CMP: AIE: رواية من تكوني الفصل السابع 7 بقلم ديجا
أخر الاخبار

رواية من تكوني الفصل السابع 7 بقلم ديجا


رواية من تكوني 

 الفصل السابع 

بقلم ديجا


فى الصباح نزلت جويرية المصنع ودخلت عشان تاخد الفلوس من عم حسين قابلها هانى ووقفها

هانى :آنسه جويرية عامله ايه




جويرية :الحمد لله

هاني :إنتى ليه سيبتى الشغل هنا وطلعتي فوق

جويرية :أكل العيش عايز كده عن اذنك

هاني :مشكلتك اتحلت والمبلغ اتجمع

جويرية :اه تمام الحمد لله





هاني :لو محتاجه حاجه يا ريت تبلغيني

جويرية :ان شاء الله عن اذنك

جويرية دخلت مكتب عم حسين





حسين :أهلا بست البنات عامله ايه فى الإدارة

جويرية :تمام يا عم حسين الحمدالله كنت جايه عايزه اعرف الفلوس كام عشان عملية هيام

سمعوا صوت عالى جاي من الصاله خرجوا يشوفوا فى ايه

هانى للبنى :ياريت تشوفى شغلك من غير صوتك ما يعلى

لبنى :انت هنا زى زيك على فكرة






حسين:بس منك ليها كل واحد على شغله

لبنى شافت جويرية :اهلا يا آنسه حراميه

حسين :ايه الكلام ده يا بنتى عيب كده

لبنى :عيب العيب على اللي لمت فلوس لحاله انسانية وتروح تجيب لبس أونلاين وادى الريسيت بأسمها اهو اتفرجوا

هند:إنتى اكيد فاهمه غلط

لمياء :ايوة صح جويرية عمرها ما هتكذب

لبنى:ايوة اكيد مين هيشهدلها غيركم

حسين :بس خلاص لحظه الاظرف معايا أنا

جويرية :بعد اذنك يا عم حسين فعلآ الريسيت بأسمى بس انا ما ما مدتيش ايدي على الفلوس عن إذنكم عندي شغل

حسين :استنى يا بنتى أنا جاي معاكي متزعليش يا بنتي

جويرية :لأ ابدا مفيش حاجه المهم الاوضه والصاله اللي تحت كنت محتجاهم لو ينفع يعني

حسين :تحت امرك يا بنتى من بكره افضيهم ليكي بس اعذريني فى السؤال عايزاهم لحد يسكن

جويرية :اه يا عم حسين لهيام اصل جوزها طلقها

فلاش باك💚💚






هيام بعياط:معلش يا جورى إنى بكلمك فى الوقت ده

جويرية :ولا يهمك يا حبيبتي خير ان شاء الله

هيام :لأ مش خير خالص مسعد اتجوز عليا وطلقنى ورمانى أنا والبت فى الشارع وروحت لاخويا مراته مردتش تدخلني

جويرية :طب اهدي بس قوليلى انتي فين دلوقتي

هيام :انا فالشارع ومش عارفه اعمل ايه انتي اللي جيتي على بالي

جويرية :طيب انا جيالك

عودة من الفلاش باك💔💔

جويرية :وهي عندى فالبيت بعد ما بعت جاسر عند عمتي

حسين : ربنا يجازيكى خير يا بنتى

جويرية :هتعمل العمليه بالليل ان شاء الله وهى تبقي في وسطينا

حسين :خير ما عملتي يا حبيبتي

جويرية :أنا هطلع اخلص شغلي عشان استأذن استاذ أسر فى اجازة يومين





إبتهال :يا هنا انا رايحة المول عن اخوكي بعد الغدا تحبي تيجي معايا

هنا :اوكي يا ماما عايزه شويه حاجات اجبها معايا بالمرة

إبتهال :طيب يا حبيبتي نتغدا ونمشي على طول وبالمرة اشوف ست جويرية دي اللي ابوكي واخوكى دوشنى بيها

هنا :دى عسوله أوى يا ماما شبه صورة عمتو الله يرحمها اللي مع بابا بس الصوره قديمه أوى

إبتهال :الله يرحمها كل حاجه راحت فالحريق

هنا :حريق إيه يا ماما

إبتهال :بيت جدو الله يرحمه حصل فيه حريقه وكل اللي فيه اتوفى كنا راجعين من السفر والعربيه اتعطلت عالطريق وعلى ما وصلنا كان البيت كوم تراب باللى فيه مكنش معايا غير أسر كان لسه صغير وباباكى دخل فى حاله نفسيه لا كتر من سنه وبعدها قرر يكبر شغل والده

هنا حضنت مامتها: أنت أول مرة تحكيلى الحكايه دى

إبتهال :مكنتش عايزة افكر ابوكي كنت فكراه نسي بس لما قابل البنت دى صحت اللي كنت فكراه مات وعلى فكرة عمتك كانت صحبتي

هنا:اممم يعنى انتى شقطى أخو صحبتك يا شقيه

إبتهال :شقطت ايه الكلام ده يا بنتى وبعدين باباكى هو اللي جرى ورايا لحد ما وفقت عليه.. يلا نتغدا ياريت ماتتكلميش فى الموضوع ده مع بابا

هنا :حاضر يا مامتى يلا






جميله:يلا جنه حضرى الفطار عشان الضيفه

جنه:حاضر يا ماما

هيام صحيت هى وبنتها شروق :أنا اسفه جيت لغبطلكم الدنيا

جميلة :ليه يا بنتي بتقولى كده البيت بيتك انتى زى جورى وجنه وما شالتكيش الأرض اشيلك فوق دماغى

هيام:تسلمى يا حاجه مش عارفه اقولك ايه ربنا يباركلك فى جوري ست البنات






جميله :يلا يا حبيبتي الفطار جاهز جورى كلمتنى وقالتى إنها جايه بدري ان شاء الله عشان تروحوا المستشفى

شروق :ماما احنا هنروح بيتنا تانى

هيام:ان شاء الله يا حبيبتي

جميلة :البيت هنا مش عجبك ولا ايه يا شوشو

شروق:ده جميل أوى يا تيتا والاحلى أن بابا مش هيضرب ماما تاني

هيام بعياط ضمت بنتها :معلش يا بنتى حقك عليا الله يسامحها مرات خالك هى السبب فى الجوازة دى

جميلة :استهدي بالله يا حبيبتي كل شيء نصيب ده ابتلاء من الله عشان يختبر صبرنا

جنه:تعالى يا ست شروق عشان نلعب مع بعض






عند أسر فى المكتب

أسر :اخبار مامتك ايه

جويرية :الحمد لله بخير

أسر :طب ايه يلا نذاكر شويه عشان فاضل اقل من شهر على الامتحان

جويرية :والشغل كده هيتعطل أنا ممكن اذاكر فالبيت

أسر :إنتى شاطره ومخلصه شغل اول بأول يلا بقى مضيعيش وقت

عاصم جه ومعاه ورد وحطه على مكتب جويرية

جويرية :ده لمين الورد

عاصم :ليكى طبعا ده تعبير عن اعجابى بالعيون دى





جويرية :حضرتك تقدر تاخد الورد ده وتديه لحد تاني أوارميه فى الباسكت 

عاصم حك شعره :ايه الكسفه دى بقى

خرج أسر وفى إيده ورق :عاصم مدخلتش ليه وايه الورد ده

جويرية :استاذ عاصم جايبه معاه

عاصم :احمم اه كنت جايبه ليك يا صاحبي

أسر بعدم تصديق:اممم ماشي شكرا يا سيدي يلا بقى طرقنا عشان عندنا مذاكرة

عاصم :مذاكره ليه رجعت كى جى من تانى

أسر :لا دى جويرية هتكمل الجامعه وهتدخل الامتحان اخر الشهر

عاصم قرب عليه:شكلى هخسر الرهان سلام يا صاحبي

أسر ضحك وقعد مع جويرية فى مكتبها يذاكروا وبعد شويه وقت تعبوا قرروا يكملوا بكره

أسر :ما شاء الله عليكي بتحفظى بسرعه

جويرية بأحراج :شكرا لحضرتك تعبتك معايا

أسر :لأ ابدا وبعدين مش عايز اسمع شكرا دي تاني اتفقنا

جويرية :حاضر.. امممم كان ليا طلب عند حضرتك





أسر :اتفضلي فى اى

جويرية :كنت عايزه اليومين الجايين أجازة

أسر :مامتك لسه تعبانه

جويرية :الحقيقة مش مامتى هى هيام زميلتى هنا فى المشغل هتعمل عمليه بالليل وملهاش حد بس هاجى المول اخر النهار

أسر :تمام مافيش مشكله

جويرية :أنا آسفة يعني

أسر بضحكه:ايه يا بنتى فى ايه كمية شكرا وآسفه دى

جويرية ضحكت :خلاص عن اذنك عشان هروح المول لأحسن مديرى صعب أوى

اسر:طب ما تروحي عشان المستشفى مع صحبتك

جويرية :عندي عميله حجزه معايا شغل أونلاين هسلمها وبعد أذنك همشي على طول

أسر :حلوة فكرة البيدج والجروب اللي عملتيهم دول

جويرية :وممكن كمان نجيب حد يوصل لاقرب مكان

أسر :فكرة حلوة أوى لما ترجعى بالسلامة من الاجازة ندرسها




تعالى أوصلك يلا

جويرية :أنا عندى مشوار هعمله وبعدين اروح

أسر :حلو الاعتذار بشياكه ده





جويرية ابتسمت :حقيقى عندي مشوار عن اذنك

قابلت هند لأنها كانت زعلانه منها عشان مقالتلهاش على شغل الإدارة ووضحتلها انها جت كده من غير ترتيب 




وبلغتها بعمليه هيام واتفقت معاها تروح معاهم ووصلت عند المول وفجأة وهى بتعدي الشارع




 كان فى بنت العربيه هتخبطها جويرية جريت عليها وصرخت :خلى بالك......



 👇لقراة باقي الفصول اضغط هنا

 🌹 🌹🌹🌹🌹🌹🌹🌹🌹🌹🌹🌹
🍁🍁🍁🍁مرحبا بكم
. ضيوفنا الكرام 

 .
اترك ١٠ تعليقات. ليصلك. الفصل الجديد فور نشره.في كرنفال. الروايات .ستجد. كل. ما. هوا جديد. حصري. ورومانسى. وشيق. فقط ابحث من جوجل باسم الرواية واسم مدوانة كرنفال الروايات وايضاء  اشتركو على

 قناتنا        علي التليجرام من هنا

ليصلك. اشعار بكل ما هوه. جديد من اللينك الظاهر امامك.

  🌹🌹🌹🌹🌹🌹🌹🌹🌹🌹🌹🌹🌹

                       الفصل الثامن من هنا

          لقراة باقي الفصول اضغط هنا

تعليقات



حجم الخط
+
16
-
تباعد السطور
+
2
-