رواية منتقبه اوقعتني فى حبها
الفصل الرابع عشر والخامس عشر
بقلم هدير بدر
فاطمه بعيون دامعه: انت ازاى
ياسين حضنها وهي تبتت في حضنه
كل دا تحت صدمه خديجه
فاطمه : سيبتنا ليه انا كنت بدور عليكم ليه اتخليتوا عننا حتي بابا
ياسين : والله دورت عليكم حتي بابا لحد اخر نفس كان بيدور عليكم روحتوا فين
خديجه : بس بس فهموني في ايه وانت تعرفها منين
ياسين : دي اختي بس من الاب بس
خديجه فضلت مش مستوعبه : ازاى
ياسين : هابقا افهمك بس قوليلي اخويا مالو
فاطمه وهي عنيها بدمع: اخويا مش بيقدر يمشي علشان عمل حادثه وانا مش معايا فلوس اعملهاله وخديجه خلتني اجي هنا انت تعرفها
ياسين بابتسامه: مراتي
فاطمه بفرحه: يعني القمر دي مراتك
وراحت لخديجة كدا انتي صاحبتي ومرات اخويا كمان
خديجه حضنتها وكانت فرحانه انها كانت سبب في رجوع اهل ياسين تاني
ياسين بص لاخوه
ياسين بحب زين حبيبي
زين فضل باصصله شويه بدموع وبعدين بص الناحيه التانيه
ياسين: اوعدك هاعوضك عن كله
زين : يعني مش هاتسيبني تاني
ياسين : لا ياحبيبي وحضنه
ياسين : طب تعالي نشوف الدكتور ونحدد العمليه ونروح لفيروز
فاطمه بتوتر : بس
ياسين : مابسيش يالا ودخلوا للدكتور
الدكتور كشف علي زين
ياسين: اتفضل يادكتور معايا برا
خرجوا
ياسين : ها يادكتور هانعمل عمليه
الدكتور : ايوا ضرورى عمليه
ياسين : طاب نسبه النجاح اد اي
الدكتور: لا نسبه نجاحها عاليه اهم حاجه ماتخلهوش داخل خايف وربنا يشفيه أن شاء الله
ياسين : ان شاءالله يادكتور
وشال اخوه وخديجه وفاطمه مشيوا وراه
ركبوا العربيه وطلع
فاطمه : انت رايح فين
ياسين : انا اخوكي الكبير وتسمعي كلامي تمام
فاطمه بصيت في الارض
وصلوا القصر
زين : واو دا بيتك
ياسين: لا بيتنا كلنا يالا
ونزلوا
ياسين دخل : يا امييييي
فيروز جات : جيتوا ياحبيبي وبعدين لاقيت فاطمه
فيروز : فاطمه وحضنتها وشافت زين ياسين شايله حضنته
فيروز بدموع : كنتو فين
فاطمه فضلت تعيط
خديجه : طاب نسيبها بس وبعدين لما تهدي تحكي
فيروز : عندك حق مش مهم المهم انهم رجعوا
وبعدين جابت الاكل وقعدوا ياكلوا في جو عائلى
خديجه بصيت لياسين: طاب انا عايزه اكلم اهلى وحشوني
ياسين : تاني يا خديجه
خديجه : ايوا تاني وتالت ليه كل مره تقولى فونهم مقفول وأنهم مش فاضيين دلوقتي حتي لو في الحج عادي بيفتحوا الفون لما يخلصوا
ياسين : ماتقلقيش عليهم هما بخير
خديجه سكتت وهي زعلانه
فيروز حاولت تلطف الجو : يابختهم حد.يطول يروح لبيت الله
خديجه : اللهم ارزقنا جميعا
وبعدين بصيت لفاطمة طبعا احنا هانقوم نروح الجامعه بدال مانجيب كحك
كلهم ضحكوا عليها
فاطمه: ايوا اكيد شكل الكحك هايبقا كتير يالا
فيروز : هو انتو مع بعض
خديجه : ايوا ياماما
فيروز : طاب تعرفيها منين
خديجه قالتلها اتقابلو ازاى لحد موقف المستشفي
فيروز : سبحان الله وباست دماغها ربنا يخليكي لينا ياحبيبتي ويحميكي
خديجه باست ايدها : ويخليكي لينا يا ست الكل ماتنسيش علاجك يالا يا فاطمه
وبعدين بصيت لياسين: رايحه الجامعه
ياسين بصلها بحب : هاجي اوصلكم
خديجه : لا لا هاناخد تاكسي
ياسين : لا انسي حوار التاكسي دا من النهارده يالا كفايه اللي حصل
وركبوا
ياسين وصلهم : هاتخلصوا امتي
فاطمه : الساعه اربعه
ياسين : تمام
وسابهم وراح لفيروز
فيروز : تاخد خديجه وريم وفاطمه من بكرا الشركه تدربهم
ياسين : حاضر يا امي كل اللي تؤمري بيه
فيروز : وعملت اي مع مراتك
ياسين: اهي في البيت انا هاساوي بين الاتنين
فيروز: وانت بفكرك خديجه هاترجعلك
ياسين : اللي بيحب بيسامح
فيروز : ربنا يريح بالك
ياسين : يارب اروح بقا لشغلي
خديجه وفاطمه قابلوا ريم وحاكولها وكانوا كلهم فرحانين
خديجه : يالا نصلي الضهر
كلهم راحوا يصلوا ولقوا واحده قاعده في ركن لوحدها
خديجه راحتلها
وبعدين قالتلها بهدوء : نتعرف
البنت : انا اسماء وانتي
خديجه : وانا خديجه ممكن اعرف قاعده لوحدك ليه
اسماء : عادي
خديجه : لا قولى
اسماء : عملت زنب وخايفه ربنا ما يسامحنيش فا حبست نفسي هنا
خديجه : ومين قالك ربنا مش بيسامح
اسماء : بس زنبي كبير
خديجه : طاب هاحكيلك قصه
اسماء بفرحه: ياريت
خديجه نادت لريم وفاطمه : تعالو هاحكلكم قصه
كلهم راحوا وهما فرحانين
خديجه : هاتكلم النهارده علي قصه سيدنا ثعلبه بن عبد الرحمن
سيدنا ثعلبه كان بيخدم الرسول في كل ما يحتاجه
وفي يوم الرسول بعته في أمر
فا وهو في الطريق عد علي باب رجل من الأنصار فشاف امرأه بتغتسل ففضل يبصلها وبعدين ادرك اللي عمله فا خاف الا جبريل يبلغ الرسول فا راح الجبل اللي بين المدينه ومكه وفضل فيها أربعين يوم وبعد كدا الوحي نزل علي الرسول قاله ( ان هناك رجلا من أمتك بين حفره من الجبال متعوذا )
فقال الرسول لعمر بن الخطاب وسلمان الفارسي يذهبوا الي المدينه ليبحثا عنه لحد ماراو رجل راعي من رعاه المدينه يدعي زفافه
فسيدنا عمر سأله عن شخص مختبئ يدعي ثعلبه
فرد عليه قاله أنت عايز اللي هارب من النار
فقاله عمر وايه اللي عرفك انه هارب
رد عليه قاله لما بيجي الليل يرفع ايده للسما ينادي ربه ويقول ( ياليتك قبضت روحي بين تلك الأرواح )
فسيدنا عمر راحله
سيدنا ثعلبه لما شافه حضن سيدنا عمر
وقاله هل الرسول علم بزنبي
فقاله سيدنا عمر انه مايعرفشي بس الرسول بعته ليه علشان نجيبك
فطلب من سيدنا عمر انه مايدخلشي علي الرسول الا وهو بيصلي
فدخل للرسول وهو بيسلم من الصلاه الرسول لما شافه
سأله عن غيبته فرد عليه
ذنبي يارسول الله فقاله الرسول الا ادلكم علي ايه تمحي الذنوب والخطايا فقاله بلي فرد الرسول ( ربنا آتنا في الدنيا حسنه وفي الاخره حسنه وقنا عذاب النار )
فرد عليه ثعلبه ذنبي أعظم يا رسول الله
فرد الرسول بل كلام الله أعظم وطلب منه انه يذهب لبيته مر تمن ايام
فراحله الرسول وحط.سيدنا ثعلبه راسه بين حجر الرسول وبعدين قام بسرعه
فالرسول سأله عن السبب اللي يخليه يقوم
فرد عليه انها مليئه بالذنوب واحس بدبيب النمل بين عظمي
فرد الرسول عليه قاله ماتشتهي.
رد ثعلبه قاله المغفره
فنزل جبريل
وقال ( ايها النبي ان ربي يقول لو ان هذا العبد لقيني بقراب الارض بذنوب لقيته بقرابها مغفره
نستفيد ايه بقا نستفيد ان مهما غلطنا مانياسشي لازم نقعد نستغفر ولا تياسوا من روح الله إياك تياسوا ربنا غفور رحيم ربنا ارحم علينا من آلام بولدها بس اهم حاجه انك تتوبي توبه صادقه
اسماء حضنتها : ربنا بعتك ليا والله ربنا يخليكي ليا ممكن نبقا صحاب
خديجه: طبعا
وكلهم حضنوا بعض
خلص اليوم وياسين خدهم البيت
فيروز : قوموا ناموا بدري علشان هاتروحوا تدربوا مع ياسين في الشركه
فاطمه فرحة
خديجه : طاب عايزه ريم معانا
فيروز : طبعا انا قلتله
خديجه طاب هابلغ ريم
وناموا
تاني يوم جهزوا وراحوا مع ياسين وعدوا علي ريم
دخلوا الشركه وكانوا مبهورين جدا بجمالها
خديجه : اللهم بارك
قابلهم مراد
مراد فرح لما شاف ريم
ياسين : البنات هاندربهم وطبيعي حكي لمراد وحمزه علي اخته
مراد : نوروا الشركه والله يالا علشان نبدأ
عدا اسبوع وخديجه بقيت سكرتيره ياسين
ياسين : مراد ورق الصفقه بسرعه دي أهم صفقه عندنا
مراد دور علي الورق مالاقهوش راح لياسين
ياسين بعصبيه : ازاى
مراد : اهدي بس وكل حاجه هاتتحل
ياسين : اهدي ازاى نادي لخديجة
خديجه دخلت
ياسين : ورق الصفقه اللي قلتلك عنيه فين
خديجه: في مكانه
ياسين : مش موجود ياهانم
خديجه: ازاى وفضلوا يدوروا عليه
وبعدين جيه اتصال لياسين
ياسين : الو
الشخص : واخيرا خدت ورق الصفقه مبروك عليا
ياسين : انت
الشخص: ايوا انا اشكرلى خديجه علي الخدمه اللي عملتهالى وقولها الفلوس اتحولت لحسابك
ياسين بصدمه: خديجه
الفصل الخامس عشر
ياسين بصوت جهوري : خديجه
خديجه خافت وخبطت في الحيطه
ياسين قرب منها: قوليلي عملتي اي في الورق
خديجه فضلت تبصله وهي مرعوبه : والله والله مش عملت هاعمل اي
مراد قرب منه : اهدي بس قول حصل اي
ياسين : الهانم اديتله الورق مقابل فلوس عايزه فلوس خديها مني لكن تبعيني
خديجه ماكنتشي مستوعبه االي بيحصل
وبعدين شدها من ايدها
مراد كان بيجري وراه : اهدي يابني ماينفعشي اللي بتعمله
ياسين زقها جوا اوضه وقفل عليهم : تفهميني حالا عملتي كدا لي
خديجه بعياط : مهما اتكلمت مش هاتصدقني الأفضل اسكت
ياسين : فهميني حالا
خديجه رفضت تتكلم
ياسين لسه بيرفع ايده علشان يمسك شعره لقي خديجه خافت وحطت ايدها علي وشها
ياسين : لا ماتخافيش مش هاضربك انتي هاتقعدي تكتبيلي الصفقه تاني خلال يومين بالظبط الاقيهم جاهزين ازاى ماعرفشي
خديجه: بس بس دي محتاجه وقت كبير وانا لسه في البدايه
ياسين : اتصرفي وعلي العموم مش هايدخلك اكل هاتفضلي محبوسه كدا ليكي ميه علشان ماتموتيش مني
خديجه فضلت بصاله بدموع
ياسين سابها وخرج
مراد : ليه ليه عملت كدا ليه ماسمعتهاش ليه دايما ظالمها
ياسين : خلاص خلاص الكلام منهي
مراد: هاتندم
ياسين : انا رايح لايسل وفي كاميرات هنا لو حد دخلها مش هايطلع عليه الصبح ايا كان هو مين
مراد : لا انت اتجننت انت حبستها
ياسين : انا قلت كلمه وكدا كدا المفتاح معايا بس بعرفك علشان لو حاولت تخشلها وسابه ومشي
مراد : غبي وهايفضل غبي لحد ماهايندم في يوم
ريم وفاطمه خلصوا
مراد : يالا اوصلكم
ريم : لا احنا مستنين خديجه وهانروح
مراد كان مخنوق جدا : قلت يالا علي العربيه وخديجه مع جوزها
خافوا منه وركبوا فضل يلوم نفسه
وصل ريم وبعدين فاطمه
فيروز : اهلا ياحبايبي امال فين ياسين
مراد : لو سمحتي يا أمي عايزه في حاجه
فاطمه فهمت انه مش عايز يتكلم ادامها : طاب هاستاذن انا اطمن علي زين
فيروز : ماشي ياحبيبتي
فاطمه طلعت
فيروز : في ايه ياحبيبي قلقتني
مراد حكالها كل حاجه
فيروز: لا دا هبت منه علي الاخر
هو فين
مراد : راح لمراته
فيروز : تمام وراحت ترن عليه
ياسين قفل الفون
فيروز : قفل التليفون طب تعالي نطلع خديجه
مراد : للاسف قافل عليها والباب حديد لازم هو اللي يفتحه لانه معاه المفتاح
فيروز: منه لله منه لله زنبها اي المسكينه دي
وفضلت قاعده تعيط ومراد يهديها
عند ياسين رجع لايسل
ايسل اول ماشافته حضنته : كنت فين هونت عليك لدرجه دي
ياسين بضيق : جهزيلي الاكل يالا
ايسل بصتله بضيق ودخلت عملت الاكل
ياسين قاعد مخنوق وفضل ياكل وهو متعصب
ايسل قربت منه : ممكن اعرف مالك
ياسين كان مخنوق انها قريبه منه: ابعدي كدا ماتفكريش اني هاسامحك ونسيت اقولك امك في المستشفي
ايسل بصدمه : نعم
ياسين : زي ماسمعتي
ايسل : هي فين
ياسين : مستشفي التابعه للشرطه يالا روحي شوفيها
ايسل لبست وجريت لأمها
خديجه كانت عماله تكتب لحد ماتعبت
عدا اليومين
وياسين قلبه كان بيدق دخل لخديجة
لقاها مرميه في الارض
جري عليها
ياسين بقلق : خديجه خديجه
شافها باين عليها الإرهاق جدا
ياسين فضل يفوق فيها
نادي لسكرتيره تجيب دكتوره
الدكتوره: هي ضعيفه بقالها فتره ماكلتشي لازم تهتموا بيها والا هايحصل مضاعفات اكتر
خديجه بدأت تفوق
خديجه ضمت نفسها بسرعه : والله خلصت الورق طلعني ارجوك
ياسين اتصدم انها خلصت الورق
ياسين : خلصتيه ازاى
خديجه: عندك اهو ابوس ايدك طلعني
ياسين : تمام اتفضلي كلى
خديجه: لا لا مش عايزه اكل انا عايزه اروح ارجوك روحني
ياسين جاي يقوم قامت حضناه : ارجوك ماتسبنيش هنا هاعملك اللي عايزه بس طلعني انا بخاف لما اقعد لوحدي
ياسين لام نفسه انه عمل فيها كدة: طيب قومي ومسكها قومها
هي كانت دايخه فا مسكت فيه
خديجه : اسفه
ياسين : انا جوزك يالا
وخرجوا وريم اول ماشافتها حضنتها وفضلت تبوسها
وفاطمه شافتها فرحت جدا
وكلهم كانوا زعلانين من ياسين
خديجه روحت
فيروز اول ماشافتها جريت عليها حضنتها
فيروز : حبيبتي طمنيني عليكي انا اسفه اني جوزتهولك
خديجه ردت بجمود : انا عايزه اطلق ارجوكي
ياسين: مش مطلق
فيروز : لا هاطلقها انت ما تستاهلهاش
ياسين : قلت مش مطلق
واتفضلي اطلعي ارتاحي في اوضتك علشان حسابك ماخلصشي
خديجه طلعت من غير ماتتكلم
فيروز: امشي برا انا كل مره بسامحك بس لحد كدا استوب انت فاهم
ياسين خرج من غير مايقول اي كلمه
خديجه دخلت تاخد شاور اول ما الميه شغلتها فضلت تعيط
خلصت وطلعت تصلي
وسجده وفضلت تدعي ربنا يصبرها
خلصت ونامت
تاني يوم .
ياسين دخل البيت كانوا كلهم قاعدين علي السفره
فيروز : مش قلتلك برا
ياسين : انا جاي اخد مراتي واختي علشان الشغل
فيروز : ماحدش هايشتغل معاك
ياسين بارهاق : وانا قلت جاي اخدهم اتفضلوا ادامي
فيروز : انا ماعرفتيش اربيك كمان بتعصي كلامي
ياسين بدوخه : خليهم وماقدرشي يكمل كلامه ووقع
كلهم جريوا عليه وفيروز رنيت علي مراد يجي بالدكتور
مراد رن علي حمزه يسبقه بالدكتور علشان هو أقرب منه
حمزه جري بالدكتور
ودخل جري
الدكتور كشف علي ياسين
الدكتور : مش هاقدر أفيدكم الا لما تعملوا التحاليل دي ضروري
فيروز بعياط : طب هو ماله
الدكتور : بعد التحاليل ان شاءالله وكتبلهم التحاليل ومشي
حمزه خد الورقه وطالع خبط في فاطمه
حمزه : انا اسف ماكنشي قصدي
وبعدين شاف فاطمه سرح فيها
فاطمه : خير عن اذنك
حمزه فاق علي صوتها وبعدين جري يجيب العلاج ويجيب حد ياخد منه عينه الدم
فضلوا قاعدين جنبه
ومراد جيه بسرعه: طمنوني
فيروز بعياط : الدكتور قال لازم التحاليل الاول وبعدين هايقولنا
مراد: طاب فين حمزه
فيروز: راح يجيب العلاج ويجيب حد يعمله التحاليل
كلهم قعدوا جنبه
وحمزه جيه وخدوا العينه
خديجه راحت هي وفيروز و حمزه ومراد للدكتور .
الدكتور : للاسف اللي كنت شاكك فيه طلع صح
للاسف عنده ....