بيزيد فى قلبى وجبة ليزيد فى قلبه
بسم الله الرحمن الرحيم
البارت الواحد والثلاثون
فى المساء يجلس قاسم وعاصى على أحد الكراسى وجاسم وشمس فى المقابل لهم وتجلس حياه وروح على الكنبه
الكبيره ويجلس فوزى ومازن بجواره وليل على أحد الكراسى المقابل للباب يتحدثون على موعد الزفاف وطلبات العروسه
فوزى :احنا مش عاوزين اى حاجه احنا كفايه علينا النسب إلى يشرف ده لو حده يتاقل بالدهب
قاسم :يا استاذ فوزى ده حقكم والى توامروا بيه موجاب بأمر الله تعالى ولا ايه يا جاسم
جاسم مبتسم بود :معاك حق يا قاسم إلى تومروا بيه يا استاذ فوزى
روح تنهض :بعد اذنكم وتذهب للمطبخ حيث تجد بطه تعد مشروبات ساقعه وهيا ترتدى طرحه زيتى وفستان مشجر طويل واكمام واسعه وتضع فى وسطها حزام لونه زيتى
وتنتهى من عمل العصير المانجا الطازجه
روح بهمس :انتى يا زفته ما تهمى شويه الناس بقالها ساعه جايه مشربوش غير شاى وقهوه وكاكولا
بطه :الحمد لله شاى وقهوه وكاكولا وادينى مطلعه المانجا والجاتوه وبعدين مين قالك أنهم اديلهم ساعه ثم تنظر فى الساعه اديلهم نص ساعه الا تلات دقائق بتمام والكمال
روح :طيب يلا يا مقصوفه الرقبه ورايا بالمشروبات
بطه :طيب شيلى الجاتوه ولا انتى شيفانى بأربع أدين ولا ايه النظام أنا عندى اتنين بس زى بقيه البنادمين على فكره
روح :هششش خلاص ايه رديوا فتح هانى الصينيه وهاتى الجاتوه ورايا ومسمعش ليكى نفس وتبصى فى الارض وتحطى الصنيع ويافكيك على المطبخ سامعانى ولا اشغل الشبشب
بطه :فاهمه يا حجه فاهمه يلا ولا لسه الوصايا مخلصتش
تذهب روح وهيا تبتسم وتقدم لهم العصير وتضع بطه الجاتوه وتذهب للداخل مسرعه وتقف خلف الباب وتصتنط إليهم
حياه بابتسامه :امال عروستنا فين
روح تبتسم لها :فى الاوضه جوه
شمس بابتسامه وفرحه :طيب متيجى تقعد معانا
روح :حاضر روح يا مازن هات اختك
يذهب مازن لغرفه أخته ولاكن ترفض الخروج
تضحك روح :معلش تلاقيها مكسوفه انتوا عارفين بنات اليومين دول بيتكسفوا من ايه حاجه هروح اجيبها أنا
تذهب الى غرفه حور وتدخل لها لتجدها تجلس على سريرها وتفرك يديها بتوتر
روح :ينفع كده يا حور نبعتلك ومتجيش كده غلط يابنتى والله انا وابوكى اتكسفنا كسفه
حور تعض شفتيها بقوه من شده توترها :انا اسفه بس مقدرتش اطلع سامحينى
روح تبتسم لها وتمسح على ظهرها برفق:حصل خير يا حبيبتى يلا نطلع الناس مستنيه برا
حور :لا انا غيرت رايى قوليلهم مش موافقه
روح بصدمه ولاكن تتدارك نفسها سريعا :ايه انتى بتقولى ايه انتى عاوزه تفضحينا قدام الناس عيب كده ياحور أنا بقول عليكى عاقله ومخك كبير يلا يابنتى يلا بينا وستعيذى بالله من الشيطان الرجيم
حور بهمس :اعوز بالله من الشيطان الرجيم
روح :ايوه كده يابنتى يلا بينا تذهب روح وحور إليهم وينظر إليها الجميع وهو مبتسم لها بحب فهيا جميله رغم بساطه الملابس التى ترتديها فهيا ترتدى فستان احمر وطرحه بيضاء تلفها ببساطه ولا تضع اى مكياج رغم إصرار والدتها على وضع بعض الكحل ولا كن رفضت وبشده وابن أن تضع شى فيجب أن يروها كم خلقها الرحمن فهو خلق الإنسان فى احسن صوره تنهض عاصى وشمس وتذهب حور وهيا تنظر للأرض وتسلم عليهم تسلم على شمس ثم حياه ثم عاصى وان وضعت يدها فى يد عاصى وهيا شعر براحه غيره ليس لها تفسير ترفع وجهها لها وتنظر لها ثم تذهب وتجلس بجوار امها وبجوار حياه
شمس:بسم الله ماشاء الله تبارك الرحمن جميله جدا والا وعرفت تنقى ياليل دى احسن واجمل من اى بنت أنا ورتهالك
ينظر ليل لحور بقلق من جواب سؤاله
جاسم :اخبارك يا عروسه عامله ايه
حور برقه :الحمد لله
قاسم بابتسامه تظهر أثناء حضورها فقط :ازيك يا بنتى
حور بصوت هادى :الحمد لله
عاصى :عندك كام سنه يا حور
حور :قربت أتم التلاته وعشرين
تنظر لها عاصى فهيا منذ علمت باسمها وهيا مشتاقه لرؤيتها فهيا الان عزرت قاسم لمدحه بها وارتياحه لها فيا أيضا ارتاحت لها وبشده كأنها فلذ كبدها وهيا أيضا تحمل نفس لون عينين ابنتها وذالك النمش أيضا ودرجه لون بيضها ومقاربه من سنها أيضا يظل يتحدثون ثم ينهض الجميع ويتركوا ليل وحور بمفردهم ويتركون الباب مفتوح حتى لا تصبح خلوه
ليل :احم احم هو انتى ليه غيرت رايك
حور تنظر له ثم تخفض بصرها سريعا ثم تتحدث فى سرها ياراجل على اساس انك مش عارف
ليل :ممكن تجاوبيني على سؤالى لو سمحتى
حور :والله واحد اتقدمى وقبلت بيه ايه الغريب فى كده
ليل :الغريب انك كنتى رفضانى ايه الى غيرك قرارك ووفاقتى
حور :أنا غيرت رايى بسب يقطع كلامها دخول مازن وهو مبتسم :ها كفايه كده ولا نسيبكم شويه كمان
ليل بغضب ثم يهمس يعنى هو ده وقتك انت كمان كانت هتتكلم خلاص
حور تحمد ربها على دخول اخوها فهيا كانت سوف تقول له ما بداخلها :لا احنا اتفهمنا خلاص اتفضلوا تعالوا
ينظر لها ليل محاوله منه أن يعرف شعورها اتجاهه ولاكن لاتنظر له تنظر للارض فقط كأنها تبحث عن شى
يدخل الجميع ويتم الاتفاق على كتب الكتاب بعد اسبوع وينتظرون إلا أن يتم الانتهاء من امتحاناتهم للسنه الاخيره ثم يتم الزفاف يذهب كل منهم إلى منزله ويجلس فوزى وهو يشعر بالراحه الشديد بعد الاتفاق على كل شىء
فوزى :الف مبروك يا حور وعيالك يا بطه علشان ارتاح
مازن ضاحكا :يا سلام وانا فين
فوزى :انت راجل تتجوز متطرح متحب فى الوقت الى تحبه
أما هما بنات اطمن عليهم وابقى مرتاح
بطه ضاحكه :خلاص يا ابا الحج من بكره هدورك على عريس علشان تطمن عليه
روح :تبقى عملتيى فينا جميله
بطه :بقى كده يا ستى ماما ماشى ماشى والله بكر هتقولى فينك يا بطه
روح :لا ياختى شدى حيلك انتى بس وتكبر على الله
بطه :بقى كده طيب ايه رايك انى مش هتجوز وهفضل كده كابته على نفسكم وربنا لانا معنسه ها ايه رايكم
يضحك الجميع عليها وتبتسم حور فقط لها حتى لا يشعر بها أحد وما بداخلها من مخاوف ومن مشاعر مختلطه ما بين الموافقه أو الرفض
**************بقلمي شوشا عبد اللاه***********
يذهب ليل إلى النادى برفقه اصدقاءه يجلس ولاكن لا يندمج معهم
حسام :ايه ياعم مالك فيك ايه
ليل :لا ابد مفيش حاجه مالى ازى يعنى
حسام :امال مالك كده مش فى المود خالص مش ليل إلى احنا نعرفه متغير كده
ليل : لا ابد بس كنت هناك لما رنين عليه الساعه اتنين يابرنس منك ليه يعنى كمان ساعتين والفجر يأذن
حسام :وايه يعنى ما احنا متعودين على كده
ليل :أنا هروح لانى تعبان سلام عليكم
حسام باستغراب :وعليكم السلام
يعود ليل إلى منزله ويصعد إلى غرفته ويجلس على السرير ويفكر فى حور إلى أن يغلبه النوم وينام بعد ميوادى صلاه الفجر