الفصل الحادي والعشرون
بقلم منه محمد
نوح بعد ما سابه ابهم سمع هبد جامد من غرفه امه فتح الباب لقاها واقعه علارض وبتحاول تسحف
نوح قعد ركبه ونص: امي مالك
هاله بنهيار: شوف الدكتور ابهم ليه سابني ومشي ارجوك خدني عنده
نوح بيحاول يرفعها: امي انتي تعبانه
هاله: لاء انا كويسه قالي رايح يشوف امه ممكن تسال الممرضه في انهي غرفه وخدني عنده
نوح: امي انتي مش قادره تمشي
هاله: انت ساعدني ارجوك مش عايزاه يسبني
نوح بضيق: بتحبيه للدرجه
هاله بكت بنحيب وضمت نوح: في حياتي محبتش الا راجلين انت وابهم من غيرك انت وهو مفيش سبب اني اعيش
نوح مستاء من حبها له بس مش عايز يزعلها وخصوصا في الوقت ده!!!
هاله برجاء وتوسل: ارجوك يا بني ارجوك خدني عنده
نوح: استني هنا هروح اتكلم معاه وهعمل اي حاجه واقنعه انه ميكرهكيش بس استني هنا ماشي
هاله جففت دموعها: ماشي
.......
ابهم راح بيت رغده ودخل بدون مقدمات
ابهم: رغده كارمن هنا
رغده : ايوه هنا بس ليه
ابهم طلع ع فوق لقاها ماسكه الموبيل وبتسمع نغمه نوح
ابهم قرب: كارمن
كارمن اغلقت النغمه بسرعه: ايه الي جابك هنا؟!
ابهم: رغده قالت لي انك منتظره الشاب ده ياخدك
كارمن: اتكلمت مع المحامي عن االطلاق
ابهم: انتي لازم تسيبي الشاب ده
كارمن بنرفزه: اظن اتكلمنا في ده
ابهم: انتي عارفه مين هي امه
كارمن: ليه بتسألني عن ده
ابهم: انتي بجد مش عارفه ليه بسألك لان نوح ابن هاله
كارمن: وازاي عرفت ده
ابهم اتنهد بصوت عالي: هاله قالت لي
كارمن: ونوح عرف انك عرفت
ابهم :ايوه عارف كل حاجه زي ما هو عارف انك صاحبه امه
كارمن :ايه هو عارف اني اعرف امه ومن امتي ومين قاله
ابهم بضيق انها مهتمه بيه: معرفش الي اعرفه انه عارف احسن مني انك تعرفيه عشان كدا قرب منك وخلاكي تحبيه عايز ياخدك مني لانه بيساعد امه يفرقونا
كارمن بنفعال: الكلام ده كدب
ابهم مسك ايدها:كارمن صدقيني ارجوكي
كارمن شدت ايدها منه بعنف: لاء مش مصدقاك من اول ما عرفت نوح ميعرفش مين انا لو عارف اني اعرف امه مكنش هيتورط معايا لانه عارف قد ايه انت أذتني وجرحتني
ابهم بقهر:كارمن ارجوكي اهدي واسمعيني
كارمن بعصبيه مفرطه: لاء مش هسمعك(زقته) اسمعني انت انت متعرفهوش زي ما انا اعرفه نوح مش راجل خداع ولا قاسي وقلبه حجر هو عارف اني اتوجعت منك ووقف معايا وحبني انا من غيره مكنتش هقدر اقف واكمل تاني
ابهم صرخ فيها :نوح مش كويس هو بيلعب بيكي وبيخدعك بالحب
كارمن: انا الي بكدب عليه انا
هنا نوح كان وصل وشاف عربيه ابهم ركبه ميت عفريت ودخل وطلع السلم وسمع الجمله الاخيره لكارمن
ابهم بدهشه: انتي بتقولي ايه
كارمن :كنت عارفه انه ابن هاله كنت عارفه انه صائد للنساء وقصدت ادفع مقابل خدمته
ابهم مندهش لكلامها:انتي يا كارمن
كارمن :هاله سرقتك مني وانا قربت من ابنها عن قصد لاني عارفه لما تعرف اني ع علاقه بيه الحقيقه هتقتلها وتقتلك واراهن ان عمرك ما خطر ع بالك ان كارمن الهاديه الطيبه تعمل عمل شرير زي ده بس عشان حبيتك لدرجه كنت مستعده اعمل اي حاجه من غير ما افكر هو صح ولا غلط روحت استغليت نوح عشان أذي هاله
نوح :لحد هنا مقدرش يسمع اكتر من كدا طلع يجري ع برا وركبت موتسكله وهو ماشي بأقصي سرعه لمحته رغده الي كانت بتشتري عيش وشافته كملت طريقها للبيت!!!
كارمن: كدا الانسان القذر هو انا مش نوح
ابهم: طيب لو هو كمان طلع بيلعب بيكي
كارمن: لاء هو ميعملش كدا فيا
ابهم: ليه مش مصدقه كلمه من كلامي ليه
كارمن: لان انا ونوح بنحب بعض بنعشق بعض وحبه وعشقه ليا مش كدبه
رغده طلعت وقطعت كلامهم: انا اسفه بس
كارمن لفت وبصتلها: خليكي يا رغده الدكتور ماشي
كارمن رجعت بصتله: روح لبيتك يادكتور
ابهم :نوح ميعرفش بكل ده مش كدا
كارمن: لاء انا بس وكنت هقوله وهشرحله اني عملت ده لاني كنت مقهوره من امه بس بعد ما حبيته حذفت انتقامي من هاله ومنك انا عايزه حبه وبس وهعتبره عوض من ربنا
ابهم بقهره في نبره صوته: انتي فعلا بتحبيه
كارمن: اتفضل روح لهاله انا عارفه انها في المستشفي
ابهم: هاله اجهضت
كارمن: ايه
ابهم: حصل ده من فتره بس كدبت عليا ومقلتليش ان الطفل مات
كارمن: لانها بتحبك خافت تفقدك انت كمان حرام تسيبها بعد ما فقدت ابنها
ابهم بحرقه :انا هنا عشان قلقان عشانك انتي مجتش عشان ترجعيلي هاله مره تانيه
قال كلامه وسابها ومشي بقهرته
كارمن قعدت ع السرير ورغده قربت عليها: قولتي اي حاجه عن نوح
كارمن: قولت لـ ابهم الحقيقه اني عارفه ان نوح ابن هاله
رغده: كارمن وانا راجعه من الفرن شوفت نوح بيبكي وبيركب الموتسكل وطار بسرعه
كارمن: قولتي ايه
رغده: كدا يبقي سمعك
كارمن قامت بسرعه خطفت شنطتها ونزلت تجري تروحله
رغده جريت وراها: كارمن ارجوكي خليكي هاديه كل حاجه هتتصلح
كارمن شاروت للاول تاكسي وركبت ورغده راحت معاها
في غرفه هاله قاعده بذهول من بعد ما رجعت من غرفه هدي الي سمعتها احلي كلام ورمتلها القنبله
= انتي وكارمن ليكم نفس العشيق
=الشاب الي كنتي بتحضنيه هو نفسه حيبيب كارمن سابت ابني لانها ع علاقه بالشاب ده
اثناء تفكيرها دخلت عليها بشماته واضحه في عيونها
هاله رفعت عيونها وبصتلها بحقد: اخرجي حالا
ناهد دخلت لجوه وقربت منها: انا بجد اسفه لاني مجبتلكيش ورد معايا اصل من شكلك مينفعش معاكي ورد انتي عايزه كفن وتربه
هاله قامت بعصبيه ومسكت فيها: قلت لك اطلعي بررررا
ناهد مسكتها بقوه: ده الي هتاخديه يا خطافه الرجاله برغم انك مموتيش بس عايشه في جحيم دلوقت
هاله صرخت فيها بحقد: اطلعي برا ولو مخرجتيش هفتح دماغك نصين
ناهد: ماشيه لاني شوفت الي انا عايزه اشوفه قبلتي تكوني عشيقه ع امل تسرقي جوز كارمن منها وبعدين حملتي بس شوفي حتي العيل رفض تبقي امه
هاله صرخت بصوت عالي:اخرجي يا كلبه اخرجي
ناهد زقتها ع السرير وطلعت فوقيها وكتفتها: الدكتور رجع لكارمن وده بيوجعك بس مش هتموتي لحد ما تشوفيها مرات ابنك غصب عنك
ناهد اتكت ع اسنانها بغل:يبقي انتي عارفه بده
ناهد ضحكت: انا براقب كل تحركاتك طبعا عارفه كارمن في الحقيقه شيطان رجيم انتي سرقتي جوزها وهي سرقت ابنك
هاله: يعني سرقت ابني قصد
ناهد: طبعا وده عدل ربنا بس مين الفايز هنا كارمن لان عندها ابنك ورجعت لجوزها وانتي بقي موتي هنا
هاله ضربتها بالشلوط في معدتها طيرتها علارض وفضلت تحدف عليها كل حاجه تطولها ايديها
ناهد قامت وهجمت عليها: يله اتجنني يله يله خرجي غضبك وقهرك ابنك وجوزك بيحبوا كارمن شوفي نفسك محدش عايزك ولا حبك( زقتها وبصتلها بحتقار) شعور جميل جدا مش
كدا هههه)
هاله بصريخ هستيري: اخررررررجي
ناهد فضلت تضحك وتضحك وتضحك لحد ما خرجت وهاله فضلت تصرخ وتشد في كل حاجه
.....
دخلوا المستشفي وبتجري بأقصي سرعتها ورغده بتجري وراها ومسكت دراعها
رغده: كارمن اهدي انتي اتصلتي ومرضش
كارمن: ايوه ومش عايز يرد عليا ازاي ابقي هاديه لازم اتكلم معاه
رغده: طيب اهدي كدا هيجرالك حاجه
كارمن قبلت ممرضه وسألتها عن غرفه هاله وياتري معاها مرافق الممرضه جاوبتها انها لوحدها والشاب الي معاها مشي الصبح ومرجعش !!!
وهي خارجه ع برا قابلت ابهم الي كان خارج من غرفه امه
كارمن: دكتور ابهم
ابهم: جايه تزوري هاله
كارمن :ايوه هتكلم معاها عن نوح
ابهم :مشت وسابها ومشي
كارمن جريت وركبت تاكسي هي ورغده وطلعت ع بيته وفضلت ترن الجرس وتخبط ع الباب
رغده: يمكن مش هنا
كارمن: يكون راح فين هو مش في بيت جدته ولا عند تامر اتصلت وقالي محدش عارف فينه وبتصل بيه مش بيرد والموتسكل اهو جوه هو هنا ورافض يفتح لي
نوح الي بالفعل جوه وسامع صوتها وضربها للجرس والباب بجنون ورافض يفتح او حتي يشوفها
كارمن فضلت تهبد ع الباب ولما يأست انه يفتح لها باب الرحمه فضلت ترن ع الموبيل الي نوح عمله صامت ورافض يرد عليها
رغده بعطف: خلاص يا كارمن هو مش جوه
كارمن: ولا بيرد ع موبيله ومش هيرجع يتصل بيا اكيد هو سامعني وانا بتكلم مع ابهم
رغده: يله نرجع البيت سبيله شويه وقت وانا واثقه لما يهدا هيتصل بيكي يله
كارمن عيطت بحرقه ومسكت في الباب
رغده مسحت دموعها وسحبت ايدها: يله بينا
........
بعد يومين في بيت نوح اصر يجيب امه تقعد عنده عشان يقدر يراعيها كما يجب
نوح راح عليها: تقدري تنامي في اوضه الضيوف نضفتهالك
هاله: شكرا يا حبيبي انك مهتم بيا
نوح قعد جنبها: لاني عارف انك مش عايزه تبقي لوحدك
هاله ببتسامه: اكيد
نوح سمع جرس الباب وعرف انها هي
هاله: مين الي بيرن الجرس كدا وقفت لما اروح اشوف مين
نوح قعدها : لاء مفيش داعي
هاله: انت عارف مين هو مش كدا لتكون البنت الي كانت هنا عندك مش هي برضو كارمن
نوح بخنقه وضيق: بلاش نذكر اسمها ولا اي حاجه عنها هي كانت من الماضي وانتهي ولا حتي عايز اشوفها
هاله: نوح انت فعلا بتحب كارمن
نوح بحزن: حب اظن انتي عارفه ان انا معرفش يعني ايه حب
هاله: نوح
نوح قطعها بسرعه: بلاش تسأليني لو بتحبني لان مفيش حد بيحبني ابدا حتي ابويا وامي مش بيحبوني مين بقي هيحبني وسابها ومشي لان رغرغرت عيونه بالدموع
هاله بتوعد: كارمن هتندمي لانك أذيتي ابني
.........
كارمن الي تعبت من كتر ما رنت الجرس وخبطت ع الباب
رغده: خلاص كفايه ياكارمن
كارمن: انا متأكده انه جوه
رغده: لو فعلا جوه ومش عايز يخرج بعد كل الرن والهبد ده معناه انه مش عايز يشوفك
كارمن نزلت ببطئ علارض وحطت دماغها ع الباب : مش عايزني انا
رغده: ايوه ويمكن مش في البيت يمكن مع هاله سبيه شويه وثقي فيا يله حبيبتي نمشي ارجوكي
كارمن قامت معاها وعيونها هتتخلع ع الباب لحد ما ركبتها رغده التاكسي واتحرك
........
كارمن بقالها اسبوع تروح كل يوم لحد بيته لحد ما يأست أأعده هوحاطه الموبيل قدامها وعيونها هتتخلع عليه
رغده: متصلش برضو
كارمن نزلت دموعها ونبره كأنها فارقت الحياه: نوح متصلش بيا بقاله اسبوع
رغده: تعالي نروح المسجد نصلي يرتاح بالك ده احسن من البحلقه في الموبيل بالطريقه دي
كارمن هزت دماغها ومسحت دمعه حزينه انسابت ع خدها الناعم
في المسجد وهما قاعدين يصلوا اخر ركعه لقوا الي قعدت جنبهم خلصوا الصلاه وطلعت بسرعه ع برا وكارمن ورغده طلعوا وراها
كارمن: هاله لازم اتكلم معاكي
هاله: انا كمان عايزه اتكلم معاكي
كارمن: اسمعيني
هاله: هششش مش دلوقت وماشيه
كارمن راحت وراها: هاله استني بخصوص نوح
هاله: اسمعي احنا قدام الجامع وميصحش نتكلم في امور غير اخلاقيه
كارمن رايحه وراها: هاله اسمعيني
رغده وقفت قدامها تمنعها: كارمن اقفي هي مش عايزه تتكلم معاكي
كارمن: طيب ليه جات لحد هنا لانها مش صدفه هي ورانا متعمده
رغده: ايوه جات لانها عايزه تلعب معاكي بلاش تنجرفي في تيارها زي ما جات لحد هنا تقدر تروح وراكي اي مكان وتتكلم معاكي يله فكك وتعالي نروح اي مكان ناكل فيه اكله سمك
كارمن: مش عايزه
رغده: يله انا جعانه اوي
وهما ماشين لقوا الي داخله فيهم بالعربيه لفوا الاتنين وصرخوا وهاله وقفت العربيه ونزلت والشرارطاير من عيونها بشكل مخيف
هاله: يله احنا بعيد عن المسجد نقدر نسوي خلافتنا
رغده: انتي بجد ست غريبه
هاله بصت لكارمن بحقد ومكست ايدها:اخدت جوزك منك لو بتكرهيني اضربيني يله
رغده وقفت ما بينهم:ابعدي عنها يا هاله
هاله زقت رغده وقعتها علارض
هاله رجعت سحبت ايد كارمن وبتضرب نفسها بيها: يله اضربيني يله واقتليني كمان انا شيطان سرقت جوزك وانا الي من المفروض ادفع الثمن ليه دخلتي ابني وورطيه معاكي كان عملك ايه
هاله بصريخ وصوت عالي: انتي غلطانه هو ميعرفش حاجه ليه دخلتيه في لعبتك
كارمن ببكاء: هاله انا اسفه
هاله مسكتها من شعرها وتشد فيه بقسوه
رغده بتسلك شعر كارمن من بين ايد هاله: كفايه كدا يا هاله سبيها
هاله: انتي عارفه ان ابني كل حاجه بالنسبه لي وبحبه اكتر من الي بملكه وعشان كدا انتقمتي مني فيه
كارمن: اسمعيني والله ما كنت هعمل الي عمتله لو عارفه ان الامور هتوصل لكدا عملت ده لاني كنت غضبانه وحبيت انتقم عقلي كان طاير وعملت حاجات مش اخلاقي
هاله: اه حبيتي تخاليني اعاني بس انتي قطعتي قلبي ع ابني برغم اني مربتهوش بس انا امه الي بحبه اكتر من اي حاجه في الدنيا ورغم اني مكنتش ام عدله ووضيعه وحثاله وابوه راجل قذر وعشان كدا ابني كان محتاج للحب وانتي خدعتيه وأذتيه بحبك المزيف
كارمن: لاء انا مش كدا و مستحيل اعمل فيه كدا
هاله مسكتها من شعرها بقوة : لا عملتي
رغده: كفايه بقي انتي ايه مجرمه
هاله صرخت بصوت عالي: ايوه وكنت هشوطها بالعربيه لحد ما تموت قدامي بس وقفت لان ده غلطي انا اخدت جوزك منك عشان كدا ابني بيعاني وده ذنبي يا كارمن ذنبي
كارمن بدموع: انا مكنتش هأذي ابنك
هاله بعصبيه: اموري مع ابهم انتهت انا معملتش اي حاجه لحد دلوقت سيبي ابني في حاله وابعدي عنه
كارمن: بعترف اني قابلته عشان انتقم منك بس كل الامور اتغيرت لما حبيته وهو حبني
هاله جن جنونها: انتهي لحد هنا انتهي ياكارمن وبقولهالك تاني سيبي ابني في حاله والا هفرمك ابني الحاجه الوحيده الحلوه الي فضلالي ومش هسمح لحد يأذيه وانتي بالذات
خارج وبيسحب الدراجه من الجراش لقاها داخله عليه
نوح كشر : انتي جايه هنا ليه؟؟!!
كارمن قربت عليه: لحد امتي هتفضل تهرب مني
نوح : اظن انتي غلطانه انا مش بهرب منك انا مش عايز اشوفك فأبعدي
كارمن مسكت ايده برجاء: نوح لازم نتكلم
نوح نفض ايده منها بعصبيه :قلت ابعدي
كارمن وهي بتحاول تهديه وتقرب منه :لازم نتكلم ارجوك يا نوح
نوح لبس الخوذه ع دماغه: معنديش الي اقوله اخرجي
كارمن: نوح لاء (اخدت الخوذه رمتها لبعيد) لازم نتكلم ليه متجاهل مكالماتي ليه مش بتتصل بيا
نوح :لان شغلي معاكي انتهي
كارمن : اي شغل
نوح ضحك :ايه مش شايفه اني كدبت عليكي في الاول حسيت بالذنب عشان كدبت عليكي وبعدين اكتشفت انك كدبتي عليا فحسيت براحه اننا لعبنا ع بعض لاننا منحطين نفس بعض كدا اتعادلنا يا كوكا
كارمن من بين دموعها: معرفش امك قالت لك ايه بس عارفه انك غضبان مني بس بلاش تحتقرني كدا
نوح: اسمعيني كويس مش بحب اكرركلامي لانه ممل ومزعج وبعدين انا شخص مش ودني عشان امي تقولي حاجه اسمعها زي المغفل انا كنت عارف طول الوقت انك صحبتها عشان كدا قابلتك
كارمن: وايه كمان
نوح رفع كتافه وكمل بقسوة وهو مقهور ع تعذيبها: شكلك مش مندهشه لكلامي اكيد جوزك قالك السبب الي خلاني اقابلك
كارمن بصاله وعيونها حزينه : عايزه اسمعه منك
نوح بستهزاء : انتي مفكره شاب زي يحب واحده نفس عمره وكمان مش بنت بنوت
كارمن: لما انت مش بتحبني ليه كنت لطيف معايا
نوح بسخريه وتريقه: انتي يظهر نسيتي انا بشتغل ايه يا حبيبتي اللطافه دي نوع من شغلي وبستعملها عشان لقمه العيش وكل ده بفضل تجربه الحياه ومش بفضل خبرتي في الشغل وحط ايده ع رقينتها بوقاحه)ومحستش بأي حرج وانتي بتطلبي مني انام معاكي
كارمن ضربته بالقلم: عارفه انك غضبان مني لاني كدبت عليك عشان كدا انت عمال تجلد فيه نوح اضربني اشتمني بس بلاش تسخر من حبنا لانه الشئ الوحيد الي خلاني استمر
نوح: مكنتش عايز افسد احلامك بس لازم تنسي كل حاجه لان حبنا مش حقيقي مع الاسف
كارمن فضلت تضربه ع صدره وبصرخه مجنونه: ليه عملت كدا ليه رد ليه
نوح مسك ايدها ويهز فيها بعنف: كنت عايز ادمر جوازك عشان امي تقدر تعيش مع جوزك مرتاحه
كارمن عيونها تلمع بدموع متجمده : لاء مش مصدقه لاء مش مصدقه
نوح مسكها بقوة وفضل يهزها: هي دي الحقيقه وانتي مش عايزه تصدقيها انتي حره متصدقيش فوقي للواقع لان دي الحقيقه
كارمن بصوت متقطع: كـ......داب
نوح مسكها من فكها بقسوه: فوقي انتي سبتي جوزك ولسه بتشوفي العالم لسه جميل
وكمل وهو بيرميها بقوة على الأرض: اصحي وواجهي الحقيقه
كارمن قعدت علارض تبكي بصوت عالي يدمي القلوب
نوح: هبسطلك الامور بينك وبين امي تفتكري هختارك انتي
نوح وطي وجاب الخوذه وكمل : خاليني قولك انا اسف لاني خدعتك بس ع الاقل رجعتي لجوزك فكري في المكسب وخديها تجربه في الحياه ويله اخرجي من بيتي عندي شغل مع زبونه جديده واتأخرت عليها
كارمن سابته وجريت تطلع ع فوق لغرفه النوم صرخت بصوت عالي لما حست بأيديه تسحبها من ع السلم
نوح مسكها وبحزم وقفها : بتعملي ايه قولت لك امشي و اقصري الشر
كارمن :عايزه حاجاتي الي عندك
نوح : حاجاتك مش هنا
كارمن: لا هي هنا
وزقته وفتحت الباب ودخلت وطلعت تجري ع فوق وهو دخل يجري وراها بس هي كانت اسرع منه لحد ما قدر يمسكها وبسحب فيها: اخرجي برا
كارمن بتعافر تبعده : ابعد عن طريقي ابعد
نوح سحبها وراه بقوه و اتك ع اسنانه :قولت لك مفيش حاجه هنا
كارمن: خاليني اشوف ده بنفسي
نوح بيجر فيها ع برا اتغاظت منه وراحت عضته جامد وزقته رجع ع وري وطلعت تجري ع فوق فتحت الباب وبصت ع الصوره ملقتهاش متعلقه ع الحيطه!!
نوح دخل وراها بنرفزه :شوفتي ملكيش حاجه هنا
كارمن: فين لوحتي
نوح بنبره كلها تريقه: العرض انتهي والستاره نزلت ليه احتفظ بالدعايه
كارمن صرخت فيه لانها حاسه انه قاصد اهانه بكلامه : قولي فين لوحتي ودتها فين
نوح صرخ فيها وهو مقرب عليها :رميتها في الزباله
كارمن بتجري تفتح الدولاب نوح راح وراها ومسك ايدها بقسوة وزعق اكتر: اخرجي من بيتي اخرجي
كارمن : لا ء مش خارجه
وفتحت الدولاب لقت البوكيه اخدته وضمته لصدرها تشم فيه
نوح صرخ: قولت لك اخرجي
كارمن راحت تشد الستاره لقت االوحه: قولت انك رميتها اشرح لي ليه قولت انك رميتها
نوح بغضب: كنت هرميها ونسيت
كارمن اخدت اللوحه ونوح راح شد منها اللوحه بغضب اسود وسحب من الدرج مقص
كارمن بتشدها منه: نوح لاء متعملش كدا
نوح بكل قهره ووجعه فضل يمزع في اللوحه وكارمن تشدها منها لدرجه ايدها اتفتحت وبقت تنزل دم
نوح بعدها عنه واخد اللوحه والبوكيه ونازل يجري ع تحت
كارمن بتجري وراه وبتشده من ضهره برجاء: ابوس ايدك متعملش فينا كدا
نوح زقها: اوعي انا هرميها لانها مالهاش قيمه
كارمن: انت بتكدب ومش مصدقاك
نوح: انتي مش مصدقاني طيب شوفي بنفسك
كارمن بصراخ: نوح لاء نوح
نوح طوح البوكيه علارض واخد اللوحه منها وفلقها في كرسي نصين وفضل يقطع فيها بكل قوته برغم قلبه مولع محروق
كارمن بتصرخ وهي قاعده علارض لانها مدبوحه منه: لاء يا نوح متعملش فيا كدا
نوح شق اللوحه نصين وفضل يهبد بيها علارض ورجع داس ع البوكيه بثورة جنونية
كارمن اخدت البوكيه من تحت رجله: خلاص كفاااااايه كفااااااايه
نوح اخد اللوحه يكمل تقطيع فيها
كارمن ببكاء بحرقه:خلاص كفايه حرام عليك
ومسكته وفضلت تضربه ع صدره بقسوه
نوح : صدقتيني دلوقت ان ولا ليكي اهميه في حياتي لو عايزاهم خديهم بس متجيش هنا تاني
كارمن فضلت تزوم بصوت غريب ودخلت في مرحله انهيار تام كان جسمها ينتفض وبصاله وعيونها كلها دموع كأنه نهايتها انكتبت ع ايده نوح نزلت دموعه عليها وسابها ودخل غرفته وفضل يخبط دماغه في الحيطه وقعد علارض بضعف يبكي بحرقه
اما كارمن فضلت تسحف وتلم في قصاقيص الوحه ومتجاهله نزيف ايدها
لحد ما جه ابهم وقرب منها وضمها لحضنه وكارمن فضلت تبكي وتشهق جوه حضنه